|
Hujjat kuchini yo‘qotgan " " 22.02.2021
|
Oʻzbekiston Respublikasi Vazirlar Mahkamasining
qarori
“TARAQQIYOT YOʻLIDA OZIQ-OVQATLAR BILAN TAʼMINLASh” DASTURI DOIRASIDA QIShLOQ XOʻJALIGI VA SOGʻLIQNI SAQLASh SOHASIDAGI USTUVOR LOYIHALARNI MOLIYALAShTIRISh TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Amerika Qoʻshma Shtatlari Hukumati bilan Oʻzbekiston Respublikasi Hukumati oʻrtasidagi “Taraqqiyot yoʻlida oziq-ovqatlar bilan taʼminlash” dasturi boʻyicha qishloq xoʻjaligi mahsulotlari berish toʻgʻrisidagi Bitim doirasida Oʻzbekiston Respublikasiga berilgan grantdan samarali foydalanilishini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining hamda Vazirlar Mahkamasining qarorlari bilan “Taraqqiyot yoʻlida oziq-ovqatlar bilan taʼminlash” dasturi doirasida 2005 — 2008-yillar davrida:
“Namangan viloyatida Rezaksoy suv ombori qurilishi”;
“Aviatsiya va koinot orqali qishloq xoʻjaligi monitoringi olib borilishini tashkil etish”;
“Fargʻona viloyati Furqat tumani “Surpa” posyolkasini suv bilan taʼminlash”;
“Sirdaryo viloyati Sardoba tumani suv taʼminoti tizimini rekonstruksiya qilish”;
“Shovot” kanalida suv sathini barqarorlashtirish boʻyicha himoya-tartibga solish ishlari”;
“Chorvachilik mahsulotlari yetishtirish boʻyicha oilaviy tadbirkorlikni mikrokreditlash”;
“Oziq-ovqat mahsulotlari xavfsizligi, oziq-ovqat mahsulotlari sifati ustidan nazoratni kuchaytirish, hayvonlarning alohida xavfli yuqumli kasalliklarining oʻz vaqtida diagnostikasini takomillashtirish sohasidagi siyosatni amalga oshirish”;
“2-son Bolalar uyini taʼmirlash va jihozlarini almashtirish”;
“Qoraqalpogʻiston Respublikasida Boʻston kanalini qurish” loyihalari amalga oshirilganligi maʼlumot uchun qabul qilinsin.
Yuqorida koʻrsatilgan loyihalarni amalga oshirish uchun 6991,7 mln. soʻm mablagʻ moliyalashtirilgan.
2. Hukumatlararo bitimga muvofiq tashkil etilgan Oʻzbekiston-Amerika qoʻshma ishchi guruhining “Taraqqiyot yoʻlida oziq-ovqatlar bilan taʼminlash” dasturi doirasida grant mablagʻlari hisobiga ilovaga muvofiq qishloq xoʻjaligi va sogʻliqni saqlash sohasidagi ustuvor loyihalarni moliyalashtirish toʻgʻrisidagi taklifiga rozilik berilsin.
3. Oʻzbekiston Respublikasi Qishloq va suv xoʻjaligi vazirligi, Sogʻliqni saqlash vazirligi hamda boshqa masʼul bajaruvchilar:
bir oy muddatda budjet tarkiblari boʻyicha iqtisodiy asoslash hisob-kitoblarini ishlab chiqsinlar hamda loyihalarni moliyalashtirishning yil va choraklarga boʻlingan jadvallarini Oʻzbekiston Respublikasi Moliya vazirligi bilan kelishib olsinlar;
mablagʻlardan samarali foydalanilishini taʼminlasinlar va loyihalarni amalga oshirishning borishi toʻgʻrisida Oʻzbekiston Respublikasi Moliya vazirligiga hamda Tashqi iqtisodiy aloqalar, investitsiyalar va savdo vazirligiga har chorakda axborot bersinlar.
4. Oʻzbekiston Respublikasi Iqtisodiyot vazirligi, Moliya vazirligi masʼul bajaruvchilar bilan birgalikda ilovaga kiritilgan kapital qurilish obyektlarini belgilangan tartibda 2009-yilning manzilli roʻyxatiga kiritsinlar.
