|
Hujjat kuchini yo‘qotgan " " 24.08.2019
|
Oʻzbekiston Respublikasi Vazirlar Mahkamasining
qarori
Vazirlar Mahkamasining Etil spirti, alkogolli mahsulotlar ishlab chiqarish va tamaki mahsulotlari ishlab chiqarish faoliyatini litsenziyalash komissiyasining yangilangan tarkibini tasdiqlash toʻgʻrisida
(qaror nomi Oʻzbekiston Respublikasi Vazirlar Mahkamasining 2018-yil 16-iyuldagi 539-sonli qarori tahririda — Qonun hujjatlari maʼlumotlari milliy bazasi, 16.07.2018-y., 09/18/539/1519-son)
LexUZ sharhiMazkur qaror Oʻzbekiston Respublikasi Vazirlar Mahkamasining 2019-yil 23-avgustdagi 707-sonli “Isteʼmol va texnik etil spirti, alkogol mahsulotlari ishlab chiqarish faoliyatini litsenziyalash tartibi toʻgʻrisidagi nizomni tasdiqlash haqida”gi qaroriga asosan oʻz kuchini yoʻqotgan.
Vazirlar Mahkamasining Etil spirti, alkogolli mahsulotlar ishlab chiqarish va tamaki mahsulotlari ishlab chiqarish faoliyatini litsenziyalash komissiyasi faoliyatini tashkil etishni takomillashtirish maqsadida Vazirlar Mahkamasi qaror qiladi:
(muqaddima Oʻzbekiston Respublikasi Vazirlar Mahkamasining 2018-yil 16-iyuldagi 539-sonli qarori tahririda — Qonun hujjatlari maʼlumotlari milliy bazasi, 16.07.2018-y., 09/18/539/1519-son)
1. Vazirlar Mahkamasining Etil spirti, alkogolli mahsulotlar ishlab chiqarish va tamaki mahsulotlari ishlab chiqarish faoliyatini litsenziyalash komissiyasining yangilangan tarkibi ilovaga muvofiq tasdiqlansin.
(1-band Oʻzbekiston Respublikasi Vazirlar Mahkamasining 2018-yil 16-iyuldagi 539-sonli qarori tahririda — Qonun hujjatlari maʼlumotlari milliy bazasi, 16.07.2018-y., 09/18/539/1519-son)
2. Komissiya (Xolmuradov):
(2-bandning birinchi xatboshisi Oʻzbekiston Respublikasi Vazirlar Mahkamasining 2018-yil 16-iyuldagi 539-sonli qarori tahririda — Qonun hujjatlari maʼlumotlari milliy bazasi, 16.07.2018-y., 09/18/539/1519-son)
Vazirlar Mahkamasining Etil spirti, alkogolli mahsulotlar ishlab chiqarish, tamaki xomashyosini fermentlash va tamaki mahsulotlari ishlab chiqarish faoliyatini litsenziyalash komissiyasi toʻgʻrisidagi yangilangan nizomni bir oy muddatda tasdiqlasin;
Komissiya faoliyatining qonun hujjatlari talablariga qatʼiyan muvofiq ravishda tashkil etilishini taʼminlasin;
etil spirti, alkogolli mahsulotlar va tamaki mahsulotlari ishlab chiqarishda litsenziatlar tomonidan litsenziya talablari va shartlariga qonun hujjatlarida belgilangan tartibda rioya etilishi yuzasidan nazoratni amalga oshirsin.
(2-bandning toʻrtinchi xatboshisi Oʻzbekiston Respublikasi Vazirlar Mahkamasining 2018-yil 16-iyuldagi 539-sonli qarori tahririda — Qonun hujjatlari maʼlumotlari milliy bazasi, 16.07.2018-y., 09/18/539/1519-son)
3. Oʻzbekiston Respublikasi Moliya vazirligi va Davlat soliq qoʻmitasi alkogolli va tamaki mahsulotlari muomalada boʻlishidan tushadigan soliqlar va majburiy toʻlovlarning toʻliq va oʻz vaqtida tushishi, shuningdek budjetga va davlat maqsadli jamgʻarmalariga toʻlovlar boʻyicha qarzdorliklarga yoʻl qoʻyilmasligi yuzasidan nazoratni kuchaytirsinlar.
