PDF-faylidagi rasmiy manba
OʻZBEKISTON RESPUBLIKASI MOLIYA VAZIRINING
buyrugʻi
AKTUAR XIZMATLARINI KOʻRSATISH TARTIBI TOʻGʻRISIDAGI NIZOMNI TASDIQLASH HAQIDA
[Oʻzbekiston Respublikasi Adliya vazirligi tomonidan 2009-yil 26-iyunda roʻyxatdan oʻtkazildi, roʻyxat raqami 1975]
Oldingi tahrirga qarang.
“Sugʻurta faoliyati toʻgʻrisida”gi Oʻzbekiston Respublikasi Qonunining ijrosini taʼminlash maqsadida buyuraman:
(muqaddima Oʻzbekiston Respublikasi iqtisodiyot va moliya vazirining 2023-yil 14-iyuldagi 59-sonli buyrugʻi (roʻyxat raqami 1975-4, 24.07.2023-y.) tahririda — Qonunchilik maʼlumotlari milliy bazasi, 24.07.2023-y., 10/23/1975-4/0517-son)
1. Aktuar xizmatlarini koʻrsatish tartibi toʻgʻrisidagi nizom ilovaga muvofiq tasdiqlansin.
2. Mazkur buyruq Oʻzbekiston Respublikasi Adliya vazirligida davlat roʻyxatidan oʻtgan kundan boshlab oʻn kundan keyin kuchga kiradi.
Moliya vaziri R. AZIMOV
Toshkent sh.,
2009-yil 7-aprel,
42-son
Moliya vazirining 2009-yil 7-apreldagi 42-sonli buyrugʻi bilan
TASDIQLANGAN
Aktuar xizmatlarini koʻrsatish tartibi toʻgʻrisida
NIZOM
Oldingi tahrirga qarang.
Mazkur Nizom aktuar xizmatlarini koʻrsatish tartibini belgilaydi.
(muqaddima Oʻzbekiston Respublikasi iqtisodiyot va moliya vazirining 2023-yil 14-iyuldagi 59-sonli buyrugʻi (roʻyxat raqami 1975-4, 24.07.2023-y.) tahririda — Qonunchilik maʼlumotlari milliy bazasi, 24.07.2023-y., 10/23/1975-4/0517-son)
I. Umumiy qoidalar
1. Aktuar xizmatlari mustaqillik, xolislik, professional malakalilik va maxfiylik prinsiplari asosida amalga oshiriladi.
2. Mazkur Nizom maqsadlarida qoʻllaniladigan asosiy tushunchalar:
Oldingi tahrirga qarang.
aktuariy — aktuariy malaka sertifikatini olgan va aktuar tashkilot shtatida turgan yoki aktuar tashkilot bilan fuqarolik-huquqiy shartnoma tuzgan jismoniy shaxs;
(2-bandning ikkinchi xatboshisi Oʻzbekiston Respublikasi iqtisodiyot va moliya vazirining 2023-yil 14-iyuldagi 59-sonli buyrugʻi (roʻyxat raqami 1975-4, 24.07.2023-y.) tahririda — Qonunchilik maʼlumotlari milliy bazasi, 24.07.2023-y., 10/23/1975-4/0517-son)
aktuar tashkilot — aktuar xizmatlarini koʻrsatuvchi va oʻz shtatida kamida bitta aktuariyga ega boʻlgan yuridik shaxs;
aktuar tekshiruvi — amalga oshirilayotgan sugʻurta va investitsiya operatsiyalarining xavflilik darajasini aniqlash, shuningdek sugʻurtalovchining moliyaviy holatini baholash maqsadida sugʻurtalovchining sugʻurta va moliyaviy faoliyati koʻrsatkichlarining tahlilini oʻz ichiga oluvchi aktuar xizmatlari majmuasi;
aktuar kuzatuvi — sugʻurta voqeasi yuz berishining matematik jihatdan ehtimolligi hisob-kitobini amalga oshirish, takroriylik va zarar yetkazilish oqibatlarining ogʻirlik darajasini aniqlash, sugʻurta zaxiralarini hisob-kitob qilish, sugʻurta jarayonini tashkil etish uchun zarur xarajatlar hajmini aniqlash, sugʻurta xizmatlari tannarxini hisob-kitob qilish, sugʻurtaning (qayta sugʻurta qilishning) har bir turi boʻyicha tarif stavkalarini belgilash, investitsiya faoliyati natijalarini baholash, daromadlarni sugʻurtaning (qayta sugʻurta qilishning) har xil turlari boʻyicha rejalashtirish va boshqa aktuar xizmatlarini koʻrsatishni oʻzi ichiga oluvchi aktuar xizmatlari majmuasi.
