|
Hujjat kuchini yo‘qotgan " " 16.12.2025
|
Oʻzbekiston Respublikasi Vazirlar Mahkamasining
qarori
RESPUBLIKADA QOGʻOZNI TEJASH VA UNDAN OQILONA FOYDALANISHGA DOIR QOʻSHIMCHA CHORA-TADBIRLAR TOʻGʻRISIDA
LexUZ sharhiMazkur qaror Oʻzbekistan Respublikasi Vazirlar Mahkamasining 2025-yil 15-dekabrdagi 791-sonli “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi qaroriga asosan oʻz kuchini yoʻqotgan.
Vazirlar Mahkamasining “Oʻzbekiston Respublikasida qogʻozni tejash va undan oqilona foydalanish chora-tadbirlari toʻgʻrisida” 1999-yil 7-iyundagi 291-son qarorida va Oʻzbekiston Respublikasi Prezidentining “Axborot-kommunikatsiya texnologiyalarini yanada rivojlantirishga oid qoʻshimcha chora-tadbirlar toʻgʻrisida” 2005-yil 8-iyundagi PQ-117-son qarorida belgilangan vazifalarni amalga oshirishga doir amaliy chora-tadbirlar keyingi yillarda qogʻozning yozuv, gazeta va ofset turlaridan yanada oqilona foydalanish va ularni tejashni taʼminladi.
Qogʻoz mahsulotlarini tender asosida xarid qilish tizimi va sotib olish xarajatlarini kamaytirish takomillashmoqda, qogʻozning, avvalo yozuv va nusxa koʻpaytirish uchun ishlatiladigan turlarini hisobga olish hamda ularning sarflanishi ustidan nazorat kuchaytirildi. Keyingi uch yilda davlat va xoʻjalik boshqaruvi organlari, shuningdek mahalliy ijro etuvchi hokimiyat organlari apparatlarida qogʻoz sarfi yiliga 10 foizdan 40 foizgacha qisqardi.
Boshqaruv tizimini takomillashtirish, mahalliy va tarmoqlararo vazifalarni tezkor hal etish, shuningdek qogʻoz sarfini qisqartirish maqsadida kompyuter va axborot-kommunikatsiya texnologiyalari, shu jumladan elektron hujjat aylanishi, axborot tizimlari izchil surʼatlarda joriy etilmoqda, davlat va idoraviy interaktiv xizmat koʻrsatish turlari tarmogʻi rivojlanmoqda. Kompyuter texnikasi bilan jihozlash darajasi davlat qoʻmitalarida — 61,0 foizni, vazirliklarda — 81,0, hokimliklarda — 91,0 foizni tashkil etadi. Respublika davlat va xoʻjalik boshqaruvi organlarining yarmida qogʻoz sarfini ancha kamaytirish imkonini bergan lokal tarmoqlar va elektron hujjat aylanishi tizimi faoliyat koʻrsatmoqda.
Nashriyot-matbaa faoliyati, shuningdek ommaviy axborot vositalari sohasida qogʻozning gazeta va ofset turlarini tejash va ulardan oqilona foydalanishga doir kompleks chora-tadbirlar qabul qilindi. Oʻzbekiston matbuot va axborot agentligi, “Sharq” kompaniyasi va boshqa matbaa korxonalari tomonidan oʻz mablagʻlari hisobiga modernizatsiya qilish va bosma mahsulotlarni ishlab chiqarishning zamonaviy texnologiyalarini joriy etish taʼminlanmoqda. Kitob chiqarish va davriy nashrlarni chop etishning barcha bosqichlarida qogʻoz sarfini qatʼiy tartibga solish va texnologik xarajatlarni qisqartirish imkonini bergan standartlar kompleksi ishlab chiqildi va joriy etildi.
Shu bilan birga, “Oʻzbekneftgaz” milliy xolding kompaniyasida, “Oʻzbekyengilsanoat” davlat-aksiyadorlik kompaniyasida, “Oʻzbekenergo” davlat-aksiyadorlik kompaniyasida, “Oʻzavtosanoat” aksiyadorlik kompaniyasida, Toshkent viloyati va Toshkent shahar hokimliklarida, shuningdek boshqaruvning boshqa organlarida ishlarning ahvolini oʻrganish yozuv va nusxa koʻpaytirish uchun ishlatiladigan qogʻozni sarflashda zarur tartib oʻrnatish, ushbu maqsadlar uchun ajratilayotgan budjet mablagʻlari va budjetdan tashqari mablagʻlarni maqbullashtirish, hujjatlar aylanishini qisqartirish, qogʻoz mahsulotlaridan tejab foydalanishda xodimlarga talabchanlikni kuchaytirish boʻyicha kamchiliklarni bartaraf etish zarurligini koʻrsatdi.
Aniqlangan kamchiliklarni bartaraf etish hamda respublikada qogʻozdan oqilona va tejamkorlik bilan foydalanish, ushbu maqsadlarda axborot-kommunikatsiya texnologiyalarini va tizimlarini joriy etish samaradorligini oshirish, shuningdek boshqaruv va ijro etuvchi apparatlar faoliyatini maqbullashtirish boʻyicha qoʻshimcha chora-tadbirlar amalga oshirilishi uchun davlat va xoʻjalik boshqaruvi organlari rahbarlarining shaxsiy javobgarligini oshirish maqsadida Vazirlar Mahkamasi qaror qiladi:
1. Vazirliklar, idoralar, xoʻjalik birlashmalari, Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari rahbarlari qogʻozni tejash va undan oqilona foydalanish rejimini hamma joyda kuchaytirish, axborot-kommunikatsiya texnologiyalaridan samarali foydalanish, qogʻozbozlik va rasmiyatchilikni bartaraf etish, ortiqcha hujjatlar aylanishini yanada qisqartirish, koʻp sonli majlislar va yigʻilishlar oʻtkazish, asoslanmagan hisobot va axborot-maʼlumotnoma tarzidagi materiallarni soʻrash amaliyotini keskin cheklash yuzasidan koʻrilayotgan chora-tadbirlarning natijadorligi uchun qatʼiy ogohlantirilsinlar.
