Oʻzbekiston Respublikasi Prezidentining
Qarori
2018 — 2020-yillarda Oʻzbekiston Respublikasi zargarlik sanoatini yanada rivojlantirish chora-tadbirlari toʻgʻrisida
Qayd etib oʻtilsinki, ushbu yilda respublikada qabul qilingan kompleks chora-tadbirlar va bir qator normativ-huquqiy hujjatlar natijasida mahalliy zargarlik buyumlari ishlab chiqaruvchilari uchun qimmatbaho metallarni sotish va hisob-kitoblarni amalga oshirish mexanizmlari belgilandi va muayyan tartib joriy etildi, zargarlik buyumlarini sotishda chakana savdo tarmogʻi hamda ishlab chiqaruvchilar uchun soliq imtiyozlari taqdim etildi.
Zargarlik sanʼatining koʻp asrlik anʼanalarini tiklash va yanada rivojlantirish, mahalliy zargarlik buyumlari ishlab chiqarilishini rivojlantirish, zargarlik mahsulotlari ishlab chiqaruvchi korxonalar faoliyati samaradorligini oshirish uchun qulay shart-sharoitlar yaratish, ichki va tashqi bozorlarda mahsulotlarning raqobatdoshligini taʼminlash, shuningdek, aholining yuqori sifatli mahalliy zargarlik buyumlariga boʻlgan talabini qondirish maqsadida:
1. Oʻzbekiston Respublikasi Iqtisodiyot vazirligi, Moliya vazirligi, Oʻzbekiston Respublikasi Markaziy bankining Oʻzbekiston zargarlik sanoati uyushmasini (keyingi oʻrinlarda — “Oʻzbekzargarsanoati” uyushmasi) tashkil etish toʻgʻrisidagi taklifi maʼqullansin.
2. Quyidagilar “Oʻzbekzargarsanoati” uyushmasining asosiy faoliyat yoʻnalishlari etib belgilansin:
birinchi, Oʻzbekistonning turli hududlarida zargarlik sanʼatining koʻp asrlik anʼanalarini saqlash va rivojlantirish;
ikkinchi, zargarlik tarmogʻini rivojlantirish boʻyicha qabul qilingan dasturiy chora-tadbirlarni amalga oshirishni muvofiqlashtirish, ilmiy-texnikaviy, texnologik, investitsiyaviy va eksport siyosatini izchil olib borish;
uchinchi, tayyor zargarlik mahsulotlari ishlab chiqarish hajmlarini oshirish va sifatini yaxshilash boʻyicha ishlarni samarali tashkil etish, uning dizaynida talab etilayotgan yoʻnalishlar va texnologiyalarni koʻproq oʻzlashtirish, xalqaro talablarga muvofiq zargarlik mahsulotlarini sertifikatlashtirish va standartlashni taʼminlash, sifat menejmentining zamonaviy usullarini keng joriy etish;
toʻrtinchi, mahsulotlarni sotish bozorlarini kengaytirish boʻyicha marketing tadqiqotlari oʻtkazish, ichki va tashqi bozorlarda zargarlik buyumlariga boʻlgan narxlarni monitoring qilish, zargarlik mahsulotlari eksporti hajmlarini oshirish, zargarlik mahsulotlariga boʻlgan narxlarni shakllantirishga oid maqbul mexanizmni ishlab chiqish boʻyicha takliflar va tavsiyalar berish;
beshinchi, dunyo bozorlarida raqobatbardosh boʻlgan, yuqori likvidli zargarlik mahsulotlari va qimmatbaho metallar va toshlardan yasalgan sanʼat mahsulotlari ishlab chiqarilishini tashkil etish, toʻgʻridan-toʻgʻri chet el investitsiyalarini hamda zamonaviy texnologik uskunalar va innovatsiyaviy izlanishlarni tatbiq etish tajribasiga ega xorijiy investorlarni jalb etish;
oltinchi, “Oʻzbekzargarsanoati” uyushmasi tarkibiga kiruvchi tashkilotlarga normativ-huquqiy bazani takomillashtirish boʻyicha takliflarni ishlab chiqish orqali davlatdan yordam olishida koʻmaklashish, imtiyoz va preferensiyalar taqdim etish, xalqaro moliya institutlari mablagʻlarini hisobga olgan holda, xorijiy investitsiyalarni jalb etish;
yettinchi, zargarlik sanoati uchun tizimli professional kadrlar tayyorlashni tashkil etish va yangi ish oʻrinlari yaratish.
Oldingi tahrirga qarang.
3. “Oʻzbekzargarsanoati” uyushmasining tashkiliy tuzilmasi va markaziy apparatining boshqaruv xodimlari cheklangan soni muassislar umumiy yigʻilishining qarori bilan tasdiqlanishi maʼlumot uchun qabul qilinsin.
(3-bandning birinchi xatboshisi Oʻzbekiston Respublikasi Prezidentining 2024-yil 23-iyuldagi PF-104-sonli Farmoni tahririda — Qonunchilik maʼlumotlari milliy bazasi, 25.07.2024-y., 06/24/104/0551-son)
“Oʻzbekzargarsanoati” uyushmasi raisiga, zarur hollarda “Oʻzbekzargarsanoati” uyushmasi markaziy apparatining tuzilmasiga boshqaruv xodimlarining belgilangan umumiy cheklangan soni doirasida oʻzgartirishlar kiritish huquqi berilsin.
4. Belgilab qoʻyilsinki:
Oldingi tahrirga qarang.
“Oʻzbekzargarsanoati” uyushmasi Oʻzbekiston Respublikasi Vazirlar Mahkamasining Makroiqtisodiy tahlil va prognozlashtirish, moliya va bank tizimlarini isloh qilish, xususiy tadbirkorlik va kichik biznesni rivojlantirish masalalari kompleksi tarkibiga kiradi;
(4-bandning ikkinchi xatboshisi Oʻzbekiston Respublikasi Prezidentining 2018-yil 8-fevraldagi PF-5329-sonli Farmoni tahririda — Qonun hujjatlari maʼlumotlari milliy bazasi, 03.03.2018-y., 06/18/5329/0846-son)
Oldingi tahrirga qarang.
zargarlik yoki qimmatbaho metallar va qimmatbaho toshlarni oltin izlovchilar usulida qazib olish sohasida faoliyat yuritayotgan tadbirkorlik subyektlari, shu jumladan yakka tartibdagi tadbirkorlar “Oʻzbekzargarsanoati” uyushmasiga aʼzo boʻlishi mumkin;
(4-bandning uchinchi xatboshisi Oʻzbekiston Respublikasi Prezidentining 2024-yil 23-iyuldagi PF-104-sonli Farmoni tahririda — Qonunchilik maʼlumotlari milliy bazasi, 25.07.2024-y., 06/24/104/0551-son)
Oldingi tahrirga qarang.
“Oʻzbekzargarsanoati” uyushmasining raisi va uning oʻrinbosarlari muassislar umumiy yigʻilishining qarori bilan saylanadi;
(4-bandning toʻrtinchi xatboshisi Oʻzbekiston Respublikasi Prezidentining 2024-yil 23-iyuldagi PF-104-sonli Farmoni tahririda — Qonunchilik maʼlumotlari milliy bazasi, 25.07.2024-y., 06/24/104/0551-son)
