Iqtisodiyotning qishloq xoʻjaligi sektorida oʻtkazilayotgan iqtisodiy islohotlarni ijtimoiy qoʻllab-quvvatlash, qishloq aholisining turmush sharoitlarini yanada yaxshilash, qishloqda rivojlangan infratuzilmani yaratish uchun mahalliy boshqaruv organlarining roli va masʼuliyatini oshirish maqsadida Vazirlar Mahkamasi qaror qiladi:

1. Oʻzbekiston Respublikasi Makroiqtisodiyot va statistika vazirligi, Qishloq va suv xoʻjaligi vazirligi, Kommunal xizmat koʻrsatish vazirligi, Moliya vazirligi, “Oʻzbekneftgaz” milliy korporatsiyasi, Qoraqalpogʻiston Respublikasi Vazirlar Kengashi va viloyatlar hokimliklari tomonidan ishlab chiqilgan 1998 — 2000-yillar davrida qishloq aholisini ichimlik suv va tabiiy gaz bilan taʼminlash dasturi 1 — 6-ilovalarga* muvofiq tasdiqlansin.

2. Qoraqalpogʻiston Respublikasi Vazirlar Kengashi, viloyatlar hokimliklari:

qishloqning ichimlik suv taʼminotini va gazlashtirishni rivojlantirishning tasdiqlangan koʻrsatkichlari asosida tumanlar boʻyicha alohida ana shunday dasturlarni bir oy muddatda tayyorlasinlar va tasdiqlasinlar hamda ularni kelishish uchun Respublika komissiyasiga taqdim etsinlar;

aniq dasturlarda import konteyner asbob-uskunalardan foydalangan holda qurilgan suv olish inshootlariga taqsimlovchi tarmoqlar qurilishini 1998-yilda tugallashni nazarda tutsinlar;

gazlashtirish va suv taʼminoti obyektlari uchun yer maydoni oʻz vaqtida ajratilishini hamda 1999-2000-yillarda ishlar dasturi uchun moʻljallangan loyiha-smeta hujjatlari muddatidan oldin tayyorlanishini taʼminlasinlar;

hovli-joylar mavjud gaz va suv quvuri tarmoqlariga ulanishini hamda obyektlar va inshootlar quvvatlaridan toʻliq foydalanishni taʼminlasinlar;

Qishloq va suv xoʻjaligi vazirligi va uning joylardagi organlari bilan birgalikda qishloq va suv xoʻjaligi tashkilotlari va korxonalari tomonidan suv quvuri va gaz tarmoqlari ishga tushirilishi boʻyicha belgilangan topshiriqlar bajarilishi ustidan muntazam nazorat oʻrnatilishini tashkil etsinlar.

3. Qurilishni mablagʻ bilan taʼminlashning quyidagi tartibi belgilansin:

mintaqaviy, viloyatlararo, tumanlararo suv quvuri va gaz keltiruvchi, taqsimlovchi gaz quvurlari — asosan respublika va mahalliy budjet mablagʻlari, markazlashtirilgan kreditlar hisobiga;

gaz taqsimlash quvurlari, gaz taqsimlash stansiyalarini kengaytirish va rekonstruksiya qilish — respublika va mahalliy budjetlar hamda “Oʻzbekneftgaz” milliy korporatsiyasining teng ulushlardagi mablagʻlari hisobiga;

ayirish tarmoqlari — xoʻjaliklar va korxonalarning mablagʻlari hamda banklarning ular tomonidan jalb etiladigan kreditlari, shuningdek aholi mablagʻlari hisobiga amalga oshiriladi.

6. Oʻzbekiston Respublikasi Makroiqtisodiyot va statistika vazirligi, Moliya vazirligi 1999-2000-yillar investitsiya dasturini shakllantirishda unga koʻrsatib oʻtilgan Dasturda nazarda tutilgan obyektlar kiritilishini eʼtiborda tutsin.

