Oʻzbekiston Respublikasi Vazirlar Mahkamasining

qarori

SANOAT KOOPERATSIYASI ASOSIDA TAYYOR MAHSULOTLAR, BUTLOVCHI BUYUMLAR VA MATERIALLAR ISHLAB CHIQARISHNI MAHALLIYLASHTIRISH DASTURIGA KIRITISH UCHUN LOYIHALARNI KOʻRIB CHIQISHDA ICHKI BOZORNING MAMLAKATIMIZDA ISHLAB CHIQARILGAN TOVARLAR BILAN TOʻLGANLIGINI ANIQLASH TARTIBI TOʻGʻRISIDAGI NIZOMNI TASDIQLASH HAQIDA

Oʻzbekiston Respublikasi Prezidentining “Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirishni chuqurlashtirishga doir qoʻshimcha chora-tadbirlar toʻgʻrisida” 2009-yil 1-dekabrdagi PQ-1236-son qaroriga hamda Vazirlar Mahkamasining “Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturini shakllantirish va amalga oshirish mexanizmini takomillashtirishga doir qoʻshimcha chora-tadbirlar toʻgʻrisida” 2010-yil 21-iyuldagi 154-son qaroriga muvofiq Vazirlar Mahkamasi qaror qiladi:

1. Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturiga kiritish uchun loyihalarni koʻrib chiqishda Ichki bozorning mamlakatimizda ishlab chiqarilgan tovarlar bilan toʻlganligini aniqlash tartibi toʻgʻrisidagi Nizom ilovaga muvofiq tasdiqlansin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasi Bosh vaziri Sh. MIRZIYOYEV

Toshkent sh.,

2010-yil 20-dekabr,

303-son

Vazirlar Mahkamasining 2010-yil 20-dekabrdagi 303-son qaroriga
ILOVA

Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturiga kiritish uchun loyihalarni koʻrib chiqishda Ichki bozorning mamlakatimizda ishlab chiqarilgan tovarlar bilan toʻlganligini aniqlash tartibi toʻgʻrisida

NIZOM

I. Umumiy qoidalar

1. Mazkur Nizom Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturiga (keyingi oʻrinlarda Mahalliylashtirish dasturi deb ataladi) kiritish uchun loyihalarni koʻrib chiqishda ichki bozorning mamlakatimizda ishlab chiqarilgan tovarlar bilan toʻlganligi darajasini aniqlash tartibini belgilaydi.

2. Ushbu Nizom maqsadlari uchun quyidagi asosiy tushunchalardan foydalaniladi:

tovar — xoʻjalik yurituvchi subyekt faoliyatining sotish uchun moʻljallangan mahsuloti;

oʻzaro almashinadigan tovarlar — funksional maqsadi, qoʻllanishi, sifat va texnik tavsiflari, narxi va boshqa parametrlari boʻyicha taqqoslanishi mumkin boʻlgan tovarlar (tovarlar guruhi);

tovar bozori — tovarning Oʻzbekiston Respublikasi hududida yoki uning maʼmuriy-hududiy boʻlinishiga toʻgʻri keladigan yoki toʻgʻri kelmaydigan bir qismida muomalada boʻlish sohasi;

tovar bozorining hajmi — eksport hajmini chegirgan holda, oʻzaro almashinadigan tovarlarni va tovar importini hisobga olgan holda ishlab chiqarish hajmining yigʻindisi;

bozorning tovarlar bilan toʻlganligi — oʻzaro almashinadigan tovarlarni hisobga olgan holda muayyan tovarning umumiy hajmida mamlakatimizda ishlab chiqarilgan tovarlar ulushini belgilaydigan koʻrsatkich.

II. Tovar bozorlarining toʻlganligi darajasini aniqlash tartibi

Oldingi tahrirga qarang.

3. Tovar bozorlarining toʻlganligi darajasini aniqlash statistika organlaridan va davlat bojxona xizmati organlaridan, shuningdek, zarurat boʻlganda, davlat va xoʻjalik boshqaruvi boshqa organlaridan va xoʻjalik yurituvchi subyektlardan olingan maʼlumotlar asosida Oʻzbekiston Respublikasi Monopoliyaga qarshi kurashish qoʻmitasi (keyingi oʻrinlarda Monopoliyaga qarshi kurashish qoʻmitasi deb ataladi) tomonidan amalga oshiriladi.

(3-band Oʻzbekiston Respublikasi Vazirlar Mahkamasining 2019-yil 19-dekabrdagi 1014-sonli qarori tahririda — Qonun hujjatlari maʼlumotlari milliy bazasi, 20.12.2019-y., 09/19/1014/4173-son)

Oldingi tahrirga qarang.

