Hujjat kuchini yo‘qotgan " " 10.11.2025

Oʻzbekiston Respublikasi Vazirlar Mahkamasining

qarori

Fargʻona viloyatining Qoʻqon shahrida sanoat va xizmatlar sohasini rivojlantirish orqali aholi bandligini taʼminlashga doir qoʻshimcha chora-tadbirlar toʻgʻrisida

LexUZ sharhi

Mazkur qaror Oʻzbekistan Respublikasi Vazirlar Mahkamasining 2025-yil 7-noyabrdagi 709-sonli “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi qaroriga asosan oʻz kuchini yoʻqotgan.

Fargʻona viloyatining Qoʻqon shahrida ijtimoiy-iqtisodiy islohotlar amalga oshirilishini oʻrganishda Respublika ishchi guruhi tomonidan aniqlangan muammolarni bartaraf etish, aholi turmush darajasini yanada oshirish, yangi ish oʻrinlari tashkil etish va fuqarolarni ishga joylashtirish maqsadida Vazirlar Mahkamasi qaror qiladi:

1. 2018 — 2020-yillarda Fargʻona viloyatining Qoʻqon shahrida kafolatli ish oʻrinlarini tashkil etish hamda sanoat, xizmatlar sohasi va qishloq xoʻjaligini rivojlantirish loyihalarining manzilli roʻyxati ilovaga muvofiq tasdiqlansin.

2. Fargʻona viloyati hokimligi:

Oʻzbekiston Respublikasi Investitsiyalar boʻyicha davlat qoʻmitasi, manfaatdor davlat va xoʻjalik boshqaruvi organlari, tijorat banklari, loyihalarning tashabbuskorlari bilan birgalikda tasdiqlangan manzilli roʻyxat parametrlari soʻzsiz bajarilishini taʼminlasin va bu borada investitsiya loyihalarining oʻz vaqtida va sifatli amalga oshirilishini, ishlab chiqarishning moʻljallangan hajmlari oʻzlashtirilishini va yangi ish oʻrinlari tashkil etilishini nazarda tutsin;

muammoli masalalarni muntazam ravishda koʻrib chiqib, ularni hal etish yuzasidan tezkor va amaliy zarur chora-tadbirlarni amalga oshirgan holda loyihalar bajarilishi yuzasidan tizimli monitoring olib borsin.

3. Fargʻona viloyati hokimligiga Oʻzbekiston Respublikasi Investitsiyalar boʻyicha davlat qoʻmitasi va xizmat koʻrsatuvchi tijorat banklari bilan kelishgan holda loyihaning qiymatini va ish oʻrinlari sonini saqlab qolish sharti bilan loyihalarning tasdiqlangan manzilli roʻyxatiga, zaruratga koʻra, oʻzgartirishlar kiritish huquqi berilsin.

4. Oʻzbekiston Respublikasi Bandlik va mehnat munosabatlari vazirligi Fargʻona viloyati hokimligi bilan birgalikda Qoʻqon shahri sektorlari va mahallalari boʻyicha 2018-2019-yillarda haq toʻlanadigan jamoat ishlarini, band boʻlmagan aholini kasbga qayta tayyorlashni tashkil etish boʻyicha manzilli dasturni bir oy muddatda ishlab chiqsin va tasdiqlasin.

5. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Fargʻona viloyati hokimligi Qoʻqon shahridagi muhandislik-kommunikatsiyalari mavjud boʻlgan va foydalanilmasdan boʻsh turgan bino va inshootlar, shuningdek, yer uchastkalarini bir oy muddatda xatlovdan oʻtkazsin va keyinchalik zamonaviy ishlab chiqarishlar barpo etish hamda yangi ish oʻrinlarini tashkil qilish sharti bilan tadbirkorlik subyektlariga va salohiyatli investorlarga belgilangan tartibda berish hamda mulkdorlar tomonidan ishlab chiqarishni (xizmat koʻrsatishni) yoʻlga qoʻyish orqali ulardan samarali foydalanilishini taʼminlasinlar.

