PDF-faylidagi rasmiy manba
O‘zbekiston Respublikasi Prezidentining
Qarori
Mobil aloqa milliy operatori faoliyatini tashkil etish chora-tadbirlari to‘g‘risida
Uyali aloqa bozorida milliy kompaniyalarning keng ishtiroki uchun zarur sharoitlarni yaratish hamda mamlakatning ko‘chma uyali aloqa tarmoqlarini yanada rivojlantirish, shuningdek axborot xavfsizligini ta’minlash maqsadida:
1. O‘zbekiston Respublikasi aloqa, axborot va telekommunikatsiya texnologiyalari davlat qo‘mitasi, Iqtisodiyot vazirligi, Moliya vazirligining “O‘zbektelekom” aksiyadorlik kompaniyasining “O‘zmobayl” filiali negizida mobil aloqa milliy operatorini tashkil etish to‘g‘risidagi taklifi ma’qullansin.
2. Quyidagilar, mobil aloqa milliy operatorining asosiy vazifalari va yo‘nalishlari etib belgilansin:
ko‘chma radiotelefon (uyali) aloqa tarmoqlari, shaharlararo va xalqaro tarmoqlar hamda ma’lumotlar uzatish tarmoqlarini loyihalash, qurish, foydalanish va telekommunikatsiya xizmatlarini ko‘rsatish, shu jumladan uzoq tumanlarda;
respublikaning barcha hududlarida yuqori tezlikda ma’lumotlarni uzatishning eng zamonaviy texnologiyalarini joriy etish, jumladan shu orqali butun jahon Internet axborot tizimiga ulanish, mobil televideniye, elektron to‘lovlar va kommersiya xizmatlarini ko‘rsatish;
axborot xavfsizligi talablarini hisobga olgan holda ko‘chma radiotelefon (uyali) aloqa tarmoqlarining ishonchli va barqaror faoliyat yuritishini ta’minlash.
3. “O‘zbektelekom” aksiyadorlik kompaniyasining “O‘zmobayl” mobil aloqa milliy operatori tarmog‘ini tashkil etish bo‘yicha chora-tadbirlarni amalga oshirish jadvali 1-ilovaga muvofiq tasdiqlansin.
4. “O‘zbektelekom” aksiyadorlik kompaniyasining “O‘zmobayl” mobil aloqa milliy operatori tarmog‘ini tashkil etish va foydalanishga topshirish ishlarini muvofiqlashtirish bo‘yicha ishchi guruhi 2-ilovaga muvofiq tarkibda tashkil etilsin, unga loyiha va qurilish-montaj ishlarini bajarish, maqbul texnologiya va uskunalarni tanlab olish ishlarini tashkillashtirish, uskunalarni yetkazib berish va obyektlarni o‘z vaqtida foydalanishga topshirish bo‘yicha monitoringni amalga oshirish vazifalari yuklatilsin.
5. “O‘zbektelekom” aksiyadorlik kompaniyasining “O‘zmobayl” mobil aloqa milliy operatori tarmog‘ini tashkil etish bo‘yicha loyihani moliyalash manbalari etib quyidagilar belgilansin:
baza stansiyalari, telekommunikatsiya uskunalari va dastur ta’minotini xarid qilish uchun xarajatlar qismiga oid - xorijiy banklar va moliya institutlarining jalb etiladigan uzoq muddatli imtiyozli kreditlari, shuningdek uskunalarni yetkazib beruvchilarning tovar kreditlari;
qurilish-montaj va ishga tushirish, sozlash ishlari uchun amalga oshiriladigan xarajatlar qismiga oid — O‘zbekiston Respublikasi tijorat banklarining milliy valyutadagi kreditlari hamda “O‘zbektelekom” aksiyadorlik kompaniyasining o‘z mablag‘lari.
6. Quyidagilarga istisno tariqasida ruxsat berilsin:
Oldingi tahrirga qarang.
O‘zbekiston Respublikasi Axborot texnologiyalari va kommunikatsiyalarini rivojlantirish vazirligi Tashqi iqtisodiy aloqalar, investitsiyalar va savdo vazirligi bilan birgalikda Tashqi iqtisodiy aloqalar, investitsiyalar va savdo vazirligida shartnomalarni ekspertiza qilishni olib borgan holda telekommunikatsiya uskunalarini yetkazib berishga yetakchi jahon ishlab chiqaruvchilarini konkurs asosida tanlab olishni amalga oshirishga:
(3-bandning ikkinchi xatboshisi O‘zbekiston Respublikasi Prezidentining 2016-yil 31-dekabrdagi PF-4910-sonli Farmoni tahririda — O‘zbekiston Respublikasi qonun hujjatlari to‘plami, 2017-y., 2-son, 25-modda, 13-son, 202-modda)
