O‘zbekiston Respublikasi Prezidentining
Qarori
O‘zbekiston Respublikasi Prezidenti huzuridagi Davlat mukofotlari va geraldika bo‘yicha Komissiya faoliyatini tashkil etish to‘g‘risida
O‘zbekiston Respublikasi Prezidentining 2017-yil 1-martdagi “O‘zbekiston Respublikasi Prezidenti devoni faoliyatini yanada takomillashtirish to‘g‘risida”gi PF-4974-sonli Farmoniga muvofiq hamda O‘zbekiston Respublikasi Prezidentining O‘zbekiston Respublikasi davlat mukofotlari bilan taqdirlash va O‘zbekiston Respublikasi faxriy unvonlarini berish masalalari bo‘yicha konstitutsiyaviy vakolatlari amalga oshirilishini ta’minlash, geraldika sohasida yagona davlat siyosatini yuritish maqsadida:
1. O‘zbekiston Respublikasi Prezidenti huzuridagi O‘zbekiston Respublikasi davlat mukofotlari va geraldika bo‘yicha Komissiya (keyingi o‘rinlarda — Komissiya deb yuritiladi) 1-ilovaga muvofiq tarkibda tashkil etilsin.
2. Quyidagilar:
Komissiya faoliyatini tashkil etish to‘g‘risidagi nizom 2-ilovaga muvofiq;
Komissiya Ijro apparatining tashkiliy tuzilmasi hamda shtatlar jadvali 3, 4-ilovalarga muvofiq tasdiqlansin.
3. Komissiya O‘zbekiston Respublikasi Adliya vazirligi, boshqa manfaatdor vazirlik va idoralar bilan birgalikda:
uch oy muddatda O‘zbekiston Respublikasining yangi tahrirdagi “Davlat mukofotlari to‘g‘risida”gi Qonuni loyihasini ishlab chiqsin, unda Komissiyaning huquqiy maqomini hamda idoraviy mukofotlarni ta’sis etish masalalari bo‘yicha yagona talablarni belgilash, davlat mukofotlarini topshirish, taqib yurish va saqlash, ularning tasvirlaridan foydalanish, shuningdek, davlat mukofotlariga taqdimnoma kiritish tartibi nazarda tutilsin;
bir oy muddatda qonun hujjatlariga ushbu Qarordan kelib chiqadigan o‘zgartish va qo‘shimchalar to‘g‘risida takliflar kiritsin.
Oldingi tahrirga qarang.
4. Komissiya Ijro apparati xodimlariga O‘zbekiston Respublikasi Prezidenti Administratsiyasi xodimlari uchun belgilangan kafolatlar, mehnatga haq to‘lash shartlari va imtiyozlar joriy etilsin.
(4-band O‘zbekiston Respublikasi Prezidentining 2019-yil 1-fevraldagi PF-5650-sonli Farmoni tahririda)
Oldingi tahrirga qarang.
5. Komissiya Ijro apparati O‘zbekiston Respublikasi Prezidenti Administratsiyasi binolari majmuining 1-korpusiga, Toshkent shahri, Islom Karimov ko‘chasi, 43-uy manzili bo‘yicha joylashtirilsin.
(5-band O‘zbekiston Respublikasi Prezidentining 2019-yil 1-fevraldagi PF-5650-sonli Farmoni tahririda)
Oldingi tahrirga qarang.
6. O‘zbekiston Respublikasi Prezidenti Administratsiyasi Moliya-xo‘jalik departamenti belgilangan tartibda Komissiya Ijro apparatining joylashuvini, uning mebel, kompyuter texnikasi va boshqa moddiy-texnika vositalari bilan jihozlanishini, shuningdek, belgilangan limitlarga muvofiq transport vositalari ajratilishini ta’minlasin.
(6-band O‘zbekiston Respublikasi Prezidentining 2019-yil 1-fevraldagi PF-5650-sonli Farmoni tahririda)
7. Mazkur qarorning ijrosini nazorat qilish O‘zbekiston Respublikasi Prezidentining Davlat maslahatchisi U. Ismailov zimmasiga yuklansin.
O‘zbekiston Respublikasi Prezidenti Sh. MIRZIYOYEV
Toshkent sh.,
2017-yil 10-iyul,
PQ-3119-son
O‘zbekiston Respublikasi Prezidentining 2017-yil 10-iyuldagi PQ-3119-sonli qaroriga
1-ILOVA
1-ILOVA
Oldingi tahrirga qarang.
