Oʻzbekiston Respublikasi Vazirlar Mahkamasining

Ichki ishlar organlarining tergov boʻlinmalari xodimlari tomonidan jinoyatlarni tergov qilish hamda fosh etish samaradorligini yanada oshirish toʻgʻrisida

Oʻzbekiston Respublikasi Prezidentining “Ichki ishlar organlarining jinoyatlarni tergov qilish sohasidagi faoliyatini tubdan takomillashtirish chora-tadbirlari toʻgʻrisida” 2017-yil 18-apreldagi PQ-2898-son qaroriga muvofiq Vazirlar Mahkamasi qaror qiladi:

1. Quyidagilar:

Ichki ishlar organlarining tergov boʻlinmalari xodimlariga qoʻshimcha ustamalar toʻlanadigan maxsus malaka darajasini berish tartibi toʻgʻrisidagi nizom 1-ilovaga muvofiq;

Ogʻir va oʻta ogʻir jinoyatlarni namunali fosh etganlik va tergov qilganlik uchun pul mukofotlari bilan taqdirlash tartibi toʻgʻrisidagi nizom 2-ilovaga muvofiq tasdiqlansin.

2. Mazkur qarorning bajarilishini nazorat qilish Oʻzbekiston Respublikasi ichki ishlar vaziri P.R. Bobojonov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2017-yil 15-sentabr,

727-son

Vazirlar Mahkamasining
2017-yil 15-sentabrdagi 727-son qaroriga
1-ILOVA

Ichki ishlar organlarining tergov boʻlinmalari xodimlariga qoʻshimcha ustamalar toʻlanadigan maxsus malaka darajasini berish tartibi toʻgʻrisida

NIZOM

1-bob. Umumiy qoidalar

1. Ushbu Nizom ichki ishlar organlarining tergov boʻlinmalari xodimlariga qoʻshimcha ustamalar toʻlanadigan maxsus malaka darajasini (keyingi oʻrinlarda maxsus malaka darajasi deb ataladi) berishning asosiy maqsadi va prinsiplari, maxsus malaka darajasini belgilash mezonlari va uni berish (bekor qilish) tartibini belgilaydi.

Oldingi tahrirga qarang.

2. Oʻzbekiston Respublikasi Prezidentining “Ichki ishlar organlarining jinoyatlarni tergov qilish sohasidagi faoliyatini tubdan takomillashtirish chora-tadbirlari toʻgʻrisida” 2017-yil 18-apreldagi PQ–2898-son qaroriga muvofiq ichki ishlar organlarining tergov boʻlinmalari tizimiga Tergov departamenti, Oʻzbekiston Respublikasi Ichki ishlar vazirligi Transport va turizm obyektlarida xavfsizlikni taʼminlash departamenti tergov faoliyatini muvofiqlashtirish boʻlimi, Qoraqalpogʻiston Respublikasi Ichki ishlar vazirligi, Toshkent shahar ichki ishlar bosh boshqarmasi, viloyatlar ichki ishlar boshqarmalari huzuridagi tergov boshqarmalari, tumanlar (shaharlar) ichki ishlar boshqarmalari (boʻlimlari), shuningdek transportda xavfsizlikni taʼminlash boshqarmalari (boʻlimlari) tergov boʻlimlari (boʻlinmalari, guruhlari) kiradi.

(2-band Oʻzbekiston Respublikasi Vazirlar Mahkamasining 2023-yil 30-yanvardagi 37-sonli qarori tahririda — Qonunchilik maʼlumotlari milliy bazasi, 31.01.2023-y., 09/23/37/0063-son)

3. Quyidagilar ichki ishlar organlarining tergov boʻlinmalari xodimlari (keyingi oʻrinlarda xodimlar deb ataladi) hisoblanadi:

tergov boʻlinmalari boshliqlari va ularning oʻrinbosarlari;

surishtiruvchilar;

tergovchilar;

surishtiruv ishlarini muvofiqlashtirish va nazorat qilish boʻlinmalari xodimlari;

tergov faoliyatini tashkillashtirish boʻlinmalari xodimlari;

axborot-tahlil boʻlinmalari xodimlari;

kadrlar boʻlinmalari xodimlari.

4. Mazkur Nizomda quyidagi asosiy tushunchalar qoʻllaniladi:

maxsus malaka darajasi — xodimning tergovga qadar tekshiruv, surishtiruv va tergov ishlarini yuritish, huquqbuzarliklar profilaktikasi va jinoyatchilikka qarshi kurashish, shuningdek oʻz faoliyatiga oid boshqa vazifalarni bajarish jarayonida erishgan natijalari asosida har yil yakunlari boʻyicha baholash mezonlariga muvofiq unga qoʻshimcha ustama toʻlash maqsadida beriladigan malaka darajasi;

baholash mezonlari — xodim tomonidan tergovga qadar tekshiruv, surishtiruv va tergov ishlarining yuritilishi, huquqbuzarliklar profilaktikasi va jinoyatchilikka qarshi kurashish, shuningdek oʻz faoliyatiga oid boshqa vazifalarni bajarishning sifati va hajmini belgilovchi koʻrsatkich.

5. Quyidagilar maxsus malaka darajasi berilishining asosiy maqsadi hisoblanadi:

xodimlarning jinoyatlarni oʻz vaqtida fosh etish, qonuniy, adolatli va xolis tergov qilishdagi rolini yanada oshirish;

xodimlar oʻrtasida sogʻlom raqobat muhitini shakllantirish va tergov qilishning ilgʻor tajribasini ommalashtirish;

xodimlarni oʻz kasbiy mahoratini maqsadli va muntazam ravishda oshirib borishga yoʻnaltirish;

xodimlarni huquqbuzarliklar profilaktikasi va jinoyatchilikka qarshi kurashishga qoʻshayotgan hissasi uchun munosib ragʻbatlantirish.

6. Xodimlarga maxsus malaka darajasini berish qonuniylik, adolatlilik, xolislik, oshkoralik va begʻarazlik prinsiplari asosida amalga oshiriladi.

2-bob. Maxsus malaka darajasini belgilash mezonlari va uni berish tartibi

7. Xodimlarning maxsus malaka darajasi ushbu Nizomga 1 — 8-ilovalarda koʻrsatilgan mezonlar asosida 100 balli baholash tizimi boʻyicha belgilanadi.

Ushbu Nizomga 1 — 4-ilovalarda koʻrsatilgan mezonlar asosida umumiy ball ijobiy koʻrsatkichlar yigʻindisi boʻyicha toʻplangan ballarni salbiy koʻrsatkichlar yigʻindisi boʻyicha toʻplangan ballardan ayirish orqali hisoblanadi

Ushbu Nizomga 5-ilovada koʻrsatilgan mezonlar asosida umumiy ball salbiy koʻrsatkichlar yigʻindisi boʻyicha toʻplangan jami ballni 100 dan ayirib, qoldiqda qolgan ballga ijobiy koʻrsatkichlar yigʻindisi boʻyicha toʻplangan ballni qoʻshish orqali hisoblanadi.

