Oʻzbekiston Respublikasi Oliy va oʻrta maxsus taʼlim vazirligi faoliyati yanada takomillashtirilishini taʼminlash hamda oliy taʼlim sohasida amalga oshirilayotgan tadbirlarni tizimli nazorat qilish samaradorligini oshirish va muvofiqlashtirish maqsadida Vazirlar Mahkamasi qaror qiladi:

1. Oʻzbekiston Respublikasi Oliy va oʻrta maxsus taʼlim vazirligi markaziy apparati tuzilmasiga qisman oʻzgartirishlar kiritilsin va ilovaga muvofiq tasdiqlansin.

2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Fan va texnologiyalar rivojlanishini muvofiqlashtirish va boshqarishni takomillashtirish chora-tadbirlari toʻgʻrisida” 2006-yil 7-avgustdagi PQ-436-son qarori)” 2006-yil 2-oktabrdagi 207-son qarorining 2-bandi, shuningdek qarorga 3-ilova (Oʻzbekiston Respublikasi QT, 2006-y., 10-son, 73-modda) oʻz kuchini yoʻqotgan deb hisoblansin.

3. Mazkur qaror bajarilishini nazorat qilish Oʻzbekiston Respublikasi Bosh vazirining birinchi oʻrinbosari, moliya vaziri R.S. Azimov zimmasiga yuklansin.