Hujjat kuchini yo‘qotgan " " 22.02.2021
Oʻzbekiston Respublikasi Vazirlar Mahkamasining
qarori
1999 – 2001 YILLARDA VA 2005 YILGAChA BOʻLGAN DAVRDA OʻZBEKISTON RESPUBLIKASIDA BALIQ VA BALIQ MAHSULOTLARI IShLAB ChIQARIShNI KOʻPAYTIRISh ChORA-TADBIRLARI TOʻGʻRISIDA
 LexUZ sharhi
Mazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Iqtisodiy islohotlarni chuqurlashtirish dasturi amalga oshirilishini taʼminlash, baliq va baliq mahsulotlarini sanoat asosida ishlab chiqarish hajmlarini koʻpaytirish va aholining ularga boʻlgan ehtiyojlarini qondirish maqsadida Vazirlar Mahkamasi qaror qiladi:
1. “Oʻzbaliq” aksiyadorlik kompaniyasining respublika manfaatdor idoralari bilan kelishilgan 1999 — 2001-yillarda va 2005-yilgacha boʻlgan davrda:
hovuz xoʻjaliklarida baliq va baliq mahsulotlari ishlab chiqarish, ularni tabiiy suv havzalaridan ovlash, fermer xoʻjaliklarida yetishtirish, shuningdek baliq konservalari ishlab chiqarish hajmlari boʻyicha takliflari 1 — 3-ilovalarga* muvofiq;
* 1—3 ilovalar rus tilidagi matnda berilgan
“Oʻzbaliq” aksiyadorlik kompaniyasining eksport quvvatini rivojlantirish boʻyicha takliflari 4-ilovaga* muvofiq maʼqullansin.
* 4-ilova rus tilidagi matnda berilgan
(1-band Oʻzbekiston Respublikasi Vazirlar Mahkamasining 2001-yil 6-iyuldagi 289-sonli qarori tahririda — OʻR QHT, 2001-y., 13-son, 86-modda)
2. Oʻzbekiston Respublikasi Tashqi iqtisodiy faoliyat milliy bankiga va “Oʻzbaliq” aksiyadorlik kompaniyasi korxonalariga xizmat koʻrsatuvchi tegishli tijorat banklariga 5-ilovaga* muvofiq tarmoq korxonalarini texnika bilan qayta jihozlash uchun va import oʻrnini qoplash dasturi boʻyicha 6-ilovaga* muvofiq baliq-konserva korxonalari qurilishi uchun 1999 — 2001-yillarda belgilangan tartibda uzoq muddatli kreditlar berish tavsiya etilsin.
* 5-6-ilovalar rus tilidagi matnda berilgan.
(2-band Oʻzbekiston Respublikasi Vazirlar Mahkamasining 2001-yil 6-iyuldagi 289-sonli qarori tahririda — OʻR QHT, 2001-y., 13-son, 86-modda)
Oldingi tahrirga qarang.
3. Moʻynoq va boshqa kichik baliq-konserva korxonalari quvvatlarini ish bilan taʼminlash uchun oʻz xomashyo bazasini yaratish maqsadida Oʻzbekiston Respublikasi Fanlar akademiyasi va Davlat tabiatni muhofaza qilish qoʻmitasiga “Oʻzbaliq” aksiyadorlik kompaniyasi bilan birgalikda Aydar-Arnasoy koʻllar tizimida kaspiy mayda baligʻini iqlimlashtirishning maqsadga muvofiqligi toʻgʻrisida 1999-yil 1-avgustgacha xulosa tayyorlash topshirilsin.
(3-band Oʻzbekiston Respublikasi Vazirlar Mahkamasining 2001-yil 6-iyuldagi 289-sonli qarori tahririda — OʻR QHT, 2001-y., 13-son, 86-modda)
Oldingi tahrirga qarang.
4. “Oʻzbaliq” aksiyadorlik kompaniyasi tarkibida tarmoqni Tiklash va rivojlantirish jamgʻarmasi tashkil etilsin, unga:
(4-bandning birinchi xatboshi Oʻzbekiston Respublikasi Vazirlar Mahkamasining 2001-yil 6-iyuldagi 289-sonli qarori tahririda — OʻR QHT, 2001-y., 13-son, 86-modda)
baliqchilik xoʻjaliklarini qayta tiklash va texnika bilan qayta jihozlash, zamonaviy, eksportga moʻljallangan ishlab chiqarishlarni yaratish;
baliqlarning yangi turlarini iqlimlashtirish, havzalarga mayda baliqlarni qoʻyib yuborish va tabiiy suv havzalari mahsuldorligini oshirishga yoʻnaltirilgan baliqchilik-melioratsiya ishlarini amalga oshirish;
baliq yetishtirishni koʻpaytirishni taʼminlovchi infratuzilmani yaratish tadbirlarini mablagʻ bilan taʼminlash vazifasi yuklansin.
Quyidagilar Tiklash va rivojlantirish jamgʻarmasi mablagʻlarini shakllantirish manbalari hisoblanadi:
Oldingi tahrirga qarang.
“Oʻzbaliq” aksiyadorlik kompaniyasi tarkibiga kiruvchi aksiyadorlik jamiyatlaridagi davlat aksiyalari paketlari boʻyicha olingan dividendlarning 25 foizi;
(4-bandning oltinchi xatboshi Oʻzbekiston Respublikasi Vazirlar Mahkamasining 2001-yil 6-iyuldagi 289-sonli qarori tahririda — OʻR QHT, 2001-y., 13-son, 86-modda)
Oʻzbekiston Respublikasi qonun hujjatlariga zid boʻlmagan boshqa manbalar.
Oldingi tahrirga qarang.
5. “Oʻzbaliq” aksiyadorlik kompaniyasi Oʻzbekiston Respublikasi Davlat mulki qoʻmitasi, Moliya vazirligi bilan birgalikda Tiklash va rivojlantirish jamgʻarmasi toʻgʻrisidagi nizomni 20 kun muddatda ishlab chiqsin va belgilangan tartibda Adliya vazirligida roʻyxatdan oʻtkazsin.
(5-bandning birinchi xatboshi Oʻzbekiston Respublikasi Vazirlar Mahkamasining 2001-yil 6-iyuldagi 289-sonli qarori tahririda — OʻR QHT, 2001-y., 13-son, 86-modda)
Oʻzbekiston Respublikasi Moliya vazirligi Jamgʻarma mablagʻlarining maqsadli foydalanilishini qattiq nazorat qilsin.
6. Qoraqalpogʻiston Respublikasi Vazirlar Kengashi va viloyatlar hokimliklari baliqchilik xoʻjaliklariga ajratilgan yerlarning boshqa maqsadlarda foydalanilishiga, ularning paxta va boshqa qishloq xoʻjaligi ekinlari ekish uchun ajratilishiga yoʻl qoʻymasinlar.
7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.M.Olimjonov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1999-yil 14-iyul,
344-son