OʻZBEKISTON RESPUBLIKASI ALOQA, AXBOROTLASHTIRISH VA TELEKOMMUNIKATSIYA TEXONOLOGIYALARI DAVLAT QOʻMITASI
OʻZBEKISTON RESPUBLIKASI IQTISODIYOT VAZIRLIGI
OʻZBEKISTON RESPUBLIKASI MOLIYA VAZIRLIGINING
OʻZBEKISTON RESPUBLIKASI IQTISODIYOT VAZIRLIGI
OʻZBEKISTON RESPUBLIKASI MOLIYA VAZIRLIGINING
Qarori
Dasturiy taʼminot vositalari ishlab chiquvchilarining milliy reyestri toʻgʻrisidagi nizomni tasdiqlash haqida
[Oʻzbekiston Respublikasi Adliya vazirligi tomonidan 2013-yil 26-dekabrda roʻyxatdan oʻtkazildi, roʻyxat raqami 2541]
Oʻzbekiston Respublikasi Prezidentining 2013-yil 20-sentabrdagi PQ-2042-sonli “Mamlakatimizning dasturiy taʼminot vositalari ishlab chiquvchilarini ragʻbatlantirishni yanada kuchaytirish chora-tadbirlari toʻgʻrisida”gi qarorining (Oʻzbekiston Respublikasi qonun hujjatlari toʻplami, 2013-y., 39-son, 508-modda) 8-bandiga muvofiq, Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi, Iqtisodiyot vazirligi va Moliya vazirligi qaror qiladilar:
1. Dasturiy taʼminot vositalari ishlab chiquvchilarining milliy reyestri toʻgʻrisidagi nizom ilovaga muvofiq tasdiqlansin.
2. Mazkur qaror rasmiy eʼlon qilingan kundan eʼtiboran kuchga kiradi.
Aloqa, axborotlashtirish va telekommunikatsiya texnologiyalari davlat qoʻmitasi raisi X. MIRZAXIDOV
Toshkent sh.,
2013-yil 28-noyabr,
62-mh-son
Iqtisodiyot vaziri G. SAIDOVA
Toshkent sh.,
2013-yil 28-noyabr,
52-son
Moliya vaziri R. AZIMOV
Toshkent sh.,
2013-yil 28-noyabr,
109-son
Oʻzbekiston Respublikasi Aloqa, axborotlashtirish va telekommunikatsiya texnologiyalari Davlat qoʻmitasi, Iqtisodiyot vazirligi va Moliya vazirligining 2013-yil 28-noyabrdagi 62-mh, 52 va 109-son qaroriga
ILOVA
ILOVA
Dasturiy taʼminot vositalari ishlab chiquvchilarining milliy reyestri toʻgʻrisidagi
nizom
Oldingi tahrirga qarang.
Mazkur Nizom Oʻzbekiston Respublikasining “Axborotlashtirish toʻgʻrisida”gi Qonuni, Oʻzbekiston Respublikasi Prezidentining 2013-yil 20-sentabrdagi PQ-2042-son “Mamlakatimizning dasturiy taʼminot vositalari ishlab chiquvchilarini ragʻbatlantirishni yanada kuchaytirish chora-tadbirlari toʻgʻrisida”gi qarori va Oʻzbekiston Respublikasi Vazirlar Mahkamasining 2018-yil 1-maydagi 318-son “Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi hamda Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi huzuridagi Aloqa, axborotlashtirish va telekommunikatsiya texnologiyalari sohasida nazorat boʻyicha inspeksiya toʻgʻrisidagi nizomlarni tasdiqlash haqida”gi”gi qaroriga muvofiq Dasturiy taʼminot vositalari ishlab chiquvchilarining milliy reyestrini shakllantirish va yuritish tartibini belgilaydi.
(muqaddima Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Iqtisodiyot va sanoat vazirligi va Moliya vazirligining 2019-yil 4-sentabrdagi 203-mx, 16 va 96-sonli qarori (roʻyxat raqami 2541-3, 24.09.2019-y.) tahririda — Qonun hujjatlari maʼlumotlari milliy bazasi, 24.09.2019-y., 10/19/2541-3/3801-son)
I bob. Umumiy qoidalar
1. Dasturiy taʼminot vositalari ishlab chiquvchilarining milliy reyestrini yuritishning asosiy vazifalari va yoʻnalishlari quyidagilar:
mamlakatimizning dasturiy taʼminot vositalari ishlab chiquvchilari toʻgʻrisidagi axborotning yagona elektron bankini yaratish va istiqbolli loyihalarni hamda innovatsion kompyuter texnologiyalarini yaratish bilan mashgʻul boʻlgan isteʼdodli yosh dasturchilarni qoʻllab-quvvatlash;
milliy dasturiy mahsulotlarning maʼlumotlar bazasini shakllantirish hamda mamlakatimizda dasturiy mahsulotlar ishlab chiqarish bozorining holati va salohiyati toʻgʻrisida axborot berish;
ichki va tashqi bozorlarda raqobatbardoshli boʻlgan, sifatli milliy dasturiy mahsulotlarni ishlab chiqishni ragʻbatlantirish;
iqtisodiyot tarmoqlari va sohalarining real ehtiyojlarini hisobga olgan holda dasturiy mahsulotlar ishlab chiqishning ustuvor yoʻnalishlarini belgilash;
mamlakatimiz dasturiy mahsulotlar ishlab chiquvchilarining manfaatlarini ifodalash, ularga oʻz mahsulotlarini ichki va tashqi bozorlarda ildam siljitishda koʻmak berish.
