Oʻzbekiston Respublikasi Vazirlar Mahkamasining “Oʻzbekiston Respublikasining 2000-yilgi makroiqtisodiy va Davlat budjeti asosiy istiqbol koʻrsatkichlari toʻgʻrisida” 1999-yil 31-dekabrdagi 554-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirish va qoʻshimchalar kiritilsin.

2. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin.

3. Oʻzbekiston Respublikasi Vazirlar Mahkamasining 1993-yil 5-iyuldagi 334-son qarori (Oʻzbekiston Respublikasi QT, 1993-y., 7-son, 26-modda; 1996-y., 12-son, 39-modda) bilan tasdiqlangan Respublika yoʻl jamgʻarmasi mablagʻlarini shakllantirish va ulardan foydalanish toʻgʻrisidagi Nizomdagi:

a) 6, 7 va 8-bandlar quyidagi tahrirda bayon qilinsin:

“6. Quyidagilar yoʻl jamgʻarmalarini shakllantirish manbalari hisoblanadi:

korxonalar, xoʻjaliklar, tashkilotlar tomonidan mahsulot (ishlar, xizmatlar) ishlab chiqarishning amaldagi hajmlaridan mablagʻlar ajratish — 1,5 foiz miqdorida;

tayyorlovchi, vositachi korxonalar, savdo korxonalari, shu jumladan umumiy ovqatlanish korxonalari, taʼminot-sotish tashkilotlari tomonidan mablagʻlar ajratish — amaldagi tovar aylanishidan — 1,0 foiz miqdorida;

banklar (Markaziy bank tizimi bundan mustasno), sugʻurta tashkilotlari, videosalonlar (videokoʻrsatuv punktlari), kim oshdi savdolari, kazinolar, nusxa koʻpaytirishdan, video va audio kassetalar ijarasidan, pul yutugʻi boʻlgan oʻyin avtomatlaridan foydalanishdan, lotereya oʻyinlari, ommaviy konsert-tomosha tadbirlari oʻtkazishdan daromad oluvchi korxonalar tomonidan mablagʻlar ajratish — amaldagi daromadning 1,5 foizi miqdorida;

avtotransportga ega boʻlgan barcha korxonalar va tashkilotlarning avtomobil transporti hamda avtotransport vositalaridan foydalanish boʻyicha daromadlaridan ajratmalar — 2,5 foiz miqdorida;

sotib olingan avtotransport vositalarining, mulkchilik shakllaridan qatʼi nazar, xaridorlari tomonidan toʻlanadigan ushbu vositalar qiymatidan yigʻimlar:

sotib olingan yengil avtomobil narxidan — 6 foiz miqdorida;

boshqa avtotransport vositalari: yuk avtomobillari, avtobuslar, maxsus avtomobillar narxidan — 20 foiz miqdorida;

“Oʻzavtoyoʻl” konserni korxonalari va tashkilotlari mol-mulkini sotib olishdan budjetga tushadigan mablagʻlar umumiy miqdoridan ajratmalar — 50 foiz miqdorida;

Qoraqalpogʻiston Respublikasida yonilgʻi-moylash materiallari sotish hajmidan ajratmalar — 7 foiz miqdorida;

xorijiy davlatlar avtotransport vositalarining Oʻzbekiston Respublikasi hududiga kirganligi uchun toʻlovlar, bitta avtotashuvchi kirganligi uchun AQSh dollarida — 400 AQSh dollari miqdorida.

Yoʻl jamgʻarmalariga ixtiyoriy badallar, respublika budjetidan ajratmalar va Oʻzbekiston Respublikasi qonunchiligida taqiqlanmagan boshqa manbalardan ham mablagʻlar yoʻnaltirilishi mumkin.

7. Respublika yoʻl jamgʻarmasiga Toshkent shahrida toʻlanadigan:

korxonalar, xoʻjaliklar, tashkilotlar tomonidan mahsulot (ishlar, xizmatlar) ishlab chiqarishning amaldagi hajmlaridan ajratiladigan mablagʻlar — 1,5 foiz miqdorida;

tayyorlovchi, vositachi korxonalar, savdo korxonalari, shu jumladan umumiy ovqatlanish korxonalari, taʼminot-sotish tashkilotlari tomonidan ajratiladigan mablagʻlar — amaldagi tovar aylanishidan — 1,0 foiz miqdorida;

banklar (Markaziy bank tizimi bundan mustasno), sugʻurta tashkilotlari, videosalonlar (videokoʻrsatuv punktlari), kim oshdi savdolari, kazinolar, nusxa koʻpaytirishdan, video va audio kassetalar ijarasidan, pul yutugʻi boʻlgan oʻyin avtomatlaridan foydalanishdan, lotereya oʻyinlari, ommaviy konsert-tomosha tadbirlari oʻtkazishdan daromad oluvchi korxonalar tomonidan ajratiladigan mablagʻlar — amaldagi daromadning 1,5 foizi miqdorida;

avtotransportga ega boʻlgan barcha korxonalar va tashkilotlarning avtomobil transporti hamda avtotransport vositalaridan foydalanish boʻyicha daromadlaridan ajratmalar — 2,5 foiz miqdorida;

“Oʻzavtoyoʻl” konserni korxonalari va tashkilotlari mol-mulkini sotib olishdan budjetga tushadigan mablagʻlar umumiy miqdoridan ajratmalar — 50 foiz miqdorida oʻtkaziladi.

