PQ-3981-сон 23.10.2018. Elektr energetikasi tarmogʻini jadal rivojlantirish va moliyaviy barqarorligini taʼminlash chora-tadbirlari toʻgʻrisida

Oʻzbekiston Respublikasi Prezidentining

Qarori

Elektr energetikasi tarmogʻini jadal rivojlantirish va moliyaviy barqarorligini taʼminlash chora-tadbirlari toʻgʻrisida

Soʻnggi yillarda mamlakatimizda, eng avvalo, iqtisodiyotning barcha tarmoqlarini jadal rivojlantirish, investitsiyaviy jozibadorlik va ishbilarmonlik faolligini oshirish, ishlab chiqarish va xizmat koʻrsatish sohalarini kengaytirishga qaratilgan keng koʻlamli islohotlar amalga oshirilmoqda.

Shu bilan birga, elektr energetikasi tarmogʻida mavjud imkoniyat va salohiyatdan yetarlicha foydalanilmayotganligi koʻzlangan islohotlarni samarali amalga oshirish va mamlakatni jadal rivojlantirishga toʻsqinlik qilmoqda.

Sogʻlom raqobat muhitining yoʻqligi, sezilarli darajada kvazidavlat sektorning mavjudligi, tarif siyosatining bozor iqtisodiyoti tamoyillariga mos kelmasligi davlat tomonidan haddan tashqari tartibga solinishiga hamda davlat va tijorat manfaatlarining toʻqnashuviga olib kelmoqda.

Resurs va energiya tejaydigan texnologiyalarni joriy etish darajasining pastligi, tegishli infratuzilmani yangilash surʼatlarining sustligi texnologik yoʻqotishlarning oshishiga va elektr energiyasini yetkazib berishda, ayniqsa joylarda muntazam uzilishlarga olib kelmoqda.

Tarmoq korxonalarini boshqarishning byurokratlashgan tizimi va mehnat resurslaridan samarasiz foydalanish ularning ish faoliyati samaradorligi va natijadorligini pasaytirmoqda hamda ishlab chiqarish bilan bogʻliq boʻlmagan xarajatlarning oʻsishiga olib kelmoqda.

Ilgʻor xorijiy tajriba, zamonaviy innovatsion gʻoyalar, ishlanmalar va texnologiyalar asosida elektr energetikasi tarmogʻida davlat boshqaruvining tashkiliy-huquqiy asoslarini tubdan takomillashtirish maqsadida, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasiga muvofiq:

1. 2018 — 2020-yillarda ishlab chiqarish quvvatlarini oshirish, elektr tarmoqlarini modernizatsiya qilish, elektr energiyasi hisobi va isteʼmolini nazorat qilishni takomillashtirish boʻyicha “Yoʻl xaritasi” quyidagilarni nazarda tutgan holda 1-ilovaga muvofiq tasdiqlansin:

mavjud ishlab chiqarish quvvatlarini modernizatsiya qilish va yangilarini ishga tushirish boʻyicha loyiha qiymati 2,6 mlrd. AQSH dollari boʻlgan umumiy quvvati 1984 MVt 7 ta investitsiyaviy loyihalarni amalga oshirish;

Oldingi tahrirga qarang.

jalb qilinadigan kreditlar va “Hududiy elektr tarmoqlari” AJning oʻz mablagʻlari hisobidan yiliga umumiy uzunligi 7,1 ming km boʻlgan yangi elektr tarmoqlarini qurish va mavjudlarini rekonstruksiya qilish, 2500 ta transformator punktlarini oʻrnatish va modernizatsiya qilish;

(1-bandning uchinchi xatboshisi Oʻzbekiston Respublikasi Prezidentining 2020-yil 18-iyundagi PF-6010-sonli Farmoni tahririda — Qonun hujjatlari maʼlumotlari milliy bazasi, 18.06.2020-y., 06/20/6010/0776-son)

Elektr energiyasini hisobga olish va nazorat qilishning avtomatlashtirilgan tizimiga (keyingi oʻrinlarda — EEHO va NQAT) 7 mln. isteʼmolchilarni ulash, 2021-yil yakuniga qadar EEHO va NQAT qamrovini abonentlar umumiy sonining 100 foizigacha yetkazish;

Jahon banki, Osiyo taraqqiyot banki, Yevropa tiklanish va taraqqiyot banki hamda boshqa xalqaro moliya institutlari bilan kelishilgan, umumiy qiymati 1,8 mlrd. AQSH dollari miqdoridagi uzoq muddatli kreditlarni oʻzlashtirish.

Oʻzbekiston Respublikasi Vazirlar Mahkamasi ikki hafta muddatda “Yoʻl xaritasi”da belgilangan har bir loyihani amalga oshirish boʻyicha tarmoq grafiklarini tasdiqlasin.

Oldingi tahrirga qarang.

Quyidagilarga:

Oʻzbekiston Respublikasi Bosh vaziri A.N. Aripovga ― “Yoʻl xaritasi”da belgilangan chora-tadbirlarning oʻz vaqtida va toʻliq amalga oshirilishini qatʼiy nazoratga olish;

Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari S.U. Umurzakovga ― xalqaro moliya institutlari va tashkilotlardan jalb qilinayotgan mablagʻlarning oʻz vaqtida oʻzlashtirilishini taʼminlash, shuningdek, salohiyatli investorlarni izlash va investorlarga, shu jumladan ishonchli boshqaruvga beriladigan obyektlarni aniqlagan holda elektr energetikasi tarmogʻiga toʻgʻridan-toʻgʻri chet el investitsiyalarini jalb qilish;

Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari ― Oʻzbekiston Respublikasi iqtisodiy taraqqiyot va kambagʻallikni qisqartirish vaziri J.A. Qoʻchqorovga ― elektr energetikasi tarmogʻida loyihalarni davlat-xususiy sheriklik asosida amalga oshirish mexanizmlarining sifatli ishlab chiqilishini taʼminlash;

“Issiqlik elektr stansiyalari”, “Oʻzbekiston Milliy elektr tarmoqlari” va “Hududiy elektr tarmoqlari” aksiyadorlik jamiyatlar boshqaruvining raislari ― loyiha hujjatlarini oʻz vaqtida ishlab chiqish, kelishish va tasdiqlash, mazkur qarorda belgilangan obyektlarni qurish va foydalanishga topshirishni taʼminlash uchun shaxsiy javobgarlik yuklansin.

(1-bandning yettinchi — oʻn birinchi xatboshilari Oʻzbekiston Respublikasi Prezidentining 2020-yil 18-iyundagi PF-6010-sonli Farmoni tahririda — Qonun hujjatlari maʼlumotlari milliy bazasi, 18.06.2020-y., 06/20/6010/0776-son)

2. Oʻzbekiston Respublikasi Moliya vazirligi Investitsiyalar boʻyicha davlat qoʻmitasi bilan birgalikda “Obod qishloq” Davlat dasturini amalga oshirish uchun jalb qilingan xalqaro moliya institutlari qarz mablagʻlarining 100 mln. AQSH dollaridan kam boʻlmagan qismini 2019-2020-yillarda past kuchlanishli elektr tarmoqlarini qurish va modernizatsiya qilishga yoʻnaltirilishini taʼminlasin.

3. Oʻzbekiston Respublikasi Prezidentining 2012-yil 14-fevraldagi PQ-1705-son va 2012-yil 2-avgustdagi PQ-1795-son qarorlariga muvofiq “Elektr energiyasi isteʼmolini hisobga olish va nazorat qilishning avtomatlashtirilgan tizimini joriy etish. Oʻzbekiston Respublikasining Buxoro, Jizzax va Samarqand viloyatlari 0,4 kVli isteʼmolchilarining elektr energiyasi isteʼmolini hisobga olish tizimi” loyihasi (keyingi oʻrinlarda — ASKUE 1-faza) Osiyo taraqqiyot banki ishtirokida amalga oshirilayotganligi maʼlumot uchun qabul qilinsin.