2. Mazkur Nizomda quyidagi asosiy tushunchalardan foydalaniladi:
Dasturiy taʼminot vositalari ishlab chiquvchilarining milliy reyestri (bundan buyon matnda Milliy reyestr deb yuritiladi) — mamlakatimizning dasturiy taʼminot vositalari ishlab chiquvchilari toʻgʻrisidagi axborotning yagona elektron banki;
Oldingi tahrirga qarang.
dasturiy taʼminot vositalari ishlab chiquvchisi — oʻz dasturiy taʼminot vositalarini ishlab chiqarish (ishlab chiqish), kuzatish (xizmat koʻrsatish), joriy qilish va sotish bilan bogʻliq faoliyatni qonunchilik hujjatlarida belgilangan tartibda amalga oshiruvchi yuridik shaxs, Oʻzbekiston Respublikasi rezidenti;
(2-bandning uchinchi xatboshisi Oʻzbekiston Respublikasi adliya vazirining 2021-yil 30-noyabrdagi 20-mh-sonli buyrugʻi (roʻyxat raqami 3338, 30.11.2021-y.) tahririda — Qonunchilik maʼlumotlari milliy bazasi, 30.11.2021-y., 10/21/3338/1117-son)
LexUZ sharhiQarang: Oʻzbekiston Respublikasining “Axborotlashtirish toʻgʻrisida”gi Qonuni.
dasturiy taʼminot vositalari — algoritm tilida taqdim etilgan operatsiyalar, komandalar va maʼlumotlarning mantiqiy tashkil etilgan yigʻindisidan iborat va muayyan natijaga erishish maqsadida kompyuterda amalga oshirish uchun moʻljallangan intellektual mulk obyekti. Dasturiy taʼminot vositalari deganda ularni ishlab chiqish davomida olingan tayyorlov materiallari ham nazarda tutiladi.
3. Mazkur Nizom maqsadlarida oʻz dasturiy taʼminot vositalarini ishlab chiqish, joriy qilish va sotish deganda:
a) kompyuterda dasturlash va dasturiy taʼminot vositalarini yozish, modifikatsiya qilish, testlash va texnik qoʻllab-quvvatlash bilan taʼminlash, hujjatlashtirishga doir (shu jumladan tijorat yoki erkin tarqalgan modullardan foydalangan holda) faoliyatning barcha turlari, shu jumladan tizim va mazmunni ishlab chiqish va/yoki tizimli dasturiy taʼminot vositalari (shu jumladan tiklash), amaliy dasturlar (shu jumladan tiklash), maʼlumotlar bazalari, veb-saytlarni (shu jumladan ularning audiovizual elementlarini) yaratish va bajarish uchun zarur boʻlgan komandalar tizimini yozish, dasturiy taʼminot vositalarini sozlash, yaʼni mavjud ilova mijozning axborot tizimi doirasida ishlashi uchun kerakli boʻlgan tarzda uni modifikatsiya qilish va konfiguratsiyalash, yakka tartibdagi dasturiy taʼminot vositalarini ishlab chiqish (buyurtma asosida) va dasturlar paketini foydalanuvchilarning ehtiyojlariga moslashtirish, foydalanuvchilar uchun dasturiy ilova qilingan yoʻriqnomalarni yozish;
b) oʻzi tomonidan ishlab chiqilgan dasturiy taʼminot vositalarining maʼlumotlarni qayta ishlash va maʼlumotlar bazalariga maʼlumotlarni kiritish, sotilgan yoki foydalanish uchun taqdim etilgan maʼlumotlarni qayta ishlash va kiritish vositalarining uzoq muddatli (doimiy) asosda ekspluatatsiya qilinishini taʼminlash boʻyicha faoliyat;
v) oʻzi tomonidan ishlab chiqilgan dasturiy taʼminot vositalarini koʻpaytirish, joriy qilish, shuningdek kuzatish (xizmat koʻrsatish) boʻyicha faoliyat, shu jumladan oʻzi tomonidan ishlab chiqilgan dasturiy taʼminot vositalarini sotish, foydalanishga berish, ularni joriy qilish, dasturiy taʼminot vositalarini ishlab chiqish va texnik kuzatish bilan bogʻliq xizmatlarni koʻrsatish, ishlab chiquvchining oʻzi tomonidan ishlab chiqilgan dasturiy taʼminot vositalari xaridorlari va foydalanuvchilarini oʻqitish hamda ularga maslahatlar berish tushuniladi.
II bob. Milliy reyestrga kiritish
4. Milliy reyestrga ixtiyoriy va bepul asosda yuridik shaxs sifatida davlat roʻyxatiga olingan kundan boshlab, uch oydan kam boʻlmagan muddatda, yuridik shaxs sifatida oʻz faoliyatini amalga oshirayotgan va soʻnggi uch oyda oʻz dasturiy taʼminot vositalarini ishlab chiqish, tatbiq etish va sotishdan olgan daromadlari sotilgan tovarlar (ishlar, xizmatlar) umumiy hajmining kamida 50 foizini tashkil etuvchi dasturiy taʼminot vositalari ishlab chiquvchilari kiritiladi.
Oldingi tahrirga qarang.
5. Dasturiy taʼminot vositalari ishlab chiquvchilarini Milliy reyestrga kiritish yuridik shaxslarning Oʻzbekiston Respublikasi Raqamli texnologiyalar vazirligi (bundan buyon matnda Vazirlik deb yuritiladi)ga tegishli arizalari asosida amalga oshiriladi.
(5-band Oʻzbekiston Respublikasi adliya vazirining 2024-yil 25-dekabrdagi 34-mh-sonli buyrugʻi (roʻyxat raqami 3595, 27.12.2024-y.) tahririda — Qonunchilik maʼlumotlari milliy bazasi, 28.12.2024-y., 10/24/3595/1086-son)
Oldingi tahrirga qarang.
6. Vazirlik Milliy reyestrni shakllantirish, yuritish va yanada rivojlantirish boʻyicha funksiyalarni amalga oshiradi.
(6-band Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Iqtisodiyot vazirligi va Moliya vazirligining 2016-yil 15-apreldagi 17-04, 113, 26-sonli qarori (roʻyxat raqami 2541-1, 03.05.2016-y.) tahririda — OʻR QHT, 2016-y., 18-son, 206-modda)
Oldingi tahrirga qarang.