5. Oʻzbekiston Respublikasi Moliya vazirligi:
ilovaga kiritilgan loyihalarning “Taraqqiyot yoʻlida oziq-ovqatlar bilan taʼminlash” dasturi boʻyicha tushadigan mablagʻlarni jamlash uchun ochilgan Moliya vazirligining maxsus hisob raqamidan oʻz vaqtida moliyalashtirilishini taʼminlasin;
mablagʻlardan maqsadli foydalanilishi ustidan monitoring olib borsin, ulardan boshqa maqsadlarda foydalanish hollari aniqlangan taqdirda esa — loyihalarni moliyalashtirishni toʻxtatib qoʻysin va moliyalashtirishni tiklash toʻgʻrisidagi masalani Oʻzbekiston-Amerika qoʻshma ishchi guruhi majlisiga kiritsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2009-yil 24-mart,
85-son
Vazirlar Mahkamasining 2009-yil 24-martdagi 85-son qaroriga
ILOVA
ILOVA
“Taraqqiyot yoʻlida oziq-ovqatlar bilan taʼminlash” dasturi doirasida moliyalashtirilayotgan loyihalar
ROʻYXATI
| T/r | Loyihaning nomi | Loyihaning maqsadi | Moliyalashtirish summasi (mln. soʻm) | Mablagʻlarni oʻzlashtirish muddatlari | Masʼul bajaruvchilar |
| I. Ilmiy loyihalar | |||||
| 1. | Mamlakatimiz ishlab chiqaruvchilari tomonidan tender asosida “brakon” ishlab chiqarish boʻyicha 3 ta liniya tayyorlash. | Paxta hosilini saqlash hamda pestitsidlar qoʻllanishini kamaytirish maqsadida respublikaning turlicha iqlimli mintaqalarida mexanizatsiyalashtirilgan liniyada “brakon” ishlab chiqarishning zamonaviy texnologiyalarini joriy etish. | 300,0 | 2009-yil | Qishloq va suv xoʻjaligi vazirligi, Oʻsimliklarni himoya qilish va agrokimyo respublika markazi |
| 2. | Gʻoʻzani turlararo va uzoq gibridlarga qayta chatishtirish usuli bilan uning serhosil viltga chidamli navlarini yaratish. | Oʻzbekiston Respublikasining turlicha tuproq-iqlimli mintaqalaridan olingan gʻoʻzaning kolleksiyalangan nav namunalari, navlari, har xil tup tizimli liniya va shakllarining viltga chidamliligiga vertitsilum zamburugʻining har xil virulentli turlarining taʼsirini, shuningdek tabiiy yuqumli sharoitda gʻoʻzaning mahsuldorligi, tola chiqishi va sifati hamda boshqa morfoxoʻjalik belgilarini oʻrganish. | 25,0 | 2009-2010-yillar | Qishloq va suv xoʻjaligi vazirligi, Oʻzbekiston seleksiya va urugʻchilik ilmiy-tekshirish instituti |
| II. Sogʻliqni saqlash tizimini qoʻllab-quvvatlash loyihalari | |||||
| 3. | Oʻzbekiston Respublikasida shoshilinch tibbiy yordam koʻrsatish samaradorligini oshirish. | Baxtsiz hodisalar, yoʻl-transport hodisalari va halokatlari natijasida jabrlanganlarga kasalxonaga borgunga qadar bosqichda shoshilinch tibbiy yordam koʻrsatish boʻyicha paramediklar va birinchi respondentlar tayyorlash tizimini yaxshilashda koʻmaklashish. Tez yordam mashinalari sotib olish va ularni zarur asbob-uskunalar bilan jihozlash. | 450,0 | 2009-2010-yillar | Sogʻliqni saqlash vazirligi, Vrachlar xalqaro ligasi, Oʻzbekiston anesteziologlar va reanimatologlar uyushmasi |
| |
JAMI |
| 775,0 | | |
(Oʻzbekiston Respublikasi qonun hujjatlari toʻplami, 2009-y., 13-son, 146-modda)
