PQ-2639-сон 21.10.2016. 2017-2021-yillarda qishloq joylarda yangilangan namunaviy loyihalar boʻyicha arzon uy-joylar qurish dasturi toʻgʻrisida

Norasmiy tarjima

O‘zbekiston Respublikasi Prezidentining

Qarori

2017 — 2021-yillarda qishloq joylarda yangilangan namunaviy loyihalar bo‘yicha arzon uy-joylar qurish dasturi to‘g‘risida

Keyingi yillarda qishloq aholisi uchun namunaviy loyihalar asosida yakka tartibdagi uy-joylar qurish bo‘yicha keng ko‘lamli ishlar amalga oshirilmoqda. Birgina 2009 — 2016-yillar davrida qishloq joylarda 1308 turar joy massivida umumiy maydoni 9 573 ming kvadrat metr bo‘lgan 69 557 ta shinam uy-joy qurildi. Qishloqlardagi 83,5 mingdan ortiq oilaning yashash sharoiti yaxshilandi.

Ko‘rilgan chora-tadbirlar oilalarni zamonaviy, sifatli, shinam uy-joy bilan ta’minlashga, qishloqda yangi muhandislik-kommunikatsiya, ijtimoiy va bozor infratuzilmasini shakllantirishga ko‘maklashdi, qishloqning qiyofasini yangi darajaga ko‘tarish va shu asosda qishloq aholisining hayot darajasini yaxshilash va dunyoqarashini o‘zgartirish imkonini berdi.

Shu bilan birga, ushbu sohani o‘rganish aholining real ehtiyojlari va xarid qobiliyatini, shuningdek milliy mentalitetni va qishloq joylarda yashash sharoitlarining xususiyatlarini to‘liq hisobga olib qurilish samaradorligini oshirishga yo‘naltirilgan prinsipial jihatdan yangi yondashuvlarni ishlab chiqish zarurligini ko‘rsatdi.

Qishloq joylarda aholining keng qatlamlarini zamonaviy va shinam uy-joy bilan ta’minlash darajasini tubdan oshirish maqsadida:

1. Quyidagilar qishloq joylarda uy-joy qurilishini yanada rivojlantirishning asosiy yo‘nalishlari etib belgilansin:

yashash uchun ijtimoiy-maishiy shart-sharoitlarni yaxshilash, qishloq aholisining zamonaviy, sifatli, shinam, arzon uy-joyga bo‘lgan ehtiyojlarini qondirish;

qishloq joylarda uy-joylar qurish uchun ajratilgan turar joy massivlarida muhandislik-kommunikatsiya infratuzilmasini va transport tarmoqlarini birgalikda rivojlantirish;

konstruktiv va arxitektura-rejalashtirish yechimlarini optimallashtirish hisobiga loyiha-qidiruv va qurilish-montaj ishlari, shuningdek barpo etilayotgan uylar tannarxini pasaytirish;

energiyani tejaydigan materiallar va asbob-uskunalarning yangi turlaridan foydalanishni kengaytirish;

joylarda qurilish industriyasini rivojlantirish, pudrat tashkilotlarining quvvatlarini ko‘paytirish, ularning moddiy-texnika bazasini mustahkamlash;

uy-joy qurilishi uchun ajratiladigan yer resurslaridan oqilona foydalanishni ta’minlash;

qishloq joylarda yakka tartibda uy-joy qurilishi uchun imtiyozli kreditlar berishning fuqarolar uchun yanada qulay shartlarini joriy etish.

2. Qishloq joylarda mavjud namunaviy loyihalarga qo‘shimcha ravishda arzon uylarning quyidagi yangi namunalarini (keyingi o‘rinlarda uylar deb yuritiladi) joriy etish maqsadga muvofiq deb hisoblansin:

“Obod qishloq” dasturiga kiritilgan aholi punktlarida, shuningdek, aholi zichligi yuqori bo‘lgan va zarur muhandislik-transport kommunikatsiyalari bilan ta’minlangan hududlarda to‘rt qavatli arzon ko‘p kvartirali (2 va 3 xonali) uylar;

shaharlarda O‘zbekiston Respublikasi Mudofaa vazirligi, Milliy gvardiyasi harbiy xizmatchilari va ichki ishlar organlari xodimlari (keyingi o‘rinlarda fuqarolarning alohida toifalari deb yuritiladi) uchun besh qavatli arzon ko‘p kvartirali (2 va 3 xonali) uylar.

3. Belgilansinki, namunali uy-joylar qurish uchun “Qishloq qurilish bank” ATB, Tashqi iqtisodiy faoliyat milliy banki, “Ipoteka bank” ATB, “Xalq banki” ATB, “Asaka” ATB va “O‘zsanoatqurilishbank” ATB (keyingi o‘rinlarda ishtirok etuvchi tijorat banklari deb yuritiladi) uy quruvchilarga ipoteka kreditlarini quyidagicha beradilar:

a) 2019-yilda qishloq joylarda namunaviy loyihalar bo‘yicha arzon uy-joylar qurish dasturini amalga oshirish doirasida 20 yil muddatga (fuqarolarning alohida toifalari uchun quriladigan arzon ko‘p kvartirali uylar uchun — 15 yil) 2 yillik imtiyozli davr hamda dastlabki 5 yil davomida yillik 7 foiz miqdoridagi foiz stavkasida va keyingi davrda O‘zbekiston Respublikasi Markaziy bankining qayta moliyalashtirish stavkasida, bunda uy quruvchilarning dastlabki badali quyidagi miqdorlarni tashkil etadi:

10 foiz — to‘rt qavatli ko‘p kvartirali (2 va 3 xonali) uylar va 0,02 gektar o‘lchamli yer uchastkalarida joylashtiriladigan 3 xonali bir qavatli uylar uchun;

25 foiz — fuqarolarning alohida toifalari uchun quriladigan besh qavatli arzon ko‘p kvartirali (2 va 3 xonali) uylar uchun;

b) 2020-yilda qishloq joylarda namunaviy loyihalar bo‘yicha arzon uy-joylar qurish dasturini amalga oshirish doirasida 20 yil muddatga (fuqarolarning alohida toifalari uchun quriladigan arzon ko‘p kvartirali uylar uchun — 15 yil) 1 yillik imtiyozli davr hamda dastlabki 5 yil davomida har yili foiz stavkasi qat’iy belgilangan 7 foizdan O‘zbekiston Respublikasi Markaziy bankining qayta moliyalashtirish stavkasi darajasigacha bir me’yorda oshib boradigan stavkada va keyingi davrda O‘zbekiston Respublikasi Markaziy bankining qayta moliyalashtirish stavkasida, bunda uy quruvchilarning dastlabki badali quyidagi miqdorlarni tashkil etadi:

10 foiz — to‘rt qavatli ko‘p kvartirali (2 va 3 xonali) uylar uchun;

25 foiz — fuqarolarning alohida toifalari uchun quriladigan besh qavatli arzon ko‘p kvartirali (2 va 3 xonali) uylar uchun.

4. O‘zbekiston Respublikasi Iqtisodiyot vazirligi, Moliya vazirligi, Davlat arxitektura va qurilish qo‘mitasi tomonidan Qoraqalpog‘iston Respublikasi Vazirlar Kengashi, viloyatlar hokimliklari, “Qishloq qurilish invest” IK MCHJ, ishtirok etuvchi tijorat banklari va boshqa manfaatdor idoralar bilan birgalikda ishlab chiqilgan 2017 — 2021-yillarda qishloq joylarda namunaviy loyihalar bo‘yicha arzon uy-joylar qurish dasturi (keyingi o‘rinlarda Dastur deb ataladi) ma’qullansin. Dastur quyidagilarni o‘z ichiga oladi:

2017-yilda namunaviy loyihalarning aniq turlari bo‘yicha qishloq joylarda umumiy moliyalashtirish hajmlari 2 121,5 milliard so‘m bo‘lgan 15,0 mingta arzon, zamonaviy, shinam uy-joylar, shu jumladan birinchi turi bo‘yicha — 4 608 ta, ikkinchi turi bo‘yicha — 3 739 ta, uchinchi turi bo‘yicha — 3 672 ta, qurishning yig‘ma va asosiy parametrlari 1 — 5-ilovalarga muvofiq;

2017-yilda turar joy massivlari uchun muhandislik-transport kommunikatsiyalari va infratuzilma obyektlari qurish bo‘yicha yig‘ma ko‘rsatkichlar 6-ilovaga muvofiq.

5. Qoraqalpog‘iston Respublikasi Vazirlar Kengashi Raisiga, viloyatlar hokimlariga, O‘zbekiston Respublikasi Iqtisodiyot vazirligi, Moliya vazirligi, Davlat arxitektura va qurilish qo‘mitasi, Moliya vazirligi huzuridagi Respublika yo‘l jamg‘armasi, “Qishloq qurilish invest” IK MCHJ, “Qishloq qurilish loyiha” MCHJ, “O‘zbekenergo” AJ, “O‘ztransgaz” AK, ishtirok etuvchi tijorat banklari, boshqa manfaatdor vazirliklar va idoralar rahbarlariga:

ma’qullangan Dastur parametrlariga muvofiq uylar, muhandislik-transport kommunikatsiyalari, ijtimoiy va bozor infratuzilmasi obyektlari qurish;

qurilish-montaj ishlari tannarxini pasaytirishga, mahalliy qurilish industriyasini barqaror va mutanosib rivojlantirishga, pudrat tashkilotlarining salohiyatini mustahkamlashga yo‘naltirilgan chora-tadbirlarni izchil amalga oshirish yuzasidan shaxsiy mas’uliyat yuklansin.

6. O‘zbekiston Respublikasi Moliya vazirligi:

ishtirok etuvchi tijorat banklarining buyurtmanomalari bo‘yicha dastlabki 5 yil mobaynida yiliga 4 foizli stavka bo‘yicha va keyingi davrda ishtirok etuvchi tijorat banklarining marjasi yiliga 3 foiz miqdorida bo‘lishini hisobga olgan holda O‘zbekiston Respublikasi Markaziy bankining qayta moliyalashtirish stavkasi miqdorida 2 yillik imtiyozli davr bilan (2020-yil va keyingi yillarda Dasturni amalga oshirish doirasida — bir yillik imtiyozli davr bilan hamda dastlabki 5 yil davomida har yili foiz stavkasi qat’iy belgilangan 4 foizdan O‘zbekiston Respublikasi Markaziy bankining qayta moliyalashtirish stavkasi darajasigacha bir me’yorda oshib boradigan stavkada va keyingi davrda O‘zbekiston Respublikasi Markaziy bankining qayta moliyalashtirish stavkasida) qishloq joylarda yashovchi shaxslar uchun — 20 yil, fuqarolarning alohida toifalari uchun — 15 yil muddatlarga milliy valyutada kredit liniyalarini ochsin va ushbu mablag‘larni arzon uy-joylar qurilishiga maqsadli yo‘naltirsin;

O‘zbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, Markaziy bank va ishtirok etuvchi tijorat banklari bilan birgalikda Dasturni amalga oshirishga xalqaro moliya institutlari va xorijiy hukumatlarning moliyalashtiruvchi tashkilotlarining imtiyozli uzoq muddatli kreditlarini jalb etish masalasini ishlab chiqsin.