Oʻzbekiston Respublikasi Investitsiyalar boʻyicha davlat qoʻmitasi va “Oʻzbekenergo” AJning quyidagi takliflariga rozilik berilsin:

a) “Andijon, Namangan, Fargʻona, Qashqadaryo va Surxondaryo viloyatlarida elektr energiyasi isteʼmolini nazorat qilish va hisobga olishning avtomatlashtirilgan tizimini (ASKUE 4-faza) joriy etish” loyihasini amalga oshirish uchun koʻzda tutilgan Osiyo taraqqiyot bankining 300 mln. AQSH dollari miqdoridagi qarz mablagʻlari hisobiga respublikaning boshqa hududlarida EEHO va NQATni joriy etish loyihasini amalga oshirish;

Oldingi tahrirga qarang.

b) quyidagilar:

Osiyo taraqqiyot banki mablagʻlari hisobiga ASKUE 1-faza loyihasini amalga oshirish doirasida iqtisod qilingan mablagʻlar hisobidan EEHO va NQAT maʼlumotlarini qayta ishlash respublika yagona markazini tashkil etish boʻyicha oʻtkazilgan xalqaro tender natijalariga koʻra aniqlangan pudratchi ― kompaniya bilan;

Respublikaning barcha hududlarida EEHO va NQATni joriy etish uchun zarur boʻlgan zamonaviy hisoblash qurilmalari va qoʻshimcha asbob-uskunalarni sotib olish uchun xalqaro tanlov savdolarini oʻtkazish yuzasidan tender hujjatlarini ishlab chiqish boʻyicha “CESI S.P.A / AF Mercados Energy Markets International S.A / Sharifa.com” (Italiya/Ispaniya/Oʻzbekiston) konsalting kompaniyalarining konsorsiumi bilan qoʻshimcha bitimlar tuzish.

Oʻzbekiston Respublikasi Investitsiyalar va tashqi savdo vazirligi (Sh.A. Vafayev)ga quyidagilarni muvofiqlashtirish uchun javobgarlik yuklansin:

xarid qilish jarayonlarida mahalliy ishlab chiqaruvchilarning ishtirok etishini, mamlakat hududida EEHO va NQAT va hisoblash qurilmalariga xizmat koʻrsatish servis markazlarini yaratishni, shuningdek, Oʻzbekiston Respublikasining boshqa manfaatlarini hisobga olgan holda EEHO va NQATni joriy qilish uchun zamonaviy hisoblash qurilmalari va qoʻshimcha asbob-uskunalarni sotib olish uchun tender hujjatlarini ishlab chiqish;

Osiyo taraqqiyot bankining qarz mablagʻlari hisobiga 2021-yil 1-dekabrga qadar respublikaning barcha hududlarida EEHO va NQATni joriy etishni yakunlash boʻyicha zamonaviy hisoblash qurilmalari va qoʻshimcha asbob-uskunalarni sotib olish yuzasidan xalqaro tender savdolarining oʻtkazilishini jadallashtirish.

“Hududiy elektr tarmoqlari” AJ mahalliy ishlab chiqaruvchilardan hisoblash qurilmalari va qoʻshimcha asbob-uskunalarni sotib olish jarayonida, ularning texnik parametrlarining xalqaro tender savdolarini oʻtkazish uchun tayyorlangan tender hujjatlari talablariga muvofiqligini taʼminlasin.

(3-bandning toʻrtinchi — oʻninchi xatboshilari Oʻzbekiston Respublikasi Prezidentining 2020-yil 18-iyundagi PF-6010-sonli Farmoni tahririda — Qonun hujjatlari maʼlumotlari milliy bazasi, 18.06.2020-y., 06/20/6010/0776-son)

Oldingi tahrirga qarang.

4. Majburiy ijro byurosi mahalliy ishlab chiqaruvchilarning eng yaxshi takliflarini tanlab olgan holda, elektr energiyasini hisoblash qurilmalari va qoʻshimcha asbob-uskunalarni sotib olishni parallel moliyalashtirish maqsadida 2019-yilda Majburiy ijro byurosini rivojlantirish jamgʻarmasidan 500 mlrd. soʻm miqdorida soliqqa tortilmaydigan mablagʻlarni “Hududiy elektr tarmoqlari” AJga begʻaraz ravishda ajratilishini taʼminlasin.

(4-bandning birinchi xatboshisi Oʻzbekiston Respublikasi Prezidentining 2020-yil 18-iyundagi PF-6010-sonli Farmoni tahririda — Qonun hujjatlari maʼlumotlari milliy bazasi, 18.06.2020-y., 06/20/6010/0776-son)

Oldingi tahrirga qarang.

Elektr energiyasini hisoblash qurilmalarini mahalliy ishlab chiqaruvchilar 2022-yil 1-yanvarga qadar ushbu qaror doirasida “Hududiy elektr tarmoqlari” AJ bilan tuzilgan shartnomalar boʻyicha yetkazib beriladigan elektr energiyasini hisoblash qurilmalari va qoʻshimcha asbob-uskunalarni ishlab chiqarish uchun foydalaniladigan butlovchi qismlar, xomashyo va materiallarni olib kirganlik uchun bojxona toʻlovlari (bojxona rasmiylashtiruvi uchun yigʻimlar bundan mustasno), shuningdek, mazkur elektr energiyasini hisoblash qurilmalari va qoʻshimcha asbob-uskunalarni sotishda qoʻshilgan qiymat soligʻi toʻlashdan ozod etilsin.

(4-bandning ikkinchi xatboshisi Oʻzbekiston Respublikasi Prezidentining 2020-yil 18-iyundagi PF-6010-sonli Farmoni tahririda — Qonun hujjatlari maʼlumotlari milliy bazasi, 18.06.2020-y., 06/20/6010/0776-son)

5. Elektr energetikasi tarmogʻini isloh qilish boʻyicha amaliy chora-tadbirlar rejasi 2-ilovaga muvofiq tasdiqlansin.

6. Elektr energetikasi tarmogʻini isloh qilish boʻyicha Komissiya (keyingi oʻrinlarda — Komissiya) 3-ilovaga muvofiq tarkibda tuzilsin, unga Osiyo taraqqiyot banki, Yevropa tiklanish va taraqqiyot banki hamda Jahon banki guruhi bilan birgalikda:

a) ishlab chiqarish quvvatlarini 2030-yilgacha 20 ming MVtga yetkazgan holda ishlab chiqarish quvvatlarini kengaytirish modernizatsiya va diversifikatsiya qilish boʻyicha uzoq muddatli investitsiyaviy dasturni 2019-yil 1-mayga qadar ishlab chiqish;

b) 2019-yil 1-martga qadar elektr energiyasini uzatishda davlatning toʻliq nazoratini saqlab qolgan holda elektr energiyasini ishlab chiqarish va taqsimlash (sotish) korxonalariga xususiy hamda xorijiy toʻgʻridan-toʻgʻri investitsiyalarni, shu jumladan, davlat-xususiy sheriklik shartlari asosida keng jalb qilishni, shuningdek, ishlab chiqaruvchi korxonalardan toʻgʻridan-toʻgʻri tanlov asosida elektr energiyasini sotib olishning ulgurji bozorini bosqichma-bosqich tashkil etishni nazarda tutgan holda elektr energiyasini ishlab chiqarish, uzatish, taqsimlash va sotishni tashkil etishning zamonaviy sxemasini ishlab chiqish;

v) Oʻzbekiston Respublikasi Vazirlar Mahkamasi huzurida idoralararo tarif komissiyasini tashkil etishni nazarda tutgan holda, 2019-yil 1-aprelga qadar elektr energetikasi tarmogʻiga xususiy sektorni jalb qilishni ragʻbatlantiruvchi, elektr energiyasining joriy va kapital xarajatlarini qoplashga asoslangan elektr energiyasi tariflarini hisoblash metodologiyasini tayyorlash va tasdiqlash;

g) 2019-yilda elektr energetikasi tarmogʻi korxonalarida korporativ boshqaruvning zamonaviy shakllari va usullarini, moliyaviy hisobotlarning xalqaro standartlarini joriy etishni taʼminlash, shuningdek, tarmoq korxonalarining korporativ obligatsiyalarini chiqarish va xalqaro bozorlarga joylashtirish;

d) 2018-yil 1-dekabrga qadar elektr energetikasi tarmogʻida davlat-xususiy sheriklikning normativ-huquqiy bazasi, tartib-taomillari va reglamentini ishlab chiqish boʻyicha “yoʻl xaritasi”ni tasdiqlash;

e) mavjud resurs bazasi, zamonaviy texnologik tendensiyalar va muqobil energiya manbalaridan foydalanishni inobatga olgan holda, elektr energetikasi tarmogʻida salohiyatli investorlar bilan birgalikda davlat-xususiy sheriklik asosida yangi investitsiyaviy loyihalarni ishlab chiqish vazifasi yuklansin.

