Oʻzbekiston Respublikasi Vazirlar Mahkamasining
qarori
JOYLARDA KOMPYuTERLAShTIRISh VA AXBOROT-KOMMUNIKATSIYA TEXNOLOGIYALARINI YANADA RIVOJLANTIRISh UChUN ShART-ShAROITLAR YaRATISh ChORA-TADBIRLARI TOʻGʻRISIDA
Davlat axborot resurslarini hisobga olishni yanada takomillashtirish, ularning roʻyxatini kengaytirish va interaktiv davlat xizmatlari koʻrsatish maqsadida Vazirlar Mahkamasi qaror qiladi:
Oldingi tahrirga qarang.
1. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston aloqa va axborotlashtirish agentligining Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi kompyuterlashtirish markazlari negizida “Axborot-kommunikatsiya texnologiyalarini rivojlantirish markazi” davlat unitar korxonalari tashkil etish toʻgʻrisidagi taklifi maʼqullansin, ularga quyidagi vazifalar yuklansin:
(1-bandning birinchi xatboshisi Oʻzbekiston Respublikasi Vazirlar Mahkamasining 2018-yil 20-apreldagi 297-sonli qarori tahririda — Qonun hujjatlari maʼlumotlari milliy bazasi, 23.04.2018-y., 09/18/297/1096-son)
zamonaviy xalqaro tendensiyalar va mintaqalarni ijtimoiy-iqtisodiy rivojlantirish strategiyasiga muvofiq joylarda kompyuterlashtirish hamda axborot-kommunikatsiya texnologiyalarini rivojlantirish tadbirlarini ishlab chiqish va amalga oshirish;
axborot resurslarini yuritish va yangilash, mintaqalarda tashkil etilgan va tashkil etiladigan davlat axborot resurslarini va axborot tizimlarini roʻyxatdan oʻtkazishga koʻmaklashish;
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining veb-portallarini doimiy ravishda yangilab borish, interaktiv davlat xizmatlari, shu jumladan “bir darcha” tamoyili boʻyicha xizmatlar koʻrsatishni tashkil etish;
mintaqada axborot-kommunikatsiya texnologiyalarining holatini va ularni rivojlantirish istiqbollarini doimiy ravishda tahlil qilish va uning natijalari asosida mazkur sohani takomillashtirish boʻyicha takliflar kiritish.
Oldingi tahrirga qarang.
Yangidan tashkil etilayotgan “Axborot-kommunikatsiya texnologiyalarini rivojlantirish markazi” davlat unitar korxonalari faoliyatiga normativ-metodik rahbarlik qilish Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi tomonidan amalga oshirilishi maʼlumot uchun qabul qilinsin.
(1-bandning oltinchi xatboshisi Oʻzbekiston Respublikasi Vazirlar Mahkamasining 2018-yil 20-apreldagi 297-sonli qarori tahririda — Qonun hujjatlari maʼlumotlari milliy bazasi, 23.04.2018-y., 09/18/297/1096-son)
Oldingi tahrirga qarang.
Ularga yuklangan vazifalarni amalga oshirish maqsadida “Axborot-kommunikatsiya texnologiyalarini rivojlantirish markazi” davlat unitar korxonalari telekommunikatsiyalar tarmoqlarini loyihalashtirish, qurish, ulardan foydalanish va ularga xizmatlar koʻrsatish faoliyatini amalga oshiradilar.
(1-bandning yettinchi xatboshisi Oʻzbekiston Respublikasi Vazirlar Mahkamasining 2018-yil 20-apreldagi 297-sonli qarori tahririda — Qonun hujjatlari maʼlumotlari milliy bazasi, 23.04.2018-y., 09/18/297/1096-son)
Oldingi tahrirga qarang.
2. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bir oy muddatda, Oʻzbekiston aloqa va axborotlashtirish agentligi bilan kelishuv boʻyicha “Axborot-kommunikatsiya texnologiyalarini rivojlantirish markazi” davlat unitar korxonalari ustavlarini belgilangan tartibda tasdiqlasinlar, davlat roʻyxatidan oʻtkazish va ustav jamgʻarmasini shakllantirish, shuningdek ularni joylashtirish hamda yuqori malakali mutaxassislar bilan taʼminlashni, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi kompyuterlashtirish markazlaridan oʻtkaziladigan mol-mulklarni hisobga olgan holda, zamonaviy idora va kompyuter texnikasi, aloqa vositalari bilan jihozlashni amalga oshirsinlar.
(2-bandning birinchi xatboshisi Oʻzbekiston Respublikasi Vazirlar Mahkamasining 2018-yil 20-apreldagi 297-sonli qarori tahririda — Qonun hujjatlari maʼlumotlari milliy bazasi, 23.04.2018-y., 09/18/297/1096-son)
Oldingi tahrirga qarang.