“Oʻzbekzargarsanoati” uyushmasi ijro etuvchi apparatining joriy taʼminoti va faoliyatini moliyalashtirish uning tarkibiga shartnoma asosida kiruvchi zargarlik sohasi tashkilotlarining ajratmalari hamda qonun hujjatlarida taqiqlanmagan boshqa manbalar hisobidan amalga oshiriladi.
5. Quyidagilarni oʻz ichiga olgan 2018 — 2020-yillarda zargarlik sanoatini yanada rivojlantirish boʻyicha chora-tadbirlar Dasturi:
2018 — 2020-yillarda asosiy turdagi zargarlik buyumlari ishlab chiqarishning maqsadli parametrlari 3-ilovaga muvofiq;
zargarlik sanoatini shakllantirish, rivojlantirish va davlat tomonidan qoʻllab quvvatlash boʻyicha kompleks tadbirlar (“yoʻl xaritasi”) 4-ilovaga muvofiq tasdiqlansin.
6. “Oʻzbekzargarsanoati” uyushmasini tashkil etish va zargarlik tarmogʻini rivojlantirish bilan bogʻliq tashkiliy chora-tadbirlarni amalga oshirishni muvofiqlashtirish va amaliy yordam koʻrsatish Ishchi guruhi 5-ilovaga muvofiq tuzilsin.
“Oʻzbekzargarsanoati” uyushmasini tashkil etish va zargarlik tarmogʻini rivojlantirish bilan bogʻliq tashkiliy chora-tadbirlarni amalga oshirishda qatnashayotgan Ishchi guruh rahbari Oʻzbekiston Respublikasi Bosh vazirining oʻrinbosari J.A. Qoʻchqorov, iqtisodiyot vaziri G.K. Saidova, moliya vaziri B.A. Xodjayev, Oʻzbekiston Respublikasi Markaziy banki raisi M.B. Nurmurodov, vazirliklar, idoralar va tashkilotlar rahbarlari zimmasiga mazkur qarorning 3- va 4-ilovalarida nazarda tutilgan tadbirlarni sifatli va toʻliq hajmda bajarish yuzasidan shaxsiy javobgarlik yuklansin.
7. “Oʻzbekzargarsanoati” uyushmasi Oʻzbekiston Respublikasi Iqtisodiyot vazirligi, Oʻzbekiston Respublikasi Investitsiyalar boʻyicha davlat qoʻmitasi uch oy muddatda 2018 — 2020-yillarda zargarlik mahsulotlarini ishlab chiqarish boʻyicha mavjud quvvatlarni modernizatsiya qilish va yangi quvvatlarni tashkil etish boʻyicha loyihalarni amalga oshirishga oid manzilli dasturni tasdiqlash uchun Oʻzbekiston Respublikasi Vazirlar Mahkamasiga kiritsin.
8. Oʻzbekiston Respublikasi Davlat geologiya va mineral resurslar qoʻmitasi mineral-xom ashyo bazasini rivojlantirish va qayta toʻldirish boʻyicha har yillik davlat dasturlari doirasida zargarlik va badiiy buyumlarga yaroqlilik darajasini hisobga olgan holda, zargarlik sanoati ehtiyoji uchun qimmatbaho va yarim qimmatbaho toshlar konlarini qidirish va sanoat yoʻli bilan oʻzlashtirishni taʼminlasin.
9. “Oʻzbekzargarsanoati” uyushmasi Oʻzbekiston Respublikasi Oliy va oʻrta maxsus taʼlim vazirligi bilan birgalikda ikki oy muddatda zargarlik tarmogʻi uchun malakali kadrlar tayyorlashni tashkil etish, ilgʻor oliy va oʻrta maxsus, kasb-hunar taʼlimi muassasalarida, shu jumladan xorijiy muassasalar negizida ularning malakasini oshirish boʻyicha Oʻzbekiston Respublikasi Vazirlar Mahkamasiga taklif kiritsin.
10. 2021-yilning 1-yanvarigacha “Oʻzbekzargarsanoati” uyushmasiga kiradigan zargarlik mahsulotlari ishlab chiqaruvchilari tomonidan olib kelinadigan, Oʻzbekiston Respublikasida ishlab chiqarilmaydigan, uskunalar, xom ashyo, materiallar va butlovchi qismlar belgilangan tartibda tasdiqlanadigan roʻyxatlar boʻyicha bojxona toʻlovlaridan (bojxona rasmiylashtiruvi yigʻimlaridan tashqari) ozod etilsin;
11. “Oʻzbekzargarsanoati” uyushmasiga davlat bojini toʻlamagan holda Uyushma aʼzolarining manfaatlarini koʻzlagan koʻrinishdagi daʼvo arizalari berish, davlat organlari qarorlari, ushbu organlar mansabdor shaxslarining harakatlari (harakatsizligi) ustidan sudga shikoyat qilish huquqlari berilsin.
12. “Oʻzbekzargarsanoati” uyushmasi Toshkent shahri, Chilonzor tumani, 9-kvartal, S. Yusupov koʻchasi, 50-uyda joylashgan “Fonon” davlat ilmiy-ishlab chiqarish korxonasi binosiga bepul foydalanish huquqi bilan joylashtirilsin.
13. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi “Oʻzbekzargarsanoati” uyushmasini belgilangan tartibda telekommunikatsiya tarmoqlariga, jumladan, hukumat aloqasiga ulanishini taʼminlasin.
14. Oʻzbekiston Respublikasi Prezidentining “Oʻzbekiston Respublikasi Vazirlar Mahkamasining ijro etuvchi tuzilmasini takomillashtirishga doir qoʻshimcha chora-tadbirlar toʻgʻrisida” 2017-yil 12-iyundagi PQ-3051-sonli qarorining 10-ilovasidagi “Vazirliklar, idoralar, xoʻjalik birlashmalari va boshqa tashkilotlar” boʻlimi quyidagi mazmundagi 151 bandi bilan toʻldirilsin:
“151. “Oʻzbekzargarsanoati” uyushmasi”.
15. Oʻzbekiston Respublikasi Iqtisodiyot vazirligi, “Oʻzbekzargarsanoati” uyushmasi, Oʻzbekiston Respublikasi Adliya vazirligi va boshqa manfaatdor vazirliklar va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsinlar.
16. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov va Oʻzbekiston Respublikasi iqtisodiyot vaziri G.K. Saidova zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 15-noyabr,
PQ-3388-son
Oldingi tahrirga qarang.
(1-ilova Oʻzbekiston Respublikasi Prezidentining 2024-yil 23-iyuldagi PF-104-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 25.07.2024-y., 06/24/104/0551-son)
Oldingi tahrirga qarang.
(2-ilova Oʻzbekiston Respublikasi Prezidentining 2024-yil 23-iyuldagi PF-104-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 25.07.2024-y., 06/24/104/0551-son)
Oʻzbekiston Respublikasi Prezidentining 2017-yil 15-noyabrdagi PQ-3388-son qaroriga
3-ILOVA
2018 — 2020-yillarda asosiy turdagi zargarlik buyumlari ishlab chiqarishning
PROGNOZ PARAMETRLARI

