PQ-4056-сон 10.12.2018. Inson huquqlari boʻyicha Oʻzbekiston Respublikasi Milliy markazi faoliyatini takomillashtirish toʻgʻrisida

O‘zbekiston Respublikasi Prezidentining

Qarori

Inson huquqlari bo‘yicha O‘zbekiston Respublikasi Milliy markazi faoliyatini takomillashtirish to‘g‘risida

So‘nggi yillarda mamlakatimizda inson huquqlari sohasidagi O‘zbekiston Respublikasining xalqaro majburiyatlari bajarilishini ta’minlash bo‘yicha kompleks choralar qabul qilindi.

Fuqarolarning huquq va erkinliklariga rioya etilishini monitoring qilishning ta’sirchan mexanizmlari ishlab chiqildi, inson huquqlarini himoya qilish sohasidagi xalqaro va mintaqaviy tuzilmalar bilan hamkorlikni rivojlantirish bo‘yicha izchil chora-tadbirlar amalga oshirildi.

Shu bilan birga mamlakatda amalga oshirilayotgan keng ko‘lamli islohotlar inson huquq va erkinliklarini ta’minlash mexanizmlarini yanada takomillashtirish, inson huquqlarini himoya qilish sohasidagi xalqaro norma va standartlarni samarali amalga oshirish zaruratini tug‘dirmoqda.

Inson huquqlari bo‘yicha O‘zbekiston Respublikasi Milliy markazi faoliyati samaradorligini oshirish, inson huquqlari sohasidagi O‘zbekiston Respublikasining xalqaro majburiyatlarini bajarishning ta’sirchan tizimini yaratish maqsadida, shuningdek, 2017 — 2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi vazifalariga muvofiq:

1. Belgilansinki:

Inson huquqlari bo‘yicha O‘zbekiston Respublikasi Milliy markazi (keyingi o‘rinlarda — Markaz) inson huquqlari sohasidagi O‘zbekiston Respublikasining xalqaro majburiyatlarini bajarish bo‘yicha davlat organlari va boshqa tashkilotlarning o‘zaro hamkorligini, milliy ma’ruzalar tayyorlanishini, inson huquqlarini himoya qilish bo‘yicha xalqaro tashkilotlar bilan hamkorlikni kengaytirishni ta’minlovchi davlat organi hisoblanadi;

Markaz o‘z vakolatlarini barcha davlat organlari va tashkilotlar, ularning mansabdor shaxslaridan mustaqil ravishda amalga oshiradi;

Markaz har yili O‘zbekiston Respublikasi Prezidenti, O‘zbekiston Respublikasi Oliy Majlisi palatalari, O‘zbekiston Respublikasi Vazirlar Mahkamasiga inson huquqlari sohasidagi O‘zbekiston Respublikasining xalqaro majburiyatlariga rioya etilishi holati to‘g‘risida axborot taqdim etadi;

Markaz davlat organlari, fuqarolik jamiyati institutlari, ta’lim, ilmiy-tadqiqot va boshqa tashkilotlarning faoliyatiga inson huquqlari sohasidagi O‘zbekiston Respublikasining xalqaro majburiyatlarini bajarish masalalari bo‘yicha ko‘maklashadi;

Markaz O‘zbekiston Respublikasi Davlat budjeti mablag‘lari, xalqaro tashkilotlar va boshqa institutlar, xorijiy tashkilotlarning grantlari hamda qonun hujjatlarida taqiqlanmagan boshqa manbalar hisobidan moliyalashtiriladi.

2. Quyidagilar Markazning asosiy vazifalari etib belgilansin:

inson huquqlari sohasidagi davlat siyosatining samarali amalga oshirilishiga, ushbu sohadagi O‘zbekiston Respublikasi xalqaro majburiyatlarining bajarilishi bo‘yicha davlat organlari faoliyatiga ko‘maklashish;

inson huquqlari va erkinliklariga rioya qilish holatini o‘rganish, tahlil qilish va umumlashtirish, inson huquqlarini himoya qilish bo‘yicha xalqaro va mintaqaviy tuzilmalarning tavsiyalari bajarilishini monitoring qilish;

O‘zbekiston Respublikasida inson huquqlariga rioya etish va ularni himoya qilish bo‘yicha milliy ma’ruzalar tayyorlash, inson huquqlarini himoya qilish bo‘yicha xalqaro va mintaqaviy tuzilmalarning tavsiyalarini amalga oshirish bo‘yicha milliy harakat rejalarini (“yo‘l xaritalari”ni) ishlab chiqish;

normativ-huquqiy hujjatlarni takomillashtirish, inson huquqlari sohasidagi O‘zbekiston Respublikasining xalqaro shartnomalarini milliy qonunchilikka va huquqni qo‘llash amaliyotiga implementatsiya qilishni ta’minlash bo‘yicha takliflar tayyorlash;

inson huquqlarini himoya qilish va amalga oshirish masalalari bo‘yicha davlat organlari, fuqarolik jamiyati institutlari va boshqa tashkilotlarga maslahat berish funksiyasini amalga oshirish va ularga amaliy ko‘maklashish;

inson huquqlari sohasida aholining huquqiy savodxonligini oshirishga ko‘maklashish, inson huquqlariga rioya qilish masalalari bo‘yicha ilmiy tadqiqotlarni tashkil etish va o‘tkazish, shuningdek, noshirlik faoliyatini amalga oshirish;

inson huquqlari sohasida xalqaro va mintaqaviy tashkilotlar hamda tuzilmalar, xorijiy mamlakatlar milliy institutlari bilan hamkorlikni amalga oshirish;

Oldingi tahrirga qarang.

inson huquqlari sohasida ilmiy-huquqiy bazani tizimlashtirish, o‘quv, ilmiy-uslubiy va ommabop nashrlar hamda xalqaro shartnomalarning davlat tilidagi to‘plamlari doimiy chop etilishini ta’minlash;

inson huquqlarini ta’minlash sohasida amalga oshirilayotgan islohotlarning xronologiyasini yuritish, fuqarolar va ilmiy tadqiqotchilarga inson huquqlari bo‘yicha tizimlashgan ilmiy-huquqiy manbalardan foydalanish uchun keng imkoniyatlar yaratish.

(2-band O‘zbekiston Respublikasi Prezidentining 2022-yil 25-martdagi PQ-180-sonli qaroriga asosan xatboshilar bilan to‘ldirilgan — Qonunchilik ma’lumotlari milliy bazasi, 25.03.2022-y., 07/22/180/0240-son)

3. Inson huquqlari sohasidagi O‘zbekiston Respublikasining xalqaro majburiyatlarini bajarishda faol va bevosita ishtirok etish, idoralararo hamkorlik qilish inson huquqlarini himoya qilish sohasida davlat organlari, shu jumladan sudlar va huquqni muhofaza qiluvchi tuzilmalar faoliyatining eng muhim yo‘nalishlaridan biri etib belgilansin.

4. Inson huquqlari sohasida O‘zbekiston Respublikasining xalqaro majburiyatlarini bajarishga aloqador vazirliklar, idoralar, boshqa davlat organlari Markaz bilan doimiy hamkorlik qilish, uning so‘roviga ko‘ra inson huquqlari sohasida tegishli axborot va statistik ma’lumotlarni taqdim etish uchun mas’ul tuzilmalar va mansabdor shaxslarni belgilasin.

5. O‘zbekiston Respublikasi Oliy Majlisi Qonunchilik palatasi va Senatiga:

inson huquqlari sohasidagi O‘zbekiston Respublikasining xalqaro majburiyatlarini bajarish bo‘yicha milliy ma’ruzalar loyihalarining muhokamalarini o‘zlarining qo‘mita va komissiyalarida o‘tkazish;

inson huquqlari sohasidagi O‘zbekiston Respublikasining xalqaro majburiyatlarini bajarish bo‘yicha milliy ma’ruzalarni Birlashgan Millatlar Tashkilotining ustav va shartnomaviy organlarida ko‘rib chiqish yakunlarini zaruratga qarab eshitish;

inson huquqlarini himoya qilish bo‘yicha xalqaro va mintaqaviy tuzilmalarning tavsiyalarini amalga oshirish bo‘yicha milliy harakat rejalarini (“yo‘l xaritalari”ni) tasdiqlash tavsiya qilinsin.

Shunday tartib o‘rnatilsinki, unga muvofiq fuqarolarning huquqlari va erkinliklariga rioya qilish va ularni cheklash masalalari bo‘yicha qonun loyihalari Markaz bilan majburiy ravishda kelishiladi.

6. Markaz O‘zbekiston Respublikasi Tashqi ishlar vazirligi bilan birgalikda xorijiy mamlakatlarning inson huquqlari bo‘yicha milliy institutlari va boshqa tashkilotlar bilan memorandumlar, o‘zaro anglashuv va hamkorlik to‘g‘risida bitimlar tuzish, qo‘shma dastur va loyihalarni amalga oshirish, shuningdek, inson huquqlari masalalari bo‘yicha xalqaro forumlarda muntazam ishtirok etishni nazarda tutuvchi Markazning xalqaro hamkorligini rivojlantirish chora-tadbirlari rejasini ishlab chiqsin.

7. Quyidagilar:

Oldingi tahrirga qarang.

boshqaruv xodimlarining umumiy cheklangan soni 41 nafar kishidan iborat Inson huquqlari bo‘yicha O‘zbekiston Respublikasi Milliy markazining yangilangan tashkiliy tuzilmasi 1-ilovaga muvofiq;

(7-bandning ikkinchi xatboshisi O‘zbekiston Respublikasi Prezidentining 2022-yil 25-martdagi PQ-180-sonli qarori tahririda — Qonunchilik ma’lumotlari milliy bazasi, 25.03.2022-y., 07/22/180/0240-son)

Inson huquqlari bo‘yicha O‘zbekiston Respublikasi Milliy markazi to‘g‘risidagi nizom 2-ilovaga muvofiq;

Markaz xodimlarining mehnatiga Yagona tarif setkasi bo‘yicha haq to‘lash razryadlari 3-ilovaga muvofiq;

Inson huquqlari bo‘yicha O‘zbekiston Respublikasi Milliy markazi faoliyatini takomillashtirish bo‘yicha kompleks chora-tadbirlar 4-ilovaga muvofiq tasdiqlansin.