6. Oʻzbekiston Respublikasi Turizmni rivojlantirish davlat qoʻmitasi, Iqtisodiyot vazirligi, Investitsiyalar boʻyicha davlat qoʻmitasi, Fargʻona viloyati hokimligi Qoʻqon shahridagi sobiq oʻrmon xoʻjaligining 17 gektar maydoni hududida “Hunarmandlar markazi”, mehmonxonalar, milliy taomlar restorani, gipermarket va turistik infratuzilmaning boshqa obyektlarini qurishni nazarda tutuvchi turizm markazini tashkil etish boʻyicha investitsiya loyihasi uchun salohiyatli investorlarni jalb etish va 2018-2019-yillarda ushbu investitsiya loyihasini amalga oshirish chora-tadbirlarini koʻrsinlar.

7. Oʻzbekiston Respublikasi Tashqi savdo vazirligi, Iqtisodiyot vazirligi, Investitsiyalar boʻyicha davlat qoʻmitasi Fargʻona viloyati hokimligi bilan birgalikda ikki oy muddatda konsignatsiya omborlarini, erkin bojxona zonalarini, shuningdek, tovarlarga ishlov berish, ularni oʻrash-joylash, saralash, saqlash zonalarini oʻz ichiga olgan “Qoʻqon” erkin savdo zonasi tashkil etish masalasini oʻrganib chiqib, tegishli taklif kiritsin.

8. Oʻzbekiston Respublikasi Bandlik va mehnat munosabatlari vazirligi, Oʻzbekiston Yoshlar ittifoqi, “Hunarmand” uyushmasining Qoʻqon shahrida tajriba tariqasida quyidagilarni nazarda tutadigan “Usto-shogird, Qoʻqon tajribasi” loyihasini 2018-2019-yillar mobaynida amalga oshirish toʻgʻrisidagi takliflari maʼqullansin:

Qoʻqon shahrida yuz nafar ishsiz yoshlarni hunarmandlar va boshqa kasb vakillari boʻlgan ustozlarga bir kalendar yilga shogird sifatida biriktirish va ular bilan mehnat shartnomasi tuzish;

kasb-hunarlarni toʻliq egallagan shogirdlarni keyinchalik mazkur bandning ikkinchi xatboshida koʻrsatib oʻtilgan shartlar asosida kamida ikki nafar shogirdni bepul oʻqitish sharti bilan mustaqil ishni davom ettirish uchun zarur boʻlgan asbob-uskunalar bilan taʼminlash.

9. Belgilansinki, “Ustoz-shogird, Qoʻqon tajribasi” loyihasini moliyalashtirish:

ustozlar va shogirdlarga toʻlovlar qismi boʻyicha — Jamoat ishlari jamgʻarmasi, Bandlikka koʻmaklashish davlat jamgʻarmasi mablagʻlari va qonun hujjatlarida taqiqlanmagan boshqa manbalar hisobiga;

loyiha doirasida hunarlarni (kasblarni) toʻliq egallab olgan loyiha ishtirokchilari uchun ish inventari va asbob-uskunalar sotib olish qismi boʻyicha — Oʻzbekiston Yoshlar ittifoqi mablagʻlari va qonun hujjatlarida taqiqlanmagan boshqa manbalar hisobiga amalga oshiriladi.

10. Oʻzbekiston Respublikasi Bandlik va mehnat munosabatlari vazirligi “Hunarmand” uyushmasi bilan birgalikda bir oy muddatda “Ustoz-shogird, Qoʻqon tajribasi” loyihasining amal qilishi tatbiq etiladigan hunarlar va kasblar roʻyxatini tasdiqlasin.

11. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov, Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov va Fargʻona viloyati hokimi Sh.M. Gʻaniyev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2018-yil 6-avgust,

619-son

Vazirlar Mahkamasining 2018-yil 6-avgustdagi 619-son qaroriga
ILOVA

2018 — 2020-yillarda Fargʻona viloyatining Qoʻqon shahrida kafolatli ish oʻrinlarini tashkil etish hamda sanoat, xizmatlar sohasi va qishloq xoʻjaligini rivojlantirish loyihalarining