2018 yil

2019 yil

2020 yil

2018-y.ga nisbatan 2020-y.ga oʻsish surʼati, %

ishlab chiqarish hajmi

ishlab chiqarish hajmi

sh.j. eksportga

ishlab chiqarish hajmi

sh.j. eksportga

kg

ming doll.

kg

ming doll.

kg

ming doll.

kg

ming doll.

kg

ming doll.

JAMI

589,6

16 511,9

1 478,3

34 067,7

446,0

10 797,5

1 732,9

40 369,7

589,2

13 726,7

2,9b.

shu jumladan:

tilla buyumlar

508,0

16 400,0

1 034,7

33 402,3

313,0

10 584,6

1 226,6

39 609,2

417,0

13 468,1

2,4b.

kumush buyumlar

81,6

111,9

443,6

665,4

133,0

212,9

506,3

760,5

172,1

258,6

6,2b.

shulardan:

1.

“Fonom”DIIK

185,0

4 894,5

387,9

11 662,7

119,0

3 821,6

535,9

16 138,4

182,2

5 488,0

2,9b.

tilla buyumlar

150,0

4 842,0

360,0

11 620,8

1 10,6

3 808,2

498,2

16 081,9

169,4

5 468,8

3,3b.

kumush buyumlar

35,0

52,5

27,9

41,9

8,4

13,4

37,7

56,6

12,8

19,2

1,1b.

2.

“1-Zargarlik korxonasi” DK

61,6

1 620,9

327,9

9 725,9

98,4

2 918,6

357,7

10 386,2

121,6

3 531,3

5,8b.

tilla buyumlar

50,0

1 614,0

300,0

9 684,0

90,0

2 905,2

320,0

10 329,6

108,8

3 512,1

6,4b.

kumush buyumlar

11,6

6,9

27,9

41,9

8,4

13,4

37,7

56,6

12,8

19,2

3,3b.

3.

Boshqalar

343,0

9 996,5

762,5

12 679,2

228,7

4 057,3

839,3

13 845,1

285,4

4 707,3

2,4b.

tilla buyumlar

308,0

9 944,0

374,7

12 097,5

112,4

3 871,2

408,4

13 197,7

138,9

4 487,2

1,3b.

kumush buyumlar

35,0

52,5

387,8

581,7

116,3

186,1

430,9

647,4

146,5

220,1

12,3b.