Ushbu Nizomga 6 — 8-ilovalarda koʻrsatilgan mezonlar asosida ballarni hisoblashda toʻplangan ballarning yigʻindisidan kelib chiqiladi.

8. Maxsus malaka darajasi quyidagi toʻplangan ballar asosida beriladi:

3-maxsus malaka darajasi — 56 balldan 70 ballgacha;

2-maxsus malaka darajasi — 71 balldan 85 ballgacha;

1-maxsus malaka darajasi — 86 balldan 100 ballgacha.

9. Oʻzbekiston Respublikasi Ichki ishlar vazirligi huzuridagi Tergov departamenti boshligʻining maxsus malaka darajasi Tergov departamentining jinoyatlarni tergov qilish boshqarmasi, Qoraqalpogʻiston Respublikasi Ichki ishlar vazirligi, Toshkent shahar ichki ishlar bosh boshqarmasi, viloyatlar ichki ishlar boshqarmalari huzuridagi tergov boshqarmalari boshliqlarining toʻplagan ballari yigʻindisini ushbu boshqarmalar boshliqlarining umumiy soniga boʻlish orqali belgilanadi.

10. Oʻzbekiston Respublikasi Ichki ishlar vazirligi huzuridagi Tergov departamenti, Qoraqalpogʻiston Respublikasi Ichki ishlar vazirligi, Toshkent shahar ichki ishlar bosh boshqarmasi, viloyatlar ichki ishlar boshqarmalari huzuridagi tergov boshqarmalari boshliqlarining birinchi oʻrinbosarlari, surishtiruv ishlarini muvofiqlashtirish va nazorat qilish boʻlimi (boʻlinmalari, guruhlari), tergov faoliyatini tashkillashtirish boshqarmasi (boʻlimlari) va ularning boʻlimlari (boʻlinmalari) boshliqlarining maxsus malaka darajasi tegishli ravishda ularning qoʻl ostidagi xodimlar tomonidan toʻplangan ballar yigʻindisini ushbu xodimlarning umumiy soniga boʻlish orqali belgilanadi.

11. Maxsus malaka darajasi Oʻzbekiston Respublikasi Ichki ishlar vazirligi, Qoraqalpogʻiston Respublikasi Ichki ishlar vazirligi, Toshkent shahar ichki ishlar bosh boshqarmasi va viloyatlar ichki ishlar boshqarmalari huzurida tuziladigan Maxsus malaka darajasini berish boʻyicha doimiy komissiya (keyingi oʻrinlarda doimiy komissiya deb ataladi) qarori asosida ushbu Nizomga muvofiq beriladi.

12. Doimiy komissiyalarning tarkibi, faoliyat yuritish tartibi, raisi va aʼzolarining huquq hamda majburiyatlari Oʻzbekiston Respublikasi Ichki ishlar vaziri tomonidan belgilanadi.

Oʻzbekiston Respublikasi Ichki ishlar vaziri, Qoraqalpogʻiston Respublikasi Ichki ishlar vaziri, Toshkent shahar ichki ishlar bosh boshqarmasi, viloyatlar ichki ishlar boshqarmalari boshliqlari tegishli doimiy komissiyalarning raisi hisoblanadi.

Doimiy komissiya raisi va aʼzolari mazkur komissiya qarorining qonuniyligi, adolatliligi va xolisligi uchun masʼul hisoblanadi.

13. Ichki ishlar organlarining tergov boʻlinmalari xodimlariga maxsus malaka darajasini berish ushbu Nizomga 9-ilovada keltirilgan sxemaga muvofiq amalga oshiriladi.

14. Tergov boʻlinmalariga ishga qabul qilingan (lavozimga tayinlangan) xodimlarga maxsus malaka darajasi ishga qabul qilingan (lavozimga tayinlangan) davridan qatʼi nazar, keyingi hisobot yilida toʻplagan ballari asosida yil yakuni boʻyicha beriladi.

3-bob. Maxsus malaka darajasi uchun qoʻshimcha ustamalar toʻlash tartibi

15. Maxsus malaka darajasi uchun qoʻshimcha ustamalar tergov boʻlinmalari xodimlariga doimiy komissiya qaroriga muvofiq tegishli ravishda Oʻzbekiston Respublikasi Ichki ishlar vaziri, Qoraqalpogʻiston Respublikasi Ichki ishlar vaziri, Toshkent shahar ichki ishlar bosh boshqarmasi, viloyatlar ichki ishlar boshqarmalari boshliqlarining buyruqlari asosida toʻlanadi.

16. Qoʻshimcha ustamalar maxsus malaka darajasiga ega boʻlgan xodimlarga Oʻzbekiston Respublikasi Ichki ishlar vazirining buyrugʻi asosida beriladigan malaka toifasidan qatʼi nazar, yil davomida har oylik maoshiga qoʻshib toʻlanadi.

Oldingi tahrirga qarang.

17. Maxsus malaka darajasi uchun toʻlov miqdorlari quyidagicha belgilanadi:

3-maxsus malaka darajasi — mehnatga haq toʻlash eng kam miqdorining 1,56 baravari miqdorida;

2-maxsus malaka darajasi — mehnatga haq toʻlash eng kam miqdorining 1,91 baravari miqdorida;

1-maxsus malaka darajasi — mehnatga haq toʻlash eng kam miqdorining 2,21 baravari miqdorida.

(17-band Oʻzbekiston Respublikasi Vazirlar Mahkamasining 2020-yil 28-sentabrdagi 593-sonli qarori tahririda — Qonun hujjatlari maʼlumotlari milliy bazasi, 29.09.2020-y., 09/20/593/1340-son)

18. Ichki ishlar organlarining tergov boʻlinmalari xodimlariga maxsus malaka darajasi boʻyicha beriladigan qoʻshimcha ustamalar Oʻzbekiston Respublikasi Davlat budjeti mablagʻlari hisobidan amalga oshiriladi.

4-bob. Yakunlovchi qoidalar

19. Ushbu Nizomga 1 — 8-ilovalarda koʻrsatilgan maxsus malaka darajasini belgilash mezonlari asosida har bir xodimning faoliyatini baholash tergov boʻlinmalari boshliqlari tomonidan amalga oshiriladi.

20. Maxsus malaka darajasiga ega xodimlarning hisobi Oʻzbekiston Respublikasi Ichki ishlar vazirligi huzuridagi Tergov departamenti, Qoraqalpogʻiston Respublikasi Ichki ishlar vazirligi, Toshkent shahar ichki ishlar bosh boshqarmasi va viloyatlar ichki ishlar boshqarmalari huzuridagi tergov boshqarmalari tomonidan yuritiladi.

