OʻZBEKISTON RESPUBLIKASI TABIATNI MUHOFAZA QILISH DAVLAT QOʻMITASI
OʻZBEKISTON RESPUBLIKASI ICHKI ISHLAR VAZIRLIGINING
OʻZBEKISTON RESPUBLIKASI ICHKI ISHLAR VAZIRLIGINING
Qarori
QAROVSIZ QOLGAN HAYVONLARNI OTIB TASHLASH TARTIBI TOʻGʻRISIDA YOʻRIQNOMANI TASDIQLASH HAQIDA
[Oʻzbekiston Respublikasi Adliya vazirligi tomonidan 2012-yil 22-mayda roʻyxatdan oʻtkazildi, roʻyxat raqami 2368]
Oʻzbekiston Respublikasi Vazirlar Mahkamasining 2011-yil 8-iyuldagi 202-son “Qarovsiz qolgan hayvonlarni tutish va saqlash bilan bogʻliq xizmatlar faoliyatini takomillashtirish chora-tadbirlari toʻgʻrisida”gi qarorining (Oʻzbekiston Respublikasi qonun hujjatlari toʻplami, 2011-y., 28-son, 290-modda) 9-bandiga muvofiq Oʻzbekiston Respublikasi Tabiatni muhofaza qilish davlat qoʻmitasi va Ichki ishlar vazirligi qaror qiladi:
1. Qarovsiz qolgan hayvonlarni otib tashlash tartibi toʻgʻrisida yoʻriqnoma ilovaga muvofiq tasdiqlansin.
2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.
Tabiatni muhofaza qilish davlat qoʻmitasi raisi N. UMAROV
Toshkent sh.,
2012-yil 29-mart,
3-son
Ichki ishlar vaziri B. MATLYUBOV
Toshkent sh.
2012-yil 29-mart,
9-son
Oʻzbekiston Respublikasi Tabiatni muhofaza qilish davlat qoʻmitasi va Ichki ishlar vazirligining 2012-yil 29-martdagi 3, 9-son qaroriga
ILOVA
ILOVA
Qarovsiz qolgan hayvonlarni otib tashlash tartibi toʻgʻrisida
YOʻRIQNOMA
Mazkur Yoʻriqnoma Oʻzbekiston Respublikasi Vazirlar Mahkamasining 2011-yil 8-iyuldagi 202-son “Qarovsiz qolgan hayvonlarni tutish va saqlash bilan bogʻliq xizmatlar faoliyatini takomillashtirish chora-tadbirlari toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2011-y., 28-son, 290-modda) muvofiq ixtisoslashtirilgan ovchilik brigadalari (bundan buyon matnda brigadalar deb yuritiladi) tomonidan qarovsiz qolgan, shu jumladan egasiz itlar, mushuklar va yovvoyi hayvonlarni (bundan buyon matnda hayvonlar deb yuritiladi) otib tashlash, oʻqotar ov qurollarini tashish, saqlash, hisobga olish, berish va ulardan foydalanish tartibini belgilaydi.
I bob. Umumiy qoidalar
Oldingi tahrirga qarang.
1. Hayvonlarni otib tashlash yovvoyi hayvonlarni ovlash uchun ruxsatnomalar hamda shahar va tuman obodonlashtirish boshqarmalari huzuridagi qarovsiz hayvonlarni tutish boʻlimlarining (bundan buyon matnda hayvonlarni tutish boʻlimlari deb yuritiladi) taqdimnomalariga asosan brigadalar tomonidan amalga oshiriladi.
(1-band Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligining 2023-yil 12-avgustdagi MN-6-son va Ichki ishlar vazirligining 2023-yil 10-avgustdagi 42-qq-son qarori (roʻyxat raqami 2368-3, 14.09.2023-y.) tahririda — Qonunchilik maʼlumotlari milliy bazasi, 19.09.2023-y., 10/23/2368-3/0711-son)
Oldingi tahrirga qarang.
2. Yovvoyi hayvonlarni ovlash uchun ruxsatnomalar Vazirlar Mahkamasining 2022-yil 22-fevraldagi 86-son qarori bilan tasdiqlangan Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari toʻgʻrisidagi yagona nizomga muvofiq beriladi.
(2-band Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligining 2023-yil 12-avgustdagi MN-6-son va Ichki ishlar vazirligining 2023-yil 10-avgustdagi 42-qq-son qarori (roʻyxat raqami 2368-3, 14.09.2023-y.) tahririda — Qonunchilik maʼlumotlari milliy bazasi, 19.09.2023-y., 10/23/2368-3/0711-son)
3. Ushbu Yoʻriqnoma talablari parrandalarni otib tashlashga (tabiatdan ajratib olishga) tatbiq etilmaydi.
Oldingi tahrirga qarang.
4. Hayvonlarni quturish joylarida, quturish kasalligi koʻp uchrashi xavfi boʻlgan epizootik hududlarda hayvonlarni otib tashlash tumanlar (shaharlar) veterinariya boʻlimlarining taqdimnomalariga muvofiq amalga oshiriladi.
(4-band Oʻzbekiston Respublikasi Ekologiya va atrof-muhitni muhofaza qilish davlat qoʻmitasi va Ichki ishlar vazirligining 2018-yil 19-fevraldagi 1, 46-son qarori (roʻyxat raqami 2368-2, 17.03.2018-y.) tahririda — Qonun hujjatlari maʼlumotlari milliy bazasi, 18.03.2018-y., 10/18/2368-2/0923-son)
5. Hayvonlarni otib tashlash, hayvonlarni tabiatdan ajratib olish maqsadlari va koʻlamlari (soni) ularni tutish yoʻli bilan erishilmagan yoxud erishilishi mumkin boʻlmaganda istisno tariqasida (eng soʻnggi chora sifatida) amalga oshiriladi.
6. Sogʻliqni saqlash organlari brigadalar aʼzolarini muntazam ravishda quturishga qarshi profilaktik emlash, hayvonlar tishlaganida va boshqa jarohatlar yetkazganida kechiktirib boʻlmaydigan harakatlar toʻgʻrisida tushuntirish ishlarini olib borish, shuningdek brigadalarning jabrlangan aʼzolarini tezkor emlash ishlarini taʼminlashlari zarur.
II bob. Brigadalarni shakllantirish
7. Brigadalar hayvonlarni otib tashlash tadbirlarini amalga oshirish uchun Qoraqalpogʻiston Respublikasi, viloyatlar va Toshkent shahrida kamida bittadan tashkil etiladi. Xizmat koʻrsatiladigan hududning hajmiga, hayvonlar ommaviy toʻplanishi mumkin boʻlgan joylar va ularning migratsiyasi (joyini oʻzgartirishi) yoʻllari, otib tashlanishi kerak boʻlgan hayvonlar sonini inobatga olgan holda har bir hududda qoʻshimcha brigadalar tashkil etilishi mumkin.
