|
Hujjat kuchini yo‘qotgan " " 14.04.2022
|
O‘zbekiston Respublikasi Vazirlar Mahkamasining
qarori
O‘zbekiston Respublikasida diniy tashkilotlarni davlat ro‘yxatidan o‘tkazish, qayta ro‘yxatdan o‘tkazish va tugatish tartibi to‘g‘risidagi nizomni tasdiqlash haqida
LexUZ sharhiMazkur qaror O‘zbekiston Respublikasi Vazirlar Mahkamasining 2022-yil 14-apreldagi 180-sonli “Diniy mazmundagi materiallarni tayyorlash, olib kirish va tarqatish hamda dinshunoslik ekspertizasini o‘tkazish tartibi to‘g‘risidagi nizomni tasdiqlash haqida”gi qaroriga asosan o‘z kuchini yo‘qotgan.
O‘zbekiston Respublikasida diniy tashkilotlarni davlat ro‘yxatidan o‘tkazish, qayta ro‘yxatdan o‘tkazish va tugatish tartibini yanada takomillashtirish hamda soddalashtirish maqsadida Vazirlar Mahkamasi qaror qiladi:
1. O‘zbekiston Respublikasida diniy tashkilotlarni davlat ro‘yxatidan o‘tkazish, qayta ro‘yxatdan o‘tkazish va tugatish tartibi to‘g‘risida nizom 1-ilovaga muvofiq tasdiqlansin.
2. O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mita bir oy muddatda diniy tashkilotlarni davlat ro‘yxatidan o‘tkazish uchun rozilik berish tartibi to‘g‘risidagi nizomni ishlab chiqsin va belgilangan tartibda tasdiqlasin.
3. O‘zbekiston Respublikasi Hukumatining 2-ilovaga muvofiq ayrim qarorlari o‘z kuchini yo‘qotgan deb hisoblansin.
4. O‘zbekiston Respublikasi Adliya vazirligi hamda Vazirlar Mahkamasi huzuridagi Din ishlari bo‘yicha qo‘mita mazkur qarorning mazmun va mohiyati to‘g‘risida keng tushuntirish ishlarini amalga oshirsin.
5. O‘zbekiston Respublikasi Adliya vazirligi, Vazirlar Mahkamasi huzuridagi Din ishlari bo‘yicha qo‘mita manfaatdor vazirlik va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
6. Mazkur qarorning bajarilishini nazorat qilish O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mita raisi J.K. Akramov va O‘zbekiston Respublikasining adliya vaziri R.Q. Davletov zimmasiga yuklansin.
O‘zbekiston Respublikasining Bosh vaziri A. ARIPOV
Toshkent sh.,
2018-yil 31-may,
409-son
Vazirlar Mahkamasining 2018-yil 31-maydagi 409-son qaroriga
1-ILOVA
1-ILOVA
O‘zbekiston Respublikasida diniy tashkilotlarni davlat ro‘yxatidan o‘tkazish, qayta ro‘yxatdan o‘tkazish va tugatish tartibi to‘g‘risida
NIZOM
1-bob. Umumiy qoidalar
1. Mazkur Nizom diniy tashkilotlarni davlat ro‘yxatidan o‘tkazish, qayta ro‘yxatdan o‘tkazish va tugatish tartibini belgilaydi.
2. O‘zbekiston Respublikasi fuqarolarining dinga e’tiqod qilish, ibodat, rasm-rusumlar va marosimlarni birgalikda ado etish maqsadida tuzgan ko‘ngilli birlashmalari (diniy jamiyatlar, masjidlar, cherkovlar, sinagogalar, monastirlar va boshqalar), shuningdek diniy tashkilotlarning markaziy boshqaruv organlari va diniy ta’lim muassasalari diniy tashkilotlar deb e’tirof etiladi.
3. Bir diniy tashkilotning a’zosi bir vaqtning o‘zida boshqa diniy tashkilotning a’zosi bo‘lishi mumkin emas.
2-bob. Diniy tashkilotlarni davlat ro‘yxatidan o‘tkazish va qayta ro‘yxatdan o‘tkazish
4. Diniy tashkilotlar O‘zbekiston Respublikasi Konstitutsiyasi, O‘zbekiston Respublikasining “Vijdon erkinligi va diniy tashkilotlar to‘g‘risida”gi Qonuni hamda boshqa qonun hujjatlariga asosan tashkil etiladi va faoliyat ko‘rsatadi.
5. O‘zbekiston Respublikasida tashkil etiladigan diniy tashkilotlar O‘zbekiston Respublikasi Adliya vazirligida yoki tegishli ravishda Qoraqalpog‘iston Respublikasi Adliya vazirligi, viloyatlar va Toshkent shahar adliya boshqarmalarida (keyingi o‘rinlarda ro‘yxatdan o‘tkazuvchi organ deb ataladi) davlat ro‘yxatidan o‘tkazilgandan so‘ng yuridik shaxs maqomiga ega bo‘ladi va qonun hujjatlarida nazarda tutilgan tartibda o‘z faoliyatini amalga oshirishi mumkin.
6. Diniy tashkilotlarning markaziy boshqaruv organlari va diniy ta’lim muassasalarini davlat ro‘yxatidan o‘tkazish O‘zbekiston Respublikasi Adliya vazirligi tomonidan, boshqa diniy tashkilotlarni davlat ro‘yxatidan o‘tkazish tegishlicha Qoraqalpog‘iston Respublikasi Adliya vazirligi, viloyatlar va Toshkent shahar adliya boshqarmalari tomonidan amalga oshiriladi.