2. Respublikada qogʻozni tejash va undan oqilona foydalanishni taʼminlash boʻyicha quyidagi asosiy vazifalarni amalga oshirishni nazarda tutadigan qoʻshimcha chora-tadbirlar kompleksi (keyingi oʻrinlarda Qoʻshimcha chora-tadbirlar kompleksi deb ataladi) 1-ilovaga muvofiq tasdiqlansin:
qogʻoz mahsulotlarini xarid qilish, hisobga olish boʻyicha nazorat tizimini kuchaytirish, Davlat budjeti xarajatlari klassifikatsiyasiga qogʻoz xarid qilish uchun alohida moddani joriy etish, 2010 — 2012-yillarda qogʻoz sarfini kamida 30 foizga, har yili — 10 foizdan qisqartirish. Gʻaznachilik va uning boʻlinmalari tomonidan ushbu maqsadlar uchun mablagʻlardan foydalanish maqbullashtirilishi ustidan muntazam ravishda monitoringni amalga oshirish;
2011-yilda boshqaruv organlarining maʼmuriy-boshqaruv xodimlarini kompyuter texnikasi bilan taʼminlashni yakunlashni nazarda tutgan holda axborot-kommunikatsiya texnologiyalarini yanada rivojlantirishga doir qoʻshimcha chora-tadbirlar kompleksini ishlab chiqish, qogʻoz yozishmalarini, eng avvalo ichki idoraviy qogʻoz yozishmalarini tegishli ravishda qisqartirgan holda elektron hujjat aylanishini kengaytirish parametrlarini qayta koʻrib chiqish va 2011 — 2015-yillar uchun yangi maqsadli parametrlarni belgilash, lokal va korporativ kompyuter tarmoqlarini, shuningdek boshqa axborot tizimlarini joriy etish;
boshqaruv organlari va ishlab chiqarish korxonalari rahbarlari hamda mutaxassislarining axborot-kommunikatsiya texnologiyalaridan foydalanish borasidagi malakasi va koʻnikmalari darajasini oshirish, ularni davriy attestatsiyadan oʻtkazishni joriy etish;
nashriyotlarning mavzu rejalari monitoringini olib borish va tahlil qilish, dolzarb ahamiyatga ega boʻlmagan ijtimoiy ahamiyati kam boʻlgan adabiyotlar nashr etilishini bartaraf etish. Matbaa korxonalarini yanada modernizatsiya qilish, nashriyotlar va bosma ommaviy axborot vositalari faoliyatiga zamonaviy ilgʻor texnologiyalarni joriy etish, nashriyot-matbaa jarayonlarini maqbullashtirish boʻyicha tarmoq standartlarini va boshqa normativ hujjatlarni qayta koʻrib chiqish hamda ishlab chiqish, shu asosda qogʻozning gazeta, ofset va boshqa turlaridan yanada tejab foydalanishni taʼminlash;
maktablarning ayrim sinflarida darsliklar va oʻquv qoʻllanmalardan foydalanish muddatlarini uzaytirishni nazarda tutgan holda ularni yangilash va nashr etish davriyligini maqbullashtirish;
respublikaning mahalliy qogʻoz mahsulotlari ishlab chiqarish boʻyicha faoliyat koʻrsatayotgan korxonalari va ishlab chiqarishlarini modernizatsiya qilish, texnik va texnologik jihatdan yangilashni davlat tomonidan qoʻllab-quvvatlash, ularda resurslar va energiyani tejash texnologiyalarini joriy etish, mahsulotlar hajmini koʻpaytirish va nomenklaturasini kengaytirish chora-tadbirlarini ishlab chiqish va amalga oshirish;
qogʻoz mahsulotlari ishlab chiqarishning xomashyo bazasini yanada rivojlantirish, ikkilamchi qogʻoz chiqindilarini qayta ishlash uchun toʻplash, tayyorlash va yetkazib berish, shuningdek qayta ishlash tizimini kuchaytirish va takomillashtirish.
Oldingi tahrirga qarang.
(3-band Oʻzbekiston Respublikasi Vazirlar Mahkamasining 2019-yil 23-fevraldagi 161-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 23.02.2019-y., 09/19/161/2600-son)
4. Vazirlar, davlat qoʻmitalari va davlat boshqaruvi boshqa organlarining raislari, xoʻjalik birlashmalari rahbarlari, Qoraqalpogʻiston Respublikasi Vazirlar Kengashi Raisi, viloyatlar, shaharlar va tumanlar hokimlari 10 kun muddatda ushbu qaror talablari va tasdiqlangan Qoʻshimcha chora-tadbirlar kompleksini amalga oshirish boʻyicha amaliy tadbirlar dasturini ishlab chiqsinlar va tasdiqlasinlar.
5. Vazirlar Mahkamasining “Oʻzbekiston Respublikasida qogʻozni tejash va undan oqilona foydalanish chora-tadbirlari dasturi toʻgʻrisida” 1999-yil 7-iyundagi 291-son qarori va Vazirlar Mahkamasining 1999-yil 15-iyundagi 275-f-son farmoyishi oʻz kuchini yoʻqotgan deb hisoblansin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari A.N. Aripov va B.A. Xoʻjayev, Ijro etuvchi apparat boshqaruvchisi D.O. Musayev zimmasiga yuklansin.