O‘zbekiston Respublikasi Prezidenti huzuridagi Davlat mukofotlari va geraldika bo‘yicha komissiya
TARKIBI
Oldingi tahrirga qarang.
| — | O‘zbekiston Respublikasining Bosh vaziri, Komissiya raisi | |
| N. Yo‘ldoshev | — | O‘zbekiston Respublikasi Oliy Majlisi Senatining raisi |
| N. Ismoilov | — | O‘zbekiston Respublikasi Oliy Majlisi Qonunchilik palatasining Spikeri |
| Z. Nizomiddinov | — | O‘zbekiston Respublikasi Prezidenti Administratsiyasi rahbari, Komissiya raisining o‘rinbosari |
| U. Ismailov | — | O‘zbekiston Respublikasi Prezidenti maslahatchisi, Komissiya raisining o‘rinbosari |
| X. Sultonov | — | O‘zbekiston Respublikasi Prezidenti maslahatchisi — Spichrayteri, Komissiya raisining o‘rinbosari |
| V. Maxmudov | — | O‘zbekiston Respublikasi Prezidenti huzuridagi Xavfsizlik kengashi kotibi |
| R. Inoyatov | — | O‘zbekiston Respublikasi Prezidenti maslahatchisi |
| T. Xudaybergenov | — | O‘zbekiston Respublikasi Prezidenti maslahatchisi |
| A. Abduvoxitov | — | O‘zbekiston Respublikasi Prezidenti maslahatchisi |
| R. Kasimov | — | O‘zbekiston Respublikasi Prezidenti maslahatchisi |
| lavozimiga ko‘ra | — | O‘zbekiston Respublikasi Prezidenti maslahatchisi |
| lavozimiga ko‘ra | — | O‘zbekiston Respublikasi Prezidenti maslahatchisi |
| Z. Xaydarov | — | O‘zbekiston Respublikasi Prezidenti Administratsiyasi Moliya-xo‘jalik departamenti rahbari |
| Q. Quranbayev | — | O‘zbekiston Respublikasi Prezidenti maslahatchisining birinchi o‘rinbosari — O‘zbekiston yoshlar ittifoqi Markaziy Kengashi raisi |
| A. Ramatov | — | O‘zbekiston Respublikasi Bosh vazirining birinchi o‘rinbosari — O‘zbekiston Respublikasi transport vaziri |
| Dj. Kuchkarov | — | O‘zbekiston Respublikasi Bosh vazirining o‘rinbosari — moliya vaziri |
| E. Ganiyev | — | O‘zbekiston Respublikasi Bosh vazirining o‘rinbosari |
| A. Abduhakimov | — | O‘zbekiston Respublikasi Bosh vazirining o‘rinbosari |
| R. Mamatov | — | O‘zbekiston Respublikasi mahalla va oilani qo‘llab-quvvatlash vaziri |
| O. Murodov | — | O‘zbekiston Respublikasi Bosh prokurori |
| I. Abdullayev | — | O‘zbekiston Respublikasi Davlat xavfsizlik xizmati raisi |
| A. Kamilov | — | O‘zbekiston Respublikasi tashqi ishlar vaziri |
| R. Davletov | — | O‘zbekiston Respublikasi adliya vaziri |
| B. Xodjayev | — | O‘zbekiston Respublikasi iqtisodiyot va sanoat vaziri |
| B. Sayfullayev | — | O‘zbekiston Respublikasi madaniyat vaziri |
| U. A’lamov | — | “O‘zarxiv” agentligi bosh direktori |
| Sh. Javlonov | — | O‘zbekiston “Mahalla” xayriya jamoat fondi Respublika boshqaruvi raisi |
| Sh. Djalilov | — | O‘zbekiston faxriylarining ijtimoiy faoliyatini qo‘llab-quvvatlash “Nuroniy” jamg‘armasi Respublika boshqaruvi raisi |
| K. Rafikov | — | O‘zbekiston Kasaba uyushmalari Federatsiyasi Kengashi raisi |
| S. Saidov | — | O‘zbekiston Yozuvchilar uyushmasi raisi |
| A. Xadjayev | — | O‘zbekiston Milliy teleradiokompaniyasi raisi |
| A. Nuriddinov | — | O‘zbekiston Badiiy akademiyasi raisi |
| R. Abdullayev | — | O‘zbekiston kompozitorlari va bastakorlari uyushmasi raisi |
| B. Yuldashev | — | O‘zbekiston Respublikasi Fanlar akademiyasi prezidenti |
| B. Djumayev | — | O‘zbekiston Respublikasi Markaziy banki huzuridagi “Davlat belgisi” davlat ishlab chiqarish birlashmasi bosh direktori |
| M. Ashurov | — | “Fonon” davlat ilmiy-ishlab chiqarish korxonasi bosh direktori |
| E. Azimbayev | — | O‘zbekiston Respublikasi Prezidenti Administratsiyasi shu’ba mudiri |
| lavozimiga ko‘ra | — | Komissiya ijro apparati rahbari, Komissiya kotibi. |
Izoh: Komissiya a’zolari boshqa ishga o‘tgan taqdirda, uning tarkibiga ushbu lavozimlarga yangi tayinlangan yoki zimmasiga tegishli funksiyalarni bajarish yuklangan shaxslar kiritiladi.
