O‘zbekiston Respublikasi Prezidentining “O‘zbekiston Respublikasi turizm salohiyatini rivojlantirish uchun qulay sharoitlar yaratish bo‘yicha qo‘shimcha tashkiliy chora-tadbirlar to‘g‘risida” 2018-yil 3-fevraldagi PF-5326-son farmoni, “Kirish turizmini rivojlantirish chora-tadbirlari to‘g‘risida” 2018-yil 6-fevraldagi PQ-3509-son, “O‘zbekiston Respublikasi Turizmni rivojlantirish davlat qo‘mitasining faoliyatini yanada takomillashtirish chora-tadbirlari to‘g‘risida” 2018-yil 6-fevraldagi PQ-3510-son va “Ichki turizmni jadal rivojlantirishni ta’minlash chora-tadbirlari to‘g‘risida” 2018-yil 7-fevraldagi PQ-3514-son qarorlariga muvofiq Vazirlar Mahkamasi qaror qiladi:

1. O‘zbekiston Respublikasi Hukumatining ayrim qarorlariga ilovaga muvofiq o‘zgartirishlar va qo‘shimchalar kiritilsin.

2. Vazirlik va idoralar o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

3. Ushbu qarorning bajarilishini nazorat qilish O‘zbekiston Respublikasi Bosh vazirining o‘rinbosari A.A. Abduxakimov va Turizmni rivojlantirish davlat qo‘mitasining raisi B.N. Umarov zimmasiga yuklansin.

1. Vazirlar Mahkamasining “Xorijiy valyutadagi davlat bojlari, yig‘imlar hamda soliq bo‘lmagan boshqa to‘lovlar stavkalari to‘g‘risida” 1993-yil 19-avgustdagi 423-son qaroriga (O‘zbekiston Respublikasi QT, 1994-y., 3-son, 16-modda) 2-ilovaning rus tilidagi IX bo‘limi matnida:

a) 3-bandning ikkinchi xatboshi quyidagi tahrirda berilsin:

b) 4-band quyidagi tahrirda bayon etilsin:

“4. Za vremennuyu propisku grajdan gosudarstv-uchastnikov SNG, a takje lits, pribivshix iz gosudarstv-uchastnikov SNG, s pasportami bivshego SSSR, v kotorix otsutstvuyut otmetki o grajdanstve, na srok:

2. Vazirlar Mahkamasining “Davlat hokimiyati va boshqaruvi organlari, sud organlari va notarial idoralar xodimlari mehnatiga haq to‘lashning tarif setkasini joriy etish to‘g‘risida” 1996-yil 12-apreldagi 147-son qaroriga 9-ilovaning rus tilidagi matnida:

a) nomidagi “Goskominvestitsiy” so‘zidan so‘ng “territorialnix podrazdeleniy Goskomturizma” so‘zlari qo‘shilsin;

b) “Naimenovaniye doljnosti” ustunidagi “nachalnik upravleniya” so‘zlaridan so‘ng “direktor departamenta” so‘zlari qo‘shilsin.

3. Vazirlar Mahkamasining 1996-yil 21-noyabrdagi 408-son qarori bilan tasdiqlangan Xorijiy fuqarolar va fuqaroligi bo‘lmagan shaxslarning O‘zbekiston Respublikasida bo‘lishlari qoidalarida:

a) 2-bandning “a” kichik bandidagi “kirish vizasining amal qilish muddatiga” so‘zlaridan so‘ng “shuningdek, O‘zbekiston Respublikasida bo‘lish davrida viza rejimi qo‘llanilmaydigan yoki vizalar berishning soddalashtirilgan tartibi qo‘llaniladigan xorijiy fuqarolarni” so‘zlari qo‘shilsin;

b) 5-band quyidagi tahrirda bayon etilsin:

“5. Taklif qiluvchi (qabul qiluvchi) shaxslar, tashkilotlar, shu jumladan turizm operatorlari xorijiy fuqarolarga ularning O‘zbekiston Respublikasi qonun hujjatlarida va ushbu Qoidalarda nazarda tutilgan huquqlari hamda majburiyatlari o‘z vaqtida tushuntirilishini, xorijiy fuqarolar bilan munosabatda bo‘lishda belgilangan huquqiy normalarning aniq bajarilishini ta’minlaydilar, xorijiy fuqarolarning (O‘zbekiston Respublikasida shaxsiy ishlar bo‘yicha xorijiy fuqarolarni qabul qiladigan va ularga notijorat maqsadida yashash maydoni taqdim etadigan jismoniy shaxslardan tashqari) tegishli hisobini yuritadilar, shuningdek, ularni Internet tarmog‘i (keyingi o‘rinlarda Dastur deb ataladi) orqali maxsus elektron avtomatlashtirilgan dastur yordamida xabardor qilish yoki O‘zbekiston Respublikasi Ichki ishlar vazirligining tegishli bo‘limlariga murojaat qilish yo‘li bilan vaqtinchalik propiska qilishni ta’minlanishi, ularning respublika hududida harakatlanishi va bo‘lishining muayyan muddati tugagandan keyin O‘zbekiston Respublikasidan chiqib ketishlari uchun javob beradilar.

Xorijiy turistlarni qabul qiluvchi turizm operatorlari, shuningdek, ularning xodimlari xorijiy turistlar tomonidan O‘zbekiston Respublikasi qonunchiligining buzilishi yuzasidan javobgarlikdan ozod qilinadilar, ushbu bandning birinchi xatboshida nazarda tutilgan javobgarlik bundan mustasno.

Joylashtirish vositalariga, davolash muassasalari va boshqa turar-joy maydonlariga joylashtirilgan xorijiy fuqarolar joylashtirish vositalari hamda davolash muassasalarining ma’muriyatlari, shuningdek, boshqa turar-joy maydonlari egalarining mas’uliyatini kuchaytirgan holda vaqtinchalik propiska qoidalarini buzganlik uchun javobgarlikdan ozod etiladi, ushbu Nizom 13-bandining “v” kichik bandida eslatib o‘tilgan va kelganidan so‘ng ichki ishlar organlarini uch kun davomida mustaqil xabardor qilishi shart bo‘lgan xorijiy fuqarolar bundan mustasno”;

v) 7-bandning birinchi qismi quyidagi tahrirda bayon etilsin:

“Xorijiy fuqarolarni shaxsiy ishlar bo‘yicha O‘zbekiston Respublikasiga taklif qilgan (qabul qiluvchi) va ularga notijorat maqsadlarida turar joy bergan shaxslar:

xorijiy fuqarolarning bo‘lish muddati 30 kundan oshmasa, hududiy ichki ishlar organlariga shaxsan murojaat qilish yoki ularni Dastur yordamida xabardor qilish;

xorijiy fuqarolarning bo‘lish muddati 30 kundan oshsa, hududiy ichki ishlar organlariga shaxsan murojaat qilish yo‘li bilan ularning vaqtinchalik propiskasini ta’minlash choralarini ko‘rishga;

ularga belgilangan bo‘lish muddatlari tugashi bilan O‘zbekiston Respublikasidan chiqib ketishda ko‘maklashishga majburdir”;

g) 9-bandda “O‘zbekiston Respublikasining huquqni muhofaza qilish organlari bilan hamkorlikda” so‘zlaridan so‘ng “shu jumladan Dastur yordamida” so‘zlari qo‘shilsin;

d) 11-band quyidagi tahrirda bayon etilsin:

“11. O‘zbekiston Respublikasida vaqtincha bo‘ladigan fuqarolar O‘zbekiston Respublikasi hududida milliy pasportlar bo‘yicha vaqtinchalik propiska asosida yashaydilar. Vaqtinchalik propiska belgilangan joyga kelingandan so‘ng uch sutka mobaynida amalga oshiriladi, bayram va dam olish (yakshanba) kunlari bundan mustasno.