Qarorning bajarilishi va natijalari toʻgʻrisida 2011-yil yanvar oyida axborot berilsin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2010-yil 22-iyul,
155-son
Vazirlar Mahkamasining 2010-yil 22-iyuldagi 155-son qaroriga
1-ILOVA
1-ILOVA
Respublikada qogʻozni tejashni va undan oqilona foydalanishni taʼminlash boʻyicha qoʻshimcha chora-tadbirlar
KOMPLEKSI
| T/r |
Chora-tadbirlar (tadbirlar) |
Bajarish muddati | Masʼul bajaruvchilar | Amalga oshirish shakli | Kutilayotgan natija |
| I boʻlim. Davlat va xoʻjalik boshqaruvi organlarida, mahalliy ijro etuvchi hokimiyat organlarida qogʻozni tejash va undan oqilona foydalanishni taʼminlashga doir tashkiliy chora-tadbirlar. | |||||
| 1.1. | Qogʻozni tejash va undan oqilona foydalanish boʻyicha Respublika komissiyasi toʻgʻrisidagi nizomni ishlab chiqish, ushbu qaror bilan tasdiqlangan vazifalarni va Qoʻshimcha chora-tadbirlar kompleksini amalga oshirishni taʼminlash boʻyicha yangidan tuzilayotgan 4 ta kichik guruhning funksiyalari va vazifalarini belgilash. | 1-avgustga qadar | Respublika komissiyasi, Oʻzbekiston matbuot va axborot agentligi, Oʻzbekiston aloqa va axborotlashtirish agentligi, Iqtisodiyot vazirligi, Moliya vazirligi, Adliya vazirligi | Qogʻozni tejash va undan oqilona foydalanish boʻyicha Respublika komissiyasi toʻgʻrisidagi nizom | Qogʻozni tejash va undan oqilona foydalanish boʻyicha Respublika komissiyasi hamda Vazirlar Mahkamasining qarorini va Qoʻshimcha chora-tadbirlar kompleksi bajarilishini nazorat qilish va monitoring olib borish boʻyicha yangidan tuzilayotgan 4 ta kichik guruhning funksiyalari, vazifalari va vakolatlarini belgilash. |
| 1.2. | Ushbu qaror talablarini tushuntirish hamda respublikaning 19 ta vazirlik, idora, xoʻjalik birlashmasi, hokimliklar va gazetalar tahririyatlarida ishlarning ahvolini tahliliy oʻrganish materiallari boʻyicha tasdiqlangan Qoʻshimcha chora-tadbirlar kompleksi toʻliq va oʻz vaqtida amalga oshirilishini taʼminlash uchun vazirliklar, idoralar, xoʻjalik birlashmalari va mahalliy ijro etuvchi hokimiyat organlari rahbarlari ishtirokida Respublika komissiyasining tashkiliy majlisini oʻtkazish. | 1-avgustga qadar | Respublika komissiyasi | Tashkiliy chora-tadbirlarni tasdiqlash boʻyicha Respublika komissiyasi majlisi protokoli. | Ushbu qarorda belgilangan vazifalar toʻliq va oʻz vaqtida amalga oshirilishini taʼminlash. |
| 1.3. | Quyidagilarning: |
2010-yil III-IV chorak |
Respublika komissiyasi | Tahliliy materiallarni tayyorlash, ularni Respublika komissiyasi muhokamasiga kiritish va tegishli chora-tadbirlar koʻrish. | Qogʻozni hisobga olish va uning sarfi tizimini takomillashtirish, qogʻozdan foydalanishga nisbatan isrofgarchilik bilan munosabatda boʻlish holatlari boʻyicha shoshilinch choralar koʻrish. |
| a) vazirliklar, davlat qoʻmitalari va davlat boshqaruvi boshqa organlarining; |
jadval boʻyicha |
Respublika komissiyasining 1-guruhi | |||
| b) uyushmalar, kompaniyalar va xoʻjalik boshqaruvi boshqa organlarining hududiy boʻlinmalari va idoraviy mansub tashkilotlarida; |
jadval boʻyicha |
Respublika komissiyasining 1-guruhi | |||
| v) Qoraqalpogʻiston Respublikasi Vazirlar Kengashi, respublika viloyatlari, shaharlari va tumanlari hokimliklarida qogʻozni hisobga olish va uning sarfi holatini tanqidiy tahlil qilish. |
jadval boʻyicha |
Respublika komissiyasining 1-guruhi | |||
| 1.4. | Boshqaruv apparatlarida, noshirlik va matbaa faoliyati, ommaviy axborot vositalari sohasida qogʻozdan oqilona foydalanish boʻyicha xorijiy tajribani, shu jumladan xorijiy moliyaviy va iqtisodiy institutlarning tajribasini oʻrganish. | 2010-yil III-IV chorak | Respublika komissiyasi Respublika komissiyasining 1 va 2-guruhlari | Oʻrganish yakunlari boʻyicha tahliliy maʼlumotnomalar va Respublika komissiyasida koʻrib chiqish uchun aniq takliflar tayyorlash. | Boshqaruv jarayonlarida va xoʻjalik faoliyatida qogʻozni tejashni takomillashtirish va uning zamonaviy usullarini joriy etish. |
| 1.5. | Kollegial organlar, shuningdek davlat va xoʻjalik boshqaruvi organlari, mahalliy ijro etuvchi hokimiyat organlari tizimida oʻtkaziladigan yigʻilishlar sonini, dolzarbligini va kun tartibini tahlil qilish. | 2010-yil avgust | Respublika komissiyasining 1-guruhi, Vazirlar Mahkamasining ATD | Oʻtkaziladigan majlislar va yigʻilishlarni maqbullashtirish, qogʻoz sarfini qisqartirish boʻyicha takliflar tayyorlash. | Oʻtkaziladigan majlislar va yigʻilishlarni maqbullashtirish, sarf-xarajatlarni, shu jumladan ularni tayyorlash va oʻtkazishga moliyaviy mablagʻlar va qogʻozni qisqartirish. |