4. Mahalliylashtirish dasturiga kiritish uchun loyihalarni koʻrib chiqishda Monopoliyaga qarshi kurashish qoʻmitasi bozorning tovarlar bilan toʻlganligi darajasini aniqlash bilan ayni bir vaqtda, shuningdek raqobat muhitini, oʻzaro almashinadigan tovarlarni va qonunchilikka muvofiq narx belgilanishini hisobga olgan holda monopollashtirish darajasini ham baholaydi. Bunda Monopoliyaga qarshi kurashish qoʻmitasi tegishli bozorlarning ilgari oʻtkazilgan tahlillari maʼlumotlari va natijalaridan foydalanishi mumkin.

(4-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)

5. Tovarning xususiyati va texnik tavsiflari tufayli tovarning oʻzaro almashinuvchanligi darajasini belgilash murakkab boʻlganda tovarning oʻzaro almashinuvchanligi toʻgʻrisida standartlashtirish organlaridan, tegishli vakolatli tashkilotlardan hamda bevosita ishlab chiqaruvchilar va isteʼmolchilardan olingan maʼlumotlardan foydalanilishi mumkin.

6. Bozorning mamlakatimizda ishlab chiqarilgan tovarlar bilan toʻlganligi darajasi (oʻzaro almashinadigan tovarlarni hisobga olgan holda) tovar ishlab chiqarish hajmining tovar bozori hajmiga nisbati sifatida aniqlanadi.

7. Ichki bozorning mamlakatimizda ishlab chiqarilgan tovarlar bilan toʻlganligi darajasini tahlil qilish va baholash uchun oxirgi ikki hisobot yili boʻyicha statistik maʼlumotlar qabul qilinadi. Bunday maʼlumotlar mavjud boʻlmaganda oxirgi olti oy boʻyicha statistik maʼlumotlar qabul qilinadi.

8. Tovar bozori hajmida mamlakatimizda ishlab chiqarilgan tovarlar ulushi 80 foizdan koʻp boʻlganda bozor tovar bilan toʻlgan hisoblanadi va mazkur ulush ushbu koʻrsatkichdan kam boʻlganda tovar bilan toʻlmagan hisoblanadi.

III. Tovar bozorlarining toʻlganligi darajasini aniqlash uchun axborotlarni taqdim etish tartibi va muddatlari

Oldingi tahrirga qarang.

9. Monopoliyaga qarshi kurashish qoʻmitasi va uning hududiy organlari tomonidan soʻralayotgan muayyan tovar boʻyicha axborot soʻrov olingandan keyin 10 kun muddatda quyidagilar tomonidan:

(9-bandning birinchi xatboshisi Oʻzbekiston Respublikasi Vazirlar Mahkamasining 2019-yil 19-dekabrdagi 1014-sonli qarori tahririda — Qonun hujjatlari maʼlumotlari milliy bazasi, 20.12.2019-y., 09/19/1014/4173-son)

Oldingi tahrirga qarang.

Oʻzbekiston Respublikasi Milliy statistika qoʻmitasi va uning hududiy organlari tomonidan — tovar ishlab chiqaruvchi korxonalar roʻyxati toʻgʻrisida, shuningdek ishlab chiqarishning yalpi hajmi, tovarlar eksporti va importi toʻgʻrisida 1-ilovaga muvofiq shakl boʻyicha;

(9-bandning ikkinchi xatboshisi Oʻzbekiston Respublikasi Vazirlar Mahkamasining 2025-yil 6-oktabrdagi 627-sonli qarori tahririda — Qonunchilik maʼlumotlari milliy bazasi, 07.10.2025-y., 09/25/627/0901-son)

Oʻzbekiston Respublikasi Davlat bojxona qoʻmitasi va uning hududiy organlari tomonidan — tovarlar hajmlarini koʻrsatgan holda ushbu tovar importi va eksporti bilan shugʻullanuvchi xoʻjalik yurituvchi subyektlar roʻyxati toʻgʻrisida 2-ilovaga muvofiq shakl boʻyicha;

xoʻjalik yurituvchi subyektlar tomonidan — ishlab chiqarish quvvati, tovarni ishlab chiqarish, yuklab joʻnatish va eksport qilish hajmlari toʻgʻrisida 3-ilovaga muvofiq shakl boʻyicha;

vakolatli tashkilotlar va muayyan tovarning bevosita ishlab chiqaruvchilari tomonidan — tovarning funksional maqsadi, qoʻllanishi, sifat va texnik tavsiflari, narxi va boshqa parametrlari boʻyicha boshqa tovar bilan oʻzaro almashinuvchanligi toʻgʻrisida taqdim etiladi.

IV. Xulosalar berish tartibi

Oldingi tahrirga qarang.

10. Monopoliyaga qarshi kurashish qoʻmitasi soʻralayotgan materiallar olingandan keyin 10 ish kunidan kechikmagan muddatda Oʻzbekiston Respublikasi Iqtisodiyot vazirligiga raqobat muhiti, monopollashtirish darajasi va ichki bozorning mamlakatimizda ishlab chiqarilgan tovarlar bilan toʻlganligi darajasi toʻgʻrisida tegishli xulosa taqdim etadi.