Belgilab qoʻyilsinki, “Axborot-kommunikatsiya texnologiyalarini rivojlantirish markazi” davlat unitar korxonalari taʼminoti uchun xarajatlarni moliyalashtirish ularning faoliyatidan olingan mablagʻlar va qonunchilikda taqiqlanmagan boshqa manbalar hisobiga amalga oshiriladi.
(2-bandning birinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
3. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2012-yil 1-fevral,
24-son
Vazirlar Mahkamasining 2012-yil 1-fevraldagi 24-son qaroriga
ILOVA
ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining 2006-yil 20-fevraldagi 27-son qarori (Oʻzbekiston Respublikasi QT, 2006-y., 2-son, 11-modda) bilan tasdiqlangan Davlat axborot resurslari hamda ularni shakllantirish, ulardan foydalanish va ularni qoʻllab-quvvatlash uchun masʼul boʻlgan davlat organlari roʻyxatida:
| 67. |
Qimmatli qogʻozlar bozorida kasbiy faoliyatni amalga oshirish huquqi uchun litsenziyalar reyestri |
Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazi |
| 69. |
Emissiyaviy qimmatli qogʻozlar chiqarish yagona davlat reyestri | |
| 72. |
Tovar-xomashyo birjalarida birja savdolarida professional ishtirokchilar sifatida attestatsiyadan oʻtgan shaxslarning yagona davlat reyestri |
Oʻzbekiston Respublikasi Davlat mulkini boshqarish davlat qoʻmitasi |
| 73. |
Koʻchmas mulk birjalarida birja savdolarida professional ishtirokchilar sifatida attestatsiyadan oʻtgan shaxslarning yagona davlat reyestri | |
| 74. |
Rieltorning malakaviy sertifikatiga ega boʻlgan jismoniy shaxslar reyestri | |
| 75. |
Baholash faoliyatini amalga oshirish huquqi uchun litsenziyaga ega boʻlgan yuridik shaxslar reyestri |
b) 83-3-pozitsiyadan keyin quyidagi mazmundagi 83-4 va 83-5-pozitsiyalar qoʻshilsin:
| 83-4. | Bojxona tashuvchilari reyestri |
Oʻzbekiston Respublikasi Davlat bojxona qoʻmitasi |
| 83-5. | Bojxona brokerlari reyestri |
v) 86-pozitsiyadan keyin quyidagi mazmundagi 86-1-pozitsiya qoʻshilsin:
| 86-1. |
Konsertlar va tomosha tadbirlari oʻtkazishga gastrol-konsert guvohnomasi olgan shaxslar reyestri |
“Oʻzbeknavo” estrada birlashmasi |
g) 97-pozitsiyadan keyin quyidagi mazmundagi 97-1 — 97-4-pozitsiyalar qoʻshilsin:
| 97-1. |
Roʻyxatdan oʻtkazilgan Oʻzbekiston Respublikasining fuqaro va eksperimental aviatsiya aerodromlari reyestri |
Oʻzbekiston Respublikasi Parvozlar xavfsizligini nazorat qilish davlat inspeksiyasi |
| 97-2. |
Roʻyxatdan oʻtkazilgan Oʻzbekiston Respublikasining fuqaro havo kemalari reyestri | |
| 97-3. |
Sertifikatlangan Oʻzbekiston Respublikasining fuqaro va eksperimental aviatsiya aerodromlari reyestri | |
| 97-4. |
Sertifikatlangan Oʻzbekiston Respublikasi havo kemalari ekspluatantlari reyestri |
d) 99-pozitsiyadan keyin quyidagi mazmundagi 99-1 va 99-2-pozitsiyalar qoʻshilsin: :
| 99-1. | Alkogolli mahsulotlar sotish faoliyatini amalga oshirish huquqiga berilgan litsenziyalar reyestri |
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
| 99-2. | Roʻyxatdan oʻtkazilgan kichik korxonalar va xususiy tadbirkorlar reyestri |
Oldingi tahrirga qarang.
(2-band Oʻzbekiston Respublikasi Vazirlar Mahkamasining 2017-yil 15-sentabrdagi 728-sonli qaroriga asosan oʻz kuchini yoʻqotgan — OʻR QHT, 2017-y., 38-son, 1037-modda)
(Oʻzbekiston Respublikasi qonun hujjatlari toʻplami, 2012-y., 5-son, 47-modda; 2013-y., 34-son, 458-modda; 2015-y., 26-son, 338-modda; 2017-y., 38-son, 1037-modda; Qonun hujjatlari maʼlumotlari milliy bazasi, 23.04.2018-y., 09/18/297/1096-son; Qonunchilik maʼlumotlari milliy bazasi, 05.04.2022-y., 09/22/153/0266-son)