7. Diniy tashkilotlarni davlat ro‘yxatidan o‘tkazish uchun:
diniy tashkilotlarning markaziy boshqaruv organlari va diniy ta’lim muassasalari uchun — bazaviy hisoblash miqdorining yigirma baravari;
boshqa diniy tashkilotlar uchun — bazaviy hisoblash miqdorining o‘n baravari miqdorida davlat boji undiriladi.
(7-bandning ikkinchi va uchinchi xatboshilari O‘zbekiston Respublikasi Vazirlar Mahkamasining 2019-yil 28-dekabrdagi 1046-sonli qarori tahririda — Qonun hujjatlari ma’lumotlari milliy bazasi, 29.12.2019-y., 09/19/1046/4242-son)
8. Diniy tashkilotlarni qayta ro‘yxatdan o‘tkazish uchun ularni davlat ro‘yxatidan o‘tkazishda nazarda tutilgan summaning 50 foizi miqdorida davlat boji undiriladi.
Diniy tashkilotning davlat ro‘yxatidan o‘tkazilganligi to‘g‘risidagi guvohnoma va ustavining dublikatini olish uchun bazaviy hisoblash miqdorining 10 foizi miqdorida to‘lov undiriladi.
(8-bandning ikkinchi xatboshisi O‘zbekiston Respublikasi Vazirlar Mahkamasining 2021-yil 28-oktabrdagi 661-sonli qarori tahririda — Qonunchilik ma’lumotlari milliy bazasi, 29.10.2021-y., 09/21/661/0999-son)
9. Ushbu Nizomga muvofiq undiriladigan davlat boji va to‘lov qonun hujjatlarida belgilangan miqdorlarda O‘zbekiston Respublikasining respublika budjetiga hamda budjetdan tashqari Adliya organlari va muassasalarini rivojlantirish jamg‘armasiga o‘tkaziladi.
10. Diniy tashkilotni davlat ro‘yxatidan o‘tkazish uchun ro‘yxatdan o‘tkazuvchi organga diniy tashkilotni tashkil etish bo‘yicha ta’sis yig‘ilishi o‘tkazilgan kundan boshlab uch oy mobaynida quyidagi hujjatlar taqdim etiladi:
a) diniy tashkilotlarning markaziy boshqaruv organlari uchun:
ta’sis yig‘ilishi (konferensiyasi)ning raisi va kotibi hamda diniy tashkilotlarning markaziy boshqaruv organini tuzish tashabbuskorlari bo‘lgan o‘n sakkiz yoshga yetgan yuz nafardan kam bo‘lmagan O‘zbekiston Respublikasi fuqarosi imzolagan va notarial tartibda tasdiqlangan mazkur Nizomning 1-ilovasidagi shaklga muvofiq ariza;
ikkita asl nusxada notarial tartibda tasdiqlangan diniy tashkilotni tashkil qilish, ustavini tasdiqlash va rahbar organlarini saylash bo‘yicha ma’lumotlar mavjud bo‘lgan ta’sis yig‘ilishi bayoni va diniy tashkilotlarning markaziy boshqaruv organi ustavi;
davlat ro‘yxatidan o‘tkazish uchun davlat boji to‘langanligi to‘g‘risidagi bank to‘lov hujjati;
diniy tashkilot ta’sischilari to‘g‘risidagi mazkur Nizomning 3-ilovasidagi shaklga muvofiq ma’lumotlar;
diniy tashkilotning rahbar organi a’zolari to‘g‘risidagi mazkur Nizomning 4-ilovasidagi shaklga muvofiq ma’lumot (rahbar organlari va ularning soni O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mita bilan kelishilgan holda belgilanadi);
diniy tashkilot rahbarlarining diniy ma’lumoti haqidagi notarial tartibda tasdiqlangan hujjatlari nusxalari (diniy ma’lumot haqidagi hujjat xorijiy davlatda berilganda uning nostrifikatsiya qilinganligi bo‘yicha hujjat nusxasi ham taqdim qilinadi);
diniy tashkilotning yuridik (pochta) manzili to‘g‘risida tegishli mahalliy davlat hokimiyati organining (O‘zbekiston Respublikasi Qurilish vazirligi, Davlat sanitariya-epidemiologiya xizmati, O‘zbekiston Respublikasi Ichki ishlar vazirligi Davlat yong‘in xavfsizligi xizmatining tegishli bo‘linmalari va fuqarolarning o‘zini o‘zi boshqarish organlarining rozilik xati ilova qilingan holda) kafolat xati;
O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mitaning rozilik xati;
b) diniy ta’lim muassasalari uchun:
diniy tashkilotlarning markaziy boshqaruv organi rahbari hamda diniy ta’lim muassasasi tuzish tashabbuskorlari bo‘lgan o‘n sakkiz yoshga yetgan yuz nafardan kam bo‘lmagan O‘zbekiston Respublikasi fuqarosi imzolagan va notarial tartibda tasdiqlangan mazkur Nizomning 1-ilovasidagi shaklga muvofiq ariza;
ikkita asl nusxada notarial tartibda tasdiqlangan diniy ta’lim muassasasini tashkil qilish, ustavini tasdiqlash va rahbar organlarini saylash bo‘yicha ma’lumotlar mavjud bo‘lgan diniy tashkilotlarning markaziy boshqaruv organining vakolatli rahbar organi yig‘ilishi bayoni va diniy ta’lim muassasasi ustavi;
davlat ro‘yxatidan o‘tkazish uchun davlat boji to‘langanligi to‘g‘risidagi bank to‘lov hujjati;