21. Xodimga berilgan maxsus malaka darajasi uchun qoʻshimcha ustama toʻlash quyidagi holatlarda bekor qilinadi:

bola ikki va uch yoshga toʻlgunga qadar parvarishlash uchun taʼtilga chiqqanda;

ichki ishlar organlarining boshqa sohaviy xizmatiga oʻtkazilganda;

Oʻzbekiston Respublikasi Ichki ishlar vazirligi kadrlarining amaldagi zaxirasiga kiritilganda;

ichki ishlar organlaridan boʻshatilganda.

22. Maxsus malaka darajasini berish hamda uni bekor qilish jarayonida kelib chiqqan nizolar qonun hujjatlarida belgilangan tartibda hal etiladi.

23. Mazkur Nizomning talablari buzilishida aybdor boʻlgan shaxslar qonun hujjatlarida belgilangan tartibda javob beradilar.

Ichki ishlar organlarining tergov boʻlinmalari xodimlariga qoʻshimcha ustamalar toʻlanadigan maxsus malaka darajasini berish tartibi toʻgʻrisidagi nizomga
1-ILOVA

Jinoyat ishlari boʻyicha dastlabki tergov harakatlarini olib boruvchi tergov boʻlinmalari xodimlarining maxsus malaka darajasini belgilash

MEZONLARI

T/r	Mezonlar	Ball
Ijobiy koʻrsatkichlar
1.	Jinoyat ishini tamomlashi (tuman (shahar)lar uchun har oyda 2 va undan ortiq, viloyatlar uchun har oyda 1 ta va undan ortiq, respublika uchun har 2 oyda 1 ta)	10
2.	Tergov qilinayotgan jinoyat ishi doirasida yangi jinoyatni aniqlashi yoxud tayyorgarlik koʻrilayotgan jinoyatning oldini olishi (tergov qilingan jinoyat ishlari doirasida nechta jinoyat aniqlanganidan qatʼi nazar)	10
3.	Tergov yoʻli bilan fosh etgan jinoyatlar (har bir fosh etilgan jinoyat uchun)	10
4.	Qidiruvda boʻlgan ayblanuvchini shaxsan ushlaganligi yoki bergan koʻrsatmasi asosida ushlanganligi (har bir ushlangan shaxs uchun)	10
5.	Qonunchilik targʻiboti, huquqbuzarliklar profilaktikasi va jinoyatchilikka qarshi kurashish borasidagi ishtiroki:
	Yil davomida respublika OAV orqali chiqishlari uchun (Qoraqalpogʻiston Respublikasi va viloyatlar uchun — 4 marotaba, Tergov departamenti va Toshkent shahri uchun — 6 marotaba)	10
	Yil davomida viloyat OAV orqali chiqishlari uchun (Qoraqalpogʻiston Respublikasi va viloyatlar uchun — 6 marotaba, Tergov departamenti va Toshkent shahri uchun — 4 marotaba)	10
	Har oyda mahalla, taʼlim muassasalari va mehnat jamoalarida 4 marotaba uchrashuvlar oʻtkazganligi uchun	8
	Tergov qilingan jinoyat ishlari yuzasidan kiritilgan taqdimnomalarning muhokamasida shaxsan �shtirok etishi (barchasi boʻyicha)	10
6.	Tergov qilishning ijobiy tajribasi ommalashtirilishi	7
7.	Metodik qoʻllanma tayyorlash va chop etish (elektron nusxasini tarqatish)	8
8.	Qonunchilikdagi ziddiyatli normalarni bartaraf etishga doir ishlab chiqilgan normativ-huquqiy hujjat loyihasining qabul qilinishi	7
Salbiy koʻrsatkichlar
1.	Prokurordan qoʻshimcha tergovga qaytarilgan ishlar (har bir jinoyat ishi uchun)	4
2.	Suddan JPK 401¹-moddasi tartibida yuborilgan ishlar (har bir yuborilgan jinoyat ishi uchun)	7
3.	Suddan JPK 415¹-moddasi tartibida yuborilgan ajrimlar (har bir yuborilgan ajrim uchun)	7
4.	Dastlabki tergov muddati asossiz oʻtkazib yuborilgan ishlar (har bir holat uchun)	10
5.	Jinoyat ishini toʻxtatish haqida qabul qilingan qarorlarning prokuror tomonidan bekor qilinganlari (har bir bekor qilingan qaror uchun)	3
6.	Jinoyat ishini tugatish haqida qabul qilingan qarorlarning prokuror tomonidan bekor qilinganlari (har bir bekor qilingan ish uchun)	2
7.	Jinoyat ishini qoʻzgʻatishni rad etish haqida qabul qilingan qarorlarning prokuror tomonidan bekor qilinganlari (har bir bek�r qilingan qaror uchun)	2
8.	Jinoyat ishini qoʻzgʻatishni rad etish haqida qabul qilingan qarorlarning prokuror tomonidan bekor qilinib, qoʻzgʻatilgan jinoyat ishlari (har bir qoʻzgʻatilgan ish uchun)	5
9.	Jinoyat ishini qoʻzgʻatishni rad etish haqida qabul qilingan qarorlarning prokuror tomonidan bekor qilinib, oʻtkazilgan qoʻshimcha tergovga qadar tekshiruv natijasiga koʻra, qoʻzgʻatilgan jinoyat ishlari (har bir qoʻzgʻatilgan ish uchun)	5
10.	Sud tomonidan JPKning 83-moddasi (reabilitatsiya asoslari)ga koʻra oqlangan shaxslar (har bir oqlangan shaxs uchun)*	10
11.	Tergov davomida ayblov eʼlon qilgan shaxslardan reabilitatsiya etilgan shaxslar (har bir reabilitatsiya etilgan shaxs uchun)	10
12.	Tergov davomida asossiz ushlab turilgan gumon qilinuvchilar (har bir shaxs uchun)	10
13.	Prokuror tomonidan qonun buzilishi holati boʻyicha kiritilgan taqdimnomalar (har bir kiritilgan taqdimnoma uchun)**	5
14.	Prokuror tomonidan qonun buzilishi holati boʻyicha kiritilgan intizomiy ish qoʻzgʻatish haqidagi qarorlar (har bir qaror uchun)**	5
15.	Sud tomonidan qonun buzilishi holati boʻyicha kiritilgan xususiy ajrimlar (har bir xususiy ajrim uchun)**	5
16.	Jismoniy va yuridik shaxslarning murojaatlarida koʻrsatilgan vajlarning toʻliq oʻz tasdigʻini topishi (har bir tasdigʻini topgan murojaat uchun)	10

* Sud tomonidan reabilitatsiya asoslariga koʻra oqlangan shaxslar boʻyicha oʻtkazilgan xizmat tekshiruvi natijasida tergovchining aybi oʻz tasdigʻini topgan holatlarda kiritiladi.