8. Brigadalar tarkibiga, mazkur Yoʻriqnomaning 9 —11-bandlarini inobatga olgan holda quyidagi shaxslar kiritiladi:
Oldingi tahrirga qarang.
a) muayyan tumanlar (shaharlar) doirasida hayvonlarni otib tashlashga tayyorgarlik koʻrish va otish boʻyicha tadbirlarni amalga oshirishning aniq joylarini, yoʻnalishlarini, vaqti va tartibini belgilash uchun — ovchilik jamiyatlari xodimlari, havaskor ovchilar (ularning roziligi bilan), davlat ekologiya inspektorlari va hayvonlarni tutish boʻlimi xodimlari;
(8-bandning “a” kichik bandi Oʻzbekiston Respublikasi adliya vazirining 2026-yil 13-martdagi 9-mh-sonli buyrugʻi (roʻyxat raqami 3788, 16.03.2026-y.) tahririda — Qonunchilik maʼlumotlari milliy bazasi, 16.03.2026-y., 10/26/3788/0242-son)
Oldingi tahrirga qarang.
b) aholi orasida zarur tushuntirish ishlarini olib borish, muayyan mahallalar (mavzelar) doirasida jamoat tartibi va fuqarolar xavfsizligini taʼminlash uchun — ichki ishlar organlarining profilaktika inspektorlari, sogʻliqni saqlash va fuqarolarning oʻzini oʻzi boshqarish organlari vakillari hamda profilaktika inspektorining jamoat tartibini saqlash boʻyicha yordamchisi va “Fidokor yoshlar” jamoatchilik patrul guruhlari aʼzolari;
(8-bandning “b” kichik bandi Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligining 2023-yil 12-avgustdagi MN-6-son va Ichki ishlar vazirligining 2023-yil 10-avgustdagi 42-qq-son qarori (roʻyxat raqami 2368-3, 14.09.2023-y.) tahririda — Qonunchilik maʼlumotlari milliy bazasi, 19.09.2023-y., 10/23/2368-3/0711-son)
v) otish tadbirlarini amalga oshirish joylaridan kelib chiqib:
oʻrmon, ovchilik, oʻrmon-ovchilik xoʻjaliklari hamda muhofaza etiladigan tabiiy hududlar vakillari – ularga topshirilgan hududda hayvonlarni otib tashlash amalga oshirilayotganda;
Oldingi tahrirga qarang.
tumanlar (shaharlar) veterinariya boʻlimlari xodimlari — hayvonlarni quturish joylarida, quturish kasalligi koʻp uchrashi xavfi boʻlgan epizootik hududlarda otib tashlash amalga oshirilayotganda kiritiladi.
(8-bandning “v” kichik bandi uchinchi xatboshisi Oʻzbekiston Respublikasi Ekologiya va atrof-muhitni muhofaza qilish davlat qoʻmitasi va Ichki ishlar vazirligining 2018-yil 19-fevraldagi 1, 46-son qarori (roʻyxat raqami 2368-2, 17.03.2018-y.) tahririda — Qonun hujjatlari maʼlumotlari milliy bazasi, 18.03.2018-y., 10/18/2368-2/0923-son)
Oldingi tahrirga qarang.
9. Hayvonlarni bevosita otib tashlash uchun havaskor ovchilar sifatida brigadalar tarkibiga Oʻzbekiston ovchi va baliqchilar sport birlashmasining aʼzolari hisoblangan:
(9-bandning birinchi xatboshisi Oʻzbekiston Respublikasi Ekologiya va atrof-muhitni muhofaza qilish davlat qoʻmitasi va Ichki ishlar vazirligining 2018-yil 19-fevraldagi 1, 46-son qarori (roʻyxat raqami 2368-2, 17.03.2018-y.) tahririda — Qonun hujjatlari maʼlumotlari milliy bazasi, 18.03.2018-y., 10/18/2368-2/0923-son)
respublika (Qoraqalpogʻiston Respublikasida), viloyat va tuman boʻysunuvidagi shaharlar hududida – kamida oxirgi 10 yil;
boshqa aholi punktlari hududida – kamida oxirgi 5 yil mobaynida oʻqotar ov qurolidan foydalanayotgan Oʻzbekiston Respublikasining fuqarolari jalb etilishi mumkin.
Oldingi tahrirga qarang.
10. Jamoat nazoratini amalga oshirish tartibida brigadalar tarkibiga qonunchilik hujjatlarida belgilangan tartibda roʻyxatdan oʻtgan tabiatni muhofaza qilish va ekologik jamoat tashkilotlarining vakillari jalb etilishi mumkin.
(10-band Oʻzbekiston Respublikasi adliya vazirining 2021-yil 28-iyuldagi 16-mh-sonli buyrugʻi (roʻyxat raqami 3313, 28.07.2021-y.) tahririda — Qonunchilik maʼlumotlari milliy bazasi, 28.07.2021-y., 10/21/3313/0724-son)
LexUZ sharhiQarang: Vazirlar Mahkamasining 2015-yil 8-oktabrdagi 287-son qarori bilan tasdiqlangan Jamoatchilik ekologik nazoratini amalga oshirish tartibi toʻgʻrisidagi nizom.
11. Oʻrmon, ovchilik va oʻrmon-ovchilik xoʻjaliklari hududlarida hamda muhofaza etiladigan tabiiy hududlarda brigadalar tarkibiga ushbu xoʻjaliklarning masʼul xodimlarini kiritish sharti bilan ichki ishlar organlarining profilaktika inspektorlarini jalb etmasdan hayvonlarni otib tashlashga yoʻl qoʻyiladi.
Oldingi tahrirga qarang.
12. Brigada tarkibi, shu jumladan brigada boshligʻi Qoraqalpogʻiston Respublikasi Ichki ishlar vazirligining, Toshkent shahar va Toshkent viloyati ichki ishlar bosh boshqarmalarining hamda viloyatlar ichki ishlar boshqarmalarining (bundan buyon matnda viloyat ichki ishlar boshqarmalari deb yuritiladi) jamoat xavfsizligi xizmati jamoat tartibini saqlash boshqarmasi bilan kelishilgan holda mahalliy ijro etuvchi hokimiyat organlari hamda ekologiya va iqlim oʻzgarishi organlarining qoʻshma qarori bilan tasdiqlanadi.
(12-band Oʻzbekiston Respublikasi adliya vazirining 2026-yil 4-avgustdagi 25-mh-sonli buyrugʻi (roʻyxat raqami 3916, 04.08.2026-y.) tahririda — Qonunchilik maʼlumotlari milliy bazasi, 05.08.2026-y., 10/26/3916/0819-son)
III bob. Hayvonlarni otib tashlashni tashkil etish va amalga oshirish
Oldingi tahrirga qarang.
13. Hayvonlarni bevosita otib tashlash brigada tarkibiga kiritilgan ovchilik jamiyatlari xodimlari, havaskor ovchilar tomonidan ularga tegishli boʻlgan fuqaroviy oʻqotar ov quroli, oʻrmon, ovchilik, oʻrmon-ovchilik xoʻjaliklari, shuningdek muhofaza etiladigan tabiiy hududlari vakillari tomonidan ularga topshirilgan hududda, xizmat quroli orqali amalga oshiriladi.
(13-bandning birinchi xatboshisi Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligining 2023-yil 12-avgustdagi MN-6-son va Ichki ishlar vazirligining 2023-yil 10-avgustdagi 42-qq-son qarori (roʻyxat raqami 2368-3, 14.09.2023-y.) tahririda — Qonunchilik maʼlumotlari milliy bazasi, 19.09.2023-y., 10/23/2368-3/0711-son)
Brigada tomonidan zararsizlantirish imkoniyati boʻlmagan hollarda fuqarolarning hayoti va sogʻligʻiga va atrof muhitga tahdid solayotgan hayvonlarni zararsizlantirish maqsadida istisno tariqasida ichki ishlar organlari xodimlari tomonidan tabel quroli ishlatilishi mumkin.
14. Hayvonlarni otish uchun silliq stvolli oʻqotar ov qurolidan foydalanilishi lozim.
Oldingi tahrirga qarang.
Ayrim hollarda otib tashlanishi kerak boʻlgan hayvonlarning turi va joylashgan hududini inobatga olgan holda aholi punktlari hududidan tashqarida (sahro, dasht, togʻ va togʻoldi joylarda) otib tashlash uchun soyli stvolli oʻqotar ov qurolidan hamda kombinatsiyalangan (soyli stvolli va silliq stvolli) oʻqotar ov qurolidan, shu jumladan almashtiriladigan va joylashtiriladigan soyli stvolli oʻqotar ov qurolidan foydalanish mumkin.
