Hujjat kuchini yo‘qotgan " " 13.08.2020
PDF-faylidagi rasmiy manba
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Jismoniy tarbiya va sport vazirligi huzuridagi Jismoniy tarbiya va sportni rivojlantirish jamgʻarmasining valyuta mablagʻlarini jalb etgan holda bolalar sporti uchun mahsulotlar ishlab chiqaruvchi korxonalarni yanada rivojlantirish va modernizatsiya qilish chora-tadbirlari toʻgʻrisida
(qaror nomi Oʻzbekiston Respublikasi Vazirlar Mahkamasining 2018-yil 5-iyuldagi 508-sonli qarori tahririda — Qonun hujjatlari maʼlumotlari milliy bazasi, 09.07.2018-y., 09/18/508/1477-son)
 LexUZ sharhi
Mazkur qaror Oʻzbekiston Respublikasi Vazirlar Mahkamasining 2020-yil 12-avgustdagi 481-sonli “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Jismoniy tarbiya va sport obyektlarini qurish, rekonstruksiya qilish, kapital taʼmirlash va jihozlash ishlarini moliyalashtirish tartibini yanada takomillashtirish chora-tadbirlari toʻgʻrisida” 2019-yil 26-avgustdagi PF-5787-son Farmoni)”gi qaroriga asosan oʻz kuchini yoʻqotgan.
Oʻzbekiston Respublikasida jismoniy tarbiya va sportni yanada rivojlantirish, mahalliy ishlab chiqaruvchi korxonalarning talab yuqori boʻlgan va zamonaviy sifat standartlariga javob beradigan sport kiyim-kechaklari, poyabzali, buyumlari va anjomlarining yangi turlarini ishlab chiqarishni oʻzlashtirishga doir faoliyatini kengaytirish va ragʻbatlantirish maqsadida Vazirlar Mahkamasi qaror qiladi:
(muqaddima Oʻzbekiston Respublikasi Vazirlar Mahkamasining 2018-yil 5-iyuldagi 508-sonli qarori tahririda — Qonun hujjatlari maʼlumotlari milliy bazasi, 09.07.2018-y., 09/18/508/1477-son)
1. Oʻzbekiston Respublikasi Jismoniy tarbiya va sport vazirligi huzuridagi Jismoniy tarbiya va sportni rivojlantirish jamgʻarmasining valyuta mablagʻlarini jalb etgan holda bolalar sporti uchun mahsulotlar ishlab chiqaruvchi korxonalarni yangidan qurish, rekonstruksiya va modernizatsiya qilish boʻyicha amalga oshiriladigan loyihalarni tijorat banklari tomonidan kreditlash tartibi toʻgʻrisidagi nizom ilovaga muvofiq tasdiqlansin.
(1-band Oʻzbekiston Respublikasi Vazirlar Mahkamasining 2018-yil 5-iyuldagi 508-sonli qarori tahririda — Qonun hujjatlari maʼlumotlari milliy bazasi, 09.07.2018-y., 09/18/508/1477-son)
2. Belgilab qoʻyilsinki, Oʻzbekiston Respublikasi Jismoniy tarbiya va sport vazirligi huzuridagi Jismoniy tarbiya va sportni rivojlantirish jamgʻarmasining (keyingi oʻrinlarda Jamgʻarma deb ataladi) valyuta mablagʻlarini jalb etgan holda bolalar sporti uchun mahsulotlar ishlab chiqaruvchi korxonalarni yangidan qurish, rekonstruksiya va modernizatsiya qilish boʻyicha loyihalarni moliyalashtirish:
(2-bandning birinchi xatboshisi Oʻzbekiston Respublikasi Vazirlar Mahkamasining 2018-yil 5-iyuldagi 508-sonli qarori tahririda — Qonun hujjatlari maʼlumotlari milliy bazasi, 09.07.2018-y., 09/18/508/1477-son)
loyiha umumiy qiymatining 40 foizdan ortiq boʻlmagan qismi Jamgʻarmaning valyuta mablagʻlari hisobiga, Oʻzbekiston Respublikasi Tashqi iqtisodiy faoliyat milliy banki, “Oʻzsanoatqurilishbank” aksiyadorlik tijorat banki, “Asaka” davlat aksiyadorlik tijorat banki orqali qayta moliyalashtirish yoʻli bilan kreditlar tarzida;
kamida 60 foizi — tashabbuskorlarning oʻz mablagʻlari va tijorat banklarining kreditlari hisobiga amalga oshiriladi.
