OʻZBEKISTON RESPUBLIKASI DAVLAT MULKI QOʻMITASI HUZURIDAGI QIMMATLI QOGʻOZLAR BOZORI FAOLIYATINI MUVOFIQLASHTIRISH VA NAZORAT QILISH MARKAZI BOSH DIREKTORINING
buyrugʻi
Qimmatli qogʻozlar bozorida professional faoliyatni birga qoʻshib olib borishga doir cheklashlar va birga qoʻshib olib borish tartibi, qimmatli qogʻozlar bozori professional ishtirokchilarining majburiy normativlar tizimi toʻgʻrisidagi Nizomni tasdiqlash haqida
[Oʻzbekiston Respublikasi Adliya vazirligi tomonidan 2009-yil 5-fevralda roʻyxatdan oʻtkazildi, roʻyxat raqami 1895]
Oldingi tahrirga qarang.
Oʻzbekiston Respublikasining “Qimmatli qogʻozlar bozori toʻgʻrisida”gi Qonuniga (Oʻzbekiston Respublikasining qonun hujjatlari toʻplami, 2008-y., 29-30-son, 278-modda), Oʻzbekiston Respublikasi Vazirlar Mahkamasining 2008-yil 28-iyul 160-sonli “Qimmatli qogʻozlar bozori infratuzilmasini rivojlantirishga oid qoʻshimcha chora-tadbirlar toʻgʻrisida”gi qaroriga (Oʻzbekiston Respublikasining qonun hujjatlari toʻplami, 2008-y., 31-32-son, 298-modda), shuningdek Oʻzbekiston Respublikasi Vazirlar Mahkamasining 1996-yil 30-martdagi 126-sonli qarori bilan tasdiqlangan “Oʻzbekiston Respublikasi Davlat raqobat qoʻmitasi huzuridagi Qimmatli qogʻozlar bozorini muvofiqlashtirish va rivojlantirish markazi toʻgʻrisida”gi nizomga muvofiq (Oʻzbekiston Respublikasi Hukumatining qarorlari toʻplami, 1996-y., 3-son, 11-modda) buyuraman:
(muqaddima Oʻzbekiston Respublikasi Davlat raqobat qoʻmitasi huzuridagi Qimmatli qogʻozlar bozorini muvofiqlashtirish va rivojlantirish markazi bosh direktorining 2013-yil 10-dekabrdagi 2013-13-sonli buyrugʻi (roʻyxat raqami 1895-2, 18.12.2013-y.) tahririda — OʻR QHT, 2013-y., 51-son, 672-modda)
1. Qimmatli qogʻozlar bozorida professional faoliyatni birga qoʻshib olib borishga doir cheklashlar va birga qoʻshib olib borish tartibi, qimmatli qogʻozlar bozori professional ishtirokchilarining majburiy normativlar tizimi toʻgʻrisidagi nizom ilovaga muvofiq tasdiqlansin.
2. Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish Markazi Bosh direktorining 2003-yil 11-sentabrdagi 2003-15-sonli “Investitsiya institutlari faoliyatining iqtisodiy normativlari toʻgʻrisidagi nizomni tasdiqlash haqida”gi buyrugʻi (2003-yil 30-sentabr, roʻyxat raqami 1280 — Meʼyoriy hujjatlar axborotnomasi, 2003-y., 17-18-son) oʻz kuchini yoʻqotgan deb topilsin.
3. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiritilsin.
Qimmatli qogʻozlar bozori faoliyatini muvofiqlashtirish va nazorat qilish markazi Bosh direktori K. TOLIPOV
Toshkent sh.,
2009-yil 9-yanvar,
2009-02-son
Qimmatli qogʻozlar bozori faoliyatini muvofiqlashtirish va nazorat qilish markazi Bosh direktorining 2009-yil 9-yanvardagi 2009-02-sonli buyrugʻi bilan TASDIQLANGAN
Qimmatli qogʻozlar bozorida professional faoliyatni birga qoʻshib olib borishga doir cheklashlar va birga qoʻshib olib borish tartibi, qimmatli qogʻozlar bozori professional ishtirokchilarining majburiy normativlar tizimi toʻgʻrisida
NIZOM
Oldingi tahrirga qarang.
