2090-12-сон 26.12.2016. Notariuslar tomonidan notarial harakatlarni amalga oshirish tartibi toʻgʻrisidagi yoʻriqnomaga oʻzgartirish va qoʻshimchalar kiritish haqida

Hujjat kuchini yo‘qotgan " " 05.01.2019

O‘zbekiston Respublikasi Adliya vazirining

buyrug‘i

Notariuslar tomonidan notarial harakatlarni amalga oshirish tartibi to‘g‘risidagi yo‘riqnomaga o‘zgartirish va qo‘shimchalar kiritish haqida

[O‘zbekiston Respublikasi Adliya vazirligi tomonidan 2016-yil 26-dekabrda ro‘yxatdan o‘tkazildi, ro‘yxat raqami 2090-12]

LexUZ sharhi

Mazkur buyruq O‘zbekiston Respublikasi adliya vazirining 2019-yil 4-yanvardagi 2-mh-sonli “Notariuslar tomonidan notarial harakatlarni amalga oshirish tartibi to‘g‘risida yo‘riqnomani tasdiqlash haqida”gi buyrug‘iga (ro‘yxat raqami 3113, 04.01.2019-y.) asosan o‘z kuchini yo‘qotgan.

O‘zbekiston Respublikasi Prezidentining 2011-yil 23-avgustdagi PQ-1602-son “O‘zbekiston Respublikasi Adliya vazirligi faoliyatini yanada takomillashtirish chora-tadbirlari to‘g‘risida”gi qaroriga muvofiq buyuraman:

1. Quyidagilar:

O‘zbekiston Respublikasi adliya vazirining 2010-yil 30-martdagi 64-mh-son buyrug‘i (ro‘yxat raqami 2090, 2010-yil 30-mart) (O‘zbekiston Respublikasi qonun hujjatlari to‘plami, 2010-y., 13-son, 99-modda) bilan tasdiqlangan Notariuslar tomonidan notarial harakatlarni amalga oshirish tartibi to‘g‘risidagi yo‘riqnoma ilovaga muvofiq o‘zgartirish va qo‘shimchalar kiritilsin.

2. Mazkur buyruq davlat ro‘yxatidan o‘tkazilsin va bu haqda Idoraviy normativ-huquqiy hujjatlarni davlat ro‘yxatidan o‘tkazish boshqarmasi (B. Boliyev) Idoraviy normativ-huquqiy hujjatlarning davlat reyestriga tegishli yozuv kiritsin.

3. Notariat, advokatura va FHDY organlari boshqarmasi hamda Qonun hujjatlarini turkumlash va huquqiy axborot boshqarmasi ushbu idoraviy normativ-huquqiy hujjatni barcha manfaatdor shaxslarga yetkazilishi va “O‘zbekiston Respublikasi qonun hujjatlari to‘plami” — “Sobraniye zakonodatelstva Respubliki Uzbekistan”da nashr etilishini ta’minlasin.

4. Hududiy adliya organlari rahbarlari:

2017-yilning 1-mart kuniga qadar mulkni tasarruf etish huquqi bilan berilgan amaldagi ishonchnomalar hamda vasiyatnomalar haqidagi ma’lumotlarni “Notarius” avtomatlashtirilgan axborot tizimiga (bundan buyon matnda Tizim deb yuritiladi) kiritilishini;

qonun hujjatlariga muvofiq mol-mulkni boshqa shaxsga o‘tkazishni taqiqlash va xatlash hamda ularni bekor qilish huquqiga ega organlar va mansabdor shaxslarning mol-mulkni boshqa shaxsga o‘tkazishni taqiqlash va xatlash yoki uni bekor qilish haqidagi xabarlarini Tizimga o‘z vaqtida kiritmagan notarius lavozimdan ozod etishgacha bo‘lgan intizomiy javobgarlikka tortilishi hamda u tomonidan yetkazilgan zarar belgilangan tartibda undirilishi haqida qat’iy ogohlantirilishini;

notariuslar tomonidan amalga oshirilgan notarial harakatlar Tizimga o‘z vaqtida kiritilishi holati doimiy ravishda monitoring qilib borilishini ta’minlasin.