* Quvvatlar oʻzlashtirilayotganligi munosabati bilan 2018-yilda eksport nazarda tutilmayapti.
 LexUZ sharhi
3-ilova norasmiy tarjima.
Oʻzbekiston Respublikasi Prezidentining 2017-yil 15-noyabrdagi PQ-3388-son qaroriga
4-ILOVA
Zargarlik sanoatini rivojlantirish va davlat tomonidan qoʻllab-quvvatlash boʻyicha kompleks tadbirlar (“yoʻl xaritasi”)

T/r

Tadbirlar nomlanishi

Amalga oshirish mexanizmi

Bajarish muddati

Masʼul bajaruvchilar

I. NORMATIV-HUQUQIY BAZANI TAKOMILLASHTIRISH

1.1

Oʻzbekiston Respublikasida qimmatli metallar va qimmatbaho toshlar bozorini tartibga solish sohasidagi qonunchilikni xatlovdan oʻtkazish. Qonunchilikni takomillashtirish boʻyicha takliflar tayyorlash va kiritish.

1. Qimmatli metallar va qimmatbaho toshlar aylanishi sohasida qonun hujjatlarini xatlovdan oʻtkazish.

2. Zargarlik tarmogʻini rivojlantirish va ragʻbatlantirishga qaratilgan qonunchilikni takomillashtirish boʻyicha normativ hujjatlarning tegishli loyihalarini kiritish.

2018-yil yanvar

Qimmatbaho metallar agentligi (B.B. Sobirov),

Moliya vazirligi (A.Ya. Xaydarov),

Iqtisodiyot vazirligi (M.M. Mirzayev),

Davlat raqobat qoʻmitasi (R.A. Gulyamov),

Davlat bojxona qoʻmitasi (B.Ya. Raimov),

Davlat soliq qoʻmitasi (N.I. Norbayev)

1.2

Zargarlik tarmogʻini rivojlantirishga qulay rejim yaratish, shu jumladan “Oʻzbekzargarsanoati” uyushmasi aʼzolarini 2020-yil 1-yanvarga qadar barcha turdagi soliqlardan va davlat maqsadli jamgʻarmalariga majburiy ajratmalardan (Yagona ijtimoiy toʻlovdan tashqari) ozod qilishga qaratilgan normativ-huquqiy hujjatlarni ishlab chiqish.

Qimmatli metallar va qimmatbaho toshlar aylanishi sohasida qonunchilikni takomillashtirish boʻyicha tegishli normativ hujjatlarning loyihalarini tayyorlash va kiritish.

2017-yil dekabr

Qimmatbaho metallar agentligi (B.B. Sobirov),

Moliya vazirligi (A.Ya. Xaydarov),

Iqtisodiyot vazirligi (M.M. Mirzayev),

Davlat raqobat qoʻmitasi (R.A. Gulyamov),

Davlat bojxona qoʻmitasi (B.Ya. Raimov),

Davlat soliq qoʻmitasi (N.I. Norbayev)

1.3

Eksportga ishlab chiqariladigan zargarlik buyumlarini ixtiyoriy asosda sertifikatlash boʻyicha takliflar tayyorlash va kiritish.

Eksportga ishlab chiqariladigan zargarlik buyumlarini, buyum xarid qiluvchi mamlakatning talablariga muvofiq ixtiyoriy ravishda sertifikatlash tartibini joriy etish boʻyicha normativ hujjatlarning loyihalarini tayyorlash va kiritish.

2018-yil mart

Assotsiatsiya “Oʻzbekzargarsanoati” uyushmasi

(lavozimi boʻyicha),

Qimmatbaho metallar agentligi (B. B.Sabirov)

II. ZARGARLIK TARMOGʻINI RIVOJLANTIRISHNING TASHKILIY CHORA-TADBIRLARI

2.1

Zargarlik buyumlarini nolegal ishlab chiqarish va sotishni aniqlash va unga chek qoʻyish.

Belgilangan tartibda tegishli davlat organlarining vakillari bilan zargarlik buyumlarini nolegal ishlab chiqarish va sotishni aniqlash hamda bunga chek qoʻyish borasidagi ishlarni tashkillashtirish.

doimiy asosda

Davlat soliq qoʻmitasi (N.I. Norbayev),

Davlat bojxona qoʻmitasi (B.Ya. Raimov)

Bosh prokuratura (M.B. Azimov)

2.2

Zargarlik buyumlarining Jahon zargarlar konfederatsiyasi (CIVJO) talablariga muvofiq holda bosqichma-bosqich oʻtishi.

Eskirib qolgan standartlarni (OTK shtampi talabalari, buyumga ip bilan plombalab qoʻyilgan artikul, “Culbic Cilconia” oʻrniga fianit nomi va h.k.) jahon standartlariga mos keladigan texnologik tartibga solish sohasidagi zamonaviy normativ hujjatlarga almashtirish.

2018-yil iyun

“Oʻzbekzargarsanoati” uyushmasi

(lavozimi boʻyicha),

“Oʻzstandart” agentligi (A. U.Karimov)

2.3

Mahalliy ishlab chiqaruvchilarning zargarlik buyumlarini eksport qilishni keng��ytirish chora-tadbirlari.

1. Salohiyatli xaridorlar va xalqaro xorijiy investorlarni taklif etgan holda “Uzbek Jewellery” xalqaro zargarlik koʻrgazma-yarmarkasini tashkil etish va oʻtkazish.
2. Oʻzbekiston Respublikasining xorijdagi elchixonalari huzuridagi savdo vakolatxonalarining koʻmagi bilan tashqi bozorlardagi zargarlik mahsulotlari bozorining marketing tadqiqotlarini oʻtkazish.