7. Yuridik shaxslar Milliy reyestrga kirish uchun Vazirlikka mazkur Nizomning 1-ilovasiga muvofiq shakl boʻyicha ariza taqdim etadilar (shaxsan kelib, pochta aloqasi vositasida yoki Internet tarmogʻi orqali).
(7-band Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Iqtisodiyot vazirligi va Moliya vazirligining 2016-yil 15-apreldagi 17-04, 113, 26-sonli qarori (roʻyxat raqami 2541-1, 03.05.2016-y.) tahririda — OʻR QHT, 2016-y., 18-son, 206-modda)
Oldingi tahrirga qarang.
8. Vazirlik arizani olgan kundan boshlab uni uch ish kuni mobaynida koʻrib chiqadi. Har bir arizani koʻrib chiqish yakunlari boʻyicha Vazirlik dasturiy taʼminot vositalari ishlab chiquvchisini Milliy reyestrga kiritish yoki kiritishni rad etish toʻgʻrisidagi asoslangan qarorni qabul qiladi, bu haqda dasturiy taʼminot vositalari ishlab chiquvchisiga xabarnoma yuboriladi (pochta, shu jumladan elektron pochta orqali).
(8-band Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Iqtisodiyot vazirligi va Moliya vazirligining 2016-yil 15-apreldagi 17-04, 113, 26-sonli qarori (roʻyxat raqami 2541-1, 03.05.2016-y.) tahririda — OʻR QHT, 2016-y., 18-son, 206-modda)
9. Mazkur Nizomning 3-bandidagi talablarga javob bermaydigan dasturiy taʼminot vositalari ishlab chiquvchilarini Milliy reyestrga kiritishda rad etilishi mumkin.
10. Dasturiy taʼminot vositalari ishlab chiquvchisini Milliy reyestrga kiritishda asossiz rad etilishiga yoʻl qoʻyilmaydi.
Dasturiy taʼminot vositalari ishlab chiquvchisi tomonidan ariza ilgari koʻrsatilgan kamchiliklar bartaraf qilingan holda takroran taqdim etilganda, yangi asoslarga koʻra Milliy reyestrga kiritilishda rad etish taqiqlanadi.
Oldingi tahrirga qarang.
11. Milliy reyestrga kiritilishi rad etilgan holda dasturiy taʼminot vositalari ishlab chiquvchisi faqat Milliy reyestrga kiritilishiga toʻsqinlik qiluvchi sabablarni bartaraf etgan holdagina Vazirlikka ariza bilan takroran murojaat qilishga haqlidir.
Vazirlik Milliy reyestrga kiritish toʻgʻrisida ariza bilan takroran qilingan murojaatni mazkur Nizomning 8-bandida belgilangan tartibda va muddatlarda koʻrib chiqishi shart.
(11-band Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Iqtisodiyot vazirligi va Moliya vazirligining 2016-yil 15-apreldagi 17-04, 113, 26-sonli qarori (roʻyxat raqami 2541-1, 03.05.2016-y.) tahririda — OʻR QHT, 2016-y., 18-son, 206-modda)
Oldingi tahrirga qarang.
12. Dasturiy taʼminot vositalari ishlab chiquvchisini Milliy reyestrga kiritish toʻgʻrisidagi qaror qabul qilingan holda, Vazirlik:
(12-bandning birinchi xatboshisi Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Iqtisodiyot vazirligi va Moliya vazirligining 2016-yil 15-apreldagi 17-04, 113, 26-sonli qarori (roʻyxat raqami 2541-1, 03.05.2016-y.) tahririda — OʻR QHT, 2016-y., 18-son, 206-modda)
qaror qabul qilingan kundan keyin bir kun muddat ichida mazkur Nizomning 16-bandida sanab oʻtilgan maʼlumotlarni Milliy reyestrga kiritadi;
dasturiy taʼminot vositalari ishlab chiquvchisini Milliy reyestrga kiritgan kunda dasturiy taʼminot vositalari ishlab chiquvchisini uning Milliy reyestrga kiritilganligi toʻgʻrisida xabardor qiladi.
Oldingi tahrirga qarang.
dasturiy taʼminot vositalari ishlab chiquvchisi Milliy reyestrga kiritilgan kundan boshlab 10 kundan kechiktirmasdan Oʻzbekiston Respublikasi Soliq qoʻmitasiga yuridik shaxsning toʻliq nomlanishi, uning joylashgan yeri (pochta manzili), davlat roʻyxatidan oʻtkazilganligi toʻgʻrisidagi guvohnoma raqami va sanasi, soliq toʻlovchining identifikatsion raqami va Milliy reyestrga kiritilgan sanasi toʻgʻrisidagi maʼlumotlarni taqdim etishi shart.
(12-bandning toʻrtinchi xatboshisi Oʻzbekiston Respublikasi adliya vazirining 2024-yil 25-dekabrdagi 34-mh-sonli buyrugʻi (roʻyxat raqami 3595, 27.12.2024-y.) tahririda — Qonunchilik maʼlumotlari milliy bazasi, 28.12.2024-y., 10/24/3595/1086-son)
13. Dasturiy taʼminot vositalari ishlab chiquvchisi quyidagi asoslarda Milliy reyestrdan chiqariladi:
chiqish toʻgʻrisidagi oʻz arizasi;
tegishli vakolatli organlarning dasturiy taʼminot vositalari ishlab chiquvchisi mazkur Nizomda belgilangan yuridik shaxslarni Milliy reyestrga kiritish mezonlarga nomuvofiq ekanligi toʻgʻrisidagi asoslangan maʼlumoti.
Oldingi tahrirga qarang.
