Keksalarni ijtimoiy himoya qilish va moddiy qoʻllab-quvvatlashni yanada kuchaytirish boʻyicha qoʻshimcha chora-tadbirlar toʻgʻrisida

“Keksalarni eʼzozlash yili” Davlat dasturiga muvofiq hamda 100 yoshga toʻlgan va undan oshgan shaxslarga munosib eʼtibor qaratish, shuningdek, pensionerlar, 1941 — 1945-yillardagi urush va mehnat fronti faxriylarini manzilli ijtimoiy himoya qilish va moddiy qoʻllab- quvvatlashni kuchaytirish maqsadida:

Oldingi tahrirga qarang.

1. Yoshi 100 ga toʻlgan va undan oshgan fuqarolar pensiyasiga (nafaqasiga) 2022-yilning 1-martidan boshlab, har oyda pensiyani hisoblashning bazaviy miqdorining 100 foizi miqdorida qoʻshimcha toʻlov toʻlash belgilansin.

Oldingi tahrirga qarang.

Belgilab qoʻyilsinki, 100 yoshga toʻlgan va undan oshgan fuqarolar pensiyasiga (nafaqasiga) har oyda toʻlanadigan qoʻshimcha toʻlov pensiya va nafaqa tayinlangan tashkilot orqali Oʻzbekiston Respublikasining respublika budjeti va Iqtisodiyot va moliya vazirligi huzuridagi budjetdan tashqari Pensiya jamgʻarmasi mablagʻlari hisobidan moliyalashtiriladi.

(1-bandning ikkinchi xatboshisi Oʻzbekiston Respublikasi Prezidentining 2024-yil 14-noyabrdagi PF-185-sonli Farmoni tahririda — Qonunchilik maʼlumotlari milliy bazasi, 21.11.2024-y., 06/24/185/0944-son)

Oldingi tahrirga qarang.

2. 2015-yilning 1-mayidan uy-joy-kommunal xizmatlar haqini toʻlash boʻyicha pensiyani hisoblashning bazaviy miqdorining tabaqalashtirilgan miqdorida har oyda kompensatsiya pul toʻlovlari beriladigan shaxslar imtiyozli toifalarining yangi roʻyxati 1-ilovaga muvofiq tasdiqlansin.

(2-band Oʻzbekiston Respublikasi Prezidentining 2019-yil 13-dekabrdagi PF-5894-son Farmoni tahririda — Qonun hujjatlari maʼlumotlari milliy bazasi, 14.12.2019-y., 06/19/5894/4161-son)

3. Yoshi 75 ga toʻlgan va undan oshgan fuqarolardan ularga tayinlangan pensiya va nafaqalarning hisoblanishi, shuningdek, qonunchilikda koʻzda tutilgan imtiyozlarning qoʻllanilishi toʻgʻriligini tekshirish natijalariga koʻra aniqlangan ortiqcha toʻlangan pensiya va nafaqalar miqdori 2015-yil davomida hisobdan chiqarilsin.

4. 2015-yilning 1-mayidan 2- va 3-ilovalarga muvofiq Oʻzbekiston Respublikasi Prezidentining ayrim farmonlariga tuzatishlar kiritilsin va baʼzi farmonlari oʻz kuchini yoʻqotgan, deb topilsin.

5. Oʻzbekiston Respublikasi Moliya vazirligi manfaatdor vazirlik va idoralar bilan birgalikda bir oy muddatda:

Oʻzbekiston Respublikasi Vazirlar Mahkamasiga qonun hujjatlariga mazkur Farmondan kelib chiqadigan oʻzgartish va qoʻshimchalar kiritish toʻgʻrisida takliflar kiritsin;

idoraviy meʼyoriy-huquqiy hujjatlarni ushbu Farmonga muvofiqlashtirsin.

6. Mazkur Farmonning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2015-yil 14-aprel,

PF-4715-son

Oʻzbekiston Respublikasi Prezidentining 2015-yil 14-apreldagi PF-4715-sonli Farmoniga
1-ILOVA

Uy-joy-kommunal xizmatlar haqini toʻlash boʻyicha har oyda kompensatsiya pul toʻlovlari beriladigan shaxslarning imtiyozli toifalari

ROʻYXATI

Oldingi tahrirga qarang.

T/r	Shaxslar toifalarining roʻyxati	Har oyda beriladigan kompensatsiya pul toʻlovlari miqdori (pensiyani hisoblashning bazaviy miqdoriga nisbatan foizda)
1.	1941 — 1945-yillardagi urush oqibatida nogiron boʻlgan shaxslar va uning qatnashchilari, ularga tenglashtirilgan shaxslardan tashqari	50
2.	1941 — 1945-yillardagi urush oqibatida nogiron boʻlgan shaxslar va uning qatnashchilariga tenglashtirilgan shaxslar	45
4.	Sovet Ittifoqi Qahramonlari, Sotsialistik Mehnat Qahramonlari va “Slava” ordenining uchala darajasi bilan mukofotlangan shaxslar. Fashist konslagerlarining sobiq voyaga yetmagan mahbuslari, Leningrad shahri qamali davrida ishlagan fuqarolar, koʻrish qobiliyati boʻyicha I guruh nogironligi boʻlgan shaxslar, Chernobil halokati oqibatida jabrlangan fuqarolar, yadro poligonlari va boshqa radiatsiya-yadro obyektlarida harbiy xizmatni oʻtagan shaxslar	45
5.	1941 — 1945-yillardagi urushning mehnat fronti qatnashchilari	25

(1-ilova Oʻzbekiston Respublikasi Prezidentining 2023-yil 27-dekabrdagi PF-216-sonli Farmoni tahririda — Qonunchilik maʼlumotlari milliy bazasi, 29.12.2023-y., 06/23/216/1008-son — 2024-yil 1-maydan kuchga kiradi)

Oldingi tahrirga qarang.

(2-ilova Oʻzbekiston Respublikasi Prezidentining 2025-yil 25-noyabrdagi PF-231-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 26.11.2025-y., 06/25/231/1091-son)

Oʻzbekiston Respublikasi Prezidentining 2015-yil 14-apreldagi PF-4715-sonli Farmoniga
3-ILOVA

Oʻzbekiston Respublikasi Prezidentining 2015-yilning 1-mayidan oʻz kuchini yoʻqotgan deb hisoblangan ayrim farmonlarining

ROʻYXATI

Oldingi tahrirga qarang.

(1 — 14-bandlar Oʻzbekiston Respublikasi Prezidentining 2020-yil 27-sentabrdagi PF-6075-sonli Farmoniga asosan oʻz kuchini yoʻqotgan — Qonun hujjatlari maʼlumotlari milliy bazasi, 28.09.2020-y., 06/20/6075/1330-son)

15. Oʻzbekiston Respublikasi Prezidentining “Ish haqi, pensiyalar, stipendiyalar va ijtimoiy nafaqalar miqdorini oshirish toʻgʻrisida” 2011-yil 3-noyabrdagi PF-4377-sonli Farmonining 7-bandi.

(Oʻzbekiston Respublikasi qonun hujjatlari toʻplami, 2015-y., 16-son, 195-modda; Qonun hujjatlari maʼlumotlari milliy bazasi, 14.12.2019-y., 06/19/5894/4161-son; 28.09.2020-y., 06/20/6075/1330-son,30.11.2021-y., 06/21/26/1111-son; Qonunchilik maʼlumotlari milliy bazasi, 28.01.2022-y., 06/22/58/0078-son; 29.12.2023-y., 06/23/216/1008-son; 21.11.2024-y., 06/24/185/0944-son; 26.11.2025-y., 06/25/231/1091-son)