5. Mazkur buyruq rasmiy e’lon qilingan kundan e’tiboran kuchga kiradi.

6. Mazkur buyruq ijrosini nazorat qilish vazir o‘rinbosari N. Jo‘rayev zimmasiga yuklansin.

Vazir M. IKRAMOV

Toshkent sh.,

2016-yil 26-dekabr,

304-mh-son

O‘zbekiston Respublikasi adliya vazirining 2016-yil 26-dekabrdagi 304-mh-son buyrug‘iga
ILOVA

Notariuslar tomonidan notarial harakatlarni amalga oshirish tartibi to‘g‘risidagi yo‘riqnomaga kiritilayotgan o‘zgartirish va qo‘shimchalar

1. II bob quyidagi mazmundagi 35² — 35⁷-bandlar bilan to‘ldirilsin:

“35². Notariuslar notarial harakatlarni rasmiylashtirish jarayonida “Notarius” avtomatlashtirilgan axborot tizimidan (keyingi o‘rinlarda Tizim deb yuritiladi) foydalanadilar.

Tizim notarial harakatlarni amalga oshirish bilan bog‘liq jarayonlarni avtomatlashtirish, ko‘chmas mulk va avtomototransport vositalarini boshqa shaxsga o‘tkazish taqiqlanganligi yoki xatlanganligi bo‘yicha yagona ma’lumotlar bazasini shakllantirish, shuningdek idoralararo elektron hamkorlik yo‘li bilan davlat xizmatlari ko‘rsatishga mo‘ljallangan.

35³. Tizim imkoniyatidan kelib chiqib, unga amalga oshirilgan notarial harakatlar, bitimlar bekor bo‘lganligi yoki ularga kiritilgan o‘zgartirish va qo‘shimchalar to‘g‘risida ma’lumotlar kiritiladi.

35⁴. Taqiq va xatlov bazasini yurituvchi davlat notarial idorasiga qonun hujjatlariga muvofiq mol-mulkni boshqa shaxsga o‘tkazishni taqiqlash yoki xatlash hamda ularni olib tashlash huquqiga ega organlar va mansabdor shaxslar tomonidan mol-mulkni boshqa shaxsga o‘tkazishni taqiqlash yoki xatlash yoxud uni bekor qilish haqida xabarlar belgilangan tartibda yuborilsa, ushbu xabarlarning davlat notarial idorasiga kelib tushgan aniq vaqti (soat, daqiqa) haqida Hujjatlarning kirim daftarida qayd etiladi.

Qonunning 31-moddasiga asosan manfaatdor shaxs tasdiqlashni so‘rayotgan huquq yoki fakt ustida da’volashish uchun sudga murojaat qilish istagidagi boshqa manfaatdor shaxsning arizasiga ko‘ra notarial harakatni amalga oshirish o‘n kun muddatga kechiktirilganda, ushbu muddat ichida mulkni boshqa shaxsga o‘tkazishni taqiqlash haqida notarius tomonidan Tizimga ma’lumot kiritiladi. Agar bu muddat ichida ariza tushganligi haqida suddan ma’lumot olinmasa, notarius tomonidan taqiq olib tashlanganligi haqida Tizimga ma’lumot kiritiladi va notarial harakat amalga oshiriladi.

Boshqa shaxsga o‘tkazish taqiqlangan yoki xatlangan mol-mulk haqidagi ma’lumotlar zudlik bilan Tizimga kiritilishi lozim.

35⁵. Mulkni boshqa shaxsga o‘tkazish taqiqlanmaganligi yoki xatlanmaganligi haqidagi ma’lumot Tizim orqali tekshiriladi. Bunda, mulkni boshqa shaxsga o‘tkazish taqiqlanmaganligi yoki xatlanmaganligi haqidagi ma’lumotnoma chop etiladi va tegishli hujjatlar yig‘majildi bilan birga tikiladi.

Jismoniy va yuridik shaxsning talabiga ko‘ra unga tegishli mulkni boshqa shaxsga o‘tkazish taqiqlanmaganligi yoki xatlanmaganligi haqida ma’lumotnoma beriladi.