Bundan tashqari, Respublika yoʻl jamgʻarmasiga xorijiy davlatlar avtotransport vositalarining Oʻzbekiston Respublikasi hududiga kirganligi uchun toʻlovlar, bitta avtotashuvchi kirganligi uchun AQSh dollarida — 400 AQSh dollari miqdorida oʻtkaziladi.

8. Viloyatlar va tumanlar yoʻl jamgʻarmalariga tegishli hududdagi:

korxonalar, xoʻjaliklar, tashkilotlar tomonidan mahsulot (ishlar, xizmatlar) ishlab chiqarishning amaldagi hajmlaridan mablagʻlar ajratish — 1,5 foiz miqdorida;

tayyorlovchi, vositachi korxonalar, savdo korxonalari, shu jumladan umumiy ovqatlanish korxonalari, taʼminot-sotish tashkilotlari tomonidan ajratiladigan mablagʻlar — amaldagi tovar aylanishidan — 1,0 foiz miqdorida;

banklar (Markaziy bank tizimi bundan mustasno), sugʻurta tashkilotlari, videosalonlar (videokoʻrsatuv punktlari), kim oshdi savdolari, kazinolar, video va audio kassetalarni koʻpaytirishdan, ijaraga berishdan, pul yutugʻi boʻlgan oʻyin avtomatlaridan foydalanishdan, lotereya oʻyinlari, ommaviy konsert-tomosha tadbirlarini oʻtkazishdan daromad oluvchi korxonalar tomonidan ajratiladigan mablagʻlar — amaldagi daromadning 1,5 foiz miqdorida;

avtotransportga ega boʻlgan barcha korxonalar va tashkilotlarning avtomobil transporti hamda avtotransport vositalaridan foydalanish boʻyicha daromadlaridan ajratiladigan mablagʻlar — 2,5 foiz miqdorida;

sotib olingan avtotransport vositalarining, mulkchilik shakllaridan qatʼi nazar, xaridorlari tomonidan toʻlanadigan ushbu vositalar qiymatidan yigʻimlar:

sotib olingan yengil avtomobil narxidan — 6 foiz miqdorida;

boshqa avtotransport vositalari: yuk avtomobillari, avtobuslar, maxsus avtomobillar narxidan — 20 foiz miqdorida;

“Oʻzavtoyoʻl” konsernining viloyat, tuman hududida joylashgan korxonalari va tashkilotlari mol-mulkini sotib olishdan budjetga tushadigan mablagʻlar umumiy miqdoridan 50 foiz ajratmalar oʻtkaziladi.

Bundan tashqari, Qoraqalpogʻiston Respublikasi yoʻl jamgʻarmasiga Qoraqalpogʻiston Respublikasida yonilgʻi-moylash materiallari sotish hajmidan ajratmalar — 7 foiz miqdorida oʻtkaziladi.”;

b) 9-bandning oltinchi xat boshidagi “Vazirlar Mahkamasi huzuridagi Davlat soliq bosh boshqarmasi” soʻzlari “Davlat soliq qoʻmitasi” soʻzlari bilan almashtirilsin;

g) 19-bandning birinchi xat boshidagi “5 foizi” va “15 foizi” soʻzlari tegishli ravishda “6 foizi” va “20 foizi” soʻzlari bilan almashtirilsin;

d) V boʻlim nomidagi va 22-banddagi “ikki foiz” soʻzlari “2,5 foiz” soʻzlari bilan almashtirilsin;

e) 23-bandning birinchi xat boshidagi va 26-bandning birinchi xat boshidagi “ikki foizli ajratmalar” soʻzlari “2,5 foiz miqdoridagi ajratmalar” soʻzlari bilan almashtirilsin.

1. Oʻzbekiston Respublikasi Prezidenti huzuridagi Vazirlar Mahkamasining “Ifloslantiruvchi moddalarni tabiiy muhitga normativdan ortiqcha chiqarganlik (tashlaganlik) va chiqindilarni joylashtirganlik uchun toʻlovlarni joriy qilish toʻgʻrisida” 1992-yil 29-iyundagi 303-son qarori.

2. Oʻzbekiston Respublikasi Vazirlar Mahkamasining 1993-yil 24-sentabrdagi 352-f-son farmoyishining 1-bandi.

3. Oʻzbekiston Respublikasi Vazirlar Mahkamasining “Oʻzbekiston Respublikasi Vazirlar Mahkamasining “Respublika yoʻl jamgʻarmasini tashkil etish toʻgʻrisida” 1993-yil 5-iyuldagi 334-son qaroriga qoʻshimchalar va oʻzgartirishlar kiritish toʻgʻrisida” 1996-yil 30-dekabrdagi 466-son qarori (Oʻzbekiston Respublikasi QT., 1996-y., 12-son, 39-modda)ning 1 va 3-bandlari.

4. Oʻzbekiston Respublikasi Vazirlar Mahkamasining “Soliq solishning soddalashtirilgan tizimiga oʻtgan kichik korxonalarga soliq solish tartibi toʻgʻrisida” 1998-yil 15-apreldagi 159-son qarori (Oʻzbekiston Respublikasi QT., 1998-y., 4-son, 15-modda)ning 3-bandi.

5. Oʻzbekiston Respublikasi Vazirlar Mahkamasining “Oʻzbekiston Respublikasi hukumatining ayrim qarorlariga oʻzgartirish va qoʻshimchalar kiritish va ayrimlarini oʻz kuchini yoʻqotgan deb hisoblash toʻgʻrisida” 1999-yil 30-apreldagi 202-son qarori (Oʻzbekiston Respublikasi QT., 1999-y., 4-son, 22-modda)ga 1-ilova 15-bandining uchinchi xat boshi.