7. O‘zbekiston Respublikasi Iqtisodiyot vazirligi:

Qoraqalpog‘iston Respublikasi Vazirlar Kengashi, viloyatlar hokimliklari, O‘zbekiston Respublikasi Davlat arxitektura va qurilish qo‘mitasi, ishtirok etuvchi tijorat banklari va Vazirlar Mahkamasi huzuridagi Ijtimoiy tadqiqotlar instituti bilan birgalikda qishloq aholisining uy-joylarning har bir namunasiga bo‘lgan talabini o‘rganish natijalaridan kelib chiqib, 2017-yil 1-aprelgacha bo‘lgan muddatda Vazirlar Mahkamasiga keyingi yillarda Qishloq joylarda namunaviy loyihalar bo‘yicha arzon uy-joylar qurish dasturini amalga oshirish parametrlari yuzasidan takliflar kiritsin;

O‘zbekiston Respublikasi Moliya vazirligi, Markaziy bank va Tashqi iqtisodiy aloqalar, investitsiyalar va savdo vazirligi bilan birgalikda 2018 — 2021-yillarda Qishloq joylarda namunaviy loyihalar bo‘yicha arzon uy-joylar qurish dasturini moliyalashtirish miqdorlari va manbalarini belgilasin, shu jumladan xalqaro moliya institutlari va xorijiy hukumatlarning moliyalashtiruvchi tashkilotlarining kredit mablag‘larini jalb etishni nazarda tutsin.

8. Qoraqalpog‘iston Respublikasi Vazirlar Kengashi va viloyatlar hokimliklari kelgusi yilga Qishloq joylarda namunaviy loyihalar bo‘yicha arzon uy-joylar qurish dasturi doirasida har yili belgilangan tartibda:

1-maygacha — O‘zbekiston Respublikasi Yer resurslari, geodeziya, kartografiya va davlat kadastri davlat qo‘mitasi hamda Davlat arxitektura va qurilish qo‘mitasi bilan kelishgan holda, keyinchalik uylar, muhandislik-transport kommunikatsiyalari va ijtimoiy va bozor infratuzilmasi obyektlari qurish uchun “Qishloq qurilish invest” IK MCHJga beriladigan, qishloq xo‘jaligi maqsadidagi yerlar toifasiga va o‘rmon fondiga kirmaydigan, tashqi muhandislik kommunikatsiyalariga ulanadigan massivlar ro‘yxati tasdiqlash uchun Vazirlar Mahkamasiga kiritilishini;

1-sentabrgacha — ishtirok etuvchi tijorat banklari bilan birgalikda talabgorlar aniqlanishini va uylar qurish uchun ularning dastlabki badallari shakllantirilishini;

1-oktabrgacha — “Qishloq qurilish invest” IK MCHJ va O‘zbekiston Respublikasi Davlat arxitektura va qurilish qo‘mitasi bilan birgalikda foydalanishga tayyor holda topshirish shartlarida uylar qurish uchun Qurilish-pudrat tashkilotlari reestriga kiritilgan pudrat tashkilotlarini aniqlash bo‘yicha tanlov savdolari o‘tkazilishini;

1-noyabrgacha — “O‘zbekenergo” AJ, “O‘ztransgaz” AK, Respublika yo‘l jamg‘armasi va “Qishloq qurilish invest” IK MCHJ bilan birgalikda yangidan quriladigan qishloq turar joy massivlarida muhandislik-transport kommunikatsiyalari va infratuzilma obyektlari qurish uchun Qurilish-pudrat tashkilotlari reestriga kiritilgan pudrat tashkilotlarini aniqlash bo‘yicha tanlov savdolari o‘tkazilishini ta’minlasinlar.

9. “Qishloq qurilish invest” IK MCHJ Qishloq joylarda namunaviy loyihalar bo‘yicha arzon uy-joylar qurish dasturi doirasida turar joy massivlarida suv ta’minoti obyektlari va avtomobil yo‘llari qurish bo‘yicha buyurtmachi etib belgilansin.

10. Belgilansinki, turar joy massivlarida suv, elektr, gaz ta’minoti obyektlari va avtomobil yo‘llari qurish tegishli ravishda respublika budjeti, “O‘zbekenergo” AJ, “O‘ztransgaz” AK va Respublika yo‘l jamg‘armasi mablag‘lari hisobiga amalga oshiriladi.

11. “Qishloq qurilish bank” ATB O‘zbekiston Respublikasi Iqtisodiyot vazirligi, Moliya vazirligi, Adliya vazirligi, ishtirok etuvchi tijorat banklari va “Qishloq qurilish invest” IK MCHJ bilan birgalikda tuman hokimiyatlari negizida talabgorlarni tanlash komissiyasining tavsiyalari asosida, ariza beruvchi — uy quruvchining Dasturdagi ishtiroki tartibi to‘g‘risidagi nizom loyihasini bir oy muddatda tasdiqlash uchun O‘zbekiston Respublikasi Vazirlar Mahkamasiga kiritsin.