Vaqtinchalik propiskaning uch kunlik muddati kelgan sanadan (xorijiy fuqarolar O‘zbekiston Respublikasi Davlat chegarasining nazorat-o‘tkazish punkti orqali o‘tgandan so‘ng) keyingi kundagi soat 00:01 dan hisoblanadi.”;

e) 12-bandning “d” kichik bandi quyidagi tahrirda bayon etilsin:

“d) safarda yurgan xorijiy fuqarolar, agar respublikaning har bir aniq aholi yashash joyida ularning bo‘lish muddati uch sutkadan oshmasa va kelganini tasdiqlovchi hujjatlar (xizmatlardan foydalangani va tovarlar xarid qilganini tasdiqlovchi hujjatlar) mavjud bo‘lsa. Bunda bir aholi yashash joyida uzluksiz ro‘yxatdan o‘tish talabi belgilanmaydi”.

j) 13-band quyidagi tahrirda bayon etilsin:

“13. Xorijiy fuqarolarni vaqtincha ro‘yxatdan o‘tkazish O‘zbekiston Respublikasi ichki ishlar organlari tomonidan quyidagi shakllarda amalga oshiriladi:

a) joylashtirish vositalari va davolash muassasalari ma’muriyatlarini xorijiy fuqarolarning kelish muddatidan qat’iy nazar ular joylashtirilgan vaqtda, taklif qilgan (qabul qiluvchi) shaxslarni, shu jumladan turizm operatorlarini tur boshlanishdan avval Dastur yordamida xabardor qilish;

b) xorijiy fuqarolarni shaxsiy ishlar bo‘yicha O‘zbekiston Respublikasiga taklif qilgan (qabul qilgan) va notijorat maqsadlarida ularga turar joy bergan jismoniy shaxslar tomonidan:

agar xorijiy fuqarolarning kelish muddati 30 kundan oshmasa, Dastur yordamida xorijiy fuqarolar joylashtirilgan vaqtda xabardor qilish yoki hududiy ichki ishlar organlariga ular kelgandan so‘ng uch kun davomida yozma ravishda murojaat qilish, bayram va dam olish kunlari bundan mustasno;

xorijiy fuqarolarning bo‘lish muddati 30 kundan oshsa, ular kelganidan so‘ng uch kun davomida hududiy ichki ishlar organlariga yozma ravishda murojaat qilish, bayram va dam olish (yakshanba) kunlari bundan mustasno;

v) mustaqil sayohat qiladigan, palatkali lagerlar va tunash uchun qayta jihozlangan yer usti transportida yashaydigan xorijiy fuqarolarning kelgandan so‘ng uch kun davomida turistik-axborot markazlari yoki yaqin atrofda joylashgan joylashtirish vositalariga murojaati orqali, Dasturning maxsus moduli yo‘lga qo‘yilgandan so‘ng esa, lekin 2018-yilning 1-iyulidan kech bo‘lmagan muddatda, borish yo‘nalishlari bo‘yicha aholi yashash joylarini ko‘rsatgan holda ma’lumotlarni ular tomonidan mustaqil to‘ldirish orqali xabardor qilish.

Turistik-axborot markazlari va joylashtirish vositalari ma’muriyatlari mustaqil sayohat qiladigan xorijiy fuqarolarning murojaatlari asosida ular haqidagi ma’lumotlarni to‘ldirib, hududiy ichki ishlar organlariga Dastur yordamida xabarnoma yuborishlari shart.

Joylashtirish vositalari va davolash muassasalarining mas’ul shaxslari tomonidan joylashgan shaxslar hisobi yuritiladi.