14. Milliy reyestrdan chiqarish toʻgʻrisidagi masala Milliy reyestrdan chiqarish toʻgʻrisidagi masalani koʻrib chiqish uchun tegishli materiallar olingan kundan boshlab uch kun muddat ichida Vazirlik tomonidan koʻrib chiqiladi.
(14-bandning birinchi xatboshisi Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Iqtisodiyot vazirligi va Moliya vazirligining 2016-yil 15-apreldagi 17-04, 113, 26-sonli qarori (roʻyxat raqami 2541-1, 03.05.2016-y.) tahririda — OʻR QHT, 2016-y., 18-son, 206-modda)
Oldingi tahrirga qarang.
Koʻrib chiqish natijalari boʻyicha Vazirlik dasturiy taʼminot vositalari ishlab chiquvchisini Milliy reyestrdan chiqarish toʻgʻrisida asoslangan qaror qabul qiladi.
(14-bandning ikkinchi xatboshisi Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Iqtisodiyot vazirligi va Moliya vazirligining 2016-yil 15-apreldagi 17-04, 113, 26-sonli qarori (roʻyxat raqami 2541-1, 03.05.2016-y.) tahririda — OʻR QHT, 2016-y., 18-son, 206-modda)
Dasturiy taʼminot vositalari ishlab chiquvchisini Milliy reyestrdan chiqarish bu haqda qaror qabul qilingan kundan boshlab bir kun muddat ichida amalga oshiriladi.
15. Milliy reyestrdan chiqarilgan yuridik shaxslar, Milliy reyestrga agarda oʻz dasturiy taʼminot vositalarini ishlab chiqish, joriy qilish va sotishdan olgan daromadlari oʻtgan yilga nisbatan sotilgan tovarlar (ishlar, xizmatlar) umumiy hajmining 50 foizidan kam boʻlmagan miqdorini tashkil etsa, Milliy reyestrdan chiqarilgan yildan keyingi kalendar yilida qayta kiritilishi mumkin.
III bob. Milliy reyestrni shakllantirish va yuritish
16. Milliy reyestr on-layn rejimida software.uz Internet-portalida elektron shaklda yuritiladi.
Milliy reyestr dasturiy taʼminot vositalari ishlab chiquvchilari toʻgʻrisidagi quyidagi maʼlumotlarni oʻz ichiga oladi:
yuridik shaxs toʻgʻrisidagi asosiy maʼlumotlar (dasturiy taʼminot vositalari ishlab chiquvchilarining nomi, ularning tashkiliy-huquqiy shakli, joylashgan yeri (pochta manzili) telefoni va boshqalar);
Oldingi tahrirga qarang.
ishlab chiqilgan, joriy qilingan va sotilgan dasturiy taʼminot vositalari toʻgʻrisidagi asosiy maʼlumotlar (loyihalar va dasturiy taʼminot vositalari nomi, vazifasi, Oʻzbekiston Respublikasi Adliya vazirligining Dasturiy mahsulotlar davlat reyestrida roʻyxatga olinganligi toʻgʻrisidagi maʼlumotlar (mavjud boʻlsa));
(16-bandning toʻrtinchi xatboshisi Oʻzbekiston Respublikasi adliya vazirining 2022-yil 14-oktabrdagi 24-mh-sonli buyrugʻi (roʻyxat raqami 3393, 17.10.2022-y.) tahririda — Qonunchilik maʼlumotlari milliy bazasi, 17.10.2022-y., 10/22/3393/0952-son)
Milliy reyestrga kiritilgan sana va raqami;
Milliy reyestrga kiritish va/yoki chiqarish uchun asoslar va sanalari;
balans hisoboti va xoʻjalik faoliyatining asosiy parametrlari, shu jumladan dasturiy taʼminot vositalarini ishlab chiqish, joriy qilish va sotishdan olinadigan daromadlar miqdori va boshqalar.
17. Milliy reyestrdagi maʼlumotlar umumfoydalanadigan maʼlumotlar hisoblanadi, dasturiy taʼminot vositalari ishlab chiquvchilarining moliyaviy koʻrsatkichlari bundan mustasno.
18. Milliy reyestr Internet tarmogʻidagi on-layn doʻkonlar roʻyxatini oʻz ichiga oladi, bu doʻkonlar vositasida Milliy reyestrga kiritilgan dasturiy taʼminot vositalari ishlab chiquvchilari eksport shartnomasi mavjud boʻlmasdan dasturiy taʼminot vositalarini ishlab chiqarish va kuzatish (xizmat koʻrsatish) bilan bogʻliq ishlar va xizmatlarning xorijiy valyutada eksport qilinishini amalga oshiradilar.
IV bob. Milliy reyestrga kiritilgan dasturiy taʼminot vositalari ishlab chiquvchilari tomonidan soliq va bojxona imtiyozlarining qoʻllanilishi
Oldingi tahrirga qarang.
19. Oʻzbekiston Respublikasi Prezidentining 2013-yil 20-sentabrdagi PQ-2042-son “Mamlakatimizning dasturiy taʼminot vositalari ishlab chiquvchilarini ragʻbatlantirishni yanada kuchaytirish chora-tadbirlari toʻgʻrisida”gi qaroriga muvofiq Milliy reyestrga kiritilgan dasturiy taʼminot vositalari ishlab chiquvchilari 2020-yilning 1-yanvariga qadar muddatda quyidagi toʻlovlardan ozod etiladi:
(19-bandning birinchi xatboshisi Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Iqtisodiyot vazirligi va Moliya vazirligining 2018-yil 9-fevraldagi 162-mh, 7, 23-sonli qarori (roʻyxat raqami 2541-2, 12.03.2018-y.) tahririda — Qonun hujjatlari maʼlumotlari milliy bazasi, 12.03.2018-y., 10/18/2541-2/0886-son)
Oldingi tahrirga qarang.
barcha turdagi soliqlar;
(19-bandning ikkinchi xatboshisi Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Iqtisodiyot va sanoat vazirligi va Moliya vazirligining 2019-yil 4-sentabrdagi 203-mx, 16 va 96-sonli qarori (roʻyxat raqami 2541-3, 24.09.2019-y.) tahririda — Qonun hujjatlari maʼlumotlari milliy bazasi, 24.09.2019-y., 10/19/2541-3/3801-son)
Oʻzbekiston Respublikasida ishlab chiqarilmaydigan, Oʻzbekiston Respublikasi Vazirlar Mahkamasi tomonidan tasdiqlanadigan roʻyxatlar boʻyicha oʻz ehtiyojlari uchun olib kelinadigan uskunalar, butlovchi qismlar, detallar, uzellar, texnologiya hujjatlari, dasturiy taʼminot vositalariga boj toʻlovlari (bojxona rasmiylashtiruvi yigʻimlaridan tashqari).
