Oʻzbekiston Respublikasining “Radiochastotalar spektri toʻgʻrisida”gi Qonuniga (Oʻzbekiston Respublikasi Oliy Majlisining Axborotnomasi, 1999-y., 1-son, 16-modda) va Oʻzbekiston Respublikasi Vazirlar Mahkamasining 2004-yil 7-maydagi 215-son “Oʻzbekiston aloqa va axborotlashtirish agentligi faoliyatini takomillashtirish chora-tadbirlari toʻgʻrisida”gi (Oʻzbekiston Respublikasi qonun hujjatlari toʻplami, 2004-yil, 19-son, 220-modda) hamda 2011-yil 17-oktabrdagi 283-son “Byurokratik toʻsiqlarni bartaraf etish va ruxsat berish tartibotlarini amalga oshirishda davlat boshqaruv funksiyalarini qisqartirishga doir qoʻshimcha chora-tadbirlar toʻgʻrisida”gi qarorlariga (Oʻzbekiston Respublikasi qonun hujjatlari toʻplami, 2011-yil, 42-son, 454-modda) muvofiq buyuraman:

1. Yuqori chastotali qurilmalarning ruxsat beruvchi hujjatlarini rasmiylashtirish, qurilmalarni roʻyxatga olish va ularning texnik parametrlarini oʻlchashni oʻtkazish tartibi toʻgʻrisida yoʻriqnomaga (roʻyxat raqami 1751, 2007-yil 26-dekabr) (Oʻzbekiston Respublikasi qonun hujjatlari toʻplami, 2007-yil, 52-son, 542-modda) ilovaga muvofiq oʻzgartirishlar kiritilsin.

2. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

1. 4-bandning birinchi xatboshisidan va 1-ilovadan “sotish” degan soʻz chiqarib tashlansin.

2. 9, 12 va 13-bandlardan “va sotish” degan soʻzlar chiqarib tashlansin.

3. 10-bandning beshinchi xatboshisidagi va 11-banddagi “oʻtkazish va sotishga” degan soʻzlar “oʻtkazishga” degan soʻz bilan almashtirilsin.

4. Ushbu oʻzgartirishlar Oʻzbekiston Respublikasi Milliy xavfsizlik xizmati, Mudofaa vazirligi, Monopoliyadan chiqarish va raqobatni rivojlantirish davlat qoʻmitasi hamda Oʻzbekiston standartlashtirish, metrologiya va sertifikatlashtirish agentligi bilan kelishilgan.