12. Dastur doirasida:

a) 2020-yil 1-yanvargacha:

pudrat tashkilotlari – “Qishloq qurilish invest” IK MCHJ bilan tuzilgan shartnomalar bo‘yicha foydalanishga tayyor holda topshirish shartlarida massivlarda uylar, suv ta’minoti obyektlari va avtomobil yo‘llari qurish bo‘yicha ishlar hajmlari uchun soliqlarning barcha turlarini to‘lashdan;

subpudrat tashkilotlari — massivlarda uylar, suv ta’minoti obyektlari va avtomobil yo‘llari qurishga “Qishloq qurilish invest” IK MCHJ bilan shartnomalar tuzgan bosh pudrat tashkilotlari bilan tuzilgan kontraktlar bo‘yicha ular tomonidan bajariladigan ishlar hajmlari uchun yagona soliq to‘lovi to‘lashdan;

qurilish materiallari va asbob-uskunalar ishlab chiqaruvchi tashkilotlar, shuningdek, ularni tashiydigan tashkilotlar — foydalanishga tayyor holda topshirish shartlarida uylar qurish uchun “Qishloq qurilish invest” IK MCHJga va “Qishloq qurilish invest” IK MCHJ bilan shartnomalar tuzgan bosh pudrat tashkilotlariga qurilish materiallari va asbob-uskunalarni realizatsiya qilish va ularni tashish (jumladan import materiallarni) hajmlari uchun yagona soliq to‘lovi to‘lashdan;

“Qishloq qurilish invest” IK MCHJ — soliqlarning barcha turlarini to‘lashdan;

“O‘zsanoateksport” AJ — 7-ilovaga muvofiq, respublikada ishlab chiqarilmaydigan, chetdan olib kelinadigan yog‘och-taxta materiallari, tomga yopiladigan metall listlar uchun, shuningdek, O‘zbekiston Respublikasi Vazirlar Mahkamasi tomonidan tasdiqlanadigan ro‘yxat bo‘yicha boshqa qurilish materiallari uchun bojxona to‘lovlari (bojxona rasmiylashtiruvi yig‘imlari bundan mustasno) to‘lashdan;

“Toshkent qishloq qurilish servis” MCHJ va transport tashkilotlari — tomga yopiladigan metall listlarni qayta ishlash va ularni “Qishloq qurilish invest” IK MCHJga yetkazib berish bo‘yicha ishlar hajmlari uchun yagona soliq to‘lovi to‘lashdan ozod etilsin;

b) 2020-yil 1-iyulga qadar 2017 — 2019-yillardagi Dasturni amalga oshirishda quyidagilar qo‘shilgan qiymat solig‘idan ozod etilsin:

pudrat tashkilotlari — “Qishloq qurilish invest” IK MCHJ bilan tuzilgan shartnomalar bo‘yicha foydalanishga tayyor holda topshirish shartlarida massivlarda uylar, suv ta’minoti obyektlari, lokal oqava suv inshootlari va avtomobil yo‘llari qurish bo‘yicha ishlar hajmlari uchun;

“Qishloq qurilish invest” IK MCHJ — tovarlar (ishlar, xizmatlar), shu jumladan uy-joylarni (ko‘p kvartirali uy-joylardagi kvartiralar) realizatsiyasi uchun;

“Qishloq qurilish loyiha” MCHJ — “Qishloq qurilish invest” IK MCHJ bilan tuzilgan shartnomalar bo‘yicha uylar, muhandislik-transport kommunikatsiyalari va infratuzilma obyektlarini qurish bo‘yicha bajarilgan loyiha-qidiruv ishlari hajmlari uchun;

O‘zbekiston Respublikasi Davlat soliq qo‘mitasi ushbu qarorda nazarda tutilgan soliq va bojxona imtiyozlarining to‘g‘ri qo‘llanilishi ustidan qat’iy nazorat o‘rnatsin.

13. Quyidagilarga istisno tariqasida:

2017-yil 1-martgacha bo‘lgan muddatda — 2, 3 va 4-ilovalarda ko‘rsatilgan uylarning qurilish-montaj ishlarini loyiha-smeta hujjatlarini ishlab chiqish bilan bir vaqtda amalga oshirishga;

2017-yil 1-yanvargacha foydalanishga topshirish yuzasidan zarur choralar ko‘rilgan holda 0,02 gektar maydondagi yer uchastkalariga joylashtiriladigan 26 ta ikki, uch qavatli ko‘p kvartirali (2 va 3 xonali) uylarni va 130 ta bir qavatli 2, 3 xonali uylarni joriy yilda qurishni boshlashga;

8-ilovaga muvofiq ro‘yxat bo‘yicha uylar qurish uchun bosh pudrat tashkilotlariga markazlashtirilgan tartibda yetkazib beriladigan asosiy qurilish materiallari va asbob-uskunalarning “Qishloq qurilish invest” IK MCHJ tomonidan tender savdolari o‘tkazilmasdan eng maqbul takliflar tanlovi orqali sotib olinishiga ruxsat berilsin.

14. O‘zbekiston Respublikasi Iqtisodiyot vazirligi, “O‘zqurilishmateriallari” AK va “O‘zmetkombinat” AJ buyurtmachi va loyihalash tashkilotining asoslangan hisob-kitoblari bo‘yicha ushbu qaror bilan tasdiqlangan Dastur doirasida uylar, muhandislik-transport kommunikatsiyalari va ijtimoiy infratuzilma obyektlari uchun tartibga solinadigan narxlar bo‘yicha sement va metall prokati ajratilishini ta’minlasinlar.