Oldingi tahrirga qarang.
buyurtmachi — sugʻurtalovchi yoki aktuar xizmatlarining boshqa buyurtmachisi.
(2-band Oʻzbekiston Respublikasi moliya vazirining 2012-yil 11-maydagi 42-sonli buyrugʻiga (roʻyxat raqami 1975-1, 08.06.2012-y.) asosan xatboshi bilan toʻldirilgan — OʻR QHT, 2012-y., 23-24-son, 270-modda)
3. Sugʻurtalovchilar yiliga bir marta — har bir moliya yili tugaganidan keyin olti oy davomida moliya yilidagi faoliyat yakunlari boʻyicha aktuar tashkilotni aktuar tekshiruvini amalga oshirish uchun jalb etishlari shart.
Aktuar tekshiruvini amalga oshirish natijalari boʻyicha aktuar tashkilot tomonidan aktuar hisoboti tuziladi va quyidagi savollar boʻyicha aktuar xulosasi chiqariladi:
amalga oshirilayotgan sugʻurta operatsiyalarining xavflilik darajasi;
amalga oshirilayotgan investitsiya operatsiyalarining xavflilik darajasi;
sugʻurtalovchining moliyaviy holati.
4. Aktuar tekshiruvi oʻtkazilayotganda aktuar xizmatlarini mustaqillik va xolislik prinsiplari asosida koʻrsatilishini taʼminlash uchun quyidagi shartlarga rioya etilishi lozim:
aktuar xizmatlarini koʻrsatish uchun aktuar tashkilotni jalb etayotgan sugʻurtalovchi ushbu aktuar tashkilotning mulkdori, muassisi (aksiyadori) boʻlmasligi lozim;
sugʻurtalovchiga aktuar xizmatlarini bevosita koʻrsatuvchi aktuariy ushbu sugʻurtalovchining xodimi boʻlmasligi yoki ushbu sugʻurtalovchining mulkdori, muassisi (aksiyadori), rahbari bilan yaqin qarindosh (ota-ona, er-xotin, aka-ukalar, opa-singillar va bolalar, shuningdek erning-xotinning ota-onasi, aka-ukalari va opa-singillari) boʻlmasligi lozim.
5. Aktuar tekshiruvi mazkur Nizomning 4-bandida nazarda tutilgan shartlar buzilgan holda oʻtkazilganda, aktuar tekshiruvini amalga oshirish natijalari boʻyicha tuzilgan (chiqarilgan) aktuar hisoboti (aktuar xulosasi) haqiqiy emas deb hisoblanadi.
6. Aktuar tekshiruvini amalga oshirish shartnomasining tarafi tomonidan mazkur Nizomning 4-bandida koʻrsatilgan holatlar boshqa tarafdan yashirilganda ushbu holatlarni yashirgan taraf boshqa tarafning shartnomani tuzish va ijro etish bilan bogʻliq barcha xarajatlarini qoplab beradi.
7. Aktuar tashkilot aynan bir sugʻurtalovchida ketma-ket uch yildan ortiq aktuar tekshiruvini amalga oshirishga haqli emas.
Oldingi tahrirga qarang.
8. Aktuar kuzatuvi buyurtmachining xohish-istagiga koʻra amalga oshiriladi.
Aktuar kuzatuvi oʻtkazilayotganda koʻrsatiladigan aktuar xizmatlarining turlari va hajmlari buyurtmachi tomonidan belgilanadi.
Aktuar kuzatuvini oʻtkazish natijalari boʻyicha aktuar tashkilot tomonidan aktuar hisoboti tuziladi va aktuar xizmatlarini koʻrsatish shartnomasida nazarda tutilgan savollar boʻyicha aktuar xulosasi chiqariladi.