(14-bandning ikkinchi xatboshisi Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligining 2023-yil 12-avgustdagi MN-6-son va Ichki ishlar vazirligining 2023-yil 10-avgustdagi 42-qq-son qarori (roʻyxat raqami 2368-3, 14.09.2023-y.) tahririda — Qonunchilik maʼlumotlari milliy bazasi, 19.09.2023-y., 10/23/2368-3/0711-son)
15. Brigada aʼzolari foydalaniladigan qurolga oʻrnatilgan tartibda ichki ishlar organlari tomonidan ularni saqlash va olib yurish huquqini beruvchi yakka tartibdagi ruxsatnoma rasmiylashtirilgan boʻlishi lozim.
16. Quyidagi hollarda otish taqiqlanadi:
a) kunning kechki va tungi vaqtlarida, yaxshi koʻrinmaydigan sharoitlarda;
b) koʻrinmaydigan, yomon koʻrinadigan yoki noaniq farqlanadigan nishonlarga;
v) shovqinga (shovqin tomonga);
g) odamlar tomonga;
d) foydalaniladigan qurollar oʻqi yetib boradigan masofa doirasida turar joy, maʼmuriy, ishlab chiqarish binolari va boshqa imoratlar, avtomobil yoʻllari, temir yoʻllar, jamoat transporti bekatlari va transport vositalari toʻxtash joylari, transport infratuzilmasining boshqa obyektlari, savdo, madaniyat va dam olish obyektlari, sport va madaniy-tomosha obyektlari, taʼlim muassasalari, sogʻliqni saqlash muassasalari, odamlar toʻplanishi mumkin boʻlgan boshqa joylar, shuningdek alohida muhim va toifalashtiriladigan obyektlar yoʻnalishi boʻylab;
e) ish bajarilayotgan qishloq xoʻjaligi ekin maydonlari dalalarida yoxud ular yoʻnalishida;
j) mastlik holatida yoki giyovandlik vositalari, psixotrop yoki odamning aql-irodasiga taʼsir etuvchi boshqa moddalar taʼsiri ostida;
Oldingi tahrirga qarang.
z) yovvoyi hayvonlarni ovlash uchun ruxsatnomalarida koʻrsatilmagan hayvonlarga;
(16-bandning “z” kichik bandi Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligining 2023-yil 12-avgustdagi MN-6-son va Ichki ishlar vazirligining 2023-yil 10-avgustdagi 42-qq-son qarori (roʻyxat raqami 2368-3, 14.09.2023-y.) tahririda — Qonunchilik maʼlumotlari milliy bazasi, 19.09.2023-y., 10/23/2368-3/0711-son)
i) boʻyinbogʻiga belgilangan namunadagi jeton mahkamlangan itlarga;
k) nosoz qurollardan;
Oldingi tahrirga qarang.
l) ushbu Yoʻriqnomaning 14-bandi ikkinchi xatboshisida nazarda tutilgan hollardan tashqari soyli stvolli oʻqotar ov qurolidan hamda kombinatsiyalangan (soyli stvolli va silliq stvolli) oʻqotar ov qurolidan, shu jumladan almashtiriladigan va joylashtiriladigan soyli stvolli oʻqotar ov qurolidan.
(16-bandning “l” kichik bandi Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligining 2023-yil 12-avgustdagi MN-6-son va Ichki ishlar vazirligining 2023-yil 10-avgustdagi 42-qq-son qarori (roʻyxat raqami 2368-3, 14.09.2023-y.) tahririda — Qonunchilik maʼlumotlari milliy bazasi, 19.09.2023-y., 10/23/2368-3/0711-son)
17. Mazkur Yoʻriqnomaning 16-bandi “a”, “b”, “d”, “e”, “i” va “l” kichik bandlarida koʻrsatib oʻtilgan hollarda fuqarolarning hayoti va sogʻligʻiga hamda atrof muhitga xavf tugʻdirish holatlari yuzaga kelganda brigada aʼzolari tomonidan hayvonlarni otish brigada boshligʻining ruxsati bilan amalga oshirilishi mumkin.
18. Brigada aʼzolariga hayvonlarni ushlash uchun portlovchi, zaharli, kimyoviy, biologik va boshqa xavfli moddalardan foydalanish taqiqlanadi.
19. Hayvonlarni otish ushbu Yoʻriqnomada nazarda tutilgan brigada aʼzolari va boshqa fuqarolarning hayoti va sogʻligʻini muhofaza qilish choralari koʻrilganidan, jamoat tartibi va xavfsizlik taʼminlanganidan keyin quyidagilarni inobatga olgan holda amalga oshiriladi:
nishonlarning uzoqligi, qurolning turi va markasi, oʻq yoki ov oʻqi parchasi (bundan buyon matnda oʻq deb yuritiladi) otilishining eng koʻp masofasi va yoʻnalishi;
oʻq yoʻnalishida va otish zonasida (xavfli zonada) turar joy, maʼmuriy, ishlab chiqarish binolari va boshqa imoratlar, avtomobil yoʻllari, temir yoʻllar, jamoat transporti bekatlari va transport vositalari toʻxtash joylari, transport infratuzilmasining boshqa obyektlari, savdo, madaniyat va dam olish obyektlari, sport va madaniy-tomosha obyektlari, taʼlim muassasalari, sogʻliqni saqlash muassasalari, odamlar toʻplanishi mumkin boʻlgan boshqa joylar, shuningdek alohida muhim va toifalashtiriladigan obyektlar mavjudligi;
oʻqning yer yuzasi, binolarning devorlari, simyogʻochlar, daraxtlar va boshqa toʻsiqlarga tegib boshqa tomonlarga yoʻnalishi mumkinligi;
oʻq otish yoʻnalishida (yoʻnalishlarda) oʻqning uchib borishiga toʻsqinlik qiluvchi sunʼiy va tabiiy toʻsiqlar mavjudligi (gʻovlar, taxta devorlar, bordyurlar, tuproq devor, balandliklar, joyning togʻ va past-baland, oʻnqir-choʻnqir joylari va shu kabilar);
otib tashlash tadbirlari otish zonasida joylashgan tashkilotlarning ish kuni boʻlmagan kunlariga yoxud uning binolarida yoki ularga tutashgan hududda xodimlar va mijozlarning eng kam soni boʻladigan davrga toʻgʻri kelishi uchun ish rejimini hisobga olishi;
katta boʻlmagan balandlikda va gorizontal yoʻnalishda yoki nishonga nisbatan oʻtkir burchak hosil boʻlgan holda eng yaqin masofadan otish zarurligi;
hududning sharoitlari (xususiyati), obyektlarning joylashishi va otib tashlashning xavfsizligiga taʼsir koʻrsatadigan boshqa mahalliy xususiyatlar hisobga olingan holda brigada boshligʻi, ichki ishlar organlarining profilaktika inspektori tomonidan brigadaning boshqa aʼzolari bilan birgalikda belgilanadigan boshqa holatlar.
Oldingi tahrirga qarang.
20. Ichki ishlar organlarining profilaktika inspektorlari, fuqarolarning oʻzini oʻzi boshqarish va mahalliy ijro etuvchi hokimiyat organlari vakillari tomonidan profilaktika inspektorining jamoat tartibini saqlash boʻyicha yordamchisi va “Fidokor yoshlar” jamoatchilik patrul guruhlari aʼzolari bilan birgalikda otish zonasida joylashgan aholini, tashkilotlar va boshqa obyektlarning masʼul vakillarini hayvonlarni otib tashlash tadbirlarini oʻtkazish maqsadlari, hududlari (zonalari) hamda vaqti toʻgʻrisida xabardor qilish choralari koʻriladi.
(20-bandning birinchi xatboshisi Oʻzbekiston Respublikasi adliya vazirining 2026-yil 4-avgustdagi 25-mh-sonli buyrugʻi (roʻyxat raqami 3916, 04.08.2026-y.) tahririda — Qonunchilik maʼlumotlari milliy bazasi, 05.08.2026-y., 10/26/3916/0819-son)
Oldingi tahrirga qarang.