8. Belgilansinki:

Markazni O‘zbekiston Respublikasi Prezidenti tomonidan lavozimga tayinlanadigan va lavozimidan ozod etiladigan direktor boshqaradi;

Markaz direktori uning taqdimiga ko‘ra O‘zbekiston Respublikasi Prezidenti tomonidan lavozimga tayinlanadigan va lavozimidan ozod etiladigan ikkita o‘rinbosarga, shu jumladan bir nafar birinchi o‘rinbosarga ega;

Markaz direktori maqomi, tibbiy va transport ta’minoti sharoitlari bo‘yicha vazirga, direktorning birinchi o‘rinbosari vazirning birinchi o‘rinbosariga, direktor o‘rinbosari vazirning o‘rinbosariga tenglashtiriladi;

Oldingi tahrirga qarang.

Markaz xodimlariga O‘zbekiston Respublikasi adliya organlari va muassasalari xodimlari uchun nazarda tutilgan maxsus unvon — martaba darajalari beriladi hamda martaba darajalari uchun ustama to‘lanadi;

(8-bandning beshinchi xatboshisi O‘zbekiston Respublikasi Prezidentining 2022-yil 25-martdagi PQ-180-sonli qarori tahririda — Qonunchilik ma’lumotlari milliy bazasi, 25.03.2022-y., 07/22/180/0240-son)

Oldingi tahrirga qarang.

Yagona tarif setkasi bo‘yicha mehnatga haq to‘lashning tasdiqlangan razryadlariga ko‘ra Markaz xodimlari lavozim maoshini aniqlashda tarif koeffitsiyentlari 2 baravar ko‘paytirilgan miqdorda qo‘llaniladi.

(8-bandning oltinchi xatboshisi O‘zbekiston Respublikasi Prezidentining 2022-yil 25-martdagi PQ-180-sonli qarori tahririda — Qonunchilik ma’lumotlari milliy bazasi, 25.03.2022-y., 07/22/180/0240-son)

9. Markaz direktoriga:

zarur hollarda, Markaz tuzilmasiga boshqaruv xodimlarining umumiy belgilangan soni doirasida o‘zgartirish kiritish;

Oldingi tahrirga qarang.

belgilangan mehnatga haq to‘lash fondidan tejab qolingan mablag‘larni, shuningdek, tasdiqlangan shtatlar jadvalida nazarda tutilgan birliklar to‘ldirilmaganligi sababli bo‘shab qolgan mablag‘larni Markaz xodimlarini moddiy rag‘batlantirish uchun sarflash;

(9-band O‘zbekiston Respublikasi Prezidentining 2022-yil 25-martdagi PQ-180-sonli qaroriga asosan uchinchi xatboshi bilan to‘ldirilgan — Qonunchilik ma’lumotlari milliy bazasi, 25.03.2022-y., 07/22/180/0240-son)

Markaz zimmasiga yuklangan vazifalar ijrosini ta’minlash doirasida maslahatchi sifatida davlat organlari va boshqa tashkilotlarning, ilmiy-tadqiqot muassasalarining yuqori malakali mutaxassislarini, shuningdek, belgilangan tartibda xalqaro va xorijiy tashkilotlar ekspertlarini jalb etish huquqi berilsin.

10. O‘zbekiston Respublikasi Moliya vazirligi:

respublika budjetidan Markaz xodimlari lavozim maoshi miqdorining oshishi, ularga ustama va qo‘shimcha haqlar to‘lash bilan bog‘liq xarajatlarni moliyalashtirish uchun zarur miqdorda mablag‘ ajratsin;

2019-yildan boshlab O‘zbekiston Respublikasi Davlat budjeti parametrlarida Markaz xodimlarining ish haqi fondini oshirilgan miqdorda moliyalashtirish uchun zarur mablag‘larni nazarda tutsin;

Markazga asoslangan hisob-kitoblarga ko‘ra moddiy-texnik bazasini shakllantirishga zarur bo‘lgan asbob-uskunalar va axborot-kommunikatsiya texnologiyalarini sotib olish hamda ma’muriy binoni ta’mirlash uchun mablag‘lar ajratilishini ta’minlasin;

Markazga xizmat ko‘rsatish uchun uchta shaxsan biriktirilgan va bitta navbatchi avtomobilni ta’minlab turish uchun zarur limitlar ajratsin.

11. Markaz Toshkent shahar, Islom Karimov ko‘chasi, 15-uyga bepul foydalanish huquqi asosida joylashtirilsin.

12. O‘zbekiston Respublikasi Axborot texnologiyalari va kommunikatsiyalarini rivojlantirish vazirligi belgilangan tartibda Markazni aloqaning zarur vositalari, shu jumladan hukumat aloqasi bilan hamda butunjahon Internet axborot tarmog‘idan keng polosali foydalanishni ta’minlashga ko‘maklashsin, shuningdek, xorijiy ekspertlarni jalb qilgan holda videokonferensiyalar, internet-forumlar va teleko‘priklar o‘tkazishda zarur texnik yordam ko‘rsatsin.

13. Markaz:

Oldingi tahrirga qarang.

O‘zbekiston Respublikasi Milliy statistika qo‘mitasi, Kambag‘allikni qisqartirish va bandlik vazirligi, Ichki ishlar vazirligi, Bosh prokuraturasi, Oliy sudining statistik axborotlari majburiy jo‘natmalar reyestriga;

(13-bandning ikkinchi xatboshisi O‘zbekiston Respublikasi Prezidentining 2025-yil 24-fevraldagi PF-27-sonli Farmoni tahririda — Qonunchilik ma’lumotlari milliy bazasi, 01.03.2025-y., 06/25/27/0196-son)

Oldingi tahrirga qarang.

Rahbarlari xodimlarni Toshkent shahri va Toshkent viloyatida doimiy yashash joyi bo‘yicha ro‘yxatga olish to‘g‘risida iltimosnoma kiritishi mumkin bo‘lgan davlat hokimiyati organlari, davlat va xo‘jalik boshqaruvi organlari, respublika ahamiyatiga molik boshqa davlat tashkilotlari ro‘yxatiga kiritilsin.

(13-bandning uchinchi xatboshisi O‘zbekiston Respublikasi Prezidentining 2021-yil 26-yanvardagi PF-6146-sonli Farmoni tahririda — Qonun hujjatlari ma’lumotlari milliy bazasi, 27.01.2021-y., 06/21/6146/0065-son)

14. Markaz O‘zbekiston Respublikasi Adliya vazirligi, boshqa manfaatdor vazirlik va idoralar bilan birgalikda bir oy muddatda:

qonun hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida O‘zbekiston Respublikasi Vazirlar Mahkamasiga takliflar kiritsin;

o‘zlari qabul qilgan idoraviy normativ-huquqiy hujjatlarni ushbu qarorga muvofiqlashtirsin.

15. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov, O‘zbekiston Respublikasi Prezidenti Administratsiyasi rahbari Z.Sh. Nizomiddinov va O‘zbekiston Respublikasi Prezidenti maslahatchisining birinchi o‘rinbosari B.M. Mavlonov zimmasiga yuklansin.

O‘zbekiston Respublikasi Prezidenti Sh. MIRZIYOYEV

Toshkent sh.,

2018-yil 10-dekabr,

PQ-4056-son

O‘zbekiston Respublikasi Prezidentining 2018-yil 10-dekabrdagi PQ-4056-son qaroriga
1-ILOVA

Oldingi tahrirga qarang.

Inson huquqlari bo‘yicha O‘zbekiston Respublikasi Milliy markazining

TASHKILIY TUZILMASI

Direktor

Yordamchi

Direktorning birinchi o‘rinbosari

Direktor o‘rinbosari

Inson huquqlari sohasidagi tahlil va tadqiqotlar bo‘limi

Inson huquqlari bo‘yicha xalqaro hamkorlik bo‘limi

Inson huquqlari sohasidagi xalqaro shartnomalarni implementatsiya qilish bo‘limi

Jismoniy va yuridik shaxslarning murojaatlari bilan ishlash bo‘limi

Bosh yuriskonsult

Matbuot xizmati

Inson huquqlari sohasidagi ta’lim va ma’rifat bo‘limi

Tahririyat-nashriyot bo‘limi

“Demokratlashtirish va inson huquqlari” jurnali tahririyati

Umumiy bo‘lim

Hisob-kitob bo‘limi

Axborot-resurs multimedia bo‘limi

Inson huquqlari bo‘yicha axborot-kutubxona markazi — “Inson huquqlari uyi”

Boshqaruv xodimlarining cheklangan soni — 41 nafar.

Izoh: texnik va xizmat ko‘rsatuvchi xodimlarning soni me’yorlar bo‘yicha belgilanadi.

(1-ilovaning matni O‘zbekiston Respublikasi Prezidentining 2022-yil 25-martdagi PQ-180-sonli qarori tahririda — Qonunchilik ma’lumotlari milliy bazasi, 25.03.2022-y., 07/22/180/0240-son)

O‘zbekiston Respublikasi Prezidentining 2018-yil 10-dekabrdagi PQ-4056-son qaroriga
2-ILOVA

Inson huquqlari bo‘yicha O‘zbekiston Respublikasi Milliy markazi to‘g‘risida

NIZOM

1-bob. Umumiy qoidalar

1. Ushbu Nizom Inson huquqlari bo‘yicha O‘zbekiston Respublikasi Milliy markazining (keyingi o‘rinlarda — Markaz) asosiy vazifalari, funksiyalari, huquq va majburiyatlari, faoliyatini tashkil etish tartibini belgilaydi.

2. Markaz inson huquqlari sohasidagi O‘zbekiston Respublikasining xalqaro majburiyatlarini bajarish bo‘yicha davlat organlari va boshqa tashkilotlarning o‘zaro hamkorligini, milliy ma’ruzalar tayyorlanishini, inson huquqlarini himoya qilish bo‘yicha xalqaro tashkilotlar bilan hamkorlikni kengaytirishni ta’minlovchi davlat organi hisoblanadi.