diniy ta’lim muassasasi ta’sischisi — diniy tashkilotlarning markaziy boshqaruv organi ro‘yxatdan o‘tkazilganligi haqidagi guvohnoma va ustavining nusxasi;
diniy ta’lim muassasasining rahbar organi a’zolari to‘g‘risidagi mazkur Nizomning 4-ilovasidagi shaklga muvofiq ma’lumot (rahbar organlari va ularning soni diniy tashkilotning markaziy boshqaruv organi hamda O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mita bilan kelishilgan holda belgilanadi);
diniy ta’lim muassasasi rahbarlarining diniy ma’lumoti haqidagi notarial tartibda tasdiqlangan hujjatlari nusxalari (diniy ma’lumot haqidagi hujjat xorijiy davlatda berilganda uning nostrifikatsiya qilinganligi bo‘yicha hujjat nusxasi ham taqdim qilinadi);
diniy ta’lim muassasasining yuridik (pochta) manzili to‘g‘risida tegishli mahalliy davlat hokimiyati organining (O‘zbekiston Respublikasi Qurilish vazirligi, Davlat sanitariya-epidemiologiya xizmati, O‘zbekiston Respublikasi Ichki ishlar vazirligi Davlat yong‘in xavfsizligi xizmatining tegishli bo‘linmalari va fuqarolarning o‘zini o‘zi boshqarish organlarining rozilik xati ilova qilingan holda) kafolat xati;
O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mitaning rozilik xati;
v) boshqa diniy tashkilotlar uchun:
diniy tashkilot tuzish tashabbuskorlari bo‘lgan o‘n sakkiz yoshga yetgan yuz nafardan kam bo‘lmagan O‘zbekiston Respublikasi fuqarolari imzolagan va notarial tartibda tasdiqlangan mazkur Nizomning 1-ilovasidagi shaklga muvofiq ariza;
ikkita asl nusxada notarial tartibda tasdiqlangan diniy tashkilotni tashkil qilish, ustavini tasdiqlash va rahbar organlarini saylash bo‘yicha ma’lumotlar mavjud bo‘lgan ta’sis yig‘ilishi bayoni va diniy tashkilot ustavi;
davlat ro‘yxatidan o‘tkazish uchun davlat boji to‘langanligi to‘g‘risidagi bank to‘lov hujjati;
diniy tashkilot tashabbuskorlari to‘g‘risidagi mazkur Nizomning 2-ilovasidagi shaklga muvofiq ma’lumotlar;
diniy tashkilotning rahbar organi a’zolari to‘g‘risidagi mazkur Nizomning 4-ilovasidagi shaklga muvofiq ma’lumot (rahbar organlari va ularning soni diniy tashkilotning markaziy boshqaruv organi (mavjud bo‘lganda) hamda O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mita bilan kelishilgan holda belgilanadi);
diniy tashkilot rahbarlarining diniy ma’lumoti haqidagi notarial tartibda tasdiqlangan hujjatlari nusxalari (diniy ma’lumot haqidagi hujjat xorijiy davlatda berilganda uning nostrifikatsiya qilinganligi bo‘yicha hujjat nusxasi ham taqdim qilinadi);
O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mitaning rozilik xati;
diniy tashkilotning yuridik (pochta) manzili to‘g‘risida tegishli mahalliy davlat hokimiyati organining (O‘zbekiston Respublikasi Qurilish vazirligi, Davlat sanitariya-epidemiologiya xizmati, O‘zbekiston Respublikasi Ichki ishlar vazirligi Davlat yong‘in xavfsizligi xizmatining tegishli bo‘linmalari va fuqarolarning o‘zini o‘zi boshqarish organlarining rozilik xati ilova qilingan holda) kafolat xati.
11. Diniy tashkilotlarning ustavida quyidagi ma’lumotlar bo‘lishi kerak:
diniy tashkilotning nomi, turi, joylashgan manzili, qaysi dinga mansubligi;
maqsadi, vazifalari va faoliyatining asosiy turlari;
qayta tashkil etish va tugatish tartibi;
tuzilishi va boshqaruv (rahbar) organlarining vakolat doirasi va ularni shakllantirish tartibi, ularning vakolat muddatlari;
pul mablag‘lari va boshqa mol-mulkni shakllantirish manbalari, ularni tasarruf qilish borasidagi boshqaruv organlarning vakolatlari;
o‘z ustaviga o‘zgartirishlar va qo‘shimchalar kiritish tartibi;
ushbu diniy tashkilotga taalluqli boshqa ma’lumotlar.
Markaziy boshqaruv organlariga ega bo‘lgan diniy tashkilotlarning ustavlari mazkur markaziy boshqaruv organlari bilan kelishilgan bo‘lishi kerak.
12. Ro‘yxatdan o‘tkazuvchi organ tomonidan diniy tashkilotlarni davlat ro‘yxatidan va qayta ro‘yxatdan o‘tkazish to‘g‘risidagi ariza u berilgan kundan e’tiboran bir oylik muddatda ko‘rib chiqiladi.
Ro‘yxatdan o‘tkazuvchi organlar diniy tashkilotlarni davlat ro‘yxatidan o‘tkazish bo‘yicha tegishli organlarning ekspertiza xulosasini olishga haqli. Bunday holda qaror ro‘yxatdan o‘tkazish to‘g‘risida ariza berilgan kundan e’tiboran uch oy muddatda qabul qilinadi.
