|
Hujjat kuchini yo‘qotgan " " 22.02.2021
|
Oʻzbekiston Respublikasi Vazirlar Mahkamasining
qarori
Tabiiy ofatlar oqibatlarini tugatish chora-tadbirlari toʻgʻrisida
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Noqulay ob-havo sharoitlari va shu yil 1 — 3-mayda respublika hududida jala boʻlganligi tufayli Buxoro, Jizzax, Qashqadaryo, Navoiy, Sirdaryo, Samarqand, Surxondaryo va Toshkent viloyatlarining ayrim xoʻjaliklarida qishloq xoʻjaligi ekinlari zarar koʻrdi, turar joylar va ijtimoiy ahamiyatga ega boʻlgan obyektlar shikastlandi.
Tabiiy ofatlar oqibatlarini tugatish va shikastlangan turar joylarni tiklashda qishloq aholisiga yordam berish maqsadida Vazirlar Mahkamasi qaror qiladi:
1. Vazirlar Mahkamasining zaxira jamgʻarmasidan:
ijtimoiy va madaniy-maishiy obyektlarni tiklash uchun Qashqadaryo viloyati hokimligiga — 12 million soʻm, Samarqand viloyati hokimligiga — 8 million soʻm, Sirdaryo, Jizzax va Toshkent viloyatlari hokimliklariga — 10 million soʻmdan ajratilsin;
Oʻzbekiston Respublikasi Qishloq va suv xoʻjaligi vazirligiga — xoʻjaliklararo va xoʻjaliklardagi ichki ariq-zovur va sugʻorish novlari tarmoqlarini tiklash uchun viloyatlar boʻyicha ilovaga muvofiq 84 million soʻm ajratilsin.
2. “Oʻzagrosugʻurta” va “Kafolat” davlat-aksiyadorlik kompaniyalari ikki hafta muddatda fuqarolarning tabiiy ofatdan zarar koʻrgan xoʻjaliklari roʻyxatini va koʻrilgan zarar miqdorini aniqlasinlar, shu yil 1-iyungacha ularga qonunchilikda belgilangan tartibda sugʻurta toʻlovlari toʻlasinlar.
3. “Oʻzkimyosanoat” uyushmasi shu yil may oyida Buxoro, Jizzax, Qashqadaryo va Sirdaryo viloyatlari xoʻjaliklariga 4 ming tonnadan azotli (100 foiz foydali moddalar hisobida) va 1,5 ming tonnadan fosforli oʻgʻitlarni, Navoiy viloyati xoʻjaliklariga 2 ming tonna azotli va 1 ming tonna fosforli oʻgʻitlarni ularga 1997-yil uchun tasdiqlangan limitlar hisobidan oldindan joʻnatsinlar.
4. “Oʻzdavneftmahsulot” birlashmasi (Tojiyev) qishloq xoʻjaligiga 1997-yil uchun tasdiqlangan limitlarga qoʻshimcha ravishda tabiiy ofatlar oqibatlarini tugatish uchun 13 ming tonna dizel yonilgʻisi va 5 ming tonna avtomobil benzini ajratsin.
Oʻzbekiston Respublikasi Qishloq va suv xoʻjaligi vazirligi “Oʻzdavneftmahsulot” birlashmasiga viloyatlar boʻyicha yonilgʻi-moylash materiallarining taqsimotini taqdim etsin.
5. Qishloq va suv xoʻjaligi vazirligi, “Oʻzmevasabzavotuzumsanoat” uyushmasi, Oʻzbekiston Qishloq xoʻjaligi ilmiy-ishlab chiqarish markazi ajratilayotgan mineral oʻgʻitlar va yonilgʻi-moylash materiallari uchun hisob-kitoblarning 1997-yilgi hosil doni va paxta xom ashyosi uchun avans tariqasida beriladigan mablagʻlar va toʻlovlar hisobidan amalga oshirilishini taʼminlasinlar.
6. “Oʻzdavpaxtasanoatsotish” davlat-aksiyadorlik uyushmasi (Zikriyoyev) paxtani qayta ekish uchun xoʻjaliklarning buyurtmanomalari boʻyicha chigitning tezpishar navlari zarur miqdorda yetkazib berilishini taʼminlasin.
Xoʻjaliklarga sabzavot va ozuqa ekinlarini tabiiy ofat taʼsiri natijasida nobud boʻlgan boshoqli don ekinlari ekilgan maydonlarga ekish tavsiya qilinsin. Nobud boʻlgan ekin maydonlari tuman tashkilotlari vakillari va “Oʻzagrosugʻurta” sugʻurta kompaniyasi muassasalari xodimlari ishtirokida tegishli dalolatnomalar bilan rasmiylashtirilsin.
7. Mazkur qarorning bajarilishini nazorat qilish Bosh vazirning birinchi oʻrinbosari I. Joʻrabekov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1997-yil 10-may,
238-son
Vazirlar Mahkamasining 1997-yil 10-maydagi 238-sonli qaroriga
ILOVA
ILOVA
Ariq-zovur va sugʻorish novlari shoxobchalarini tiklash uchun Vazirlar Mahkamasining zaxira jamgʻarmasidan ajratilgan mablagʻlar
HAJMI
|
mln. soʻm | |
|
Viloyatlar |
Summa |
| Buxoro | 10.0 |
| Jizzax | 13.0 |
| Qashqadaryo | 15.0 |
| Navoiy | 5.0 |
| Sirdaryo | 13.0 |
| Samarqand | 10.0 |
| Surxondaryo | 5.0 |
| Toshkent | 13.0 |
| Jami | 84.0 |