3. Markaz o‘z faoliyatida O‘zbekiston Respublikasi Konstitutsiyasi va qonunlariga, O‘zbekiston Respublikasi Oliy Majlisi palatalarining qarorlari, O‘zbekiston Respublikasi Prezidentining farmon va qarorlariga, O‘zbekiston Respublikasining xalqaro shartnomalariga, shuningdek, mazkur Nizomga hamda boshqa qonun hujjatlariga amal qiladi.

4. Markaz o‘z vakolatlarini barcha davlat organlari va tashkilotlar, ularning mansabdor shaxslaridan mustaqil ravishda amalga oshiradi.

5. Markaz har yili O‘zbekiston Respublikasi Prezidenti, O‘zbekiston Respublikasi Oliy Majlisi palatalari, O‘zbekiston Respublikasi Vazirlar Mahkamasiga inson huquqlari sohasidagi O‘zbekiston Respublikasining xalqaro majburiyatlariga rioya etilishi holati to‘g‘risida axborot taqdim etadi.

6. Markaz davlat organlari, fuqarolik jamiyati institutlari, ta’lim, ilmiy-tadqiqot va boshqa tashkilotlarning faoliyatiga inson huquqlari sohasidagi O‘zbekiston Respublikasining xalqaro majburiyatlarini bajarish masalalari bo‘yicha ko‘maklashadi.

7. Markaz O‘zbekiston Respublikasi Davlat budjeti mablag‘lari, xalqaro tashkilotlar va boshqa institutlar, xorijiy tashkilotlarning grantlari hamda qonun hujjatlarida taqiqlanmagan boshqa manbalar hisobidan moliyalashtiriladi.

8. Markazning rasmiy nomi:

a) davlat tilida:

to‘liq — Inson huquqlari bo‘yicha O‘zbekiston Respublikasi Milliy markazi, qisqartirilgani — Inson huquqlari bo‘yicha Milliy markaz;

b) rus tilida:

to‘liq — Natsionalniy sentr Respubliki Uzbekistan po pravam cheloveka, qisqartirilgani — Natsionalniy sentr po pravam cheloveka;

v) ingliz tilida:

to‘liq — National Centre of the Republic of Uzbekistan for Human Rights, qisqartirilgani — National Centre for Human Rights.

9. Markaz yuridik shaxs hisoblanib, O‘zbekiston Respublikasi Davlat gerbi tasviri tushirilgan, o‘z nomi yozilgan muhrga, mustaqil balansga, O‘zbekiston Respublikasi Moliya vazirligining G‘aznachiligida g‘azna hisob raqamlariga, milliy va xorijiy valyutadagi hisob raqamlariga ega bo‘ladi.

2-bob. Markazning asosiy vazifalari va funksiyalari

10. Quyidagilar Markazning asosiy vazifalari hisoblanadi:

inson huquqlari sohasida aholi huquqiy savodxonligini oshirishga ko‘maklashish, inson huquqlariga rioya qilish masalalari bo‘yicha ilmiy tadqiqotlarni tashkil etish va o‘tkazish, shuningdek, noshirlik faoliyatini amalga oshirish;

inson huquqlari sohasida xalqaro va mintaqaviy tashkilotlar hamda tuzilmalar, xorijiy mamlakatlar milliy institutlari bilan hamkorlikni amalga oshirish.

11. Markaz o‘ziga yuklatilgan vazifalarga muvofiq quyidagi funksiyalarni amalga oshiradi:

a) inson huquqlari sohasidagi davlat siyosatining samarali amalga oshirilishiga, ushbu sohadagi O‘zbekiston Respublikasi xalqaro majburiyatlarining bajarilishi bo‘yicha davlat organlari faoliyatiga ko‘maklashish sohasida:

inson huquq va erkinliklarini himoya qilish sohasida davlat siyosatini samarali amalga oshirish bo‘yicha takliflar ishlab chiqadi;

xalqaro tashkilotlar, shuningdek, xorijiy davlatlarning inson huquqlari to‘g‘risidagi hisobotlarida taqdim etilgan ma’lumotlarga sharhlar tayyorlaydi;

inson huquq va erkinliklarini rag‘batlantirish va himoya qilish, shuningdek, inson huquqlari sohasidagi xalqaro majburiyatlarni bajarish mexanizmlarini yanada takomillashtirish bo‘yicha davlat organlari, fuqarolik jamiyati institutlari va xalqaro tashkilotlarning takliflarini to‘plash va umumlashtirishni amalga oshiradi;

inson huquqlari sohasidagi O‘zbekiston Respublikasining xalqaro majburiyatlariga rioya qilish masalalari bo‘yicha davlat organlari, fuqarolik jamiyati institutlarining axborotlarini tinglaydi;

inson huquqlarini himoya qilish bo‘yicha xalqaro tuzilmalardan kelib tushadigan individual murojaatlar bo‘yicha tegishli choralar ko‘radi;

inson huquqlari, shuningdek, inson huquqlari bo‘yicha xalqaro shartnomalarni qo‘llash masalalari yuzasidan O‘zbekiston Respublikasining yakdil nuqtai nazarini shakllantirishga ko‘maklashadi;

b) inson huquqlari va erkinliklariga rioya qilish holatini o‘rganish, tahlil qilish va umumlashtirish, inson huquqlarini himoya qilish bo‘yicha xalqaro va mintaqaviy tuzilmalarning tavsiyalari bajarilishini monitoring qilish sohasida:

inson huquqlarini himoya qilish bo‘yicha xalqaro va mintaqaviy tuzilmalarning tavsiyalarini davlat organlari tomonidan bajarilishi masalalari bo‘yicha ma’lumot to‘plashni amalga oshiradi;

inson huquqlari sohasidagi qonunchilikka, shuningdek, inson huquqlari sohasidagi O‘zbekiston Respublikasining xalqaro shartnomalari qoidalariga davlat organlarining rioya qilish holatini tizimli tahlil qiladi va umumlashtiradi;

inson huquqlarini himoya qilish bo‘yicha xalqaro tuzilmalar tavsiyalarini, shuningdek, tegishli davlat organlari va tashkilotlarning inson huquqlari sohasidagi xalqaro majburiyatlarni bajarishning, shu jumladan ma’lumotlar bazasidan foydalanish orqali milliy harakat rejalarini amalga oshirish bo‘yicha yaxlit uslubiyotni ishlab chiqadi va monitoringini amalga oshiradi;

inson huquqlarini himoya qilish bo‘yicha xalqaro tashkilotlar tavsiyalarini bajarish bo‘yicha davlat organlari faoliyati samaradorligini baholaydi;

inson huquqlarini himoya qilish bo‘yicha xalqaro tuzilmalardan kelib tushadigan individual murojaatlarni davlat organlari tomonidan ko‘rib chiqishning tizimli monitoringini amalga oshiradi;

jismoniy shaxslar va yuridik shaxslarning vakillarini qabul qiladi, ularning murojaatlarini ko‘rib chiqadi, shuningdek, ularning hal qilinishi monitoringi va tahlilini o‘tkazishni amalga oshiradi;

v) O‘zbekiston Respublikasida inson huquqlariga rioya etish va ularni himoya qilish bo‘yicha milliy ma’ruzalar tayyorlash, inson huquqlarini himoya qilish bo‘yicha xalqaro va mintaqaviy tuzilmalarning tavsiyalarini amalga oshirish bo‘yicha milliy harakat rejalarini (“yo‘l xaritalari”ni) ishlab chiqish sohasida:

O‘zbekiston Respublikasida inson huquqlari ta’minlanishi holati to‘g‘risidagi hisobotlarni har yili chop etadi;

milliy ma’ruzalar tayyorlash jarayonlarini standartlashtirish, davlat organlari va fuqarolik jamiyati institutlarining axborot va ma’lumotlarini yig‘ishni muvofiqlashtirish bo‘yicha choralar ko‘radi;

inson huquqlari sohasida xalqaro majburiyatlarni bajarish bo‘yicha O‘zbekiston Respublikasining milliy ma’ruzalarini tayyorlash va taqdim etish jarayoniga inson huquqlari ko‘rsatkichlarini moslashtirish va tatbiq qilish bo‘yicha choralar ko‘radi;

davlat organlari va fuqarolik jamiyati institutlari tomonidan taqdim etiladigan ma’lumotlar asosida BMTning ustav va shartnomaviy organlari uchun O‘zbekiston Respublikasining asosiy, milliy va davriy ma’ruzalarini o‘z vaqtida va sifatli tayyorlashni ta’minlaydi;

BMTning ustav va shartnomaviy organlari tavsiyalarini bajarish to‘g‘risida oraliq axborotlar taqdim qiladi;

BMTning ustav va shartnomaviy organlari tavsiyalarini bajarish bo‘yicha O‘zbekiston Respublikasi milliy ma’ruzalari loyihalari muhokamasi yuzasidan davlat organlari va fuqarolik jamiyati institutlari bilan muntazam muvofiqlashtiruvchi kengashlar o‘tkazadi;

davlat organlari, shuningdek, fuqarolik jamiyati institutlari vakillari ishtirokida O‘zbekiston Respublikasi Oliy Majlisi palatalarida inson huquqlari bo‘yicha O‘zbekiston Respublikasi milliy ma’ruzalari loyihalarining muhokamasini o‘z vaqtida o‘tkazishni ta’minlaydi;

inson huquqlarini himoya qilish bo‘yicha xalqaro tuzilmalarga O‘zbekiston Respublikasining milliy ma’ruzalarini yuboradi va ularni BMTning ustav va shartnomaviy organlariga taqdim qiladi;

O‘zbekiston Respublikasining tegishli milliy va davriy hisobotlarini ko‘rib chiqish yakunlari bo‘yicha BMT ustav va shartnomaviy organlarining yakuniy taklif va tavsiyalarini ko‘rib chiqadi;