MANZILLI ROʻYXATI

T/r	Loyiha tashabbuskori	Loyihaning nomi	Yillik ishlab chiqarish quvvati			Loyihaning umumiy qiymati, mln soʻm	Shu jumladan			Xizmat koʻrsatuvchi bank	Ishga tushirish muddati	Yangi ish oʻrni
T/r	Loyiha tashabbuskori	Loyihaning nomi	Oʻlchov birligi	Natura qiymatida	mln soʻm	Loyihaning umumiy qiymati, mln soʻm	Oʻz mablagʻi	Bank krediti	xorijiy investitsiyalar (ming AQSH dollari)	Xizmat koʻrsatuvchi bank	Ishga tushirish muddati	Yangi ish oʻrni
Jami — 110 loyiha						1 728 799	377 441	447 198	113 020			3 411
1.	Sanoat sohasida (jami — 73 loyiha )					765 233	311 566	333 507	15 020			2 386
2.	Xizmat koʻrsatish sohasida (jami — 36 loyiha)					950 366	64 575	101 791	98 000			935
3.	Qishloq xoʻjaligi sohasida (jami — 1 loyiha)					13 200	1 300	11 900				90
I. SANOAT SOHASIDAGI LOYIHALAR
1.	“Zarhal Bitik” MCHJ	Paypoq ishlab chiqarishni kengaytirish	ming juft	800	1 600	800	300	500		“Oʻzsanoatqurilishbank” ATB	01.09.2018	10
2.	“Amina savdo” MCHJ	Trikotaj mahsulotlari ishlab chiqarishni kengaytirish	ming dona	150	900	2 000	1 700	300		“Universal bank” ATB	02.10.2019	7
3.	“Asl Fazilat tekstil” MCHJ	Trikotaj mahsulotlarini ishlab chiqarishni tashkil etish	ming dona	70	460	550	350	200		“Xalq banki” ATB	01.11.2020	5
4.	“Diamond-Alimax” MCHJ	Bolalar, ayollar va erkaklar uchun sifatli va eksportbop paypoq mahsulotlari ishlab chiqarishni tashkil etish	mln.juft	2,4	1 100	2 000	2 000			“Asaka bank” ATB	01.12.2018	40
5.	“Mirus Textile Group” MCHJ	Paypoq ishlab chiqarishni kengaytirish	mln.juft	15	24 000	63 000	3 000	20 000	5000	“Asaka bank” ATB	01.12.2019	300
6.	“Bulut textile” MCHJ	Ip gazlama ishlab chiqarishni tashkil etish	mln.kv.m	20	80 000	103 000	15 000	80 000	1000	“Asaka bank” ATB	01.12.2020	185
7.	“Muazzamxon ona” OK	Trikotaj mahsulotlari ishlab chiqarish	ming dona	20	250	200	80	120		“Hamkorbank” ATB	01.09.2019	5
8.	“Sherzodbek textile” MCHJ	Trikotaj mahsulotlari ishlab chiqarish	ming dona	40	500	600	200	400		“Hamkorbank” ATB	01.08.2020	7
9.	“Samo sifat tekstil” OK	Trikotaj mahsulotlari ishlab chiqarishni kengaytirish	mln. dona	1	1 500	4 900	3 300	1 600		“Kapital bank” ATB	01.06.2019	30
10.	“Azaliy shuhrat” MCHJ	Koʻrpa (odeyal) ishlab chiqarishni tashkil etish	ming dona	10	1 300	1 350	350	1 000		“Kapital bank” ATB	01.12.2019	44
11.	“Umar teks” MCHJ	Trikotaj mato ishlab chiqarish	tonna	72	3 600	2 200	1 500	700		“Kapital bank” ATB	01.12.2020	10
12.	“Muhlis sifat tekstil” XK	Trikotaj mahsulotlari ishlab chiqarish	ming dona	150	4 000	5 000	3 800	1 200		“Kapital bank” ATB	01.12.2020	42
13.	“Galeon sentral aziya” MCHJ QK	Trikotaj mato ishlab chiqarishni tashkil qilish	tonna	94	3 744	6 900	500		800	“Infin bank” ATB	01.12.2019	30
14.	“Lion Million” MCHJ	Ayollar kiyimi ishlab chiqarish	ming dona	100	2 000	2 000	1 000	1 000		“Ipoteka bank” ATB	01.12.2018	30