3. Oʻzbekiston Respublikasi Jismoniy tarbiya va sport vazirligiga:
(3-bandning birinchi xatboshisi Oʻzbekiston Respublikasi Vazirlar Mahkamasining 2018-yil 5-iyuldagi 508-sonli qarori tahririda — Qonun hujjatlari maʼlumotlari milliy bazasi, 09.07.2018-y., 09/18/508/1477-son)
sport mahsulotlarini ishlab chiqaruvchi korxonalarni yangidan qurish, rekonstruksiya va modernizatsiya qilish, talab yuqori boʻlgan va zamonaviy sifat standartlariga javob beradigan sport kiyim-kechaklari, poyabzali, buyumlari va anjomlarining yangi turlarini ishlab chiqarishni oʻzlashtirish loyihalarini har yili tanlab olsin;
maʼqullangan loyihalarning amalga oshirilishi, ishlab chiqarilayotgan mahsulotlar sifati hamda mahsulotlarning zamonaviy talablarga muvofiqligi yuzasidan nazoratni taʼminlasin, keyinchalik uning natijalari boʻyicha Oʻzbekiston Respublikasi Vazirlar Mahkamasiga axborot taqdim etsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.A. Abduxakimov zimmasiga yuklansin.
(4-band Oʻzbekiston Respublikasi Vazirlar Mahkamasining 2018-yil 5-iyuldagi 508-sonli qarori tahririda — Qonun hujjatlari maʼlumotlari milliy bazasi, 09.07.2018-y., 09/18/508/1477-son)
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2014-yil 5-may,
114-son
Vazirlar Mahkamasining
2014-yil 5-maydagi
114-son qaroriga
ILOVA
Oʻzbekiston Respublikasi Jismoniy tarbiya va sport vazirligi huzuridagi Jismoniy tarbiya va sportni rivojlantirish jamgʻarmasining valyuta mablagʻlarini jalb etgan holda bolalar sporti uchun mahsulotlar ishlab chiqaruvchi korxonalarni yangidan qurish, rekonstruksiya va modernizatsiya qilish boʻyicha amalga oshiriladigan loyihalarni tijorat banklari tomonidan kreditlash tartibi toʻgʻrisida
(ilova nomi Oʻzbekiston Respublikasi Vazirlar Mahkamasining 2018-yil 5-iyuldagi 508-sonli qarori tahririda — Qonun hujjatlari maʼlumotlari milliy bazasi, 09.07.2018-y., 09/18/508/1477-son)
NIZOM
I. Umumiy qoidalar
1. Ushbu Nizom Oʻzbekiston Respublikasi Jismoniy tarbiya va sport vazirligi huzuridagi Jismoniy tarbiya va sportni rivojlantirish jamgʻarmasi (keyingi oʻrinlarda Jamgʻarma deb ataladi) valyuta mablagʻlarini jalb etgan holda bolalar sporti uchun mahsulotlar ishlab chiqaruvchi korxonalarni yangidan qurish, rekonstruksiya va modernizatsiya qilish boʻyicha amalga oshiriladigan loyihalarni tijorat banklari tomonidan kreditlash tartibini belgilaydi.
(1-band Oʻzbekiston Respublikasi Vazirlar Mahkamasining 2018-yil 5-iyuldagi 508-sonli qarori tahririda — Qonun hujjatlari maʼlumotlari milliy bazasi, 09.07.2018-y., 09/18/508/1477-son)
2. Bolalar sporti uchun mahsulotlar ishlab chiqaruvchi korxonalarni yangidan qurish, rekonstruksiya va modernizatsiya qilish boʻyicha loyihalarni Jamgʻarmaning valyuta mablagʻlari hisobiga kreditlash “Oʻzsanoatqurilishbank” aksiyadorlik-tijorat banki, “Asaka” davlat-aksiyadorlik tijorat banki, Oʻzbekiston Respublikasi Tashqi iqtisodiy faoliyat milliy banki (keyingi oʻrinlarda vakolatli banklar deb ataladi) orqali qayta moliyalashtirish yoʻli bilan amalga oshiriladi.
3. Ushbu Nizomda quyidagi atamalardan foydalaniladi:
Jamgʻarmaning kredit liniyasi — bolalar sporti uchun mahsulotlar ishlab chiqaruvchi korxonalarni yangidan qurish, rekonstruksiya va modernizatsiya qilish boʻyicha loyihalarini moliyalashtirish uchun Jamgʻarmaning valyuta mablagʻlari hisobiga vakolatli banklar tomonidan ajratiladigan maqsadli mablagʻlar;
qarz oluvchilar — Oʻzbekiston Respublikasi rezidentlari hisoblanadigan, bolalar sporti uchun sport buyumlari, uskunalari va anjomlari ishlab chiqaruvchi yuridik shaxslar;
kredit — vakolatli banklarning milliy valyutada qaytarish sharti bilan Jamgʻarmaning kredit liniyasi valyuta mablagʻlari hisobiga ajratiladigan uzoq muddatli kreditlari.
