PDF-faylidagi rasmiy manba
Oʻzbekiston Respublikasi Prezidentining
Qarori
“Buxoro viloyatining Olot va Qorakoʻl tumanlarini ichimlik suvi bilan taʼminlashni yaxshilash” loyihasini Xalqaro taraqqiyot uyushmasi ishtirokida amalga oshirish chora-tadbirlari toʻgʻrisida
Buxoro viloyatining Olot va Qorakoʻl tumanlari aholisini sifatli ichimlik suvi bilan taʼminlashni yanada yaxshilash, shuningdek xalqaro moliya tashkilotlari bilan hamkorlikni yanada kengaytirish maqsadida:
1. Quyidagilar:
2012-yil 13-dekabrda Jahon bankining Direktorlar kengashi “Buxoro viloyatining Olot va Qorakoʻl tumanlarini ichimlik suvi bilan taʼminlashni yaxshilash” loyihasini amalga oshirish uchun Oʻzbekiston Respublikasiga Xalqaro taraqqiyot uyushmasining 5 yillik imtiyozli davrni oʻz ichiga oladigan, qaytarish muddati 25 yil boʻlgan umumiy summasi 53,2 mln maxsus qarz olish huquqlari (82,0 mln AQSH dollariga teng) miqdorida kredit berishini maʼqullaganligi;
Oʻzbekiston Respublikasining mazkur loyihani amalga oshirishdagi ulushi 53,9 mln AQSH dollari ekvivalentini, shu jumladan soliq va bojxona imtiyozlarini berish tarzida — 22,6 mln AQSH dollarini, shuningdek Oʻzbekiston Respublikasi Davlat budjeti hisobidan qoʻyiladigan markazlashtirilgan kapital mablagʻlar — 31,3 mln AQSH dollarini tashkil etishi;
loyihani amalga oshirish davri 5 yil deb (2013 — 2017-yillar) belgilanganligi maʼlumot uchun qabul qilinsin.
2. Belgilab qoʻyilsinki:
Oʻzbekiston Respublikasiga Xalqaro taraqqiyot uyushmasining krediti Oʻzbekiston Respublikasi va Xalqaro taraqqiyot uyushmasi oʻrtasida tuzilgan moliyalashtirish toʻgʻrisidagi bitim asosida beriladi;
Oldingi tahrirga qarang.
Buxoro viloyati “Suvoqava” davlat unitar korxonasi (keyingi oʻrinlarda — Buxoro viloyati “Suvoqava” DUK), “Kommunxizmat” agentligi va Buxoro viloyati hokimligi koʻrsatib oʻtilgan loyiha amalga oshirilishi uchun masʼul boʻlgan ijro etuvchi organlar hisoblanadi;
(2-bandning uchinchi xatboshisi Oʻzbekiston Respublikasi Prezidentining 2017-yil 18-iyuldagi PF-5118-sonli Farmoni tahririda — OʻR QHT, 2017-y., 29-son, 685-modda)
Oldingi tahrirga qarang.
Xalqaro taraqqiyot uyushmasi kreditini qaytarish bilan bogʻliq xarajatlar hamda kredit boʻyicha foiz va vositachilik toʻlovlari loyihani amalga oshirish davrida 2013-yildan 2017-yilgacha Oʻzbekiston Respublikasi Davlat budjeti mablagʻlari hisobiga, keyingi yillarda — Buxoro viloyati “Suvoqava” DUK mablagʻlari hisobiga, yetishmayotgan qismi — Oʻzbekiston Respublikasi Davlat budjeti mablagʻlari hisobiga amalga oshiriladi.
(2-bandning toʻrtinchi xatboshisi Oʻzbekiston Respublikasi Prezidentining 2017-yil 18-iyuldagi PF-5118-sonli Farmoni tahririda — OʻR QHT, 2017-y., 29-son, 685-modda)
3. Quyidagilar:
“Buxoro viloyatining Olot va Qorakoʻl tumanlarini ichimlik suvi bilan taʼminlashni yaxshilash” loyihasining texnik-iqtisodiy asoslanishining asosiy texnik-iqtisodiy koʻrsatkichlari 1-ilovaga muvofiq;
“Buxoro viloyatining Olot va Qorakoʻl tumanlarini ichimlik suvi bilan taʼminlashni yaxshilash” loyihasi boʻyicha Xalqaro taraqqiyot uyushmasi kreditini hamda kredit boʻyicha vositachilik toʻlovlarini qaytarish jadvali 2-ilovaga* muvofiq tasdiqlansin.
*2-ilova berilmaydi.
4. Quyidagilarga:
Oldingi tahrirga qarang.
