2001-yil 1-yanvardan boshlab O‘zbekiston Respublikasi Ijtimoiy ta’minot vazirligi huzuridagi Pensiya jamg‘armasi O‘zbekiston Respublikasining budjetdan tashqari Pensiya jamg‘armasiga aylantirilganligi munosabati bilan Vazirlar Mahkamasi qaror qiladi:

1. O‘zbekiston Respublikasi Vazirlar Mahkamasining ilovaga muvofiq ayrim qarorlariga o‘zgartirish va qo‘shimchalar kiritilsin.

2. Mehnat va aholini ijtimoiy muhofaza qilish vazirligi Davlat soliq qo‘mitasi, Moliya vazirligi va Adliya vazirligi bilan birgalikda bir oy muddatda Vazirlar Mahkamasining 1998-yil 28-yanvardagi 47-son qarori bilan tasdiqlangan Yuridik shaxs bo‘lmasdan tadbirkorlik faoliyati bilan shug‘ullanuvchi jismoniy shaxslarning mehnat stajini hisobga olish va ularning Pensiya jamg‘armasiga badallar ajratishi tartibining va Vazirlar Mahkamasining 1998-yil 9-iyuldagi 289-son qarori bilan tasdiqlangan Dehqon xo‘jaliklari a’zolarini ijtimoiy sug‘urtalash va ularning ijtimoiy ta’minoti to‘g‘risidagi nizomning yangi tahririni tasdiqlash uchun Vazirlar Mahkamasiga kiritsin.

3. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.

1. O‘zbekiston Respublikasi Oliy Kengashi Rayosati va O‘zbekiston Respublikasi Vazirlar Mahkamasining “Chernobil halokatidan ziyon ko‘rgan O‘zbekiston Respublikasida istiqomat qiluvchi fuqarolarni ijtimoiy himoyalash haqida” 1992-yil 6-apreldagi 170-son qarorining (O‘zbekiston Respublikasi QT, 1992-y., 4-son, 10-modda) 2-bandida “O‘zbekiston Respublikasi Ijtimoiy ta’minot vazirligi huzuridagi Pensiya jamg‘armasi” so‘zlari “O‘zbekiston Respublikasining budjetdan tashqari pensiya jamg‘armasi” so‘zlari bilan almashtirilsin.

11. O‘zbekiston Respublikasi Vazirlar Mahkamasining “O‘zbekistonda teatr va musiqa san’atini yanada rivojlantirishni qo‘llab-quvvatlash va rag‘batlantirish chora-tadbirlari to‘g‘risida”gi Farmonni amalga oshirish masalalari haqida” 1995-yil 28-oktabrdagi 415-son qarori 4-bandining ikkinchi xatboshidagi “O‘zbekiston Respublikasi Ijtimoiy ta’minot vazirligi huzuridagi Pensiya jamg‘armasi” so‘zlari “O‘zbekiston Respublikasining budjetdan tashqari Pensiya jamg‘armasi” so‘zlari bilan almashtirilsin.

12. O‘zbekiston Respublikasi Vazirlar Mahkamasining “O‘zbekiston Respublikasi advokatlik birlashmalarida advokatlik faoliyati bilan shug‘ullanuvchi shaxslarni ijtimoiy himoya qilish chora-tadbirlari to‘g‘risida” 1996-yil 15-iyuldagi 250-son qarori 1-bandidagi “O‘zbekiston Respublikasi Ijtimoiy ta’minot vazirligi huzuridagi Pensiya jamg‘armasiga” so‘zlari “O‘zbekiston Respublikasining budjetdan tashqari Pensiya jamg‘armasiga” so‘zlari bilan almashtirilsin.