(8-bandning birinchi va ikkinchi xatboshilari Oʻzbekiston Respublikasi moliya vazirining 2012-yil 11-maydagi 42-sonli buyrugʻi (roʻyxat raqami 1975-1, 08.06.2012-y.) tahririda— OʻR QHT, 2012-y., 23-24-son, 270-modda)
9. Aktuar tashkilotning faoliyatiga aralashishga yoʻl qoʻyilmaydi.
Oldingi tahrirga qarang.
Aktuar xizmatlarining mustaqillik va xolislik prinsiplari asosida koʻrsatilishiga toʻsqinlik qilish maqsadida aktuariy, aktuar tashkilot va uning xodimlariga har qanday shakldagi taʼsir oʻtkazish qonunchilik hujjatlarida nazarda tutilgan javobgarlikka olib keladi.
(9-bandning ikkinchi xatboshisi Oʻzbekiston Respublikasi adliya vazirining 2021-yil 30-noyabrdagi 20-mh-sonli buyrugʻi (roʻyxat raqami 3338, 30.11.2021-y.) tahririda — Qonunchilik maʼlumotlari milliy bazasi, 30.11.2021-y., 10/21/3338/1117-son)
II. Aktuar xizmatlarini koʻrsatish tartibi va shartlari
Oldingi tahrirga qarang.
10. Aktuar xizmatlari buyurtmachi va aktuar tashkilot oʻrtasida yozma shaklda tuzilgan shartnoma asosida va unga muvofiq koʻrsatiladi. Bunda aktuar tekshiruvini va aktuar kuzatuvini bitta shartnoma doirasida koʻrsatishga yoʻl qoʻyilmaydi.
(10-band Oʻzbekiston Respublikasi moliya vazirining 2012-yil 11-maydagi 42-sonli buyrugʻi (roʻyxat raqami 1975-1, 08.06.2012-y.) tahririda— OʻR QHT, 2012-y., 23-24-son, 270-modda)
11. Aktuar xizmatlarini koʻrsatish shartnomasi quyidagi muhim shartlarni nazarda tutishi lozim:
aktuar xizmatlarining turlari va hajmlari (shu jumladan, aktuar xulosasi chiqarilishi lozim boʻlgan savollar, shundaylar mavjud boʻlganda), shuningdek qiymati. Bunda aktuar xizmatlari har bir turining qiymati alohida koʻrsatiladi;
aktuar xizmatlarini koʻrsatish muddati;
oʻzaro hisob-kitoblar tartibi;
taraflarning huquq va majburiyatlari;
taraflarning shartnoma majburiyatlarini bajarmaganlik yoki lozim darajada bajarmaganlikdagi javobgarligi;
nizolarni hal etish tartibi;
taraflarning rekvizitlari;
shartnoma tuzilgan sana va joy.
12. Aktuar xizmatlarini koʻrsatish shartnomasining taraflari quyidagi huquq va majburiyatlarga ega:
Oldingi tahrirga qarang.
a) buyurtmachi quyidagi huquqlarga ega:
(12-bandning “a” kichik bandini birinchi xatboshisi Oʻzbekiston Respublikasi moliya vazirining 2012-yil 11-maydagi 42-sonli buyrugʻi (roʻyxat raqami 1975-1, 08.06.2012-y.) tahririda— OʻR QHT, 2012-y., 23-24-son, 270-modda)
aktuar tashkilotdan aktuar xizmatlarini bevosita koʻrsatadigan aktuariyning malaka sertifikatini tanishib chiqish uchun taqdim etishini talab etish;
aktuar xizmatlarini koʻrsatish natijalari boʻyicha aktuar hisoboti va aktuar xulosasini olish;
aktuar tashkilotdan aktuar xizmatlarini koʻrsatish davomida aniqlangan xato va kamchiliklarni bartaraf etish boʻyicha maslahatlar va tavsiyalar olish;
Oldingi tahrirga qarang.