II. Jamgʻarmaning kredit liniyasi mablagʻlari hisobiga kreditlar berish shartlari
4. Jamgʻarmaning kredit liniyasi hisobiga qarz oluvchilarga kreditlar faqat bolalar sporti uchun mahsulotlar ishlab chiqaruvchi korxonalarni yangidan qurish, rekonstruksiya va modernizatsiya qilish boʻyicha loyihalarni moliyalashtirishga beriladi.
5. Jamgʻarmaning valyuta mablagʻlarini jalb etgan holda bolalar sporti uchun mahsulotlar ishlab chiqaruvchi korxonalarni yangidan qurish, rekonstruksiya va modernizatsiya qilish boʻyicha loyihalarni moliyalashtirish:
loyiha umumiy qiymatining 40 foizdan ortiq boʻlmagan qismi Jamgʻarmaning valyuta mablagʻlari hisobiga, vakolatli banklar orqali qayta moliyalashtirish yoʻli bilan kreditlar tarzida;
kamida 60 foizi — tashabbuskorlarning oʻz mablagʻlari va tijorat banklarining kreditlari hisobiga amalga oshiriladi.
6. Qarz oluvchilarga kredit berish kreditni qaytarish muddatini uzaytirish huquqisiz, 2 yilgacha boʻlgan imtiyozli davr bilan, 7 yildan koʻp boʻlmagan muddatga amalga oshiriladi.
Jamgʻarmaning valyuta kredit liniyasi hisobiga kreditdan foydalanish uchun foiz stavkasi, vakolatli bankning 0,5 foiz miqdoridagi marjasini qoʻshgan holda, 2,5 foizdan 4,5 foizgacha yillik foiz miqdorida belgilanadi.
Bunda foiz stavkasi quyidagi mezonlardan kelib chiqqan holda belgilanadi:
loyihani amalga oshirish hisobiga ishlab chiqarilishi moʻljallanayotgan mahsulotning aniq turiga boʻlgan talab va ehtiyojning hajmi;
qarz oluvchining oxirgi 3 yildagi rentabellik darajasi;
loyihaning oʻz xarajatlarini oʻzi qoplovchanligi va boshqalar.
Vakolatli banklar tomonidan, Jamgʻarmaning hamda Oʻzbekiston Respublikasi Jismoniy tarbiya va sport vazirligi (keyingi oʻrinlarda Vazirlik deb ataladi)ning loyihani amalga oshirish hisobiga ishlab chiqarilishi moʻljallanayotgan mahsulotlarga ehtiyojning mavjudligi toʻgʻrisidagi xulosalarini hisobga olgan holda, besh ish kun mobaynida loyihaning kompleks moliyaviy-iqtisodiy ekspertizasi oʻtkaziladi.
(6-bandning yettinchi xatboshisi Oʻzbekiston Respublikasi Vazirlar Mahkamasining 2018-yil 5-iyuldagi 508-sonli qarori tahririda — Qonun hujjatlari maʼlumotlari milliy bazasi, 09.07.2018-y., 09/18/508/1477-son)
7. Jamgʻarmaning kredit liniyasi hisobiga kreditlar faqat Vazirlikning ijobiy tavsiyasi hamda vakolatli bank krediti qoʻmitaning (yoki bank boshqaruvi tegishli vakolatli organining) ushbu Nizomning 4-bandida koʻrsatilgan maqsadlar uchun belgilangan tartibda rasmiylashtirilgan qarori mavjud boʻlgan taqdirdagina ajratiladi.
(7-band Oʻzbekiston Respublikasi Vazirlar Mahkamasining 2018-yil 5-iyuldagi 508-sonli qarori tahririda — Qonun hujjatlari maʼlumotlari milliy bazasi, 09.07.2018-y., 09/18/508/1477-son)
8. Jamgʻarmaning kredit liniyasi hisobiga kreditlar qaytariluvchanlik, toʻlovlilik, taʼminlanganlik, muddatlilik va maqsadli foydalanish tamoyillari boʻyicha beriladi.