15. O‘zbekiston Respublikasi Davlat arxitektura va qurilish qo‘mitasi “Qishloq qurilish invest” IK MCHJ, “Qishloq qurilish loyiha” MCHJ, Qoraqalpog‘iston Respublikasi Vazirlar Kengashi, viloyatlar hokimliklari bilan birgalikda Dasturni amalga oshirish doirasida qurilish-montaj ishlari bajarilishi sifati va loyiha yechimlari, shuningdek shaharsozlik normalari va qoidalariga rioya etilishi ustidan davlat arxitektura-qurilish, texnik va mualliflik nazoratlari yuritilishini ta’minlasin.

16. O‘zbekiston milliy teleradiokompaniyasi, O‘zbekiston Milliy axborot agentligi, O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi Qoraqalpog‘iston Respublikasi Vazirlar Kengashi, viloyatlar hokimliklari, O‘zbekiston Respublikasi Davlat arxitektura va qurilish qo‘mitasi, “Qishloq qurilish invest” IK MCHJ va ishtirok etuvchi tijorat banklari bilan birgalikda Qishloq joylarda namunaviy loyihalar bo‘yicha arzon uy-joylar qurish dasturining maqsadlari va vazifalari ommaviy axborot vositalarida keng yoritilishini tashkil etsinlar.

17. “Qishloq qurilish bank” ATB, “Qishloq qurilish invest” IK MCHJ O‘zbekiston Respublikasi Moliya vazirligi, Iqtisodiyot vazirligi va Adliya vazirligi bilan birgalikda bir oy muddatda Vazirlar Mahkamasiga qonun hujjatlariga ushbu qarordan kelib chiquvchi o‘zgartirish va qo‘shimchalar kiritish to‘g‘risida taklif kiritsin.

18. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov va O‘zbekiston Respublikasi Bosh vazirining o‘rinbosari B.I. Zakirov zimmasiga yuklansin.

O‘zbekiston Respublikasi Prezidenti vazifasini bajaruvchi Sh. MIRZIYOYEV

Toshkent sh.,

2016-yil 21-oktabr,

PQ-2639-son

O‘zbekiston Respublikasi Prezidentining 2016-yil 21-oktabrdagi PQ-2639-son qaroriga
1-ILOVA

2017-yilda qishloq joylarda namunaviy loyihalar asosida arzon uy-joylar qurish

Dasturlari xulosa parametrlari

Hududlarning nomi	Turar-joy binolari soni (birliklari) *	shu jumladan:				Hisoblangan narx xarajatlar (million so‘m) **	Shundan:
Hududlarning nomi	Turar-joy binolari soni (birliklari) *	2 va 3 qavatli ko‘p xonadonli (2 va 3 xonali) turar-joy binolari, xonadonlar soni	bir qavatli 2 va 3 xonali uylar (0,02 ga)	2 qavatli 4 xonali turar-joy binolari (0,04 ga)	bir qavatli 3,4 va 5 xonali turar-joy binolari (0,06 ga)		dastlabki va yakuniy to‘lovlarni o‘z ichiga olgan ishlab chiquvchi badallari	kreditlash uchun tijorat banklariga yo‘naltirilgan markazlashtirilgan kapital qo‘yilmalar	tijorat banklari uchun ochilgan kredit liniyalari	tijorat banklarining mablag‘lari (shu jumladan, ilgari berilgan kreditlarni to‘lash)
JAMI	15 000	4 608	3 739	3 672	2 981	2 121 526,6	478 951,5	350 000,0	984 575,1	308 000,0
Qoraqalpog‘iston Respublikasi	962	416	247	164	135	124 496,5	25 914,1	22 446,7	56 382,6	19 753,1
Andijon viloyati	1 165	384	507	274	0	138 921,1	25 496,2	27 183,3	62 320,3	23 921,3
Buxoro viloyati	1 142	224	124	510	284	183 189.3	45 513,3	26 646,7	87 580,3	23 449,1
Jizzax viloyati	908	512	230	166	0	103 466,0	18 341,9	21 186,7	45 293,2	18 644,3
Qashqadaryo viloyati	1523	248	410	448	417	234 314,6	56 513,8	35 536,7	110 991,9	31 272,3
Navoiy viloyati	1 185	344	220	152	469	184 258,6	45 688,1	27 650,0	86 588,5	24,332,0
Namangan viloyati	1 184	400	364	172	248	161 130,8	35 271,4	27 626,7	73 921,3	24 311,5
Samarqand viloyati	1 758	448	470	330	510	260 439,0	61 493,1	41 020,0	121 828,3	36 097,6
Surxondaryo viloyati	1 009	608	155	206	40	120 294,7	22 865,2	23 543,3	53 168,0	20 718,1
Sirdaryo viloyati	904	352	350	150	52	109 008,3	20615.9	21 093,3	48 736,9	18 562,1
Toshkent viloyati	1075	144	188	600	143	167 144,8	39 987,1	25 083,3	80 001,0	22 073,3
Farg‘ona viloyati	1 228	256	289	300	383	189 645,9	46 176,3	28 653,3	89 601,3	25214.9
Xorazm viloyati	957	272	185	200	300	145 217,0	35 075,1	22,330,0	68 161,6	19 650,4

* Loyiha turi bo‘yicha uylar soni jamoatchilik talabidan kelib chiqqan holda aniqlanishi kerak.