Hayvonlarni otib tashlashga tayyorgarlik koʻrish va uni bevosita amalga oshirish bilan bogʻliq tadbirlar, xavfli zonalar belgilangan va tegishli belgilar qoʻyilgan (toʻsilgan) hamda fuqarolar va transport vositalarini ushbu zonaga kirmaslik choralari koʻrilgan holda fuqarolarning oʻzini oʻzi boshqarish organlari, tashkilotlar va boshqa obyektlarning masʼul xodimlari bilan birgalikda brigada aʼzolari, ichki ishlar organlarining profilaktika inspektorlari va mahalliy ijro etuvchi hokimiyat organlari vakillari tomonidan amalga oshiriladi.
(20-bandning ikkinchi xatboshisi Oʻzbekiston Respublikasi adliya vazirining 2026-yil 4-avgustdagi 25-mh-sonli buyrugʻi (roʻyxat raqami 3916, 04.08.2026-y.) tahririda — Qonunchilik maʼlumotlari milliy bazasi, 05.08.2026-y., 10/26/3916/0819-son)
Otish zonasida joylashgan fuqarolarning oʻzini oʻzi boshqarish organlari, tashkilotlar va boshqa obyektlar masʼul vakillari ushbu zonadagi fuqarolarni otish vaqti, joyi va yoʻnalishi toʻgʻrisida ogohlantirish hamda ularni xavfli zona doirasida boʻlishiga yoʻl qoʻymaslik choralarini koʻradilar.
21. Otish zonasida joylashgan fuqarolarning oʻzini oʻzi boshqarish organlari, tashkilotlar va boshqa obyektlar masʼul vakillari brigadalarga yuklangan funksiyalarni amalga oshirishda ularga tashkiliy-amaliy va boshqa zarur yordamni koʻrsatishga majburdirlar.
22. Otib tashlash ishlari boshlanishidan oldin brigada boshligʻi ichki ishlar organlarining profilaktika inspektori bilan birgalikda:
a) majburiy tartibda:
brigada aʼzolari sogʻligʻining holatini;
brigada aʼzolaridagi qurollarning ruxsat beruvchi hujjatlari mavjudligini;
Oldingi tahrirga qarang.
oʻqotar ov quroli va uning oʻq-dorilari texnik holatini tekshiradi;
(22-band “a” kichik bandining toʻrtinchi xatboshisi Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligining 2023-yil 12-avgustdagi MN-6-son va Ichki ishlar vazirligining 2023-yil 10-avgustdagi 42-qq-son qarori (roʻyxat raqami 2368-3, 14.09.2023-y.) tahririda — Qonunchilik maʼlumotlari milliy bazasi, 19.09.2023-y., 10/23/2368-3/0711-son)
b) brigada aʼzolariga aniq vazifalarni, javobgarlik zonalarini, xatti-harakatlar izchilligini, shaxsiy xavfsizlikni va boshqa fuqarolarning xavfsizligini taʼminlash choralarini, mol-mulkning saqlanishini, hayvonlar tishlaganda va boshqa jarohatlar yetkazilganda kechiktirib boʻlmaydigan xatti-harakatlarni belgilagan holda ularga yoʻl-yoʻriq koʻrsatadi va bu haqda maxsus jurnalga imzo qoʻydiradi;
v) brigadaning bevosita otib tashlash bilan band boʻlgan va boshqa aʼzolarini oldindan belgilangan punktlar, otib tashlash yoʻnalishlari va nazorat postlar-gʻovlar boʻyicha taqsimlaydi.
23. Otish yoʻnalishlariga, punktlariga (nuqtalariga), otishni amalga oshirish tartibi va vaqtiga, shu jumladan otishning parallelligini taʼminlashga va oʻq otishning toʻqnashuvchi yoʻnalishlarini istisno etishga alohida eʼtibor qaratilishi zarur.
24. Xavfli zonalarni birgalikda belgilash uchun (toʻsishda) otish zonasida joylashgan tashkilotlar va obyektlar xodimlari hamda brigada aʼzolari bilan hamkorlikda nazorat postlari-gʻovlar qoʻyilgan hollarda, ushbu shaxslarga brigada boshligʻi va ichki ishlar organlarining profilaktika inspektori yagona yoʻl-yoʻriq beradi.
25. Otish jarayonida brigada aʼzolarining va boshqa fuqarolarning xavfsizligini taʼminlamasligi yoki zarur darajada taʼminlamasligiga yoxud mulkchilik obyektlariga shikast yetkazishi mumkinligiga asosli shubhalar paydo boʻlgan taqdirda otishni amalga oshirish taqiqlanadi, boshlangan otish esa toʻxtatiladi. Bu haqda ushbu hududda otish maqsadga muvofiq emasligining aniq sabablari, boʻlishi mumkin boʻlgan salbiy oqibatlari hamda hayvonlarni boshqa usul va tartibda tabiatdan ajratib olishga doir takliflar koʻrsatilgan holda ikki nusxada dalolatnoma tuziladi.
Oldingi tahrirga qarang.
Dalolatnoma brigada aʼzolari (zaruriyat boʻlganda — otib tashlash ishlarini amalga oshirish zonasida joylashgan obyektlarning masʼul vakillari) tomonidan imzolanadi. Dalolatnomaning birinchi nusxasi brigada boshligʻida qoladi, ikkinchi nusxasi hayvonlarni tutish boʻlimiga, quturish joylarida, quturish kasalligi koʻp uchrashi xavfi boʻlgan epizootik hududlarda tadbirlar amalga oshirilgan taqdirda esa — tumanlar (shaharlar) veterinariya boʻlimiga yuboriladi (topshiriladi).
(25-bandning ikkinchi xatboshisi Oʻzbekiston Respublikasi Ekologiya va atrof-muhitni muhofaza qilish davlat qoʻmitasi va Ichki ishlar vazirligining 2018-yil 19-fevraldagi 1, 46-son qarori (roʻyxat raqami 2368-2, 17.03.2018-y.) tahririda — Qonun hujjatlari maʼlumotlari milliy bazasi, 18.03.2018-y., 10/18/2368-2/0923-son)
26. Brigada boshligʻi:
ichki ishlar organlarining profilaktika inspektorlari bilan birgalikda mazkur Yoʻriqnomaning 22 — 24-bandlarida nazarda tutilgan tadbirlarni bajarishga;
brigada aʼzolarini quturishga qarshi profilaktik emlash, shuningdek brigadaning jabrlangan aʼzolarini quturishga qarshi tezkor emlash masalalari boʻyicha sogʻliqni saqlash muassasalariga murojaat qilishga;
mastlik holatida yoki giyovandlik vositalari, psixotrop yoki odamning aql-irodasiga taʼsir etuvchi boshqa moddalar taʼsiri ostidagi, shuningdek sogʻligʻining holatiga koʻra tadbirlarda qatnashishga qodir boʻlmagan brigada aʼzolarini otishga tayyorgarlik koʻrish va uni amalga oshirish bilan bogʻliq tadbirlardan chetlatishga;
brigadaga yuklangan vazifalarni bajarish boʻyicha brigada faoliyatini tashkil etishga;
patronlarni ichki ishlar organlaridan olishga va brigada aʼzolari oʻrtasida taqsimlashga;
Oldingi tahrirga qarang.
yovvoyi hayvonlarni ovlash uchun ruxsatnomada koʻrsatilgan hayvonlar turlari boʻyicha otib tashlashni taʼminlashga;
(26-bandning yettinchi xatboshisi Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligining 2023-yil 12-avgustdagi MN-6-son va Ichki ishlar vazirligining 2023-yil 10-avgustdagi 42-qq-son qarori (roʻyxat raqami 2368-3, 14.09.2023-y.) tahririda — Qonunchilik maʼlumotlari milliy bazasi, 19.09.2023-y., 10/23/2368-3/0711-son)
brigada aʼzolari tomonidan shaxsiy va jamoat xavfsizligi qoidalariga, qurol va patronlarni olib yurish va ulardan foydalanish tartibiga (shu jumladan patronlardan oqilona va qatʼiy maqsadli foydalanish) rioya qilinishini taʼminlashga;
otib tashlangan hayvonlarni toʻplash, konservatsiya qilish va hayvonlarni tutish boʻlimlariga topshirishni tashkil etishga;
foydalanilmagan (shu jumladan yaroqsiz) patronlarni ichki ishlar organlariga topshirishni taʼminlashga;
zaruriyat boʻlganda jabrlanganlarga birinchi tez tibbiy yordam koʻrsatishni tashkil etishga;
Oldingi tahrirga qarang.