** Oʻtkazilgan xizmat tekshiruvi natijasiga koʻra tergovchining aybi oʻz tasdigʻini topgan holatlarda kiritiladi. Bir necha tergovchiga nisbatan kiritilganda har biriga alohida hisoblanadi.

Ichki ishlar organlarining tergov boʻlinmalari xodimlariga qoʻshimcha ustamalar toʻlanadigan maxsus malaka darajasini berish tartibi toʻgʻrisidagi nizomga
2-ILOVA

Tergov boʻlinmalari surishtiruvchilarining maxsus malaka darajasini belgilash

MEZONLARI

T/r	Mezonlar	Ball
Ijobiy koʻrsatkichlar
1.	Har oyda 2 va undan ortiq jinoyat ishini tamomlashi	10
2.	Har oyda 3 va undan ortiq jinoyatga oid xabarlar boʻyicha tergovga qadar tekshiruv oʻtkazishi va qonuniy qaror qabul qilishi	8
3.	Tergov qilinayotgan jinoyat ishi doirasida yangi jinoyatni aniqlashi yoxud tayyorgarlik koʻrilayotgan jinoyatning oldini olishi (tergov qilingan jinoyat ishlari doirasida nechta jinoyat aniqlanganidan qatʼi nazar)	10
4.	Tergov yoʻli bilan fosh etilgan jinoyatlar (har bir fosh etilgan jinoyat uchun)	10
5.	Qidiruvda boʻlgan ayblanuvchini shaxsan ushlaganligi yoki bergan koʻrsat�asi asosida ushlanganligi (har bir ushlangan shaxs uchun)	8
6.	Qonunchilik targʻiboti, huquqbuzarliklar profilaktikasi va jinoyatchilikka qarshi kurashish borasidagi ishtiroki:
	Yil davomida respublika OAV orqali chiqishlari uchun (Qoraqalpogʻiston Respublikasi va viloyatlar uchun — 4 marotaba, Tergov departamenti va Toshkent shahri uchun — 6 marotaba)	10
	Yil davomida viloyat OAV orqali chiqishlari uchun (Qoraqalpogʻiston Respublikasi va viloyatlar uchun — 6 marotaba, Tergov departamenti va Toshkent shahri uchun — 4 marotaba)	10
	Har oyda mahalla, taʼlim muassasalari va mehnat jamoalarida 4 marotaba uchrashuvlar oʻtkazganligi uchun	8
	Tergov qilingan jinoyat ishlari yuzasidan kiritilgan taqdimnomalarning muhokamasida shaxsan ishtirok etishi (barchasi boʻyicha)	10
7.	Tergov qilishning ijobiy tajribasi ommalashtirilishi	5
8.	Metodik qoʻllanma tayyorlash va chop etish (elektron nusxasini tarqatish)	6
9.	Qonunchilikdagi ziddiyatli normalarni bartaraf etishga doir ishlab chiqilgan normativ-huquqiy hujjat loyihasining qabul qilinishi	5
Salbiy koʻrsatkichlar
1.	Prokurordan qoʻshimcha tergovga qaytarilgan ishlar (har bir jinoyat ishi uchun)	4
2.	Suddan JPK 401¹-moddasi tartibida yuborilgan ishlar (har bir yuborilgan jinoyat ishi uchun)	7
3.	Suddan JPK 415¹-moddasi tartibida yuborilgan ajrimlar (har bir yuborilgan ajrim uchun)	7
4.	Surishtiruv muddati asossiz oʻtkazib yuborilgan ishlar (har bir holat uchun)	10
5.	Jinoyat ishini toʻxtatish haqida qabul qilingan qarorlarning prokuror tomonidan bekor qilinganlari (har bir bekor qilingan qaror uchun)	3
6.	Jinoyat ishini tugatish haqida qabul qilingan qarorlarning prokuror tomonidan bekor qilinganlari (har bir bekor qilingan ish uchun)	2
7.	Jinoyat ishini qoʻzgʻatishni rad qilish haqida qabul qilingan qarorlarning prokuror tomonidan bekor qilinganlari (har bir bekor qilingan qaror uchun)	2
8.	Jinoyat ishini qoʻzgʻatishni rad etish haqida qabul qilingan qarorlarning prokuror tomonidan bekor qilinib, qoʻzgʻatilgan jinoyat ishlari (har bir qoʻzgʻatilgan ish uchun)	5
9.	Jinoyat ishini qoʻzgʻatishni rad etish haqida qabul qilingan qarorlarning prokuror tomonidan bekor qilinib, oʻtkazilgan qoʻshimcha tekshiruv natijasiga koʻra qoʻzgʻatilgan jinoyat ishlari (har bir qoʻzgʻatilgan ish uchun)	5
10.	Sud tomonidan JPKning 83-moddasi (reabilitatsiya asoslari)ga koʻra oqlangan shaxslar (har bir oqlangan shaxs uchun)*	10
11.	Tergov davomida ayblov eʼlon qilingan shaxslardan reabilitatsiya etilgan shaxslar (har bir reabilitatsiya etilgan shaxs uchun)	10
12.	Tergov davomida asossiz ushlab turilgan gumon qilinuvchilar (har bir shaxs uchun)	10
13.	Prokuror tomonidan qonun buzilishi holati boʻyicha kiritilgan taqdimnomalar (har bir kiritilgan taqdimnoma uchun)**	5
14.	Prokuror tomonidan qonun buzilishi holati boʻyicha kiritilgan intizomiy ish qoʻzgʻatish haqidagi qarorlar (har bir qaror uchun)**	5
15.	Sud tomonidan qonun buzilishi holati boʻyicha kiritilgan xususiy ajrimlar (har bir xususiy ajrim uchun)**	5
16.	Jismoniy va yuridik shaxslarning murojaatlarida koʻrsatilgan vajlarning toʻliq oʻz tasdigʻini topishi (har bir tasdigʻini topgan murojaat uchun)	10

* Sud tomonidan reabilitatsiya asoslariga koʻra oqlangan shaxslar boʻyicha oʻtkazilgan xizmat tekshiruvi natijasida tergovchining aybi oʻz tasdigʻini topgan holatlarda kiritiladi.

** Oʻtkazilgan xizmat tekshiruvi natijasiga koʻra tergovchining aybi oʻz tasdigʻini topgan holatlarda kiritiladi. Bir necha surishtiruvchiga nisbatan kiritilganda har biriga alohida hisoblanadi.