| 1.6. | Davlat budjeti xarajatlari klassifikatsiyasiga “Qogʻoz sotib olish xarajatlari” alohida moddasini kiritish. 2010 — 2012-yillarda qogʻoz sarfini kamida 30 foizga, har yili — 10 foizdan qisqartirishni nazarda tutgan holda qogʻoz sotib olishga yoʻnaltirilgan mablagʻlardan foydalanilishi ustidan gʻaznachilik tomonidan muntazam monitoringni amalga oshirish. | 2010-yil va keyingi yillar | Moliya vazirligi, vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari — budjetdan mablagʻ oluvchilar | Moliya vazirligining buyrugʻi va idoraviy tadbirlar rejalari. | Qogʻoz sotib olishga xarajatlarni, ortiqcha qogʻoz hujjatlar aylanishini va hisobotlarni qisqartirish, boʻshaydigan mablagʻlarni axborot-kommunikatsiya texnologiyalarni rivojlantirishga yoʻnaltirish. |
| 1.7. | Davlat va xoʻjalik boshqaruvi organlarida, mahalliy ijro etuvchi hokimiyat organlarida qogʻoz sotib olish, undan foydalanish, hisobdan chiqarish, qogʻoz chiqindilarini toʻplash va muntazam ravishda makulaturaga topshirishning holatini tizimli asosda tekshirish. | jadval boʻyicha doimo |
Respublika komissiyasining 1-guruhi, Hisob palatasi, Moliya vazirligining Nazorat-taftish bosh boshqarmasi | Tekshirishlar va taftishlar materiallarini tegishli chora-tadbirlar koʻrish uchun Respublika komissiyasiga va Moliya vazirligiga kiritish. | Qogʻozdan oqilona foydalanishning holati va ushbu maqsadlar uchun ajratiladigan moliyaviy mablagʻlar, shu jumladan budjetdan tashqari mablagʻlar ustidan muntazam nazorat qilish. |
| II boʻlim. Kompyuter texnikasidan samarali foydalanish, elektron hujjat aylanishi tizimi joriy etilishini takomillashtirish va axborot-kommunikatsiya texnologiyalarini yanada rivojlantirish. | |||||
| IIa. Kompyuter texnikasidan samarali foydalanish. | |||||
| 2.1. | Davlat va xoʻjalik boshqaruvi organlari, mahalliy ijro etuvchi hokimiyat organlarining kompyuter texnikasi bilan jihozlanganligini va undan foydalanish samaradorligini tahlil qilish. | 2010-yil III chorak | Respublika komissiyasining 2-guruhi, Oʻzbekiston aloqa va axborotlashtirish agentligi, vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari | Kompyuter texnikasidan foydalanishning holati toʻgʻrisida tahliliy maʼlumotnoma va uning samaradorligini oshirish toʻgʻrisida takliflar. | Kompyuter texnikasidan foydalanish samaradorligini oshirish, moliyaviy mablagʻlarni va qogʻoz sarfini qisqartirish, boshqaruv apparati faoliyatini takomillashtirish. |
| 2.2. | Axborot-kommunikatsiya texnologiyalaridan foydalanish sohasida rahbarlar, mutaxassislarning malakasi va koʻnikmasini oshirish dasturini ishlab chiqish, shuningdek davlat va xoʻjalik boshqaruvi organlarida, mahalliy ijro etuvchi hokimiyat organlarida kadrlarni kompyuter savodxonligi boʻyicha attestatsiyadan oʻtkazish tizimini joriy etish. | 2010-yil avgust har yili |
Respublika komissiyasining 2-guruhi, Oʻzbekiston aloqa va axborotlashtirish agentligi, Oliy va oʻrta maxsus taʼlim vazirligi | Dastur va attestatsiyadan oʻtkazish tizimini tasdiqlash boʻyicha Vazirlar Mahkamasi qarori. | Boshqaruv organlari rahbarlari va mutaxassislarining boshqaruv jarayonida, shu jumladan qogʻoz sarfini qisqartirish maqsadida, kompyuter texnikasidan foydalanishi boʻyicha ularning malakasini oshirish va saviyasini baholash. |
| 2.3. | Davlat va xoʻjalik boshqaruvi organlari, mahalliy ijro etuvchi hokimiyat organlarining maʼmuriy-boshqaruv xodimlarini kompyuter texnikasi bilan taʼminlash, lokal va korporativ kompyuter tarmoqlarini yaratish, zarur server uskunalari bilan jihozlash yuzasidan takliflar tayyorlash va jihozlashni yakunlash. | 2010-yil III choragi — ishlab chiqish 2011-yil va keyingi yillar — amalga oshirish | Respublika komissiyasining 2-guruhi, vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari | Chora-tadbirlar rejasini tasdiqlash boʻyicha Respublika komissiyasining qarori. | Maʼmuriy-boshqaruv xodimlari kompyuter texnikasi va elektron hujjatlar aylanishi tizimi imkoniyatlaridan toʻliq foydalanishi uchun shart-sharoitlar yaratish. |
| 2.4. | Davlat va xoʻjalik boshqaruvi organlari, mahalliy ijro etuvchi hokimiyat organlari rahbarlari va mutaxassislari uchun kompyuter texnikasidan samarali foydalanish boʻyicha metodik qoʻllanma ishlab chiqish. Bunda quyidagilarni nazarda tutish: — shaxsiy kompyuterlardan, lokal va korporativ tarmoqlardan foydalanish; — funksional va tarmoq vazifalarini amalga oshirish boʻyicha maʼlumotlarning yigʻma bazasini shakllantirish; — ichki va idoralararo tarmoqlarda axborot ayirboshlash; — kompyuter texnikasidan va internet tarmogʻidan foydalanishda axborot xavfsizligini taʼminlash. |
2010-yil III chorak | Respublika komissiyasining 2-guruhi Oʻzbekiston aloqa va axborotlashtirish agentligi | Metodik qoʻllanmalarni tasdiqlash boʻyicha Respublika komissiyasining qarori. | Ishlarning holati tizimli tahlil qilinishini taʼminlash, tarmoq vazifalarini tezkor hal etish hamda respublika iqtisodiyoti sohalari, tarmoqlari va hududlarini rivojlantirishni prognozlashtirish boʻyicha davlat va xoʻjalik boshqaruvi organlari, mahalliy ijro etuvchi hokimiyat organlari ishi samaradorligi va natijadorligini oshirish. |