Diniy tashkilotning ustaviga kiritilgan o‘zgartirish va qo‘shimchalar diniy tashkilot qayta ro‘yxatdan o‘tkazilgandan so‘ng yuridik kuchga ega bo‘ladi.
Diniy tashkilot ustaviga o‘zgartirish va qo‘shimchalar kiritilgan taqdirda diniy tashkilotning rahbar organi tomonidan tegishli qaror qabul qilingandan keyin uch oy mobaynida ro‘yxatdan o‘tkazuvchi organga tegishli hujjatlar taqdim etiladi.
Diniy tashkilotni qayta ro‘yxatdan o‘tkazish va qayta tashkil etish qonun hujjatlarida boshqacha qoidalar nazarda tutilmagan bo‘lsa, diniy tashkilotni davlat ro‘yxatidan o‘tkazish tartibida amalga oshiriladi. Bunda, diniy tashkilotni qayta tashkil etishda yuridik shaxsni qayta tashkil etishga oid qonun hujjatlari talablariga rioya qilinganligi bo‘yicha qo‘shimcha hujjatlar taqdim qilinadi.
13. Ko‘rib chiqish natijalari bo‘yicha ro‘yxatdan o‘tkazuvchi organ tomonidan ro‘yxatdan o‘tkazuvchi organ rahbarining buyrug‘i shaklida quyidagi qarorlardan biri qabul qilinadi:
davlat ro‘yxatidan o‘tkazish to‘g‘risida;
davlat ro‘yxatidan o‘tkazishni rad etish to‘g‘risida.
14. Quyidagi hollarda diniy tashkilotni davlat ro‘yxatidan o‘tkazish rad etiladi:
diniy tashkilotning ta’sis hujjatlari O‘zbekiston Respublikasining konstitutsiyaviy tuzumini zo‘rlik bilan o‘zgartirish, mustaqilligi, yaxlitligi va xavfsizligini buzish, fuqarolarning konstitutsiyaviy huquqlari va erkinliklarini kamsitish, urush, ijtimoiy, milliy, irqiy va diniy adovatni targ‘ib etish, fuqarolarning sog‘lig‘i, ma’naviyati va ahloqiga qasd qilish maqsadiga ega bo‘lsa;
diniy tashkilot ustavi qoidalari va boshqa hujjatlari O‘zbekiston Respublikasining “Vijdon erkinligi va diniy tashkilotlar to‘g‘risida”gi Qonuniga yoki boshqa qonun hujjatlariga hamda mazkur Nizom talablariga zid bo‘lsa;
diniy tashkilotni tuzishning qonunda belgilangan tartibi buzilgan bo‘lsa;
diniy tashkilotni ro‘yxatdan o‘tkazish uchun hujjatlarning to‘liq ro‘yxati taqdim etilmaganda yoki ular zarur tartibda rasmiylashtirilmaganda.
15. Diniy tashkilotni davlat ro‘yxatidan o‘tkazishni rad etish to‘g‘risidagi qaror ariza beruvchilarga qaror qabul qilingandan keyin uch kun mobaynida yozma shaklda xabar qilinadi.
Ariza beruvchi uch oy muddatda davlat bojini qaytarish masalasi bo‘yicha murojaat qilish yoxud mazkur muddatda rad etish sabablari bartaraf etilgandan keyin, davlat boji to‘lamasdan diniy tashkilotni davlat ro‘yxatidan o‘tkazish to‘g‘risidagi ariza bilan takroran murojaat qilishi mumkin.
Ariza ushbu bandning ikkinchi xatboshisida ko‘rsatilgan muddat o‘tgandan keyin berilgan taqdirda, takroriy murojaat qilishda davlat boji umumiy asoslarda undiriladi, shuningdek mazkur muddatdan keyin davlat bojini qaytarish masalasi bo‘yicha murojaat qilingan taqdirda to‘langan davlat boji qaytarilmaydi.
16. Ro‘yxatdan o‘tkazuvchi organning diniy tashkilotni davlat ro‘yxatidan o‘tkazishni rad etish to‘g‘risidagi qarori yuzasidan belgilangan tartibda sudga shikoyat qilinishi mumkin.
17. Davlat ro‘yxatidan o‘tkazish to‘g‘risida qaror qabul qilingan taqdirda ro‘yxatdan o‘tkazuvchi organ tomonidan diniy tashkilotga quyidagi hujjatlar taqdim etiladi:
O‘zbekiston Respublikasi Davlat soliq qo‘mitasi va Davlat statistika qo‘mitasining aniq vaqt rejimida Internet tarmog‘idagi tegishli idoraviy saytlardan foydalangan holda olingan STIR va KTUT kodlari aks etgan mazkur Nizomning 6-ilovasidagi shaklga muvofiq diniy tashkilot davlat ro‘yxatidan o‘tkazilganligi to‘g‘risidagi guvohnoma;
“ro‘yxatdan o‘tkazilgan” yozuvi qayd etilgan, ro‘yxatdan o‘tkazuvchi organ muhri bilan tasdiqlangan diniy tashkilot ustavi (tilxat orqali beriladi).