Ichki ishlar organlarining tergov boʻlinmalari xodimlariga qoʻshimcha ustamalar toʻlanadigan maxsus malaka darajasini berish tartibi toʻgʻrisidagi nizomga
3-ILOVA

Tergov boʻlimlari va boʻlinmalari boshliqlarining maxsus malaka darajasini belgilash

MEZONLARI

T/r	Mezonlar	Hisoblash tartibi	Ball
Ijobiy koʻrsatkichlar
1.	Tergov qilingan jinoyat ishlaridan tamomlanganlari	55 foizgacha — 0 56 — 60 foizgacha — 4 61 — 65 foizgacha — 6 66 — 70 foizgacha — 7 71 — 74 foizgacha — 8 75 foizdan yuqori — 10	10
2.	Tamomlangan ishlar boʻyicha yetkazilgan zararning undirilishi	0 — 70 foizgacha — 1 70 — 80 foizgacha — 4 80 — 85 foizgacha — 6 85 — 90 foizgacha — 8 90 — 100 foizgacha — 10	10
3.	Qonunchilik targʻiboti hamda huquqbuzarliklar profilaktikasi va jinoyatchilikka qarshi kurashish borasidagi ishtiroki:	-
	yil davomida respublika OAV orqali chiqishlari uchun (Qoraqalpogʻiston Respublikasi va viloyatlar uchun — 4 marotaba, Tergov departamenti va Toshkent shahri uchun — 6 marotaba)	-	10
	yil davomida viloyat OAV orqali chiqishlari uchun (Qoraqalpogʻiston Respublikasi va viloyatlar uchun — 6 marotaba, Tergov departamenti va Toshkent shahri uchun — 4 marotaba)	-	8
	har oyda mahalla, taʼlim muassasalari va mehnat jamoalarida 4 marotaba uchrashuvlar oʻtkazishi uchun	-	7
4.	Tergov qilishning ijobiy tajribasini ommalashtirgani (shaxsan oʻzi)	-	5
5.	Metodik qoʻllanma tayyorlash va chop etish (elektron nusxasini tarqatish) (shaxsan oʻzi)	-	15
6.	Qonunchilikdagi ziddiyatli normalarni bartaraf etishga doir ishlab chiqilgan normativ-huquqiy hujjat loyihasining qabul qilinishi (shaxsan oʻzi)	-	5
7.	Huquqbuzarlik profilaktikasi va jinoyatchilikning oldini olish borasida tayyorlagan tahliliy hujjati amalda qoʻllanilishi (har chorakda 1 marotaba)	-	10
8.	Oʻz tashabbusi bilan xodimlarning bilim saviyasi va malakasini oshirish borasida har oyda 1 marotaba oʻquv mashgʻulotlari oʻtkazishi	-	10
9.	Jinoyatchilikning oldini olish yoki tergov qilish amaliyoti yuzasidan oʻquv filmlari tayyorlashi (har bir tayyorlangan film uchun)	-	10
Salbiy koʻrsatkichlar
1.	Sudga yuborilgan jinoyat ishlaridan prokurordan qoʻshimcha tergovga qaytarilgan ishlar	ball foiz hisobida koʻrsatiladi
2.	Sudga yuborilgan jinoyat ishlaridan suddan JPK 401¹-moddasi tartibida yuborilgan ishlar	ball foiz hisobida koʻrsatiladi
3.	Sudga yuborilgan jinoyat ishlaridan suddan JPK 415¹-moddasi tartibida yuborilgan ajrimlar	ball foiz hisobida koʻrsatiladi
4.	Dastlabki tergov muddati asossiz oʻtkazib yuborilgan ishlar	har bir holat uchun	4
5.	Jinoyat ishini toʻxtatish haqida qabul qilingan qarorlarning prokuror tomonidan bekor qilinganlari	ball foiz hisobida koʻrsatiladi
6.	Jinoyat ishini tugatish haqida qabul qilingan qarorlarning prokuror tomonidan bekor qilinganlari	ball foiz hisobida koʻrsatiladi
7.	Jinoyat ishini qoʻzgʻatishni rad etish haqida qabul qilingan qarorlarning prokuror tomonidan bekor qilinganlari	ball foiz hisobida koʻrsatiladi
8.	Jinoyat ishini qoʻzgʻatishni rad etish haqida qabul qilingan qarorlarning prokuror tomonidan bekor qilinib, qoʻzgʻatilgan jinoyat ishlari	har bir holat uchun	5
9.	Jinoyat ishini qoʻzgʻatishni rad etish haqida qabul qilingan qarorlarning prokuror tomonidan bekor qilinib, oʻtkazilgan qoʻshimcha tergovga qadar tekshiruv natijasiga koʻra qoʻzgʻatilgan jinoyat ishlari	har bir holat uchun	5
10.	Sud tomonidan JPKning 83-moddasi (reabilitatsiya asoslari)ga koʻra oqlangan shaxslar*	har bir shaxs uchun	5
11.	Tergov davomida ayblov eʼlon qilingan shaxslardan reabilitatsiya etilgan shaxslar	har bir shaxs uchun	5
12.	Tergov davomida asossiz ushlab turilgan gumon qilinuvchilar	har bir shaxs uchun	5
13.	Prokuror tomonidan qonun buzilishi holati boʻyicha kiritilgan taqdimnomalar**	har bir taqdimnoma uchun	3
14.	Prokuror tomonidan qonun buzilishi holati boʻyicha kiritilgan intizomiy ish qoʻzgʻatish haqidagi qarorlar**	har bir qaror uchun	3
15.	Sud tomonidan qonun buzilishi holati boʻyicha kiritilgan xususiy ajrimlar**	har bir xususiy ajrim uchun	3
16.	Qoʻl ostidagi xodimlarni jinoiy javobgarlikka tortilishi	har bir xodim uchun	10

* Sud tomonidan reabilitatsiya asoslariga koʻra oqlangan shaxslar boʻyicha oʻtkazilgan xizmat tekshiruvi natijasida tergovchining aybi oʻz tasdigʻini topgan holatlarda kiritiladi.

** Oʻtkazilgan xizmat tekshiruvi natijasiga koʻra tergovchining aybi oʻz tasdigʻini topgan holatlarda kiritiladi.

Ichki ishlar organlarining tergov boʻlinmalari xodimlariga qoʻshimcha ustamalar toʻlanadigan maxsus malaka darajasini berish tartibi toʻgʻrisidagi nizomga
4-ILOVA

Surishtiruvchilar faoliyati ustidan rahbarlikni amalga oshiruvchi boshliqlar tarkibining maxsus malaka darajasini belgilash