35⁶. Notarial tasdiqlangan ishonchnomaning bekor bo‘lgan yoki bo‘lmaganligi haqidagi ma’lumot Tizim orqali tekshiriladi.

35⁷. Notariuslar tomonidan garov (ipoteka) shartnomalari rasmiylashtirilganda yoki taraflar o‘rtasida to‘lov majburiyatlarini kechiktirish sharti bilan mulkni boshqa shaxsga o‘tkazish bo‘yicha bitimlarni tasdiqlashda, ushbu shartnomalarni (bitimlarni) tasdiqlagan notarius tomonidan mol-mulkni boshqa shaxsga o‘tkazishni taqiqlash haqidagi ma’lumotlar Tizimga kiritiladi”.

2. 41-bandning birinchi xatboshisi quyidagi tahrirda bayon etilsin:

“Mulkni boshqa shaxsga o‘tkazish to‘g‘risidagi bitimni bekor qilish haqidagi bitim asosiy bitimga qo‘shib qo‘yiladigan alohida hujjat tuzish yo‘li bilan amalga oshiriladi. Bitim predmeti ko‘chmas mulk bo‘lib davlat ro‘yxatidan o‘tkazilgan taqdirda, “Yergeodezkadastr” davlat qo‘mitasi hududiy bo‘linmasining bino va inshootlarning tarkibi va tegishliligi to‘g‘risidagi belgilangan namunadagi ma’lumotnomasi (bundan keyingi o‘rinlarda “Yergeodezkadastr” davlat qo‘mitasi hududiy bo‘linmasining ma’lumotnomasi deb yuritiladi) talab qilinadi hamda Tizim orqali ko‘chmas mulkni boshqa shaxsga o‘tkazish taqiqlanmaganligi yoki xatlanmaganligi tekshiriladi. Tadbirkorlik subyektlari notarial harakatni amalga oshirish yuzasidan murojaat etsa, tegishli ma’lumotnoma notarius tomonidan idoralararo so‘rov orqali “Yergeodezkadastr” davlat qo‘mitasi hududiy bo‘linmasidan olinadi.”.

3. 56-bandning birinchi xatboshisi quyidagi tahrirda bayon etilsin:

“Yergeodezkadastr” davlat qo‘mitasi hududiy bo‘linmasining ma’lumotnomasida uy, kvartira, uyning yoki kvartiraning bir qismini boshqa shaxsga o‘tkazish taqiqlanmaganligi yoki xatlanmaganligi ko‘rsatilganligidan qat’i nazar, bu haqdagi ma’lumot Tizim orqali tekshirilishi lozim.”.

4. 105-band quyidagi tahrirda bayon etilsin:

“105. Notariuslar tomonidan avtomototransport vositalarini boshqa shaxsga o‘tkazish haqidagi bitimlarni tasdiqlash avtomototransport vositasini boshqa shaxsga o‘tkazish taqiqlanmaganligi yoki xatlamaganligi tekshirilgandan keyin amalga oshiriladi. Avtomototransport vositalarini boshqa shaxsga o‘tkazish bilan bog‘liq bo‘lmagan bitimlarni tasdiqlash ularning xatlamaganligi tekshirilgandan keyin amalga oshiriladi.”.

5. 133-bandning beshinchi xatboshisi quyidagi tahrirda bayon etilsin:

“Ijaraga olingan mulkni sotib olish sharti bilan shartnoma tuzilsa va ushbu mulk davlat ro‘yxatidan o‘tkaziladigan mulk bo‘lsa, notarius Tizim orqali mazkur mulkning boshqa shaxsga o‘tkazish taqiqlanmaganligi yoki xatlanmaganligini tekshirishi lozim.”.

6. 178-band quyidagi tahrirdagi jumla bilan to‘ldirilsin:

“Bu haqda shu kunning o‘zida Tizimga tegishli ma’lumot kiritiladi.”.

7. 179-bandda:

ikkinchi xatboshi quyidagi tahrirda bayon etilsin:

“Notariuslar tomonidan vasiyatnoma tasdiqlangandan keyin vasiyat qiluvchining familiyasi, ismi, otasining ismi, vasiyatnomani tasdiqlash sanasi va reyestr raqami hamda unga o‘zgartirish kiritilganligi yoki bekor qilinganligi haqidagi ma’lumotlar alifbo kitobiga va Tizimga kiritilishi lozim.”;

uchinchi xatboshi chiqarib tashlansin.