ovchilik jamiyatlari hamda ekologiya va iqlim oʻzgarishi organlari rahbarlarini amalga oshiriladigan tadbirlar va ularning natijalari haqida xabardor qilishga;
(26-bandning oʻn ikkinchi xatboshisi Oʻzbekiston Respublikasi adliya vazirining 2026-yil 13-martdagi 9-mh-sonli buyrugʻi (roʻyxat raqami 3788, 16.03.2026-y.) tahririda — Qonunchilik maʼlumotlari milliy bazasi, 16.03.2026-y., 10/26/3788/0242-son)
tegishli organlarga brigadaning oʻrnak koʻrsatgan aʼzolarini ragʻbatlantirish boʻyicha taklif kiritish, shuningdek mazkur Yoʻriqnoma talablarini buzgan shaxslarni javobgarlikka tortish masalasini kiritish;
mazkur Yoʻriqnomada nazarda tutilgan boshqa vazifalarni bajarishga majbur.
27. Brigada aʼzolari:
oʻqotar ov qurolini texnik soz holatda saqlashga, shuningdek nosoz oʻqotar ov qurol va patronlardan foydalanishga yoʻl qoʻymaslikka;
Oldingi tahrirga qarang.
oʻzida ovchilik guvohnomasi hamda oʻqotar ov qurolini saqlash va olib yurish huquqini beruvchi tegishli ruxsatnomaga ega boʻlishga;
(27-bandning uchinchi xatboshisi Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligining 2023-yil 12-avgustdagi MN-6-son va Ichki ishlar vazirligining 2023-yil 10-avgustdagi 42-qq-son qarori (roʻyxat raqami 2368-3, 14.09.2023-y.) tahririda — Qonunchilik maʼlumotlari milliy bazasi, 19.09.2023-y., 10/23/2368-3/0711-son)
otib tashlash yoʻnalishlariga, otish punktlari (nuqtalari)ga, otish tartibi va vaqtiga (oraliqlarga), oʻq otish yoʻnalishlariga, hayvonlarni otib tashlash taktikasining boshqa masalalariga rioya qilish boʻyicha brigada boshligʻining talablarini, oʻq otish paytida fuqarolarning xavfsizligini taʼminlash va jamoat tartibini muhofaza qilish masalalari boʻyicha esa – ichki ishlar organlarining profilaktika inspektorining talablarini soʻzsiz bajarishga;
ishonib topshirilgan punktlarni, oʻq otish yoʻnalishlari va nazorat postlari-gʻovlarni brigada boshligʻining ruxsatisiz tashlab ketmaslikka, oʻq otishni faqat brigada boshligʻining buyrugʻi yoki shartli belgisidan keyin koʻrsatib oʻtilgan punktlarda va oʻq otish yoʻnalishlarida amalga oshirishga;
shaxsiy va jamoat xavfsizligi qoidalariga, otish paytida mol-mulkning saqlanishiga va boshqa belgilangan xavfsizlik talablariga qatʼiy rioya qilishga;
Oldingi tahrirga qarang.
oʻqotar ov quroldan faqat yovvoyi hayvonlarni ovlash uchun ruxsatnomada koʻrsatilgan hayvonlar turlarini maqsadli otib tashlash uchun foydalanishga;
(27-bandning yettinchi xatboshisi Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligining 2023-yil 12-avgustdagi MN-6-son va Ichki ishlar vazirligining 2023-yil 10-avgustdagi 42-qq-son qarori (roʻyxat raqami 2368-3, 14.09.2023-y.) tahririda — Qonunchilik maʼlumotlari milliy bazasi, 19.09.2023-y., 10/23/2368-3/0711-son)
tabiatdan olib qoʻyilgan hayvonlarni brigada boshligʻi tomonidan belgilangan joyda toʻplash, konservatsiya qilish va topshirishga;
zaruriyat boʻlganda jabrlanganlarga birinchi tez tibbiy yordam koʻrsatishga, tibbiyot xizmatini chaqirishni tashkil etishga;
mazkur Yoʻriqnomada nazarda tutilgan boshqa vazifalarni bajarishga majbur.
28. Ichki ishlar organlarining profilaktika inspektori:
brigada boshligʻi bilan birgalikda ushbu Yoʻriqnomaning 22 — 24-bandlarida nazarda tutilgan tadbirlarni bajarishga;
Oldingi tahrirga qarang.
fuqarolarning oʻzini oʻzi boshqarish va mahalliy ijro etuvchi hokimiyat organlari vakillari, profilaktika inspektorining jamoat tartibini saqlash boʻyicha yordamchisi va “Fidokor yoshlar” jamoatchilik patrul guruhlari aʼzolari bilan birgalikda otish zonasida joylashgan aholini, tashkilotlar va boshqa obyektlarning masʼul vakillarini va ichki ishlar organlarining navbatchilik qismini otish maqsadlari, hududlar (zonalar) va otib tashlash vaqti toʻgʻrisida xabardor qilishga;
(28-bandning uchinchi xatboshisi Oʻzbekiston Respublikasi adliya vazirining 2026-yil 4-avgustdagi 25-mh-sonli buyrugʻi (roʻyxat raqami 3916, 04.08.2026-y.) tahririda — Qonunchilik maʼlumotlari milliy bazasi, 05.08.2026-y., 10/26/3916/0819-son)
mastlik holatida yoki giyovandlik vositalari, psixotrop yoki odamning aql-irodasiga taʼsir etuvchi boshqa moddalar taʼsiri ostidagi, shuningdek sogʻligʻining holatiga koʻra tadbirlarda qatnashishga qodir boʻlmagan brigada aʼzolarini otishga tayyorgarlik koʻrish va uni amalga oshirish bilan bogʻliq tadbirlardan chetlatishga;
Oldingi tahrirga qarang.
ichki ishlar organlarining oʻqotar ov qurolini saqlash va olib yurish huquqini beruvchi tegishli ruxsatnomasi mavjud boʻlmagan, shuningdek ushbu ruxsatnomaning amal qilish muddati tugaganda oʻqotar ov qurolini olib qoʻyishga va ichki ishlar idoralarida vaqtincha saqlash uchun joylashtirishga;
(28-bandning beshinchi xatboshisi Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligining 2023-yil 12-avgustdagi MN-6-son va Ichki ishlar vazirligining 2023-yil 10-avgustdagi 42-qq-son qarori (roʻyxat raqami 2368-3, 14.09.2023-y.) tahririda — Qonunchilik maʼlumotlari milliy bazasi, 19.09.2023-y., 10/23/2368-3/0711-son)
oʻq otish zonasida jamoat tartibini taʼminlashga, brigada aʼzolari tomonidan shaxsiy va boshqa fuqarolarning xavfsizligi talablariga, oʻqotar ov quroli va patronlarni olib yurish va ulardan foydalanish tartibiga rioya etilishini nazorat qilishga;
Oldingi tahrirga qarang.
oʻqotar ov qurolidan yovvoyi hayvonlarni ovlash uchun ruxsatnomada koʻrsatilgan hayvonlar turlarini maqsadli otib tashlash uchun foydalanish ustidan nazorat qilishga;
(28-bandning yettinchi xatboshisi Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligining 2023-yil 12-avgustdagi MN-6-son va Ichki ishlar vazirligining 2023-yil 10-avgustdagi 42-qq-son qarori (roʻyxat raqami 2368-3, 14.09.2023-y.) tahririda — Qonunchilik maʼlumotlari milliy bazasi, 19.09.2023-y., 10/23/2368-3/0711-son)
zaruriyat boʻlgan holatlarda birinchi tez tibbiy yordam koʻrsatishni tashkil etishga;
ichki ishlar organlarining rahbariyatini amalga oshirilayotgan tadbirlarning borishi va natijalari toʻgʻrisida xabardor qilishga;
mazkur Yoʻriqnomada nazarda tutilgan boshqa vazifalarni bajarishga majbur.