Ichki ishlar organi joylashgan shaxslar haqidagi axborotni har haftada hududlar bo‘yicha manzil-ma’lumotnoma byurosiga yuborishi shart. Joylashtirish vositalari va davolash muassasalarining mas’ul shaxslari turuvchilar joylashgan vaqtda ichki ishlar organlarini propiskaga qo‘yilishi kerak bo‘lgan joylashgan shaxslar to‘g‘risida Dastur yordamida xabardor qilishi shart.

Joylashtirish xizmatlarini ko‘rsatuvchi xususiy uylarda (xonadonlarda) yashovchilar hisobi joylashtirish vositalarining mas’ul shaxslari tomonidan joylashtirish xizmatlarini ko‘rsatish to‘g‘risidagi yozma kelishuv (shartnoma) asosida yoki belgilangan tartibda sertifikatlangan ushbu uylar (xonadonlar) egalari tomonidan mustaqil ravishda Dastur yordamida yuritiladi.

Joylashtirish vositalari va davolash muassasalarining mas’ul shaxslari tomonidan ushbu talabning buzilishi O‘zbekiston Respublikasi qonunchiligiga muvofiq javobgarlikka sabab bo‘ladi”;

z) 15-band quyidagi tahrirda bayon etilsin:

“15. Mazkur Qoidalarning 12, 14 va 16-bandlarida ko‘rsatib o‘tilmagan xorijiy fuqarolar, agar ularning bo‘lish muddati 30 kundan oshmasa, Dastur yordamida xabardor qilish yoki hududiy ichki ishlar organiga yozma ravishda murojaat qilish va agar bo‘lish muddati 30 kundan oshsa, taklif qiluvchilar (qabul qiluvchi) shaxslar, tashkilotlarning yozma ravishdagi murojaati asosida hududiy ichki ishlar organlarida propiska qilinishi lozim. Xabarnomalar xorijiy fuqarolar joylashgan vaqtda berilishi, ichki ishlar organlariga esa uch kundan kechikmasdan murojaat qilinishi darkor, bayram va dam olish (yakshanba) kunlari bundan mustasno.

O‘zbekiston Respublikasiga shaxsiy ishlar bo‘yicha va fuqarolar takliflariga asosan keladigan xorijiy fuqarolar ularni O‘zbekiston Respublikasiga taklif qilgan (qabul qilgan) va ularga notijorat maqsadlarida turar joy bergan shaxslar tomonidan quyidagilar orqali vaqtincha propiska qilinadi:

xorijiy fuqarolarning bo‘lish muddati 30 kundan oshmasa, hududiy ichki ishlar organlariga shaxsan murojaat qilish yoki ularni Dastur yordamida xabardor qilish;

xorijiy fuqarolarning bo‘lish muddati 30 kundan oshsa, hududiy ichki ishlar organlariga shaxsan murojaat qilish.

30 kungacha vaqtinchalik propiska uchun taklif qilgan (qabul qiluvchi) shaxslar Dasturda qayd etiladi va ushbu Dastur yordamida turistik (mehmonxona) yig‘imini to‘laydi hamda hududiy ichki ishlar organlariga quyidagi hujjatlarni elektron shaklda yuboradi:

belgilangan shakldagi ariza;

milliy pasport yoki fuqaroligi bo‘lmagan shaxs uchun kelish hujjatining nusxasi;

uy-joy egasining vaqtincha propiska uchun yozma roziligi va uy-joyga nisbatan huquqni belgilovchi hujjatlar.

Taklif qilgan (qabul qiluvchi) shaxslar 30 kungacha vaqtinchalik propiska uchun hududiy ichki ishlar organlariga yozma ravishda murojaat qilgan holda, yuqorida qayd etilgan hujjatlarni hamda turistik (mehmonxona) yig‘imi to‘langani to‘g‘risidagi kvitansiyani taqdim etadi.