buyurtmachi quyidagilarga majbur:
(12-bandning “a” kichik bandini beshinchi xatboshisi Oʻzbekiston Respublikasi moliya vazirining 2012-yil 11-maydagi 42-sonli buyrugʻi (roʻyxat raqami 1975-1, 08.06.2012-y.) tahririda— OʻR QHT, 2012-y., 23-24-son, 270-modda)
aktuariyga aktuar xizmatlarini koʻrsatish uchun zarur boʻlgan axborotni u talab qilayotgan tartibda va hajmda taqdim etish;
aktuariyga (aktuar tashkilotga) aktuar xizmatlarining mustaqillik va xolislik prinsiplari asosida koʻrsatilishiga toʻsqinlik qiluvchi holatlarning mavjudligi yoki vujudga kelganligi toʻgʻrisida xabar berish;
b) aktuar tashkilot quyidagi huquqlarga ega:
aktuar hisob-kitoblarning usullarini mustaqil belgilash;
Oldingi tahrirga qarang.
buyurtmachidan aktuar xizmatlarini koʻrsatish uchun zarur boʻlgan hujjatlardan foydalanish huquqini soʻrash, ogʻzaki va yozma tushuntirishlar hamda qoʻshimcha maʼlumotlarni olish;
(12-bandning “b” kichik bandini uchinchi xatboshisi Oʻzbekiston Respublikasi moliya vazirining 2012-yil 11-maydagi 42-sonli buyrugʻi (roʻyxat raqami 1975-1, 08.06.2012-y.) tahririda— OʻR QHT, 2012-y., 23-24-son, 270-modda)
aktuar tashkilot quyidagilarga majbur:
Oldingi tahrirga qarang.
aktuar xizmatlarining mustaqillik va xolislik tamoyillari asosida koʻrsatilishiga toʻsqinlik qiluvchi holatlar vujudga kelganda, aktuar xizmatlarini koʻrsatish imkoniyati yoʻqligi toʻgʻrisida buyurtmachiga xabar berish;
(12-bandning “b” kichik bandini beshinchi xatboshisi Oʻzbekiston Respublikasi moliya vazirining 2012-yil 11-maydagi 42-sonli buyrugʻi (roʻyxat raqami 1975-1, 08.06.2012-y.) tahririda— OʻR QHT, 2012-y., 23-24-son, 270-modda)
aktuar xizmatlarini koʻrsatish davomida olingan hujjatlarning saqlanishini taʼminlash;
Oldingi tahrirga qarang.
buyurtmachining talabiga koʻra bevosita aktuar xizmatlarini koʻrsatadigan aktuariyning malaka sertifikatini tanishib chiqish uchun taqdim etish;
(12-bandning “b” kichik bandini yettinchi xatboshisi Oʻzbekiston Respublikasi moliya vazirining 2012-yil 11-maydagi 42-sonli buyrugʻi (roʻyxat raqami 1975-1, 08.06.2012-y.) tahririda— OʻR QHT, 2012-y., 23-24-son, 270-modda)
Oldingi tahrirga qarang.
aktuar xizmatlarini koʻrsatish davomida buyurtmachidan olingan maxfiy axborotni tarqatmaslik, qonunchilik hujjatlarida nazarda tutilgan hollar bundan mustasno.
(12-band “b” kichik bandining sakkizinchi xatboshisi Oʻzbekiston Respublikasi adliya vazirining 2021-yil 30-noyabrdagi 20-mh-sonli buyrugʻi (roʻyxat raqami 3338, 30.11.2021-y.) tahririda — Qonunchilik maʼlumotlari milliy bazasi, 30.11.2021-y., 10/21/3338/1117-son)
Aktuar xizmatlarini koʻrsatish shartnomasining taraflari shartnoma shartlariga muvofiq boshqa huquq va majburiyatlarga ham ega boʻlishlari mumkin.
Oldingi tahrirga qarang.
13. Aktuar tashkilot aktuar xizmatlarini sifatli yoki lozim darajada bajarmaganligi natijasida buyurtmachiga yetkazgan zarar uchun buyurtmachi oldida javobgardir.