IV bob. Ov patronlarini yetkazib berish, saqlash, hisobga olish, berish, topshirish, ulardan foydalanish va ularni hisobdan chiqarish .
29. Ov patronlari ichki ishlar boshqarmalarining xoʻjalik boʻlinmalari omborxonalarining “Olib qoʻyilgan, ixtiyoriy topshirilgan, topilgan qurol va oʻq-dorilar”ni saqlash maxsus seyflarida saqlanadi.
30. Ichki ishlar organlari rahbarlari patronlarni tashish va saqlash qoidalariga rioya etilishi, ushbu Yoʻriqnomada belgilangan ularni asosli berish, hisobga olish va hisobdan chiqarish uchun shaxsan javobgardirlar.
Oldingi tahrirga qarang.
31. Patronlarni berish va qabul qilishni hisobga olish viloyat ichki ishlar boshqarmasining jamoat xavfsizligi xizmati jamoat tartibini saqlash boshqarmasi nazorat-litsenziya faoliyatini tashkillashtirish katta inspektorlari (bundan buyon matnda katta inspektor deb yuritiladi) tomonidan mazkur Yoʻriqnomaning 1-ilovasiga muvofiq ov patronlarini berish, qabul qilish va hisobdan chiqarishni hisobga olish jurnalida amalga oshiriladi. Jurnal ip oʻtkazib tikiladi, tartib raqami qoʻyiladi va ichki ishlar boshqarmalarining gerbli muhri bilan muhrlanadi.
(31-band Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligining 2023-yil 12-avgustdagi MN-6-son va Ichki ishlar vazirligining 2023-yil 10-avgustdagi 42-qq-son qarori (roʻyxat raqami 2368-3, 14.09.2023-y.) tahririda — Qonunchilik maʼlumotlari milliy bazasi, 19.09.2023-y., 10/23/2368-3/0711-son)
Oldingi tahrirga qarang.
32. Brigadalarga patronlarni taqsimlash va berish hududiy ekologiya va iqlim oʻzgarishi organlari (Qoraqalpogʻiston Respublikasi Ekologiya va iqlim oʻzgarishi qoʻmitasi, viloyatlar va Toshkent shahar Ekologiya va iqlim oʻzgarishi bosh boshqarmalari), qishloq xoʻjaligi boshqarmalari (Qoraqalpogʻiston Respublikasi Qishloq xoʻjaligi vazirligi, viloyat qishloq xoʻjaligi boshqarmalari) hamda ovchilik jamiyati tomonidan tasdiqlanadigan taqsimlash normalariga muvofiq amalga oshiriladi. Taqsimlash normalarida brigada ixtiyoriga beriladigan patronlar turlari va soni koʻrsatilishi kerak.
(32-band Oʻzbekiston Respublikasi adliya vazirining 2026-yil 13-martdagi 9-mh-sonli buyrugʻi (roʻyxat raqami 3788, 16.03.2026-y.) tahririda — Qonunchilik maʼlumotlari milliy bazasi, 16.03.2026-y., 10/26/3788/0242-son)
Oldingi tahrirga qarang.
33. Taqsimlash normalari nusxasi patronlarni ajratish uchun katta inspektorga hamda tahlil qilish va umumlashtirish uchun Oʻzbekiston Respublikasi Ichki ishlar vazirligining Jamoat xavfsizligi departamenti jamoat tartibini saqlash xizmatiga taqdim etiladi.
(33-band Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligining 2023-yil 12-avgustdagi MN-6-son va Ichki ishlar vazirligining 2023-yil 10-avgustdagi 42-qq-son qarori (roʻyxat raqami 2368-3, 14.09.2023-y.) tahririda — Qonunchilik maʼlumotlari milliy bazasi, 19.09.2023-y., 10/23/2368-3/0711-son)
34. Tasdiqlangan taqsimlash normalari katta inspektor tomonidan patronlarni ichki ishlar boshqarmalarining xoʻjalik boʻlinmalari omborxonalaridan ajratish uchun asos boʻlib hisoblanadi.
35. Patronlar katta inspektor tomonidan uning xizmat xonasida faqatgina brigada boshliqlariga beriladi. Boshqa shaxslarga patronlarni berish qatʼiyan taqiqlanadi.
36. Patronlarni keyinchalik brigada boʻyicha taqsimlash otish tadbirlari oʻtkaziladigan kunda brigada boshligʻi tomonidan amalga oshiriladi.
37. Patronlarni ishlatilganligi tasdigʻi sifatida brigada boshliqlari tomonidan otib tashlangan hayvonlar quloqlari jufti mazkur Yoʻriqnomaning 2-ilovasiga muvofiq qabul qilish-topshirish dalolatnomasi (bundan buyon matnda qabul qilish-topshirish dalolatnomasi deb yuritiladi) rasmiylashtirilgan va imzolangan yorliq muhrlanadigan maxsus idishga (yopiq quti, qogʻoz yoki karton paket (qop) tipida) joylashtirilgan holda hayvonlarni tutish boʻlimlariga topshiriladi.
38. Qabul qilish-topshirish dalolatnomasi uch nusxada tuziladi va brigada boshligʻi, hayvonlarni tutish boʻlimi boshligʻi tomonidan imzolanadi hamda hayvonlarni tutish boʻlimi muhri bilan tasdiqlanadi. Qabul qilish-topshirish dalolatnomasining bir nusxasi brigada boshligʻida, ikkinchisi hayvonlarni tutish boʻlimida qoladi, uchinchi nusxasi berilgan patronlarni hisobdan chiqarish va navbatdagi patronlarni olish uchun katta inspektorga taqdim etiladi.
39. Patronlar katta inspektor tomonidan brigada boshliqlariga quyidagi tartibda beriladi:
birinchi safar brigadaning bevosita hayvonlarni otib tashlash bilan band boʻlgan har bir aʼzosiga 21 dona patron hisobidan avans tariqasida beriladi;
brigadaning keyingi oʻq otishlari uchun patronlar otib tashlangan hayvonlar quloqlari jufti katta inspektorga qabul qilish-topshirish dalolatnomasi topshirilgandan keyin har bir juft quloq uchun 3 dona patron hisobidan beriladi (masalan, agar brigadaga oldin 21 ta patron berilgan boʻlsa, u holda navbatdagi oʻqlarni berish hayvonlarni tutish boʻlimlariga qabul qilish-topshirish dalolatnomasini taqdim etish sharti bilan tabiatdan olib qoʻyilgan hayvonlar quloqlarining 7 jufti berilgandan keyin amalga oshiriladi);
otib tashlangan hayvonlar quloqlari juftlarini qabul qilish-topshirish dalolatnomasi katta inspektor tomonidan avval brigadaga berilgan patronlarni hisobdan chiqarish, soʻngra navbatdagi oʻqlarni berish uchun asos boʻlib xizmat qiladi;
foydalanilmay qolgan yaroqli va yaroqsiz holga kelgan patronlar brigada boshligʻi tomonidan ichki ishlar boshqarmalarining xoʻjalik boʻlinmalari omborxonalariga joylashtirish uchun katta inspektorga qaytariladi;
taqdim etilgan otib tashlangan hayvonlar quloqlari jufti soni yoki foydalanilmagan yaroqli va yaroqsiz holga kelgan patronlarning soni olingan patronlar soniga yetarli darajada topshirilmagan taqdirda patronlarni berish qatʼiyan taqiqlanadi;
otib tashlangan hayvonlar quloqlari juftlarini qabul qilish-topshirish dalolatnomalari hamda qaytarilgan foydalanilmagan yaroqli va yaroqsiz patronlar soni asosida katta inspektor tomonidan mazkur Yoʻriqnomaning 1-ilovasiga muvofiq jurnaliga tegishli yozuvlar kiritiladi.