Taklif qilgan (qabul qiluvchi) shaxslar, tashkilotlar 30 kundan ortiq muddatga vaqtinchalik propiska uchun o‘zlari joylashgan joydagi hududiy ichki ishlar organlariga quyidagi hujjatlarni taqdim etadi:

belgilangan shakldagi ariza;

qabul qiluvchi tashkilotning belgilangan shakldagi iltimosnomasi;

milliy pasport yoki fuqaroligi bo‘lmagan shaxs uchun hujjat;

uy-joy egasining vaqtinchalik propiska uchun yozma roziligi va uy-joyga nisbatan huquqni belgilovchi hujjatlar;

davlat boji to‘langani to‘g‘risidagi kvitansiya.

Xorijiy fuqarolarning vaqtinchalik propiskasini uzaytirish uchun taklif qilgan (qabul qiluvchi) shaxslar, tashkilotlar ichki ishlar organlariga vaqtinchalik propiska muddati tamom bo‘lishigacha uch ish kunidan kechikmasdan murojaat qilishlari kerak”;

i) 17-banddagi “bu fuqarolarning shaxsiy murojaatnomalari yoki qabul qiluvchi tashkilotlarning buyurtmanomalari asosida murojaatnomalarda, turlarda, arizalarda ko‘rsatilgan muddatga yoki vizaning amal qilish muddatida” so‘zlari “Dastur yordamida” so‘zlari bilan almashtirilsin;

k) 19-bandning birinchi xatboshi quyidagi tahrirda bayon etilsin:

“O‘zbekiston Respublikasida bo‘lish qoidalarini buzgan, shuningdek, boshqa qoidabuzarliklarga yo‘l qo‘ygan xorijiy fuqarolar haqida joylashtirish vositalari va davolash muassasalari ma’muriyatlari, boshqa turar-joy maydonlari egalari hududiy ichki ishlar organlariga zudlik bilan xabar qilishga majbur”;

l) 20-band quyidagi tahrirda bayon etilsin:

“20. Joylashtirish vositalari va davolash muassasalarida, shuningdek, boshqa turar-joy maydonlarida yashayotgan xorijiy fuqarolarning bo‘lish muddati qabul qiluvchi tashkilotlarning yozma iltimoslari yoki taklif qilgan (qabul qiluvchi) shaxslar, tashkilotlarning yozma murojaatlari yoxud ushbu Qoidalarning 6¹-bandida ko‘rsatilgan xorijiy fuqarolarning o‘z yozma arizalari (turistlar uchun — turning amalda bo‘lishi muddatiga) asosida, lekin vizaning amal qilishi muddati doirasida uzaytiriladi”;

m) 22-banddagi “joylashtirish vositasi va davolash muassasasiga” so‘zlaridan so‘ng “va boshqa turar-joy maydonlariga” so‘zlari qo‘shilsin;

n) 25-banddagi “Joylashtirish vositalari va davolash muassasalari ma’muriyati” so‘zlaridan so‘ng “shuningdek, boshqa turar-joy maydonlari egalari” so‘zlari qo‘shilsin;

o) 32-band quyidagi tahrirda bayon etilsin:

“32. Xorijiy fuqarolar O‘zbekiston Respublikasi hududi bo‘ylab faqat xorijiy fuqarolar borishiga ruxsat berilgan joylarda harakat qilishlari shart.

Xorijiy fuqarolar vaqtincha bo‘lish joyiga kelgach, taklif qilgan (qabul qiluvchi) shaxslar, tashkilotlar hududiy ichki ishlar organlarini Dastur yordamida xabardor qilish yoki ularga yozma ravishda murojaat qilish orqali ularni O‘zbekiston Respublikasi ichki ishlar organlarida vaqtinchalik propiska qilishi shart.

Joylashtirish vositalari va davolash muassasalariga kelgan xorijiy fuqarolar ushbu muassasalarda hisobga turadilar.