III. Bolalar sporti uchun mahsulotlar ishlab chiqaruvchi korxonalarni yangidan qurish, rekonstruksiya va modernizatsiya qilish loyihalarini koʻrib chiqish
9. Bolalar sporti uchun mahsulotlar ishlab chiqaruvchi korxonalarni yangidan qurish, rekonstruksiya va modernizatsiya qilish loyihalarini moliyalashtirish uchun Jamgʻarmaning kredit liniyasi hisobiga kreditlar ajratish ushbu Nizomga ilovaga muvofiq sxema boʻyicha amalga oshiriladi.
10. Bolalar sporti uchun mahsulotlar ishlab chiqaruvchi korxonalarni yangidan qurish, rekonstruksiya va modernizatsiya qilish loyihalari boʻyicha tavsiyalar olish uchun qarz oluvchilar Vazirlikka yozma ariza bilan murojaat qiladilar, arizaga quyidagi maʼlumotlar mavjud boʻlgan zarur hujjatlar ilova qilinadi:
(10-bandning birinchi xatboshisi Oʻzbekiston Respublikasi Vazirlar Mahkamasining 2018-yil 5-iyuldagi 508-sonli qarori tahririda — Qonun hujjatlari maʼlumotlari milliy bazasi, 09.07.2018-y., 09/18/508/1477-son)
kredit olinishi zarur boʻlgan maqsad, uning summasi va muddati;
loyihaning (biznes-rejaning) texnik-iqtisodiy asoslanishi, oʻz xarajatlarini oʻzi qoplashi shartlari, loyihani amalga oshirish hisobiga bolalar sporti uchun ishlab chiqarilishi moʻljallanayotgan sport buyumlari, uskunalari va anjomlarining turlari;
xarid qilinadigan asbob-uskunalarning tavsifi, kredit hisobiga xarid qilinishi moʻljallanayotgan uskunalardan foydalanishdan kutilayotgan iqtisodiy samara;
kreditdan foydalanish va uni qaytarish muddatining hisob-kitobi;
kreditni qaytarish manbalari.
Zarur hollarda, Vazirlik tomonidan, unga yuklangan vazifalardan kelib chiqqan holda, qarz oluvchilardan, loyihalarning parametrlariga, jalb etilgan kreditdan maqsadli foydalanishga, uni qaytarishga va import qilinayotgan tovarlar va uskunalarning samaradorligiga taalluqli boʻlgan qoʻshimcha maʼlumotlar talab qilinishi mumkin.
(10-bandning yettinchi xatboshisi Oʻzbekiston Respublikasi Vazirlar Mahkamasining 2018-yil 5-iyuldagi 508-sonli qarori tahririda — Qonun hujjatlari maʼlumotlari milliy bazasi, 09.07.2018-y., 09/18/508/1477-son)
Oldingi tahrirga qarang.
(10-bandning sakkizinchi xatboshisi Oʻzbekiston Respublikasi Vazirlar Mahkamasining 2018-yil 5-iyuldagi 508-sonli qaroriga asosan chiqarilgan — Qonun hujjatlari maʼlumotlari milliy bazasi, 09.07.2018-y., 09/18/508/1477-son)
11. Hujjatlar Jamgʻarmaga qarz oluvchi tomonidan bevosita taqdim etiladi yoxud ularning olinganligi toʻgʻrisidagi xabarnoma bilan pochta aloqa vositasi orqali yetkaziladi.
Hujjatlar Jamgʻarmaning masʼul shaxsi tomonidan roʻyxat boʻyicha qabul qilinadi, roʻyxatning nusxasi hujjatlar qabul qilib olingan sana koʻrsatilgan holda ariza beruvchiga taqdim etiladi (yuboriladi).
12. Vazirlik murojaatni qarz oluvchidan ushbu Nizomning 10-bandida koʻrsatilgan hujjatlar olingandan keyin besh ish kuni mobaynida koʻrib chiqadi.
(12-band Oʻzbekiston Respublikasi Vazirlar Mahkamasining 2018-yil 5-iyuldagi 508-sonli qarori tahririda — Qonun hujjatlari maʼlumotlari milliy bazasi, 09.07.2018-y., 09/18/508/1477-son)
13. Qarz oluvchilarning hujjatlarini koʻrib chiqish natijalari boʻyicha Vazirlik tomonidan Jamgʻarmaning valyuta mablagʻlari hisobiga moliyalashtirish uchun loyihani tavsiya etish yoki moliyalashtirishni rad etish toʻgʻrisida qaror qabul qilinadi, qaror tegishli protokol shaklida rasmiylashtiriladi.