Buyurtmachi tomonidan toʻliq boʻlmagan yoki buzib koʻrsatilgan maʼlumotlar taqdim etilishi oqibatida aktuar tashkilot aktuar xizmatlarini sifatli yoki lozim darajada bajarmaganligi natijasida buyurtmachiga yetkazgan zarar uchun buyurtmachi oldida javobgar boʻlmaydi.
(13-band Oʻzbekiston Respublikasi moliya vazirining 2012-yil 11-maydagi 42-sonli buyrugʻi (roʻyxat raqami 1975-1, 08.06.2012-y.) tahririda— OʻR QHT, 2012-y., 23-24-son, 270-modda)
III. Aktuar hisoboti
Oldingi tahrirga qarang.
14. Aktuar hisoboti ikki nusxada tuziladi (buyurtmachi va aktuar tashkilot uchun bittadan), aktuar xizmatlarini bevosita koʻrsatgan aktuariy tomonidan imzolanadi va aktuar tashkilot rahbari imzosi bilan tasdiqlanadi. Aktuar hisobotining varaqlari raqamlangan va tikilgan boʻlishi lozim.
(14-band Oʻzbekiston Respublikasi moliya vazirining 2020-yil 20-maydagi 21-sonli buyrugʻi (roʻyxat raqami 1975-3, 28.05.2020-y.) tahririda — Qonun hujjatlari maʼlumotlari milliy bazasi, 28.05.2020-y., 10/20/1975-3/0675-son)
15. Aktuar hisobotidagi maʼlumot maxfiydir.
Oldingi tahrirga qarang.
16. Aktuar hisoboti buyurtmachiga aktuar xizmatlarini koʻrsatish shartnomasida nazarda tutilgan aktuar xizmatlarini koʻrsatish muddati tugaganidan keyin 10 ish kuni davomida taqdim etiladi.
(16-band Oʻzbekiston Respublikasi moliya vazirining 2012-yil 11-maydagi 42-sonli buyrugʻi (roʻyxat raqami 1975-1, 08.06.2012-y.) tahririda— OʻR QHT, 2012-y., 23-24-son, 270-modda)
17. Aktuar hisobotida aktuar xizmatlarini koʻrsatishning borishi, aniqlangan xato va kamchiliklar toʻgʻrisidagi batafsil maʼlumotlar, shuningdek aktuar xizmatlarini koʻrsatish natijasida olingan boshqa maʼlumotlar aks ettiriladi.
18. Aktuar hisoboti quyidagilarni oʻz ichiga olishi lozim:
hisobotning nomi, tuzilgan sanasi va joyi;
kirish qismi;
tahliliy qismi;
yakuniy qismi.
Oldingi tahrirga qarang.
19. Aktuar hisobotining kirish qismida aktuar tashkilotning (shu jumladan, bevosita aktuar xizmatlarini koʻrsatgan aktuariyning familiyasi, ismi, otasining ismi, malaka sertifikatining seriyasi, raqami va berilgan sanasi) va buyurtmachining (shu jumladan, mavjud boʻlganda sugʻurta faoliyatini amalga oshirish uchun litsenziyaning seriyasi, raqami va berilgan sanasi) rekvizitlari, shuningdek aktuar xizmatlarini koʻrsatishning asosi va buyurtmachi faoliyatining umumiy tavsifi bayon etiladi.
(19-band Oʻzbekiston Respublikasi moliya vazirining 2012-yil 11-maydagi 42-sonli buyrugʻi (roʻyxat raqami 1975-1, 08.06.2012-y.) tahririda— OʻR QHT, 2012-y., 23-24-son, 270-modda)
20. Aktuar hisobotining kirish qismida quyidagilar bayon etiladi:
aktuar xizmatlarini koʻrsatishning borishi tavsifi va umumiy natijalari;
Oldingi tahrirga qarang.