O‘zbekiston Respublikasining inson huquqlari bo‘yicha milliy ma’ruzalarini ko‘rib chiqish yakunlari bo‘yicha BMT ustav va shartnomaviy organlarining yakuniy taklif va tavsiyalarini davlat tiliga tarjima qilish va manfaatdor davlat organlari va fuqarolik jamiyati institutlariga o‘z vaqtida jo‘natishni ta’minlaydi;

inson huquqlarini himoya qilish bo‘yicha xalqaro va mintaqaviy tuzilmalarning yakuniy taklif va tavsiyalarini ko‘rib chiqish va bajarish bo‘yicha davlat organlari va fuqarolik jamiyati institutlari faoliyatini metodik boshqarishni hamda ularning samarali hamkorligini ta’minlaydi;

manfaatdor davlat organlari, fuqarolik jamiyati institutlari, shuningdek, xalqaro va xorijiy tashkilotlar bilan milliy harakat rejalarini (“yo‘l xaritalari”ni) ishlab chiqish bo‘yicha maslahatlashuv o‘tkazadi;

BMTning ustav va shartnomaviy organlarining yakuniy taklif va tavsiyalarini bajarish bo‘yicha milliy harakat rejalarini (“yo‘l xaritalari”ni) ishlab chiqadi va O‘zbekiston Respublikasi Oliy Majlisi palatalariga tasdiqlash uchun taqdim qiladi;

O‘zbekiston Respublikasining tegishli davriy hisobotlarini ko‘rib chiqish yakunlari bo‘yicha BMTning ustav va shartnomaviy organlarining yakuniy taklif va tavsiyalarini bajarish bo‘yicha tasdiqlangan milliy harakat rejalari (“yo‘l xaritalari”) mas’ul ijrochilarga yetkazilishini ta’minlaydi;

BMTning ustav va shartnomaviy organlarining yakuniy taklif va tavsiyalarini bajarish bo‘yicha milliy harakat rejalari ijrosi masalalari yuzasidan davlat organlari va fuqarolik jamiyati institutlari uchun metodik tavsiyalar tayyorlaydi;

inson huquq va erkinliklariga rioya qilish va ularni himoya qilishni ta’minlash sohasidagi ilg‘or o‘zgarishlarni tavsiflovchi inson huquqlari bo‘yicha axborot-tahlil va statistik ma’lumotlarning yagona bazasini shakllantiradi;

inson huquqlarini himoya qilish bo‘yicha xalqaro va mintaqaviy tuzilmalar tavsiyalarining yagona ma’lumotlar bazasini ishlab chiqadi va uning ishlashini ta’minlaydi;

ommaviy axborot vositalari, shu jumladan, Internet xalqaro axborot tarmog‘ida O‘zbekiston Respublikasida inson huquq va erkinliklarining ta’minlanishi holati haqidagi xolis axborotning chop etilishini tashkillashtiradi;

g) normativ-huquqiy hujjatlarni takomillashtirish, inson huquqlari sohasidagi O‘zbekiston Respublikasining xalqaro shartnomalarini milliy qonunchilikka va huquqni qo‘llash amaliyotiga implementatsiya qilishni ta’minlash bo‘yicha takliflar tayyorlash sohasida;

inson huquqlari sohasidagi normativ-huquqiy hujjatlarning doimiy tahlilini amalga oshiradi va inson huquqlari bo‘yicha xalqaro va mintaqaviy tuzilmalarning xalqaro standart va tavsiyalarini, shuningdek, ilg‘or xorijiy tajribani inobatga olgan holda inson huquqlari sohasidagi qonunchilikni yanada takomillashtirish bo‘yicha takliflar tayyorlaydi;

inson huquqlari sohasidagi xalqaro shartnomalarning milliy qonunchilikka va huquqni qo‘llash amaliyotiga implementatsiya qilinishini ta’minlash choralarini ishlab chiqadi;

inson huquqlari bo‘yicha xalqaro shartnomalarni ratifikatsiya qilish va tegishli davlat organlari tomonidan ularning amaliy ijrosi bo‘yicha takliflar tayyorlaydi;

inson huquqlari va erkinliklari masalalari bo‘yicha qonun loyihalarining ishlab chiqilishi va muhokamasida ishtirok etadi;

inson huquqlari masalalari bo‘yicha qonun loyihalarini tayyorlash tashabbuslari bilan chiqadi va ularning davlat organlari va fuqarolik jamiyati institutlari bilan keng muhokamasini o‘tkazadi, shuningdek, ularni qonunchilik tashabbusi huquqi subyektlariga kiritadi;

d) inson huquqlarini himoya qilish va amalga oshirish masalalari bo‘yicha davlat organlari, fuqarolik jamiyati institutlari va boshqa tashkilotlarga maslahat berish funksiyasini amalga oshirish va ularga amaliy ko‘maklashish sohasida:

inson huquqlari sohasidagi O‘zbekiston Respublikasining xalqaro majburiyatlari borasida davlat organlari xodimlarining salohiyatini oshirish bo‘yicha choralar ko‘radi;

inson huquqlariga rioya etish va ularni himoya qilish sohasida davlat organlari faoliyatini takomillashtirish bo‘yicha tavsiyalar ishlab chiqadi;

inson huquqlari sohasidagi O‘zbekiston Respublikasining xalqaro majburiyatlari bajarilishiga to‘sqinlik qiluvchi sabab va sharoitlarni aniqlash va bartaraf etish ishlari samaradorligini oshirishga yo‘naltirilgan tadbirlarni tashkil etadi;

inson huquqlari sohasidagi O‘zbekiston Respublikasining xalqaro majburiyatlari bajarilishi ustidan jamoatchilik nazoratini amalga oshirishda ko‘maklashadi;

e) inson huquqlari sohasida aholi huquqiy savodxonligini oshirishga ko‘maklashish, inson huquqlariga rioya qilish masalalari bo‘yicha ilmiy tadqiqotlarni tashkil etish va o‘tkazish, shuningdek, noshirlik faoliyatini amalga oshirish sohasida:

inson huquqlari va erkinliklari masalalari bo‘yicha ma’rifat va ta’lim tizimini takomillashtirishga yordam ko‘rsatib, jamiyatda inson huquqlari madaniyatini shakllantirishga yo‘naltirilgan milliy dasturlar va harakat rejalarini ishlab chiqadi;

inson huquqlari bo‘yicha adabiyotlar, teleko‘rsatuv va radioeshittirishlar tayyorlaydi va taqdim qiladi;

inson huquqlari masalalari bo‘yicha davlat organlari xodimlarini o‘qitish va ularning malakasini oshirishning samarali mexanizmlarini va tartibini shakllantiradi;

BMTning ustav va shartnomaviy organlariga inson huquqlari sohasida O‘zbekiston Respublikasi milliy ma’ruzalarini, muqobil ma’ruzalarni, inson huquqlari bo‘yicha xalqaro va mintaqaviy tuzilmalar so‘rovlariga javoblarni tayyorlash asoslari yuzasidan davlat organlari va fuqarolik jamiyati institutlari vakillarini o‘qitish bo‘yicha o‘quv kurslarini ishlab chiqadi va olib boradi;

o‘qitishni tashkil etish uchun oliy ta’lim muassasalari o‘qituvchilari, amaliyotchi mutaxassislar, xorijiy mutaxassislarni jalb etadi;

inson huquqlariga rioya etish va ularni himoya qilish masalalari bo‘yicha axborot-ma’rifiy kampaniyalar, seminarlar, treninglar, davra suhbatlari, uchrashuvlar, jamoat maslahatlashuvlarini o‘tkazadi;

inson huquqlariga rioya etish va ularni himoya qilish bo‘yicha ilmiy tadqiqotlar o‘tkazadi, inson huquqlari sohasidagi xalqaro shartnomalarni amalga oshirishda xalqaro va xorijiy tajriba yuzasidan ilmiy-tahliliy materiallarni o‘rganadi va tayyorlaydi;

inson huquqlari masalalari bo‘yicha ilmiy-texnik grant va loyihalarning amalga oshirilishida ishtirok etadi, O‘zbekiston Respublikasining inson huquqlari bo‘yicha xalqaro va mintaqaviy tuzilmalar faoliyatidagi ishtiroki samaradorligini ilmiy tahlil qiladi va baholaydi;

noshirlik faoliyatini olib boradi, “Demokratlashtirish va inson huquqlari” ilmiy-davriy nashrini hamda inson huquqlari bo‘yicha boshqa bosma mahsulotlarni chop etadi;

j) inson huquqlari sohasida xalqaro va mintaqaviy tashkilotlar hamda tuzilmalar, xorijiy mamlakatlar milliy institutlari bilan hamkorlikni amalga oshirish sohasida:

Inson huquqlari bo‘yicha BMT Oliy komissari boshqarmasi, BMT tizimidagi dasturlar, fondlar va ixtisoslashtirilgan muassasalar, Yevropa Ittifoqi, Yevropada xavfsizlik va hamkorlik tashkiloti, Islom hamkorlik tashkiloti va boshqa xalqaro va mintaqaviy tashkilotlar bilan inson huquqlariga rioya qilish, ularni himoya qilish va rag‘batlantirish masalalari bo‘yicha hamkorlik qiladi;

inson huquqlari masalalari bo‘yicha xalqaro va mintaqaviy tadbirlarda O‘zbekiston Respublikasi nomidan ish ko‘radi;

inson huquqlari sohasida O‘zbekiston Respublikasining xalqaro sa’y-harakatlarni faollashtirishga yo‘naltirilgan tashabbuslarini xalqaro tashkilotlarda ilgari surish bo‘yicha choralarni ishlab chiqadi;

inson huquqlari bo‘yicha xalqaro va mintaqaviy tashkilotlar, boshqa nohukumat huquqni muhofaza qilish tashkilotlari ishida qatnashadi;

inson huquqlari bo‘yicha xalqaro va mintaqaviy tuzilmalar bilan xalqaro hamkorlikni mustahkamlashga ko‘maklashadi;

xorijiy mamlakatlarning inson huquqlari bo‘yicha milliy institutlari bilan hamkorlikni amalga oshiradi va hisobot hamda kelgusi harakatlar masalalari bo‘yicha tajriba almashadi;

davlat organlarini inson huquq va erkinliklarining samarali himoyasi borasidagi xalqaro standartlar va ilg‘or amaliyot bilan tanishtirish maqsadida xalqaro va xorijiy ekspertlar ishtirokida xalqaro va (yoki) mintaqaviy tadbirlar tashkil etadi;

inson huquqlari sohasida qonunchilik, ta’lim va ma’rifiy masalalarni takomillashtirish, davlat organlarining huquqni qo‘llash faoliyatiga xalqaro standartlarni joriy etishni tashkillashtirish yuzasidan tajriba almashish bo‘yicha xalqaro va mintaqaviy tashkilotlar bilan hamkorlikda loyihalarni amalga oshirishda ishtirok etadi.