Oldingi tahrirga qarang.
Milliy reyestrga kiritilgan yuridik shaxslar — dasturiy taʼminot vositalarini ishlab chiquvchilar mazkur band bilan nazarda tutilgan soliq imtiyozlarining amal qilish muddati, agar ularning oʻzlari ishlab chiqargan dasturiy taʼminot vositalarini eksport qilish hajmi 2019-yil yakunlari boʻyicha ular sotgan tovarlar (ishlar, xizmatlar) umumiy hajmining kamida 50 foizini tashkil etgan taqdirda, 2 yilga (2022-yilning 1-yanvarigacha) uzaytiriladi.
(19-bandning toʻrtinchi xatboshisi Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Iqtisodiyot vazirligi va Moliya vazirligining 2018-yil 9-fevraldagi 162-mh, 7, 23-sonli qarori (roʻyxat raqami 2541-2, 12.03.2018-y.) tahririda — Qonun hujjatlari maʼlumotlari milliy bazasi, 12.03.2018-y., 10/18/2541-2/0886-son)
20. Mazkur Nizomning 19-bandi ikkinchi xatboshisida nazarda tutilgan soliq imtiyozlari berilishi munosabati bilan boʻshaydigan mablagʻlar Milliy reyestrga kiritilgan yuridik shaxslar − dasturiy taʼminot vositalari ishlab chiquvchilarining xodimlarini ragʻbatlantirish, moddiy-texnika bazasini rivojlantirish va mustahkamlashga yoʻnaltiriladi.
21. Imtiyozlar berilishi natijasida boʻshagan mablagʻlardan maqsadga muvofiq ishlatilmagan taqdirda, ushbu mablagʻlar toʻliq hajmda, belgilangan tartibda penya hisoblangan holda Davlat budjetiga undiriladi.
22. Imtiyozdan foydalanib olib kelingan uskunalar, butlovchi qismlar, detallar, uzellar, texnologiya hujjatlari, dasturiy taʼminot vositalari erkin muomalaga chiqarish sanasidan 5 yil mobaynida oʻz ehtiyojlari uchun boʻlmagan maqsadlarda foydalanish faktlari aniqlangan holda soliq toʻlovchini moliyaviy-xoʻjalik tekshiruvlarini oʻtkazish davomida (reviziya) davlat soliq xizmati organlari aniqlangan faktlar toʻgʻrisidagi hujjatlarni tuzadi va uch ish kuni ichida hududiy davlat bojxona xizmati organlariga yuboradi.
Oʻz ehtiyojlari uchun boʻlmagan maqsadlarda foydalanilgan, olib kelingan uskunalar, butlovchi qismlar, detallar, uzellar, texnologiya hujjatlari, dasturiy taʼminot vositalariga bojxona toʻlovlari boʻyicha imtiyozlar summasi penya hisoblangan holda, oʻrnatilgan tartibda Davlat budjetiga undiriladi.
23. Mazkur Nizomning 19-bandida nazarda tutilgan imtiyozlar:
soliq va majburiy ajratmalar boʻyicha − dasturiy taʼminot vositalari ishlab chiquvchilar Milliy reyestrga kiritilgan oyning keyingi oyi 1-sanasidan;
bojxona toʻlovlari boʻyicha − dasturiy taʼminot vositalari ishlab chiquvchilar Milliy reyestrga kiritilgan sanadan boshlab qoʻllaniladi.
Oldingi tahrirga qarang.
24. Bojxona toʻlovlari boʻyicha imtiyozlar mazkur Nizomning 2-ilovasidagi shakl boʻyicha hududiy davlat bojxona xizmati organlariga taqdim etiladigan ariza asosida beriladi. Ariza davlat bojxona xizmati organlariga ikki nusxada taqdim etiladi, bir nusxasi vakolatli organ belgisi bilan arizachiga qaytariladi. Bunda kichik tadbirkorlik subyektlari boʻlib hisoblangan mikrofirmalar va kichik korxonalar bojxona toʻlovlari boʻyicha imtiyozlarni qoʻllash maqsadida ariza taqdim etmaydilar.
(24-bandning birinchi xatboshisi Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Iqtisodiyot vazirligi va Moliya vazirligining 2016-yil 15-apreldagi 17-04, 113, 26-sonli qarori (roʻyxat raqami 2541-1, 03.05.2016-y.) tahririda — OʻR QHT, 2016-y., 18-son, 206-modda)
Bojxona toʻlovlari boʻyicha imtiyozlar (bojxona rasmiylashtiruvi yigʻimlaridan tashqari) Oʻzbekiston Respublikasi Vazirlar Mahkamasi tomonidan tasdiqlanadigan roʻyxat boʻyicha Oʻzbekiston Respublikasida ishlab chiqarilmaydigan uskunalar, butlovchi qismlar, detallar, uzellar, texnologiya hujjatlari, dasturiy taʼminot vositalarini erkin muomalaga chiqarish bojxona rasmiylashtiruvi vaqtida taqdim qilinadi.