aktuar xizmatlarini koʻrsatish uchun buyurtmachi tomonidan taqdim etilgan maʼlumotlarning tavsifi;
(20-bandning uchinchi xatboshisi Oʻzbekiston Respublikasi moliya vazirining 2012-yil 11-maydagi 42-sonli buyrugʻi (roʻyxat raqami 1975-1, 08.06.2012-y.) tahririda— OʻR QHT, 2012-y., 23-24-son, 270-modda)
sugʻurtalovchi moliyaviy yil boshiga moliyaviy holatining bazaviy tavsifi, sugʻurtalovchi tomonidan oldingi aktuar xizmatlarini koʻrsatish natijasida aniqlangan xato va kamchiliklarni bartaraf etish boʻyicha amalga oshirilgan choralar (aktuar tekshiruvi amalga oshirilganda);
moliyaviy yil davomida amalga oshirilgan sugʻurta operatsiyalarining tahlili, tavakkalchilik siyosatini, ushlab qolish siyosatini, zaxiralarni shakllantirish siyosatini, tarif siyosatini baholash, sugʻurtalovchi tomonidan majburiyatlarni bajara olmaslik ehtimolini olib borilayotgan sugʻurta operatsiyalarining tavakkalchilik oʻlchovi sifatida baholash (aktuar tekshiruvi amalga oshirilganda);
moliyaviy yil davomida amalga oshirilgan investitsiya operatsiyalarining, investitsiya portfelining diversifikatsiyasi, qaytarilishi, foydaliligi va likvidligining tahlili, umumiy investitsiya portfelida zaxiralarning (ajratilgan aktivlarning) holati (diversifikatsiya, qaytarilish, foydalilik va likvidlik talablariga muvofiq kelgan holda) (aktuar tekshiruvi amalga oshirilganda);
tahlil, baholash va hisob-kitobning boshqa turlari;
aktuar xizmatlarini koʻrsatish natijasida aniqlangan xato va kamchiliklar, shundaylar mavjud boʻlganda;
aktuariy ixtiyoriga koʻra boshqa axborot.
21. Aktuar hisobotining yakuniy qismida aktuariyning xulosalari, maslahatlari va takliflari bayon etiladi (shu jumladan, aktuar tekshiruvi amalga oshirilganda aniqlangan xato va kamchiliklarni bartaraf etish boʻyicha, amalga oshirilayotgan sugʻurta va investitsiya operatsiyalarining samaradorligini oshirish, sugʻurtalovchining umumiy moliyaviy holatini yaxshilash boʻyicha maslahatlari va takliflari).
22. Aktuar hisoboti bir-birini istisno etuvchi, bir-biriga zid boʻlgan va yanglishtiruvchi faktlarni, maʼlumotlarni, xulosalarni va ularning har xil talqinlarini oʻz ichiga olmasligi lozim.
Oldingi tahrirga qarang.
23. Bila turib yolgʻon aktuar hisobotlarini tuzish qonunchilik hujjatlariga muvofiq javobgarlikka olib keladi.
(23-bandning birinchi xatboshisi Oʻzbekiston Respublikasi adliya vazirining 2021-yil 30-noyabrdagi 20-mh-sonli buyrugʻi (roʻyxat raqami 3338, 30.11.2021-y.) tahririda — Qonunchilik maʼlumotlari milliy bazasi, 30.11.2021-y., 10/21/3338/1117-son)
 LexUZ sharhi
Qarang: Oʻzbekiston Respublikasi Maʼmuriy javobgarlik toʻgʻrisidagi kodeksining 2022-moddasi.
Oldingi tahrirga qarang.
Aktuar xizmatlarini koʻrsatish davomida aktuariy tomonidan olingan buyurtmachi hujjatlarining mazmuniga mos kelmaydigan aktuar hisoboti bila turib yolgʻon tuzilgan hisoblanadi.
(23-bandning ikkinchi xatboshisi Oʻzbekiston Respublikasi moliya vazirining 2012-yil 11-maydagi 42-sonli buyrugʻi (roʻyxat raqami 1975-1, 08.06.2012-y.) tahririda— OʻR QHT, 2012-y., 23-24-son, 270-modda)
24. Aktuar hisobotlari 5 yil davomida saqlanadi.
IV. Aktuar xulosasi
Oldingi tahrirga qarang.
25. Aktuar xulosasi ikki nusxada tuziladi (buyurtmachi va aktuar tashkilot uchun bittadan), aktuar xizmatlarini bevosita koʻrsatgan aktuariy tomonidan imzolanadi va aktuar tashkilot rahbari imzosi bilan tasdiqlanadi. Aktuar xulosasining varaqlari raqamlangan va tikilgan boʻlishi lozim.