O‘zbekiston Respublikasi hududida doimiy yashaydigan va yashash ruxsatnomasiga ega bo‘lgan xorijiy fuqarolar uchun vaqtinchalik propiska ularning muayyan yashash joyida bo‘lgan davr uchun amalga oshiriladi. Uch kundan olti oygacha bo‘lgan davrda vaqtinchalik propiska shaxsni doimiy yashash joyidan ro‘yxatdan chiqarmasdan amalga oshiriladi. 6 oydan ortiq muddatga vaqtinchalik propiska qilish xizmat safariga, ta’tilga, dam olish yoki davolanishga borayotgan shaxslardan tashqari, shaxsni doimiy yashash joyidan ro‘yxatdan chiqargan holda amalga oshiriladi”.

5. Vazirlar Mahkamasining 2003-yil 4-noyabrdagi 482-son qarori (O‘zbekiston Respublikasi QHT, 2003-y., 21-son, 204-modda) bilan tasdiqlangan O‘zbekiston Respublikasida Avtobuslarda yo‘lovchilar tashish xavfsizligini ta’minlashga doir talablarda:

a) 23-bandning uchinchi xatboshidagi “shuningdek tungi qatnovlarni tashkil etish taqiqlanadi, tender kontraktida boshqacha hol nazarda tutilmagan bo‘lsa” so‘zlari chiqarib tashlansin;

b) 30-bandga quyidagi mazmundagi xatboshi qo‘shilsin:

“Turistlar avtobuslari xavfsizlik talablariga (GPS, majburiy va (yoki) ixtiyoriy sug‘urta polislari, yorug‘lik qaytaruvchi maxsus moslama (liniya), ikki nafar haydovchi va ularda mobil aloqa mavjudligi) javob bergan taqdirda kuzatib borilmaydi”;

v) 31 bandning rus tilidagi matnidan “Turistsko-ekskursionnie i” so‘zlari chiqarib tashlansin;

g) 44-band o‘z kuchini yo‘qotgan deb hisoblansin.

9. Vazirlar Mahkamasining “O‘zbekiston Respublikasining samoviy hududida uchuvchisiz uchish apparatlaridan ruxsatsiz foydalanilishi haqida ogohlantirish bo‘yicha chora-tadbirlar to‘g‘risida” 2014-yil 26-noyabrdagi 322-son qarorining rus tilidagi matniga 1-bandiga quyidagi mazmundagi xatboshi qo‘shilsin:

“Vremenniy vvoz i ispolzovaniye na territorii Respubliki Uzbekistan bespilotnix letatelnix apparatov dlya podgotovki foto- i videomaterialov o turistskom potensiale respubliki razreshayetsya, v tom chisle zarubejnim tvorcheskim gruppam, po xodataystvam Gosudarstvennogo komiteta Respubliki Uzbekistan po razvitiyu turizma, Ministerstva kulturi Respubliki Uzbekistan i Natsionalnogo agentstva “Uzbekkino”, s predostavleniyem v Ministerstvo oboroni Respubliki Uzbekistan i Gosudarstvennuyu inspeksiyu Respubliki Uzbekistan po nadzoru za bezopasnostyu poletov informatsii o litsax, vvozyashix i ispolzuyushix bespilotnie letatelnie apparati i mestax syemok”.

10. Vazirlar Mahkamasining 2015-yil 10-martdagi 53-son qarori (O‘zbekiston Respublikasi QHT, 2015-y., 10-son, 116-modda) bilan tasdiqlangan Turistlar borishi taqiqlangan obyektlar va hududlar ro‘yxatining beshinchi, o‘n to‘rtinchi va o‘n beshinchi xatboshilari chiqarib tashlansin.

13. Vazirlar Mahkamasining “Toshkent viloyati hokimligi huzuridagi Turizmni rivojlantirish departamenti faoliyatini tashkil etish to‘g‘risida” 2017-yil 19-oktabrdagi 852-son qarorining 1 va 3-bandlari, shuningdek, uning 1 — 3-ilovalar o‘z kuchini yo‘qotgan deb hisoblansin.