Oʻzbekiston Respublikasi Prezidentining 2016-yil 22-noyabrdagi “2017 — 2020-yillarda shaharlarda arzon koʻp kvartirali uylarni qurish va rekonstruksiya qilish Dasturini amalga oshirish chora-tadbirlari toʻgʻrisida” PQ-2660-sonli qarorining ijrosini oʻz vaqtida taʼminlash maqsadida:

1. Oʻzbekiston Respublikasi Prezidentining 2016-yil 22-noyabrdagi “2017 — 2020-yillarda shaharlarda arzon koʻp kvartirali uylarni qurish va rekonstruksiya qilish Dasturini amalga oshirish chora-tadbirlari toʻgʻrisida” PQ-2660-sonli qaroriga ilovaga muvofiq oʻzgartishlar kiritilsin.

2. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov zimmasiga yuklansin.

17-bandning:

ikkinchi xatboshidagi “Oʻzbekiston Respublikasi Moliya vazirligi huzuridagi Pensiya jamgʻarmasidan tashqari” soʻzlari chiqarib tashlansin;

uchinchi — yettinchi xatboshilar quyidagi tahrirda bayon etilsin:

“qurilish materiallari, asbob-uskunalar, qurilish texnikasi va avtotransportlar ishlab chiqaruvchi tashkilotlar (respublika hududidagi) — koʻp kvartirali uylar obyektlarini “tayyor holda topshirish” shartlarida qurish uchun “Oʻzshahar qurilish invest” IK va pudrat tashkilotlariga sotiladigan qurilish materiallari, asbob-uskunalar, qurilish texnikasi va avtotransportlari hajmi boʻyicha qoʻshilgan qiymat soligʻi, davlat maqsadli jamgʻarmalariga majburiy ajratmalar va yagona soliq toʻlovlaridan;

“Oʻzshahar qurilish invest” IK va bosh pudrat tashkilotlari — koʻp kvartirali uylar obyektlarini qurish uchun xorijdan keltiriladigan, xomashyolar, buyumlar, uzellar, konstruksiyalar, qurilish materiallari, qurilish texnikasi va asbob-uskunalar, shuningdek, ularga ehtiyot qismlar, avtotransport vositalari, yoʻl-qurilish texnikasi bilan birga belgilangan tartibda tasdiqlangan roʻyxat boʻyicha bojxona (bojxona rasmiylashtiruv yigʻimlaridan tashqari) toʻlovlaridan;

import qiluvchi tashkilotlar — “Oʻzshahar qurilish invest” IK va bosh pudrat tashkilotlariga import mahsulotlarini yetkazib berishda import qilinadigan qurilish materiallari, xomashyolar, buyumlar, uzel va konstruksiyalar, shu jumladan, yogʻoch-taxta materiallari va tom yopish uchun temir listlar, asbob-uskuna va ehtiyot qismlar, passajir liftlari va yakka tartibdagi qozonxonalar bojxona (bojxona rasmiylashtiruv yigʻimlaridan tashqari) toʻlovlaridan, shuningdek, qoʻshimcha qiymat soligʻidan, davlat maqsadli jamgʻarmalariga majburiy ajratmalar va yagona soliq toʻlovlaridan;

ishlarni (xizmatlar) bajarayotgan tashkilotlar, shu jumladan, Oʻzbekiston Respublikasining norezidentlari — Dasturni amalga oshirish qismida qoʻshimcha qiymat soligʻidan, davlat maqsadli jamgʻarmalariga majburiy ajratmalar va yagona soliq toʻlovlaridan;

““Oʻzshahar qurilish invest” IK — davlat maqsadli jamgʻarmalariga majburiy ajratmalar va barcha turdagi soliq toʻlovlaridan ozod etilsin”.