(1-ilova O‘zbekiston Respublikasi Prezidentining 2021-yil 17-martdagi PF-6188-sonli Farmoni tahririda — Qonun hujjatlari ma’lumotlari milliy bazasi, 17.03.2021-y., 06/21/6188/0216-son)
O‘zbekiston Respublikasi Prezidentining 2017-yil 10-iyuldagi PQ-3119-sonli qaroriga
2-ILOVA
2-ILOVA
O‘zbekiston Respublikasi Prezidenti huzuridagi Davlat mukofotlari va geraldika bo‘yicha Komissiya faoliyatini tashkil etish to‘g‘risidagi
NIZOM
Mazkur Nizom O‘zbekiston Respublikasi Prezidenti huzuridagi Davlat mukofotlari va geraldika bo‘yicha Komissiyaning (keyingi o‘rinlarda — Komissiya deb yuritiladi) asosiy vazifalari, funksiyalari, vakolatlari, tarkibi va ishni tashkil etish tartibini belgilaydi.
I. Umumiy qoidalar
1. Komissiya O‘zbekiston Respublikasi Prezidenti huzurida doimiy ishlaydigan maslahat va kengash organi hisoblanib, O‘zbekiston Respublikasi Prezidentining O‘zbekiston Respublikasi davlat mukofotlari bilan taqdirlash va O‘zbekiston Respublikasi faxriy unvonlarini (keyingi o‘rinlarda — davlat mukofotlari deb yuritiladi) berish masalalari bo‘yicha konstitutsiyaviy vakolatlari amalga oshirilishini, shuningdek, geraldika sohasida yagona davlat siyosati yuritilishini ta’minlaydi.
2. Komissiya o‘z faoliyatida O‘zbekiston Respublikasining Konstitutsiyasi va qonunlari, O‘zbekiston Respublikasi Prezidentining farmonlari, qarorlari, farmoyishlariga, shuningdek, boshqa qonun hujjatlariga va mazkur Nizomga amal qiladi.