Oʻzbekiston Respublikasi moliya vaziriga Xalqaro taraqqiyot uyushmasi bilan moliyalashtirish toʻgʻrisidagi bitimni, shuningdek Buxoro viloyati “Suvoqava” DUK bilan qayta kreditlash toʻgʻrisidagi bitimni Oʻzbekiston Respublikasi nomidan imzolash;
(4-bandning ikkinchi xatboshisi Oʻzbekiston Respublikasi Prezidentining 2017-yil 18-iyuldagi PF-5118-sonli Farmoni tahririda — OʻR QHT, 2017-y., 29-son, 685-modda)
Oldingi tahrirga qarang.
Buxoro viloyati “Suvoqava” DUK direktoriga loyihani Xalqaro taraqqiyot uyushmasi bilan birga amalga oshirish toʻgʻrisida bitim imzolash;
(4-bandning uchinchi xatboshisi Oʻzbekiston Respublikasi Prezidentining 2017-yil 18-iyuldagi PF-5118-sonli Farmoni tahririda — OʻR QHT, 2017-y., 29-son, 685-modda)
Oʻzbekiston Respublikasi Adliya vazirligiga Oʻzbekiston Respublikasi bilan Xalqaro taraqqiyot uyushmasi oʻrtasida moliyalashtirish toʻgʻrisidagi bitim boʻyicha yuridik xulosa berish vakolati berilsin.
Oldingi tahrirga qarang.
5. Oʻzbekiston Respublikasi Uy-joy kommunal xizmat koʻrsatish vaziri va “Kommunxizmat” agentligi bosh direktori, Buxoro viloyati hokimi, Buxoro viloyati “Suvoqava” DUK direktori zimmasiga:
(5-band Oʻzbekiston Respublikasi Prezidentining 2017-yil 18-iyuldagi PF-5118-sonli Farmoni tahririda — OʻR QHT, 2017-y., 29-son, 685-modda)
loyihani amalga oshirishga yoʻnaltirilgan mablagʻlardan maqsadli va samarali foydalanish;
Jahon banki tartib-qoidalari va Oʻzbekiston Respublikasi qonun hujjatlariga muvofiq zarur hisobotlar hamda hujjatlarni belgilangan muddatlarda tayyorlash va taqdim qilinishini tashkil etish;
suv taʼminoti tashkilotlarining investitsiya oldi va investitsiya davrlaridagi ish samaradorligi;
Oldingi tahrirga qarang.
Buxoro viloyati “Suvoqava” DUK va unga tobe boʻlgan shahar va tuman suv taʼminlash tashkilotlarining tashkiliy tuzilmasini maqbullashtirish;
(5-bandning beshinchi xatboshisi Oʻzbekiston Respublikasi Prezidentining 2017-yil 18-iyuldagi PF-5118-sonli Farmoni tahririda — OʻR QHT, 2017-y., 29-son, 685-modda)
suv taʼminoti tashkilotlarining faoliyat samaradorligini, shu jumladan isteʼmolchilarni yalpi xatlovdan oʻtkazish, hisobga olinmagan suv isteʼmolchilarini aniqlash, suv isrofgarchiligini kamaytirish va mablagʻlar yigʻilishi darajasini koʻtarish, ishlab chiqarish va moliyaviy hisob-kitoblarni yoʻlga qoʻyishni avtomatlashtirilgan billing tizimini joriy qilgan holda, abonentlarni va beriladigan hisob-kitoblarni zarur darajada hisobga olishni taʼminlash hisobiga oshirish ustidan nazoratni tashkil etish yuzasidan shaxsiy masʼuliyat yuklansin.
Oldingi tahrirga qarang.
6. Loyihani boshqarish vazifasi “Kommunxizmat” agentligi huzurida faoliyat yuritayotgan Jahon bankining Loyihalarni muvofiqlashtirish guruhi zimmasiga yuklansin.
(6-band Oʻzbekiston Respublikasi Prezidentining 2017-yil 18-iyuldagi PF-5118-sonli Farmoni tahririda — OʻR QHT, 2017-y., 29-son, 685-modda)
7. Oʻzbekiston Respublikasi Iqtisodiyot vazirligi va Moliya vazirligi 2014-yildan boshlab, Oʻzbekiston Respublikasining har yilgi investitsiya dasturlarini shakllantirishda “Buxoro viloyatining Olot va Qorakoʻl tumanlarini ichimlik suvi bilan taʼminlashni yaxshilash” loyihasini amalga oshirish boʻyicha Oʻzbekiston Respublikasining ulushini moliyalashtirishni nazarda tutsin.
Oldingi tahrirga qarang.