2018-yil




IV chorak

doimiy asosda

“Oʻzbekzargarsanoati” uyushmasi

(lavozimi boʻyicha),

Davlat bojxona qoʻmitasi (B. Raimov),

Savdo-sanoat palatasi (I.K. Jasimov),

Tashqi savdo vazirligi (S.I. Saifnazarov),

Iqtisodiyot vazirligi (M.M. Mirzayev),

Tashqi ishlar vazirligi (G.G. Fazilov)

2.4

Savdo qonunchiligi boʻyicha axborot kampaniyasini oʻtkazish.

Davlat bojxona xizmati organlarining vakillari bilan amaliy treninglar, maslahatlashuvlarni tashkil etish. Moliya vazirligi, Iqtisodiyot vazirligining rasmiy veb-saytlarida oʻquv va tushuntiruv axborotlarini joylashtirish, maqsadli auditoriyadan bosma materiallarni tarqatish.

doimiy asosda

Savdo-sanoat palatasi (I.K. Jasimov),

“Oʻzbekzargarsanoati” uyushmasi (lavozimi boʻyicha)

2.5

Oʻzbekiston zargarlarining nufuzli xalqaro, shu jumladan “Oʻzbek oltini” brendi ostida davlatning madadida ixtisoslashtirilgan zargarlik koʻrgazmalarida ishtirok etishi.

Tanlab olingan qatnashchilarni xomashyo bilan kafolatlangan tarzda taʼminlash orqali koʻrgazmaga qoʻyiladigan namunalarni tayyorlashda yordam koʻrsatish.

har yili

Investitsiyalar boʻyicha davlat qoʻmitasi qoʻmitasi

(L.Sh. Kudratov),

Markaziy bank (B.B. Sabirov),

“Oʻzbekzargarsanoati” uyushmasi

(lavozimi boʻyicha)

2.6

Milliy zargarlik sanoatini rivojlantirishda “Oʻzbekzargarsanoati” uyushmasining roli va faoliyat yoʻnalishlarini muntazam yoritib borish.

1. “Oʻzbekzargarsanoati” uyushmasining 4-5 tildagi rasmiy veb-saytini yaratish va rivojlantirish.

2. Xorijiy mutaxassislar, dizaynerlar, ustalar,shuningdek, davlat organlari xodimlari va boshqa shaxslarni jalb etgan holda davra suhbatlari, konferensiyalar va seminarlar tashkil etish.

2018-yil iyun

“Oʻzbekzargarsanoati”uyushmasi

(lavozimi boʻyicha)

2.7

Zargarlik buyumlari va ularni ishlab chiqarish uchun xomashyoni kafolatlangan tarzda va bexatar tashishni taʼminlash.

Qimmatli metallardan ishlangan buyumlarni tashish boʻyicha ixtisoslashtirilgan logistika kompaniyalarini tashkil etish masalasini ishlab chiqish.

2019-yil iyun

“Oʻzbekzargarsanoati” uyushmasi

(lavozimi boʻyicha),

Savdo-sanoat palatasi (I.K. Jasimov)

2.8

Mahalliy zargarlik mahsulotlari turini koʻpaytirish, sifati va raqobatdoshligini oshirish.

1. Jahonda mashhur va nufuzli zargarlik brendlarining franchayzingidan foydalanish masalasini ishlab chiqish.

2. Zargarlik tarmogʻi korxonalarini, shu jumladan davlat-xususiy sherikligi shartlari asosida rivojlantirishga xorijiy investorlarni jalb etish.

3. Zargarlik buyumlari ishlab chiqarishda foydalaniladigan barcha turdagi zargarlik toshlari, uskunalari va sarflanadigan materiallarga import bojini bekor qilish masalasini ishlab chiqish.

4. Vazirlar Mahkamasining litsenziyalari boʻyicha eksport-import qilinadigan, tibbiy yoki texnik ahamiyatga ega boʻlmagan, qimmatli metallardan tayyorlangan barcha turdagi buyumlarni oʻziga xos tovarlar roʻyxatidan chiqarishni belgilangan tartibda koʻrib chiqish.

doimiy asosda

“Oʻzbekzargarsanoati” uyushmasi

(lavozimi boʻyicha),

Davlat bojxona qoʻmitasi (B.Ya. Raimov),

Moliya vazirligi (A.Ya. Xaydarov),

Davlat raqobat qoʻmitasi (R.A. Gulyamov),

Tashqi savdo vazirligi (S.I.Saifnazarov),

Iqtisodiyot vazirligi (M.M. Mirzayev),

Tashqi ishlar vazirligi (G.G. Fazilov),

Savdo-sanoat palatasi (I.K. Jasimov)

III. ZARGARLIK SANOATINING ISHLAB CHIQARISH QUVVATLARINI KENGAYTIRISH

3.1

Zargarlik buyumlari ishlab chiqariladigan mavjud quvvatlarni modernizatsiya qilish va yangi quvvatlarni yaratish.

2018 — 2021-yillarda zargarlik sanoatini yanada rivojlantirish dasturi loyihasini ishlab chiqish va Oʻzbekiston Respublikasi Vazirlar Mahkamasiga kiritish, unda zargarlik buyumlarini modellashtirish va tayyorlashning energiya tejaydigan ilgʻor texnologiyalarini faol joriy etish, shuningdek, realizatsiya qilish; ishlab turgan, shu jumladan konservatsiya qilingan quvvatlarni modernizatsiyalash loyihalari; xorijiy kompaniyalar ishtirokida, shu jumladan anʼanaviy zargarlik hunarmandchiligi rivojlangan hududlarda yangi ishlab chiqarish quvvatlarini yaratish loyihalari; texnoparklarda zargarlik ishlab chiqarishi klasterini shakllantirish chora-tadbirlari nazarda tutiladi.