(25-band Oʻzbekiston Respublikasi moliya vazirining 2020-yil 20-maydagi 21-sonli buyrugʻi (roʻyxat raqami 1975-3, 28.05.2020-y.) tahririda — Qonun hujjatlari maʼlumotlari milliy bazasi, 28.05.2020-y., 10/20/1975-3/0675-son)
Oldingi tahrirga qarang.
26. Aktuar xulosasi buyurtmachiga aktuar xizmatlarini koʻrsatish shartnomasida nazarda tutilgan aktuar xizmatlarini koʻrsatish muddati tugaganidan keyin 10 ish kuni davomida taqdim etiladi.
Oldingi tahrirga qarang.
Aktuar tashkilot tomonidan tasdiqlangan aktuar tekshiruvini amalga oshirish natijalari boʻyicha chiqarilgan aktuar xulosasining nusxasi Oʻzbekiston Respublikasi Istiqbolli loyihalar milliy agentligiga aktuar xizmatlarini koʻrsatish shartnomasida nazarda tutilgan aktuar xizmatlarini koʻrsatish muddati tugaganidan keyin 10 ish kuni davomida taqdim etiladi.
(26-bandning ikkinchi xatboshisi Oʻzbekiston Respublikasi adliya vazirining 2024-yil 25-dekabrdagi 34-mh-sonli buyrugʻi (roʻyxat raqami 3595, 27.12.2024-y.) tahririda — Qonunchilik maʼlumotlari milliy bazasi, 28.12.2024-y., 10/24/3595/1086-son)
Oldingi tahrirga qarang.
27. Aktuar xulosasini chiqarish uchun zarur boʻlgan maʼlumotlar sugʻurtalovchi tomonidan taqdim etilmaganligi oqibatida aktuar tekshiruvini amalga oshirish natijalari boʻyicha aktuar xulosasini chiqarish imkoniyati boʻlmagan taqdirda, aktuar tashkilot eng qisqa, ammo aktuar xizmatlarini koʻrsatish shartnomasida nazarda tutilgan aktuar xizmatlarini koʻrsatish muddati tugaganidan keyin 3 ish kunidan kechiktirmasdan Oʻzbekiston Respublikasi Istiqbolli loyihalar milliy agentligiga aktuar xulosasini chiqarish imkoniyati boʻlmaganligining sabablarini koʻrsatgan holda yozma xabarnoma taqdim etadi.
(27-band Oʻzbekiston Respublikasi adliya vazirining 2024-yil 25-dekabrdagi 34-mh-sonli buyrugʻi (roʻyxat raqami 3595, 27.12.2024-y.) tahririda — Qonunchilik maʼlumotlari milliy bazasi, 28.12.2024-y., 10/24/3595/1086-son)
28. Aktuar xulosasida aktuar xizmatlarini koʻrsatish shartnomasida nazarda tutilgan savollar yuzasidan aktuariyning fikri aks ettiriladi.
29. Aktuar xulosasi quyidagilarni oʻz ichiga olishi lozim:
aktuar xulosasining nomi, chiqarilgan sanasi va joyi;
kirish qismi;
konstatatsiya qismi;
yakuniy qismi.
Oldingi tahrirga qarang.
30. Aktuar xulosasining kirish qismida aktuar tashkilot (shuningdek, aktuar xizmatlarini bevosita koʻrsatgan aktuariyning familiyasi, ismi, otasining ismi, aktuariy malaka sertifikatining raqami va berilgan sanasi) va buyurtmachining (shu jumladan, mavjud boʻlganda sugʻurta faoliyatini amalga oshirish uchun berilgan litsenziya raqami, seriyasi va berilgan sanasi) rekvizitlari aks ettiriladi.
