Hujjat kuchini yo‘qotgan " " 05.01.2019

Oʻzbekiston Respublikasi Adliya vazirining

Notariuslar tomonidan notarial harakatlarni amalga oshirish tartibi toʻgʻrisidagi yoʻriqnomaga oʻzgartirishlar va qoʻshimcha kiritish haqida

[Oʻzbekiston Respublikasi Adliya vazirligi tomonidan 2015-yil 22-dekabrda 2090-10-son bilan davlat roʻyxatidan oʻtkazilgan]

LexUZ sharhi

Mazkur buyruq Oʻzbekiston Respublikasi adliya vazirining 2019-yil 4-yanvardagi 2-mh-sonli “Notariuslar tomonidan notarial harakatlarni amalga oshirish tartibi toʻgʻrisida yoʻriqnomani tasdiqlash haqida”gi buyrugʻiga (roʻyxat raqami 3113, 04.01.2019-y.) asosan oʻz kuchini yoʻqotgan.

Oʻzbekiston Respublikasi Prezidentining 2011-yil 23-avgustdagi PQ-1602-son “Oʻzbekiston Respublikasi Adliya vazirligi faoliyatini yanada takomillashtirish chora-tadbirlari toʻgʻrisida”gi qaroriga muvofiq buyuraman:

1. Oʻzbekiston Respublikasi adliya vazirining 2010-yil 30-martdagi 64-mh-son buyrugʻi (roʻyxat raqami 2090, 2010-yil 30-mart) (Oʻzbekiston Respublikasi qonun hujjatlari toʻplami, 2010-y., 13-son, 99-modda) bilan tasdiqlangan Notariuslar tomonidan notarial harakatlarni amalga oshirish tartibi toʻgʻrisidagi yoʻriqnomaga ilovaga muvofiq oʻzgartirishlar va qoʻshimcha kiritilsin.

2. Mazkur buyruq davlat roʻyxatidan oʻtkazilsin va bu haqda Idoraviy normativ-huquqiy hujjatlarni davlat roʻyxatidan oʻtkazish boshqarmasi (B. Boliyev) Idoraviy normativ-huquqiy hujjatlarning davlat reyestriga tegishli yozuv kiritsin.

3. Notariat, advokatura va FHDY organlari boshqarmasi (I. Qudratov) hamda Qonun hujjatlarini turkumlash va huquqiy axborot boshqarmasi (D. Ibragimova) ushbu idoraviy normativ-huquqiy hujjatni barcha manfaatdor shaxslarga yetkazilishi va “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da nashr etilishini taʼminlasin.

4. Mazkur buyruq rasmiy eʼlon qilingan kundan eʼtiboran kuchga kiradi.

Vazir M. IKRAMOV

2015-yil 22-dekabr,

Oʻzbekiston Respublikasi adliya vazirining 2015-yil 22-dekabrdagi 376-mh-son buyrugʻiga
ILOVA

Notariuslar tomonidan notarial harakatlarni amalga oshirish tartibi toʻgʻrisidagi yoʻriqnomaga kiritilayotgan oʻzgartirishlar va qoʻshimcha

1. 133-band quyidagi tahrirda bayon etilsin:

“133. Mulk ijarasi shartnomasini tasdiqlashda notarius quyidagilarni talab qiladi:

mulkka boʻlgan huquqni tasdiqlovchi hujjat (nusxasi qoldirilib, asli qaytarib beriladi);

ijara narsasi umumiy birgalikdagi mulk boʻlgan taqdirda (er-xotinning birgalikdagi mulki), barcha egalarining (er-xotinning) roziligi;

vasiylikdagi shaxsga qarashli boʻlgan mol-mulk ijaraga berilganda, vasiylik va homiylik organlarining roziligi.

Ijaraga berilayotgan mulk davlat roʻyxatidan oʻtkaziladigan mulk boʻlsa, notarius shu kunning oʻzida tegishli notarial idoradan ushbu mulkning boshqa shaxsga oʻtkazish taqiqlanmaganligi va xatlanmaganligi haqidagi maʼlumotnomani olishi lozim. Bunda ushbu maʼlumotnoma olinganligi uchun toʻlov undirish taqiqlanadi.