Mazkur Nizom Oʻzbekiston Respublikasining “Qimmatli qogʻozlar bozori toʻgʻrisida”gi Qonuni, Oʻzbekiston Respublikasi Vazirlar Mahkamasining 2008-yil 28-iyuldagi 160-sonli “Qimmatli qogʻozlar bozori infratuzilmasini rivojlantirishga oid qoʻshimcha chora-tadbirlar toʻgʻrisida”gi qarori va boshqa qonunchilik hujjatlariga muvofiq qimmatli qogʻozlar bozorida professional faoliyatni birga qoʻshib olib borishga doir cheklashlar va birga qoʻshib olib borish tartibi, qimmatli qogʻozlar bozori professional ishtirokchilarining majburiy normativlar tizimini oʻrnatadi.
(muqaddima Oʻzbekiston Respublikasi adliya vazirining 2021-yil 30-noyabrdagi 20-mh-sonli buyrugʻi (roʻyxat raqami 3338, 30.11.2021-y.) tahririda — Qonunchilik maʼlumotlari milliy bazasi, 30.11.2021-y., 10/21/3338/1117-son)
I. Umumiy qoidalar
1. Mazkur Nizomda quyidagi asosiy tushunchalar qoʻllaniladi:
qimmatli qogʻozlar bozori professional ishtirokchilarining majburiy normativlar tizimi (keyingi oʻrinlarda — majburiy normativlar tizimi) — qimmatli qogʻozlar bozori professional ishtirokchisi tomonidan qimmatli qogʻozlar bozorida professional faoliyatni birga qoʻshib olib borishda rioya etish uchun majburiy boʻlgan oʻz mablagʻlarining miqdori;
qimmatli qogʻozlar bozorida professional faoliyat (keyingi oʻrinlarda — professional faoliyat) — qimmatli qogʻozlarni chiqarish, joylashtirish va ularning muomalasi bilan bogʻliq xizmatlar koʻrsatish boʻyicha litsenziyalanadigan faoliyat turi;
qimmatli qogʻozlar bozorining professional ishtirokchisi (keyingi oʻrinlarda — professional ishtirokchi) — qimmatli qogʻozlar bozorida professional faoliyatni amalga oshiruvchi yuridik shaxs;
Oldingi tahrirga qarang.
vakolatli davlat organi — Oʻzbekiston Respublikasi Istiqbolli loyihalar milliy agentligi.
(1-bandning beshinchi xatboshisi Oʻzbekiston Respublikasi adliya vazirining 2024-yil 25-dekabrdagi 34-mh-sonli buyrugʻi (roʻyxat raqami 3595, 27.12.2024-y.) tahririda — Qonunchilik maʼlumotlari milliy bazasi, 28.12.2024-y., 10/24/3595/1086-son)
Oldingi tahrirga qarang.
2. Mazkur Nizomning majburiy normativlar tizimiga rioya etish va oʻz mablagʻlarining miqdori toʻgʻrisidagi maʼlumotlarni taqdim etish boʻyicha talablari Qimmatli qogʻozlar markaziy depozitariysi, fond birjalari va fond boʻlimlarini tashkil etgan valyuta birjalari, shuningdek tijorat banklari va sugʻurtalovchilar boʻlgan professional ishtirokchilarga tatbiq qilinmaydi.
(2-band Oʻzbekiston Respublikasi Davlat raqobat qoʻmitasi huzuridagi Qimmatli qogʻozlar bozorini muvofiqlashtirish va rivojlantirish markazi bosh direktorining 2015-yil 8-sentabrdagi 2015-13-sonli buyrugʻi (roʻyxat raqami 1895-3, 15.09.2015-y.) tahririda — OʻR QHT, 2015-y., 37-son, 496-modda)
II. Majburiy normativlar tizimi
Oldingi tahrirga qarang.