7. Komissiya (A.N. Aripov) 2018-yil 15-dekabrga qadar, respublikaning yoqilgʻi-energetika kompleksi faoliyatini tashkil etish va tartibga solish bilan bogʻliq barcha kompleks masalalarni yuklagan holda, Oʻzbekiston Respublikasi Energetika vazirligini tashkil etish toʻgʻrisidagi Oʻzbekiston Respublikasi Prezidenti Farmoni loyihasini kiritsin.

Oldingi tahrirga qarang.

8. Oʻzbekiston Respublikasi Investitsiyalar va tashqi savdo vazirligi Energetika vazirligi va Moliya vazirligi huzuridagi Davlat-xususiy sheriklikni rivojlantirish agentligi bilan birgalikda 2019-yildan boshlab:

(8-bandning birinchi xatboshisi Oʻzbekiston Respublikasi Prezidentining 2020-yil 18-iyundagi PF-6010-sonli Farmoni tahririda — Qonun hujjatlari maʼlumotlari milliy bazasi, 18.06.2020-y., 06/20/6010/0776-son)

Xalqaro moliya korporatsiyasi bilan hamkorlikda Navoiy viloyatida quvvati 100 MVt boʻlgan quyosh fotoelektr stansiyasini qurish boʻyicha tajriba loyihasini tanlov asosida amalga oshirishni;

xalqaro moliya institutlari bilan birgalikda mamlakatning issiqlik elektr stansiyalaridan birida bugʻ-gaz qurilmasini qurish, shuningdek, Andijon, Namangan, Fargʻona shaharlaridagi elektr energiyasi tarqatish tarmoqlarini modernizatsiya qilish tajriba loyihasini davlat-xususiy sheriklik asosida amalga oshirishni;

xalqaro moliya institutlari bilan birgalikda “Toshkent shahridagi tarqatish tarmoqlarini uzoq muddatli ijaraga berish” loyihasini texnik-iqtisodiy asoslarining asosiy parametrlarini ishlab chiqishni boshlashni taʼminlansin.

Oldingi tahrirga qarang.

9. Belgilansinki, “Oʻzbekgidroenergo” AJ tarkibidagi gidroelektrostansiyalar tomonidan ishlab chiqariladigan elektr energiyasi uchun toʻlov faoliyat turiga koʻra kafolatlangan tarzda davlat tomonidan elektr energiyasini xarid qilish funksiyasi (vakolati) berilgan organ tomonidan qoʻshilgan qiymat soligʻini hisobga olgan holda II tarif guruhi isteʼmolchilari uchun belgilangan tarifga nisbatan:

suv oqimi boʻyicha ishlaydigan gidroelektrostansiyalarda — 70 foiz miqdorda;

elektr energetikasi tizimining rejimiga bogʻliq holda dispetcher tomonidan tartibga solinadigan, rostlovchi gidroelektrostansiyalarda — 100 foiz miqdorda;

gidrotoʻplash elektr stansiyalarida — 150 foiz miqdorda shakllanadigan tarif boʻyicha amalga oshiriladi.

(9-band Oʻzbekiston Respublikasi Prezidentining 2022-yil 9-sentabrdagi PF-220-sonli Farmoni tahririda — Qonunchilik maʼlumotlari milliy bazasi, 10.09.2022-y., 06/22/220/0812-son)

10. Oʻzbekiston Respublikasi Moliya vazirligi, Tiklanish va taraqqiyot jamgʻarmasi, Tashqi iqtisodiy faoliyat milliy banki, “Oʻzsanoatqurilishbank” ATB, “Oʻzbekenergo” AJ va “Oʻzbekgidroenergo” AJning:

Oʻzbekiston Respublikasi Tiklanish va taraqqiyot jamgʻarmasining “Oʻzbekenergo” AJ loyihalarini birgalikda moliyalashtirish uchun ajratilgan kreditlarini, tegishlicha yakuniy toʻlovlar muddatini uzaytirish va qayta moliyalashtiruvchi banklarning majburiyatlarini restrukturizatsiya qilish bilan birga 4-ilovaga muvofiq 3 yilga uzaytirish;

“Chorvoq GES gidrogeneratorlarini ularning ishchi gʻildiraklarini almashtirish bilan birga modernizatsiya qilish” investitsiyaviy loyihasini moliyalashtirish uchun “Oʻzbekenergo” AJga berilgan kreditni “Oʻzbekgidroenergo” AJga qayta rasmiylashtirish haqidagi takliflari maʼqullansin.

Oʻzbekiston Respublikasi Moliya vazirligi ushbu qarordan kelib chiqib, “Oʻzbekenergo” AJ majburiyatlari boʻyicha ilgari berilgan davlat kafolatlariga oʻzgartirish kiritsin.

11. Oʻzbekiston Respublikasi Oliy va oʻrta maxsus taʼlim vazirligi Tashqi ishlar vazirligi, “Oʻzbekenergo” AJ va “Oʻzbekgidroenergo” AJ bilan birgalikda ikki oy muddatda Oʻzbekiston Respublikasida “MEI” Milliy tadqiqot universiteti” (Rossiya Federatsiyasi) Federal davlat budjet oliy taʼlim muassasasi filialini tashkil qilish boʻyicha takliflarni Vazirlar Mahkamasiga kiritsin.

12. Oʻzbekiston Respublikasi Vazirlar Mahkamasi:

energetika tarmogʻiga yuqori malakali menejerlarni yollash uchun kadrlarni tanlash bilan professional asosda shugʻullanadigan tashkilotlarni jalb qilish choralarini koʻrsin;

Bosh prokuratura bilan birgalikda bir oy muddatda muqobil elektr energiyasi ishlab chiqaruvchilarini yagona energetika tizimiga ulash tartibini takomillashtirish va loyihalarni davlat-xususiy sheriklik asosida amalga oshirishni nazarda tutuvchi qonun loyihasini Oʻzbekiston Respublikasi Oliy Majlisi Qonunchilik palatasiga kiritsin.

13. “Oʻzbekenergo” AJ Oʻzbekiston Respublikasi Adliya vazirligi va boshqa manfaatdor idoralar bilan birgalikda:

2019-yil 1-aprelga qadar elektr energiyasi, shu jumladan, muqobil elektr energiyasini ishlab chiqaruvchi tadbirkorlik subyektlarini yagona energetika tizimiga ulash reglamentini ishlab chiqsin va tasdiqlash uchun Oʻzbekiston Respublikasi Vazirlar Mahkamasiga kiritsin;

ikki oy muddatda qonunchilikka ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga taklif kiritsin.

14. Ushbu qarorning ijrosini nazorat qilish Oʻzbekiston Respublikasi Bosh vaziri A.N. Aripov, Oʻzbekiston Respublikasi Prezidenti Adminstratsiyasi rahbari Z.Sh. Nizomiddinov va Oʻzbekiston Respublikasi Bosh vazirining oʻrinbosari A.S. Sultanov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2018-yil 23-oktabr,

PQ-3981-son

Oʻzbekiston Respublikasi Prezidentining 2018-yil 23-oktabrdagi PQ-3981-son qaroriga
1-ILOVA

2018 — 2020-yillarda ishlab chiqarish quvvatlarini oshirish, elektr tarmoqlarini modernizatsiya qilish, elektr energiyasi hisobi va isteʼmolini nazorat qilishni takomillashtirish boʻyicha

“YOʻL XARITASI”

Oldingi tahrirga qarang.

T/r

Belgilangan chora-tadbirlar

Loyiha qiymati va moliyalashtirish manbai

Amalga oshirish shakli va mexanizmi

Amalga oshirish muddati

Masʼul ijrochilar

I. Investitsion loyihalarni amalga oshirish va yangi quvvatlarni joriy etish

“Taxiatosh IESda 230 — 280 MVt quvvatga ega 2 ta bugʻ-gaz qurilmasini qurish”.

678,2 mln. AQSH doll.

sh.j., 300 mln. doll. — OTB mablagʻlari,

230,7 mln. doll. — OʻzRTTJ mablagʻlari,

120,2 mln. doll. — Davlat budjeti mablagʻlari,

27,3 mln. doll. — “Issiqlik elektr stansiyalari” AJ mablagʻlari

Qurilish maydonchasiga 1-raqamli va 2-raqamli gaz turbinalarini yetkazib berish.