** Turar-joy binolarining smeta qiymati loyiha-smeta hujjatlarini ishlab chiqish va namunaviy loyihalarni hududga bog‘lash natijalariga ko‘ra aniqlanishi kerak.

O‘zbekiston Respublikasi Prezidentining 2016-yil 21-oktabrdagi PQ-2639-son qaroriga
2-ILOVA

2017-yilda 2 va 3 qavatli ko‘p xonadonli (2-3 xonali) turar-joy binolarini qurish uchun

asosiy parametrlar

Hududlarning nomi	Turar-joy binolari soni (birliklari) *	Kvartiralar soni (birlik) *	Hisoblangan narx xarajatlar (million so‘m) **	Shundan:
Hududlarning nomi	Turar-joy binolari soni (birliklari) *	Kvartiralar soni (birlik) *		Ishlab chiquvchilarning dastlabki hissalari (15%)	markazlashtirilgan kapital qo‘yilmalar va tijorat banklari uchun ochilgan kredit liniyalari	mablag‘lar tijorat banklar
JAMI	355	4 608	455 012,4	68 251,9	292 142,9	94 617,6
Qoraqalpog‘iston Respublikasi	26	416	41 077,5	6 161,6	26 374,0	8 541,9
Andijon viloyati	25	384	37 917,7	5 687,7	24 345,2	7 884,8
Buxoro viloyati	27	224	22 118,7	3 317,8	14 201,4	4 599,5
Jizzax viloyati	32	512	50 556,9	7583,5	32 460,3	10 513,1
Qashqadaryo viloyati	38	248	24 488,5	3 673,3	15 723,0	5 092,3
Navoiy viloyati	20	344	33 967,9	5 095,2	21 809,3	7063,5
Namangan viloyati	29	400	39 497,6	5 924,6	25 359,6	8 213,3
Samarqand viloyati	28	448	44 237,3	6 635,6	28 402,8	9 198,9
Surxondaryo viloyati	38	608	60 036,4	9005,5	38 546,6	12 484,3
Sirdaryo viloyati	22	352	34 757,9	5 213,7	22 316,5	7 227,7
Toshkent viloyati	25	144	14 219,1	2 132,9	9 129,5	2 956,8
Farg‘ona viloyati	28	256	25 278,5	3 791,8	16 230,2	5 256,5
Xorazm viloyati	17	272	26 858,4	4028,8	17 244,5	5 585,1

* Uy va xonadonlar soni aholi talabidan kelib chiqib o‘zgarishi mumkin.

** Turar-joy binolarining smeta qiymati loyiha-smeta hujjatlarini ishlab chiqish va namunaviy loyihalarni hududga bog‘lash natijalariga ko‘ra aniqlanishi kerak.

O‘zbekiston Respublikasi Prezidentining 2016-yil 21-oktabrdagi PQ-2639-son qaroriga
3-ILOVA

2017-yilda 0,02 gektar yer uchastkalarida joylashgan bir qavatli 2 va 3 xonali turar-joy binolarini qurish uchun

asosiy parametrlar

Hududlarning nomi	Turar-joy binolari soni (birliklari) *	Hisoblangan narx xarajatlar (million so‘m) **	shundan:
Hududlarning nomi	Turar-joy binolari soni (birliklari) *		Ishlab chiquvchilarning dastlabki hissalari (15%)	markazlashtirilgan kapital qo‘yilmalar va tijorat banklari uchun ochilgan kredit liniyalari	mablag‘lar tijorat banklar
JAMI	3 739	401 359,2	60 203,9	264 381,2	76 774,1
Qoraqalpog‘iston Respublikasi	247	26514,0	3 977,1	17 465,1	5 071,7
Andijon viloyati	507	54 423,4	8 163,5	35 849,5	10 410,4
Buxoro viloyati	124	13 310,7	1996,6	8 767,9	2546,1
Jizzax viloyati	230	24 689,1	3 703,4	16 263,1	4 722,7
Qashqadaryo viloyati	410	44,011,0	6 601,7	28 990,7	8 418,7
Navoiy viloyati	220	23 615,7	3542,4	15 556,0	4 517,3
Namangan viloyati	364	39 073,2	5 861,0	25 738,1	7 474,1
Samarqand viloyati	470	50 451,7	7567,8	33 233,3	9 650,7
Surxondaryo viloyati	155	16 638,3	2495,7	10 959,9	3 182,7
Sirdaryo viloyati	350	37 570,4	5 635,6	24 748,2	7 186,7
Toshkent viloyati	188	20 180,7	3027,1	13 293,3	3 860,3
Farg‘ona viloyati	289	31 022,4	4 653,4	20 434,9	5 934,1
Xorazm viloyati	185	19 858,6	2 978,8	13 081,2	3 798,7

* Uylar soni aholi talabidan kelib chiqib o‘zgarishi mumkin.

** Turar-joy binolarining smeta qiymati loyiha-smeta hujjatlarini ishlab chiqish va namunaviy loyihalarni hududga bog‘lash natijalariga ko‘ra aniqlanishi kerak.