2018-yil mart

“Oʻzbekzargarsanoati” uyushmasi

(lavozimi boʻyicha),

Iqtisodiyot vazirligi (M.M. Mirzayev),

Qimmatbaho metallar agentligi (B.B. Sabirov),

Moliya vazirligi (A.Ya. Xaydarov),

Savdo-sanoat palatasi (I.K. Jasimov),

“Navoiy KMK” DK (K.S. Sanakulov),

“Olmaliq KMK” AJ (A.K. Farmanov)

3.2

Zargarlik sanoati uchun qimmatbaho va yarim qimmatbaho toshlarning ishlab chiqarish-xomashyo bazasini shakllantirish.

Zargarlik sanoati ehtiyojlari uchun 2018 — 2021-yillarda qimmatbaho va yarimqimmatbahotoshlarning mineral xomashyo bazasini rivojlantirish va qayta ishlab chiqarish kompleks dasturini ishlab chiqish.

2018-yil may

Davlat geologiya qoʻmitasi (B.F. Islamov) “Oʻzbekzargarsanoati” (lavozimi boʻyicha),

Iqtisodiyot vazirligi (M.M. Mirzayev)

3.3

Buyumlarga lazer yordamida tamgʻa qoʻyish jarayonini tatbiq etish.

Qimmatli metallardan tayyorlangan buyumlarga lazer yordamida tamgʻa qoʻyish qurilmalarini xarid qilish va texnik sinovdan oʻtkazish.

2019-yil dekabr

Qimmatbaho metallar agentligi (B.B. Sabirov),

Moliya vazirligi (A.Ya. Xaydarov),

“Oʻzbekzargarsanoati” uyushmasi

(lavozimi boʻyicha)

3.4

Respublikaning turistik markazlarida zargarlik buyumlari ishlab chiqariladigan korxonalar tashkil etish va kengaytirish.

Turistik zonalar, shu jumladan Nukus, Samarqand, Shahrisabz, Buxoro, Xorazm, Fargʻona, Toshkent shaharlarida hunarmand zargarlarning ustaxonalari va doʻkonlarini joylashtirish.

2018-2019-yillar

“Oʻzbekzargarsanoati” uyushmasi

(lavozimi boʻyicha),

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

3.5

Ishlab chiqarishni modernizatsiyalash va rekonstruksiya qilish orqali zargarlik mahsulotlari ishlab chiqarish hajmlarini oshirish.

Resurslarni tejaydigan texnologiyalarni, shu jumladan 3D modellashtirish va bosim ostida vakumli quyish texnologiyalarini joriy etgan holda, zargarlik buyumlari ishlab chiqarish boʻyicha konservatsiya qilingan korxonalarda holatni baholash va yangi texnologik darajada ishlab chiqarishni tashkil etish imkoniyati va tegishli takliflarni kiritish.

2018-yil

mart

“Oʻzbekzargarsanoati” uyushmasi

(lavozimi boʻyicha),

Davlat raqobat qoʻmitasi (R.A. Gulyamov),

Iqtisodiyot vazirligi (M.M. Mirzayev),

“NavoiyKMK” DK (K.S. Sanakulov),

“Olmaliq KMK” AJ (A.K. Farmanov)

3.6

“Fonon” DIIBda zargarlik ishlab chiqarishni rekonstruksiya va modernizatsiya qilish.

Zargarlik mahsuloti ishlab chiqarish uchun uskunalarni kapital qayta tiklash va taʼmirlash; komplektlash ishlab chiqarishini texnologik qayta jihozlash va zamonaviy uskunalar (lazer yordamida kavsharlash galtovka, prokatka va choʻzish qurilmalari, nazorat-oʻlchov priborlari va jihozlari) xarid qilish. “Fonon” DIIB maydonlarida “JEMCO” (Janubiy Koreya kompaniyasi tomonidan zamonaviy yuqori texnologiyali zargarlik ishlab chiqarishini tashkil etish masalasini ishlab chiqish.

2018-yil

2018-2019-yillar

“Oʻzbekzargarsanoati” uyushmasi

(lavozimi boʻyicha),

“Fonon” DIIB (M.X. Ashurov),

Investitsiyalar boʻyicha davlat qoʻmitasi (A.I. Axmedxodjayev),

Davlat raqobat qoʻmitasi (R.A. Gulyamov),

Iqtisodiyot vazirligi (M.M. Mirzayev)

3.7

“Asaka” ATB balansiga oʻtkazilgan “1-Zargarlik ��orxona�i” DKni qurish va rekonstruksiya qilish.

1. Bosim ostida vakumli quyish zamonaviy texnologiyalarini qoʻllagan holda investitsiya loyihasini amalga oshirish uchun mol-mulk kompleksini topshirish.

2. Tilla buyum va zargarlik buyumlari ishlab chiqarilishini inobatga olgan holda “Zargarlik mahsuloti zamonaviy ishlab chiqarishni tashkil etish boʻyicha mol-mulk kompleksini qurish va rekonstruksiya qilish” TIAsini ishlab chiqishga oid texnik topshiriqni tasdiqlash.

3. “Zargarlik mahsuloti zamonaviy ishlab chiqarishni tashkil etish boʻyicha mol-mulk kompleksini qurish va rekonstruksiya qilish” TIAsini ishlab chiqish va tasdiqlash.

4. “Zargarlik mahsuloti zamonaviy ishlab chiqarishni tashkil etish boʻyicha mol-mulk kompleksini qurish va rekonstruksiya qilish” loyihasini amalga oshirish boʻyicha loyiha-smeta hujjatlarini ishlab chiqish.

5. Mol-mulk kompleksini qurish va rekonstruksiya qilish, uskunalarni tanlash, komplektlash, oʻrnatish, montaj qilish va sozlash.