3-bob. Markazning huquqlari va majburiyatlari

1 §. Markazning huquqlari

12. Markaz o‘ziga yuklatilgan vazifa va funksiyalarni bajarishda quyidagi huquqlarga ega:

davlat organlari, ilmiy-tadqiqot, axborot-tahlil muassasalari, boshqa tashkilotlardan Markaz vakolatiga kiruvchi masalalar bo‘yicha axborot, statistik va boshqa material hamda ma’lumotlarni belgilangan tartibda so‘rash va olish;

davlat statistika organlaridan Markaz vakolatiga kiruvchi masalalar bo‘yicha zarur statistik axborotni bepul asosda olish;

o‘z vakolatlarini amalga oshirishda davlat organlari, tashkilotlar va fuqarolik jamiyati institutlari bilan hamkorlik qilish;

Oldingi tahrirga qarang.

inson huquqlari masalalari bo‘yicha O‘zbekiston Respublikasi Oliy Majlisi palatalari, Vazirlar Mahkamasi, Konstitutsiyaviy sudi, Oliy sudi, Bosh prokuraturasi, vazirliklar va idoralar, O‘zbekiston Respublikasi Oliy Majlisining Inson huquqlari bo‘yicha vakili (Ombudsman), O‘zbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish bo‘yicha vakil bilan hamkorlik qilish;

(12-bandning beshinchi xatboshisi O‘zbekiston Respublikasi Prezidentining 2024-yil 25-oktabrdagi PF-168-sonli Farmoni tahririda)

Oldingi tahrirga qarang.

inson huquqlari masalalari bo‘yicha Oliy Majlis palatalari, Oliy Majlis qo‘mita va komissiyalari, Vazirlar Mahkamasi, vazirliklar va idoralar hay’atlari, Oliy sud Plenumi, Konstitutsiyaviy sud, Bosh prokuratura, O‘zbekiston Fanlar akademiyasi Prezidiumi, ilmiy va ta’lim muassasalarining ilmiy kengashlari yig‘ilishlarida ishtirok etish;

(12-bandning oltinchi xatboshisi O‘zbekiston Respublikasi Prezidentining 2024-yil 25-oktabrdagi PF-168-sonli Farmoni tahririda)

inson va fuqaroning huquq va erkinliklarini ta’minlash va himoya qilish muammolari bo‘yicha davlat organlari, tashkilotlar, nodavlat notijorat tashkilotlari o‘tkazadigan yig‘ilishlar, anjumanlar va seminarlarda ishtirok etish uchun o‘z vakillarini yuborish;

jazoni ijro etish muassasalariga, qamoqda saqlash joylariga va maxsus qabulxonalarga moneliksiz kirish;

inson huquqlari sohasidagi O‘zbekiston Respublikasining xalqaro majburiyatlarini bajarish, shuningdek, Markaz vakolatlariga taalluqli masalalar bo‘yicha O‘zbekiston Respublikasi Prezidenti Administratsiyasi, O‘zbekiston Respublikasi Oliy Majlisi palatalari, O‘zbekiston Respublikasi Vazirlar Mahkamasiga belgilangan tartibda takliflar kiritish;

Oldingi tahrirga qarang.

inson huquqlariga rioya etish va ularni himoya qilish sohasida kadrlar malakasini oshirish bo‘yicha o‘quv kurslarini tashkil qilish;

O‘zbekiston Respublikasining Konstitutsiyaviy sudi ko‘rib chiqishi uchun qonunga muvofiq masalalar kiritish;

(12-band O‘zbekiston Respublikasi Prezidentining 2022-yil 25-martdagi PQ-180-sonli qaroriga asosan o‘ninchi va o‘n birinchi xatboshilar bilan to‘ldirilgan — Qonunchilik ma’lumotlari milliy bazasi, 25.03.2022-y., 07/22/180/0240-son)

davlat organlari, huquqni muhofaza qilish tuzilmalari, shu jumladan jazoni ijro etish muassasalari, ilmiy va ta’lim muassasalari hamda boshqa tuzilmalarda inson huquqlarini ta’minlash bo‘yicha faoliyat amaliyotini joylarda bevosita o‘rganish;

inson huquqlarining buzilishi aniqlangan holatlarda vakolatli davlat organlari tomonidan inson huquqlari buzilganligi haqidagi ma’lumotlar tekshiruvini uyushtirish;

inson huquqlari masalalari bo‘yicha ilmiy tadqiqotlarni rivojlantirish va takomillashtirish monitoringini amalga oshirish, ularni takomillashtirish va amaliyotga tatbiq etish shakllari bo‘yicha tavsiyalar taqdim etish;

manfaatdor tashkilotlarga inson huquqlariga rioya etilishini, fuqarolarning buzilgan huquq va erkinliklari tiklanishini ta’minlash bo‘yicha tavsiya berish;

davlat organlari, ilmiy va ta’lim muassasalarining axborot-kutubxona resurslaridan foydalanish;

davlat organlariga fuqarolarning shikoyatlarini ko‘rib chiqish va tahlil qilish, qonunchilik va huquqni qo‘llash amaliyotini monitoring qilish jarayonida aniqlangan qonun buzilishini bartaraf etish, inson huquq va erkinliklarining buzilishiga olib keladigan holatlarni bartaraf etish bo‘yicha chora-tadbirlarni o‘z vaqtida amalga oshirish to‘g‘risida tavsiyalarni ko‘rib chiqish uchun kiritish;

Markaz vakolatiga taalluqli masalalar bo‘yicha xalqaro maydonda O‘zbekiston Respublikasi manfaatlarini ifoda etish;

Markaz vakolatiga taalluqli masalalarni tashkil etish va hal etish uchun davlat organlari va tashkilotlarining yetakchi olimlar va yuqori malakali mutaxassislari orasidan ishchi va ekspert guruhlar tuzish;

inson huquq va erkinliklarini rag‘batlantirish va himoya qilish sohasidagi davlat siyosatini amalga oshirish doirasida inson huquqlari sohasidagi xalqaro standartlarni hisobga olgan holda kompleks chora-tadbirlar va dasturlar ishlab chiqish, shuningdek, ularni belgilangan tartibda tasdiqlash uchun taqdim etish;

inson huquqlarini rag‘batlantirish va himoya qilish masalalarini amalga oshirishga oid davlat buyurtmasiga muvofiq ushbu masalalar bo‘yicha loyihalarni tanlash uchun tanlovlar e’lon qilish va tanlov komissiyalarini tuzish;

davlat organlari va tashkilotlarining mutaxassislari, ilmiy-tadqiqot va axborot-tahliliy muassasalar xodimlari, ta’lim muassasalari olimlari va o‘qituvchilarini milliy ekspertlar sifatida ilmiy va innovatsion tadqiqotlarga jalb etish;

Markaz vakolatiga taalluqli masalalar bo‘yicha “davra suhbatlari”, konferensiya va seminarlar tashkil qilish va o‘tkazish;

xalqaro tashkilotlar, xorijiy davlatlarning inson huquqlari bo‘yicha milliy institutlari bilan inson va fuqarolarning asosiy huquq va erkinliklariga rioya etish bilan bog‘liq masalalar bo‘yicha hamkorlikni amalga oshirish;

noshirlik faoliyatini belgilangan tartibda olib borish, davriy ilmiy-amaliy nashrlar chiqarish;

O‘zbekiston Respublikasi banklarida hisob raqamlar ochish va ular bo‘yicha tegishli operatsiyalarni o‘tkazish;

Markazning moddiy-texnika bazasini va ijtimoiy infratuzilmasini yaxshilash bo‘yicha chora-tadbirlar ko‘rish;

Markaz xodimlarini moddiy rag‘batlantirish tartibi, miqdori va shartlarini belgilash;

qonunda belgilangan tartibda budjet mablag‘laridan, shu jumladan Markaz tomonidan grantlar va qonun hujjatlari bilan taqiqlanmagan boshqa manbalar sifatida olinadigan valyuta mablag‘laridan foydalanish.

Markaz qonun hujjatlariga muvofiq boshqa huquqlarga ham ega bo‘lishi mumkin.

2 §. Markazning majburiyatlari

13. Markaz quyidagilar uchun mas’uldir:

Markazga yuklatilgan vazifalar va funksiyalar sifatli va o‘z vaqtida bajarilishini ta’minlash;

inson huquqlari sohasidagi O‘zbekiston Respublikasining xalqaro majburiyatlarini bajarish bo‘yicha dasturlar, tadbir rejalari, “yo‘l xaritalari” va boshqa hujjatlarni amalga oshirishni tashkil qilish.

4-bob. Markaz tuzilmasi va uning faoliyatini tashkil etish

14. Markazning asosiy tarkibiy bo‘linmalari muayyan muammolarni hal etish uchun tuzilgan bo‘limlar hisoblanadi.

15. Markazni O‘zbekiston Respublikasi Prezidenti tomonidan lavozimga tayinlanadigan va lavozimidan ozod etiladigan direktor boshqaradi.

16. Direktorning birinchi o‘rinbosari va o‘rinbosari Markaz direktori taqdimnomasi asosida O‘zbekiston Respublikasi Prezidenti tomonidan lavozimga tayinlanadi va lavozimidan ozod etiladi.