O‘zbekiston Respublikasi Prezidentining 2016-yil 21-oktabrdagi PQ-2639-son qaroriga
4-ILOVA

2017-yilda 0,04 ga yer uchastkalarida joylashgan 2 qavatli 4 xonali yarim uy-joy qurish uchun

asosiy parametrlar

Hududlarning nomi	Turar-joy binolari soni (birliklari) *	Hisoblangan narx xarajatlar (million so‘m) **	shundan:
Hududlarning nomi	Turar-joy binolari soni (birliklari) *	Hisoblangan narx xarajatlar (million so‘m) **	Ishlab chiquvchilarning dastlabki hissalari (25%)	markazlashtirilgan kapital qo‘yilmalar va tijorat banklari uchun ochilgan kredit liniyalari	tijorat banklarining mablag‘lari
JAMI	3 672	624 240,0	156 060,0	392 781,6	75 398,4
Qoraqalpog‘iston Respublikasi	164	27 880,0	6 970,0	17 542,5	3 367,5
Andijon viloyati	274	46,580,0	11645,0	29 308,9	5 626,1
Buxoro viloyati	510	86 700,0	21 675,0	54,553,0	10,472,0
Jizzax viloyati	166	28 220,0	7 055,0	17 756,5	3 408,5
Qashqadaryo viloyati	448	76 160,0	19 040,0	47 921,1	9 198,9
Navoiy viloyati	152	25 840,0	6 460,0	16 258,9	3 121,1
Namangan viloyati	172	29 240,0	7 310,0	18 398,3	3 531,7
Samarqand viloyati	330	56 100,0	14,025,0	35 299,0	6 776,0
Surxondaryo viloyati	206	35 020,0	8 755,0	22 035,1	4 229,9
Sirdaryo viloyati	150	25 500,0	6 375,0	16 045,0	3080,0
Toshkent viloyati	600	102 000,0	25 500,0	64 180,0	12 320,0
Farg‘ona viloyati	300	51 000,0	12 750,0	32 090,0	6 160,0
Xorazm viloyati	200	34 000,0	8500,0	21 393,3	4 106.7

* Uylar soni aholi talabidan kelib chiqib o‘zgarishi mumkin.

** Turar-joy binolarining smeta qiymati loyiha-smeta hujjatlarini ishlab chiqish va namunaviy loyihalarni hududga bog‘lash natijalariga ko‘ra aniqlanishi kerak.

O‘zbekiston Respublikasi Prezidentining 2016-yil 21-oktabrdagi PQ-2639-son qaroriga
5-ILOVA

2017-yilda 0,06 ga yer uchastkalarida joylashgan bir qavatli 3, 4, 5 xonali turar-joy binolarini qurish uchun

asosiy parametrlar

Hududlarning nomi	Turar-joy binolari soni (birliklari) *	Hisoblangan narx xarajatlar (million so‘m) **	shundan:
Hududlarning nomi	Turar-joy binolari soni (birliklari) *		Ishlab chiquvchilarning dastlabki (25%) va yakuniy hissalari	markazlashtirilgan kapital qo‘yilmalar va tijorat banklari uchun ochilgan kredit liniyalari	tijorat banklarining mablag‘lari
JAMI	2 981	640 915,0	194 435,7	385 269,4	61 209,9
Qoraqalpog‘iston Respublikasi	135	29 025,0	8 805,4	17 447,6	2772,0
Andijon viloyati	0	0,0	0,0	0,0	0,0
Buxoro viloyati	284	61 060,0	18 523,9	36 704,6	5 831,5
Jizzax viloyati	0	0,0	0,0	0,0	0,0
Qashqadaryo viloyati	417	89 655,0	27 198,8	53 893,8	8 562,4
Navoiy viloyati	469	100 835,0	30 590,5	60614,3	9 630,1
Namangan viloyati	248	53,320,0	16 175,8	32 051,9	5 092,3
Samarqand viloyati	510	109 650,0	33 264,8	65 913,3	10,472,0
Surxondaryo viloyati	40	8 600,0	2 609,0	5 169,7	821.3
Sirdaryo viloyati	52	11 180,0	3 391,7	6 720,6	1067,7
Toshkent viloyati	143	30,745,0	9 327,2	18 481,6	2 936,3
Farg‘ona viloyati	383	82 345,0	24 981,2	49 499,6	7 864,3
Xorazm viloyati	300	64 500,0	19 567,5	38 772,5	6 160,0

* Uylar soni aholi talabidan kelib chiqib o‘zgarishi mumkin.

** Turar-joy binolarining smeta qiymati loyiha-smeta hujjatlarini ishlab chiqish va namunaviy loyihalarni hududga bog‘lash natijalariga ko‘ra aniqlanishi kerak.

O‘zbekiston Respublikasi Prezidentining 2016-yil 21-oktabrdagi PQ-2639-son qaroriga
6-ILOVA

2017-yilda turar-joy massivlari uchun muhandislik-transport kommunikatsiyalari va infratuzilma obyektlarini qurish bo‘yicha

xulosa ko‘rsatmalari

Hududlarning nomi	Massivlar soni (birliklar) *	Tashqi muhandislik tarmoqlari va transport kommunikatsiyalarining quvvati (km) **				Ijtimoiy va bozor infratuzilmasi obyektlari soni (birliklari) ***
Hududlarning nomi	Massivlar soni (birliklar) *	suv ta’minoti tarmoqlari	tarmoqlar quvvatlantirish manbai	gaz ta’minoti tarmoqlari	avtomobil yo‘llari
JAMI	308	415.3	291,5	316,9	260.3	134
Qoraqalpog‘iston Respublikasi	23	14.5	16.1	21.1	14.5	9
Andijon viloyati	22	32.2	22.7	27.8	18.8	11
Buxoro viloyati	21	30.5	22.7	33.4	19.0	10
Jizzax viloyati	17	26.9	15.2	15.5	15.0	8
Qashqadaryo viloyati	29	60.2	31.5	30.3	23.8	12
Navoiy viloyati	27	32.6	23.2	30.3	22.9	10
Namangan viloyati	33	42.8	21.5	20.8	18.3	11
Samarqand viloyati	33	37.5	32.8	34.2	32.8	12
Surxondaryo viloyati	20	22.9	25.4	22.4	20.8	10
Sirdaryo viloyati	8	15.2	12.9	15.3	12.8	8
Toshkent viloyati	23	39.2	23.5	18.4	23.1	12
Farg‘ona viloyati	34	30.9	22.0	24.8	18.7	11
Xorazm viloyati	18	30.0	22.2	22.5	19.9	10