Qurilish maydonchasiga 1-raqamli va 2-raqamli bugʻ-gaz turbinalarini yetkazib berish.

1-raqamli bugʻ-gaz qurilmasini ishga tushirish (230 MVt).

2-raqamli bugʻ-gaz qurilmasini ishga tushirish (280 MVt).

2018-yil noyabr

2019-yil iyul

2020-yil iyun

2020-yil sentabr

“Issiqlik elektr stansiyalari” AJ (Mubarakshin),

Davlat investitsiya qoʻmitasi,

OʻzRTTJ (Vafayev),

Moliya vazirligi (Xaydarov)

DBQ (Azimov)

450 MVt quvvatga ega ikkinchi bugʻ-gaz qurilmasini qurish orqali “Navoiy” IESni kengaytirish.

547,3 mln. AQSH doll.

sh.j., 351,4 mln. doll. — JISA mablagʻlari,

150 mln. doll. — OʻzRTTJ mablagʻlari,

45,9 mln. doll. — “Issiqlik elektr stansiyalari” AJ mablagʻlari

Qurilish maydonchasiga bugʻ turbinalari, sovutish uskunasi, nasos va qozon modullarini yetkazib berish.

Ochiq sikldagi bugʻ turbinasidan foydalanishni boshlash (250 MVt).

Bugʻ-gaz uskunasining yigʻma siklini ishga tushirish (200 MVt)

2018-yil noyabr

2019-yil yanvar

2019-yil dekabr

“Issiqlik elektr stansiyalari” AJ (Mubarakshin),

Davlat investitsiya qoʻmitasi,

OʻzRTTJ (Vafayev),

DBQ (Azimov)

“Sirdaryo IES energobloklarini bosqichma-bosqich modernizatsiya qilish”.

219,4 mln. AQSH doll.

sh.j.,132 mln. doll. — “Vneshekonombank” mablagʻlari,

44,5 mln. doll. — tijorat banklari kreditlari,

42,9 mln. doll. — “Issiqlik elektr stansiyalari” AJ mablagʻlari

Loyiha doirasida kredit shartnomalarini tuzish.

Kreditlar boʻyicha Davlat kafolatlarini rasmiylashtirish.

Davlat kafolatlari boʻyicha yuridik xulosalarni olish.

3-raqamli va 4-raqamli energobloklarni ishga tushirish (qoʻshimcha 50 MVt quvvat).

5-raqamli va 6-raqamli energobloklarni ishga tushirish (qoʻshimcha 50 MVt quvvat).

9-raqamli va 10-raqamli energobloklarni ishga tushirish (qoʻshimcha 50 MVt quvvat).

2018-yil noyabr

2019-yil noyabr

2020-yil noyabr

2021-yil noyabr

Davlat investitsiya qoʻmitasi

(Vafayev),

“Issiqlik elektr stansiyalari” AJ (Mubarakshin),

Moliya vazirligi (Xaydarov)

“Oʻzsanoatqurilishbank” (Voitov)

“Oʻzmilliybank” (Mirsoatov)

“Tolimarjon IESda quvvati 900 MVtdan kam boʻlmagan 2 ta BGQ qurish”.

Mablagʻlar miqdori va manbai aniqlanmoqda

Loyihani amalga oshirish uchun tadqiqot ishlarini olib borish.

Loyihaning texnik-iqtisodiy asosini ishlab chiqish.

Loyihaning texnik-iqtisodiy asosini ekspertizadan oʻtkazish.

Loyihaning texnik-iqtisodiy asosini tasdiqlashga qaratilgan hukumat qarorini qabul qilish.

2018-yil dekabr

2019-yil mart

2019-yil aprel

Davlat investitsiya qoʻmitasi

(Vafayev),

“Issiqlik elektr stansiyalari” AJ (Mubarakshin),

Moliya vazirligi (Xaydarov)

Bosh pudratchini belgilash boʻyicha tender hujjatlarini tayyorlash va tender savdolarini oʻtkazish.

Qurilish maydonchasiga 1-raqamli va 2-raqamli gaz turbinalarini yetkazib berish.

1-raqamli bugʻ-gaz qurilmasini ishga tushirish (450 MVt).

2-raqamli bugʻ-gaz qurilmasini ishga tushirish (450 MVt).

2019-yil avgust

2020-yil aprel

2022-yil sentabr

2022-yil dekabr

“Toʻraqoʻrgʻon IESni qurish”.

1 195,9 mln. AQSH doll.

sh.j., 606,7 mln. doll. — JISA mablagʻlari

255,2 mln. doll. — OʻzRTTJ mablagʻi,

278,2 mln. doll. — Davlat budjeti mablagʻlari,

55,8 mln. doll. — “Issiqlik elektr stansiyalari” AJ mablagʻlari

Qurilish maydonchasiga 1-raqamli va 2-raqamli gaz turbinalarini yetkazib berish. 1-raqamli bugʻ-gaz qurilmasini ishga tushirish (450 MVt).

2-raqamli bugʻ-gaz qurilmasini ishga tushirish (450 MVt).

2018-yil dekabr

2019-yil sentabr

2019-yil dekabr

“Issiqlik elektr stansiyalari” AJ (Mubarakshin),

Davlat investitsiya qoʻmitasi,

OʻzRTTJ (Vafayev),

Moliya vazirligi (Xaydarov)

DBQ (Azimov)

“Toshkent IESda quvvati 27 MVt boʻlgan 2 ta gazturbina qurilmalarini oʻrnatish”.

Mablagʻlar miqdori va manbai aniqlanmoqda

Konsultantni aniqlash boʻyicha tender savdolarini oʻtkazish va qisqa roʻyxat qatnashchilari oʻrtasida gʻolibni aniqlash.

Loyihaning texnik-iqtisodiy asosini ishlab chiqish.

Loyihaning texnik-iqtisodiy asosini ekspertizadan oʻtkazish.

Loyihaning texnik-iqtisodiy asosini tasdiqlash va hukumat qarori loyihasini tayyorlash.

Bosh pudratchini tanlash boʻyicha tender hujjatlarini ishlab chiqish va tender savdolarini oʻtkazish.

Qurilish maydonchasiga 1-raqamli va 2-raqamli gaz turbinalarini yetkazib berish.

1-raqamli gaz turbinasi qurilmasini ishga tushirish.

2-raqamli gaz turbinasi qurilmasini ishga tushirish.

2019-yil mart

2019-yil may

2019-yil iyul

2020-yil sentabr

2021-yil may

2022-yil sentabr

2022-yil dekabr

Davlat investitsiya qoʻmitasi

(Vafayev),

“Issiqlik elektr stansiyalari” AJ (Mubarakshin),

Moliya vazirligi (Xaydarov)

“Fargʻona IES va Fargʻona RK-3 issiqxonasida yuqori samarador kogeneratsion gaz turbinasi texnologiyalarini joriy etish” (umumiy quvvati 24 MVt).

83,6 mln. AQSH doll.

sh.j., 49,6 mln. doll. —

Yaponiya yangi energetika va sanoat texnologiyalarini rivojlantirish tashkiloti mablagʻlari,

34 mln. doll. — “Issiqlik elektr stansiyalari” AJ mablagʻlari

RK-3 qurilish maydonchasiga quvvati 7 MVt kogeneratsion gaz turbina uskunalarini yetkazib berish.

GTU kogeneratsion gaz turbina uskunalarini ishga tushirish.

Qurilish maydonchasiga quvvati
17 MVt boʻlgan kogeneratsion gaz turbinasi uskunalarini yetkazib berish.

GTU kogeneratsion gaz turbina uskunalarini ishga tushirish.

2019-yil mart

2019-yil dekabr

2020-yil iyul

2021-yil yanvar

“Issiqlik elektr stansiyalari” AJ (Mubarakshin),

Davlat investitsiya qoʻmitasi

(Vafayev),

DBQ (Azimov)

“Toshkent IESning 6 ta, Navoiy IES — 4ta, Taxiatosh IES — 2 ta Yangi Angren IES — 5 ta energobloklarini modernizatsiya qilish (qoʻshimcha 1 355 MVt)”.

Mablagʻlar miqdori va manbai aniqlanmoqda

Asosiy uskunaning texnik holatini oʻrganish.

Modernizatsiya qilish uchun texnik topshiriqlarni ishlab chiqish.