18. Davlat ro‘yxatidan o‘tkazilgan diniy tashkilot to‘g‘risidagi ma’lumotlar ro‘yxatdan o‘tkazuvchi organ tomonidan tegishli ravishda ushbu Nizomga 5-ilovada keltirilgan shaklga muvofiq Diniy tashkilotlar reyestriga hamda axborot tizimlari orqali “Yuridik shaxslar, faoliyatini vakolatxona, filial yoki doimiy muassasa orqali amalga oshirayotgan chet el yuridik shaxslari va tadbirkorlik faoliyati bilan shug‘ullanuvchi jismoniy shaxslarning markaziy ma’lumotlar bazasi”ga kiritiladi.
Bunda diniy tashkilot bir vaqtning o‘zida joylashgan joyi bo‘yicha davlat soliq xizmati organlari va davlat statistika organlarida hisobga qo‘yiladi.
(18-band O‘zbekiston Respublikasi Vazirlar Mahkamasining 2020-yil 4-sentabrdagi 539-sonli qarori tahririda — Qonun hujjatlari ma’lumotlari milliy bazasi, 04.09.2020-y., 09/20/539/1257-son — 2021-yil 1-yanvardan kuchga kiradi)
19. Diniy tashkilot davlat ro‘yxatidan o‘tkazilganligi to‘g‘risidagi guvohnoma yoxud ta’sis hujjatlari yo‘qolganda yoki ular yaroqsiz holga kelganda diniy tashkilotning arizasiga binoan ro‘yxatdan o‘tkazuvchi organ tomonidan ularning dublikatlari beriladi.
Dublikat olish uchun arizaga quyidagi hujjatlar ilova qilinadi:
davlat xizmatlari markazidan ma’lumotnoma (davlat ro‘yxatidan o‘tkazilganligi to‘g‘risidagi guvohnoma yoxud ta’sis hujjatlar yo‘qolganda);
(19-bandning uchinchi xatboshisi O‘zbekiston Respublikasi Vazirlar Mahkamasining 2022-yil 18-yanvardagi 28-sonli qarori tahririda — Qonunchilik ma’lumotlari milliy bazasi, 19.01.2022-y., 09/22/28/0041-son)
davlat ro‘yxatidan o‘tkazilganligi to‘g‘risidagi guvohnomaning yoxud ta’sis hujjatlarining asl nusxasi (davlat ro‘yxatidan o‘tkazilganligi to‘g‘risidagi guvohnoma yoki ta’sis hujjatlari yaroqsiz holga kelganda);
davlat ro‘yxatidan o‘tkazilganligi to‘g‘risidagi guvohnoma yoxud ta’sis hujjatlarning haqiqiy emasligi to‘g‘risida davriy matbuot nashrida berilgan e’lon (davlat ro‘yxatidan o‘tkazilganligi haqida guvohnoma yoxud ta’sis hujjatlar yo‘qolganda);
guvohnoma yoki ta’sis hujjatlarning dublikati berilganligi uchun belgilangan miqdorda to‘lov to‘langanligi to‘g‘risida bankning to‘lov hujjati.
Davlat ro‘yxatidan o‘tkazilganligi to‘g‘risidagi guvohnomaning yoxud ta’sis hujjatlarning dublikatini berish to‘g‘risidagi ariza o‘n ish kuni mobaynida ko‘rib chiqiladi.
20. Diniy tashkilotlar ro‘yxatdan o‘tkazuvchi organga:
har yili 1-fevralgacha rahbar organi tomonidan qabul qilingan qarorlar nusxasini hamda O‘zbekiston Respublikasi Adliya vazirligi tomonidan tasdiqlanadigan shakl bo‘yicha o‘tgan yildagi o‘z faoliyati to‘g‘risidagi hisobotni, shu jumladan faoliyatni moliyalashtirish manbalari va mablag‘larning sarflanishi to‘g‘risidagi deklaratsiyani, e’tiqod qiluvchilarning soni to‘g‘risidagi ma’lumotlarni taqdim qilishi;
rahbar organining yangi tarkibi saylanganda yoki rahbar organi tarkibida o‘zgarishlar bo‘lganda bir oy mobaynida bu to‘g‘risidagi rahbar organi qarorining nusxasini taqdim qilishi;
rejalashtirilayotgan tadbirlar (konferensiyalar, seminarlar, treninglar, yig‘ilishlar, aksiyalar va boshqalar) haqida oldindan xabar berishi shart.
3-bob. Diniy tashkilotni tugatish
21. Diniy tashkilotni tugatish O‘zbekiston Respublikasining qonun hujjatlari hamda diniy tashkilotning ta’sis hujjatlari asosida amalga oshiriladi.
Diniy tashkilot o‘z tashabbusiga ko‘ra uning yuqori organi qaroriga binoan yoki “Vijdon erkinligi va diniy tashkilotlar to‘g‘risida”gi Qonun, shuningdek O‘zbekiston Respublikasining boshqa qonun hujjatlari va ushbu Nizom talablariga diniy tashkilot tomonidan rioya qilinmagan taqdirda sud tartibida tugatilishi mumkin.
22. Diniy tashkilotlar qonun hujjatlari va o‘z ustavi talablarini buzganda ro‘yxatdan o‘tkazuvchi organ ko‘rsatib o‘tilgan kamchiliklarni bartaraf etish yuzasidan unga taqdimnoma yuboradi.
Taqdimnomada ko‘rsatilgan kamchiliklar bir oy muddatda bartaraf etilmasa yoki taqdimnomada qayd qilingan holatlar diniy tashkilot tomonidan takroran sodir etilsa, ro‘yxatdan o‘tkazuvchi organ diniy tashkilotni tugatish yuzasidan sudga murojaat qilish huquqiga egadir.