“O‘zbektelekom” aksiyadorlik kompaniyasining “O‘zmobayl” mobil aloqa milliy operatori tomonidan loyiha va pudratchi tashkilotlarni tender savdolarini o‘tkazmasdan konkurs orqali tanlash asosida qurilish- montaj ishlarini loyihalash bilan parallel ravishda amalga oshirishga;
“O‘zbektelekom” aksiyadorlik kompaniyasining “O‘zmobayl” mobil aloqa milliy operatori tomonidan tarmoqni yaratish davrida radioelektron vositalar va yuqori chastotali moslamalardan foydalanishga ruxsatnomalar olish hamda uskunalarni foydalanishga topshirishni qabul qilish dalolatnomalarini rasmiylashtirish bilan parallel ravishda ko‘chma uyali aloqa xizmatlarini ko‘rsatishga.
7. O‘zbekiston Respublikasi Tashqi iqtisodiy aloqalar, investitsiyalar va savdo vazirligi, Aloqa, axborotlashtirish va telekommunikatsiya texnologiyalari davlat qo‘mitasi, Moliya vazirligi 2014-yilning 1-mayiga qadar “O‘zbektelekom” AK “O‘zmobayl” mobil aloqa milliy operatori tarmog‘ini tashkil etish uchun uzoq muddatli imtiyozli kreditlarni jalb etish bo‘yicha xorijiy moliya institutlari bilan bitimga erishishni ta’minlasin.
Oldingi tahrirga qarang.
8. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari O‘zbekiston Respublikasi Axborot texnologiyalari va kommunikatsiyalarini rivojlantirish vazirligining talabnomasiga asosan zarur hollarda “O‘zbektelekom” aksiyadorlik kompaniyasining “O‘zmobayl” mobil aloqa milliy operatoriga antenna machtalari va texnologik uskunalarni montaj qilish uchun binolar qurish maqsadida doimiy foydalanish huquqi bilan yer uchastkalari o‘z vaqtida ajratilishini ta’minlasin.
(8-band O‘zbekiston Respublikasi Prezidentining 2016-yil 31-dekabrdagi PF-4910-sonli Farmoni tahririda — O‘zbekiston Respublikasi qonun hujjatlari to‘plami, 2017-y., 2-son, 25-modda, 13-son, 202-modda)
9. “O‘zbektelekom” aksiyadorlik kompaniyasi O‘zbekiston Respublikasi Vazirlar Mahkamasi tomonidan tasdiqlanadigan ro‘yxatlar asosida “O‘zbektelekom” aksiyadorlik kompaniyasining “O‘zmobayl” mobil aloqa milliy operatorining ehtiyojlari uchun olib kiriladigan texnologik uskunalari bo‘yicha 2018-yilning 1-yanvariga qadar boj to‘lovlari to‘lashdan (bojxona yig‘imlaridan tashqari) ozod etilsin.
10. O‘zbekiston Respublikasi Vazirlar Mahkamasi (Sh.M. Mirziyoyev) Aloqa, axborotlashtirish va telekommunikatsiya texnologiyalari davlat qo‘mitasi, Radiochastotalar bo‘yicha respublika kengashi bilan birgalikda “O‘zmobayl” mobil aloqa milliy operatorini ko‘chma radiotelefon (uyali) aloqa tarmoqlarini loyihalash, qurish, ulardan foydalanish va xizmat ko‘rsatish bo‘yicha faoliyatni amalga oshirish huquqini beradigan litsenziya olish uchun davlat boji to‘lashdan, shuningdek radiochastota spektridan foydalanish to‘lovini to‘lashdan, bunda bo‘shagan mablag‘larni tarmoqni rivojlantirishga maqsadli yo‘naltirilish sharti bilan, 5 yil muddatga ozod qilishni nazarda tutadigan qarorni ko‘rib chiqib, qabul qilsin.
11. O‘zbekiston Respublikasi Aloqa, axborotlashtirish va telekommunikatsiya texnologiyalari davlat qo‘mitasi Adliya vazirligi va boshqa manfaatdor vazirlik va idoralar bilan birgalikda bir oy muddatda:
qonun hujjatlariga ushbu qarordan kelib chiqadigan o‘zgartish va qo‘shimchalar to‘g‘risida O‘zbekiston Respublikasi Vazirlar Mahkamasiga takliflar kiritsin;
idoraviy me’yoriy-huquqiy hujjatlarni belgilangan tartibda ushbu qarorga muvofiqlashtirsin.
12. Mazkur qarorning ijrosini nazorat qilish O‘zbekiston Respublikasining Bosh vaziri Sh.M. Mirziyoyev zimmasiga yuklansin.
O‘zbekiston Respublikasi Prezidenti I. KARIMOV
Toshkent sh.,
2014-yil 12-fevral,
PQ-2126-son
O‘zbekiston Respublikasi Prezidentining 2014-yil 12-fevraldagi PQ-2126-son qaroriga
1-ILOVA
“O‘zbektelekom” aksiyadorlik kompaniyasining “O‘zmobayl” mobil aloqa milliy operatori tarmog‘ini tashkil etish bo‘yicha chora-tadbirlarni amalga oshirish
JADVALI