Jamgʻarma Vazirlik protokoli imzolangan kundan boshlab ikki kun muddatda qarz oluvchini va tegishli vakolatli bankni qabul qilingan qaror toʻgʻrisida xabardor qiladi.
Vazirlik majlislari zaruriyatga koʻra, lekin har chorakda kamida bir marta oʻtkaziladi.
(13-band Oʻzbekiston Respublikasi Vazirlar Mahkamasining 2018-yil 5-iyuldagi 508-sonli qarori tahririda — Qonun hujjatlari maʼlumotlari milliy bazasi, 09.07.2018-y., 09/18/508/1477-son)
IV. Kreditlarni vakolatli banklar tomonidan rasmiylashtirish tartibi
14. Qarz oluvchi Vazirlikning tavsiyasi bilan birga, tegishli protokol asosida kredit mablagʻlari olish uchun vakolatli banklarga quyidagi hujjatlarni (kredit paketini) taqdim etgan holda murojaat qiladi:
(14-bandning birinchi xatboshisi Oʻzbekiston Respublikasi Vazirlar Mahkamasining 2018-yil 5-iyuldagi 508-sonli qarori tahririda — Qonun hujjatlari maʼlumotlari milliy bazasi, 09.07.2018-y., 09/18/508/1477-son)
kredit olishga buyurtmanoma;
qarz oluvchining taʼsis hujjatlari nusxasi;
(14-bandning uchinchi xatboshisi Oʻzbekiston Respublikasi Vazirlar Mahkamasining 2017-yil 20-dekabrdagi 1001-sonli qarori tahririda — Qonun hujjatlari maʼlumotlari milliy bazasi, 23.12.2017-y., 10/17/1001/0447-son)
bank hisob raqamlariga pul tushumlari prognozi majburiy tartibda koʻrsatilgan holda loyihaning (biznes-rejaning) texnik-iqtisodiy asoslanishi. Bunda qarz oluvchilar tomonidan kredit mablagʻlarini jalb etgan holda amalga oshiriladigan bolalar sporti uchun mahsulotlar ishlab chiqaruvchi korxonalarni yangidan qurish, rekonstruksiya va modernizatsiya qilish uchun loyihalar va shartlar hamda boshqa zarur axborotlar taqdim etiladi;
potensial qarz oluvchining roʻyxatdan oʻtkazilgan joyidagi davlat soliq inspeksiyasining balansga qabul qilganlik toʻgʻrisidagi belgisi qoʻyilgan oxirgi hisobot sanasi uchun buxgalteriya balansi (1-shakl), shuningdek 90 kundan koʻp boʻlgan muddat uchun qarzdorlikni taqqoslash dalolatnomalari, hisobot sanasi uchun moliyaviy natijalar toʻgʻrisidagi hisobot (2-shakl);
ushbu Nizomning 16-bandida koʻrsatilgan kreditni taʼminlashning bir necha turidan bittasi taqdim etilgani toʻgʻrisidagi hujjat.
Vakolatli banklar, kredit siyosatidan kelib chiqqan holda, qarz oluvchidan vakolatli bank tomonidan kreditlar ajratishga bevosita taalluqli boʻlgan boshqa zarur hujjatlarning qoʻshimcha ravishda taqdim etilishini talab qilish huquqiga ega.
Qarz oluvchi vakolatli bankka taqdim etilayotgan hujjatlar va maʼlumotlarning haqiqiyligi va ishonchliligi, biznes-rejada koʻrsatilgan loyihalarni amalga oshirish parametrlariga muvofiqligi yuzasidan javob beradi.
15. Vakolatli banklar tomonidan kreditlar berishda arizalarni elektron tizim orqali qabul qilish uchun dasturiy taʼminot tizimi joriy etilishi mumkin.
16. Olingan kreditning qaytarilmasligi xavfining oldini olish maqsadida qarz oluvchi olingan kreditning taʼminlanishiga qodir boʻlishi kerak. Qarz oluvchi kreditni taʼminlashning quyidagi turlaridan bittasini yoki bir nechtasini bankka taqdim etishi mumkin:
garov mulki;
bankning yoki sugʻurta tashkilotining kafolati;
uchinchi shaxslarning kafilligi;
qarz oluvchi tomonidan olingan kredit toʻlanmagan taqdirda bank foydasiga xavf sugʻurta qilinganligi toʻgʻrisida sugʻurta kompaniyasining sugʻurta polisi;
qonun hujjatlariga muvofiq boshqa taʼminlash turlari.
17. Kredit mablagʻlari hisobiga sotib olingan uskunalar ham ular qiymatining 80 foizga teng miqdorda garov predmeti boʻlishi mumkin.