23. Diniy tashkilotni tugatish to‘g‘risida qaror qabul qilgan diniy tashkilotning vakolatli rahbar organi yoki sud tugatuvchini — tugatish komissiyasini yoki jismoniy shaxsni tayinlaydi hamda tugatish muddatini belgilaydi.
Diniy tashkilotning vakolatli rahbar organi tomonidan diniy tashkilot tugatilishi haqida qaror qabul qilingan taqdirda, tugatuvchi haqidagi ma’lumotlar, shuningdek diniy tashkilotni tugatish haqida uning yuqori organi tomonidan qabul qilingan qaror ilova qilingan holda uch ish kuni mobaynida ro‘yxatdan o‘tkazuvchi organga taqdim etiladi.
Diniy tashkilot sud tomonidan tugatilgan taqdirda, tugatuvchi sudning qarorini olgandan keyin uch ish kuni mobaynida uning nusxasini ro‘yxatdan o‘tkazuvchi organga taqdim etadi.
Ro‘yxatdan o‘tkazuvchi organning tugatuvchiga nisbatan e’tirozi bo‘lmasa, u tugatuvchi haqidagi ma’lumotlar hamda diniy tashkilotni tugatish to‘g‘risidagi qarorni olgandan so‘ng ikki ish kuni mobaynida davlat reyestriga, shuningdek, axborot tizimlari orqali “Yuridik shaxslar, faoliyatini vakolatxona, filial yoki doimiy muassasa orqali amalga oshirayotgan chet el yuridik shaxslari va tadbirkorlik faoliyati bilan shug‘ullanuvchi jismoniy shaxslarning markaziy ma’lumotlar bazasi”ga diniy tashkilotning tugatish jarayonida ekanligi to‘g‘risidagi ma’lumotlarni kiritadi hamda bu to‘g‘risida O‘zbekiston Respublikasi Bosh prokuraturasi huzuridagi Majburiy ijro byurosining diniy tashkilot davlat ro‘yxatidan o‘tkazilgan joydagi tegishli bo‘limini xabardor qiladi.
(23-bandning to‘rtinchi xatboshisi O‘zbekiston Respublikasi Vazirlar Mahkamasining 2020-yil 4-sentabrdagi 539-sonli qarori tahririda — Qonun hujjatlari ma’lumotlari milliy bazasi, 04.09.2020-y., 09/20/539/1257-son — 2021-yil 1-yanvardan kuchga kiradi)
Shundan so‘ng, tugatuvchi tomonidan diniy tashkilotni tugatish ishlari qonun hujjatlarida belgilangan tartibda amalga oshiriladi.
24. Tugatuvchi tomonidan diniy tashkilot tugatilganligi to‘g‘risida davlat reyestriga yozuv kiritish uchun ro‘yxatdan o‘tkazuvchi organga quyidagi hujjatlar taqdim etiladi:
diniy tashkilotni tugatish to‘g‘risidagi yozuvni davlat reyestriga kiritish to‘g‘risidagi ariza;
davriy bosma nashrda chiqqan diniy tashkilotning tugatilganligi to‘g‘risidagi e’lon;
diniy tashkilotning ustavi va davlat ro‘yxatidan o‘tkazilganligi to‘g‘risidagi guvohnomaning asl nusxasi;
belgilangan tartibda tasdiqlangan tugatish balansi;
diniy tashkilotning barcha hisobvaraqlari yopilganligi to‘g‘risida xizmat ko‘rsatuvchi banklarning ma’lumotnomalari;
kreditorlarning talablari to‘liq qondirilgandan keyin ortib qolgan mol-mulkning tasarruf etilganligi faktini tasdiqlovchi hujjatlar;
muhr va shtamplar yo‘q qilinganligi haqida ichki ishlar organining ma’lumotnomasi;
barcha litsenziyalar va ruxsatnomalarning asl nusxalari (agar mavjud bo‘lsa);
davlat soliq xizmati organining soliqlar va boshqa majburiy to‘lovlar bo‘yicha qarz yo‘qligi to‘g‘risidagi ma’lumotnomasi;
tugatilayotgan diniy tashkilot qarzdor sifatida ishtirok etgan va ijro etilmagan ijro hujjati mavjud emasligi haqida O‘zbekiston Respublikasi Bosh prokuraturasi huzuridagi Majburiy ijro byurosi tegishli bo‘limining yozma javobi;
diniy tashkilot hujjatlarining davlat arxiviga topshirilganligini tasdiqlovchi ma’lumotnoma.
25. Ro‘yxatdan o‘tkazuvchi organ diniy tashkilot tugatilganligi to‘g‘risida davlat reyestriga yozuv kiritish uchun nazarda tutilgan barcha hujjatlar olingandan keyin besh ish kuni mobaynida davlat reyestriga diniy tashkilot tugatilganligi to‘g‘risidagi yozuvlarni kiritadi.
Agar hujjatlarning to‘liq ro‘yxati taqdim etilmasa yoki ular zarur tartibda rasmiylashtirilmagan bo‘lsa, shuningdek taqdim etilgan hujjatlarda atayin noto‘g‘ri ma’lumot keltirilganligi yoxud diniy tashkilotni tugatishning qonun hujjatlarida belgilangan tartibi buzilganligi aniqlansa davlat reyestriga yozuvlar kiritilishi rad etilishi mumkin.
