Oʻzbekiston Respublikasi Prezidentining
Qarori
Respublikada pillachilik tarmogʻidagi mavjud imkoniyatlardan yanada samarali foydalanish chora-tadbirlari toʻgʻrisida
Respublikada pillachilik tarmogʻini rivojlantirish, intensiv tutzorlar barpo etish, pillachilik tarmogʻi korxonalarini modernizatsiya qilish hisobiga ipak mahsulotlarining eksport salohiyatini oshirish borasida tizimli ishlar yoʻlga qoʻyildi.
Bugungi kunda mavjud tutzorlarni bosqichma-bosqich taʼmirlash, ipak qurti boqishga moʻljallangan inshootlarni qurish, fermer xoʻjaliklarining dala chetlariga tut koʻchatlari ekishni koʻpaytirish, mavjud imkoniyatlardan samarali foydalanish hisobiga aholi bandligini taʼminlashga qaratilgan tadbirlarni yanada jadal davom ettirish dolzarb vazifalardan hisoblanadi.
Pillachilik tarmogʻi korxonalari faoliyati samaradorligini oshirish, sohada innovatsion texnologiyalarni joriy etish, tomorqa yer egalari (aholi xonadonlari)ni pilla boqish ishlariga kasanachilik asosida jalb etish va ularni ragʻbatlantirish hisobiga qishloq aholisini, ayniqsa xotin-qizlar bandligini taʼminlashga qaratilgan tadbirlarni belgilash maqsadida:
1. Oʻzbekiston Respublikasi Prezidentining 2017-yil 29-martdagi “Oʻzbekipaksanoat” uyushmasi faoliyatini tashkil etish chora-tadbirlari toʻgʻrisida” PQ-2856-son qarorining bajarilishi boʻyicha quyidagilar amalga oshirilganligi maʼlumot uchun qabul qilinsin:
birinchidan, mavjud 43,4 ming gektar tutzorlar va 44 mln. tup yakka tut qatorlari uyushma tizimidagi korxonalarga biriktirib berilganligi va yangidan 2 270 gektar tut plantatsiyasi, shundan 400 gektar maydonda intensiv tutzorlar barpo etilganligi;
ikkinchidan, 2018-yilda 18 ming tonna pilla yetishtirilishi (2017-yilga nisbatan 144,0 foiz) va 60 mln. AQSH dollardan ortiq ipak mahsulotlarini eksportga chiqarilishi;
uchinchidan, pillachilik tarmogʻi korxonalarini modernizatsiya qilish hisobiga 2018-yilda 50 mln. AQSH dollaridan ortiq investitsiya kiritilishi;
toʻrtinchidan, pillachilik sohasida 14 ming 452 ta doimiy va 410 ming 793 ta mavsumiy ish oʻrinlari tashkil etilganligi;
beshinchidan, pillachilik sohasida Xitoy, Eron, Vyetnam, Hindiston, Koreya, Birlashgan Arab Amirligi, Turkiya, Avstriya, Vengriya, Italiya, Germaniya, Belgiya, Bolgariya, AQSH, Singapur, Pokiston va Qirgʻiziston davlatlari bilan xalqaro hamkorlik oʻrnatilganligi.
2. Quyidagilar:
“Oʻzbekipaksanoat” uyushmasining pillachilik tarmogʻida 1-ilovaga muvofiq roʻyxat boʻyicha yangi loyihalarni amalga oshirish toʻgʻrisidagi taklifi;
Oʻzbekiston Respublikasi Qishloq xoʻjaligi vazirligining pillachilik ozuqa bazasini mustahkamlash maqsadida fermer xoʻjaliklari yer uchastkalarining dala chetlarida tut koʻchatlari ekishni jadal rivojlantirish toʻgʻrisidagi taklifi;
“Oʻzbekipaksanoat” uyushmasi, Oʻzbekiston Fermer, dehqon xoʻjaliklari va tomorqa yer egalari kengashi va Oʻzbekiston Respublikasi Bandlik va mehnat munosabatlari vazirligining respublika hududlarida qishloq aholisini, ayniqsa xotin-qizlarni ish bilan taʼminlash va ularning daromadlarini oshirish maqsadida pillachilik tarmogʻi tashkilotlari tomonidan tomorqa yer egalari (aholi xonadonlari)ga 50 boshdan 90 kunlik parranda va tut koʻchatlarini shartnoma asosida bepul yetkazib berish toʻgʻrisidagi takliflari;