6. Obyektni foydalanishga topshirish va mahsulot ishlab chiqara boshlash.

2017-yil noyabr




2017-yil yanvar






2018-yil

1 chorak



2018-yil

1 chorak



2018-yil

IIchorak


2018-yil

iyul

Davlat raqobat qoʻmitasi (R.A. Gulyamov),

Toshkent shahar hokimligi (R.J. Usmanov),

Investitsiyalar boʻyicha davlat qoʻmitasi ( A.I. Axmedxodjayev),

“Asaka” ATB (K.K. Mullajanov),

Initsiator — MCHJ “Bixigu Oyegpz Ogoir”

“Asaka” ATB (K.K. Mullajanov)

“Asaka” ATB (K.K. Mullajanov),

sohaga ixtisoslashtirilgan,

“Oltin standart”MCHJ — loyiha operatori “Asaka” ATB

(K.K. Mullajanov),

sohaga ixtisoslashtirilgan,

“Oltin standart” MCHJ — loyiha operatori

IV. KADRLAR SIYOSATINI YANADA TAKOMILLASHTIRISH

4.1

Zargarlik tarmogʻini rivojlantirishning zamon talablari va ehtiyojlariga mos keladigan kadrlar siyosatini, shu jumladan tarmoqda barcha darajalardagi kadrlarni tayyorlash, qayta tayyorlash va malakasini oshirish tizimini tubdan isloh qilish orqali kadrlar siyosatini kuchaytirish va sifatini oshirish.

Ilgʻor xorijiy tajribani oʻrganish asosida oliy va oʻrta maxsus kasb-hunar taʼlimi muassasalarida zamonaviy maxsus oʻquv dasturlarini joriy etish orqali zargarlik tarmogʻi uchun kadrlarni tayyorlash, qayta tayyorlash va malakasini oshirish boʻyicha takliflar ishlab chiqish va Oʻzbekiston Respublikasi Vazirlar Mahkamasiga kiritish.

2018-yil yanvar

Oliy va oʻrta maxsus taʼlim vazirligi (I.U. Majidov),

“Oʻzbekzargarsanoati” uyushmasi

(lavozimi boʻyicha),

Iqtisodiyot vazirligi (M.M. Mirzayev)

4.2

Zargarlik tarmogʻida ilgʻor texnologiyalarga ega boʻlgan xorijiy kompaniyalarda talabalar, shuningdek zargarlik buyumlari ishlab chiqaruvchi mutaxassislarning tizimli asosda stajirovkadan oʻtish amaliyotini joriy etish.

Zargarlik tarmogʻidagi xorijiy kompaniyalar bilan hamkorlik toʻgʻrisida bitimlar (memorandumlar) tuzish.

doimiy asosda

“Uzbekzargarsanoati” uyushmasi

(lavozimi boʻyicha),

Investitsiyalar boʻyicha davlat qoʻmitasi (L.Sh. Kudratov)

4.3

Zargarlik tarmogʻida kadrlar tayyorlash va qayta tayyorlash

“Oʻzbekzargarsanoati” uyushmasi huzuridagi zargarlik tarmogʻi (sanoati) uchun kadrlar tayyorlash va qayta tayyorlash boʻyicha oʻquv markazini tashkil etish.

2019-yil yanvar

“Oʻzbekzargarsanoati”uyushmasi

(lavozimi boʻyicha)

4.4

Respublika hududlarida zargarlik-badiiy hunarmand ustalarining oilaviy anʼanalari va sulolalari rivojlantirilishini ragʻbatlantirish.

Zargarlik sanʼati milliy anʼanalarining davomiyligi (sulolalar uzviyligini) taʼminlash maqsadida tashkil etilgan oilaviy korxonalarni zargarlik tarmogʻi sohasidagi ishlab chiqarish va savdoga jalb etish.

2018-yil yanvar

“Oʻzbekzargarsanoati” uyushmasi

(lavozimi boʻyicha),

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

4.5

Zargarlik tarmogʻida ustoz-shogird tizimini rivojlantirish va shakllantirish.

1. Taʼlim olishga yuboriladigan shogirdlarni “Oʻzbekzargarsanoati” uyushmasi aʼzolari tomonidan yakka tartibdagi tadbirkor ustaga biriktirib qoʻyishni amaliyotga joriy etish.

2. Taʼlim olish talablari va tartibini, shogirdlar va ustozlarning oʻzaro munosabatlarini belgilab beruvchi zargarlik tarmogʻida ustoz-shogird tartibi toʻgʻrisidagi nizomni ishlab chiqish va belgilangan tartibda kelishib olish.

2018-yil yanvardan




2018-yil yanvar

“Oʻzbekzargarsanoati” uyushmasi

(lavozimi boʻyicha),

Bandlik va mehnat munosabatlari vazirligi (A.A. Xaitov),

Adliya vazirligi (G.G. Fazilov),

Qimmatbaho metallar agentligi (B.B. Sabirov)

4.6

Tarmoqda barcha darajalardagi ishchi kadrlar va mutaxassislarni tayyorlash orqali uni rivojlantirish ehtiyojlariga javob beradigan kadrlar salohiyatini shakllantirish.

1. Mutaxassislarni zargarlik tarmogʻida ilgʻor texnologiyalarga ega boʻlgan mamlakatlar (Shveysariya, Turkiya, BAA, Avstriya, Xitoy)ga ishlab chiqarish va texnologiya, zargarlik buyumlarini badiiy- dizaynerlik jihatdan bezash kabi yoʻnalishlar boʻyicha oʻqish va stajirovkaga yuborishni tizimli amaliyotga joriy etish.