* Massivlar soni ularning ro‘yxati tasdiqlangandan keyin aniqlanishi kerak.

** Kiritilgan quvvatlar massivlar ro‘yxati tasdiqlangandan va obyektlar uchun loyiha-smeta hujjatlari tayyorlangandan keyin aniqlashtiriladi.

*** Ijtimoiy va bozor infratuzilmasi obyektlari soni hududlar ro‘yxati tasdiqlanganidan keyin aniqlanishi kerak.

O‘zbekiston Respublikasi Prezidentining 2016-yil 21-oktabrdagi PQ-2639-son qaroriga
7-ILOVA

Dastur doirasida “O‘zsanoateksport” AJ tomonidan olib kiriladigan, respublikada ishlab chiqarilmaydigan yog‘och-taxta materiallari va tomga yopiladigan metall listlar 2020-yil 1-yanvarga qadar bojxona to‘lovlaridan (bojxona yig‘imlaridan tashqari) va ularni “Qishloq qurilish invest” IK MCHJga sotishda qo‘shilgan qiymat solig‘idan ozod etilgan holda olib kiriladigan yog‘och-taxta materiallari va tomga yopiladigan metall listlar

ro‘yxati

T/r	Mahsulot nomi	TN VED bo‘yicha mahsulot kodi	Birlik o‘zgartirish tovarlar	1 uy uchun o‘rtacha talab	Umumiy talab *	shu jumladan: *
T/r	Mahsulot nomi	TN VED bo‘yicha mahsulot kodi	Birlik o‘zgartirish tovarlar	1 uy uchun o‘rtacha talab	Umumiy talab *	2017-yilda	2018-yilda	2019-yilda
1.	Qalinligi 0,5 mm, qizil-bordo (RAL 3005) metall plitkalar ishlab chiqarish uchun polimer qoplamali va himoya bo‘yoqli galvanizli prokat.	7210 70 800 0 7212 40 800 0	tn.	1,1	42 900,0	14 300,0	14 300,0	14 300,0
2.	Kenarli yog‘och (yumshoq yog‘och)	4407 10 930 0 4407 10 980 0	kub m.	7.8	304 200,0	101 400,0	101 400,0	101 400,0

* Yakuniy talab turar-joy binolari uchun loyiha-smeta hujjatlarini ishlab chiqish natijalariga ko‘ra aniqlanishi kerak.

O‘zbekiston Respublikasi Prezidentining 2016-yil 21-oktabrdagi PQ-2639-son qaroriga
8-ILOVA

“Qishloqqurilishinvest” IK MCHJ tomonidan turar-joy binolarini qurish uchun markazlashtirilgan tartibda yetkazib beriladigan eng yaxshi takliflarni tanlash natijalari bo‘yicha tender o‘tkazmasdan sotib olingan asosiy qurilish materiallari va uskunalari

ro‘yxati

I. Mahalliy (maishiy) qurilish materiallari va jihozlari
1.	Seramika plitalari
2.	Aluminiy va PVXdan tayyorlangan oyna ramkalari
2.	Plastik deraza tokchalari
3.	PVXdan tayyorlangan tashqi eshik bloklari
	Ichki eshik bloklari
	Aluminiy tashqi eshiklar
4.	Laminat taxta
4.	Laminatsiyalangan taxta uchun yubka taxtasi
5.	Qurilish oynasi
6.	Suv bazlı bo‘yoqlar (ichki)
6.	Suv bazlı bo‘yoqlar (fasad)
7.	Gaz pechkasi
8.	Suv isitgichi
9.	Kombinatsiyalangan isitish qozoni
9.	Qozon (isitish tizimi) ikki pallali
10.	Aluminiy va po‘latdan yasalgan radiatorlar
11.	Tabiiy gaz iste’molini hisobga olish uchun elektron hisoblagichlar
12.	Elektr iste’molini hisobga olish uchun elektron hisoblagichlar
13.	Zarrachalar taxtasi (DSP)
14.	Metall prokat (O‘zmetkombinat AJ)
14.	Darvozali metall eshiklar
15.	Kabel va sim mahsulotlari
16.	Polipropilen quvurlar
	Kanalizatsiya trubkasi
	Poliyetilen quvurlar (ko‘cha suv ta’minoti tarmog‘i uchun)
II. Import qilingan
1.	Qalinligi 0,5 mm, qizil-bordo (RAL 3005) metall plitkalar ishlab chiqarish uchun polimer qoplamali va himoya bo‘yoqli galvanizli prokat.
2.	Kenarli yog‘och (yumshoq yog‘och)

* Qurilish materiallari va uskunalariga bo‘lgan ehtiyoj Dasturning asosiy parametrlariga muvofiq belgilanadi.