40. Brigada boshligʻi patronlardan maqsadli foydalanilishiga, shuningdek olingan patronlar oʻrniga otib tashlangan hayvonlarning quloqlari juftlari topshirilishi, foydalanilmagan yaroqli yoki yaroqsiz holga kelgan patronlar qaytarilishi uchun patronlar qiymatidan kelib chiqib toʻliq miqdorda moddiy javobgar boʻladi.
V bob. Hayvonlarni otish tadbirlarini moliyalashtirish
41. Hayvonlarni otish tadbirlarini moliyalashtirish Qoraqalpogʻiston Respublikasi budjeti, viloyatlar va Toshkent shahar mahalliy budjetlari daromadlarining prognozlardan ortiqcha tushumlari hisobiga amalga oshiriladi.
Oldingi tahrirga qarang.
42. Hayvonlarni otib tashlash tadbirlarida faol qatnashgan brigada aʼzolarini ragʻbatlantirish Oʻzbekiston ovchi va baliqchilar sport birlashmasining Ustaviga muvofiq ovchilar va baliq ovlovchilar jamiyatlari tomonidan amalga oshiriladi.
(42-band Oʻzbekiston Respublikasi Ekologiya va atrof-muhitni muhofaza qilish davlat qoʻmitasi va Ichki ishlar vazirligining 2018-yil 19-fevraldagi 1, 46-son qarori (roʻyxat raqami 2368-2, 17.03.2018-y.) tahririda — Qonun hujjatlari maʼlumotlari milliy bazasi, 18.03.2018-y., 10/18/2368-2/0923-son)
VI bob. Yakunlovchi qoidalar
43. Hayvonlarni tutish boʻlimlari tomonidan otib tashlangan hayvonlar quloqlari juftlarini saqlash ularning buzilishi, aralashib ketishi, yoʻqotilishi istisno etiladigan sharoitlarda tashkil etiladi.
Oldingi tahrirga qarang.
44. Otib tashlangan hayvonlar quloqlari juftlarini yoʻq qilish hayvonlarni tutish boʻlimlari tomonidan amalga oshiriladi. Otib tashlangan hayvonlar quloqlari juftlarini yoʻq qilish tadbirlariga Oʻzbekiston Respublikasi Ekologiya va iqlim oʻzgarishi milliy qoʻmitasi, Qishloq xoʻjaligi vazirligi, Ichki ishlar vazirligi, Oʻzbekiston ovchi va baliqchilar sport birlashmasi va ularning joylardagi boʻlinmalari vakillari taklif etilishi mumkin.
(44-band Oʻzbekiston Respublikasi adliya vazirining 2026-yil 13-martdagi 9-mh-sonli buyrugʻi (roʻyxat raqami 3788, 16.03.2026-y.) tahririda — Qonunchilik maʼlumotlari milliy bazasi, 16.03.2026-y., 10/26/3788/0242-son)
45. Brigada ushbu Yoʻriqnomaning 3-ilovasiga muvofiq hisobot yilidan keyingi yilning 20-yanvaridan kechikmay olingan patronlarning umumiy sonini, foydalanilmagan patronlar sonini, shu jumladan yaroqsiz holga kelgan patronlar sonini, otilgan hayvonlar sonini va belgilangan boshqa maʼlumotlar koʻrsatilgan holda besh nusxada yakuniy hisobot tuzadi.
Oldingi tahrirga qarang.
46. Hisobot brigada boshligʻi va katta inspektor tomonidan imzolanadi hamda viloyat (Qoraqalpogʻiston Respublikasi, Toshkent shahri) ovchilik jamiyatining raisi hamda ichki ishlar boshqarmasining jamoat xavfsizligi xizmati jamoat tartibini saqlash boshqarmasi boshligʻi tomonidan tasdiqlanadi.
(46-band Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligining 2023-yil 12-avgustdagi MN-6-son va Ichki ishlar vazirligining 2023-yil 10-avgustdagi 42-qq-son qarori (roʻyxat raqami 2368-3, 14.09.2023-y.) tahririda — Qonunchilik maʼlumotlari milliy bazasi, 19.09.2023-y., 10/23/2368-3/0711-son)
Oldingi tahrirga qarang.
47. Hisobotning birinchi va ikkinchi nusxalari viloyat (Qoraqalpogʻiston Respublikasi, Toshkent shahar) ovchilik jamiyatida hamda ichki ishlar boshqarmasining jamoat xavfsizligi xizmati jamoat tartibini saqlash boshqarmasida qoladi, uchinchi, toʻrtinchi va beshinchi nusxalari — tahlil qilish, umumlashtirish va mavjud materiallarga qoʻshib qoʻyish uchun hisobot yilidan keyingi yilning 30-yanvaridan kechikmay Oʻzbekiston Respublikasi Ekologiya va iqlim oʻzgarishi milliy qoʻmitasiga, Ichki ishlar vazirligining Jamoat xavfsizligi departamenti jamoat tartibini saqlash xizmatiga, shuningdek ragʻbatlantirish choralarini koʻrish uchun Oʻzbekiston ovchi va baliqchilar sport birlashmasiga beriladi.
(47-band Oʻzbekiston Respublikasi adliya vazirining 2026-yil 13-martdagi 9-mh-sonli buyrugʻi (roʻyxat raqami 3788, 16.03.2026-y.) tahririda — Qonunchilik maʼlumotlari milliy bazasi, 16.03.2026-y., 10/26/3788/0242-son)
48. Foydalanilmagan (shu jumladan yaroqsiz holga kelgan) patronlar Oʻzbekiston Respublikasi Ichki ishlar vazirligining alohida farmoyishi berilgunga qadar ichki ishlar boshqarmasining xoʻjalik boʻlinmalari omborxonalarida saqlanadi.
Oldingi tahrirga qarang.
Patronlarni hisobga olish, berish, hisobdan chiqarish va qayta topshirish bilan bogʻliq barcha hisobot hujjatlari oʻn yil mobaynida Oʻzbekiston Respublikasi Ekologiya va iqlim oʻzgarishi milliy qoʻmitasi, Oʻzbekiston ovchi va baliqchilar sport birlashmasi va ichki ishlar organlari boʻlinmalarida saqlanadi.
(48-bandning ikkinchi xatboshisi Oʻzbekiston Respublikasi adliya vazirining 2026-yil 13-martdagi 9-mh-sonli buyrugʻi (roʻyxat raqami 3788, 16.03.2026-y.) tahririda — Qonunchilik maʼlumotlari milliy bazasi, 16.03.2026-y., 10/26/3788/0242-son)
49. Ushbu Yoʻriqnoma talablari buzilishida aybdor boʻlgan shaxslar belgilangan tartibda javob beradilar.
LexUZ sharhiQarang: Oʻzbekiston Respublikasi Maʼmuriy javobgarlik toʻgʻrisidagi kodeksining 109-moddasi.
50. Ushbu Yoʻriqnoma Oʻzbekiston Respublikasi Qishloq va suv xoʻjaligi vazirligi, Sogʻliqni saqlash vazirligi, Moliya vazirligi, Fanlar akademiyasi va “Oʻzbekovchibaliqchi” uyushmasi bilan kelishilgan.