“Oʻzbekipaksanoat” uyushmasining uyushma huzurida “Ipakchilik sohasida hunarmandchilik va kasanachilikni rivojlantirish oʻquv-ishlab chiqarish markazi”ni tashkil etish toʻgʻrisidagi taklifi;
Namangan viloyati hokimligining pillachilik tarmogʻi tashkilotlari tomonidan 2019-2020-yillarda jami 3000 gektar, shu jumladan, Chortoq tumanida 1000 gektar, Toʻraqoʻrgʻon tumanida 500 gektar, Chust tumanida 500 gektar, Namangan tumanida 400 gektar, Kosonsoy tumanida 300 gektar va Yangiqoʻrgʻon tumanida 300 gektar maydonda yangi tutzorlar barpo etish uchun yer uchastkasi ajratish va qishloq xoʻjaligi ekinlarini joylashtirish rejasiga kiritish toʻgʻrisidagi taklifi;
Surxondaryo viloyati hokimligining pillachilik tarmogʻi tashkilotlari tomonidan 2019-yilda jami 1000 gektar, shu jumladan, Shoʻrchi tumanida 150 gektar, Denov tumanida 50 gektar, Uzun tumanida 400 gektar (jumladan Bobotogʻ massivida 250 gektar), Sariosiyo tumanida 50 gektar, Qumqoʻrgʻon tumanida 200 gektar va Oltinsoy tumanida 150 gektar maydonda yangi tutzorlar barpo etish uchun yer uchastkasi ajratish va qishloq xoʻjaligi ekinlarini joylashtirish rejasiga kiritish toʻgʻrisidagi taklifi maʼqullansin.
3. “Oʻzbekipaksanoat” uyushmasi, tegishli vazirliklar va idoralar, Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda ikki oy muddatda pillachilik tarmogʻida mavjud imkoniyatlardan yanada samarali foydalanish, shu jumladan tutzorlarni kengaytirish, tomorqa yer egalari (aholi xonadonlari)ning qoʻshimcha daromadlarini oshirish va ish oʻrinlari tashkil etishga qaratilgan kompleks chora-tadbirlar dasturini (keyingi oʻrinlarda Dastur deb yuritiladi) ishlab chiqsin va tasdiqlash uchun Vazirlar Mahkamasiga kiritsin.
Dasturda quyidagilar nazarda tutilsin:
pillachilik tarmogʻi korxonalariga ajratilgan yer maydonlaridan samarali foydalanish, yangi tutzorlar barpo etish va ular negizida ipak qurti boqishga moʻljallangan inshootlar qurish;
qoʻshimcha daromad olishni koʻpaytirish maqsadida tomorqa yer egalari (aholi xonadonlari) bilan tut koʻchati ekish, pilla yetishtirish, parranda boqish boʻyicha shartnomalar tuzishni tashkil etish;
tomorqa yer egalari (aholi xonadonlari)ga tut koʻchatlari, asbob-uskunalar va 50 boshdan 90 kunlik parrandalarni shartnoma asosida bepul yetkazib berish hamda shartnomalarning bajarilishi yuzasidan monitoring yuritish;
tomorqa yer egalari (aholi xonadonlari)ga tut koʻchatlari, asbob-uskunalar va parrandalar yetkazib berish bilan bogʻliq xarajatlarni moliyalashtirish va uni qoplash tizimini joriy etish;
pillachilik sohasida doimiy va mavsumiy ish bilan band boʻlganlar sonini uch yilda bir million kishiga yetkazish.
4. Oʻzbekiston Respublikasi Bandlik va mehnat munosabatlari vazirligi va “Oʻzbekipaksanoat” uyushmasining “Oʻzbekipaksanoat” uyushmasi huzuridagi Ipakchilik sohasida hunarmandchilik va kasanachilikni rivojlantirish oʻquv-ishlab chiqarish markazi bilan shartnoma asosida uy sharoitida pilla xom ashyosini qayta ishlash, xom ipak va tayyor mahsulot ishlab chiqarish faoliyati bilan band boʻlgan shaxslarni qonun hujjatlarida tasdiqlangan toʻliq bir mavsum ishlangan davrlarini ularga pensiya tayinlash uchun bir yil mehnat stajiga oʻtadigan mavsumiy ishlar va sanoatning mavsumiy tarmoqlari roʻyxatiga kiritish toʻgʻrisidagi taklifi qabul qilinsin.