15.	“Qoʻqon taraqqiyot tekstil” MCHJ	Tikuvchilik mahsulotlari ishlab chiqarish	ming dona	200	600	300	300	0		“Mikrokreditbank” ATB	01.12.2018	20
16.	“Kokand Mondo tekstil” MCHJ	Trikotaj mahsulotlari ishlab chiqarish	ming dona	120	1 800	1 800	800	1 000		“Qishloqqurilishbank” ATB	01.12.2019	18
17.	“Vodiy yevro tekstil” MCHJ	Toʻqimachilik faoliyati	ming dona	10	18 000	2 000	1 000	1 000		“Qishloqqurilishbank” ATB	01.12.2018	30
18.	Munisa Maryam teks MCHJ	Trikotaj mahsulotlari ishlab chiqarish	ming tonna	25	5 100	10 000	2 500	7 500		“Qishloqqurilishbank” ATB	01.12.2019	74
19.	“Qoʻqon sifat teks” MCHJ	Kalava ipni boʻyash	tonna	1 000	2 650	2 400	2 400			Oʻzmilliybank	01.12.2018	5
20.	“Pop paxta momigʻi” MCHJ	Paxta momigi ishlab chiqarish	tonna	541	3 600	5 200	5 000	200		Oʻzmilliybank	01.12.2018	7
21.	“Tarovatli Masur dili” MCHJ	Paypoq ishlab chiqarish	ming juft	990	1 980	3 700	2 000	1 700		Oʻzmilliybank	01.12.2019	28
22.	“Amaliy samara” OK	Trikotaj mahsulotlari ishlab chiqarishni kengaytirish	ming dona	90	740	900	700	200		Oʻzmilliybank	01.12.2019	5
23.	“Ayuko tekst” MCHJ	Paypoq ishlab chiqarish	ming juft	420	850	1 500	500	1 000		Oʻzmilliybank	01.06.2020	8
24.	“Golden boots” MCHJ	Trikotaj matolarni boʻyash va quritish dastgohi sotib olish	ming tonna	2,3	16 600	4 158	914	3 244		“Aloqa bank” ATB	01.11.2018	52
25.	“Textile best” MCHJ	Paypoq ishlab chiqarish	ming juft	760	1 650	881	381	500		“Agro bank” ATB	01.03.2019	30
26.	“Baraka Fayz Impeks Tekstil” MCHJ	trikotaj mahsulotlari ishlab chiqarishni kengaytirish				700	200	500		“Hamkorbank” ATB	01.04.2019	10
27.	“Simple tekstiles”MCHJ	odeyal ishlab chiqarishni kengaytirish	ming dona	1,5	142,5	900	900			Oʻzmilliybank	01.05.2019	6
28.	“Yevroprint” MCHJ	Mevani chuqur qayta ishlash va qadoqlashni tashkil etish	tonna	160	2 800	2 400	400	2 000		“Sanoatqurilishbank” ATB	01.09.2019	40
29.	“Qoʻqonspirt” AJ	Bugʻdoyni chuqur qayta ishlab, kleykovina ishlab chiqarish	ming tonna	10,4	75 000	218 804	136 991	81 813		“Sanoatqurilishbank” ATB	01.05.2019	120
30.	“Mastona” AJ	Quyultirilgan uzum sharbati ishlab chiqarishni tashkil qilish	tonna	150	1 200	1 200	200	1 000		“Sanoatqurilishbank” ATB	01.11.2019	4
31.	“ICE food market” MCHJ	Muzqaymoq mahsulotlarini ishlab chiqarishni kengaytirish	ming dona	240	216	700	500	200		“Universal bank” ATB	01.10.2018	4
32.	“Admiral group” MCHJ	Bugʻdoydan un mahsuloti ishlab chiqarishni tashkil etish	ming tonna	35,0	52 000	6 400	6 000	400		“Asaka bank” ATB	01.12.2018	50
33.	“Sadaf Sut” OK	Sut mahsulotlari ishlab chiqarish	tonna	500	1 200	960	550	410		“Kapital bank” ATB	01.03.2019	24
34.	“Qoʻqon yogʻ-moy” AJ	Qattiq yogʻ ishlab chiqarishni tashkil qilish	tonna	500	5 000	12 900	10 900	2 000		“Infin bank” ATB	01.04.2019	30
35.	“Grand Valley Electronics” MCHJ	Meva mahsulotlarini sublimatsiya qilishni tashkil etish	tonna	1 000	2 400	10 000	5 000	5 000		“Ipoteka bank” ATB	01.06.2019	40