26. Diniy tashkilot tugatilganligi to‘g‘risida davlat reyestriga yozuv kiritish rad etilgan taqdirda, ro‘yxatdan o‘tkazuvchi organ rad etish sabablari aniq ko‘rsatilgan xatni tugatish komissiyasiga yuboradi.
Davlat reyestriga yozuv kiritish haqidagi qaror ro‘yxatdan o‘tkazuvchi organ rahbarining buyrug‘i shaklida rasmiylashtiriladi.
27. Ro‘yxatdan o‘tkazuvchi organ davlat reyestriga hamda axborot tizimlari orqali “Yuridik shaxslar, faoliyatini vakolatxona, filial yoki doimiy muassasa orqali amalga oshirayotgan chet el yuridik shaxslari va tadbirkorlik faoliyati bilan shug‘ullanuvchi jismoniy shaxslarning markaziy ma’lumotlar bazasi”ga diniy tashkilot tugatilganligi to‘g‘risidagi yozuvlar kiritilgandan keyin ikki ish kuni mobaynida:
diniy tashkilot tugatilganligi to‘g‘risida tugatish komissiyasini belgilangan tartibda xabardor qiladi;
diniy tashkilotga berilgan litsenziya va ruxsatnomalarni (ular mavjud bo‘lgan taqdirda) ularni bergan organlarga topshiradi.
(27-band O‘zbekiston Respublikasi Vazirlar Mahkamasining 2020-yil 4-sentabrdagi 539-sonli qarori tahririda — Qonun hujjatlari ma’lumotlari milliy bazasi, 04.09.2020-y., 09/20/539/1257-son — 2021-yil 1-yanvardan kuchga kiradi)
28. Diniy tashkilot tugatilganligi to‘g‘risida davlat reyestriga yozuv kiritilgandan e’tiboran diniy tashkilot tugatilgan deb hisoblanadi.
4-bob. Yakunlovchi qoidalar
29. Davlat organlari bilan diniy tashkilotlarning o‘zaro munosabatlarini muvofiqlashtirish hamda vijdon erkinligi va diniy tashkilotlar to‘g‘risidagi qonun hujjatlari ijrosini nazorat qilish O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mita tomonidan amalga oshiriladi.
Qoraqalpog‘iston Respublikasi Vazirlar Kengashi, Toshkent shahar, viloyatlar, tuman va shahar hokimliklari hamda fuqarolarning o‘zini o‘zi boshqarish organlari tegishli hududlarda vijdon erkinligi va diniy tashkilotlar to‘g‘risidagi qonun hujjatlariga rioya etilishi uchun qonun bo‘yicha javobgardirlar.
Diniy tashkilotlarning faoliyati qonun hujjatlari va o‘z ustaviga muvofiqligini nazorat qilish ro‘yxatdan o‘tkazuvchi organ sifatida O‘zbekiston Respublikasi Adliya vazirligi va uning joylardagi organlari tomonidan amalga oshiriladi.
30. Ushbu Nizom talablari buzilishida aybdor bo‘lgan shaxslar qonun hujjatlarida nazarda tutilgan tartibda javobgarlikka tortiladilar.
O‘zbekiston Respublikasida diniy tashkilotlarni davlat ro‘yxatidan o‘tkazish, qayta ro‘yxatdan o‘tkazish va tugatish tartibi to‘g‘risidagi nizomga
1-ILOVA
1-ILOVA
| | | | |
ARIZA |
| | | | |
| _________________________________________________________________________________________________ | |||||||||
|
(diniy tashkilotlarni tuzuvchi fuqarolar yoki tashkilot rahbarining | |||||||||
| _____________________________________________________________________________________ | |||||||||
|
familiyasi, ismi, otasining ismi, tegishli ma’lumotlar ko‘rsatiladi) | |||||||||
| _____________________________________________________________________________________ | |||||||||
|
(diniy tashkilotning nomi) | |||||||||
| ustavini ro‘yxatdan o‘tkazishga taqdim etadi. | | | | | |||||
| Ustav ___________________________________________________________________________________________da | |||||||||
|
(ustav qabul qilingan yil, oy, kun) | |||||||||
| ____________________________________________________________________________tomonidan qabul qilingan | |||||||||
| | | |
(Ustavni qabul qilgan organning nomi) |
| | | |||
| Diniy tashkilotning turi, uning qaysi dinga mansubligi __________________________________________________ _________________________________________________________________________________________________ | |||||||||
| Diniy tashkilotni davlat ro‘yxatidan o‘tkazish haqida muzokaralar olib borishga vakil qilingan shaxslarning familiyasi, ismi, otasining ismi, manzili, telefoni | |||||||||
| ____________________________________________________________________________________________________________________________________________________________________________________________________________________________________________________________________________________________________________________________________________________ | |||||||||
| Diniy tashkilotning manzili _________________________________________________________________________ | |||||||||
|
Arizachilarning F.I.O. |
Arizachilarning yashash manzili |
sana |
Imzolar | ||||||
O‘zbekiston Respublikasida diniy tashkilotlarni davlat ro‘yxatidan o‘tkazish, qayta ro‘yxatdan o‘tkazish va tugatish tartibi to‘g‘risidagi nizomga