Fuqarolik kodeksining 541-moddasiga asosan ijaraga berilayotgan mol-mulk topshirish va qabul qilish dalolatnomasi asosida topshirilishi lozimligi taraflarga tushuntiriladi va bu haqda shartnoma matnida koʻrsatiladi.”.

2. 136-band quyidagi tahrirda bayon etilsin:

“136. Mulk huquqi asosida fuqarolarga tegishli boʻlgan koʻchmas mulk (uy, kvartira, uyning yoki kvartiraning bir qismi va boshqalar) ijaraga berilishida ijara shartnomasini notarial tartibda tasdiqlashda notarius quyidagilarni talab qiladi:

koʻchmas mulk obyektining kadastr yigʻmajildi. Bunda mulk huquqini tasdiqlovchi hujjat, Binolar, inshootlar va koʻp yillik daraxtlarga boʻlgan huquqning davlat roʻyxatidan oʻtkazilganligi toʻgʻrisidagi guvohnoma hamda koʻchmas mulkning umumiy maydoni haqidagi maʼlumotlar koʻrsatilgan tegishli hujjatlardan nusxa olinib, kadastr yigʻmajildining asli qaytarib beriladi;

ijaraga berilayotgan uy, kvartira, uyning yoki kvartiraning bir qismida doimiy propiska qilingan shaxslar haqida fuqarolarni oʻzini oʻzi boshqarish organi yoki xususiy uy-joy mulkdorlari shirkati tomonidan berilgan maʼlumotnoma yoki uy daftaridan koʻchirma hamda doimiy propiska qilingan shaxslarning roziligi.

koʻchmas mulk umumiy birgalikdagi mulk boʻlgan taqdirda (er-xotinning birgalikdagi mulki), barcha egalarining (er-xotinning) roziligi;

vasiylikdagi shaxsga qarashli boʻlgan koʻchmas mulk ijaraga berilganda, vasiylik va homiylik organlarining roziligi;

xususiylashtirilgan uy, kvartira, uyning yoki kvartiraning bir qismi ijaraga berilganda, Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasining hududiy boshqarmalari tomonidan berilgan xususiylashtirishda rozilik bergan shaxslar haqidagi maʼlumotnoma va ularning roziligi;

koʻchmas mulk garovga qoʻyilgan boʻlsa, garovga oluvchining roziligi ham talab etiladi.

Tadbirkorlik subyektlari notarial harakatni amalga oshirish yuzasidan murojaat etsa, mazkur bandning uchinchi va yettinchi xatboshilarida nazarda tutilgan maʼlumotnomalar notarius tomonidan tegishli davlat organlari va boshqa tashkilotlardan idoralararo soʻrov orqali olinadi.”.

oʻninchi xatboshi chiqarib tashlansin;

oʻn birinchi va oʻn ikkinchi xatboshilar tegishincha oʻninchi va oʻn birinchi xatboshilar deb hisoblansin;

oʻninchi xatboshidan “bir yildan ortiq muddatga” degan soʻzlar chiqarib tashlansin;

oʻn birinchi xatboshidagi “mazkur bandning ikkinchi, uchinchi va oʻninchi xatboshilarida” degan soʻzlar “mazkur bandning ikkinchi va uchinchi xatboshilarida” degan soʻzlar bilan almashtirilsin.

4. Quyidagi mazmundagi 140¹-band bilan toʻldirilsin:

“140¹. Mazkur Yoʻriqnomaning 140-bandida nazarda tutilgan hujjatlar taqdim etilganda, notarius shu kunning oʻzida tegishli notarial idoradan ushbu korxonaning boshqa shaxsga oʻtkazish taqiqlanmaganligi va xatlanmaganligi haqidagi maʼlumotnomani olishi lozim. Bunda ushbu maʼlumotnoma olinganligi uchun toʻlov undirish taqiqlanadi.”.

(Oʻzbekiston Respublikasi qonun hujjatlari toʻplami, 2015-y., 51-son, 636-modda)