36.	“Effektiv Oil” MCHJ	Oʻsimlik yogʻi va xoʻjalik sovuni ishlab chiqarish	tonna	500	1 300	6 000	2 000	4 000		Oʻzmilliybank	01.12.2018	52
37.	“Quantity class” MCHJ	Bugʻdoydan un mahsuloti ishlab chiqarishni tashkil etish	ming tonna	54,7	81 250	10 000	7 100	2 900		“Agro bank” ATB	01.12.2019	40
38.	“Kokand Milk Quality” MCHJ	Sutni qayta ishlash	ming tonna	120	24 550	30 000	10 000	20 000		“Agro bank” ATB	01.12.2019	50
39.	“Xontea” MCHJ	qadoqlangan choy ishlab chiqarish	tonna	36	234	1000	1000			“Agro bank” ATB	01.02.2019	70
40.	“Farg'ona yo'llardan muntazam foydalanish” UK	Asfalt ishlab chiqarishni kengaytirish	ming tonna	150	3 200	6 000	1 500	4 500		“Agro bank” ATB	2019-2020 yy.	46
41.	“Sokin zamin sari” MCHJ	Beton plita mahsulotlarini ishlab chiqarishni kengaytirish	ming dona	5,0	8 000	5 200	4 000	1 200		“Agro bank” ATB	01.07.2020	10
42.	“Al-Meʼmor A” MCHJ	Sendvich panellarini ishlab chiqarish	ming dona	3	6 000	7 000	5 000	2 000		“Agro bank” ATB	01.06.2020	20
43.	“Bobokarvon marvaridi” XK	Santexnika mahsulotlari ishlab chiqarishni tashkil etish	dona	900	500	700	375	325		“Agro bank” ATB	01.12.2018	5
44.	“Barkamol” XK	Tashqi bezak gʻishtlari ishlab chiqarishni tashkil etish	ming dona	300	400	450	200	250		“Agro bank” ATB	01.06.2020	5
45.	“Big projekt” MCHJ	Temir-beton ishlab chiqarishni kengaytirish	dona	3 360	1 613	1 000	500	500		“Agro bank” ATB	01.12.2019	10
46.	“Best status pro” MCHJ	Ayollar va bolalar oyoq kiyimi ishlab chiqarish rivojlantirish	ming juft	9	440	640	40	600		“Agro bank” ATB	01.12.2018	25
47.	“Adan textile” MCHJ	Ayollar, bolalar va sport sumkasi ishlab chiqarish	ming dona	350	550	1 200	1 200			“Agro bank” ATB	01.03.2019	20
48.	“Kokand future shoes” MCHJ	Poyafzal mahsulotlari ishlab chiqarishni kengaytirish	ming juft	60	2 800	500	300	200		“Agro bank” ATB	01.05.2020	6
49.	“Vodiy Kuxinur plast” MCHJ	Poyabzal mahsulotlari ishlab chiqarish	ming dona	240	4 800	11 000	8 000	3 000		“Agro bank” ATB	01.04.2019	40
50.	“Qoʻqon poyabzali” MCHJ	Charm poyabzal mahsulotlari ishlab chiqarish	dona	900	10 000	5 500	1 500	4 000		“Agro bank” ATB	01.12.2019	58
51.	“Orient natural leather” MCHJ	Poyabzal ishlab chiqarishni modernizatsiya qilish	ming juft	45	2 150	5 000	1 800	3 200		“Agro bank” ATB	01.12.2018	30
52.	“Elite Konserva” MCHJ	“Tvist-OFF” qopqoqlari ishlab chiqarishni kengaytirish	mln. dona	6	1 200	10 400	10 400	0		“Sanoatqurilishbank” ATB	01.12.2018	40
53.	“Nuan Union group” MCHJ QK	Karniz va uning ehtiyot qismlari ishlab chiqarishni tashkil etish	ming dona	110	1 100	33 600	1 600	0	4000	“Sanoatqurilishbank” ATB	01.06.2019	40
54.	“Mastona” AJ	Polimer koptokchalar va polietilen plenkalar ishlab chiqarishni tashkil etish.	mln. dona	4	500	1 200	200	1 000		“Sanoatqurilishbank” ATB	01.11.2020	4
55.	“OD-DA plast” MCHJ	Plastmassa mahsulotlari ishlab chiqarish	ming dona	5,0	3 200	2 500	2 000	500		“Universal bank” ATB	01.11.2019	25