2019-yil dekabr

2020-yil sentabr

“Issiqlik elektr stansiyalari” AJ (Mubarakshin)

Toshkent IES va Navoiy IESda elektr energiyasini ishlab chiqaruvchi yangi quvvatlarni, shuningdek, loyihalarni moliyalashtirish va amalga oshirishning aniq mexanizmlarini belgilagan holda, yangi boshqarish quvvatlarini qurish, shu jumladan, davlat-xususiy sheriklik yuzasidan takliflarni kiritish.

Mablagʻlar miqdori va manbai aniqlanmoqda

Qoʻshimcha elektr energiyasini ishlab chiqaruvchi qoʻshimcha quvvatlarni ishga tushirish boʻyicha takliflarni tayyorlash.

Loyihalarni moliyalashtirish boʻyicha xalqaro moliya institutlari va chet el hukumatlari tashkilotlari bilan muzokaralar olib borish.

Salohiyatli xorijiy investorlarni izlash va belgilash.

2019-yil iyul

2019-yil avgust

2019-yil noyabr

Davlat investitsiya qoʻmitasi

(Vafayev),

“Issiqlik elektr stansiyalari” AJ (Mubarakshin),

Iqtisodiyot vazirligi (Xodjayev)

10.

2019 — 2024-yillarda yirik shaharlarda joylashgan issiqxonalarda gaz turbinalarini oʻrnatish, shu jumladan, xususiy investorlarni davlat-xususiy sheriklik asosida jalb qilish boʻyicha takliflarni kiritish.

Mablagʻlar miqdori va manbai aniqlanmoqda

Yirik shaharlar issiqxonalarida gaz turbinalarini oʻrnatishni joriy etish boʻyicha tadqiqotlar olib borish.

Loyihaning texnik-iqtisodiy yechimini ishlab chiqish.

Loyihalarni moliyalashtirish uchun xalqaro moliya institutlari va chet el hukumatlari tashkilotlari bilan muzokaralar olib borish.

Salohiyatli xorijiy investorlarni izlash va belgilash.

2018-yil dekabr

2019-yil mart

2019-yil iyun

UJKXKV (Saliyev),

“Issiqlik elektr stansiyalari” AJ (Mubarakshin),

Davlat investitsiya qoʻmitasi

(Vafayev)

II. Elektr tarmoqlarini modernizatsiya qilish

11.

Eskirgan uskunalarni modernizatsiya qilish (220 — 500 kV quvvatga ega 22 ta kichik stansiyalar).

292,1 mln. AQSH doll.

sh.j., 150 mln. doll. — XTTB (XTA) mablagʻlari,

66,8 mln. doll. — Davlat budjeti mablagʻlari,

75,3 mln. doll. — “Oʻzbekiston Milliy elektr tarmoqlari” AJ mablagʻlari

Loyiha-smeta va tender hujjatlarini tayyorlash.

Tender savdolarini oʻtkazish.

Texnologik uskunalarni yetkazib berish.

Modernizatsiya qilish boʻyicha qurilish-montaj ishlarini amalga oshirish.

Jahon banki bilan birgalikda loyihaning 2-bosqichini tayyorlash va amalga oshirish boʻyicha muzokaralar olib borish.

2019-yil fevral

2019-yil dekabr

2020-yil may

2020-yil dekabr

2019-yil dekabr

Investitsiyalar va tashqi savdo vazirligi

(Vafayev),

Moliya vazirligi (Xaydarov),

“Oʻzbekiston Milliy elektr tarmoqlari” AJ (Isakulov)

12.

Sarimoy aholi punkti — Taxiatosh IES — Xorazm PS 220 kVli elektr uzatish liniyasi qurilishini tugatish.

258,5 mln. AQSH doll.

sh.j., 150 mln. doll. — OTB mablagʻlari,

72,7 mln. doll. — Davlat budjet mablagʻlari,

35,8 mln. doll. — “Oʻzbekiston Milliy elektr tarmoqlari” AJ mablagʻlari

6-lot boʻyicha tender hujjatlarini tayyorlash va OTB bilan kelishish.

6-lot boʻyicha tender savdolarini eʼlon qilish.

2-lot boʻyicha eʼlon qilingan tender savdolarida gʻolib boʻlganlarni aniqlash va shartnomalar tuzish.

Qurilish maydonchasiga elektr uskunalari va materiallarni yetkazib berish.

Qurilish-montaj ishlarini olib borish.

2018-yil noyabr

2018-yil dekabr

2019-yil mart

2019-yil oktabr

2019-yil noyabr

Investitsiyalar va tashqi savdo vazirligi

(Vafayev),

“Oʻzbekiston Milliy elektr tarmoqlari” AJ (Isakulov),

Moliya vazirligi (Xaydarov)

13.

7,1 ming km elektr tarmoqlarini qurish va modernizatsiya qilish loyihalarini amalga oshirish.

835,9 mln. AQSH doll.

sh.j., 609 mln. doll. — XMI va XHMT mablagʻlari hisobiga qayta moliyalashtirishni qoʻshgan holda

tijorat banklari kreditlari,

226,9 mln. doll. — “Hududiy elektr tarmoqlari” AJ tomonidan

jalb qilinadigan

mablagʻlar

2019-2020-yillarda “Obod qishloq” Davlat dasturi boʻyicha ajratilgan mablagʻlarning kamida 100 mln. AQSH dollarini past kuchlanishli elektr tarmoqlarini qurish va modernizatsiya qilishga yoʻnaltirish masalasi boʻyicha xalqaro moliya institutlari bilan muzokaralar olib borish.

2018-yil dekabr

Investitsiyalar va tashqi savdo vazirligi

(Vafayev),

“Hududiy elektr tarmoqlari” AJ (Mustafoyev)

III. EEHO va NQATni joriy etish boʻyicha loyihalarni amalga oshirish

14.

EEHO va NQAT maʼlumotlarini qayta ishlash respublika yagona markazini tashkil etish.

Mablagʻlar miqdori va manbai aniqlanmoqda

(EEHO va NQAT
1-bosqichi boʻyicha OTB tomonidan ajratilgan mablagʻlarning tejab qolingan qismi hisobidan)

EEHO va NQAT 1-bosqichi boʻyicha xalqaro tenderda aniqlangan pudratchi-kompaniya bilan EEHO va NQAT maʼlumotlarini qayta ishlash respublika yagona markazi uchun axborot dasturini, server va tarmoq uskunalarini xarid qilish yuzasidan muzokaralar olib borish.

EEHO va NQAT 1-bosqichi loyihasini amalga oshirish doirasida Osiyo taraqqiyot banki tomonidan ajratilgan mablagʻlarning tejab qolingan qismi hisobidan pudratchi-kompaniya bilan EEHO va NQAT maʼlumotlarini qayta ishlash respublika yagona markazini tashkil qilish boʻyicha qoʻshimcha shartnoma imzolash.

Qoʻshimcha shartnomani Davlat investitsiya qoʻmitasida roʻyxatdan oʻtkazish.

2018-yil oktabr

2018-yil noyabr

“Issiqlik elektr stansiyalari” AJ (Mubarakshin),

Investitsiyalar va tashqi savdo vazirligi

(Vafayev),

Majburiy ijro byurosi

(Kudratxodjayev)

15.

Buxoro, Jizzax va Samarqand viloyatlarida EEHO va NQAT 1-bosqichi loyihasini joriy etish doirasida hisoblash uskunalarini oʻrnatish ishlarini jadallashtirish.

207,4 mln. AQSH doll.

sh.j., 150 mln. doll. — OTB mablagʻlari,

32,2 mln. doll. — OʻzRTTJ mablagʻlari,

25,2 mln. doll. — “Hududiy elektr tarmoqlari” AJ mablagʻlari

Qoʻshimcha xodimlarni jalb qilgan holda, 2019-yilda 1 mln. va 2020-yilning I yarim yilligida 400 ming dona hisoblash uskunalari bilan taʼminlash va oʻrnatilishini tuman hamda mahallalar kesimida bajarilishining oylik va oʻn kunlik jadvallarini tasdiqlash hamda ijrosini taʼminlash.

2018-yil dekabr —
2020-yil iyun

“Hududiy elektr tarmoqlari” AJ (Mustafoyev),

Majburiy ijro byurosi

(Kudratxodjayev)

16.