LexUZ sharhiQarang: Vazirlar Mahkamasining 2020-yil 27-noyabrdagi 750-sonli “Oʻzbekiston Respublikasida oʻxshashi ishlab chiqarilmaydigan chetdan olib kiriladigan texnologik asbob-uskunalarga bojxona boji va qoʻshilgan qiymat soligʻi boʻyicha imtiyozlar berish mexanizmini takomillashtirish chora-tadbirlari toʻgʻrisida”gi qarori.
Oldingi tahrirga qarang.
25. Oʻrnatilgan mezonlarga mosligini tasdiqlash uchun (oʻz dasturiy taʼminot vositalarini ishlab chiqarish, joriy qilish va amalga oshirish daromadlari mahsulotlar (ishlar, xizmatlar) umumiy hajmining 50 foizidan kam boʻlmagan qismini tashkil etadi yoki 2020-yildan boshlab xususiy dasturiy taʼminot vositalari hajmi umumiy mahsulotlarning (ishlar, xizmatlar) hajmining 50 foizdan kam boʻlmagan miqdorini tashkil etadi), imtiyozlardan foydalangan dasturiy taʼminot vositalari ishlab chiquvchilar yil yakuni boʻyicha soliq hisobotini taqdim etish bilan bir vaqtda mazkur Nizomning 3-ilovasiga muvofiq maʼlumotnoma-hisobotni davlat soliq xizmati organlariga taqdim etadi.
(25-band Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Iqtisodiyot vazirligi va Moliya vazirligining 2018-yil 9-fevraldagi 162-mh, 7, 23-sonli qarori (roʻyxat raqami 2541-2, 12.03.2018-y.) tahririda — Qonun hujjatlari maʼlumotlari milliy bazasi, 12.03.2018-y., 10/18/2541-2/0886-son)
26. Taqdim etilgan maʼlumotnoma-hisobotga koʻra hisobot yili yakuni boʻyicha tashkilot imtiyoz berish boʻyicha mazkur Nizom bilan oʻrnatilgan mezonga mos kelmasa, mazkur Nizomning 19-bandida keltirilgan imtiyozlar, oʻrnatilgan tartibda penya hisoblangan xolda Davlat budjetiga toʻlash majburiyati tiklangan holda bekor qilinadi.
27. Dasturiy taʼminot vositalari ishlab chiquvchilar imtiyoz berish boʻyicha mazkur Nizomda belgilangan mezonlarga mos emasligi aniqlangan hollarda, davlat soliq xizmati organlari 10 kun muddatda aniqlangan faktlar haqida:
davlat bojxona xizmati organlarini bojxona toʻlovlarini oʻrnatilgan tartibda undirish boʻyicha choralar koʻrish uchun;
Oldingi tahrirga qarang.
Vazirlikni mazkur yuridik shaxsni Milliy reyestrdan chiqarish uchun xabardor qiladi.
(27-bandning uchinchi xatboshisi Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Iqtisodiyot vazirligi va Moliya vazirligining 2016-yil 15-apreldagi 17-04, 113, 26-sonli qarori (roʻyxat raqami 2541-1, 03.05.2016-y.) tahririda — OʻR QHT, 2016-y., 18-son, 206-modda)
28. Dasturiy taʼminot vositalari ishlab chiquvchisi kalendar yili davomida Milliy reyestrdan oʻz xohishiga koʻra chiqsa, mazkur Nizomning 19-bandida koʻrsatilgan imtiyozlar, ular oʻrnatilgan mezonlarga mos kelgan avvalgi hisobot davri (chorak, yarim yil, 9 oy) uchun saqlanib qoladi.
V bob. Milliy reyestr ishlashiga doir tashkiliy-texnik masalalar
Oldingi tahrirga qarang.
29. Milliy reyestrning ishlashiga, uni on-layn rejimida yuritishga doir tashkiliy-texnik ishlarni amalga oshirish uchun Vazirlik Milliy reyestrning vakolatli operatorini tayinlaydi.
(29-bandning birinchi xatboshisi Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Iqtisodiyot vazirligi va Moliya vazirligining 2016-yil 15-apreldagi 17-04, 113, 26-sonli qarori (roʻyxat raqami 2541-1, 03.05.2016-y.) tahririda — OʻR QHT, 2016-y., 18-son, 206-modda)
Vakolatli operator vazifasini ijro etish doirasida qabul qilib oladigan maʼlumotlarning maxfiyligini taʼminlaydi.
Vakolatli operatorning faoliyati notijorat asosda amalga oshiriladi va quyidagilarga qaratilgan:
sifat menejmenti davlat va xalqaro standartlari (ISO-9000)ni ishlab chiqish, qabul qilish va joriy qilish, kompaniyaning dasturiy taʼminot vositalarini (CMMI) ishlab chiqishga qobiliyatini baholash va boshqalar;
milliy dasturiy taʼminot vositalari ishlab chiquvchilarini xalqaro va milliy koʻrgazmalarda ishtirok etishlarini tashkil qilish yoʻli bilan mamlakatimizda ishlab chiqilgan dasturiy taʼminot vositalarini ichki va xalqaro bozorlarda ilgari surish;
fuqarolik jamiyati salohiyati, axborot texnologiyalari sohasidagi ekspert hamjamiyatini sifatli, ichki va tashqi bozorlarda raqobatbardosh mamlakatimiz dasturiy taʼminot vositalarini ishlab chiqish jarayonlarini ragʻbatlantirishga jalb qilish;
dasturiy taʼminot vositalarini ishlab chiqish sohasining oʻzini oʻzi tartibga solish mexanizmlarini faollashtirish, mahalliy dasturiy taʼminot vositalari ishlab chiquvchilarining manfaatlarini ifoda etish, ularga ichki va tashqi bozorlarda oʻz mahsulotini ilgari surishga yordam berish va boshqalar.
Oldingi tahrirga qarang.