5. Belgilab qoʻyilsinki:
uy sharoitida pilla xom ashyosini qayta ishlash, xom ipak va tayyor mahsulot ishlab chiqarish faoliyati bilan band boʻlgan “Oʻzbekipaksanoat” uyushmasi huzurida tashkil etilayotgan Ipakchilik sohasida hunarmandchilik va kasanachilikni rivojlantirish oʻquv-ishlab chiqarish markazi aʼzolariga Oʻzbekiston Respublikasi Prezidentining “Hunarmandchilikni yanada rivojlantirish va hunarmandlarni har tomonlama qoʻllab-quvvatlash chora-tadbirlari toʻgʻrisida” 2017-yil 17-noyabrdagi PF-5242-son Farmonining 3, 12, 13 va 16-bandlarida belgilangan imtiyozlar tatbiq etiladi;
pilla yetishtirishda foydalaniladigan sunʼiy dasta va boshqa zarur jihozlar ishlab chiqarishni tashkil etish maqsadida polietilen xom ashyosi 2018-yil 1-sentabrdan boshlab dastlabki uch yil davomida “Oʻzbekipaksanoat” uyushmasi tarkibidagi tashkilotlarga polietilen ishlab chiqaruvchi tashkilotlarning ulgurji sotish narxlarida sotiladi;
respublika hududlarida pillachilik sohasidagi yangi ishlab chiqarish quvvatlarini tashkil etish qatʼiy tartibda “Oʻzbekipaksanoat” uyushmasi tavsiyasiga koʻra amalga oshiriladi.
6. Innovatsion gʻoyalar, ilmiy ishlanmalar, zamonaviy texnologiyalar va ilm-fan yutuqlarini pilla yetishtirish va uni qayta ishlash tarmogʻiga yoʻnaltirish samaradorligini oshirish, sohaga xorijiy investitsiyalarni keng koʻlamda jalb etish ishlarini yanada rivojlantirish maqsadida “Oʻzbekipaksanoat” uyushmasi raisining Qayta ishlash, investitsiya va innovatsiyalarni joriy etish masalalari boʻyicha oʻrinbosari lavozimi joriy etilsin.
Oldingi tahrirga qarang.
(7-band Oʻzbekiston Respublikasi Prezidentining 2020-yil 26-iyundagi PQ-4759-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 26.06.2020-y., 07/20/4759/0970-son)
8. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari “Oʻzbekipaksanoat” uyushmasi buyurtmanomasiga binoan, pillachilik tarmogʻini rivojlantirishni targʻib etuvchi tashqi reklamalarni markaziy koʻchalar, aholi gavjum joylarga hamda yoʻl boʻylaridagi maxsus joylarda belgilangan tartibda begʻaraz joylashtirsin.
9. Oʻzbekiston Milliy axborot agentligi va Oʻzbekiston milliy teleradiokompaniyasiga “Oʻzbekipaksanoat” uyushmasi bilan birgalikda pillachilik sohasida amalga oshirilayotgan islohotlarni ommaviy axborot vositalarida muntazam yoritib borish tavsiya etilsin.
10. Oʻzbekiston Respublikasi Prezidentining 3-ilovaga muvofiq ayrim hujjatlariga oʻzgartirish va qoʻshimchalar kiritilsin.
11. “Oʻzbekipaksanoat” uyushmasi manfaatdor vazirliklar va idoralar bilan birgalikda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida ikki oy muddatda Vazirlar Mahkamasiga takliflar kiritsin.
12. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Z.T. Mirzayev va “Oʻzbekipaksanoat” uyushmasi raisi B.Q. Sharipov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 20-avgust,
PQ-3910-son
Oʻzbekiston Respublikasi Prezidentining 2018-yil 20-avgustdagi PQ-3910-son qaroriga
1-ILOVA
1-ILOVA
“Oʻzbekipaksanoat” uyushmasining pillachilik tarmogʻida amalga oshiriladigan yangi loyihalar
ROʻYXATI
|
T/r |
T/r |
Investitsiya loyihalari nomi |
Loyiha amalga oshiriladigan hudud |
Loyihaning umumiy qiymati |
Tashkil etiladigan ish oʻrinlari, nafar | ||
|
doimiy |
mavsumiy | ||||||
|
Pillani qayta ishlash boʻyicha | |||||||
|
1. |
1. |
Xom ipak, ipak momigʻi va ipak mato ishlab chiqarishni tashkil etish |
Qoraqalpogʻiston Respublikasi |
Ellikqalʼa tumani |
5,0 |
175 |
5000 |
|
2. |
2. |
Tut bargidan shifobaxsh tut choyi ishlab chiqarishni tashkil etish |
Buxoro viloyati |
Gʻijduvon tumani |
2,0 |
50 |
1500 |
|
3. |
3. |
Pillachilik tarmogʻida toʻliq ishlab chiqarish zanjiriga ega yirik sanoat parkini tashkil etish |
Qashqadaryo viloyati |
Qarshi shahri |
32,0 |
450 |
8000 |
|
4. |
4. |
Xom ipak, ipak momigʻi va ipak mato ishlab chiqarishni tashkil etish |
Namangan viloyati |
Chortoq tumani |
5,0 |
186 |
7000 |
|
5. |
5. |
Xom ipak, ipak momigʻi va ipak mato ishlab chiqarishni tashkil etish |
Namangan viloyati |
Namangan tumani |
5,0 |
280 |
7000 |
|
6. |
6. |
Xom ipak, ipak momigʻi va ipak mato ishlab chiqarishni tashkil etish |
Namangan viloyati |
Toʻraqoʻrgʻon tumani |
5,0 |
280 |
7000 |
|
7. |
7. |
Xom ipak, ipak momigʻi va ipak mato ishlab chiqarishni tashkil etish |
Surxondaryo viloyati |
Denov tumani |
5,0 |
175 |
7500 |
|
Jami |
59,0 |
1596 |
43000 | ||||
|
Ipak qurti urugʻi ishlab chiqarish boʻyicha | |||||||
|
8. |
1. |
Ipak qurti urugʻi ishlab chiqarish loyihasini tashkil etish |
Namangan viloyati |
Chortoq tumani |
2,0 |
50 |
250 |
|
9. |
2. |
Ipak qurti urugʻi ishlab chiqarish loyihasini tashkil etish |
Navoiy viloyati |
Karmana tumani |
2,0 |
65 |
300 |
|
10. |
3. |
Ipak qurti urugʻi ishlab chiqarish loyihasini tashkil etish |
Qashqadaryo viloyati |
Shahrisabz tumani |
2,0 |
50 |
250 |
|
11. |
4. |
Ipak qurti urugʻi ishlab chiqarish loyihasini tashkil etish |
Samarqand viloyati |
Samarqand shahri |
2,0 |
50 |
250 |
|
Jami |
8,0 |
215 |
1050 | ||||
|
Ipakchilik tarmogʻida turizmni rivojlantirish boʻyicha | |||||||
|
12. |
1. |
Turizmni rivojlantirish maqsadida hunarmandlar etnik qishloqchasini tashkil etish |
Buxoro viloyati |
Buxoro shahri |
5,0 |
100 |
— |
|
Jami |
5,0 |
100 |
0 | ||||
|
Hammasi |
72,0 |
1911 |
44050 | ||||
Oldingi tahrirga qarang.
(2-ilova Oʻzbekiston Respublikasi Prezidentining 2020-yil 26-iyundagi PQ-4759-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 26.06.2020-y., 07/20/4759/0970-son)
Oʻzbekiston Respublikasi Prezidentining 2018-yil 20-avgustdagi PQ-3910-son qaroriga
3-ILOVA
3-ILOVA
Oʻzbekiston Respublikasi Prezidentining ayrim hujjatlariga kiritilayotgan
oʻzgartirish va qoʻshimchalar
1. Oʻzbekiston Respublikasi Prezidentining “Oʻzbekiston qishloq xoʻjaligi ilmiy-ishlab chiqarish markazi faoliyatini takomillashtirish toʻgʻrisida” 2014-yil 10-fevraldagi PQ-2125-son qaroriga 1-ilovaning rus tilidagi matnidan “Nauchno-issledovatelskiy institut shelkovodstva” bloki chiqarib tashlansin.
2. Oʻzbekiston Respublikasi Prezidentining “Oʻzbekipaksanoat” uyushmasi faoliyatini tashkil etish chora-tadbirlari toʻgʻrisida” 2017-yil 29-martdagi PQ-2856-son qarorining rus tilidagi matnida:
a) 1-ilovaning “Nauchno-issledovatelskiy institut shelkovodstva (1)**” bloki “Nauchno-issledovatelskiy institut shelkovodstva” bloki bilan almashtirilsin;
b) 4-band quyidagi tahrirda bayon etilsin:
“Odobrit organizatsionnuyu strukturu Assotsiatsii “Uzbekipaksanoat” i tipovuyu strukturu regionalnix obshestv “Ipaksanoat” soglasno prilojeniyam №№ 1, 3.”
v) 2-ilova oʻz kuchini yoʻqotgan deb hisoblansin.
(Qonun hujjatlari maʼlumotlari milliy bazasi, 21.08.2018-y., 07/18/3910/1777-son; 26.06.2020-y., 07/20/4759/0970-son)