(10-band Oʻzbekiston Respublikasi Vazirlar Mahkamasining 2019-yil 19-dekabrdagi 1014-sonli qarori tahririda — Qonun hujjatlari maʼlumotlari milliy bazasi, 20.12.2019-y., 09/19/1014/4173-son)

V. Yakunlovchi qoida

Oldingi tahrirga qarang.

11. Monopoliyaga qarshi kurashish qoʻmitasi va uning hududiy organlariga axborotlar, maʼlumotlar, hujjatlar va ularning nusxalarini belgilangan muddatlarda taqdim etmaganlik yoki qasddan ishonchsiz maʼlumotlar taqdim etganlik uchun xoʻjalik yurituvchi subyektlar va ularning mansabdor shaxslari, shuningdek davlat va xoʻjalik boshqaruvi organlarining mansabdor shaxslari Oʻzbekiston Respublikasi qonunchiligiga muvofiq javob beradilar.

(11-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)

LexUZ sharhi

Qarang: Oʻzbekiston Respublikasi Maʼmuriy javobgarlik toʻgʻrisidagi kodeksining 43-moddasi, Jinoyat kodeksining 207-moddasi.

_____ yillarda mintaqalar boʻyicha tovarlar ishlab chiqarish, eksporti va importining yalpi hajmi toʻgʻrisida axborot
__________________________________________________
^{(tovarning nomi va TIF TN kodi)}
Yalpi hajmi (mintaqalar boʻyicha) ‎	Oʻlchov birligi ‎	Natura tarzida ‎	Qiymati ‎(ming soʻm) ‎
Mintaqa nomi
Ishlab chiqarish‎	‎	‎	‎
Eksport‎	‎	‎	‎
Import‎	‎	‎	‎

_____ yillarda xoʻjalik yurituvchi subyektlar boʻyicha tovarlar ishlab chiqarish hajmlari toʻgʻrisida axborot
__________________________________________________
^{(tovarning nomi va TIF TN kodi)}
KTUT kodi	Xoʻjalik yurituvchi subyektlar nomi	Yuridik manzili	Ishlab chiqarish quvvati	Ishlab chiqarish hajmi ‎‎
				natura tarzida	qiymati
Mintaqa nomi
1.	‎	‎	‎	‎	‎
2.	‎	‎	‎	‎	‎
3.	‎	‎	‎	‎	‎

_____ yillarda tovarlarni import qiluvchi-xoʻjalik yurituvchi subyektlar toʻgʻrisida axborot
__________________________________________________
^{(tovarning TIF TN kodi koʻrsatilgan nomi)}
T/r	Import qiluvchi- xoʻjalik yurituvchi subyektlar nomi (yuridik manzili koʻrsatilgan holda)	Import hajmi ‎
		natura tarzida ‎	qiymati ‎‎(ming soʻm) ‎
1.‎	‎	‎	‎
2.‎	‎	‎	‎
3.‎	‎	‎	‎

_____ yillarda tovarlarni eksport qiluvchi-xoʻjalik yurituvchi subyektlar toʻgʻrisida axborot
__________________________________________________
^{(tovarning TIF TN kodi koʻrsatilgan nomi) ‎}
T/r	Eksport qiluvchi-xoʻjalik yurituvchi subyektlar nomi (yuridik manzili koʻrsatilgan holda)	Eksport hajmi
		natura tarzida	qiymati(ming soʻm)
1.‎	‎	‎	‎
2.‎	‎	‎	‎
3.‎	‎	‎	‎

______________________ boʻyicha ______ yillarda ishlab chiqarish quvvati,
^{(korxona nomi)}		‎	‎	‎
‎ishlab chiqarish hajmlari, yuklab joʻnatish va eksport toʻgʻrisida axborot
(____________________________________________)
^{‎tovarning nomi, TIF TN kodi}
T/r‎	Koʻrsatkichlar ‎	Oʻlchov birligi‎	Natura tarzida ‎	Qiymati (ming soʻm) ‎
1.‎	Ishlab chiqarish quvvati ‎‎	‎	‎	‎
2.‎	Ishlab chiqarish hajmi ‎	‎	‎	‎
3.‎	Eksport hajmi ‎	‎	‎	‎
4.‎	Ichki bozorda yuklab joʻnatish hajmi ‎	‎	‎	‎
‎	shu jumladan mintaqalar boʻyicha ‎	‎	‎	‎
5.‎	Qoldiq ‎	‎	‎	‎

(Oʻzbekiston Respublikasi qonun hujjatlari toʻplami, 2010-y., 51-son, 487-modda; 2013-y., 37-son, 485-modda; 2017-y., 33-son, 863-modda; Qonun hujjatlari maʼlumotlari milliy bazasi, 20.12.2019-y., 09/19/1014/4173-son; Qonunchilik maʼlumotlari milliy bazasi, 05.04.2022-y., 09/22/153/0266-son; 07.10.2025-y., 09/25/627/0901-son)