17. Direktor joyida bo‘lmagan davrda uning vakolatlarini bajarish Direktorning birinchi o‘rinbosari tomonidan, u bo‘lmaganida esa direktorning buyrug‘iga muvofiq boshqa o‘rinbosar tomonidan amalga oshiriladi.

18. Markaz direktori maqomi, tibbiy va transport ta’minoti sharoitlari bo‘yicha vazirga, direktorning birinchi o‘rinbosari vazirning birinchi o‘rinbosariga, direktor o‘rinbosari vazirning o‘rinbosariga tenglashtiriladi.

19. Markaz xodimlari Markaz direktori tomonidan lavozimga tayinlanadi va lavozimdan ozod qilinadi.

20. Markaz direktori, uning birinchi o‘rinbosari va o‘rinbosari, shuningdek, Markaz bo‘limlari boshliqlariga tibbiy xizmat ko‘rsatish O‘zbekiston Respublikasi Prezidenti Administratsiyasi huzuridagi Bosh tibbiy boshqarmasining muassasalarida amalga oshiriladi.

21. Markaz xodimlariga egallagan lavozimlariga muvofiq O‘zbekiston Respublikasi adliya organlari va muassasalari xodimlari uchun qonun hujjatlarida nazarda tutilgan quyidagi eng yuqori maxsus unvonlar — martaba darajalari beriladi:

O‘zbekiston Respublikasi Haqiqiy davlat adliya maslahatchisi — Markaz direktoriga;

1-darajali davlat adliya maslahatchisi — Markaz direktorining birinchi o‘rinbosariga;

2-darajali davlat adliya maslahatchisi — Markaz direktori o‘rinbosariga;

2-darajali adliya maslahatchisi — Markazning bo‘lim boshliqlariga, direktori yordamchisiga, bosh buxgalterga;

3-darajali adliya maslahatchisi — Markazning bosh mutaxassislariga, bosh yuriskonsultiga, kadrlar bo‘yicha bosh inspektoriga, matbuot kotibiga;

1-darajali yurist — Markazning yetakchi mutaxassislariga.

O‘zbekiston Respublikasi Haqiqiy davlat adliya maslahatchisi, 1 va 2-darajali davlat adliya maslahatchilari martaba darajalari O‘zbekiston Respublikasi Prezidenti tomonidan beriladi.

2 va 3-darajali adliya maslahatchilari, shuningdek, 1-darajali yurist martaba darajalari Markaz direktori taqdimnomasi asosida O‘zbekiston Respublikasi adliya vaziri tomonidan beriladi.

Markaz xodimlariga martaba darajalarini berish tartibi O‘zbekiston Respublikasi adliya vaziri va Markaz direktorining qo‘shma buyrug‘i bilan tasdiqlanadi.

LexUZ sharhi

Qarang: Vazirlar Mahkamasining 2011-yil 29-martdagi 93-son qarori bilan tasdiqlangan O‘zbekiston Respublikasi adliya organlari va muassasalari xodimlarining martaba darajalari to‘g‘risidagi nizom.

Oldingi tahrirga qarang.

21¹. Yuqori kasb mahoratiga ega bo‘lgan, Markaz faoliyatining samaradorligini oshirishga hissa qo‘shayotgan xodimlarni rag‘batlantirish maqsadida Adliya organlari va muassasalarini rivojlantirish jamg‘armasi mablag‘lari hisobidan yillik mehnatga haq to‘lash fondining 50 foizi miqdorida Inson huquqlari bo‘yicha O‘zbekiston Respublikasi Milliy markazi xodimlarini moddiy rag‘batlantirish maxsus fondi (keyingi o‘rinlarda — Maxsus fond) tashkil etiladi.

Bunda:

Maxsus fond mablag‘lari Markaz direktorining buyrug‘iga binoan Markazning boshqaruv, texnik va xizmat ko‘rsatuvchi xodimlariga ularning mehnatga haq to‘lash fondining 100 foizigacha bo‘lgan miqdorda har oylik ustamalar belgilash uchun yo‘naltiriladi;

Maxsus fond mablag‘laridan foydalanish tartibi, shuningdek, Markaz xodimlariga har oylik ustamalar belgilash mezonlari Markaz direktori tomonidan belgilanadi.

(21¹-band O‘zbekiston Respublikasi Prezidentining 2022-yil 25-martdagi PQ-180-sonli qaroriga asosan kiritilgan — Qonunchilik ma’lumotlari milliy bazasi, 25.03.2022-y., 07/22/180/0240-son)

Oldingi tahrirga qarang.

22. Markaz xodimlariga martaba darajalari uchun ustama to‘lash O‘zbekiston Respublikasi adliya organlari va muassasalari xodimlari uchun qonun hujjatlarida belgilangan tartibda amalga oshiriladi.

Markaz xodimlari uchun avvalgi ish joyida harbiy va maxsus unvonlar (martaba darajalari, malaka toifalari, diplomatik darajalar va boshqalar) uchun berilgan ustamalar va qo‘shimcha to‘lovlar saqlab qolinadi. Bunda, qonun hujjatlariga asosan xodimning oldingi ish joyi bo‘yicha mazkur Farmonda belgilangan miqdordan yuqoriroq ustamalar va qo‘shimcha to‘lovlar belgilangan taqdirda, ushbu to‘lovlarni to‘lash yuqoriroq miqdor bo‘yicha amalga oshiriladi.

Markazda ishlangan davr harbiy va maxsus unvonlarni (martaba darajalarini, malaka toifalarini, diplomatik darajalarni va boshqalarni) olish uchun zarur bo‘lgan ish stajiga qo‘shiladi.

(22-band O‘zbekiston Respublikasi Prezidentining 2020-yil 22-iyundagi PF-6012-sonli Farmoni tahririda — Qonun hujjatlari ma’lumotlari milliy bazasi, 23.06.2020-y., 06/20/6012/0953-son)

LexUZ sharhi

Qarang: O‘zbekiston Respublikasi Mehnat kodeksining 15-bobi.

23. Markaz xodimlariga:

Oldingi tahrirga qarang.

Markazda amalda bo‘lgan mehnat sharoitlari hisobga olingan hamda lavozim maoshi va boshqa to‘lovlar miqdorlari inobatga olingan holda avvalgi ish joyi bo‘yicha xodimlar uchun belgilangan barcha imtiyozlar, moddiy va ijtimoiy himoya choralari;

(23-bandning ikkinchi xatboshisi O‘zbekiston Respublikasi Prezidentining 2020-yil 22-iyundagi PF-6012-sonli Farmoni tahririda — Qonun hujjatlari ma’lumotlari milliy bazasi, 23.06.2020-y., 06/20/6012/0953-son)

O‘zbekiston Respublikasi Vazirlar Mahkamasining 1997-yil 3-iyuldagi 339-son “Davlat xizmatchilarining lavozim maoshlariga yigirma foizli ustama haq belgilash to‘g‘risida”gi qarori bilan belgilangan lavozim maoshlariga 20 foizli qo‘shimcha haq;

O‘zbekiston Respublikasi Prezidentining 1995-yil 16-avgustdagi PF-1213-son “Pensiyalar, nafaqalar, stipendiyalar hamda respublikaning budjet muassasalari va tashkilotlarida ish haqi miqdorlarini oshirish to‘g‘risida”gi Farmoni bilan belgilangan mehnat haqi yillik fondining 15 foizi miqdoridagi xodimlarni moddiy rag‘batlantirish maxsus fondi;

O‘zbekiston Respublikasi Vazirlar Mahkamasining 1996-yil 12-apreldagi 147-son “Davlat hokimiyati va boshqaruvi organlari, sud organlari va notarial idoralar xodimlari mehnatiga haq to‘lashning tarif setkasini joriy etish to‘g‘risida”gi qarori bilan belgilangan ikki oylik mehnat haqi fondi miqdorida yillik mukofotlash va oylik mehnat haqi miqdorida yillik moddiy yordam saqlab qolinadi.

Oldingi tahrirga qarang.

23¹. Markaz xodimlarining, shu jumladan yordamchi xodimlarning lavozim maoshiga rag‘batlantirish koeffitsiyenti va Maxsus fonddan har oylik ustamalar hisobga olingan holda, davlat organlaridagi ko‘p yillik mehnati uchun 2 yildan 5 yilgacha — 0,1; 5 yildan 10 yilgacha — 0,2; 10 yildan 15 yilgacha — 0,3; 15 yildan 20 yilgacha — 0,4; 20 yildan ortiq — 0,5 koeffitsiyentlarda har oylik ustamalar to‘lanadi. Bunda, qonunchilik hujjatlariga asosan xodimning oldingi ish joyi bo‘yicha O‘zbekiston Respublikasi Prezidentining 2020-yil 22-iyundagi “Inson huquqlari bo‘yicha O‘zbekiston Respublikasining Milliy strategiyasini tasdiqlash to‘g‘risida”gi PF-6012-son Farmonida belgilangan miqdordan yuqoriroq ustama belgilangan taqdirda, mazkur ustama yuqoriroq miqdor bo‘yicha to‘lanadi.

(23¹-band O‘zbekiston Respublikasi Prezidentining 2022-yil 25-martdagi PQ-180-sonli qarori tahririda — Qonunchilik ma’lumotlari milliy bazasi, 25.03.2022-y., 07/22/180/0240-son)

23². Markaz xodimlarining lavozim maoshiga fan nomzodi yoki falsafa doktori (PhD) ilmiy darajasiga ega shaxslar uchun — lavozim maoshining 30 foizigacha, fan doktori (Doctor of Science) ilmiy darajasiga ega shaxslar uchun — lavozim maoshining 60 foizigacha qo‘shimcha haq to‘lanadi.

23³. Mazkur Nizomning 23¹, 23² va 24-bandlarida nazarda tutilgan qoidalar “Demokratlashtirish va inson huquqlari” jurnali tahririyati xodimlariga nisbatan ham to‘liq qo‘llaniladi”.