| IIb. boʻlim. Elektron hujjat aylanishini joriy etishni takomillashtirish. | |||||
| 2.5. | Elektron hujjat aylanishi joriy etilishining holatini va undan foydalanish samaradorligini tanqidiy tahlil qilish hamda ichki idoraviy yozishmalarni keskin qisqartirish boʻyicha aniq chora-tadbirlar ishlab chiqish. | 2010-yil IV chorak | Respublika komissiyasining 2-guruhi Oʻzbekiston aloqa va axborotlashtirish agentligi, vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari | Ichki idoraviy yozishmalarni qisqartirish boʻyicha maʼlumotnoma va chora-tadbirlarni tasdiqlash. | Elektron hujjatlar aylanishi tizimlaridan foydalanishdagi mavjud kamchiliklarni bartaraf etish va uning samaradorligini oshirish. |
| 2.6. | Vazirlar Mahkamasi bilan davlat va xoʻjalik boshqaruvi organlari, mahalliy ijro etuvchi hokimiyat organlari oʻrtasida “E-Xat” himoyalangan yagona korporativ elektron pochtani va “E-Hujat” tizimini joriy etish va ulardan belgilangan tartibda foydalanish. | 2011-yil I chorak | Respublika komissiyasining 2-guruhi, Vazirlar Mahkamasi, vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari | Tadbirlarni tasdiqlash boʻyicha Vazirlar Mahkamasining qarori. | Elektron shaklda xat-xabarlar, normativ-huquqiy hujjatlarning himoyalangan tarzda joʻnatilishini taʼminlash, hujjatlarni joʻnatishda qogʻoz sarfini qisqartirish. |
| 2.7. | Elektron hujjat aylanishi tizimlariga va elektron hujjatlarni idoralararo ayirboshlash standartiga qoʻyiladigan namunaviy talablarni ishlab chiqish. | 2011-yil I chorak | Kompyuterlashtirish va axborot-kommunikatsiya texnologiyalarini rivojlantirish boʻyicha Muvofiqlashtiruvchi kengash, Oʻzbekiston aloqa va axborotlashtirish agentligi, “Oʻzarxiv”, “Oʻzstandart” agentligi | Nizomni tasdiqlash, Davlat standarti. | Joriy etiladigan elektron hujjat aylanishi tizimlarining oʻzaro hamkorligini taʼminlash uchun ularning keyinchalik integratsiyalashuvi hisobga olingan holda yagona talablarni yaratish. |
| IIv. Axborot-kommunikatsiya texnologiyalarini rivojlantirish. | |||||
| 2.8. | Axborot-kommunikatsiya texnologiyalarini joriy etish va ulardan foydalanish samaradorligini tanqidiy tahlil qilish: a) axborot tizimlari; b) davlat axborot resurslari; v) interaktiv xizmatlar koʻrsatish; g) korporativ elektron pochtada. |
2010-yil IV chorak — 2011-yil I chorak | Respublika komissiyasining 2-guruhi, Oʻzbekiston aloqa va axborotlashtirish agentligi, vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari | Tahliliy maʼlumotnoma va axborot-kommunikatsiya texnologiyalaridan foydalanish samaradorligini oshirishga doir takliflar. | Axborot-kommunikatsiya texnologiyalarini yanada rivojlantirishni va ularni joriy etish samaradorligini oshirishni taʼminlash. |
| 2.9. | Axborot tizimlarini joriy etish uchun davlat va xoʻjalik boshqaruvi organlari, mahalliy ijro etuvchi hokimiyat organlarini lokal va korporativ kompyuter tarmoqlari yaratish, zarur kompyuter texnikasi va server uskunalari bilan jihozlash boʻyicha takliflar ishlab chiqish va uni moliyalashtirishni tashkil etish. | 2010-2011-yillar | Respublika komissiyasining 2-guruhi, Oʻzbekiston aloqa va axborotlashtirish agentligi, Moliya vazirligi, Iqtisodiyot vazirligi, vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari | Respublika komissiyasida koʻrib chiqish uchun takliflar. | Elektron hujjat aylanishi tizimini takomillashtirish uchun zarur platforma yaratish. Maʼlumotlar ayirboshlashning yuqori tezlikdagi himoyalangan infratuzilmasini yaratish. |
| 2.10. | Boshqaruv jarayonlarini takomillashtirish va maqbullashtirish uchun Korporativ axborot tizimlarini yaratish chora-tadbirlari dasturini ishlab chiqish. | 2010-yil dekabr — ishlab chiqish 2011 — 2016-yillar — amalga oshirish |
Respublika komissiyasining 2-guruhi Oʻzbekiston aloqa va axborotlashtirish agentligi, vazirliklar va idoralar, Qoraqalpogʻiston �yeyespublikasi Vazirlar Kengashi, viloyatlar va Toshkent shahar hokimliklari | Chora-tadbirlar dasturini tasdiqlash boʻyicha Vazirlar Mahkamasi qarori. | Boshqaruv jarayonlarini qogʻozsiz amalga oshirishga bosqichma-bosqich oʻtish uchun axborot tizimlarini yaratish. |
| 2.11. | Rasmiy veb-saytlar orqali interaktiv davlat xizmatlari koʻrsatishga doir talablarni ishlab chiqish. | 2010-yil III chorak | Respublika komissiyasining 2-guruhi, Oʻzbekiston aloqa va axborotlashtirish agentligi | Kompyuterlashtirish va axborot- kommunikatsiya texnologiyalarini rivojlantirish boʻyicha Muvofiqlashtiruvchi kengash tomonidan tasdiqlanadigan normativ hujjat. | Interaktiv davlat xizmatlari yordamida rasmiy veb-saytlar orqali murojaatlarni qabul qilish va ularga javob berish uchun shart-sharoitlar yaratish. |