2-ilova
2-ilova
Diniy tashkilot tashabbuskorlari
RO‘YXATI
|
T/r |
F.I.O |
Tug‘ilgan yili, oy, kun |
Turar joyi |
Ish joyi va lavozimi |
Telefon raqami |
|
|
|||||
|
|
|||||
|
|
|||||
|
|
|||||
|
|
|||||
|
|
|||||
|
|
|||||
|
|
|||||
|
|
|||||
|
|
|||||
|
|
|||||
|
|
|||||
|
Diniy tashkilotning rahbari_________________________________________________________________________________________________________________________________________________ (F.I.O. va imzosi) | |||||
O‘zbekiston Respublikasida diniy tashkilotlarni davlat ro‘yxatidan o‘tkazish, qayta ro‘yxatdan o‘tkazish va tugatish tartibi to‘g‘risidagi nizomga
3-ILOVA
3-ILOVA
Diniy tashkilot ta’sischilari to‘g‘risidagi ma’lumotlar (diniy tashkilotlarning markaziy boshqaruv organi uchun)
RO‘YXATI
|
T/r |
Tashabbuskor diniy tashkilot nomi |
Diniy tashkilot ro‘yxatdan o‘tgan sanasi va raqami |
Diniy tashkilot manzili |
Diniy tashkilot rahbarning F.I.O |
Tashabbuskor diniy tashkilot rahbarining imzosi va diniy tashkilot muhri |
|
|
|||||
|
|
|||||
|
|
|||||
|
|
|||||
|
|
|||||
|
|
|||||
|
|
|||||
|
|
|||||
|
|
|||||
|
|
|||||
|
|
|||||
|
|
|||||
|
Diniy tashkilotlarning markaziy boshqaruv organi rahbari_______________________________________________________________________________________________________________________ (F.I.O. va imzosi) | |||||
O‘zbekiston Respublikasida diniy tashkilotlarni davlat ro‘yxatidan o‘tkazish, qayta ro‘yxatdan o‘tkazish va tugatish tartibi to‘g‘risidagi nizomga
4-ILOVA
4-ILOVA
Diniy tashkilotning rahbar organi a’zolari
RO‘YXATI
|
T/r |
F.I.O |
Tug‘ilgan yili, oy, kun |
Turar joyi |
Ish joyi va lavozimi |
Telefon raqami |
|
|
|||||
|
|
|||||
|
|
|||||
|
|
|||||
|
|
|||||
|
|
|||||
|
|
|||||
|
|
|||||
|
|
|||||
|
|
|||||
|
|
|||||
|
|
|||||
|
Diniy tashkilotning rahbari_________________________________________________________________________________________________________________________________________________________ (F.I.O. va imzosi) | |||||
O‘zbekiston Respublikasida diniy tashkilotlarni davlat ro‘yxatidan o‘tkazish, qayta ro‘yxatdan o‘tkazish va tugatish tartibi to‘g‘risidagi nizomga
5-ILOVA
5-ILOVA
Diniy tashkilotlar
REESTRI
|
Nomi |
Joylashgan o‘rni |
Rahbar organining saylangan kuni va tarkibi |
Ustavi qabul qilingan |
Reyestrga kiritilgan kun | |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
O‘zbekiston Respublikasida diniy tashkilotlarni davlat ro‘yxatidan o‘tkazish, qayta ro‘yxatdan o‘tkazish va tugatish tartibi to‘g‘risidagi nizomga
6-ILOVA
6-ILOVA
|
O‘zbekiston Respublikasi Davlat gerbi tasviri | ||
|
_____________________________________________________________________________________ | ||
|
(ro‘yxatdan o‘tkazuvchi organning nomi) | ||
|
DINIY TAShKILOT DAVLAT RO‘YXATIDAN | ||
|
20 ___ yil “___”____________________ | ||
| | № ______________ | |
| Tashkilotning nomi_________________________________________________________________________________ | ||
| Turi, qaysi dinga mansubligi_________________________________________________________________________ _________________________________________________________________________________________________ | ||
| Boshqaruv organi_________________________________________________________________________ | ||
|
(nomi, manzili) | ||
| Faoliyatining asosiy maqsadi:________________________________________________________________________ | ||
| KTUT kodi: ________________________ STIR kodi: ________________________ __________________________________ (ro‘yxatdan o‘tkazuvchi organ rahbarining lavozimi) | ||
| _______________________________(ro‘yxatdan o‘tkazuvchi organ rahbarining F.I.O.) imzo va muhr o‘rni |
| |
Vazirlar Mahkamasining 2018-yil 31-maydagi 409-son qaroriga
2-ILOVA
2-ILOVA
O‘zbekiston Respublikasi Hukumatining o‘z kuchini yo‘qotgan deb hisoblanayotgan ayrim qarorlari
RO‘YXATI
1. Vazirlar Mahkamasining “O‘zbekiston Respublikasida diniy tashkilotlarni davlat ro‘yxatidan o‘tkazish tartibi to‘g‘risida” 1998-yil 20-iyundagi 263-son qarori;
2. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirishlar kiritish to‘g‘risida” 2003-yil 30-apreldagi 197-son qaroriga ilovaning 10-bandi;
3. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida” 2017-yil 20-dekabrdagi 1001-son qaroriga ilovaning 5-bandi.
(Qonun hujjatlari ma’lumotlari milliy bazasi, 05.06.2018-y., 09/18/409/1296-son; 29.12.2019-y., 09/19/1046/4242-son; 04.09.2020-y., 09/20/539/1257-son; Qonunchilik ma’lumotlari milliy bazasi, 29.10.2021-y., 09/21/661/0999-son; 19.01.2022-y., 09/22/28/0041-son)