(23¹ — 23³-bandlar O‘zbekiston Respublikasi Prezidentining 2020-yil 22-iyundagi PF-6012-sonli Farmoniga asosan kiritilgan — Qonun hujjatlari ma’lumotlari milliy bazasi, 23.06.2020-y., 06/20/6012/0953-son)

Oldingi tahrirga qarang.

24. Yagona tarif setkasi bo‘yicha mehnatga haq to‘lashning tasdiqlangan razryadlariga ko‘ra Markaz xodimlari lavozim maoshini aniqlashda tarif koeffitsiyentlari 2 baravar ko‘paytirilgan miqdorda qo‘llaniladi.

(24-band O‘zbekiston Respublikasi Prezidentining 2020-yil 22-iyundagi PF-6012-sonli Farmoni tahririda — Qonun hujjatlari ma’lumotlari milliy bazasi, 23.06.2020-y., 06/20/6012/0953-son — 2020-yil 1-iyuldan kuchga kiradi)

25. Markaz xodimlarining huquq va majburiyatlari mehnat to‘g‘risidagi qonun hujjatlari, lavozim yo‘riqnomalari, Markazda amalda bo‘lgan nizomlar, yo‘riqnomalar, ichki mehnat tartib qoidalariga, jamoaviy va mehnat shartnomalariga muvofiq belgilanadi.

5-bob. Yakunlovchi qoida

26. Markaz O‘zbekiston Respublikasi Davlat gerbi tasviri tushirilgan o‘z blankiga ega.

O‘zbekiston Respublikasi Prezidentining 2018-yil 10-dekabrdagi PQ-4056-son qaroriga
3-ILOVA

Oldingi tahrirga qarang.

Inson huquqlari bo‘yicha O‘zbekiston Respublikasi Milliy markazi
xodimlarining Yagona tarif setkasi bo‘yicha mehnatga haq to‘lash razryadlari

Lavozimning nomlanishi	Mehnatga haq to‘lash razryadlari
Direktor	19
Direktorning birinchi o‘rinbosari	18
Direktor o‘rinbosari	17
Matbuot kotibi	17
Direktor yordamchisi	15
Bo‘lim boshlig‘i	15
Bosh buxgalter	15
Bosh yuriskonsult	14
Bosh mutaxassis	12
Kadrlar bo‘yicha bosh inspektor	12
Yetakchi mutaxassis	11
1-toifali ish yurituvchi	8
2-toifali ish yurituvchi	7
G‘aznachi	7
Xo‘jalik ishlari mudiri	7

(3-ilovaning matni O‘zbekiston Respublikasi Prezidentining 2022-yil 25-martdagi PQ-180-sonli qarori tahririda — Qonunchilik ma’lumotlari milliy bazasi, 25.03.2022-y., 07/22/180/0240-son)

O‘zbekiston Respublikasi Prezidentining 2018-yil 10-dekabrdagi PQ-4056-son qaroriga
4-ILOVA

Inson huquqlari bo‘yicha O‘zbekiston Respublikasi Milliy markazi faoliyatini takomillashtirish bo‘yicha