2. Oʻrta va oliy texnik maʼlumotga ega boʻlgan shaxslarni tayyorlash va oʻqitish maqsadida “Zargarlik ishi” yoʻnalishi boʻyicha oʻquv markazini tashkil etish, uni zamonaviy uskunalar, xususan 3D modellashtirish, vakumli eritish va quyish qurilmalari bilan jihozlashni nazarda tutish.

3. Zargarlik sanoati uchun ishchi kadrlar va dizayner rassomlarni professional tayyorlash tizimini yaratish.

“Oʻzbekzargarsanoati” uyushmasi

(lavozimi boʻyicha),

Bandlik va mehnat munosabatlari vazirligi (A.A. Xaitov),

Iqtisodiyot vazirligi (M.M. Mirzayev),

boshqa vazirlik va idoralar

V. MAHALLIY ZARGARLIK MAHSULOTINI OMMALASHTIRISH TADBIRLARI

5.1

Oʻzbekistonda ishlab chiqarilayotgan zargarlik buyumlari, mamlakatimiz zargarlik tarmogʻining imkoniyatlari toʻgʻrisida aholi va xorijiy turistlarni xabardor qilish.

Oʻzbekistonda zargarlik sanʼatining koʻp asrlik anʼanalarini targʻib qiluvchi yuksak badiiy albomlar, kataloglar va internet-nashrlar chiqarish, jahonning eng katta muzeylaridan oʻrin olgan sanʼat asarlari fotosuratlarini ularda albatta joylashtirish.

2019-yil yanvar

“Oʻzbekzargarsanoati” uyushmasi

(lavozimi boʻyicha),

Savdo-sanoat palatasi (I.K. Jasimov)

5.2

Qimmatli metallardan tayyorlangan mahalliy zargarlik buyumlariga talab-ehtiyojni ragʻbatlantirish.

Mamlakatimiz ishlab chiqaruvchilari tomonidan tayyorlangan zargarlik mahsulotlarini ichki va xalqaro bozorlarda olgʻa surish maqsadida koʻrgazmalar hamda reklama kampaniyalarini tashkil etish va oʻtkazish.

Zaruratga qarab (har yili)

“Oʻzbekzargarsanoati” uyushmasi

(lavozimi boʻyicha),

Tashqi savdo vazirligi (S.I. Saifnazarov),

Savdo-sanoat palatasi (I.K. Jasimov)

5.3

Mahalliy dizaynerlar va zargarlar tomonidan tayyorlangan zargarlik buyumlari va zargarlik badiiy buyumlari yangi kolleksiyalarini namoyish etish.

1. Turistik va tarixiy komplekslar hududlarida muqim va koʻchma koʻrgazmalarni tashkillashtirish.

2. Zargarlik mahsulotlari tasvirlangan reklama plakatlarini joylashtirish.

3. Oʻzbekistonning zamonaviy zargarlik mahsuloti va xalq zargarlik sanʼati tarixiy merosini namoyish etish boʻyicha telekoʻrsatuvlarni tashkil etish.

Har yili tizimli asosda

“Oʻzbekzargarsanoati” uyushmasi

(lavozimi boʻyicha), boshqa vazirlik va idoralar

 LexUZ sharhi
4-ilova norasmiy tarjima.
Oʻzbekiston Respublikasi Prezidentining 2017-yil 15-noyabrdagi PQ-3388-son qaroriga
5-ILOVA
“Oʻzbekzargarsanoati” uyushmasini qayta tashkil etish va zargarlik tarmogʻini rivojlantirish bilan bogʻliq tashkiliy chora-tadbirlarni amalga oshirishni muvofiqlashtirish va amaliy yordam koʻrsatish Ishchi guruhi
TARKIBI
Oldingi tahrirga qarang.

J.A. Qoʻchqorov

—

Oʻzbekiston Respublikasi Bosh vazirining oʻrinbosari, Ishchi guruh raisi

M.M. Mirzayev

—

Iqtisodiyot vazirining birinchi oʻrinbosari, Ishchi guruh raisining oʻrinbosari

A.Ya. Haydarov

—

Moliya vazirining birinchi oʻrinbosari

R.E. Umarov

—

Davlat asillik darajasini belgilash palatasi boshligʻi

R.A. Gʻulomov

—

Xususiylashtirilgan korxonalarga koʻmaklashish va raqobatni rivojlantirish davlat qoʻmitasi raisi

B.Ya. Raimov

—

Davlat bojxona qoʻmitasi raisining birinchi oʻrinbosari

S.I. Saifnazarov

—

Tashqi savdo vazirining oʻrinbosari

N.I. Norbayev

—

Davlat soliq qoʻmitasi raisining oʻrinbosari

lavozimi boʻyicha

—

“Oʻzbekzargarsanoati” uyushmasi raisi

J.A. Mamajanov

—

Vazirlar Mahkamasi Yigʻma axborot tahlil departamenti shuʼba mudiri, Ishchi guruh kotibi

Izoh. Ishchi guruh aʼzolari boshqa ishga oʻtganida uning tarkibiga yangidan tayinlangan shaxslar yoki zimmasiga tegishli funksiyalarni bajarish vazifasi yuklangan shaxslar kiritiladi.
(5-ilova Oʻzbekiston Respublikasi Prezidentining 2020-yil 22-sentabrdagi PF-6066-sonli Farmoni tahririda — Qonun hujjatlari maʼlumotlari milliy bazasi, 23.09.2020-y., 06/20/6066/1317-son)
(Qonun hujjatlari maʼlumotlari milliy bazasi, 15.11.2017-y., 07/17/3388/0257-son; 10.01.2018-y., 06/18/5296/0534-son, 03.03.2018-y., 06/18/5329/0846-son; 23.09.2020-y., 06/20/6066/1317-son; 25.07.2024-y., 06/24/104/0551-son)