8. Oʻzbekiston Respublikasi Moliya vazirligi 2014-yildan boshlab, kelasi yildagi Davlat budjeti loyihasini shakllantirishda Oʻzbekiston Respublikasining respublika budjeti parametrlarida Buxoro viloyati “Suvoqava” DUKning shu maqsadlarga yoʻnaltiriladigan shaxsiy mablagʻlariga qoʻshimcha ravishda Xalqaro taraqqiyot uyushmasi krediti boʻyicha komissiyalarni toʻlash, asosiy qarzni qoplashga mablagʻlar ajratilishini nazarda tutsin.
Oldingi tahrirga qarang.
(8-bandning ikkinchi xatboshisi Oʻzbekiston Respublikasi Prezidentining 2023-yil 26-apreldagi PF-62-sonli Farmoniga asosan chiqarilgan — Qonunchilik maʼlumotlari milliy bazasi, 27.04.2023-y., 06/23/62/0232-son)
Oldingi tahrirga qarang.
9. “Buxoro viloyatining Olot va Qorakoʻl tumanlarini ichimlik suvi bilan taʼminlashni yaxshilash” loyihasini amalga oshirish doirasida:
Xalqaro taraqqiyot uyushmasi krediti mablagʻlari va Oʻzbekiston Respublikasining mablagʻlari hisobiga xarid qilinadigan tovarlar (ishlar, xizmatlar) va transport vositalari qoʻshilgan qiymat soligʻidan, shuningdek, Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasiga hamda Oʻzbekiston Respublikasi Moliya vazirligi huzuridagi budjetdan tashqari Taʼlim va tibbiyot muassasalarining moddiy-texnika bazasini rivojlantirish jamgʻarmasiga majburiy ajratmalar va yigʻimlar toʻlashdan;
Oʻzbekiston Respublikasi Vazirlar Mahkamasi tomonidan tasdiqlanadigan roʻyxatlar boʻyicha Xalqaro taraqqiyot uyushmasi krediti mablagʻlari va Oʻzbekiston Respublikasining mablagʻlari hisobiga olib kelinadigan tovarlar va transport vositalari bojxona toʻlovlaridan ozod qilinsin (bojxona yigʻimlari bundan mustasno).
(9-bandning birinchi xatboshisi Oʻzbekiston Respublikasi Prezidentining 2017-yil 18-iyuldagi PF-5118-sonli Farmoni tahririda — OʻR QHT, 2017-y., 29-son, 685-modda)
Belgilansinki, mazkur imtiyozlarni berish natijasida boʻshaydigan mablagʻlar ushbu loyihani amalga oshirishga Oʻzbekiston Respublikasining qoʻshgan hissasi hisoblanadi.
Oldingi tahrirga qarang.
10. Oʻzbekiston Respublikasi Tashqi ishlar vazirligi “Kommunxizmat” agentligi talabnomalariga koʻra, loyihani amalga oshirishda ishtirok etayotgan xorijiy mutaxassislarning kirish vizalari konsullik yigʻimi va boshqa yigʻimlar undirib olinmasdan rasmiylashtirilishini taʼminlasin.
(10-band Oʻzbekiston Respublikasi Prezidentining 2017-yil 18-iyuldagi PF-5118-sonli Farmoni tahririda — OʻR QHT, 2017-y., 29-son, 685-modda)
Oldingi tahrirga qarang.
11. Oʻzbekiston Respublikasi Ichki ishlar vazirligi “Kommunxizmat” agentligi talabnomalariga koʻra, loyihani amalga oshirishda ishtirok etayotgan xorijiy mutaxassislarga koʻp martalik vizalar berish va ularning muddatini uzaytirish, shuningdek Oʻzbekiston Respublikasida vaqtincha roʻyxatda turish va uning muddatini uzaytirishni taʼminlasin hamda ular davlat boji toʻlashdan ozod qilinsin.
(11-band Oʻzbekiston Respublikasi Prezidentining 2017-yil 18-iyuldagi PF-5118-sonli Farmoni tahririda — OʻR QHT, 2017-y., 29-son, 685-modda)
12. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Bosh vazirining oʻrinbosari I.B. Zakirov zimmalariga yuklansin.
Oʻzbekiston Respublikasi Prezidenti I. KARIMOV
Toshkent sh.,
2013-yil 15-iyul,
PQ-2001-son
Oʻzbekiston Respublikasi Prezidentining 2013-yil 15-iyuldagi PQ-2001-sonli qaroriga
ILOVA
“Buxoro viloyatining Olot va Qorakoʻl tumanlarini ichimlik suvi bilan taʼminlashni yaxshilash” loyihasining texnik-iqtisodiy asoslanishining asosiy texnik-iqtisodiy koʻrsatkichlari