8. 189-bandning ikkinchi jumlasi chiqarib tashlansin.

9. 204-band quyidagi tahrirda bayon etilsin:

“204. Bekor qilingan ishonchnomalar haqidagi ma’lumot (bekor bo‘lgan ishonchnoma kim tomonidan va kimga rasmiylashtirilganligi, sanasi va reyestr raqami, mulkni joylashgan joyi) notarius tomonidan Tizimga kiritilishi shart. Bunda ishonchli vakilga zudlik bilan xabar beriladi.”.

10. 248-bandning ikkinchi xatboshisi quyidagi tahrirda bayon etilsin:

“Vasiyatnoma bo‘yicha merosga bo‘lgan huquq to‘g‘risidagi guvohnoma berish vaqtida vasiyatnomaning mavjudligi, o‘zgartirilmaganligi yoki bekor qilinmaganligi Tizim orqali tekshiriladi.”.

11. 254-band quyidagi tahrirda bayon etilsin:

“254. Agar meros mulki tarkibiga uy, kvartira, uyning yoki kvartiraning bir qismi, korxona yoki boshqa ko‘chmas mol-mulk kirsa, meros qoldiruvchiga ushbu mol-mulk mulk huquqi asosida tegishliligini tasdiqlovchi hujjat, “Yergeodezkadastr” davlat qo‘mitasi hududiy bo‘linmasining ma’lumotnomasi taqdim qilinadi. Bunda ushbu mulk taqiqlanmaganligi yoki xatlanmaganligi Tizim orqali tekshiriladi. Tadbirkorlik subyektlari notarial harakatni amalga oshirish yuzasidan murojaat etsa, tegishli ma’lumotnoma notarius tomonidan idoralararo so‘rov orqali “Yergeodezkadastr” davlat qo‘mitasi hududiy bo‘linmasidan olinadi.”.

12. 280-band quyidagi tahrirda bayon etilsin:

“280. Qonun hujjatlarida ko‘rsatilgan hollarda, shuningdek banklar (boshqa kredit tashkilotlari), tegishli tashkilotlar tomonidan jismoniy va yuridik shaxslarga uy, kvartira, uyning yoki kvartiraning bir qismi va boshqa ko‘chmas mulk sotib olish yoki qayta ta’mirlash va boshqa maqsadlarda berilgan qarzlarning qaytarilishini ta’minlash uchun ko‘chmas mulk garovga qo‘yilgan bo‘lsa, garov shartnomalarini tasdiqlash vaqtida mazkur ko‘chmas mulk joylashgan hududdagi notarius ko‘chmas mulkka nisbatan taqiq qo‘yadi va bu haqda “Yergeodezkadastr” davlat qo‘mitasi hududiy bo‘linmasiga xabarnoma yuboradi. Ko‘chmas mulkka nisbatan mulk huquqini tasdiqlovchi hujjatga notarius tomonidan taqiq qo‘yilganligi haqida belgi qo‘yiladi va Tizimga ma’lumot kiritiladi.

Agar garov shartnomasining predmeti avtomototransport vositalari bo‘lsa, ularga notarius tomonidan garov shartnomasi bo‘yicha majburiyatlar bajarilgunga qadar taqiq qo‘yiladi va Tizimga ma’lumot kiritiladi hamda bu haqda transport vositasini qayd etish guvohnomasiga yozib qo‘yilib, u ro‘yxatda turgan tegishli DYHXX organiga (kuryer yoki buyurtma xatlar orqali) ma’lumot yuboriladi.”.

13. 284 va 285-bandlar quyidagi tahrirda bayon etilsin:

“284. Sud, tergov, prokuratura organlari va sud ijrochilari tomonidan ko‘chmas mulk va avtomototransport vositalarini boshqa shaxsga o‘tkazish taqiqlanganligi yoki xatlanganligi to‘g‘risidagi xabarlar mazkur Yo‘riqnomaning ilovasida ko‘rsatilgan taqiq va xatlov bazasini yurituvchi notarius tomonidan taqiqlar va xatlovlarni ro‘yxatga olish kitobida qayd etiladi va Tizimga kiritiladi. Ushbu xabarlar alifbo kitobiga ham yozib qo‘yiladi.