V. Vakolatli banklarda Jamgʻarma kredit liniyalarini ochish tartibi
18. Jamgʻarma kredit liniyasini ochish uchun Jamgʻarma bilan vakolatli bank oʻrtasida bosh bitim tuziladi. Bosh bitim kredit berish toʻgʻrisida vakolatli bank tomonidan ijobiy qaror qabul qilingandan keyin ikki ish kuni mobaynida tuziladi.
19. Bosh bitimda Jamgʻarmaning ochiladigan kredit liniyasi tomonidan xizmat koʻrsatishning asosiy shartlari, shu jumladan oʻzaro majburiyatlar, loyihaning oʻz xarajatlarini oʻzi qoplashi, imtiyozli davr berishning shartlari, bank marjasi miqdori va boshqalar hisobga olingan holdagi kreditlash muddatlari belgilanadi.
20. Jamgʻarma tomonidan Jamgʻarmaning kredit liniyalarini ochishga vakolatli banklar bilan bir yoki bir necha bosh bitimlar tuzilishi mumkin.
21. Bosh bitim tuzilgandan keyin Jamgʻarma va vakolatli bank oʻrtasida Jamgʻarma kredit liniyasi ochish toʻgʻrisida kredit shartnomasi tuziladi. Unda quyidagi asosiy shartlar mavjud boʻlishi kerak:
Jamgʻarma kredit liniyasining mablagʻlari miqdori;
vakolatli bank marjasi chegirilgan holda foiz stavkasining miqdori;
Jamgʻarma kredit liniyasi mablagʻlaridan foydalanishning maqsadi;
Jamgʻarma kredit liniyasi mablagʻlaridan vakolatli bank tomonidan maqsadli foydalanilishi yuzasidan nazoratni amalga oshirish tartibi;
Jamgʻarma kredit liniyasining amal qilish muddati;
Jamgʻarma kredit liniyasi mablagʻlarini vakolatli bank tomonidan qaytarish muddatlari va shartlari.
22. Jamgʻarma kredit liniyasini ochish toʻgʻrisidagi kredit shartnomasi imzolangandan keyin Vazirlikning ijobiy tavsiyasi, shuningdek vakolatli bank kredit qoʻmitasining tegishli xulosasi asosida tegishli summa kredit shartnomasi kuchga kirgan kundan boshlab uch ish kuni mobaynida vakolatli bankning vakillik hisob raqamiga oʻtkaziladi.
(22-band Oʻzbekiston Respublikasi Vazirlar Mahkamasining 2018-yil 5-iyuldagi 508-sonli qarori tahririda — Qonun hujjatlari maʼlumotlari milliy bazasi, 09.07.2018-y., 09/18/508/1477-son)
23. Jamgʻarma kredit liniyasi hisobiga ajratilgan kredit mablagʻlari hisobi 22005-“Budjetdan tashqari jamgʻarmalarga toʻlash uchun uzoq muddatli kreditlar” balans hisob raqamida yuritiladi.
24. Kredit shartnomasining amal qilish muddati tugagach vakolatli bank Jamgʻarma kredit liniyasi mablagʻlarini milliy valyutada, toʻlov kunidagi Oʻzbekiston Respublikasi Markaziy banki kursi boʻyicha, ularning qarz oluvchilar tomonidan amalda qaytarilishidan qatʼi nazar, kredit shartnomasida nazarda tutilgan muddatlarda Jamgʻarmaning maxsus gʻaznachilik shaxsiy hisob raqamiga oʻtkazilgan foizlarni hisobga olgan holda qaytaradi.
VI. Kreditlarni rasmiylashtirish va berish
25. Vakolatli bank qarz oluvchidan ushbu Nizomning 14-bandida koʻrsatilgan hujjatlar olingandan keyin oʻn ish kuni mobaynida (kichik tadbirkorlik subyektlari uchun — uch bank kuni mobaynida) kredit berish yoki kredit berishni rad etish toʻgʻrisida yozma tarzda asosli qaror chiqaradi.
Vazirlikning ijobiy tavsiyasi mavjud boʻlgan taqdirda vakolatli bank tomonidan qarz oluvchiga kredit berishni rad etish toʻgʻrisida qaror qabul qilinganda vakolatli bank Vazirlikning tegishli xulosasini kredit ajratishni rad etishning asoslangan sabablarini asoslagan holda yuboradi.