56.	“Kokand polimer plast” MCHJ	Plastik va politilen mahsulotlari ishlab chiqarishni tashkil etish	tonna	100	800	1 600	1 600			“Xalq banki” ATB	01.12.2018	20
57.	“Max level plus” MCHJ	Polietilen mahsulotlari ishlab chiqarishni tashkil etish	tonna	50	500	700	250	450		“Hamkorbank” ATB	01.12.2018	5
58.	“Mega Classik oil” MCHJ	Avtomobillarga yoqilgʻi moylash mahsulotlari ishlab chiqarish	tonna	33	500	4 000	2 500	1 500		“Hamkorbank” ATB	01.02.2019	5
59.	“2F-Texnologi group” MCHJ	Rezina mahsulotlari ishlab chiqarish	ming tonna	30	6 250	5 000	3 000	2 000		“Qishloqqurilishbank” ATB	01.12.2019	22
60.	“Xadra” XK	Konditer mahsulotlari ishlab chiqarish	tonna	26	4 000	1 300	500	800		Oʻzmilliybank	01.12.2018	4
61.	“Loc plus” MCHJ	Plastmassa mahsulotlari ishlab chiqarish	tonna	105	500	450	300	150		“Aloqa bank” ATB	01.12.2018	2
62.	“Imron teks” MCHJ	Eva (polimer) mahsulotlari ishlab chiqarish	mln. metr	2,5	10 000	4 400	1 500	2 900		“Aloqa bank” ATB	01.12.2019	15
63.	Magnum beznes” MCHJ	terma plast mahsulotlari ishlab chiqarish	ming dona	345,6	274	320	160	160		“Universal bank” ATB	01.10.2019	10
64.	“Beton Plita” MCHJ	Tibbiyot qoʻlqoplari ishlab chiqarishni tashkil etish	mln. juft	10,0	8 421	5 740	1 520	4 220		“Sanoatqurilishbank” ATB	01.06.2019	70
65.	“Qoʻqon fayzli nur savdo” MCHJ	Dori mahsulotlarini ishlab chiqarish	mln. dona	1	2 500	1 100	600	500		“Xalq banki” ATB	01.06.2019	10
66.	“Pharmacia” MCHJ	Bir martalik tibbiy qoʻlqop ishlab chiqarish	mln.juft	7,4	14 650	33 420	8 855	16 565	1000	“Asaka bank” ATB	01.12.2019	65
67.	“Pharmacia” MCHJ	Farmatsevtika mahsulotlarini ishlab chiqishni tashkil etish	mln. shartli quti	12	12 000	55 810	8 050	22 000	3 220	“Asaka bank” ATB	01.12.2020	90
68.	“Baraka Nahori” MCHJ	Avtomobil ehtiyot qismlari ishlab chiqarishni kengaytirish	ming dona	100	1 200	1 500	1 000	500		“Universal bank” ATB	01.10.2018	16
69.	“Global Aziya standart” MCHJ	Velosiped qasqonlari ishlab chiqarishni tashkil qilish	ming dona	180	2 700	4 400	2 000	2 400		“Infin bank” ATB	01.09.2019	25
70.	“Glorius Biznes” MCHJ	Velosiped va ehtiyot qismlari ishlab chiqarish	ming dona	100	1 800	3 200	1 700	1 500		“Qishloqqurilishbank” ATB	01.12.2018	50
71.	“Avtosanoat komponent” MCHJ	Avtotransport vositalariga ehtiyot qismlar ishlab chiqarishni tashkil etish	tonna	169	5 400	20 000	7 500	12 500		“Aloqa bank” ATB	01.07.2019	23
72.	“Ravnaq yoʻli”MCHJ	avtomobil butlovchi qismlari (opshivka)	mig don	24	600	300	100	200		“Hamkorbank” ATB	01.09.2020	3
73.	“Mega print” MCHJ	Zamonaviy tipografiya mahsulotlari ishlab chiqarish, reklama va dizayn xizmati koʻrsatish	mln. dona	125	650	800	500	300		“Aloqa bank” ATB	01.12.2018	5
Sanoat sohasi — 73 ta loyiha					545 015	765 233	311 566	333 507	15 020			2 386
II. XIZMAT KOʻRSATISH SOHASIDAGI LOYIHALAR