| 2.12. | 2011 — 2015-yillarda telekommunikatsiyalar tarmoqlarini, maʼlumotlar uzatishni va axborot-kommunikatsiya texnologiyalarini qoʻllashni rivojlantirishning yangi maqsadli parametrlarini qayta koʻrib chiqish va belgilash. | 2010-yil III chorak | Respublika komissiyasining 2-guruhi, Oʻzbekiston aloqa va axborotlashtirish agentligi | Oʻzbekiston Respublikasi Prezidentining qarori loyihasi. | Kompyuterlashtirish va axborot-kommunikatsiya texnologiyalarini rivojlantirish darajasini oshirish. |
| III boʻlim. Respublika nashriyotlari, ommaviy axborot vositalari tahririyatlari va matbaa korxonalarida gazeta va ofset qogʻozidan oqilona foydalanish, zamonaviy texnologiyalarni joriy etish. | |||||
| 3.1. | Mulkchilik shakllaridan qatʼi nazar rezidentlar va/yoki norezidentlar tomonidan yetkazib berilayotgan qogʻozning gazeta va ofset turlarini olib kirishning respublikada amalda boʻlgan tartibini tanqidiy tahlil qilish, qogʻozni olib kirish, xarid qilishni tartibga solish, hisobga olish va sarflash, narx-navo tizimini maqbullashtirish boʻyicha takliflar tayyorlash. | 2010-yil 1-sentabrga qadar | Respublika komissiyasining 3-guruhi, Oʻzbekiston matbuot va axborot agentligi, “Sharq” nashriyot-matbaa aksiyadorlik kompaniyasi, Davlat bojxona qoʻmitasi, Moliya vazirligi | Respublika komissiyasida koʻrib chiqish uchun aniq takliflar bilan birgalikda tahliliy maʼlumotnoma tayyorlash. | Qogʻoz olib kirish va xarid qilishni tartibga solish va maqbullashtirish, qogʻozning gazeta va ofset turlarini hisobga olish va sarflash tizimini takomillashtirish. |
| 3.2. | Nashriyot-matbaa jarayonini maqbullashtirish maqsadida tarmoq standartlarini va boshqa normativ hujjatlarni qayta koʻrib chiqish hamda ishlab chiqish. | 2010-yil III chorak | Oʻzbekiston matbuot va axborot agentligi, “Sharq” nashriyot-matbaa aksiyadorlik kompaniyasi, “Oʻzstandart” agentligi | Tarmoq standartlari va normativ hujjatlarni ishlab chiqish. | Noshirlik va matbaa ishlab chiqarishi jarayonida chiqindilarni qisqartirish, tejash rejimini mustahkamlash, xalq isteʼmol tovarlari ishlab chiqarish hajmini koʻpaytirish. |
| 3.3. | Oʻzbekiston matbuot va axborot agentligi tizimiga kiradigan korxonalarda va “Sharq” nashriyot-matbaa aksiyadorlik kompaniyasida, shuningdek gazetalar, jurnallar tahririyatlarida, respublika matbaa korxonalarida qogʻozning gazeta va ofset turlarini tejashning holatini tanqidiy oʻrganish va chora-tadbirlar ishlab chiqish. | 2010-yil iyul — sentabr | Respublika komissiyasining 3-guruhi, Oʻzbekiston matbuot va axborot agentligi, “Sharq” nashriyot-matbaa aksiyadorlik kompaniyasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari | Qogʻozning gazeta va ofset turlarini tejashning holati va chora-tadbirlar toʻgʻrisida tahliliy maʼlumotnoma. | Mulkchilik shakllaridan qatʼi nazar respublika korxonalari va muassasalarida qogʻozning gazeta va ofset turlarini tejash rejimini mustahkamlash. |
| 3.4. | Mulkchilik shakllaridan qatʼi nazar nashriyotlarning mavzu rejalarini koʻrib chiqish va tahlil qilish, ijtimoiy kam ahamiyatli, takrorlanadigan yoki mavzusi bir xil boʻlgan adabiyotlar nashr etishni bartaraf qilish boʻyicha Muvofiqlashtiruvchi kengash tashkil etish. | 2010-yil avgust | Respublika komissiyasi, Oʻzbekiston matbuot va axborot agentligi, “Sharq” nashriyot-matbaa aksiyadorlik kompaniyasi | Vazirlar Mahkamasining Muvofiqlashtiruvchi kengashi tarkibini va Kengash toʻgʻrisidagi Nizomni tasdiqlash boʻyicha qarori. | Bosib chiqarilayotgan bosma nashrlar sifatini oshirish, bozorning ehtiyojini hisobga olgan holda hajmlar va tirajlarni belgilash, qogʻozning gazeta va ofset turlarini tejab sarflash. |
| 3.5. | Nashriyotlar va matbaa korxonalari omborlaridagi tayyor mahsulotlar qoldigʻini oʻrganish va qoldiqlarni qisqartirishga doir chora-tadbirlarni ishlab chiqish, bosma mahsulotlarni tarqatish tarmoqlarida tizimli monitoringni tashkil etish. | 2010-yil iyul — sentabr | Respublika komissiyasining 3-guruhi, Oʻzbekiston matbuot va axborot agentligi, “Sharq” nashriyot-matbaa aksiyadorlik kompaniyasi, nashriyotlar, matbaa korxonalari | Tayyor bosma mahsulotlar qoldigʻi va ularni qisqartirish choralari toʻgʻrisida tahliliy maʼlumotnoma. Respublika komissiyasining qarori. | Nashriyotlar va matbaa korxonalari omborlaridagi tayyor bosma mahsulotlar qoldigʻini qisqartirish. |