EEHO va NQAT 4-bosqichini joriy etish boʻyicha texnik-iqtisodiy asosni ishlab chiqish va tasdiqlash.

476,6 mln. AQSH doll.

sh.j., 300 mln. doll. — OTB mablagʻlari,

73,8 mln. doll. —Davlat budjeti mablagʻlari,

102,8 mln. doll. — “Hududiy elektr tarmoqlari” AJ mablagʻlari

Loyihaning texnik-iqtisodiy asosini tayyorlash boʻyicha “Oʻzinjiniring” RLI bilan shartnoma tuzish.

Osiyo taraqqiyot banki tomonidan ajratilgan mablagʻlardan
300 mln. AQSH dollarini respublikaning qolgan hududlarida “EEHO va NQAT
4-bosqichi” loyihasi boʻyicha elektr energiyasini hisoblash uskunalari hamda qoʻshimcha uskunalarni xarid qilish yuzasidan muzokaralar olib borish.

Osiyo taraqqiyot banki, Majburiy ijro byurosi va “Oʻzbekenergo” AJ mablagʻlari hisobidan maʼlumotlarni qayta ishlash respublika yagona markazini tashkil etish va respublikaning barcha hududlarini qamrab olish uchun hisoblash uskunalarini xarid qilish boʻyicha loyihaning texnik-iqtisodiy asosini ishlab chiqish.

Loyihaning texnik-iqtisodiy asosini ekspertizadan oʻtkazish va tasdiqlash.

2018-yil noyabr

2018-yil

noyabr-dekabr

2019-yil yanvar

“Oʻzinjiniring” RLI (Urazayev),

“Hududiy elektr tarmoqlari” AJ (Mustafoyev),

Investitsiyalar va tashqi savdo vazirligi

(Vafayev),

Moliya vazirligi (Xaydarov),

Majburiy ijro byurosi

(Kudratxodjayev)

17.

Majburiy ijro byurosini rivojlantirish jamgʻarmasi mablagʻlari hisobidan tanlov asosida mahalliy ishlab chiqaruvchilarning eng yaxshi takliflari asosida elektr energiyasini hisoblash hamda qoʻshimcha uskunalarni xarid qilishni parallel moliyalashtirish uchun 2019-yilda 500 mlrd. soʻm miqdorida mablagʻlar ajratish.

500 mlrd. soʻm

Majburiy ijro byurosini rivojlantirish

jamgʻarmasi mablagʻlari

Elektr energiyasini hisoblash uskunalari hamda qoʻshimcha uskunalarni xarid qilish boʻyicha shartnomalar tuzish.

Pul mablagʻlarini ajratish jadvallarini Majburiy ijro byurosini rivojlantirish jamgʻarmasi bilan kelishish.

Majburiy ijro byurosini rivojlantirish jamgʻarmasi tomonidan mablagʻlarni ajratish.

2018-yil noyabr

jadval asosida

“Hududiy elektr tarmoqlari” AJ (Mustafoyev),

Majburiy ijro byurosi

(Kudratxodjayev)

IV. Moliyaviy holatni yaxshilash tadbirlari

18.

Debitor qarzdorlikni qisqartirish hisobiga elektr energiyasi toʻlovlarini yigʻib olish darajasini oshirish.

Elektr energiyasi uchun toʻlovlarni yigʻib olish darajasini oshirish boʻyicha kompleks chora-tadbirlarni ishlab chiqish va tasdiqlash.

Har oyda joylarga chiqish darajasini oshirishni taʼminlash.

“Oʻzbekenergo” AJ xodimlarini, shuningdek, qoʻshimcha ravishda shartnoma asosida ishchilarni jalb qilish.

Energiya resurslari isteʼmolining real hajmini va uning shartnomada koʻrsatilgan hajmga, shuningdek, amalga oshirilgan toʻlovlarga muvofiqligini aniqlash maqsadida turar va noturar obyektlar fondini toʻliq xatlovdan oʻtkazishni yakunlash.

2018-yil 5-dekabr

har oyda

2018-yil noyabr

2019-yil 1-yanvar

Majburiy ijro byurosi

(Kudratxodjayev),

“Hududiy elektr tarmoqlari” AJ (Mustafoyev)

19.

500 kVtli “Surxon-Puli-Xumri” EUL liniyasi qurilishini tugatgan holda, elektr energetika tarmogʻining eksport salohiyatini oshirish.

150 mln. AQSH doll.

sh.j., 118 mln. doll. — Afgʻoniston tomoni mablagʻlari,

32 mln. doll. — “Oʻzbekiston Milliy elektr tarmoqlari” AJ mablagʻlari

Loyihani amalga oshirishni jadallashtirish boʻyicha ishchi guruhni shakllantirish.

Tadqiqot olib borish uchun mutaxassislarning joʻnab ketishi muddatlarini Afgʻoniston tomoni bilan kelishish.

Oʻzbekiston hududida elektr tarmoqlarining qurilishi ishlarini yakunlash.

2018-yil oktabr

2018-yil noyabr

2019-yil dekabr

Vazirlar Mahqamasi (Sultonov),

Moliya vazirligi (Qoʻchqorov),

TIV (Irgashev),

TSV (Xodjayev),

“Oʻzbekiston Milliy elektr tarmoqlari” AJ (Isakulov)

20.

Aholini va iqtisodiyot tarmoqlarini, ayniqsa kuz-qish mavsumida elektr energiyasi bilan uzluksiz taʼminlash yuzasidan chora-tadbirlarni qabul qilish.

Qoʻshni davlatlardan elektr energiyasini import qilish boʻyicha Vazirlar Mahkamasiga taklif kiritish.

2018-yil

noyabr

Iqtisodiyot vazirligi (Xodjayev),

“Oʻzbekenergo” AJ (Mustafoyev)

21.

“Chorvoq GES gidrogenerator uskunalarini modernizatsiya qilish va ishchi gʻildiraklarini almashtirish” investitsiyaviy loyihasini moliyalashtirish uchun ilgari berilgan kreditni “Oʻzbekenergo” AJdan “Oʻzbekgidroenergo” AJga qayta rasmiylashtirish.

Oʻzbekiston Respublikasi Tiklanish va taraqqiyot jamgʻarmasi hamda tegishli tijorat banki bilan birgalikda kredit shartnomalariga oʻzgartirishlar kiritish.

Oʻzbekiston Respublikasi kafolatini qayta rasmiylashtirish.

2018-yil

noyabr

OʻzRTTJ (Vafayev),

Moliya vazirligi (Qoʻchqorov),

“Oʻzbekenergo” AJ (Mustafoyev),

“Oʻzbekgidroenergo” AJ (Sanginov)

Loyihalarni amalga oshirish xarajatlari shundan:

Oʻzbekiston Respublikasining imtiyoz va preferensiyalar koʻrinishidagi ulushi

Oʻzbekiston Respublikasi Tiklanish va taraqqiyot jamgʻarmasi mablagʻlari

tijorat banklari kreditlari

“Oʻzbekenergo” AJ mablagʻlari

Majburiy ijro byurosini rivojlantirish Jamgʻarmasi mablagʻlari

xalqaro moliya institutlari mablagʻlari

xalqaro tashkilotlar grantlari

mln. AQSH doll

4 826,9

611,7

668,1

653,5

603,9

2 240,1

49,6

mlrd. soʻm

500,0

500

(1-ilova Oʻzbekiston Respublikasi Prezidentining 2020-yil 18-iyundagi PF-6010-sonli Farmoni tahririda — Qonun hujjatlari maʼlumotlari milliy bazasi, 18.06.2020-y., 06/20/6010/0776-son)

Oʻzbekiston Respublikasi Prezidentining 2018-yil 23-oktabrdagi PQ-3981-son qaroriga
2-ILOVA