3. Komissiya tuzilmasida uning ishchi organi hisoblangan Ijro apparati faoliyat yuritadi.
II. Komissiyaning asosiy vazifalari
4. Komissiyaning asosiy vazifalari quyidagilardan iborat:
O‘zbekiston Respublikasi Prezidentining davlat mukofotlari bilan taqdirlash masalalari bo‘yicha konstitutsiyaviy vakolatlari amalga oshirilishiga va geraldika sohasida yagona davlat siyosati yuritilishiga ko‘maklashish;
davlat mukofotlariga munosib nomzodlarni tanlashni ta’minlash va O‘zbekiston Respublikasi Prezidentiga mukofotlash bo‘yicha takliflarni tayyorlash;
davlat mukofotlari tizimini takomillashtirishga oid takliflarni tayyorlash;
davlat va xo‘jalik boshqaruvi, mahalliy davlat hokimiyati organlari, boshqa idora va tashkilotlarda davlat mukofotlari bo‘yicha ish amaliyotini o‘rganish, umumlashtirish va takomillashtirish;
O‘zbekiston Respublikasi davlat mukofotlari komplektlarini shakllantirish, yangi davlat va idoraviy mukofotlarning nizomlari, eskizlari va tavsiflari loyihalarini ishlab chiqish bo‘yicha takliflarni tayyorlash;
rasmiy ramzlar va farqlovchi belgilarni yaratish hamda ulardan foydalanish ishlarini geraldik jihatdan ta’minlash;
davlat va idoraviy mukofotlar, shuningdek, ularga tenglashtirilgan boshqa mukofotlarning geraldik tavsiflarini takomillashtirish bo‘yicha takliflarni tayyorlash;
davlat mukofotlari va geraldika masalalariga oid O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari, farmoyishlari va topshiriqlari ijrosini nazorat qilish;
davlat va xo‘jalik boshqaruvi, mahalliy davlat hokimiyati organlari, boshqa idora va tashkilotlarning idoraviy mukofotlarni ta’sis etish masalalariga doir faoliyatlarini muvofiqlashtirish va yo‘naltirish.
III. Komissiyaning funksiyalari
5. Komissiya o‘ziga yuklatilgan vazifalardan kelib chiqqan holda quyidagi funksiyalarni amalga oshiradi:
davlat mukofotlari bilan taqdirlash bo‘yicha O‘zbekiston Respublikasi Prezidentiga kiritilgan taqdimnomalarni ko‘rib chiqish;
davlat mukofotlariga tavsiya etilgan nomzodlarni tavsiflovchi ma’lumotlarni hamda ularning faoliyat ko‘rsatayotgan sohada erishgan yutuqlarini o‘rganish;
O‘zbekiston Respublikasi Prezidentiga davlat mukofotlari bilan taqdirlash bo‘yicha takliflarni taqdim etish;
O‘zbekiston Respublikasi davlat mukofotlarini ta’sis etish va bekor qilish to‘g‘risidagi masalalarni hamda davlat mukofotlari va geraldika sohasiga doir qonun loyihalari va boshqa me’yoriy-huquqiy hujjatlarni ko‘rib chiqish;
O‘zbekiston Respublikasining yangi davlat va idoraviy mukofotlarining nizomlari, eskizlari va tavsiflari loyihalarini ishlab chiqish;
davlat va xo‘jalik boshqaruvi, mahalliy davlat hokimiyati organlari, boshqa idora va tashkilotlarda davlat mukofotlari bo‘yicha ish amaliyotini o‘rganish va umumlashtirish ishlarini tashkil etish, shuningdek, ularning mazkur yo‘nalishdagi faoliyatini yaxshilash yuzasidan takliflarni ishlab chiqish;
O‘zbekiston Respublikasi Prezidentiga davlat mukofotlari va geraldikaga oid masalalar yuzasidan axborot-tahliliy ma’lumotlarni tayyorlash;
davlat va xo‘jalik boshqaruvi, mahalliy davlat hokimiyati organlari, boshqa idora va tashkilotlarning idoraviy mukofotlarini ta’sis etish to‘g‘risidagi takliflarni ko‘rib chiqish;
rasmiy ramzlar va farqlovchi belgilarni ta’sis etish hamda ulardan foydalanishga oid geraldik ekspertiza xulosalarini ko‘rib chiqish;
geraldika masalalari bo‘yicha xulosalarni tayyorlash va vakolat doirasida tegishli me’yoriy-huquqiy hujjatlarga izoh berish;
davlat va xo‘jalik boshqaruvi, mahalliy davlat hokimiyati organlari, boshqa idora va tashkilotlar uchun rasmiy ramzlar va farqlovchi belgilarni ta’sis etish hamda ulardan foydalanish masalalari bo‘yicha tavsiyalarni ishlab chiqish;
geraldik ramzlar va idoraviy mukofotlarni ishlab chiqish, ta’sis etish, tayyorlash va hisobga olishga oid nazariy, amaliy va texnik me’yorlarni o‘rganish;
davlat va xo‘jalik boshqaruvi, mahalliy davlat hokimiyati organlari, boshqa idora va tashkilotlarga davlat va idoraviy mukofotlar, shuningdek, geraldikaga oid masalalar yuzasidan uslubiy va amaliy yordam ko‘rsatish;
davlat mukofotlari va geraldika masalalari bo‘yicha xalqaro tajribani o‘rganish, shuningdek, mukofotlash tizimini takomillashtirish bo‘yicha takliflarni ishlab chiqish;
geraldika nazariyasi va tarixi bo‘yicha ilmiy-tadqiqot ishlarini tashkil etish;
O‘zbekiston Respublikasi Prezidentining davlat mukofotlari bilan taqdirlash va geraldika masalalariga doir alohida topshiriqlarini bajarish.