285. Notariuslar banklar (boshqa kredit tashkilotlari), tegishli tashkilotlarning qarz majburiyatlari bajarilganligi haqidagi yoxud garov (ipoteka) to‘g‘risidagi shartnomaning bekor qilinganligi haqidagi xabarni olganlaridan so‘ng ko‘chmas mulk va avtomototransport vositasining boshqa shaxsga o‘tkazilishiga qo‘yilgan taqiqni olib tashlaydilar.

Taqiq olib tashlanganligi haqida alifbo kitobiga yozib qo‘yiladi va Tizimga ma’lumot kiritiladi, tegishli idoralarga xabar qilinadi.

Taqiq va xatlov bazasini yurituvchi notarius tomonidan sud, tergov, prokuratura organlari va sud ijrochisining taqiq va xatlovni olib tashlanganligi to‘g‘risidagi hujjatlarni ilova qilgan holda yuborgan xabarnomalarini olgan kuni bu haqda taqiqlar va xatlovlarni ro‘yxatga olish kitobiga, alifbo kitobiga yozib qo‘yadi hamda Tizimga ma’lumot kiritadi.”.

14. Mazkur o‘zgartirish va qo‘shimchalarning ilovasiga muvofiq tahrirda ilova bilan to‘ldirilsin.

Notariuslar tomonidan notarial harakatlarni amalga oshirish tartibi to‘g‘risidagi yo‘riqnomaga kiritilayotgan o‘zgartirish va qo‘shimchalarga
ILOVA

“Notariuslar tomonidan notarial harakatlarni amalga oshirish tartibi to‘g‘risidagi yo‘riqnomaga
ILOVA

Ko‘chmas mulk va avtomototransport vositalari bo‘yicha taqiq va xatlov bazasini yurituvchi davlat notarial idoralari