Elektr energetikasi tarmogʻini isloh qilish boʻyicha amaliy chora-tadbirlar

REJASI

T/r	Chora-tadbirlar nomi	Amalga oshirish shakli	Muddatlar	Masʼul ijrochilar
I. XMI texnik koʻmagi bilan elektr energetikasi tarmogʻini restrukturizatsiya qilish va institutsional islohotlarni amalga oshirish
1.	Jahon bankining texnik koʻmagida elektr energetikasining amaldagi tuzilmasida elektr taʼminotining butun halqasi (elektr energiyasini ishlab chiqarish, uzatish, taqsimlash va sotish) boʻyicha sektor boshqaruvidagi, normativ-huquqiy asoslaridagi muammolarni aniqlash yuzasidan tahlil oʻtkazish.	Tahliliy materiallar	2018-yil dekabr	Iqtisodiyot vazirligi (Mirzayev), Moliya vazirligi (Xaydarov), “Oʻzbekenergo”AJ (Mustafoyev), “Oʻzbekgidroenergo” AJ (Sanginov)
2.	Jahon bankining texnik koʻmagida respublika sharoitlarida qoʻllanilishi mumkin boʻlgan elektr energetika sohasidagi eng yaxshi xalqaro amaliyotlarni qiyosiy tahlil qilish.	Tahliliy materiallar	2019-yil yanvar	Iqtisodiyot vazirligi (Mirzayev), Moliya vazirligi (Xaydarov), “Oʻzbekenergo”AJ (Mustafoyev), “Oʻzbekgidroenergo” AJ (Sanginov)
3.	Jahon bankining texnik koʻmagida elektr energetikasi tarmogʻini isloh qilish (restrukturizatsiya) modelini amalga oshirish boʻyicha batafsil “Yoʻl xaritasi”ni ishlab chiqish.	Oʻzbekiston Respublikasi Prezidenti qarori loyihasi	2018-yil dekabr	Iqtisodiyot vazirligi (Mirzayev), Moliya vazirligi (Xaydarov), Davlat investitsiya qoʻmitasi (Vafayev), “Oʻzbekenergo”AJ (Mustafoyev), “Oʻzbekgidroenergo” AJ (Sanginov)
4.	Osiyo tarraqiyot banki va Jahon bankining texnik koʻmagida elektr energetikasi tarmogʻidagi tarif siyosatini takomillashtirish, shu jumladan: moliyaviy ahvolni baholash, elektr energetikasi tarmogʻi korxonalarini moliyaviy sogʻlomlashtirish rejasini ishlab chiqish (Osiyo tarraqiyot banki); ilgʻor xalqaro amaliyotdan kelib chiqib, elektr energetikasi tarmogʻi uchun tarif modelini tayyorlash (Jahon banki); elektr energiyasiga tariflarni shakllantirish metodologiyasi loyihasini tayyorlash (Osiyo taraqqiyot banki).	Tahliliy materiallar Tahliliy materiallar Oʻzbekiston Respublikasi Vazirlar Mahkamasi qarori loyihasi	2018-yil dekabr 2018-yil dekabr 2019-yil mart	Moliya vazirligi (Xaydarov), Iqtisodiyot vazirligi (Mirzayev), “Oʻzbekenergo”AJ (Mustafoyev), “Oʻzbekgidroenergo” AJ (Sanginov)
5.	Osiyo taraqqiyot bankining texnik koʻmagida: energiya resurslariga oʻsib borayotgan talabni qondirish uchun Jahon banki ishtirokida ishlab chiqarish quvvatlarini 2030-yilgacha eng kam xarajat hisobiga kengaytirish; uzatish va taqsimlash obyektlarini va infratuzilmalarini kengaytirish hamda modernizatsiya qilish; muqobil energiya manbalari (gidro, quyosh, shamol va atom) ulushini oshirish orqali elektr energiyasi ishlab chiqarilishini diversifikatsiya qilish boʻyicha uzoq muddatli investitsiyaviy dasturlarni ishlab chiqish.	Oʻzbekiston Respublikasi Prezidenti qarori loyihasi	2019-yil iyun	Davlat investitsiya qoʻmitasi (Qudratov), Iqtisodiyot vazirligi (Mirzayev), Moliya vazirligi (Xaydarov), “Oʻzbekenergo” AJ (Mustafoyev), “Oʻzbekgidroenergo” AJ (Sanginov), OʻzRTTJ (Vafayev)
6.	Jahon banki guruhi texnik koʻmagida qayta tiklanuvchi energiya manbalarini kompleks rivojlantirish boʻyicha quyidagilarni oʻz ichiga oluvchi takliflarni tayyorlash: Navoiy viloyatida tanlov asosida 100 MVt quvvatga ega quyosh fotoelektr stansiyasini qurish boʻyicha tajriba loyihasini amalga oshirish; tizimning ishonchli va muvozanatli ishlashini taʼminlash boʻyicha chora-tadbirlarni amalga oshirish va tavsiyalarni ishlab chiqish orqali qayta tiklanuvchi energetikaning mamlakat elektr energetikasi tizimiga integratsiyasi taʼsirini oʻrganish; qayta tiklanuvchi energetika sohasida normativ-huquqiy va texnik hujjatlar loyihalarini ishlab chiqish.	Oʻzbekiston Respublikasi Prezidenti qarori loyihasi Tahliliy materiallar Oʻzbekiston Respublikasining “Qayta tiklanuvchi energiya manbalari toʻgʻrisida”gi Qonuni loyihasi normativ-huquqiy hujjat loyihalari, texnik hujjatlar	2019-yil iyun 2019-yil mart 2018-yil dekabr 2019-yil iyun	Iqtisodiyot vazirligi (Niyozmatov), Moliya vazirligi (Xaydarov), Adliya vazirligi (Davletov), Davlat investitsiya qoʻmitasi (Vafayev), “Oʻzbekenergo” AJ (Mustafoyev)
7.	Elektr energiyasini ishlab chiqarish (generatsiyasi)ga xususiy kapitalni jalb qilish hamda elektr energiyasini taqsimlash va sotish vazifalarini xususiy operatorlarga topshirish boʻyicha tajriba loyihalarini amalga oshirish hisobiga davlat ulushini tobora qisqartirib borish, bunda quyidagilarni nazarda tutish: xususiylashtirish, davlat-xususiy sheriklik (DXSH) asosida xususiy operatorlarga ishonchli boshqaruvga topshirish uchun tavsiya etiladigan korxonalar roʻyxati (keyingi oʻrinlarda — roʻyxat)ni shakllantirish va tasdiqlash; roʻyxatga kiritilgan korxonalarning holatini baholash uchun texnik va moliyaviy audit oʻtkazish; xalqaro konsultantlar bilan birgalikda tegishli tanlov hujjatlarini ishlab chiqish boʻyicha texnik vazifalarni tayyorlash; xususiylashtirish, DXSH asosida xususiy operatorlarga ishonchli boshqaruvga topshirish boʻyicha tanlovlar eʼlon qilish va oʻtkazish; tanlov natijalariga koʻra investitsiya loyihalarini amalga oshirish.	Oʻzbekiston Respublikasi Vazirlar Mahkamasi qarori loyihasi	2018-yil dekabr 2019-yil aprel 2019-yil iyun 2019-yil sentabr tarmoq jadvaliga asosan	Elektr energetikasi tarmogʻini isloh qilish boʻyicha Komissiya (Aripov), vazirlik va idoralar
8.	Yevropa tiklanish va taraqqiyot bankining texnik koʻmagida elektr energetikasi tarmogʻi korxonalarida korporativ boshqaruvning quyidagilarni nazarda tutuvchi zamonaviy shakl va usullarini joriy etish: Kuzatuv kengashlari tarkibiga professional boshqaruvchilar (menedjerlar)ni, shu jumladan, nufuzli xorijiy tashkilotlarda ish tajribasiga ega va xorijda taʼlim olganlarni jalb qilish; boshqaruv, sifat nazorati, moliyaviy hisobotlar va operatsion menejmentning xalqaro standartlarini joriy qilish.	Oʻzbekiston Respublikasi Vazirlar Mahkamasi qarori loyihasi	2019-yil mart	“Oʻzbekenergo” AJ (Mustafoyev), Davlat raqobat qoʻmitasi (Sharipov), Moliya vazirligi (Xaydarov), Iqtisodiyot vazirligi (Mirzayev)
9.	Mahalliy elektr energiya bozori ishtirokchilarini tartibga solish va nazorat qilish sohasida vakolatli davlat organini tashkil etish.	Oʻzbekiston Respublikasi Prezidenti qarori loyihalari	2018-yil dekabr	Iqtisodiyot vazirligi (Mirzayev), Moliya vaziri (Xaydarov), Davlat raqobat qoʻmitasi (Sharipov), Adliya vazirligi (Jurayev), “Oʻzbekenergo”AJ (Mustafoyev), “Oʻzbekneftegaz”AJ (Ashrafxanov), “Oʻzbekgidroenergo” AJ (Sanginov)
10.	Jahon banki koʻmagida korxonani boshqarish tizimini (ERP) joriy etish yoʻli bilan “Oʻzbekenergo” AJning moliya-xoʻjalik faoliyati shaffofligini oshirish.	Korxonani boshqarish tizimini (ERP) joriy qilish boʻyicha “Yoʻl xaritasi”	2019-yil fevral	“Oʻzbekenergo” AJ (Mustafoyev), Davlat investitsiya qoʻmitasi (Vafayev), Axborot texnologiyalari va kommunikatsiyalarini rivojlantirish vazirligi (Sadikov)
II. Elektr energetika tarmogʻida davlat-xususiy sheriklikni rivojlantirish
11.	Yevropa tiklanish va taraqqiyot bankini jalb etgan holda elektr energetikasi tarmogʻida loyihalarni davlat-xususiy sheriklik asosida amalga oshirish shartlari va mexanizmlarni ishlab chiqish.	Normativ-huquqiy hujjat loyihalari	2019-yil mart	Moliya vaziri (Kuchkarov), Iqtisodiyot vazirligi (Xodjayev), Davlat investitsiya qoʻmitasi (Vafayev), Davlat raqobat qoʻmitasi (Sharipov), “Oʻzbekenergo” AJ (Mustafoyev)
12.	“Oʻzbekenergo” AJning ulushini “Angren IES” AJ va “Yangi Angren IES” AJ ishonchli boshqaruviga topshirish boʻyicha takliflar kiritish.	Oʻzbekiston Respublikasi Vazirlar Mahkamasi qarori loyihasi	2019-yil mart	“Oʻzbekenergo” AJ (Mustafoyev), Davlat investitsiya qoʻmitasi (Vafayev), Iqtisodiyot vazirligi (Xodjayev), Davlat raqobat qoʻmitasi (Sharipov)
13.	Jahon bankining texnik koʻmagida elektr energiyasi, shu jumladan, muqobil energiya manbalaridan elektr energiyasi ishlab chiqaruvchi tadbirkorlik subyektlarini yagona energetika tizimiga ulash reglamentini ishlab chiqish.	Oʻzbekiston Respublikasi Vazirlar Mahkamasi qarori loyihasi	2019-yil mart	“Oʻzbekenergo” AJ (Mustafoyev), “Oʻzdavenergonazorat” DI (Isakulov)