4. Oʻzbekiston Respublikasi Iqtisodiyot vazirligi yangi quvvatlarni ishga tushirishning iqtisodiy jihatdan maqsadga muvofiqligi toʻgʻrisida xulosalar berishda etil spirti ishlab chiqarish va undan foydalanish balansining har yili tasdiqlanadigan parametrlariga qatʼiyan amal qilsin.
5. “Oʻzsharobsanoat” AJ xolding kompaniya tarkibiga kiradigan korxonalarda etil spirti va alkogolli mahsulotlar ishlab chiqarishda mavjud ishlab chiqarish quvvatlaridan foydalanilishi va texnologik talablarga rioya etilishi yuzasidan monitoringni kuchaytirsin.
(5-band Oʻzbekiston Respublikasi Vazirlar Mahkamasining 2018-yil 16-iyuldagi 539-sonli qarori tahririda — Qonun hujjatlari maʼlumotlari milliy bazasi, 16.07.2018-y., 09/18/539/1519-son)
6. Oʻzbekiston Respublikasi Vazirlar Mahkamasining “Tamaki xomashyosini fermentlash va tamaki mahsulotlari ishlab chiqarish faoliyatini tartibga solish chora-tadbirlari toʻgʻrisida” 2006-yil 7-sentabrdagi 190-son qarorida (Oʻzbekiston Respublikasi QT, 2006-y., 9-son, 65-modda):
a) 3-banddagi “hamda uning tarkibi 2-ilovaga muvofiq tasdiqlansin” soʻzlari chiqarib tashlansin;
b) 2-ilova oʻz kuchini yoʻqotgan deb hisoblansin.
7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasi raisi S.R. Xolmuradov zimmasiga yuklansin.
(7-band Oʻzbekiston Respublikasi Vazirlar Mahkamasining 2018-yil 16-iyuldagi 539-sonli qarori tahririda — Qonun hujjatlari maʼlumotlari milliy bazasi, 16.07.2018-y., 09/18/539/1519-son)
Oʻzbekiston Respublikasining Bosh vaziri A. ARIPOV
Toshkent sh.,
2017-yil 7-aprel,
192-son
Vazirlar Mahkamasining 2017-yil 7-apreldagi 192- son qaroriga
ILOVA
ILOVA
Vazirlar Mahkamasining Etil spirti, alkogolli mahsulotlar ishlab chiqarish va tamaki mahsulotlari ishlab chiqarish faoliyatini litsenziyalash komissiyasi
TARKIBI
|
S.R. Xolmuradov |
— |
Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasi raisi, Komissiya raisi |
|
lavozimi boʻyicha |
— |
Davlat soliq qoʻmitasi raisi, Komissiya raisining oʻrinbosari |
|
A.Y. Xaydarov |
— |
Moliya vazirining birinchi oʻrinbosari |
|
M.B. Azimov |
— |
Davlat bojxona qoʻmitasining raisi |
|
M.M. Mirzayev |
— |
Iqtisodiyot vazirining birinchi oʻrinbosari |
|
A.U. Karimov |
— |
“Oʻzstandart” agentligining bosh direktori |
|
O.S. Mustafayev |
— |
“Oʻzsharobsanoat” aksiyadorlik jamiyati boshqaruvi raisi |
|
N.A. Vapayev |
— |
Vazirlar Mahkamasining vinochilik va alkogolli mahsulotlari ishlab chiqarish masalalari boʻyicha bosh mutaxassisi, Komissiyaning masʼul kotibi |
(ilova matni Oʻzbekiston Respublikasi Vazirlar Mahkamasining 2018-yil 16-iyuldagi 539-sonli qarori tahririda — Qonun hujjatlari maʼlumotlari milliy bazasi, 16.07.2018-y., 09/18/539/1519-son)
(Oʻzbekiston Respublikasi qonun hujjatlari toʻplami, 2017-y., 15-son, 251-modda; Qonun hujjatlari maʼlumotlari milliy bazasi, 14.02.2018-y., 09/18/107/0697-son, 16.07.2018-y., 09/18/539/1519-son)