RO‘YXATI

T/r	Hududlar	Tuman (shahar) nomi	Davlat notarial idora nomi
1.	Qoraqalpog‘iston Respublikasi	Nukus shahri	Nukus shahar 8-son DNI*
		Nukus tumani	Nukus tuman DNI
		Qorao‘zak tumani	Qorao‘zak tuman DNI
		Chimboy tumani	Chimboy tuman DNI
		Taxtako‘pir tumani	Taxtako‘pir tuman DNI
		Kegeyli tumani	Kegeyli tuman DNI
		Shumanay tumani	Shumanay tuman DNI
		Qonliko‘l tumani	Qonliko‘l tuman DNI
		Qo‘ng‘irot tumani	Qo‘ng‘irot tuman 1-son DNI
		Mo‘ynoq tumani	Mo‘ynoq tuman DNI
		Xo‘jayli tumani	Xo‘jayli tuman 1-son DNI
		Amudaryo tumani	Amudaryo tuman 2-son DNI
		Ellikqal’a tumani	Ellikqal’a tuman 1-son DNI
		Beruniy tumani	Beruniy tuman 1-son DNI
		To‘rtko‘l tumani	To‘rtko‘l tuman 1-son DNI
2.	Andijon viloyati	Andijon shahri	Andijon shahar 2-son DNI*
		Andijon tumani	Andijon tuman 1-son DNI
		Asaka tumani	Asaka tuman 3-son DNI
		Bo‘z tumani	Bo‘z tuman DNI
		Buloqboshi tumani	Buloqboshi tuman DNI
		Baliqchi tumani	Baliqchi tuman 1-son DNI
		Qo‘rg‘ontepa tumani	Qo‘rg‘ontepa tuman 1-son DNI
		Ulug‘nor tumani	Ulug‘nor tuman DNI
		Oltinko‘l tumani	Oltinko‘l tuman DNI
		Marhamat tumani	Marhamat tuman 1-son DNI
		Paxtaobod tumani	Paxtaobod tuman 1-son DNI
		Shahrixon tumani	Shahrixon tuman 4-son DNI
		Xo‘jaobod tumani	Xo‘jaobod tuman 1-son DNI
		Jalaquduq tumani	Jalaquduq tuman 1-son DNI
		Xonabod shahri	Xonabod shahar DNI
		Izboskan tumani	Izboskan tuman DNI
3.	Buxoro viloyati	Buxoro shahri	Buxoro shahar 1-son DNI*
		Buxoro tumani	Buxoro tuman DNI
		Vobkent tumani	Vobkent tuman DNI
		Shofirkon tumani	Shofirkon tuman 1-son DNI
		G‘ijduvon tumani	G‘ijduvon tuman 1-son DNI
		Romitan tumani	Romitan tuman 1-son DNI
		Peshku tumani	Peshku tuman DNI
		Jondor tumani	Jondor tuman 1-son DNI
		Qorako‘l tumani	Qorako‘l tuman 1-son DNI
		Olot tumani	Olot tuman DNI
		Kogon shahri	Kogon shahar 1-son DNI
		Kogon tumani	Kogon tuman DNI
		Qoravulbozor tumani	Qoravulbozor tuman DNI
4.	Jizzax viloyati	Jizzax shahri	Jizzax shahar 2-son DNI*
		Arnasoy tumani	Arnasoy tuman DNI
		Baxmal tumani	Baxmal tuman DNI
		G‘allaorol tumani	G‘allaorol tuman 1-son DNI
		Do‘stlik tumani	Do‘stlik tuman DNI
		Jizzax tumani	Jizzax tuman 1-son DNI
		Mirzacho‘l tumani	Mirzacho‘l tuman DNI
		Paxtakor tumani	Paxtakor tuman DNI
		Zomin tumani	Zomin tuman 1-son DNI
		Zarbdor tumani	Zarbdor tuman DNI
		Forish tumani	Forish tuman DNI
		Yangiobod tumani	Yangiobod tuman DNI
		Zafarobod tumani	Zafarobod tuman DNI
5.	Qashqadaryo viloyati	Qarshi shahri	Qarshi shahar 1-son DNI*
		Qarshi tumani	Qarshi tuman DNI
		G‘uzor tumani	G‘uzor tuman 1-son DNI
		Koson tumani	Koson tuman 1-son DNI
		Kitob tumani	Kitob tuman DNI
		Qamashi tumani	Qamashi tuman DNI
		Kasbi tumani	Kasbi tuman DNI
		Dehqonobod tumani	Dehqonobod tuman DNI
		Nishon tumani	Nishon tuman 1-son DNI
		Muborak tumani	Muborak tuman DNI
		Mirishkor tumani	Mirishkor tuman DNI
		Shahrisabz tumani	Shahrisabz tuman 2-son DNI
		Chiroqchi tumani	Chiroqchi tuman 1-son DNI
		Yakkabog‘ tumani	Yakkabog‘ tuman 1-son DNI