KOMPLEKS CHORA-TADBIRLAR

T/r	Chora-tadbirlarning nomlanishi	Amalga oshirish shakli	Ijro muddatlari	Mas’ul ijrochilar
I. Inson huquqlari bo‘yicha O‘zbekiston Respublikasi Milliy markazining faoliyatini huquqiy tartibga solish
1.	Inson huquqlari bo‘yicha O‘zbekiston Respublikasi Milliy markazining (keyingi o‘rinlarda — Markaz) tarkibiy tuzilmalari to‘g‘risidagi nizomlarni ishlab chiqish va tasdiqlash.	Buyruq	2019-yil 1-yanvargacha	IHMM (A. Saidov)
2.	Markaz xodimlariga martaba darajalarini berish tartibini tasdiqlash.	Qo‘shma buyruq	2019-yil 1-yanvargacha	IHMM (A. Saidov), Adliya vazirligi (R. Davletov)
3.	Amaldagi qonun hujjatlariga mazkur qarordan kelib chiqadigan o‘zgartirish va qo‘shimchalar kiritish to‘g‘risida takliflarni ishlab chiqish, shuningdek, idoraviy normativ-huquqiy hujjatlarni ushbu qarorga muvofiqlashtirish.	Normativ-huquqiy hujjat loyihasi	2019-yil 1-fevralgacha	IHMM (A. Saidov), Adliya vazirligi (R. Davletov), manfaatdor vazirlik va idoralar
4.	Markazni rahbarlari xodimlarni Toshkent shahri va Toshkent viloyatida doimiy propiska qilish to‘g‘risidagi iltimosnomani kiritishi mumkin bo‘lgan davlat hokimiyati organlari, davlat va xo‘jalik boshqaruvi organlari, respublika miqyosidagi boshqa davlat tashkilotlari ro‘yxatiga kiritish.	Vazirlar Mahkamasi qarori loyihasi	2019-yil 1-fevralgacha	IHMM (A. Saidov), IIV (P. Bobojonov)
5.	Inson huquqlari sohasida davlat organlari va tashkilotlari xodimlarini o‘qitishni amalga oshirish, shuningdek, aholining ongini oshirish tartibini ishlab chiqish.	Normativ-huquqiy hujjat loyihasi	2019-yil 1-maygacha	IHMM (A. Saidov), Oliy va o‘rta maxsus ta’lim vazirligi (I. Madjidov), manfaatdor vazirlik va idoralar
II. Inson huquqlari bo‘yicha O‘zbekiston Respublikasi Milliy markazi faoliyatining samaradorligini oshirish
6.	Markaz saytini modernizatsiya qilish va quyidagi imkoniyatlarni nazarda tutish: O‘zbekiston Respublikasida inson huquqlarini amalga oshirish va rivojlantirish bo‘yicha elektron ma’lumotlar bazasi uchun platforma yaratish; vebinarlar, onlayn uchrashuvlar va translyatsiyalar o‘tkazish; elektron kutubxonalardan foydalanish; Markazning jurnallarini elektron ko‘rinishda nashr etish; ijtimoiy tarmoqlarda Markaz sahifalarini yaratish.	Chora-tadbirlar rejasi	2019-yil 1-martgacha	IHMM (A. Saidov), Moliya vazirligi (A. Xaydarov), Axborot texnologiyalari va kommunikatsiyalarini rivojlantirish vazirligi (Sh. Sadikov)
7.	Axborot-kommunikatsiya texnologiyalari, shu jumladan videokonferens aloqadan foydalangan holda Markazning axborot-ma’rifat tadbirlarini tashkil etish uchun Markazni “Elektron ta’lim” milliy tarmog‘iga ulash.	Chora-tadbirlar kompleksi	2019-yil 1-martgacha	Axborot texnologiyalari va kommunikatsiyalarini rivojlantirish vazirligi (Sh. Sadikov), Oliy va o‘rta maxsus ta’lim vazirligi (I. Madjidov), Matbuot va axborot agentligi (K. Allamjonov)
8.	Markazni zarur nazariy bilim va amaliy ko‘nikmalarga ega bo‘lgan, Markaz zimmasiga yuklatilgan vazifalarning amalga oshirilishini professional darajada ta’minlay oladigan yuqori malakali mutaxassislar bilan to‘ldirish.	Tashkiliy chora-tadbirlar kompleksi	2019-yil 1-martgacha	IHMM (A. Saidov)
9.	Markaz xodimlari faoliyatining samaradorligini baholash mexanizmini joriy etish.	Buyruq	2019-yil 1-aprelgacha	IHMM (A. Saidov)
10.	Xalqaro tashkilotlar tavsiyalari, shuningdek, inson huquqlari bo‘yicha ko‘rsatkichlarni o‘z ichiga olgan Inson huquqlari bo‘yicha yagona ma’lumotlar bazasini shakllantirish va uni Markazning rasmiy veb-sahifasida joylashtirish.	Chora-tadbirlar rejasi	2019-yil 1-aprelgacha	IHMM (A. Saidov), Axborot texnologiyalari va kommunikatsiyalarini rivojlantirish vazirligi (Sh. Sadikov), TIV (A. Kamilov)
11.	Markazning inson huquqlari bo‘yicha kutubxonasi ishlarini takomillashtirish, undan aholi keng doirasining, shu jumladan axborot-kommunikatsiya texnologiyalari orqali foydalanishini ta’minlash.	Tashkiliy chora-tadbirlar kompleksi	2019-yil 1-aprelgacha	IHMM (A. Saidov), Axborot texnologiyalari va kommunikatsiyalarini rivojlantirish vazirligi (Sh. Sadikov), Moliya vazirligi (A. Xaydarov)
12.	Markaz xodimlarining malakasini oshirish uchun BMTning Inson huquqlari bo‘yicha Oliy komissari boshqarmasi, YEXHTning Demokratik institutlar va inson huquqlari bo‘yicha byurosi, boshqa ta’lim muassasalari va xorijiy mamlakatlarning inson huquqlari bo‘yicha milliy institutlarida ta’lim va stajirovkalarni tashkil etish.	Reja jadvali	Doimiy	IHMM (A. Saidov)
III. Inson huquqlari bo‘yicha O‘zbekiston Respublikasi Milliy markazining moddiy-texnik bazasini mustahkamlash
13.	Toshkent shahar, I. Karimov ko‘chasi 15-uy manzilidagi Markazga taqdim etilayotgan ma’muriy binoga tutash hududda ta’mirlash-tiklash va obodonlashtirish ishlarini amalga oshirish.	Vazirlar Mahkamasi qarori loyihasi	2019-yil 1-martgacha	Vazirlar Mahkamasi (A. Ramatov), Toshkent shahar hokimiyati (J. Artikxodjayev), IHMM (A. Saidov), Moliya vazirligi (A. Xaydarov)
14.	Markazni kerakli mebel, inventarlar, kompyuter va boshqalar, shu jumladan Markaz faoliyatiga zamonaviy axborot-kommunikatsiya texnologiyalarni joriy etish bilan bog‘liq bo‘lgan boshqa orgtexnika bilan ta’minlash.	Vazirlar Mahkamasi qarori loyihasi	2019-yil 1-martgacha	Vazirlar Mahkamasi, (J. Kuchkarov), IHMM (A. Saidov), Moliya vazirligi (A. Xaydarov), Axborot texnologiyalari va kommunikatsiyalarini rivojlantirish vazirligi(Sh. Sadikov)
15.	Markaz buyurtmanomalariga ko‘ra xizmat avtotransportlari uchun zarur hajmdagi avtobenzin va dizel yoqilg‘isini o‘rnatilgan tartibda ajratish va olish bilan Markazga bitta personal yengil va bitta navbatchi avtotransport vositalarini xarid qilish.	Vazirlar Mahkamasi qarori loyihasi	2019-yil 1-martgacha	“O‘zavtosanoat” kompaniyasi (Sh. Umurzakov), “O‘zbekneftgaz” AJ (B. Ashrafxanov), IHMM (A. Saidov), Moliya vazirligi (A. Xaydarov)
16.	Markazning kichik tipografiyasini yaratish va ilmiy-tadqiqot ishlarining natijalari, risolalar, darsliklar, bukletlar va inson huquqlari sohasidagi boshqa adabiyotlarni nashr etish va tarqatish uchun zarur bo‘lgan zamonaviy nashriyot uskunalari bilan jihozlash.	Tashkiliy chora-tadbirlar kompleksi	2019-yil 1-maygacha	IHMM (A. Saidov), Matbuot va axborot agentligi (K. Allamjonov), Moliya vazirligi (A. Xaydarov)
17.	Davlat organlari xodimlarini masofadan o‘qitish uchun elektron darsliklar materiallarini ishlab chiqish maqsadida multimedia studiyasini yaratish va jihozlash.	Tashkiliy chora-tadbirlar kompleksi	2019-yil 1-iyungacha	IHMM (A. Saidov), MTRK (A. Xadjayev), Axborot texnologiyalari va kommunikatsiyalarini rivojlantirish vazirligi (Sh. Sadikov), Matbuot va axborot agentligi (K. Allamjonov)
IV. Inson huquqlari bo‘yicha O‘zbekiston Respublikasi Milliy markazining inson huquqlari sohasida huquqiy ongni oshirish, ilmiy tadqiqotlar o‘tkazilishida ishtirok etishi
18.	Inson huquqlariga rioya etish va himoya qilish masalalari bo‘yicha axborot-ma’rifiy tadbirlar rejasini ishlab chiqish.	Chora-tadbirlar rejasi	2019-yil 1-fevralgacha	IHMM (A. Saidov)
19.	Inson huquqlari bo‘yicha xalqaro hujjatlar, milliy axborotlar matnlarini, BMT Nizom va shartnomaviy organlarining tavsiyalari va yakuniy takliflarini axborot-izlash huquqiy tizimlarida e’lon qilish.	Chora-tadbirlar rejasi	2019-yil 1-martgacha	IHMM (A. Saidov), Adliya vazirligi (R. Davletov)
20.	“Demokratlashtirish va inson huquqlari” jurnalini qo‘llab-quvvatlashga qaratilgan kompleks chora-tadbirlarni ishlab chiqish.	Tashkiliy chora-tadbirlar kompleksi	2019-yil 1-iyungacha	IHMM (A. Saidov), Moliya vazirligi (A. Xaydarov)
21.	Inson huquqlari sohasidagi axborot materiallari va nashrlarni (risolalar, darsliklar, bukletlar va boshqa adabiyotlar) chop etish.	Chora-tadbirlar kompleksi	Doimiy	IHMM (A. Saidov), TIV (A. Kamilov), manfaatdor vazirlik va idoralar
22.	BMT Nizom va shartnomaviy organlarining tavsiyalariga muvofiq xalqaro tajriba va xorijiy mamlakatlar amaliyotini o‘rganish asosida inson huquqlari sohasida maqsadli tadqiqotlar o‘tkazish.	Chora-tadbirlar rejasi	Doimiy	IHMM (A. Saidov)
23.	Davlat organlari va fuqarolik jamiyati institutlarining vakillari uchun inson huquqlarini himoya qilish va davriy ma’ruzalarni tayyorlash xalqaro tizimi masalalari bo‘yicha qator axborot-ma’rifiy tadbirlarni (davra suhbatlari, treninglar, seminarlar, konferensiyalar) tashkil etish.	Chora-tadbirlar rejasi	Doimiy	IHMM (A. Saidov)
24.	Inson huquqlari sohasida aholining huquqiy ongi va huquqiy madaniyatini, mamlakatda qabul qilinayotgan chora-tadbirlar to‘g‘risida fuqarolarning xabardorligini oshirishga qaratilgan qator radio va teleko‘rsatuvlarni tashkil etish.	Chora-tadbirlar kompleksi	Doimiy	IHMM (A. Saidov), Adliya vazirligi (R. Davletov), MTRK (A. Xadjayev), O‘zA (A. Kuchimov), Matbuot va axborot agentligi (K. Allamjonov)
V. Inson huquqlari bo‘yicha O‘zbekiston Respublikasi Milliy markazining xalqaro hamkorligini rivojlantirish
25.	Inson huquqlari bo‘yicha xalqaro va mintaqaviy tashkilotlar, xalqaro nohukumat tashkilotlar bilan o‘zaro manfaatli hamkorlikni rivojlantirish bo‘yicha kompleks chora-tadbirlarini qabul qilish.	Chora-tadbirlar kompleksi	2019-yil 1-fevralgacha	IHMM (A. Saidov), TIV (A. Kamilov), Adliya vazirligi (R. Davletov)
26.	Universal davriy sharh doirasida O‘zbekiston Respublikasining Uchinchi milliy ma’ruzasi ko‘rib chiqilishi yakunlari yuzasidan BMTning Inson huquqlari bo‘yicha kengashi bergan tavsiyalarni amalga oshirish yuzasidan Milliy harakatlar rejalarini tayyorlash.	Milliy harakatlar rejasi	2019-yil 1-fevralgacha	IHMM (A. Saidov), TIV (A. Kamilov), manfaatdor vazirlik va idoralar
27.	Inson huquqlari bo‘yicha O‘zbekiston Respublikasi Milliy markazi va YEXHTning Demokratik institutlar va inson huquqlari bo‘yicha byurosi o‘rtasida hamkorlik to‘g‘risidagi Memorandumni tuzish.	Chora-tadbirlar kompleksi	2019-yil 1-aprelgacha	IHMM (A. Saidov), TIV (A. Kamilov)
28.	Irqiy kamsitishning barcha shakllariga barham berish to‘g‘risidagi BMT Konvensiyasi qoidalarining bajarilishi yuzasidan O‘zbekiston Respublikasining Uchinchi davriy ma’ruzasini tayyorlash.	Milliy ma’ruza	2019-yil 30-maygacha	IHMM (A. Saidov), TIV (A. Kamilov), manfaatdor vazirlik va idoralar
29.	Xalqaro sheriklar bilan birgalikda davlat organlari va fuqarolik jamiyati vakillari uchun inson huquqlari bo‘yicha yozgi maktablarni o‘tkazish.	Tashkiliy chora-tadbirlar kompleksi	2019-yil 1-sentabrgacha	IHMM (A. Saidov)
30.	Ayollarga nisbatan barcha turdagi kamsitishlarga barham berish to‘g‘risidagi BMT Konvensiyasi qoidalarining bajarilishi yuzasidan O‘zbekiston Respublikasining Oltinchi davriy ma’ruzasini tayyorlash.	Milliy ma’ruza	2019-yil 20-oktabrgacha	IHMM (A. Saidov), TIV (A. Kamilov), manfaatdor vazirlik va idoralar
31.	Inson huquqlarini himoya qilishning milliy tizimini yanada takomillashtirish, ayollar va bolalar huquqlarini ta’minlash, fuqarolarning sud himoyasi huquqlarining kafolatini kuchaytirish bo‘yicha xorijiy ekspertlar ishtirokida xalqaro tadbirlar (forumlar, konferensiyalar, davra suhbatlari va boshqalar) tashkil etish va o‘tkazish.	Chora-tadbirlar dasturi	2019-yil 1-noyabrgacha	IHMM (A. Saidov), TIV (A. Kamilov), Oliy sud (K. Komilov), manfaatdor vazirlik va idoralar
32.	BMT Kengashining inson huquqlari bo‘yicha sessiyalarida, BMTning shartnomaviy organlarida, shuningdek BMTning Inson huquqlari bo‘yicha Oliy komissari boshqarmasi va uning Markaziy Osiyo bo‘yicha hududiy bo‘linmasi tomonidan tashkil etiladigan tadbirlarda ishtirok etish.	Chora-tadbirlar rejasi	2019-yil 1-dekabrgacha taklifnoma-lar tushishiga qarab	IHMM (A. Saidov), TIV (A. Kamilov)
33.	BMTning Inson huquqlari bo‘yicha Oliy komissari boshqarmasi va uning Markaziy Osiyo bo‘yicha hududiy bo‘linmasi, BMTning rivojlanish Dasturi, Xalqaro migratsiya tashkiloti va inson huquqlari masalalari bo‘yicha boshqa tashkilotlar bilan birgalikda qo‘shma loyihalar va tadbirlarni amalga oshirish masalasini ishlab chiqish.	Chora-tadbirlar kompleksi	2020-yil 1-martgacha	IHMM (A. Saidov)
34.	BMT Kengashining inson huquqlari bo‘yicha maxsus jarayonlar so‘rovlariga ma’lumotlarni tayyorlash va o‘z vaqtida taqdim etish.	Ma’lumot	so‘rovlar tushishiga qarab	IHMM (A. Saidov), manfaatdor vazirlik va idoralar

(Qonun hujjatlari ma’lumotlari milliy bazasi, 11.12.2018-y., 07/18/4056/2294-son; 23.06.2020-y., 06/20/6012/0953-son; 27.01.2021-y., 06/21/6146/0065-son; Qonunchilik ma’lumotlari milliy bazasi, 25.03.2022-y., 07/22/180/0240-son; 01.03.2025-y., 06/25/27/0196-son)