30. Iqtisodiyot tarmoqlari va sohalarining haqiqiy ehtiyojini hisobga olgan holda dasturiy taʼminot vositalarini ishlab chiqishning ustuvor yoʻnalishlarini belgilash maqsadida vakolatli operator Milliy reyestr maʼlumotlarining tahlilini amalga oshiradi, dasturiy taʼminot vositalarini ishlab chiqish va joriy etish sohasida marketing tadqiqotlarini oʻtkazadi va ular asosida dasturiy taʼminot vositalari ishlab chiquvchilarini davlat tomonidan qoʻllab-quvvatlash tizimining yanada takomillashtirilishini taʼminlash uchun Vazirlik uchun tahliliy hisobotlar, takliflar va tavsiyalar tayyorlaydi.
(30-band Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Iqtisodiyot vazirligi va Moliya vazirligining 2016-yil 15-apreldagi 17-04, 113, 26-sonli qarori (roʻyxat raqami 2541-1, 03.05.2016-y.) tahririda — OʻR QHT, 2016-y., 18-son, 206-modda)
VI bob. Yakuniy qoidalar
Oldingi tahrirga qarang.
31. Mazkur Nizomni buzishda aybdor boʻlgan shaxslar qonunchilik hujjatlarida belgilangan tartibda javobgar boʻladilar.
(31-band Oʻzbekiston Respublikasi adliya vazirining 2021-yil 30-noyabrdagi 20-mh-sonli buyrugʻi (roʻyxat raqami 3338, 30.11.2021-y.) tahririda — Qonunchilik maʼlumotlari milliy bazasi, 30.11.2021-y., 10/21/3338/1117-son)
LexUZ sharhiQarang: Oʻzbekiston Respublikasi Mehnat kodeksining 312 –– 315-moddalari.
32. Ushbu Nizom Oʻzbekiston Respublikasi Davlat bojxona qoʻmitasi, Oʻzbekiston Respublikasi Davlat soliq qoʻmitasi va Oʻzbekiston Respublikasi Markaziy banki bilan kelishilgan.
Davlat bojxona qoʻmitasi raisi Z. DUSANOV
2013-yil 27-noyabr
Davlat soliq qoʻmitasi raisi B. PARPIYEV
2013-yil 27-noyabr
Markaziy bank raisi F. MULLAJONOV
2013-yil 27-noyabr
Dasturiy taʼminot vositalari ishlab chiquvchilarining milliy reyestri toʻgʻrisidagi nizomga
1-ILOVA
1-ILOVA
Oldingi tahrirga qarang.
|
Dasturiy taʼminot vositalari ishlab chiquvchilarining | |||||||
| | | | | | | | |
|
1. Sizdan Dasturiy taʼminot vositalari ishlab chiquvchilarining Milliy reyestriga kiritishingizni soʻrayman: | |||||||
| _______________________________________________________________ | |||||||
|
(toʻliq firma nomi) | |||||||
| _______________________________________________________________ | |||||||
|
(toʻliq pochta manzili, telefon nomeri, elektron pochta) | |||||||
| _______________________________________________________________ | |||||||
|
(tashkiliy-huquqiy shakli) | |||||||
| _______________________________________________________________ | |||||||
|
(davlat roʻyxatiga olish toʻgʻrisidagi guvohnomaning raqami va sanasi) | |||||||
| _______________________________________________________________ | |||||||
|
(soliq toʻlovchining identifikatsiya raqami) | |||||||
| | | | | | | | |
|
2. Ariza berishdan oldin keladigan hisob-kitob soliq davrida sotilgan tovarlar (ishlar, xizmatlar)ning umumiy hajmidagi oʻz dasturiy taʼminot vositalarini ishlab chiqish, joriy qilish va sotishdan quyidagi tushum olinganligini xabar qilamiz: | |||||||
| | | | | | | | |
| | | | | | |
ming soʻm | |
|
Hisob-kitob davri (avvalgi 3 oy) |
Sof tushumning umumiy summasi |
Oʻz dasturiy taʼminot vositalarini ishlab chiqish, joriy qilish va sotishdan olinadigan sof tushum summasi |
% nisbatida | ||||
|
1 |
2 |
3 |
4 | ||||
|
|
|
|
| ||||
| | | | | | | | |
| 3. Ishlab chiqilgan, joriy qilingan va sotilgan dasturiy taʼminot vositalari roʻyxati: | |||||||
| | | | | | | | |
|
№ |
Dasturiy taʼminot vositalarining nomi |
Dasturiy taʼminot vositalari vazifasining qisqa tavsifi |
Dasturiy taʼminot vositalarining intellektual mulk sifatida Oʻzbekiston Respublikasi Adliya vazirligida roʻyxatga olingan raqami va sanasi — mavjud boʻlganda | ||||
|
1. |
|
|
| ||||
|
2. |
| | | ||||
| | | | | | | | |
|
4. Quyida imzo qoʻyuvchilar yuqorida keltirilgan axborot ishonchli va toʻliq ekanligini tasdiqlaydilar. | |||||||
| | | | | | | | |
| Rahbar |
____________ |
_______________________________ | |||||
|
|
(imzo) |
(familiyasi va ismi-sharifining | |||||
| Bosh buxgalter |
____________ |
_______________________________ | |||||
| |
(imzo) |
(familiyasi va ismi-sharifining | |||||
| | | | | | | | |
(1-ilova matni Oʻzbekiston Respublikasi adliya vazirining 2022-yil 14-oktabrdagi 24-mh-sonli buyrugʻi (roʻyxat raqami 3393, 17.10.2022-y.) tahririda — Qonunchilik maʼlumotlari milliy bazasi, 17.10.2022-y., 10/22/3393/0952-son)yo
Dasturiy taʼminot vositalari ishlab chiquvchilarining milliy reyestri toʻgʻrisidagi nizomga
2-ILOVA
2-ILOVA
Oldingi tahrirga qarang.