T/r

Chora-tadbirlar

Amalga oshirish shakli

Ijro muddatlari

Mas’ul ijrochilar

I. Mobil aloqa milliy operatori faoliyatini tashkil etish

1.

“O‘zmobayl” mobil aloqa milliy operatori tarmog‘ini axborot-kommunikatsiya texnologiyalari hamda simsiz aloqa tizimlarini boshqarish va ular bilan ishlash ko‘nikmalariga ega bo‘lgan yuqori malakali xodimlar bilan butlash

Kompleks chora-tadbirlar

2014 — 2017-yillar

Axborot texnologiyalari va kommunikatsiyalarini rivojlantirish vazirligi, “O‘zbektelekom” AK

2.

Antenna minoralarini qurish uchun doimiy foydalanish huquqida yer uchastkalarini, texnologik uskunalarini montaj qilish uchun binolar taqdim etish

Mahalliy davlat hokimiyati organlari qarorlari

2014 — 2017-yillar davomida jadval bo‘yicha

Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari

3.

“O‘zmobayl” mobil aloqa milliy operatori tarmog‘ini yaratish uchun zarur bo‘lgan radiochastota polosalarini ajratish

Radiochastotalar bo‘yicha respublika kengashi qarorlari

buyurtmanomaga muvofiq

Axborot texnologiyalari va kommunikatsiyalarini rivojlantirish vazirligi, “O‘zbektelekom” AK

II. Mobil aloqa milliy operatorini yaratish bo‘yicha loyihalarni amalga oshirish

4.

“O‘zmobayl” mobil aloqa milliy operatori tarmog‘ini yaratish bo‘yicha loyihaning texnik topshirig‘ini ishlab chiqish

Loyihaning texnik topshirig‘ini tasdiqlash

2014-yil yanvar-fevral

Aloqa, axborot va telekommunikatsiya texnologiyalari davlat qo‘mitasi, “O‘zbektelekom” AK, Davarxitektqurilish, Iqtisodiyot vazirligi

5.

Telekommunikatsiya uskunalarini yetkazib beruvchilar bilan muzokaralar olib borish

Memorandumlar tuzish, texnik-tijorat takliflarini olish

2014-yil fevral-mart

Aloqa, axborot va telekommunikatsiya texnologiyalari davlat qo‘mitasi, “O‘zbektelekom” AK

6.

Loyihani amalga oshirish uchun imtiyozli xorijiy kreditlarni jalb qilish bo‘yicha chet el moliya institutlari bilan muzokaralar o‘tkazish

Hukumat qarori loyihasi, qarz bitimlari loyihalari

2014-yil mart

TIASV, Aloqa, axborot va telekommunikatsiya texnologiyalari davlat qo‘mitasi, Moliya vazirligi, O‘zmilliybank

7.

Texnologik uskunalarni yetkazib berish bo‘yicha eng yaxshi takliflarni tanlab olish asosida jahonning yetakchi ishlab chiqaruvchilari bilan shartnomalar tuzish

Telekommunikatsiya uskunalarini yetkazib berish bo‘yicha shartnomalar

jadval bo‘yicha

Aloqa, axborot va telekommunikatsiya texnologiyalari davlat qo‘mitasi, TIASV, “O‘zbektelekom” AK

8.

“O‘zmobayl” mobil aloqa milliy operator tarmog‘ini yaratish bo‘yicha TIA loyihasini ishlab chiqish, vakolatli organlardan ekspertizadan o‘tkazish va Vazirlar Mahkamasiga kiritish

Hukumat qarori loyihasi

2014-yil aprel

Aloqa, axborot va telekommunikatsiya texnologiyalari davlat qo‘mitasi, vakolatli organlar

III. Mobil aloqa milliy operatorini yaratish bosqichlari

9.