3. Professional faoliyatning har bir qismi uchun oʻz mablagʻlarining eng kam miqdori qonunchilik hujjatlarida belgilanadi.
(3-band Oʻzbekiston Respublikasi adliya vazirining 2021-yil 30-noyabrdagi 20-mh-sonli buyrugʻi (roʻyxat raqami 3338, 30.11.2021-y.) tahririda — Qonunchilik maʼlumotlari milliy bazasi, 30.11.2021-y., 10/21/3338/1117-son)
 LexUZ sharhi
Qarang: Oʻzbekiston Respublikasi “Qimmatli qogʻozlar bozori toʻgʻrisida”gi Qonuni.
Oldingi tahrirga qarang.
4. Majburiy normativlar tizimi professional faoliyatning qismlarini birga qoʻshib olib borish uchun oʻrnatilgan oʻz mablagʻlarining eng kam miqdoriga talablarning eng koʻpi belgilanadi.
(4-bandning birinchi xatboshisi Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazi bosh direktorining 2010-yil 10-iyundagi 2010-10-sonli buyrugʻi (roʻyxat raqami 1895-1, 06.07.2010-y.) tahririda — OʻR QHT, 2010-y., 26-27-son, 223-modda)
Professional faoliyatning bir qismini amalga oshirish niyatidagi shaxsning (litsenziya talabgorining) oʻz mablagʻlari miqdori litsenziyani olishga ariza berish paytida oʻz mablagʻlarining muvofiq eng kam miqdoriga, professional faoliyatni birga qoʻshib olib borish niyati boʻlgan taqdirda — majburiy normativlar tizimiga muvofiq boʻlishi kerak.
5. Professional ishtirokchining oʻz mablagʻlari miqdori butun professional faoliyat davomida oʻz mablagʻlarining muvofiq eng kam miqdoriga, professional faoliyatni birga qoʻshib olib borgan taqdirda — majburiy normativlar tizimiga muvofiq boʻlishi kerak.
Oldingi tahrirga qarang.
6. Agarda professional ishtirokchining tashkiliy-huquqiy shakl uchun ustav kapitalining (fondi) eng kam miqdoriga talablar qonunchilik hujjatlarida mazkur Nizomda belgilangan majburiy normativlar tizimi va oʻz mablagʻlari eng kam miqdorlariga boʻlgan talablardan farqli belgilangan boʻlsa, ulardan koʻprogʻi qoʻllaniladi.
(6-band Oʻzbekiston Respublikasi adliya vazirining 2021-yil 30-noyabrdagi 20-mh-sonli buyrugʻi (roʻyxat raqami 3338, 30.11.2021-y.) tahririda — Qonunchilik maʼlumotlari milliy bazasi, 30.11.2021-y., 10/21/3338/1117-son)
Oldingi tahrirga qarang.
7. Professional ishtirokchi har chorakda, hisobot davridan keyingi oyning oʻttizinchi sanasidan kechiktirmasdan vakolatli davlat organiga oʻz mablagʻlarining miqdori toʻgʻrisidagi maʼlumotlarni taqdim etadi.
Oldingi tahrirga qarang.
Professional ishtirokchi tomonidan oʻz mablagʻlari miqdorining hisobi buxgalteriya hisob-kitob maʼlumotlari boʻyicha qonunchilik hujjatlarida belgilangan tartibda amalga oshiriladi.
(7-bandning ikkinchi xatboshisi Oʻzbekiston Respublikasi adliya vazirining 2021-yil 30-noyabrdagi 20-mh-sonli buyrugʻi (roʻyxat raqami 3338, 30.11.2021-y.) tahririda — Qonunchilik maʼlumotlari milliy bazasi, 30.11.2021-y., 10/21/3338/1117-son)
 LexUZ sharhi
Qarang: Oʻzbekiston Respublikasi “Qimmatli qogʻozlar bozori toʻgʻrisida”gi Qonuni.