| 3.6. | Sotish uchun shartnomalar mavjudligini, bosma nashrlarning savdodan qaytgan qoldiqlari hajmini, moddiy va moliyaviy xarajatlarni tahlil qilishni nazarda tutgan holda respublikaning viloyat markazlari, shaharlari va tumanlarida joylashgan kitob savdosi tashkilotlari faoliyati samaradorligini oʻrganish. | 2010-yil 1-sentabrga qadar | Respublika komissiyasining 2-guruhi, Oʻzbekiston matbuot va axborot agentligi, “Oʻzbekiston pochtasi” OAJ, “Matbuot tarqatuvchi” AJ, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari | Aniq takliflar bilan birgalikda tahliliy maʼlumotnoma tayyorlash. Respublika komissiyasining qarori. |
Bosma ommaviy axborot vositalari va kitob savdosi tashkilotlarining moddiy va moliyaviy xarajatlarini, faoliyati samaradorligini baholash. |
| 3.7. | Taʼlim muassasalari uchun darsliklar va oʻquv qoʻllanmalarini yangilash va nashr etish davriyligi yuzasidan takliflar tayyorlash. | jadval boʻyicha, har yili |
Davlat komissiyasi, Xalq taʼlimi vazirligi, Oliy va oʻrta maxsus taʼlim vazirligi,Oʻrta maxsus, kasb-hunar taʼlimi markazi | Darsliklar va qoʻllanmalar tayyorlash va nashr etish boʻyicha Davlat komissiyasining qarori. | Darsliklar va oʻquv qoʻllanmalarini yangilash va nashr etish davriyligini maqbullashtirish, ulardan foydalanish muddatlarini uzaytirish. |
| 3.8. | Ommaviy axborot vositalari nashrlarini tarqatishni tartibga solish toʻgʻrisida takliflar ishlab chiqish. | 2010-yil oktabr | Respublika komissiyasining 3-guruhi, Oʻzbekiston matbuot va axborot agentligi, “Oʻzbekiston pochtasi” OAJ, “Matbuot tarqatuvchi” AK, Adliya vazirligi | Normativ-huquqiy hujjat loyihasini tayyorlash. | Davriy n��rlarni nashr etish va tarqatishning noqonuniy shakllarini bartaraf etish. |
| 3.9. | Nashriyot-matbaa faoliyati korxonalarining texnik jihatdan jihozlanganligini oʻrganish hamda ularni yanada modernizatsiya qilish va bosma mahsulotlar ishlab chiqarishda resurslarni tejaydigan texnologiyalarni joriy etish boʻyicha takliflar tayyorlash. | 2010-yil III chorak | Respublika komissiyasining 3-guruhi, Oʻzbekiston matbuot va axborot agentligi, “Sharq” nashriyot-matbaa aksiyadorlik kompaniyasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Iqtisodiyot vazirligi | Tahliliy maʼlumotnoma va Nashriyot-matbaa faoliyati korxonalarini yanada modernizatsiya qilish dasturini tayyorlash. | Nashriyot-matbaa korxonalarining texnik jihatdan jihozlanganligini baholash va ularni bosqichma-bosqich modernizatsiya qilish. |
| IV boʻlim. Qogʻoz mahsulotlari ishlab chiqaradigan mahalliy korxonalarni modernizatsiya qilish va texnologik jihatdan yangilash. | |||||
| 4.1. | Mulkchilik shakllaridan qatʼi nazar respublikada ishlab turgan qogʻoz mahsulotlari ishlab chiqaruvchi korxonalar faoliyatini oʻrganish, bunda ularning moddiy-texnika bazasini, quvvatlardan foydalanishini, chiqarilayotgan mahsulotlar hajmi va nomenklaturasini, shuningdek moliyaviy-iqtisodiy ahvolini har tomonlama tahlil qilish. | 2010-yil 1-sentabrgacha | Respublika komissiyasining 4-guruhi, Iqtisodiyot vazirligi, Davlat statistika qoʻmitasi, Davlat mulki qoʻmitasi, Monopoliyadan chiqarish va raqobatni rivojlantirish davlat qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari | Tahliliy maʼlumotnoma hamda qogʻoz mahsulotlari ishlab chiqaruvchi korxonalar pasportlari | Qogʻoz mahsulotlari ishlab chiqaruvchi korxonalarning joriy holatini va ularni rivojlantirish istiqbollarini baholash. |
| 4.2. | Qogʻoz mahsulotlari ishlab chiqarish hajmini yanada koʻpaytirish va nomenklaturasini kengaytirish maqsadida korxonalarni modernizatsiya qilishni, texnik va texnologik jihatdan jihozlashni taʼminlash uchun Korxonalarni davlat tomonidan qoʻllab-quvvatlash chora-tadbirlari dasturini tayyorlash. | 2010-yil 15-sentabr | Respublika komissiyasining 4-guruhi, Iqtisodiyot vazirligi, Moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari | Oʻzbekiston Respublikasi Prezidentining Mamlakatimizda qogʻoz mahsulotlari ishlab chiqarishni yanada rivojlantirish chora-tadbirlari dasturini tasdiqlash boʻyicha qarori. | Korxonalarni yanada rivojlantirish, mamlakatimizda qogʻoz mahsulotlari ishlab chiqarish hajmini koʻpaytirish va nomenklaturasini kengaytirish. |
| 4.3. | Ishlab chiqarish quvvatlarini modernizatsiya qilish va texnologik jihatdan qayta jihozlash hisobiga “Toshkent qogʻozi” MCHJ, “Sanoatqalinqogʻozsavdo” OAJ va “Oʻzruberoid” MCHJni ish hajmi bilan taʼminlash tadbirlari rejasini ishlab chiqish. | 2010-yil 15-sentabr | Iqtisodiyot vazirligi, “Oʻzmilliybank”, Toshkent shahri va Toshkent va Namangan viloyati hokimliklari | Tadbirlar rejasi | Korxonalarni modernizatsiya qilish va ularning ishlab chiqarish quvvatlaridan foydalanish darajasini oshirish, chiqarilayotgan mahsulotlar hajmini koʻpaytirish va nomenklaturasini kengaytirish, korxonalarning moliyaviy-iqtisodiy ahvolini mustahkamlash. |
| 4.4. | Quyidagilar boʻyicha takliflarni ishlab chiqish va Vazirlar Mahkamasiga kiritish: respublikaning yozuv qogʻoziga boʻlgan ehtiyojini qondirish uchun “Namangan qogʻozi” MCHJda oʻramda yozuv qogʻozi ishlab chiqarishni toʻliq yoʻlga qoʻyish, keyinchalik uni qirqish va oʻrashni tashkil etish; “Toshkent qogʻozi” MCHJda qogʻoz mahsulotlari ishlab chiqarishni tiklash |