IV. Komissiya vakolatlari
6. Komissiya o‘ziga yuklatilgan vazifa va funksiyalarni bajarish uchun quyidagi vakolatlarga ega:
davlat mukofotlariga munosib nomzodlarni aniqlaydi va ularni mukofotlash yuzasidan O‘zbekiston Respublikasi Prezidentiga takliflarni kiritadi;
O‘zbekiston Respublikasining davlat mukofotlari va geraldika masalalariga oid qonunlari va boshqa me’yoriy-huquqiy hujjatlar loyihalarini tayyorlashda ishtirok etadi;
davlat va xo‘jalik boshqaruvi, mahalliy davlat hokimiyati organlari, boshqa idora va tashkilotlardan davlat mukofotlari va geraldika masalalari bilan bog‘liq zaruriy material va ma’lumotlarni o‘rnatilgan tartibda oladi;
davlat va xo‘jalik boshqaruvi, mahalliy davlat hokimiyati organlari, boshqa idora va tashkilotlar rahbarlariga ular tomonidan chiqarilgan idoraviy mukofotlar va geraldika masalalariga oid me’yoriy-huquqiy hujjatlar O‘zbekiston Respublikasining qonunlari va boshqa qonunosti hujjatlariga zid kelgan hollarda ularni bekor qilish to‘g‘risida rasmiy murojaatnomalarni kiritadi;
Komissiya o‘zining yig‘ilishlarida vakolat doirasiga kiruvchi masalalar yuzasidan davlat va xo‘jalik boshqaruvi, mahalliy davlat hokimiyati organlari, boshqa idora va tashkilotlarning mansabdor shaxslarini eshitadi;
o‘z vakolatlari doirasida davlat mukofotlari va geraldikaga oid O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari, farmoyishlari va topshiriqlari ijrosi nazoratini amalga oshiradi;
davlat va xo‘jalik boshqaruvi, mahalliy davlat hokimiyati organlari, boshqa idora va tashkilotlar tomonidan davlat mukofotlari va geraldika masalalari bo‘yicha kamchilik va nuqsonlarga yo‘l qo‘yilganligi aniqlangan taqdirda ularni bartaraf etish choralarini ko‘radi;
Komissiya vakolat doirasiga kiruvchi masalalar yuzasidan davlat va xo‘jalik boshqaruvi, mahalliy davlat hokimiyati organlari, boshqa idora va tashkilotlar vakillarini, shuningdek, ijodiy, ilmiy, ta’lim va boshqa muassasalarning olim va mutaxassislarini jalb qiladi;
7. Komissiya o‘z vakolatlari doirasida faoliyat yo‘nalishlari bo‘yicha ekspert kengashlari va ishchi guruhlarni tuzishi mumkin.
V. Komissiya tarkibi
8. Komissiya tarkibiga Komissiya raisi, uning ikkita o‘rinbosari, kotibi va Komissiya a’zolari kiradi.
Komissiya raisi, uning ikkita o‘rinbosari va Komissiya a’zolari Komissiya faoliyatini amalga oshirishda jamoatchilik asosida ishtirok etadilar.
Komissiya kotibi Komissiya Ijro apparatining rahbari hisoblanadi va o‘z faoliyatini doimiy asosda olib boradi.
9. Komissiya a’zolari uning yig‘ilishlarida almashuv huquqisiz ishtirok etadilar.
Komissiya a’zolari boshqa ishga o‘tgan taqdirda, uning tarkibiga ushbu lavozimlarga yangi tayinlangan shaxslar kiritiladi.
VI. Komissiya ishini tashkil etish
10. Komissiya o‘z ishini yig‘ilish shaklida tashkil etib, unga rais rahbarlik qiladi.
11. Komissiya yig‘ilishlari navbatdagi va navbatdan tashqari bo‘lishi mumkin.
Navbatdagi yig‘ilishlar tegishli materiallarning to‘planishiga qarab, har chorakda kamida bir marta chaqiriladi.