8. Vakolatli davlat organi belgilangan tartibda professional ishtirokchining oʻz mablagʻlarining hisoblangan miqdorini toʻgʻriligi va ular taqdim etgan maʼlumotlarning haqiqiyligini tekshirishga haqli.
III. Professional faoliyatni birga qoʻshib olib borish tartibi
Oldingi tahrirga qarang.
9. Qonunchilik hujjatlari va mazkur Nizomga muvofiq professional faoliyatning birga qoʻshib olib boriladigan (qoʻshimcha) qismi professional faoliyatning amalga oshirilayotgan qismi bilan birga qoʻshib olib borilishi kerak.
(9-band Oʻzbekiston Respublikasi adliya vazirining 2021-yil 30-noyabrdagi 20-mh-sonli buyrugʻi (roʻyxat raqami 3338, 30.11.2021-y.) tahririda — Qonunchilik maʼlumotlari milliy bazasi, 30.11.2021-y., 10/21/3338/1117-son)
Oldingi tahrirga qarang.
10. Qimmatli qogʻozlar bozorida professional faoliyatni mazkur Nizomning IV boʻlimida belgilangan holatlardan tashqari:
a) investitsiya vositachisini investitsiya maslahatchisi, investitsiya aktivlarini ishonchli boshqaruvchisi professional faoliyati bilan;
b) investitsiya maslahatchisini investitsiya vositachisi, investitsiya aktivlarini ishonchli boshqaruvchisi, transfer-agent professional faoliyati bilan;
v) investitsiya aktivlarini ishonchli boshqaruvchisini investitsiya vositachisi, investitsiya maslahatchisi, transfer-agent professional faoliyati bilan;
g) transfer-agentni investitsiya maslahatchisi, investitsiya aktivlarini ishonchli boshqaruvchisi professional faoliyatlarni birga qoʻshib olib borishga yoʻl qoʻyiladi.
(10-band Oʻzbekiston Respublikasi Davlat raqobat qoʻmitasi huzuridagi Qimmatli qogʻozlar bozorini muvofiqlashtirish va rivojlantirish markazi bosh direktorining 2015-yil 8-sentabrdagi 2015-13-sonli buyrugʻi (roʻyxat raqami 1895-3, 15.09.2015-y.) tahririda — OʻR QHT, 2015-y., 37-son, 496-modda)
Oldingi tahrirga qarang.
11. Professional ishtirokchi professional faoliyatni birga qoʻshib olib borishda birga qoʻshib olib borilayotgan professional faoliyatning har bir qismi boʻyicha qimmatli qogʻozlar bilan operatsiyalarning yakka hisobini tashkil etishi, shuningdek u tomonidan amalga oshirilayotgan professional faoliyatni qonunchilik hujjatlari talablariga muvofiqligi ustidan ichki nazoratni tashkil etishi va amalga oshirishi kerak.
(11-band Oʻzbekiston Respublikasi adliya vazirining 2021-yil 30-noyabrdagi 20-mh-sonli buyrugʻi (roʻyxat raqami 3338, 30.11.2021-y.) tahririda — Qonunchilik maʼlumotlari milliy bazasi, 30.11.2021-y., 10/21/3338/1117-son)
Oldingi tahrirga qarang.
12. Professional ishtirokchilar qonunchilik hujjatlarida belgilangan tartibda professional faoliyatga taalluqli boʻlmagan tadbirkorlik faoliyatini amalga oshirishga haqli.
(12-band Oʻzbekiston Respublikasi adliya vazirining 2021-yil 30-noyabrdagi 20-mh-sonli buyrugʻi (roʻyxat raqami 3338, 30.11.2021-y.) tahririda — Qonunchilik maʼlumotlari milliy bazasi, 30.11.2021-y., 10/21/3338/1117-son)
 LexUZ sharhi
Qarang: Oʻzbekiston Respublikasi “Qimmatli qogʻozlar bozori toʻgʻrisida”gi Qonuni.