(2-ilova Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Iqtisodiyot vazirligi va Moliya vazirligining 2018-yil 9-fevraldagi 162-mh, 7, 23-sonli qarori (roʻyxat raqami 2541-2, 12.03.2018-y.) tahririda — Qonun hujjatlari maʼlumotlari milliy bazasi, 12.03.2018-y., 10/18/2541-2/0886-son)
Dasturiy taʼminot vositalari ishlab chiquvchilarining milliy reyestri toʻgʻrisida nizomga
3-ILOVA
3-ILOVA
Oldingi tahrirga qarang.
|
Yillik soliq hisoboti bilan birga taqdim etiladi | ||||||||||||||||||||||||
| _______________________________________________________________ | ||||||||||||||||||||||||
|
(joylardagi soliq hisobi boʻyicha davlat soliq xizmati organi)ga | ||||||||||||||||||||||||
| _______________________________________________________________ | ||||||||||||||||||||||||
|
(tashkilotning toʻliq nomi) | ||||||||||||||||||||||||
|
taqdim etiladi. | ||||||||||||||||||||||||
| | | | | | | | | | | | | | | | | | | | | | | | | |
| Quyidagi manzil boʻyicha joylashgan ___________________________________________ | ||||||||||||||||||||||||
| 1. Davlat roʻyxatidan oʻtganligi toʻgʻrisidagi guvohnoma | | | | | | | | | | |||||||||||||||
| | | | | | | | | | | | | | | | | | | | | | | | | |
| 2. Tashkil etilgan sanasi (kun/oy/yil) | | | | | | | | | | | | | | |||||||||||
| | | | | | | | | | | | | | | | | | | | | | | | | |
| 3. STIR | | | | | | | | | | | ||||||||||||||
| | | | | | | | | | | | | | | | | | | | | | | | | |
| 4. IFUT | | | | | | | ||||||||||||||||||
| | | | | | | | | | | | | | | | | | | | | | | | | |
| 5. Telefon: | | kod | | | | | |
raqam |
| | | | | | | | | |||||||
| | | | | | | | | | | | | | | | | | | | | | | | | |
|
____________ yil uchun | ||||||||||||||||||||||||
| | | | | | | | | | | | | | | | | | | | | | | | | |
| Imtiyozni qoʻllash uchun asos |
_________________________________________ | |||||||||||||||||||||||
| | | | | | | | | |
(normativ-huquqiy hujjat nomi) | |||||||||||||||
| | | | | | | | | | | | | | | | | | | | |
(ming soʻm) | ||||
|
Koʻrsatkichlar nomi |
Satr kodi |
Summa | ||||||||||||||||||||||
|
Tovar (ish, xizmat)larni sotishdan tushgan sof foyda − jami |
010 |
| ||||||||||||||||||||||
|
Shaxsiy dasturiy taʼminot vositalarini ishlab chiqish, joriy etish va amalga oshirishdan tushgan sof foyda |
020 |
| ||||||||||||||||||||||
| shu jumladan: | | | ||||||||||||||||||||||
|
shaxsiy dasturiy taʼminot vositasini eksport qilishdan tushgan sof foyda |
030 |
| ||||||||||||||||||||||
|
Tovar (ish, xizmat)larni sotishdan tushgan sof foydadagi shaxsiy dasturiy taʼminot vositalarini ishlab chiqish, joriy etish va amalga oshirishdan olingan sof foydaning solishtirma qiymati, foizda (020 satr / 010 satr) |
040 |
| ||||||||||||||||||||||
| shu jumladan: | | | ||||||||||||||||||||||
|
shaxsiy dasturiy taʼminot vositasini eksport qilishdan olingan sof foydaning solishtirma qiymati , foizda (030 satr / 010 satr) |
050 |
| ||||||||||||||||||||||
| | | | | | | | | | | | | | | | | | | | | | | | | |
|
Maʼlumotlar ishonchliligi va toʻliqligini tasdiqlayman: |
| | | | | | | | | | | |||||||||||||
| | | | | | | | | | | | | | | | | | | | | | | | | |
| Rahbar: | | | | | | | | | | | | | | | | | | | | | | |||
| STIR | | | | | | | | | | | | | | |||||||||||
| F.I.Sh. | | | | | | | | | | | | | | | | | | | | | | | ||
| Imzo | | | | |
______________________ |
| | | | | | | | | ||||||||||
| | | | | | | | | | | | | | | | | | | | | | | | | |
| Bosh buxgalter | | | | | | | | | | | | | | | | | | | | |||||
| STIR | | | | | | | | | | | | | | | ||||||||||
| F.I.Sh. | | | | | | | | | | | | | | | | | | | | | | | ||
| Imzo | | | | |
______________________ |
| | | | | | | | | ||||||||||
| | | | | | | | | | | | | | | | | | | | | | | | | |
| Sana | | | | | | | | | | | | | | | ||||||||||
| | | | | | |
(kun/oy/yil) |
| | | | | | | | | |||||||||
| M.Oʻ. (muhr mavjud boʻlgan taqdirda) | | | | | | | | | | | | | | | | | | | | | | | ||
(3-ilova Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Iqtisodiyot vazirligi va Moliya vazirligining 2018-yil 9-fevraldagi 162-mh, 7, 23-sonli qarori (roʻyxat raqami 2541-2, 12.03.2018-y.) tahririda — Qonun hujjatlari maʼlumotlari milliy bazasi, 12.03.2018-y., 10/18/2541-2/0886-son)
(Oʻzbekiston Respublikasi qonun hujjatlari toʻplami, 2013-y., 52-son, 701-modda; 2016-y., 18-son, 206-modda; Qonun hujjatlari maʼlumotlari milliy bazasi, 12.03.2018-y., 10/18/2541-2/0886-son; Qonunchilik maʼlumotlari milliy bazasi, 30.11.2021-y., 10/21/3338/1117-son; 17.10.2022-y., 10/22/3393/0952-son; 28.12.2024-y., 10/24/3595/1086-son)