Navbatdan tashqari yig‘ilishlar alohida hollarda Komissiya vakolatlari doirasiga kiradigan, zudlik bilan hal qilinishi zarur bo‘lgan masalalar yuzasidan chaqiriladi.
12. Yig‘ilishlarning kun tartibi, shuningdek, ularni o‘tkazish joyi va vaqti Komissiya raisi tomonidan belgilanadi.
13. Yig‘ilishlar Komissiya a’zolarining umumiy sonidan kamida uchdan ikki qismi qatnashgan taqdirda vakolatli hisoblanadi.
14. Komissiya yig‘ilishlarini Komissiya raisi olib boradi, Komissiya raisi qatnashmagan hollarda — uning topshirig‘iga ko‘ra yig‘ilishni rais o‘rinbosarlaridan biri olib boradi.
15. Komissiya qarorlari yig‘ilishda qatnashayotgan Komissiya a’zolarining ko‘pchilik qismi ovoz bergan holda qabul qilinadi. Ovozlar teng bo‘lgan hollarda, yig‘ilishga raislik qiluvchining ovozi hal qiluvchi ovoz hisoblanadi.
16. Komissiya qarorlari bayonnoma bilan rasmiylashtiriladi, uni Komissiya raisi yoki yig‘ilishga raislik qilgan uning o‘rinbosari va Komissiya kotibi imzolaydi.
17. Komissiya ishi bilan bog‘liq axborotlar oshkor qilinmaydigan ma’lumot hisoblanadi va e’lon qilinishi taqiqlanadi.
Yig‘ilishlarda ishtirok etgan Komissiya a’zolari Komissiya ishi bilan bog‘liq axborotlarni tarqatgan holatlarda o‘rnatilgan tartibda javob beradi.
18. Foydalanish huquqi cheklangan axborotlarni o‘zida mujassam etgan materiallar Komissiyaning yopiq yig‘ilishlarida Komissiyaning vakolatli a’zolari ishtirokida ko‘rib chiqiladi. Ushbu yig‘ilishlarda qabul qilingan qarorlar o‘rnatilgan tartibda rasmiylashtiriladi.
VII. Komissiya Ijro apparati
Oldingi tahrirga qarang.
19. Ijro apparatini rahbar — Komissiya kotibi boshqaradi va uning maqomi O‘zbekiston Respublikasi Prezidenti Administratsiyasining bosh inspektoriga tenglashtiriladi.
(19-band O‘zbekiston Respublikasi Prezidentining 2024-yil 25-oktabrdagi PF-168-sonli Farmoni tahririda)
20. Ijro apparati Komissiya faoliyatini tashkiliy, moddiy-texnik va axborot-tahliliy jihatdan ta’minlash maqsadida tashkil etiladi va o‘z faoliyati bo‘yicha Komissiyaga hisobdor bo‘ladi.
21. Ijro apparati tarkibiga davlat mukofotlari va geraldika masalalari bo‘yicha guruhlar kiradi.
22. Davlat mukofotlari masalalari bo‘yicha guruh tarkibiga guruh rahbari, mutaxassis va inspektor-ish yurituvchi kiradi.
Oldingi tahrirga qarang.
23. Davlat mukofotlari masalalari bo‘yicha guruh rahbari o‘z maqomiga ko‘ra, O‘zbekiston Respublikasi Prezidenti Administratsiyasining yetakchi inspektoriga tenglashtiriladi.