(25-bandning ikkinchi xatboshisi Oʻzbekiston Respublikasi Vazirlar Mahkamasining 2018-yil 5-iyuldagi 508-sonli qarori tahririda — Qonun hujjatlari maʼlumotlari milliy bazasi, 09.07.2018-y., 09/18/508/1477-son)
26. Vakolatli bank kredit qoʻmitasining (yoki bank boshqaruvi tegishli vakolatli organining) qarori Jamgʻarma kredit liniyasi hisobiga kredit berish yoki kredit berishni rad etish toʻgʻrisida qaror qabul qilish uchun asos hisoblanadi.
27. Qarz oluvchining vakolatli bank tomonidan kreditlar ajratish uchun arizasini koʻrib chiqishda quyidagi koʻrsatkichlar tahlil qilinadi:
qarz oluvchining moliyaviy holati va kredit olishga qodirligining bahosi;
qarz oluvchi tomonidan taqdim etilgan maʼlumotlarning ishonchliligi va bir-biriga muvofiqligi;
qarz oluvchida qabul qilingan majburiyatlarini oʻz vaqtida bajarishi uchun imkoniyatlarning mavjudligi.
28. Jamgʻarma kredit liniyasi hisobiga kredit berish toʻgʻrisida qabul qilingan qaror asosida vakolatli bank bilan qarz oluvchi oʻrtasida qarz oluvchiga kredit berish toʻgʻrisidagi kredit shartnomasi uch ish kuni mobaynida rasmiylashtiriladi.
Vakolatli banklar kredit shartnomasida koʻrsatilgan mablagʻlar summasini, Jamgʻarma kredit liniyasi boʻyicha vakolatli bankning vakillik hisob raqamiga mablagʻlar tushishini hisobga olgan holda, kredit shartnomasi kuchga kirgan kundan boshlab besh ish kuni mobaynida qarz oluvchining depozit hisob raqamlariga oʻtkazadi.
29. Vakolatli bank bilan qarz oluvchi oʻrtasida kredit shartnomasi imzolangandan keyin kredit boʻlimining masʼul xodimi bank buxgalteriyasiga kreditning muddatini va foiz stavkasini koʻrsatgan holda maxsus hisob raqami ochish toʻgʻrisidagi qarorni taqdim etadi. Bunda qarz oluvchiga kredit berish maʼqullangan vaqtdan boshlab kredit kartochkasi ochiladi.
30. Qarz oluvchilar vakolatli banklar bilan tuzilgan kredit shartnomasiga binoan asosiy qarzni va ular boʻyicha hisoblangan foizlarni milliy valyutada, kreditni toʻlash kunidagi Oʻzbekiston Respublikasi Markaziy banki kursi boʻyicha toʻlaydilar.
31. Jamgʻarmadan mablagʻlar tushgandan keyin Jamgʻarma kredit liniyasi hisobiga kreditlar berish qarz oluvchilarning roʻyxatiga muvofiq navbatga qatʼiy rioya etgan tartibda amalga oshiriladi.
32. Kredit mablagʻlari mijozlarga qarz oluvchining xorijiy valyutadagi depozit hisob raqamlari ochilgan vakolatli banklar tomonidan beriladi.
Kreditlarni berish alohida ssuda hisob raqami ochish hamda bolalar sporti uchun mahsulotlar ishlab chiqaruvchi korxonalarni yangidan qurish, rekonstruksiya va modernizatsiya qilish loyihalarini amalga oshirishga xarajatlarni ushbu hisob raqamidan, qarz oluvchining toʻlov topshiriqnomalari asosida, naqd pul shaklida toʻlash yoʻli bilan amalga oshiriladi.
33. Ajratilgan kreditlar boʻyicha muddatli majburiyatlar rasmiylashtiriladi va tegishli balans hisob raqamlarida mablagʻlar hisobi amalga oshiriladi.
34. Kreditni qaytarish muddatlari boshlangan davrda talab qilib olinadigan asosiy depozit raqamida kreditni qaytarish uchun mablagʻlar mavjud boʻlmagan taqdirda ushbu kreditlar toʻlov muddati oʻtgan kreditlar hisob raqamiga oʻtkaziladi va toʻlov rasmiylashtirilgan muddatli majburiyatlar boʻyicha qonunchilikka muvofiq amalga oshiriladi.
VII. Nazorat va monitoringni amalga oshirish
35. Jamgʻarma kredit liniyasidan maqsadli foydalanilishini nazorat qilish maqsadida Jamgʻarma quyidagilarga haqlidir:
bolalar sporti uchun mahsulotlar ishlab chiqaruvchi korxonalarni yangidan qurish, rekonstruksiya va modernizatsiya qilish loyihalarini amalga oshirish uchun qarz oluvchilarga berilgan kreditlar boʻyicha vakolatli bank hujjatlarini oʻrganish;
vakolatli bank vakillari bilan birgalikda loyihaning amalga oshirilishi holatini joyiga borgan holda tekshirish.
