|
Hujjat kuchini yo‘qotgan " " 22.02.2021
|
Oʻzbekiston Respublikasi Vazirlar Mahkamasining
qarori
QAShQADARYo VILOYATINING QAMAShI TUMANIDA YuZ BERGAN ZILZILA OQIBATLARINI TUGATISh ChORA-TADBIRLARI TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
2000-yil 20-aprelda Qashqadaryo viloyatining Qamashi tumanida yuz bergan zilzila oqibatlarini tugatish, tuman aholisini moddiy qoʻllab-quvvatlash maqsadida Vazirlar Mahkamasi qaror qiladi:
1. Hukumat komissiyasining Qashqadaryo viloyatining Qamashi tumanida zilzila oqibatlarini bartaraf etish yuzasidan olib borilayotgan ishlar toʻgʻrisidagi axboroti maʼlumot uchun qabul qilinsin.
Hukumat komissiyasining zilziladan zarar koʻrgan Qashqadaryo viloyatining Qamashi tumanida tiklash ishlarini olib borish va yangi qurilishni amalga oshirish toʻgʻrisidagi taklifiga ilovaga* muvofiq rozilik berilsin.
* Ilova berilmaydi.
Qashqadaryo viloyati hokimligi, buyurtmachi vazirliklar va idoralar tiklash ishlari olib borilishini va yangi qurilishni amalga oshirishni Hukumat komissiyasi tomonidan belgilangan muddatlarda taʼminlasinlar.
2. Oʻzbekiston Respublikasi Moliya vazirligi istisno tariqasida 2000-yilda Vazirlar Mahkamasining Kafolatli jamgʻarmasidan Qashqadaryo viloyati hokimligiga ilovaga muvofiq taʼmirlash-tiklash ishlarini amalga oshirish va yangi qurilish uchun 2,0 mlrd soʻm ajratsin. Ajratilgan mablagʻlardan maqsadli foydalanilishi uchun javobgarlik Qashqadaryo viloyati hokimligiga yuklansin.
Oʻzbekiston Respublikasi Moliya vazirligi tiklash ishlari va yangi qurilish uchun ajratilayotgan mablagʻlardan Qashqadaryo viloyati hokimligi maqsadli foydalanishi ustidan qatʼiy nazorat oʻrnatsin.
Oʻzbekiston Respublikasi Makroiqtisodiyot va statistika vazirligi Moliya vazirligi bilan birgalikda 2001-yilgi Investitsiya dasturida Qashqadaryo viloyati hokimligiga buzib tashlanayotgan va tiklab boʻlmaydigan obyektlar oʻrniga qurilayotgan obyektlar ishga tushirilishini taʼminlash uchun maqsadli markazlashtirilgan sarmoya qoʻyilmalarining tegishli limitlarini ajratishni nazarda tutsin.
3. Belgilab qoʻyilsinki:
kommunal xoʻjaligi, maʼmuriy, madaniy-maishiy va ishlab chiqarish yoʻnalishidagi obyektlarni tiklash va taʼmirlash tadbirlari tegishli vazirliklar, idoralarning mablagʻlari hamda korxona va tashkilotlarning oʻz mablagʻlari hisobiga;
budjetdagi tashkilotlar boʻyicha tiklanmaydigan obyektlarni buzish va taʼmirlash ishlari mahalliy budjet va homiylar mablagʻlari hisobiga amalga oshiriladi.
4. Vazirliklar, idoralar, xoʻjalik birlashmalari, tashkilotlar va korxonalarga zilziladan zarar koʻrgan obyektlarda qurilish va tiklash ishlarini mahalliy smetalar boʻyicha loyihalash bilan bir vaqtda amalga oshirishga ruxsat etilsin.
5. Quyidagilar:
“Oʻzagrosugʻurta” kompaniyasi tomonidan Xalq banki boʻlimlari orqali zilziladan zarar koʻrgan xususiy uy-joylar egalariga 6709,8 ming soʻm miqdorida sugʻurta toʻlovlari berilganligi;
“Paxta-bank”, “Oʻztadbirkorbank” va Xalq banki tomonidan zilziladan zarar koʻrgan xususan uy-joylarning eng muhtoj egalariga kredit berish uchun 17 mln soʻm miqdorida (5—7 foizli yillik stavka bilan) imtiyozli kreditlar ajratish nazarda tutilganligi maʼlumot uchun qabul qilinsin.
6. Oʻzbekiston Respublikasi Bosh vazirining oʻrinbosari A.N. Isayev, Oliy va oʻrta maxsus taʼlim vazirligi, Xalq taʼlimi vazirligi, Sogʻliqni saqlash vazirligi va Qashqadaryo viloyati hokimligi 2000-yilda Qamashi tumanida ilovaga muvofiq nazarda tutilgan rekonstruksiya qilish va tiklash, shuningdek foydalanishga topshirish ishlarini:
maktablar, bolalar bogʻchalari, kollejlar, shu jumladan, ilgari foydalanishga topshirilishi 2001-yilga moʻljallangan qurilish kollejining birinchi bosqichi boʻyicha — 2000-yil 1-sentabrgacha;
sogʻliqni saqlash obyektlari boʻyicha — 2000-yil 1-noyabrgacha tugallashni taʼminlasinlar.
7. Vazirliklar, idoralar va Qashqadaryo viloyati hokimligi ushbu qarorning bajarilishi toʻgʻrisida har oyning 1 va 16-kunlarida Hukumat komissiyasiga axborot bersinlar.
8. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari B.S. Hamidov va Qashqadaryo viloyati hokimi Sh.R. Begmatov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2000-yil 27-iyun,
244-son
