Oliy ta’lim muassasalariga o‘qishga qabul qilish bo‘yicha test sinovlarini sifat jihatidan yuqori darajada tashkil etish va o‘tkazish maqsadida Vazirlar Mahkamasi qaror qiladi:

1. 2017-yil 1-yanvardan boshlab O‘zbekiston Respublikasi Hukumatining ilovaga muvofiq ayrim qarorlariga o‘zgartirishlar kiritilsin.

2. O‘zbekiston Respublikasi Oliy va o‘rta maxsus ta’lim vazirligi, Xalq ta’limi vazirligi, O‘zbekiston Respublikasi Vazirlar Mahkamasi huzuridagi Davlat test markazi manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

3. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari — O‘zbekiston Respublikasi Vazirlar Mahkamasining Yoshlar siyosati, ta’lim, madaniyat va sport masalalari kompleksi rahbari zimmasiga yuklansin.

1. Vazirlar Mahkamasining “Oliy ta’lim muassasalariga qabul qilish, talabalar o‘qishini ko‘chirish, qayta tiklash va o‘qishdan chetlashtirish tartibi to‘g‘risidagi nizomlarni tasdiqlash haqida” 2010-yil 18-iyundagi 118-son qaroriga (O‘zbekiston Respublikasi qonun hujjatlari to‘plami, 24-25-son, 195-modda) 1-ilovaning 12-bandida:

a) ikkinchi xatboshidagi “20-iyundan 20-iyulgacha” va “20-iyundan 15-iyulgacha” so‘zlari tegishli ravishda “15-iyundan 15-iyulgacha” va “15-iyundan 10-iyulgacha” so‘zlari bilan almashtirilsin;

b) yigirmanchi xatboshidagi “21” raqami “16” raqami bilan almashtirilsin.