Valyuta kredit liniyasining ajratilgan mablagʻlaridan vakolatli bank tomonidan maqsadli foydalanilmaganligi holatlari Jamgʻarma tomonidan aniqlangan taqdirda Jamgʻarma vakolatli bankdan Jamgʻarma kredit liniyasining maqsadli foydalanilmagan qismini muddatidan oldin toʻlashni talab qilishga va kredit shartnomasida nazarda tutilgan javobgarlik chorasini qoʻllashga haqlidir.
Vakolatli bank Jamgʻarma talablarini vakolatli bank bilan Jamgʻarma oʻrtasida tuzilgan kredit shartnomasida belgilangan shartlarga muvofiq bajarishi shart.
36. Vakolatli banklar har chorakda Jamgʻarma kredit liniyalari mablagʻlarining oʻzlashtirilishi toʻgʻrisidagi axborotni, unga qarz oluvchilar roʻyxatini ilova qilgan holda Jamgʻarmaga taqdim etadilar. Jamgʻarma va vakolatli bank tomonidan taqdim etilgan maʼlumotlar asosida har chorakda Jamgʻarma kredit liniyasi mablagʻlaridan foydalanish toʻgʻrisida oʻzaro taqqoslash dalolatnomasi tuziladi.
37. Vakolatli bank Jamgʻarma bilan birgalikda Jamgʻarma kredit liniyasi mablagʻlarining oʻzlashtirilishi va maqsadli foydalanilishi yuzasidan kreditdan foydalanishning butun muddati davomida doimiy monitoringni amalga oshiradi.
38. Monitoringni olib borish davomida quyidagilar amalga oshiriladi:
qarz oluvchining moliya-xoʻjalik faoliyatini tahlil qilish, mahsulotlar, texnologik uskunalar yetkazib berish, ishlab chiqarish hajmlari, noishlab chiqarish xarajatlarining tarkiblari, foyda, aylanma mablagʻlar dinamikasi boʻyicha shartnoma majburiyatlarini bajarishning holati, tovar-moddiy boyliklar zaxiralarining holatini va loyihani amalga oshirish doirasida boshqa zarur omillarni oʻrganish;
qarz oluvchining kreditni toʻlashga qodirligini muntazam tahlil qilish. Bunda vakolatli bankka taqdim etilgan garov predmetining holatini, shuningdek kredit mablagʻlaridan samarali va maqsadli foydalanilishini joyiga borgan holda oʻrganish.
Monitoring natijalari qarz oluvchining vakolatli bankda ochilgan kredit yigʻmajildida tizimlashtirib boriladi.
39. Berilgan kreditdan maqsadli foydalanilmaganligi holatlari aniqlangan taqdirda vakolatli bank kreditlashni rad etishga va qarz oluvchidan, xorijiy valyutada hisoblangan foizlarni hisobga olgan holda, kredit summasini muddatidan oldin toʻlashni talab qilishga, shuningdek kredit shartnomasida nazarda tutilgan moliyaviy va boshqa javobgarlik choralarini qoʻllashga haqlidir.
Bolalar sporti uchun mahsulotlar ishlab chiqaruvchi korxonalarni yangidan qurish, rekonstruksiya va modernizatsiya qilish boʻyicha loyihalarni tijorat banklari tomonidan kreditlash tartibi toʻgʻrisidagi nizomga
ILOVA
Bolalar sporti uchun mahsulotlar ishlab chiqaruvchi korxonalarni yangidan qurish, rekonstruksiya va modernizatsiya qilish boʻyicha loyihalarni moliyalashtirish uchun Jamgʻarmaning kredit liniyasi hisobiga kreditlar ajratish
SXEMASI
(ilova Oʻzbekiston Respublikasi Vazirlar Mahkamasining 2018-yil 5-iyuldagi 508-sonli qarori tahririda — Qonun hujjatlari maʼlumotlari milliy bazasi, 09.07.2018-y., 09/18/508/1477-son)
(Oʻzbekiston Respublikasi qonun hujjatlari toʻplami, 2014-y., 19-son, 213-modda; 2017-y., 20-son, 367-modda; Qonun hujjatlari maʼlumotlari milliy bazasi, 23.12.2017-y., 10/17/1001/0447-son, 09.07.2018-y., 09/18/508/1477-son)