Hujjat kuchini yo‘qotgan " " 28.09.2020
Oʻzbekiston Respublikasi Prezidentining
Farmoni
EKSPORTGA MAHSULOT IShLAB ChIQARUVChI KORXONALARNI RAGʻBATLANTIRIShGA OID QOʻShIMChA ChORA-TADBIRLAR TOʻGʻRISIDA
 LexUZ sharhi
Mazkur Farmon Oʻzbekiston Respublikasi Prezidentining 2020-yil 27-sentabrdagi PF-6075-sonli “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida”gi Farmoniga asosan oʻz kuchini yoʻqotgan.
Tayyor mahsulot (xizmatlar)ning tashqi bozorlarga kirib borishiga koʻmaklashish, shuningdek eksportga mahsulot ishlab chiqaruvchi korxonalarga kredit berish mexanizmini yaratish maqsadida:
1. 1996-yil 1-apreldan boshlab tovarlarga ularning tovar ishlab chiqaruvchilar tomonidan chuqur ishlanishiga bogʻliq ravishda boj poshlinalarining tabaqalashtirilgan stavkalari belgilansin.
Oldingi tahrirga qarang.
(2-band Oʻzbekiston Respublikasi Prezidentining 1997-yil 10-oktabrdagi PF-1871-sonli Farmoniga muvofiq oʻz kuchini yoʻqotgan)
Oldingi tahrirga qarang.
(3-band Oʻzbekiston Respublikasi Prezidentining 2000-yil 2-avgustdagi PF-2677-sonli Farmoniga muvofiq oʻz kuchini yoʻqotgan — Oliy Majlisining Axborotnomasi, 2000-y., 7-8-son, 241-modda)
Oldingi tahrirga qarang.
(4-band Oʻzbekiston Respublikasi Prezidentining 2001-yil 14-maydagi PF-2841-sonli Farmoniga muvofiq oʻz kuchini yoʻqotgan — Oliy Majlis Axborotnomasi, 2001-y., 5-son, 105-modda)
5. Eksport qilinadigan mahsulotlar ishlab chiqaruvchi korxonalarni qoʻllab-quvvatlash uchun zarur texnik-iqtisodiy asoslashlar mavjud boʻlgan taqdirda uch yil muddatga maxsus foizsiz zayomlar berish tavsiya etilsin.
6. Oʻzbekiston Respublikasi Moliya vazirligi Markaziy bank bilan birgalikda eksport qilinadigan mahsulotlar ishlab chiqarish uchun maxsus foizsiz zayomlar manbalari haqida taklif kiritsin.
7. Mazkur Farmonning 2, 3, 4, 5-bandlarida nazarda tutilgan imtiyozlar vositachi tashkilotlarga, shuningdek eksport qilinadigan xomashyo: paxta tolasi, lint, neft, neft mahsulotlari, elektr energiyasi, gaz kondensati, tabiiy gaz, qimmatbaho, rangli va qora metallar, ip-kalava ishlab chiqaruvchi korxonalarga tatbiq etilmaydi.
8. Oʻzbekiston Respublikasi Prezidentining 1994-yil 17-iyundagi PF–872-son Farmonining 2, 3, 4, 5, 6-bandlari oʻz kuchini yoʻqotgan deb hisoblansin.
9. Oʻzbekiston Respublikasi Vazirlar Mahkamasi:
ikki hafta muddatda mazkur Farmon qoidalariga muvofiq boj poshlinalari stavkalarini tasdiqlasin;
ikki hafta muddatda Oʻzbekiston Respublikasi qonun hujjatlariga mazkur Farmondan kelib chiquvchi oʻzgartirish va qoʻshimchalar kiritish haqidagi takliflarni tayyorlasin.
Oʻzbekiston Respublikasining Prezidenti I. KARIMOV
Toshkent sh.,
1996-yil 20-mart,
PF-1411-son
(Oʻzbekiston Respublikasi Oliy Majlisining Axborotnomasi, 1996-y., 3-son, 28-modda; 2000-y.,7-8-son, 241-modda; 2001-y., 5-son, 105-modda)