6.	Navoiy viloyati	Navoiy shahri	Navoiy shahar 2-son DNI*
		Karmana tumani	Karmana tuman 1-son DNI
		Xatirchi tumani	Xatirchi tuman 1-son DNI
		Qiziltepa tumani	Qiziltepa tuman 1-son DNI
		Konimeh tumani	Konimeh tuman DNI
		Navbahor tumani	Navbahor tuman DNI
		Nurota tumani	Nurota tuman DNI
		Zarafshon shahri	Zarafshon shahar 1-son DNI
		Uchquduq tumani	Uchquduq tuman DNI
		Tomdi tumani	Tomdi tuman DNI
7.	Namangan viloyati	Namangan shahri	Namangan shahar 3-son DNI*
		Namangan tumani	Namangan tuman 1son DNI
		To‘raqo‘rg‘on tumani	To‘raqo‘rg‘on tuman 1-son DNI
		Chust tumani	Chust tuman 1-son DNI
		Pop tumani	Pop tuman 1-son DNI
		Mingbuloq tumani	Mingbuloq tuman DNI
		Yangiqo‘rg‘on tumani	Yangiqo‘rg‘on tuman DNI
		Chortoq tumani	Chortoq tuman DNI
		Uychi tumani	Uychi tuman 1-son DNI
		Kosonsoy tumani	Kosonsoy tuman 1-son DNI
		Uchqo‘rg‘on tumani	Uchqo‘rg‘on tuman 1-son DNI
		Norin tumani	Norin tuman DNI
8.	Samarqand viloyati	Samarqand shahri	Samarqand shahar 12-son DNI*
		Samarqand tumani	Samarqand tuman 1-son DNI
		Toyloq tumani	Toyloq tuman 1-son DNI
		Bulung‘ur tumani	Bulung‘ur tuman 1-son DNI
		Payariq tumani	Payariq tuman 1-son DNI
		Oqdaryo tumani	Oqdaryo tuman 2-son DNI
		Kattaqo‘rg‘on shahri	Kattaqo‘rg‘on shahar 1-son DNI
		Kattaqo‘rg‘on tuma�i	Kattaqo‘rg‘on tuman 1-son DNI
		Pastdarg‘om tumani	Pastdarg‘om tuman 1-son DNI
		Paxtachi tumani	Paxtachi tuman DNI
		Urgut tumani	Urgut tuman 2-son DNI
		Narpay tumani	Narpay tuman DNI
		Nurobod tumani	Nurobod tuman DNI
		Qo‘shrabod tumani	Qo‘shrabod tuman DNI
		Jomboy tumani	Jomboy tuman DNI
		Ishtixon tumani	Ishtixon tuman 1-son DNI
9.	Sirdaryo viloyati	Guliston shahri	Guliston shahar 1-son DNI*
		Shirin shahri	Shirin shahar DNI
		Yangiyer shahri	Yangiyer shahar 1-son DNI
		Boyovut tumani	Boyovut tuman DNI
		Sayxunobod tumani	Sayxunobod tuman DNI
		Guliston tumani	Guliston tuman DNI
		Sardoba tumani	Sardoba tuman DNI
		Mirzaobod tumani	Mirzaobod tuman DNI
		Sirdaryo tumani	Sirdaryo tuman 4-son DNI
		Xovos tumani	Xovos tuman DNI
		Oqoltin tumani	Oqoltin tuman DNI
10.	Surxondaryo viloyati	Termiz shahri	Termiz shahar 1-son DNI*
		Termiz tumani	Termiz tuman DNI
		Angor tumani	Angor tuman 2-son DNI
		Sherobod tumani	Sherobod tuman 1-son DNI
		Sariosiyo tumani	Sariosiyo tuman DNI
		Denov tumani	Denov tuman 1-son DNI
		Muzrobod tumani	Muzrabod tuman DNI
		Qiziriq tumani	Qiziriq tuman 1-son DNI
		Boysun tumani	Boysun tuman DNI
		Jarqo‘rg‘on tumani	Jarqo‘rg‘on tuman 1-son DNI
		Qumqo‘rg‘on tumani	Qumqo‘rg‘on tuman DNI
		Sho‘rchi tumani	Sho‘rchi tuman 1-son DNI
		Oltinsoy tumani	Oltinsoy tuman DNI
		Uzun tumani	Uzun tuman 1-son DNI
11.	Farg‘ona viloyati	Farg‘ona shahri	Farg‘ona shahar 1-son DNI*
		Qo‘qon shahri	Qo‘qon shahar 1-son DNI
		Marg‘ilon shahri	Marg‘ilon shahar 1-son DNI
		Quvasoy shahri	Quvasoy shahar 1-son DNI
		Quva tumani	Quva tuman 1-son DNI
		Yozyovon tumani	Yozyovon tuman DNI
		Farg‘on tumani	Farg‘on tuman 1-son DNI
		Oltiariq tumani	Oltiariq tuman 1-son DNI
		Rishton tumani	Rishton tuman 1-son DNI