(30-band Oʻzbekiston Respublikasi moliya vazirining 2012-yil 11-maydagi 42-sonli buyrugʻi (roʻyxat raqami 1975-1, 08.06.2012-y.) tahririda— OʻR QHT, 2012-y., 23-24-son, 270-modda)
31. Aktuar xulosasining konstatatsiya qismida quyidagilar bayon etiladi:
aktuar xulosasi chiqarilayotgan savollar;
Oldingi tahrirga qarang.
aktuariy fikrini tasdiqlovchi buyurtmachi faoliyatining koʻrsatkichlari;
(31-bandning uchinchi xatboshisi Oʻzbekiston Respublikasi moliya vazirining 2012-yil 11-maydagi 42-sonli buyrugʻi (roʻyxat raqami 1975-1, 08.06.2012-y.) tahririda— OʻR QHT, 2012-y., 23-24-son, 270-modda)
aniqlangan xato va kamchiliklar va ularni bartaraf etish boʻyicha takliflar, shundaylar mavjud boʻlgan taqdirda.
32. Aktuar xulosasining yakuniy qismida koʻrilayotgan savollar boʻyicha aktuariyning fikri aniq koʻrsatilishi lozim.
33. Aktuar xulosasi bir-birini istisno etuvchi, bir-biriga zid boʻlgan va yanglishtiruvchi faktlarni, maʼlumotlarni, xulosalarni va ularning har xil talqinlarini oʻz ichiga olmasligi lozim.
Oldingi tahrirga qarang.
34. Bila turib yolgʻon aktuar xulosalarini tuzish qonunchilik hujjatlariga muvofiq javobgarlikka olib keladi.
(34-bandning birinchi xatboshisi Oʻzbekiston Respublikasi adliya vazirining 2021-yil 30-noyabrdagi 20-mh-sonli buyrugʻi (roʻyxat raqami 3338, 30.11.2021-y.) tahririda — Qonunchilik maʼlumotlari milliy bazasi, 30.11.2021-y., 10/21/3338/1117-son)
Oldingi tahrirga qarang.
Aktuar xizmatlarini koʻrsatish davomida aktuariy tomonidan olingan buyurtmachi hujjatlarining mazmuniga mos kelmaydigan aktuar xulosasi bila turib yolgʻon tuzilgan hisoblanadi.
(34-bandning ikkinchi xatboshisi Oʻzbekiston Respublikasi moliya vazirining 2012-yil 11-maydagi 42-sonli buyrugʻi (roʻyxat raqami 1975-1, 08.06.2012-y.) tahririda— OʻR QHT, 2012-y., 23-24-son, 270-modda)
35. Aktuar xulosalari 5 yil davomida saqlanadi.
V. Yakuniy qoidalar
Oldingi tahrirga qarang.
36. Aktuar xizmatlarini koʻrsatish shartnomasini tuzish va ijro etish jarayonida yuzaga keladigan barcha bahs va kelishmovchiliklar muzokaralar yoʻli bilan hal etilishi, kelishuvga erishilmagan taqdirda esa, qonunchilik hujjatlarida belgilangan tartibda hal etilishi lozim.
(36-band Oʻzbekiston Respublikasi adliya vazirining 2021-yil 30-noyabrdagi 20-mh-sonli buyrugʻi (roʻyxat raqami 3338, 30.11.2021-y.) tahririda — Qonunchilik maʼlumotlari milliy bazasi, 30.11.2021-y., 10/21/3338/1117-son)
Oldingi tahrirga qarang.
37. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javobgarlikka tortiladilar.
(37-band Oʻzbekiston Respublikasi adliya vazirining 2021-yil 30-noyabrdagi 20-mh-sonli buyrugʻi (roʻyxat raqami 3338, 30.11.2021-y.) tahririda — Qonunchilik maʼlumotlari milliy bazasi, 30.11.2021-y., 10/21/3338/1117-son)

(Oʻzbekiston Respublikasi qonun hujjatlari toʻplami, 2009-y., 26-son, 309-modda; 2012-y., 23-24-son, 270-modda; 2017-y., 22-son, 436-modda; Qonun hujjatlari maʼlumotlari milliy bazasi, 28.05.2020-y., 10/20/1975-3/0675-son; Qonunchilik maʼlumotlari milliy bazasi, 30.11.2021-y., 10/21/3338/1117-son; 24.07.2023-y., 10/23/1975-4/0517-son; 28.12.2024-y., 10/24/3595/1086-son)