Oʻzbekiston Respublikasi Prezidentining 2018-yil 23-oktabrdagi PQ-3981-son qaroriga
3-ILOVA

Oldingi tahrirga qarang.

Elektr energetikasi tarmogʻini isloh qilish boʻyicha Komissiya

TARKIBI

1.	A.N. Aripov	―	Oʻzbekiston Respublikasi Bosh vaziri, Komissiya raisi
2.	J.A.Qoʻchqorov	―	Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari ― Oʻzbekiston Respublikasi iqtisodiy taraqqiyot va kambagʻallikni qisqartirish vaziri, Komissiya raisi oʻrinbosari
3.	A.S. Sultanov	―	Oʻzbekiston Respublikasi energetika vaziri, Komissiya raisi oʻrinbosari
4.	B.M. Mavlonov	―	Oʻzbekiston Respublikasi Prezidenti Administratsiyasining Huquqiy ekspertiza va kompleks tahlil qilish departamenti rahbari
5.	G.K. Saidova	―	Oʻzbekiston Respublikasi Prezidenti maslahatchisining oʻrinbosari
6.	Sh.A. Vafayev	―	Oʻzbekiston Respublikasi investitsiyalar va tashqi savdo vaziri oʻrinbosari ―Oʻzbekiston Respublikasi Tiklanish va taraqqiyot jamgʻarmasi ijrochi direktori
7.	Sh.Ya. Ismailov	―	Oʻzbekiston Respublikasi Prezidenti Administratsiyasining shuʼba mudiri
8.	O.E. Nasritdinxodjayev	―	Oʻzbekiston Respublikasi moliya vazirining birinchi oʻrinbosari
9.	B.K. Abdinazarov	―	Oʻzbekiston Respublikasi iqtisodiy taraqqiyot va kambagʻallikni qisqartirish vazirining oʻrinbosari
10.	N.Sh. Sharipov	―	Oʻzbekiston Respublikasi Monopoliyaga qarshi kurashish qoʻmitasi raisi
11.	Sh.X. Xodjayev	―	Oʻzbekiston Respublikasi energetika vaziri oʻrinbosari
12.	U.U. Egamberdiyev	―	Oʻzbekiston Respublikasi Energetika vazirligi huzuridagi “Oʻzenergoinspeksiya” boshligʻi
13.	M.R. Abdullayev	―	“Oʻzbekneftgaz” AJ boshqaruvi raisi
14.	R.G. Mubarakshin	―	“Issiqlik elektr stansiyalari” AJ boshqaruvi raisi
15.	D.A. Isakulov	―	“Oʻzbekiston Milliy elektr tarmoqlari” AJ boshqaruvi raisi
16.	U.M. Mustafoyev	―	“Hududiy elektr tarmoqlari” AJ boshqaruvi raisi
17.	A.A. Sanginov	―	“Oʻzbekgidroenergo” AJ boshqaruvi raisi
18.	B.A. Xadjixanov	―	Oʻzbekiston Respublikasi Vazirlar Mahkamasi shuʼba mudiri, Komissiya masʼul kotibi

Izoh. Komissiya aʼzolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki zimmasiga tegishli funksiyalarni bajarish yuklatilgan shaxslar kiritiladi.

(3-ilovaning matni Oʻzbekiston Respublikasi Prezidentining 2020-yil 18-iyundagi PF-6010-sonli Farmoni tahririda — Qonun hujjatlari maʼlumotlari milliy bazasi, 18.06.2020-y., 06/20/6010/0776-son)

Oʻzbekiston Respublikasi Prezidentining 2018-yil 23-oktabrdagi PQ-3981-son qaroriga
4-ILOVA

“Oʻzbekenergo” AJ loyihalarini birgalikda moliyalashtirish uchun ajratilgan, qayta moliyalashtiruvchi banklarning majburiyatlarini restrukturizatsiya qilish bilan yakuniy toʻlovlar muddatlari 3 yilga uzaytiriladigan Oʻzbekiston Respublikasi Tiklanish va taraqqiyot jamgʻarmasi kreditlarining

ROʻYXATI

				mln. AQSH dollari
T/r	Loyihalar nomi:	Jami kredit summasi, jumladan		Asosiy qarz summasi
		rasmiylashtirilgan kredit summasi	ajratilgan kredit summasi	jami	jumladan
		rasmiylashtirilgan kredit summasi	ajratilgan kredit summasi	jami	2019-yil	2020-yil	2021-yil
“Oʻzsanoatqurilishbank” ATB
1.	Yangi-Angren IESning 1 — 5-raqamli energobloklarini yil davomida koʻmir yoqishga oʻtkazish (1-bosqich)	51,3	48,3	9,6	6,4	3,2
2.	Taxiatosh IESda 230 — 280 MVt quvvatga ega 2 ta Bugʻ-gaz qurilmasini qurish	230,7	16,6	16,6			16,6
Oʻzbekiston Respublikasi Tashqi iqtisodiy faoliyat milliy banki
3.	Navoiy IESda Bugʻ-gaz qurilmasini qurish	282,8	282,8	94,7	27,3	27,3	40,1
4.	Toshkent IESda 370 MVt quvvatga ega Bugʻ-gaz qurilmasini qurish	76,2	76,2	30,6	10,2	10,2	10,2
5.	Tolimarjon IESni 450 MVt quvvatga ega 2 ta Bugʻ-gaz qurilmasini qurish bilan kengaytirish	240,9	202,6	57,9	19,3	19,3	19,3
6.	“Gʻuzor-Surxon” yoʻnalishi va “Surxon” kichik stansiyasida 500 kV yuqori kuchlanishli avtotransformatorni qurish	46,2	24,0	1,0			1,0
JAMI		928,1	650,5	210,4	63,2	60,0	87,2

(Qonun hujjatlari maʼlumotlari milliy bazasi, 24.10.2018-y., 07/18/3981/2092-son; 14.02.2019-y., 07/19/4189/2609-son, 10.07.2019-y., 06/19/5761/3398-son; 18.06.2020-y., 06/20/6010/0776-son; 10.09.2022-y., 06/22/220/0812-son)