Moliya vaziri R. AZIMOV
2012-yil 12-mart
Sogʻliqni saqlash vaziri A. IKRAMOV
2012-yil 13-mart
Qishloq va suv xoʻjaligi vaziri Z. ROʻZIYEV
2012-yil 14-mart
Fanlar akademiyasi prezidenti Sh. SALIHOV
2012-yil 15-mart
“Oʻzbekovchibaliqchi” uyushmasi raisi S. AYUPOV
2012-yil 16-mart
Qarovsiz qolgan hayvonlarni otib tashlash tartibi toʻgʻrisida yoʻriqnomaga
1-ILOVA
1-ILOVA
Ov patronlarini tarqatish, qabul qilish va hisobdan chiqarish
J U R N A L I
Oldingi tahrirga qarang.
|
T/r |
Qayd etish sanasi |
Tarqatilgan patronlar soni (dona) |
Tarqatilgan patronlarni olgan shaxsining imzosi va olgan vaqti |
IIO tomonidan patron olish uchun berilgan ishonchnoma raqami va berilgan vaqti (brigada rahbarlari uchun va tashkil etilgan brigadaning vaqti, raqami) |
Qayta topshirilgan patronlar soni (dona) |
Patronlar topshir-ganligi toʻgʻrisida tilxat va topshirish vaqti |
Patronlar olganligi toʻgʻrisidagi tilxat va olish vaqti |
Tabiatdan olib qoʻyilgan hayvonlar quloqlari juftlarini qabul qilish toʻgʻrisidagi dalolatnoma asosida hisobdan chiqarilgan patronlar (dona) |
|
||||||||||||||
|
Ishlatilmagan patronlar shundan |
Otilmay qolingan patronlar shundan |
||||||||||||||||||||||
|
___ kal. |
___ kal. |
___ kal. |
___ kal. |
|
|||||||||||||||||||
|
|
|
|
|
___ kal. |
___ kal. |
___ kal. |
___ kal. |
___ kal. |
___ kal. |
___ kal. |
___ kal. |
___ kal. |
___ kal. |
___ kal. |
___ kal. |
|
|||||||
|
I |
II |
III |
IV |
V |
VI |
VII |
VIII |
IX |
X |
XI |
XII |
XIII |
XIV |
XV |
XVI |
XVII |
XVIII |
XIX |
XX |
XXI |
XXII |
XXIII |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Izoh:
jadvalning ustunlarida patronlar (dona) soni raqam bilan aniq koʻrsatilishi lozim.
Jurnaldagi xatolarni oʻchirilishiga yoʻl qoʻyilmaydi. Yoʻl qoʻyilgan xatolar boʻyicha jadvalning tegishli ustunlariga oʻzgartirishlar kiritilganda, ushbu oʻzgartirishlar toʻgʻriligi masʼul shaxsning imzosi bilan tasdiqlanadi.
(1-ilova Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligining 2023-yil 12-avgustdagi MN-6-son va Ichki ishlar vazirligining 2023-yil 10-avgustdagi 42-qq-son qarori (roʻyxat raqami 2368-3, 14.09.2023-y.) tahririda — Qonunchilik maʼlumotlari milliy bazasi, 19.09.2023-y., 10/23/2368-3/0711-son)
Qarovsiz qolgan hayvonlarni otib tashlash tartibi toʻgʻrisida yoʻriqnomaga
2-ILOVA
2-ILOVA
| | |
“Tasdiqlayman” | |
| | |
tuman (shahar) | |
| |
__________________ | ||
| | |
(F.I.O) | |
| | |
____________________ | |
| | |
(imzo) | |
| |
m.oʻ. |
| |
|
OTIB TASHLANGAN HAYVONLAR QULOQLARI JUFTLARINI QABUL QILISH-TOPSHIRISH DALOLATNOMASI | |||
| | |||
|
“___” _________ 20__ y. |
__________________ sh. | ||
| Men tomondan________________________________________________ | |||
|
(qabul qilgan boʻlim xodimining lavozimi, F.I.O) | |||
| _____________________________________________________________________________ | |||
| qabul qilingan________________________________________ | |||
|
(soni raqam va yozuv bilan aniq qilib koʻrsatiladi) | |||
| ____________________otib tashlangan hayvonlar quloqlari jufti shundan, | |||
| 1. _____________________________________________itlar quloqlari jufti; | |||
|
(soni raqam va yozuv bilan aniq qilib koʻrsatiladi) |
| ||
| 2. _________________________________________mushuklar quloqlari jufti; | |||
|
(soni raqam va yozuv bilan aniq qilib koʻrsatiladi) |
| ||
| 3.__________________________________________ chiya boʻri quloqlari jufti; | |||
|
(soni raqam va yozuv bilan aniq qilib koʻrsatiladi) |
| ||
| 4. _________________________________________________quloqlari jufti: | |||
|
(soni raqam va yozuv bilan aniq qilib koʻrsatiladi) |
| ||
| __________________________________________________________________________ | |||
|
(otib tashlangan hayvonlar quloqlari juftlarini topshirgan brigada rahbarining F.I.O) | |||
| _____________________________________________________________________________ | |||
|
(brigadaning tuman (shahar) ga tegishliligi ) | |||
| | | ||
| | Hayvonlar quloqlari juftlari turi va soni: | | |
| Topshirdi: | | _________________________________ | |
| | |
(lavozimi, unvoni | |
| | ________________ | _________________________________ | |
| |
(imzo) |
F.I.O) | |
| saqlash uchun qabul qildi: | | _________________________________ | |
| |
(lavozimi, unvoni, | ||
| ________________ | _________________________________ | ||
|
(imzo) |
F.I.O) | ||
Qarovsiz qolgan hayvonlarni otib tashlash tartibi toʻgʻrisida yoʻriqnomaga
3-ILOVA
3-ILOVA
|
YILLIK HISOBOT | |||||||||||||||||||||||
| | |||||||||||||||||||||||
| Hayvonlarni otish tadbirlari boʻyicha natijalar ______________________________________________________________________________________ | |||||||||||||||||||||||
|
(viloyat, tuman va shahar nomi) | |||||||||||||||||||||||
| | |||||||||||||||||||||||
| Hududiy tuman va shaharlar nomi | Tashkil etilgan brigadalar soni | Shundan, viloyatlarda tashkil etilgan brigadalar | Brigada aʼzolari soni | Otilishi lozim boʻlgan hayvonlar soni, ming bosh | Topshirilgan quloq juft lari, ming dona | Qabul qilib olingan patronlar, ming dona |
Shundan, ming dona |
Ishlatilgan patronlar, ming dona |
Shundan, ming dona |
Qaytarilgan patronlar, ming dona | |||||||||||||
| ____ kal. | ____ kal. | ____ kal. | ____ kal. | ____ kal. | ____ kal. | ____ kal. | ____ kal. | Yaroqliklari (ishlatilmaganlari) | Yaroqsizlari (otilmay qolganlari) | ||||||||||||||
| ____ kal. | ____ kal. | ____ kal. | ____ kal. | ____ kal. | ____ kal. | ____ kal. | ____ kal. | ||||||||||||||||
|
I |
II | III | IV | V | IV | VII | VIII | IX | X | XI | XII | XIII | XIV | XV | XVI | XVII |
XVIII |
XIX | XX | XXI | XXII | XXIII | XXIV |
| | | | | | | | | | | | | | | | | | | | | | | | |
Izoh: amalga oshirilgan ishlar toʻgʻrisidagi hisobotlar tuman va shaharlar miqyosida taqdim etiladi.
(Oʻzbekiston Respublikasi qonun hujjatlari toʻplami, 2012-y., 21-son, 240-modda; 2015-y., 2-son, 25-modda; Qonun hujjatlari maʼlumotlari milliy bazasi, 18.03.2018-y., 10/18/2368-2/0923-son; Qonunchilik maʼlumotlari milliy bazasi, 28.07.2021-y., 10/21/3313/0724-son; 19.09.2023-y., 10/23/2368-3/0711-son; 16.03.2026-y., 10/26/3788/0242-son; 05.08.2026-y., 10/26/3916/0819-son)