		Bog‘dod tumani	Bog‘dod tuman DNI
		Buvayda tumani	Buvayda tuman DNI
		Dang‘ara tumani	Dang‘ara tuman DNI
		Uchko‘prik tumani	Uchko‘prik tuman 2-son DNI
		O‘zbekiston tumani	O‘zbekiston tuman DNI
		Beshariq tumani	Beshariq tuman 1-son DNI
		So‘x tumani	So‘x tuman DNI
		Toshloq tumani	Toshloq tuman DNI
		Qo‘shtepa tumani	Qo‘shtepa tuman DNI
		Furqat tumani	Furqat tuman DNI
12.	Xorazm viloyati	Urganch shahri	Urganch shahar 4-son DNI*
		Xazorasp tumani	Xazorasp tuman 1-son DNI
		Bog‘ot tumani	Bog‘ot tuman 1-son DNI
		Gurlan tumani	Gurlan tuman 1-son DNI
		Qo‘shko‘pir tumani	Qo‘shko‘pir tuman 2-son DNI
		Urganch tumani	Urganch tuman 1-son DNI
		Xonqa tumani	Xonqa tuman 1-son DNI
		Xiva tumani	Xiva tuman 2-son DNI
		Shovot tumani	Shovot tuman 1-son DNI
		Yangiariq tumani	Yangiariq tuman DNI
		Yangibozor tumani	Yangibozor tuman DNI
13.	Toshkent viloyati	Angren shahri	Angren shahar 1-son DNI
		Olmaliq shahri	Olmaliq shahar 2-son DNI
		Ohangaron tumani	Ohangaron tuman 2-son DNI
		Bekobod shahri	Bekobod shahar 1-son DNI
		Chirchiq shahri	Chirchiq shahar 3-son DNI
		Bo‘stonliq tumani	Bo‘stonliq tuman 3-son DNI
		Bo‘ka tumani	Bo‘ka tuman 2-son DNI
		Bekobod tumani	Bekobod tuman DNI
		Oqqo‘rg‘on tumani	Oqqo‘rg‘on tuman DNI
		Qibray tumani	Qib�ay tuman 2-son DNI
		Quyichirchiq tumani	Quyichirchiq tuman DNI
		Zangiota tumani	Zangiota tuman 1-son DNI
		Piskent tumani	Piskent tuman DNI
		Parkent tumani	Parkent tuman DNI
		O‘rtachirchiq tumani	O‘rtachirchiq tuman 2-son DNI*
		Yuqorichirchiq tumani	Yuqorichirchiq tuman DNI
		Chinoz tumani	Chinoz tuman 1-son DNI
		Yangiyo‘l tumani	Yangiyo‘l tuman 6-son DNI
14.	Toshkent shahar	Bektemir tumani	Bektemir tuman 2-son DNI
		Mirzo Ulug‘bek tumani	Mirzo Ulug‘bek tuman 7-son DNI*
		Mirobod tumani	Mirobod tuman 1-son DNI
		Olmazor tumani	Olmazor tuman 8-son DNI
		Sergeli tumani	Sergeli tuman 3-son DNI
		Uchtepa tumani	Uchtepa tuman 2-son DNI
		Chilonzor tumani	Chilonzor tuman 8-son DNI
		Shayxontohur tumani	Shayxontohur tuman 8-son DNI
		Yunusobod tumani	Yunusobod tuman 6-son DNI
		Yakkasaroy tumani	Yakkasaroy tuman 6-son DNI**
		Yashnobod tumani	Yashnobod tuman 8-son DNI

Izoh: *Hududiy adliya organlariga shaxsning barcha mol-mulklariga nisbatan taqiq qo‘yish haqida sud, tergov, prokuratura organlari va sud ijrochilarining xabarnomalari kelib tushsa, ushbu xabarnomalar ro‘yxatda ko‘rsatilgan davlat notarial idoralariga “Notarius” avtomatlashtirilgan axborot tizimiga kiritish uchun yuboriladi.

**Sud, tergov, prokuratura organlari va sud ijrochilari tomonidan shaxsning barcha mol-mulklariga nisbatan taqiq qo‘yish haqida xabarnomalari O‘zbekiston Respublikasi Adliya vazirligiga kelib tushsa, ushbu xabarnomalar ro‘yxatda ko‘rsatilgan davlat notarial idorasiga “Notarius” avtomatlashtirilgan axborot tizimiga kiritish uchun yuboriladi. Boshqa hududiy adliya organlariga ushbu xabarnomalar ma’lumot uchun yuboriladi.”.

(O‘zbekiston Respublikasi qonun hujjatlari to‘plami, 2016-y., 52-son, 606-modda)