2010-yil 15-sentabr | “Oʻzmilliybank”, Tashqi iqtisodiy aloqalar, investitsiyalar va savdo vazirligi, Iqtisodiyot vazirligi, Namangan, Toshkent viloyatlari va Toshkent shahri hokimliklari | Qogʻoz mahsulotlari ishlab chiqarishni tiklash va kengaytirish boʻyicha takliflar. | Korxonalarning mavjud ishlab chiqarish quvvatlarini ishga tushirish, qogʻoz ishlab chiqarishni tiklash. |
| 4.5. | Qogʻoz mahsulotlari ishlab chiqaruvchi korxonalarni modernizatsiya qilish va texnik jihatdan qayta jihozlash uchun tijorat banklari tomonidan imtiyozli kreditlar ajratilishi boʻyicha takliflar ishlab chiqish va kiritish. | 2010-yil 15-sentabr | Markaziy bank, tijorat banklari | Banklar kredit qoʻmitalari qarorlari. | Qogʻoz ishlab chiqarish tarmogʻi korxonalarining moliyaviy ahvolini mustahkamlash. |
| 4.6. | Import qilinadigan qogʻoz xomashyosi va qogʻoz mahsulotlari uchun boj toʻlovlari stavkalarini maqbullashtirish, shuningdek linter va yogʻoch sellyulozasidan qogʻoz ishlab chiqaruvchi korxonalarga soliq va bojxona imtiyozlari va preferensiyalar berish yuzasidan takliflar tayyorlash. | 2010-yil 15-sentabr | Iqtisodiyot vazirligi, Moliya vazirligi, Davlat bojxona qoʻmitasi, Davlat soliq qoʻmitasi | Oʻzbekiston Respublikasi Prezidentining qarori. | Boj toʻlovlari stavkalarini maqbullashtirish va mamlakatimizning qogʻoz mahsulotlari ishlab chiqaruvchi korxonalarini qoʻllab-quvvatlash. |
| 4.7. | Qogʻoz-karton, shu jumladan paxta tolasi va xomashyoning noanʼanaviy turlari (sunʼiy tola materiallari, somon, yarimlatta massasi va boshqalar)dan qogʻoz-karton mahsulotlari ishlab chiqarishni tashkil etish imkoniyatlarini oʻrganib chiqish va Vazirlar Mahkamasiga takliflar kiritish. | 2010-yil 15-sentabr | Respublika komissiyasining 4-guruhi, Iqtisodiyot vazirligi, Qishloq va suv xoʻjaligi vazirligi, Fanlar akademiyasi | Innovatsiya hamda ilmiy-tadqiqot va tajriba-konstruktorlik ishlari loyihalarini ishlab chiqish | Qogʻoz mahsulotlari ishlab chiqarishni tashkil etish uchun xomashyo bazasini kengaytirish. |
| 4.8. | Kelgusida qogʻoz mahsuloti ishlab chiqarish xomashyosi bazasini rivojlantirishni nazarda tutgan holda Vazirlar Mahkamasining “Ikkilamchi qogʻoz chiqindilarini toʻplash, tayyorlash va qayta ishlash uchun yetkazib berish tizimini tartibga solish chora-tadbirlari toʻgʻrisida” 2009-yil 16-martdagi 70-son qarori talablari bajarilishini tanqidiy tahlil qilish va unga qoʻshimchalar kiritish. | Alohida jadval boʻyicha |
Qogʻoz chiqindilarini toʻplash, tayyorlash va qayta ishlash uchun yetkazib berish masalalari boʻyicha Respublika komissiyasi, vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari | Ikkilamchi qogʻoz chiqindilarini toʻplash, tayyorlash va qayta ishlash uchun yetkazib berish tizimini takomillashtirish yuzasidan aniq takliflar bilan tahliliy maʼlumotnoma tayyorlash. | Ikkilamchi qogʻoz chiqindilarini toʻplash, tayyorlash va qayta ishlash uchun yetkazib berish tizimini takomillashtirish. |
| 4.9. | Ishlatilgan qogʻoz chiqindilarini makulaturaga topshirish boʻyicha aniqlashtirilgan prognoz topshiriqlarni tanqidiy qayta koʻrib chiqish va tasdiqlash. | tasdiqlangan | Qogʻoz chiqindilarini toʻplash, tayyorlash va qayta ishlash uchun yetkazib berish masalalari boʻyicha Respublika komissiyasi, vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari | Ishlatilgan qogʻoz chiqindilarini makulaturaga topshirish boʻyicha aniqlashtirilgan prognoz topshiriqlarni tasdiqlash. | Qogʻoz mahsulotlari ishlab chiqarish uchun resurs bazasini koʻpaytirish. |
| 4.10. | Qogʻoz chiqindilarini toʻplashdan boshlab, uni qayta ishlash va ikkilamchi xomashyodan tayyor mahsulot ishlab chiqarishgacha boʻlgan texnologik jarayonning amaldagi mexanizmi samaradorligini tahlil qilish va uni takomillashtirish yuzasidan takliflar kiritish. | 2010-yil 15-sentabr | Qogʻoz chiqindilarini toʻplash, tayyorlash va qayta ishlash uchun yetkazib berish masalalari boʻyicha Respublika komissiyasi, Iqtisodiyot vazirligi, Oʻzbekiston aloqa va axborotlashtirish agentligi | Qogʻoz chiqindilarini toʻplash va tayyorlash boʻyicha amaldagi Nizomga oʻzgartirish va qoʻshimchalar kiritish. Takliflarni Oʻzbekiston Respublikasi Prezidenti qaroriga kiritish — 4.2-band. | Qogʻoz chiqindilarini toʻplash, tayyorlash va qayta ishlash mexanizmini takomillash-tirish, ikkilamchi xomashyodan qogʻoz mahsulotlari ishlab chiqarish hajmini koʻpaytirish. |
(Oʻzbekiston Respublikasi qonun hujjatlari toʻplami, 2010-y., 30-son, 252-modda; 2012-y., 36-son, 412-modda; Qonun hujjatlari maʼlumotlari milliy bazasi, 23.02.2019-y., 09/19/161/2600-son)