74.	“Rizq baraka savdo komplesi” MCHJ	Savdo majmuasi tashkil qilish	mln.soʻm		700	1 530	1 000	530		“Hamkorbank” ATB	01.12.2018	5
75.	“Jahon aloqa servis” MCHJ	Nooziq-ovqat savdo markazini tashkil etish	mln.soʻm		1 150	1 000	400	600		“Mikrokreditbank” ATB	01.12.2018	4
76.	“Farobiy Savdo Kompleksi” MCHJ	Nooziq-ovqat savdo doʻkonlari tashkil etish	mln.soʻm		1 200	3 000	2 000	1 000		Oʻzmilliybank	01.12.2018	12
77.	“Baraka internatsional trading group” XK	Ikki qavatli zamonaviy yopiq savdo kompleksi tashkil etish	mln.soʻm		34 150	453 600			56700	“Asaka bank” ATB	2019-2020 yy.	100
78.	“Tashrif” MCHJ	Mehmonxona faoliyatini kengaytirish	mln.soʻm		750	700	400	300		“Xalq banki” ATB	01.12.2019	10
79.	“Shohruhmirzo taomlari” MCHJ	Umumiy ovqatlanish	mln.soʻm		300	300	100	200		“Hamkorbank” ATB	01.11.2019	4
80.	“Qo`qon fayzli maskan” MCHJ	Umumiy ovqatlanish	mln.soʻm		300	500	200	300		“Hamkorbank” ATB	01.02.2019	3
81.	“Silk Road-Kokand” MCHJ	Mehmonxona xizmatini tashkil etish	mln.soʻm		1 300	5 500	5 500			“Infin bank” ATB	01.08.2018	15
82.	“Qoʻqon oʻrta qurilish taʼmir” MCHJ	Mehmonxona xizmati tashkil etish	mln.soʻm		1 650	6 300	4 000	2 300		Oʻzmilliybank	01.03.2019	10
83.	“Muborakxon” MCHJ	Mehmonxona xizmati tashkil etish	mln.soʻm		1 600	4 000	3 300	700		Oʻzmilliybank	01.06.2020	5
84.	“Baraka internatsional trading group” XK	Turizm va hunarmandchilik markazi, mehmonxona tashkil etish	mln.soʻm		24 050	324 000			40500	“Asaka bank” ATB	2019-2020 yy.	110
85.	“Bek avtoyo'lovchi trans” MCHJ	Aholiga transport xizmati sifatini oshirish uchun 67 dona avtobus sotib olish	mln.soʻm		14 500	21 500	5 330	16 170		“Asaka bank” ATB	2018 — 2020 yy.	84
86.	“Ziyo sifat trans” MCHJ	Aholiga transport xizmati koʻrsatish	mln.soʻm		600	680	230	450		“Hamkorbank” ATB	01.03.2019	4
87.	“Diyonat nuri” MCHJ	Aholiga avtotransport xizmati	mln.soʻm		860	1 750	1 150	600		“Kapital bank” ATB	01.03.2019	24
88.	“Mirbus Qoqon” MCHJ	Aholiga avtotransport xizmati koʻrsatishni kengaytirish	mln.soʻm		1 100	750	750			“Infin bank” ATB	01.08.2019	12
89.	“Qoʻqon karvon yoʻli” MCHJ	Aholiga avtotransport xizmati	mln.soʻm		7 560	10 000	4 500	5 500		“Qishloqqurilishbank” ATB	01.12.2018	100
90.	“Qoʻqon elit taksi” MCHJ	Aholiga transport xizmati koʻrsatish	dona	5	450	600	300	300		Oʻzmilliybank	01.12.2018	7
91.	“Premier Taxi Nokand” MCHJ	Aholiga transport xizmati koʻrsatish	mln.soʻm		1 000	1 726	1 000	726		“Aloqa bank” ATB	01.12.2018	20
92.	“Ideal Qoʻqon taksi”	Aholiga transport xizmati koʻrsatish	mln.soʻm		1 200	1 700	935	765		“Qishloqqurilishbank” ATB	02.12.2018	10
93.	“Pantera trans servis” MCHJ	Transport xizmat koʻrsatishni kengaytirish			360	600	300	300		“Hamkorbank” ATB	01.12.2020	3
94.	“Erkin klassik trans” MCHJ	Transport xizmat koʻrsatishni kengaytirish			560	600	350	250		“Hamkorbank” ATB	01.12.2019	3
95.	“Diagnoz farma klassik” MCHJ	Tibbiy xizmat koʻrsatish	mln.soʻm		250	500	400	100		“Sanoatqurilishbank” ATB	01.09.2018	15