(23-band O‘zbekiston Respublikasi Prezidentining 2024-yil 25-oktabrdagi PF-168-sonli Farmoni tahririda)
24. Davlat mukofotlari masalalari bo‘yicha guruh:
taqdim etilgan materiallarni yig‘ish, umumlashtirish va tahlil qilishni amalga oshiradi, nomzodlarning tavsiflovchi ma’lumotlarini va davlat mukofotiga munosibligini o‘rganadi;
statistik va tahliliy hujjatlarni hamda nomzodlarni tavsiflovchi ma’lumotlarni tayyorlaydi;
nomzodlar haqida yagona ma’lumotlar bankini shakllantiradi va ular to‘g‘risidagi ma’lumotlarni kiritib boradi;
nomzodlar hujjatlari bo‘yicha statistik hisob-kitob va arxiv ishini yuritadi;
mukofotlash bo‘yicha kelib tushgan materiallarning to‘liqligi va to‘g‘riligini tekshiradi hamda ularni ko‘rib chiqish uchun Komissiyaga taqdim etadi;
Komissiyani davlat mukofotlari masalalari bo‘yicha zaruriy axborot-tahliliy materiallar bilan ta’minlaydi;
zarur hollarda, nomzodlarning faoliyatini joylarga chiqib o‘rganadi;
davlat va xo‘jalik boshqaruvi, mahalliy davlat hokimiyati organlari, boshqa idora va tashkilotlardan davlat mukofotlariga tavsiya etilgan nomzodlar to‘g‘risidagi materiallarni tahlil qiladi;
davlat va xo‘jalik boshqaruvi, mahalliy davlat hokimiyati organlari, boshqa idora va tashkilotlarning mukofotlash bo‘yicha ish amaliyotini joylarga chiqib o‘rganadi va umumlashtiradi, ularning mazkur yo‘nalishdagi faoliyatlarini takomillashtirish yuzasidan tavsiyalar kiritadi;
davlat mukofotlari masalalariga oid O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari, farmoyishlari va topshiriqlarining ijrosi yuzasidan o‘z vakolati doirasida nazoratni amalga oshiradi;
xorijiy mamlakatlarning davlat mukofotlari tizimidagi tajribasini o‘rganadi, tahlil qiladi va ularning ilg‘or tajribalarini amaliyotga tatbiq etish bo‘yicha takliflarni kiritadi;
davlat mukofotlari masalalari bo‘yicha tegishli davlat organlari va tashkilotlari bilan xizmat doirasida yozishmalarni olib boradi;
mukofotlash tizimini takomillashtirish bo‘yicha uslubiy va boshqa materiallarni tayyorlaydi;
davlat mukofotlari bo‘yicha Komissiya yig‘ilishi kun tartibiga kiritilgan masalalar yuzasidan zarur hujjatlarni, materiallarni va takliflarni tayyorlaydi;
Komissiya faoliyatini ta’minlash uchun zarur bo‘lgan boshqa topshiriqlarni bajaradi.
25. Geraldika masalalari bo‘yicha guruh tarkibiga guruh rahbari, mutaxassis va inspektor-ish yurituvchi kiradi.
Oldingi tahrirga qarang.
26. Geraldika masalalari bo‘yicha guruh rahbari o‘z maqomiga ko‘ra, O‘zbekiston Respublikasi Prezidenti Administratsiyasining yetakchi inspektoriga tenglashtiriladi.
(26-band O‘zbekiston Respublikasi Prezidentining 2024-yil 25-oktabrdagi PF-168-sonli Farmoni tahririda)
27. Geraldika masalalari bo‘yicha guruh:
geraldika masalalariga oid materiallarni yig‘ish, qayta ishlash, umumlashtirish va tahlil qilishni amalga oshiradi, shuningdek, davlat ramzlarini qo‘llash amaliyotini o‘rganadi;
davlat va xo‘jalik boshqaruvi, mahalliy davlat hokimiyati organlari, boshqa idora va tashkilotlarning amaldagi idoraviy mukofotlarini o‘rganadi va ko‘rib chiqadi, kamchilik va nuqsonlar aniqlangan taqdirda ularni bartaraf etish choralarini ko‘radi;
yangi idoraviy mukofotlarni ta’sis etishda davlat ramzlari va farqlovchi belgilardan foydalanishga oid masalalarni ko‘rib chiqadi;
idoraviy mukofotlar bo‘yicha yagona ma’lumotlar bankini shakllantiradi;
geraldika va idoraviy mukofotlarga oid hujjatlar bo‘yicha hisob-kitob va arxiv ishini yuritadi;
geraldika va idoraviy mukofotlar bo‘yicha kelib tushgan materiallarning to‘liqligi va to‘g‘riligini tekshiradi hamda ularni ko‘rib chiqish uchun Komissiyaga taqdim etadi;
Komissiyani geraldika masalalari bo‘yicha zaruriy axborot-tahliliy materiallar bilan ta’minlaydi;
geraldika va idoraviy mukofotlar masalalari bo‘yicha tegishli davlat organlari va tashkilotlari bilan xizmat doirasida yozishmalarni olib boradi;
geraldika nazariyasi va tarixi bo‘yicha ilmiy-tadqiqot ishlarini olib boradi;
geraldikaga oid masalalar bo‘yicha xalqaro tajribani o‘rganadi, tahlil qiladi va umumlashtiradi;
geraldika va idoraviy mukofotlar bo‘yicha Komissiya yig‘ilishlari kun tartibiga kiritilgan masalalar yuzasidan zaruriy hujjatlarni, materiallarni va takliflarni tayyorlaydi;
Komissiya faoliyatini ta’minlash uchun zarur bo‘lgan boshqa topshiriqlarni bajaradi.