MEZONLARI

T/r	Mezonlar	Hisoblash tartibi	Ball
Ijobiy koʻrsatkichlar
1.	Tergov qilingan jinoyat ishlaridan tamomlanganlari	55 foizgacha — 0 56 — 60 foizgacha — 4 61 — 65 foizgacha — 6 66 — 70 foizgacha — 7 71 — 74 foizgacha — 8 75 foizdan yuqori — 10	10
2.	Tamomlangan ishlar boʻyicha yetkazilgan zararning undirilishi	0 — 70 foizgacha — 1 70 — 80 foizgacha — 4 80 — 85 foizgacha — 6 85 — 90 foizgacha — 8 90 — 100 foizgacha — 10	10
3.	Qonunchilik targʻiboti hamda huquqbuzarliklar profilaktikasi va jinoyatchilikka qarshi kurashish borasidagi ishtiroki:	-
	Yil davomida respublika OAV orqali chiqishlari uchun (Qoraqalpogʻiston Respublikasi va viloyatlar uchun — 4 marotaba, Tergov departamenti va Toshkent shahri uchun — 6 marotaba)	-	10
	Yil davomida viloyat OAV orqali chiqishlari uchun (Qoraqalpogʻiston Respublikasi va viloyatlar uchun — 6 marotaba, Tergov departamenti va Toshkent shahri uchun — 4 marotaba)	-	8
	Har oyda mahalla, taʼlim muassasalari va mehnat jamoalarida 4 marotaba uchrashuvlar oʻtkazishi uchun	-	7
4.	Tergov qilishning ijobiy tajribasi ommalashtirilishi (shaxsan oʻzi)	-	5
5.	Metodik qoʻllanma tayyorlash va chop etish (elektron nusxasini tarqatish) (shaxsan oʻzi)	-	15
6.	Qonunchilikdagi ziddiyatli normalarni bartaraf etishga doir ishlab chiqilgan normativ-huquqiy hujjat loyihasining qabul qilinishi (shaxsan oʻzi)	-	5
7.	Huquqbuzarlik profilaktikasi va jinoyatchilikning oldini olish borasida tayyorlagan tahliliy hujjati amalda qoʻllanilishi (har chorakda 1 marotaba)	-	10
8.	Oʻz tashabbusi bilan xodimlarning bilim saviyasi va malakasini oshirish borasida har oyda 1 marotaba oʻquv mashgʻulotlari oʻtkazishi	-	10
9.	Jinoyatchilikning oldini olish yoki tergov qilish amaliyoti yuzasidan oʻquv filmlari tayyorlashi (har bir tayyorlangan film uchun)	-	10
Salbiy koʻrsatkichlar
1.	Sudga yuborilgan jinoyat ishlaridan prokurordan qoʻshimcha surishtiruvga qaytarilgan ishlar	ball foiz hisobida koʻrsatiladi
2.	Sudga yuborilgan jinoyat ishlaridan suddan JPK 401¹-moddasi tartibida yuborilgan ishlar	ball foiz hisobida koʻrsatiladi
3.	Sudga yuborilgan jinoyat ishlaridan suddan JPK 415¹-moddasi tartibida yuborilgan ajrimlar	ball foiz hisobida koʻrsatiladi
4.	Surishtiruv muddati asossiz oʻtkazib yuborilgan ishlar	har bir �olat uchun	4
5.	Jinoyat ishini toʻxtatish haqida qabul qilingan qarorlarning prokuror tomonidan bekor qilinganlari	ball foiz hisobida koʻrsatiladi
6.	Jinoyat ishini tugatish haqida qabul qilingan qarorlarning prokuror tomonidan bekor qilinganlari	ball foiz hisobida koʻrsatiladi
7.	Jinoyat ishini qoʻzgʻatishni rad etish haqida qabul qilingan qarorlarning prokuror tomonidan bekor qilinganlari	ball foiz hisobida koʻrsatiladi
8.	Jinoyat ishini qoʻzgʻatishni rad etish haqida qabul qilingan qarorlarning prokuror tomonidan bekor qilinib, qoʻzgʻatilgan jinoyat ishlari	har bir holat uchun	5
9.	Jinoyat ishini qoʻzgʻatishni rad etish haqida qabul qilingan qarorlarning prokuror tomonidan bekor qilinib, oʻtkazilgan qoʻshimcha tergovga qadar tekshiruv natijasiga koʻra qoʻzgʻatilgan jinoyat ishlari	har bir holat uchun	5
10.	Sud tomonidan JPKning 83-moddasi (reabilitatsiya asoslari)ga koʻra oqlangan shaxslar*	har bir shaxs uchun	5
11.	Tergov davomida ayblov eʼlon qilingan shaxslardan reabilitatsiya etilgan shaxslar	har bir shaxs uchun	5
12.	Tergov davomida asossiz ushlab turilgan gumon qilinuvchilar	har bir shaxs uchun	5
13.	Prokuror tomonidan qonun buzilishi holati boʻyicha kiritilgan taqdimnomalar**	har bir taqdimnoma uchun	3
14.	Prokuror tomonidan qonun buzilishi holati boʻyicha kiritilgan intizomiy ish qoʻzgʻatish haqidagi qarorlar**	har bir qaror uchun	3
15.	Sud tomonidan qonun buzilishi holati boʻyicha kiritilgan xususiy ajrimlar**	har bir xususiy ajrim uchun	3
16.	Qoʻl ostidagi xodimlarni jinoiy javobgarlikka tortilishi	har bir xodim uchun	10

* Sud tomonidan reabilitatsiya asoslariga koʻra oqlangan shaxslar boʻyicha oʻtkazilgan xizmat tekshiruvi natijasida tergovchining aybi oʻz tasdigʻini topgan holatlarda kiritiladi.

** Oʻtkazilgan xizmat tekshiruvi natijasiga koʻra tergovchining aybi oʻz tasdigʻini topgan holatlarda kiritiladi.

Ichki ishlar organlarining tergov boʻlinmalari xodimlariga qoʻshimcha ustamalar toʻlanadigan maxsus malaka darajasini berish tartibi toʻgʻrisidagi nizomga
5-ILOVA

Tergov boshqarmalari hamda jinoyatlarni tergov qilish boshqarmasi boshliqlarining maxsus malaka darajasini belgilash