96.	“Red Star med Service” MCHJ	Tibbiy xizmat koʻrsatishni modernizatsiya qilish (1,5 tesla quvvatli tomografiya uskunasi sotib olish)	mln.soʻm		1 200	8 000	2 000	6 000		“Asaka bank” ATB	01.02.2019	12
97.	“Nova Diagnostic Centre” MCHJ	Tibbiy xizmat koʻrsatish uchun tibbiy uskuna va jihozlar sotib olish	mln.soʻm		4 000	20 700	5 700	15 000		“Asaka bank” ATB	01.12.2019	30
98.	“Davronbek-2001”	Tibbiy xizmat koʻrsatish uchun tibbiy uskuna va jihozlar sotib olish	mln.soʻm		250	1 000	500	500		“Asaka bank” ATB	01.11.2019	25
99.	“Yigitov clinic” XK	Tibbiy xizmat koʻrsatishni tashkil etish (tibbiy uskuna va jihozlar sotib olish, binoni rekonstruksiya qilish)	qatnov	3 000	15 000	53 600	12 000	35 200	800	“Asaka bank” ATB	01.12.2020	170
100.	“Muydinxon madad” MCHJ	Tibbiy xizmat koʻrsatish	mln.soʻm		300	250	100	150		“Hamkorbank” ATB	01.09.2019	4
101.	“Azure Land” MCHJ	Aholiga tibbiy xizmat koʻrsatish	mln.soʻm		600	400	200	200		“Mikrokreditbank” ATB	01.04.2019	4
102.	“Ijobat” MCHJ	Oʻquv markazi tashkil etish	mln.soʻm		40	130	30	100		“Asaka bank” ATB	01.06.2019	2
103.	“Temuriy avlodlari”MCHJ	Bolalar bogʻchasini tashkil etish	oʻrin soni	200		5100	600	4500		“Universal bank” ATB	01.09.2019	18
104.	“Qo'qon shukur metan servis” MCHJ	Avtomobillarga metan gazballonlarini oʻrnatib berishni kengaytirish	dona	550	1 500	300	100	200		“Universal bank” ATB	01.03.2019	10
105.	“Metan omad savdo” MCHJ	Transport vositalari va qishloq xoʻjaligi texnikalariga metan gaz uskunalari oʻrnatish xizmatini tashkil etish	mln.soʻm		2 050	3 500	3 000	500		“Hamkorbank” ATB	01.12.2019	10
106.	“Omad metan plyus” MCHJ	Transport vositalari va qishloq xoʻjaligi texnikalariga metan gaz uskunalari oʻrnatish xizmatini tashkil etish	mln.soʻm		3 180	4 000	3 500	500		“Hamkorbank” ATB	01.11.2020	10
107.	“Oq qayin Sport Plus” MCHJ	Sport-sogʻlomlashtirish va dam olish maskanini barpo etish	mln.soʻm		3 200	7 900	2 900	5 000		“Kapital bank” ATB	01.12.2019	60
108.	“Kamera Info Servis” MCHJ	Aholi va korxona-tashkilotlarga kuzatuv kameralari oʻrnatish xizmatini tashkil etish	mln.soʻm		800	940	390	550		“Asaka bank” ATB	01.12.2018	4
109.	“Eco top business” MCHJ	Zamonaviy bolalar choʻmilish havzasi(akvapark) hamda gilam yuvish maskani uchun zamonaviy texnologiyalar sotib olish (Stirka ekspres)	mln.soʻm		1 100	3 710	1 410	2 300		“Aloqa bank” ATB	01.12.2018	16
Xizmatlar sohasi jami — 36 ta loyiha					128 810	950 366	64 575	101 791	98 000			935
III. QISHLOQ XOʻJALIGI SOHASIDAGI LOYIHALAR
110.	“Mastona” AJ	240 gektar maydonda yangi sanoatbop tokzorlar barpo qilish.	ming tonna	2,4	2 400	13 200	1 300	11 900		“Sanoatqurilishbank” ATB	2018 — 2020 yy.	90
Qishloq xoʻjaligi sohasi — 1 ta loyiha					2 400	13 200	1 300	11 900				90

(Qonun hujjatlari maʼlumotlari milliy bazasi, 08.08.2018-y., 09/18/619/1631-son)