7. Tasdiqlangan Dasturni amalga oshirish uchun saʼy-harakatlarni muvofiqlashtirish va nazorat qilish, qishloqni qayta oʻzgartirishda barcha darajalardagi ijro etuvchi organlarga amaliy yordam koʻrsatish uchun 7-ilovaga* muvofiq tarkibda Respublika komissiyasi tuzilsin.

Respublika komissiyasi:

Komissiya toʻgʻrisidagi Nizomni hamda uning ish rejasini bir oy muddatda ishlab chiqsin va tasdiqlasin;

1998 — 2000-yillar davrida qishloq aholisini ichimlik suv va tabiiy gaz bilan taʼminlash dasturining bajarilishini har chorakda koʻrib chiqsin hamda belgilangan topshiriqlar toʻliq bajarilishi yuzasidan zarur chora-tadbirlar koʻrsin.

8. Oʻzbekiston Respublikasi Makroiqtisodiyot va statistika vazirligi, Kommunal xizmat koʻrsatish vazirligi, Qishloq va suv xoʻjaligi vazirligi:

boshqa manfaatdor vazirliklar va idoralar ishtirokida 1999-yil 1-iyulgacha suv taʼminotini rivojlantirish sxemasini aniqlashtirish hamda 1999-yil 1-dekabrgacha respublika hududlarining oʻziga xos xususiyatlarini va suv taʼminotining mahalliy manbalaridan toʻliqroq foydalanishni hisobga olgan holda yangi normativ va texnologik asosda 2010-yilgacha boʻlgan davrda gazlashtirishni rivojlantirish sxemasini ishlab chiqish ishlarini tashkil etsinlar. 1998-yilda ushbu ishlarni mablagʻ bilan taʼminlash Kommunal xizmat koʻrsatish vazirligiga joriy yilda ajratilgan markazlashtirilgan sarmoya mablagʻlari limitlari hisobiga amalga oshirilsin;

Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda ishlab turgan va qurilayotgan mintaqaviy hamda yirik tumanlararo suv quvurlarini Kommunal xizmat koʻrsatish vazirligi balansiga berish toʻgʻrisida taklif tayyorlasinlar va bir oy muddatda kiritsinlar.

9. Oʻzbekiston Respublikasi Kommunal xizmat koʻrsatish vazirligi va Qishloq va suv xoʻjaligi vazirligi Qoraqalpogʻiston Respublikasi va viloyatlarda ichimlik suv taʼminoti obyektlaridan foydalanishning yagona xizmatini tashkil etish toʻgʻrisida 3 oy muddatda taklif tayyorlasin va Vazirlar Mahkamasiga kiritsin.

10. Oʻzbekiston Respublikasi Davlat arxitektura va qurilish qoʻmitasi suv taʼminoti va gazlashtirish obyektlarini loyihalashtirish va ularning loyihalashtirilishi va qurilishi sifati ustidan nazorat qilish uchun loyiha tashkilotlariga va boshqa tashkilotlarga litsenziyalar berishga qoʻyiladigan talablarni kuchaytirsin.

11. Oʻzbekiston Respublikasi Davlat geologiya va mineral resurslar qoʻmitasi Qoraqalpogʻiston Respublikasi Vazirlar Kengashi va viloyatlar hokimliklarining buyurtmalari boʻyicha yerosti chuchuk suvlari batafsil tadqiq etilishini taʼminlasin.

12. “Oʻzkimyosanoat” uyushmasi va “Oʻzqurilishmateriallari” kompaniyasi Makroiqtisodiyot va statistika vazirligi, Kommunal xizmat koʻrsatish vazirligi bilan birgalikda respublika gipo-xlorid kalsiy, qattiq sulfat kislota alyuminiyi, plastmassa va poʻlat suv-gaz quvurlari, shuningdek konteynyerlar va ballonlarda suyuq xlor ishlab chiqarishni tashkil etish toʻgʻrisida takliflar tayyorlasinlar va ikki oy muddatda Vazirlar Mahkamasiga kiritsinlar.

13. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari I.H. Joʻrabekov zimmasiga yuklansin.