MEZONLARI

T/r	Mezonlar	Hisoblash tartibi	Ball
Ijobiy koʻrsatkichlar
1.	Tergov qilingan jinoyat ishlaridan tamomlanganlari	55 foizgacha — 0 56 — 60 foizgacha — 4 61 — 65 foizgacha — 6 66 — 70 foizgacha — 7 71 — 74 foizgacha — 8 75 foizdan yuqori — 10	10
2.	Tamomlangan ishlar boʻyicha yetkazilgan zararning undirilishi	0 — 60 foizgacha — 0 60 — 70 foizgacha — 2 70 — 80 foizgacha — 4 80 — 85 foizgacha — 6 85 — 90 foizgacha — 8 90-100 foizgacha — 10	10
3.	Qonunchilik targʻiboti hamda huquqbuzarliklar profilaktikasi va jinoyatchilikka qarshi kurashish borasida OAVda har oyda 2 marotaba chiqishi uchun	-	8
Salbiy koʻrsatkichlar
1.	Sudga yuborilgan jinoyat ishlaridan prokurordan qoʻshimcha tergov va surishtiruvga qaytarilgan ishlar	ball foiz hisobida koʻrsatiladi
2.	Sudga yuborilgan jinoyat ishlaridan suddan JPK 401¹-moddasi tartibida yuborilgan ishlar	ball foiz hisobida koʻrsatiladi
3.	Sudga yuborilgan jinoyat ishlaridan suddan JPK 415¹-moddasi tartibida yuborilgan ajrimlar	ball foiz hisobida koʻrsatiladi
4.	Surishtiruv va dastlabki tergov muddati asossiz oʻtkazib yuborilgan ishlar (jami tergov qilingan jinoyat ishlariga nisbatan)	ball foiz hisobida koʻrsatiladi
5.	Jinoyat ishini toʻxtatish haqida qabul qilingan qarorlarning prokuror tomonidan bekor qilinganlari (toʻxtatilgan jinoyat ishlariga nisbatan)	ball foiz hisobida koʻrsatiladi
6.	Jinoyat ishini tugatish haqida qabul qilingan qarorlarning prokuror tomonidan bekor qilinganlari (tugatilgan jinoyat ishlariga nisbatan)	ball foiz hisobida koʻrsatiladi
7.	Jinoyat ishini qoʻzgʻatishni rad etish haqida qabul qilingan qarorlarning prokuror tomonidan bekor qilinganlari (qoʻzgʻatish rad qilingan materiallarga nisbatan)	ball foiz hisobida koʻrsatiladi
8.	Jinoyat ishini qoʻzgʻatishni rad etish haqida qabul qilingan qarorlarning prokuror tomonidan bekor qilinib, qoʻzgʻatilgan jinoyat ishlari	har bir qoʻzgʻatilgan ish uchun	3
9.	Sud tomonidan JPKning 83-moddasi (reabilitatsiya asoslari)ga koʻra oqlangan shaxslar*	har bir shaxs uchun	5
10.	Tergov davomida ayblov eʼlon qilingan shaxslardan reabilitatsiya etilganlari	har bir shaxs uchun	5
11.	Tergov va surishtiruv davomida asossiz ushlab turilgan gumon qilinuvchilar	har bir shaxs uchun	5
12.	Prokuror tomonidan qonun buzilishi holati boʻyicha kiritilgan taqdimnomalar (jami tergov qilingan ishlarga nisbatan)**	ball foiz hisobida koʻrsatiladi
13.	Prokuror tomonidan qonun buzilishi holati boʻyicha kiritilgan intizomiy ish qoʻzgʻatish haqidagi qarorlar (jami tergov qilingan ishlarga nisbatan)**	ball foiz hisobida koʻrsatiladi
14.	Sud tomonidan qonun buzilishi holati boʻyicha kiritilgan xususiy ajrimlar (sudga yuborilgan ishlarga nisbatan)**	ball foiz hisobida koʻrsatiladi
15.	Qoʻl ostidagi xodimlarni jinoiy javobgarlikka tortilishi	har bir xodim uchun	5

* Sud tomonidan reabilitatsiya asoslariga koʻra oqlangan shaxslar boʻyicha oʻtkazilgan xizmat tekshiruvi natijasida tergovchining aybi oʻz tasdigʻini topgan holatlarda kiritiladi.

** Oʻtkazilgan xizmat tekshiruvi natijasiga koʻra tergovchining aybi oʻz tasdigʻini topgan holatlarda kiritiladi.

Ichki ishlar organlarining tergov boʻlinmalari xodimlariga qoʻshimcha ustamalar toʻlanadigan maxsus malaka darajasini berish tartibi toʻgʻrisidagi nizomga
6-ILOVA

Tuman (shahar)lar ichki ishlar boʻlimlari (boshqarmalari) tergov boʻlinmalarining axborot-tahlil boʻlinmalari (guruhlari) xodimlarining maxsus malaka darajasini belgilash

MEZONLARI

T/r	Mezonlar	Ball
1.	Huquqbuzarliklar profilaktikasi va jinoyatchilikning oldini olish borasida tayyorlangan tahliliy hujjatlarda koʻrsatilgan takliflarning amaliyotga joriy etilishi	10
2.	Surishtiruv va tergov faoliyatidagi muammolar va tizimli kamchiliklar tahlil qilinishi va monitoring olib borilishi orqali ish samaradorligini yanada oshirish borasida takliflarning ishlab chiqilishi va amaliyotga joriy etilishi	10
3.	Hal qilingan murojaatlar (har oyda shikoyat boʻyicha 3 va undan ortiq xizmat tekshiruvi oʻtkazilishi)	10
4.	Tergovga qadar tekshiruv va jinoyat ishlarini yuritishda qonunchilik va huquqni qoʻllash amaliyotini muntazam ravishda tahlil qilish orqali qonun normalarini qoʻllash borasida yuzaga kelgan qarama-qarshiliklarni bartaraf etish:
4.	Qonun normalarini takomillashtirish borasida bergan takliflari qabul qilinishi	7
	Normativ-huquqiy hujjatlarni takomillashtirish borasida bergan takliflari qabul qilinishi	5
	Idoraviy normativ-huquqiy hujjatlarni ishlab chiqishi va ularning qabul qilinishi	5
5.	Tayyorlangan idoraviy hujjatning qabul qilinishi (har chorakda 1 ta)	8
6.	Qonunchilik targʻiboti hamda huquqbuzarliklar profilaktikasi va jinoyatlarning oldini olishdagi ishtiroki:
	Yil davomida respublika OAV orqali chiqishlari uchun (Qoraqalpogʻiston Respublikasi va viloyatlar uchun — 2 marotaba, Tergov departamenti va Toshkent shahri uchun — 4 marotaba)	10
	Yil davomida viloyat OAV orqali chiqishlari uchun (Qoraqalpogʻiston Respublikasi va viloyatlar uchun — 4 marotaba, Tergov departamenti va Toshkent shahri uchun — 2 marotaba)	8
	Har oyda mahalla, taʼlim muassasalari va mehnat jamoalarida 4 marotaba uchrashuvlar oʻtkazishi uchun	7
7.	Har chorakda 1 marotaba harakatdan toʻxtatilgan va arxivda saqlanayotgan jinoyat ishlari boʻyicha JPKning 370-moddasi tartibida alohida topshiriqlar yuborilishi hamda barcha maʼlumotlar baza (dastur)laridan tekshirilishi uchun (barcha jinoyat ishlari boʻyicha amalga oshirilgan taqdirda)	10
8.	Sudga yuborilgan hamda harakatdan tugatilgan va toʻxtatilgan jinoyat ishlari boʻyicha har chorakda 1 marotaba taqqoslov oʻtkazilishi uchun	10