Oldingi tahrirga qarang.
28. Komissiya Ijro apparati xodimlari O‘zbekiston Respublikasi Prezidenti Administratsiyasi rahbarining farmoyishi bilan lavozimga tayinlanadi va lavozimidan ozod etiladi.
(28-band O‘zbekiston Respublikasi Prezidentining 2025-yil 29-oktabrdagi PF-197-sonli Farmoni tahririda)
Oldingi tahrirga qarang.
(29-band O‘zbekiston Respublikasi Prezidentining 2025-yil 29-oktabrdagi PF-197-sonli Farmoniga asosan o‘z kuchini yo‘qotgan)
Oldingi tahrirga qarang.
30. Komissiya faoliyati O‘zbekiston Respublikasi Prezidentining Kadrlar bo‘yicha maslahatchisi bo‘linmalari Davlat mukofotlari va geraldika sho‘basi tomonidan muvofiqlashtiriladi va yo‘naltiriladi.
(30-band O‘zbekiston Respublikasi Prezidentining 2025-yil 29-oktabrdagi PF-197-sonli Farmoni tahririda)
Oldingi tahrirga qarang.
31. Komissiya faoliyatini moliyaviy va moddiy-texnik jihatdan ta’minlash O‘zbekiston Respublikasi Prezidenti Administratsiyasi Moliya-xo‘jalik departamenti tomonidan amalga oshiriladi.
(31-band O‘zbekiston Respublikasi Prezidentining 2019-yil 1-fevraldagi PF-5650-sonli Farmoni tahririda)
O‘zbekiston Respublikasi Prezidentining 2017-yil 10-iyuldagi PQ-3119-sonli qaroriga
3-ILOVA
3-ILOVA
O‘zbekiston Respublikasi Prezidenti huzuridagi Davlat mukofotlari va geraldika bo‘yicha Komissiya Ijro apparatining
TASHKILIY TUZILMASI
O‘zbekiston Respublikasi Prezidentining 2017-yil 10-iyuldagi PQ-3119-sonli qaroriga
4-ILOVA
4-ILOVA
O‘zbekiston Respublikasi Prezidenti huzuridagi Davlat mukofotlari va geraldika bo‘yicha Komissiyaning
SHTATLAR JADVALI
|
Davlat mukofotlari va geraldika bo‘yicha Komissiya |
|
|
Komissiya raisi (jamoatchilik asosida) |
1 |
|
Komissiya raisining o‘rinbosari (jamoatchilik asosida) |
2 |
|
Komissiya kotibi — Ijro apparati rahbari (doimiy asosda) |
1 |
|
Komissiya a’zolari (jamoatchilik asosida) |
31 |
|
Jami Komissiya a’zolari |
35 |
|
Ijro apparati |
|
|
|
|
|
I. Komissiya kotibi — Ijro apparati rahbari |
1 |
|
|
|
|
II. Davlat mukofotlari masalalari bo‘yicha guruh |
3 |
|
Guruh rahbari |
1 |
|
Mutaxassis |
1 |
|
Inspektor — ish yurituvchi |
1 |
|
III. Geraldika masalalari bo‘yicha guruh |
3 |
|
Guruh rahbari |
1 |
|
Mutaxassis |
1 |
|
Inspektor — ish yurituvchi |
1 |
|
Ijro apparati bo‘yicha jami |
7 |
(O‘zbekiston Respublikasi qonun hujjatlari to‘plami, 2017-y., 28-son, 639-modda; Qonun hujjatlari ma’lumotlari milliy bazasi, 17.03.2021-y., 06/21/6188/0216-son)