T/r

Koʻrsatkich nomi

Oʻlchov birligi

Jami *

shu jumladan, quyidagilar hisobidan:

Buxoro viloyati “Suvoqova” ICHB

Oʻzbekiston Respublikasi davlat budjeti

XTU krediti

1.

Loyihaning umumiy qiymati

ming AQSH dollari

139 021,51

51,71

56 969,8

82 000,00

2.

Jami kapital qoʻyilmalar

ming AQSH dollari

113 219,69

-

31 219,69

82 000,00

shu jumladan:

2.1.

mashina va uskunalar

ming AQSH dollari

7 150,05

-

2 203,11

4 946,94

erkin almashtiriladigan valyutada

ming AQSH dollari

4 946,94

-

-

4 946,94

milliy valyutada

ming AQSH dollari ekv

2 203,11

-

2 203,11

-

2.2.

qurilish-montaj ishlari

ming AQSH dollari ekv

94 171,46

-

29 016,58

65 154,88

2.3.

boshqa xarajatlar

ming AQSH dollari

11 898,18

-

-

11 898,18

3.

Investitsiya davridagi moliyaviy xarajatlar **

ming AQSH dollari ekv

3 108,21

-

3 108,21

-

4.

Taqdim etilgan soliq va bojxona imtiyozlari

ming AQSH dollari ekv

22 641,90

-

22 641,90

-

5.

Mavjud asosiy jamgʻarmalarning qiymati

ming AQSH dollari ekv

51,71

51,71

-

-

6.

Korxonaning quvvati, shu jumladan:

ming kub m/sut

50

6.1.

2017-yilda ishlab chiqariladigan mahsulotlarning yillik hajmi

kub. m/yil

13 858 310

6.2.

yillik eksportning taxminiy hajmi

7.

Ish bilan band qilingan ishchilarning taxminiy soni

nafar

163

8.

Qurilish oʻzini oʻzi qoplashining taxminiy muddati

yil

25

9.

Investitsiya davri

oy

60

* Yakuniy qiymat koʻrsatkichlari tovarlar (ishlar, xizmatlar)ni yetkazib berish va qurilish ishlarini bajarish uchun tenderlarning batafsil loyiha-smeta hujjatlarini tayyorlash natijalariga koʻra aniqlanadi.
** Jismoniy shaxslardan olinadigan daromad soligʻi va yagona ijtimoiy soliq toʻlovi XTU krediti mablagʻlari hisobidan amalga oshiriladi.
 LexUZ sharhi
ilova norasmiy tarjima
(Oʻzbekiston Respublikasi qonun hujjatlari toʻplami, 2013-y., 30-son, 384-modda; 2014-y., 29-son, 356-modda; 2016-y., 11-son, 102-modda; Qonunchilik maʼlumotlari milliy bazasi, 27.04.2023-y., 06/23/62/0232-son)