Ichki ishlar organlarining tergov boʻlinmalari xodimlariga qoʻshimcha ustamalar toʻlanadigan maxsus malaka darajasini berish tartibi toʻgʻrisidagi nizomga
7-ILOVA

Tergov boʻlinmalarining tergov faoliyatini tashkillashtirish boshqarmasi (boʻlim, boʻlinmalari), surishtiruv ishlarini muvofiqlashtirish va nazorat qilish boʻlimi (boʻlinmalari, guruhlari) xodimlarining maxsus malaka darajasini belgilash

MEZONLARI

T/r	Mezonlar	Ball
1.	Oʻrganib chiqilgan jinoyat ishlari boʻyicha berilgan yozma koʻrsatmalar asosida: — jinoyat ishi yuzasidan qarorlarning qonuniy qabul qilinishi; — aybdor shaxslarning harakatlari toʻgʻri baholanishi; — jinoyat ishi boʻyicha isbotlanishi lozim boʻlgan barcha holatlar sinchkovlik bilan, har tomonlama, toʻla va xolisona tekshirib chiqilishi.	10
2.	Jinoyat ishi boʻyicha berilgan yozma koʻrsatma talablari ijrosi taʼminlanishi natijasida jinoyatni fosh etilishi (har bir fosh etilgan jinoyat uchun)	10
3.	Hal qilingan murojaatlar (har oyda shikoyat boʻyicha 4 va undan ortiq xizmat tekshiruvi oʻtkazilishi)	8
4.	Murojaatlar boʻyicha sayyor uchrashuvlar oʻtkazilishi yoki ularning joyida tekshirish orqali hal qilinishi	8
5.	Tahlillar asosida jinoyatning kelib chiqishi sabablari va bunga imkon bergan shart-sharoitlarni bartaraf etish borasida kiritilgan taqdimnomalar (har chorakda 1 marotaba)	8
6.	Qonunchilik targʻiboti hamda huquqbuzarliklar profilaktikasi va jinoyatchilikka qarshi kurashish borasidagi ishtiroki:
	Yil davomida respublika OAV orqali chiqishlari uchun (Qoraqalpogʻiston Respublikasi va viloyatlar uchun — 2 marotaba, Tergov departamenti va Toshkent shahri uchun — 4 marotaba)	10
	Yil davomida viloyat OAV orqali chiqishlari uchun (Qoraqalpogʻiston Respublikasi va viloyatlar uchun — 4 marotaba, Tergov departamenti va Toshkent shahri uchun — 2 marotaba)	8
	Har oyda 4 marotaba aholi, taʼlim muassasalari va mehnat jamoalarida oʻtkazilgan uchrashuvlarda ishtiroki uchun	7
7.	Huquqbuzarliklar profilaktikasi va jinoyatchilikning oldini olish borasida tayyorlangan tahliliy hujjatlarda koʻrsatilgan takliflarning amaliyotga joriy etilishi	7
8.	Surishtiruv va tergov faoliyatidagi muammolar va tizimli kamchiliklarni tahlil qilish va monitoring olib borish orqali ish samaradorligini yanada oshirish borasida takliflarning ishlab chiqilishi va amaliyotga joriy etilishi	7
9.	Tergovga qadar tekshiruv va jinoyat ishlarini yuritishda qonunchilik va huquqni qoʻllash amaliyotini muntazam ravishda tahlil qilish orqali qonun normalarini qoʻllash borasida yuzaga kelgan qarama-qarshiliklarni bartaraf etish:
	Qonun normalarini takomillashtirish borasida bergan takliflari qabul qilinishi	7
	Normativ-huquqiy hujjatlarni takomillashtirish borasida bergan takliflari qabul qilinishi	5
	Idoraviy normativ-huquqiy hujjatlar ishlab chiqilishi va qabul qilinishi	5

Ichki ishlar organlarining tergov boʻlinmalari xodimlariga qoʻshimcha ustamalar toʻlanadigan maxsus malaka darajasini berish tartibi toʻgʻrisidagi nizomga
8-ILOVA

Kadrlar boʻlinmalari (guruhlari) xodimlarining maxsus malaka darajasini belgilash

MEZONLARI

T/r	Mezonlar	Ball
1.	Tavsiya etilgan nomzodning ishga qabul qilinishi	15
2.	Xodimlarning xizmat intizomi, ijrochilik va qonun buzilishi holatlari boʻyicha oʻtkazgan xizmat te�shiruvlari (har chorakda 3 va undan ortiq)	6
3.	Tashabbus asosida oʻtkazilgan xizmat tekshiruvlari natijasida tasdigʻini topgan holatlar (har oyda 2 ta)	8
4.	Tergov departamenti va tergov boshqarmasi rahbariyatiga belgilangan toifadagi nomzodlarni lavozimga taqdim etish uchun hujjatlarini oʻrganib chiqish va takliflar kiritish (har oyda 3 nafar)	4
5.	Xodimlarning oilaviy sharoitlarini oʻrganishi va asosli takliflar kiritishi (har oyda 2 ta)	8
6.	Kadrlar masalasiga oid buyruqlar loyihasi hamda boshqa zaruriy hujjatlar va materiallarni tayyorlash (har oyda 3 ta)	6
7.	Har oyda 2 va undan ortiq marotaba xodimlarning bilim saviyasi va kasb mahoratini oshirishga doir oʻquv mashgʻulotlari tashkil etilishi (buyruq talablari asosida oʻtkaziladigan mashgʻulotlar bundan mustasno)	10
8.	Xodimlar bilan yakka tartibdagi tarbiyaviy ishlar olib borishi (har oyda 4 nafar xodim bilan)	8
9.	Xodimlar tomonidan xizmat intizomi va qonunchilikka rioya etilishini aniqlashga yoʻnaltirilgan tekshiruv va reydlar oʻtkazish (har oyda 2 va undan ortiq)	8
10.	Murojaatlar boʻyicha sayyor uchrashuvlar oʻtkazishi yoki ularning joyida tekshirish orqali hal qilinishi	5
11.	Qonunchilik targʻiboti hamda huquqbuzarliklar profilaktikasi va jinoyatga qarshi kurashish borasidagi ishtiroki:
	Yil davomida respublika OAV orqali chiqishlari uchun (Qoraqalpogʻiston Respublikasi va viloyatlar uchun — 2 marotaba, Tergov departamenti va Toshkent shahri uchun — 4 marotaba)	5
	Yil davomida viloyat OAV orqali chiqishlari uchun (Qoraqalpogʻiston Respublikasi va viloyatlar uchun — 4 marotaba, Tergov departamenti va Toshkent shahri uchun — 2 marotaba)	4
	Har oyda 4 marotaba aholi, taʼlim muassasalari va mehnat jamoalarida oʻtkazilgan uchrashuvlarda ishtiroki uchun	4
12.	Metodik qoʻllanma tayyorlash va chop etish (elektron nusxasini tarqatish)	9