Mobil aloqa tarmog‘i bilan Toshkent shahrini qamrab olish, buning uchun quyidagilarni o‘rnatish:

2014-yil

Aloqa, axborot va telekommunikatsiya texnologiyalari davlat qo‘mitasi, “O‘zbektelekom” AK

bazaviy stansiyalar (dona);

1 020

bazaviy stansiyalar kontrollyorlari (dona);

1

radiorele uskunalari (komplekt);

500

kommutatsiya stansiyasi va billing tizimi (mln ta nomerlar);

2,0

quyosh fotoelektr avtonom tizimlari (dona)

5

10.

Mobil aloqa tarmog‘i bilan respublikaning viloyat markazlarini qamrab olish, bunda quyidagilarni o‘rnatish:

2015-y.

Aloqa, axborot va telekommunikatsiya texnologiyalari davlat qo‘mitasi, “O‘zbektelekom” AK

bazaviy stansiyalar (dona)

1 994

bazaviy stansiyalar kontrollyorlari (dona)

11

radiorele uskunalari (komplekt)

2 000

kommutatsiya stansiyasi va billing tizimi (mln ta nomerlar)

8,0

avtonom quyosh fotoelektr tizimlari (dona)

25

11.

Mobil aloqa tarmog‘i bilan respublikaning qolgan aholi punktlarini qamrab olish, buning uchun quyidagilarni o‘rnatish:

2017-y.

Axborot texnologiyalari va kommunikatsiyalarini rivojlantirish vazirligi, “O‘zbektelekom” AK

bazaviy stansiyalar (dona)

3 986

radiorele uskunalari (komplekt)

4 000

avtonom quyoshli fotoelektr tizimlari (dona)

70

 LexUZ sharhi
1-ilova norasmiy tarjima
O‘zbekiston Respublikasi Prezidentining 2014-yil 12-fevraldagi PQ-2126-son qaroriga
2-ILOVA
“O‘zbektelekom” aksiyadorlik kompaniyasining “O‘zmobayl” mobil aloqa milliy operatori tarmog‘ini tashkil etish va foydalanishga topshirish ishlarini muvofiqlashtirish bo‘yicha ishchi guruhi
TARKIBI

X.M. Mirzoxidov

—

axborot texnologiyalari va kommunikatsiyalarini rivojlantirish vaziri, ishchi guruh rahbari

Sh.A. To‘laganov

—

tashqi iqtisodiy aloqalar, investitsiyalar va savdo vaziri o‘rinbosari

J.T. Mirzamaxmudov

—

iqtisodiyot vaziri o‘rinbosari

M.R. Abdullayev

—

moliya vaziri o‘rinbosari

M.I. Shodiyev

—

O‘zbekiston Respublikasi Davlat arxitektura va qurilish qo‘mitasi raisi o‘rinbosari

U.B. A’lamov

—

axborot texnologiyalari va kommunikatsiyalarini rivojlantirish vaziri o‘rinbosari

M.M. Sangilov

—

axborot texnologiyalari va kommunikatsiyalarini rivojlantirish vaziri o‘rinbosari

A.I. Axmedxo‘jayev

—

O‘zmilliybank boshqaruvi raisi o‘rinbosari

A.A. Abdumo‘minov

—

“O‘zbektelekom” AK bosh direktori

K.N. Irisbekova

—

“Aloqabank” ATB boshqaruvi raisi

J.T. Maxsudov

—

“O‘zbektelekom” AK bosh direktori o‘rinbosari

A.T. Gayupov

—

“Aloqaloyiha” DUK direktori

T.M. Bikmetov

—

“O‘zAloqaKonsalting” MCHJ direktori

K.A. Yuldashev

—

Vazirlar Mahkamasining Axborot tizimlari va telekommunikatsiyalar masalalari bo‘yicha ATD shu’basi mudiri, ishchi guruh kotibi
Izoh. Ishchi guruh tarkibiga Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlarining o‘rinbosarlari lavozimi bo‘yicha kiradi.
Ishchi guruh a’zolari boshqa ishga o‘tgan taqdirda, uning tarkibiga ushbu lavozimlarga yangidan tayinlangan yoki zimmasiga tegishli funksiyalarni bajarish yuklatilgan shaxslar kiritiladi.
 LexUZ sharhi
2-ilova norasmiy tarjima
(O‘zbekiston Respublikasi qonun hujjatlari to‘plami, 2014-y., 7-son, 73-modda; 2017-y.,2-son,25-modda)