IV. Professional faoliyatni birga qoʻshib olib borishga doir cheklashlar
13. Professional ishtirokchilarga mazkur Nizomning 10-bandi bilan nazarda tutilmagan professional faoliyatni birga qoʻshib olib borish taqiqlanadi.
Oldingi tahrirga qarang.
14. Transfer-agent investitsiya vositachisining va qimmatli qogʻozlar savdosi tashkilotchisining professional faoliyatini amalga oshirishga haqli emas.
(14-band Oʻzbekiston Respublikasi Davlat raqobat qoʻmitasi huzuridagi Qimmatli qogʻozlar bozorini muvofiqlashtirish va rivojlantirish markazi bosh direktorining 2015-yil 8-sentabrdagi 2015-13-sonli buyrugʻi (roʻyxat raqami 1895-3, 15.09.2015-y.) tahririda — OʻR QHT, 2015-y., 37-son, 496-modda)
Oldingi tahrirga qarang.
15. Investitsiya fondining faoliyati boshqa turdagi faoliyat bilan birga qoʻshib olib borilishi mumkin emas.
(15-band Oʻzbekiston Respublikasi Davlat raqobat qoʻmitasi huzuridagi Qimmatli qogʻozlar bozorini muvofiqlashtirish va rivojlantirish markazi bosh direktorining 2015-yil 8-sentabrdagi 2015-13-sonli buyrugʻi (roʻyxat raqami 1895-3, 15.09.2015-y.) tahririda — OʻR QHT, 2015-y., 37-son, 496-modda)
Oldingi tahrirga qarang.
16. Qimmatli qogʻozlar markaziy depozitariysi faqat transfer-agent professional faoliyatini birga qoʻshib olib borishi mumkin.
(16-band Oʻzbekiston Respublikasi Davlat raqobat qoʻmitasi huzuridagi Qimmatli qogʻozlar bozorini muvofiqlashtirish va rivojlantirish markazi bosh direktorining 2015-yil 8-sentabrdagi 2015-13-sonli buyrugʻi (roʻyxat raqami 1895-3, 15.09.2015-y.) tahririda — OʻR QHT, 2015-y., 37-son, 496-modda)
17. Professional ishtirokchining ushbu shaxslar nomidan qimmatli qogʻozlar bilan operatsiyalarni amalga oshiruvchi va xizmatlar koʻrsatuvchi va (yoki) qimmatli qogʻozlar bozorida ishlarni bajaruvchi rahbari va xodimlari boshqa professional ishtirokchilarda lavozimlarni egallashga haqli emas.
V. Yakuniy qoidalar
Oldingi tahrirga qarang.
18. Mazkur Nizom talablarini buzilishida aybdor shaxslar qonunchilik hujjatlariga muvofiq javobgar boʻladilar.
(18-band Oʻzbekiston Respublikasi adliya vazirining 2021-yil 30-noyabrdagi 20-mh-sonli buyrugʻi (roʻyxat raqami 3338, 30.11.2021-y.) tahririda — Qonunchilik maʼlumotlari milliy bazasi, 30.11.2021-y., 10/21/3338/1117-son)
 LexUZ sharhi
Qarang: Oʻzbekiston Respublikasi Maʼmuriy javobgarlik toʻgʻrisidagi kodeksining 1741-moddasi.
19. Mazkur Nizom talablariga rioya etilishi ustidan nazoratni vakolatli davlat organi amalga oshiradi.

(Oʻzbekiston Respublikasi qonun hujjatlari toʻplami, 2009-y., 6-son, 61-modda; 2010-y., 26-27-son, 223-modda; 2013-y., 51-son, 672-modda; 2015-y., 37-son, 496-modda; Qonun hujjatlari maʼlumotlari milliy bazasi, 20.03.2019-y., 10/19/1895-4/2797-son; Qonunchilik maʼlumotlari milliy bazasi, 30.11.2021-y., 10/21/3338/1117-son; 28.12.2024-y., 10/24/3595/1086-son)