Oʻzbekiston Respublikasi Vazirlar Mahkamasining
qarori
QORAQALPOGʻISTON RESPUBLIKASI VAZIRLAR KENGASHI, VILOYATLAR VA TOSHKENT SHAHAR HOKIMLIKLARI TOMONIDAN VAQTINCHA FOYDALANILMAYOTGAN YOTOQXONALAR, UYLAR VA KOʻP XONADONLI UYLARDAGI BOʻSH TURGAN XONALARNI YOSH OILALARGA BERISH TARTIBI TOʻGʻRISIDAGI NIZOMNI TASDIQLASH HAQIDA
Oʻzbekiston Respublikasi Prezidentining “Yosh oilalarni moddiy va maʼnaviy qoʻllab-quvvatlashga doir qoʻshimcha chora-tadbirlar toʻgʻrisida” 2007-yil 18-maydagi PF-3878-son Farmonini bajarish yuzasidan Vazirlar Mahkamasi qaror qiladi:
1. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan vaqtincha foydalanilmayotgan yotoqxonalar, uylar va koʻp xonadonli uylardagi boʻsh turgan xonalarni yosh oilalarga berish tartibi toʻgʻrisidagi Nizom ilovaga muvofiq tasdiqlansin.
2. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
yosh oilalarga berish uchun moʻljallangan uy-joylarning qatʼiy hisobini olib borsinlar hamda uy-joylarning belgilangan talablarga muvofiqligi, yosh oilalarning uy-joy berish toʻgʻrisidagi arizalari oʻz vaqtida va xolisona koʻrib chiqilishi ustidan nazoratni amalga oshirsinlar;
yosh oilalarga uy-joylar berishda qonun hujjatlari va koʻrsatib oʻtilgan Nizom talablariga qatʼiy rioya etilishini taʼminlasinlar.
Oldingi tahrirga qarang.
3. Oʻzbekiston Respublikasi Davlat aktivlarini boshqarish agentligi, vazirliklar, idoralar, davlat muassasalari va tashkilotlari foydalanilmayotgan yotoqxonalar, uy-joylar va koʻp xonadonli uylardagi boʻsh turgan xonalarning ular negizida oilaviy yotoqxonalar va yosh oilalar uchun kvartiralar tashkil etish maqsadida mahalliy ijro etuvchi hokimiyat organlariga foydalanish uchun berilishini yoki ularning balansiga oʻtkazilishini taʼminlasinlar.
(3-band Oʻzbekiston Respublikasi Vazirlar Mahkamasining 2025-yil 15-dekabrdagi 791-sonli qarori tahririda — Qonunchilik maʼlumotlari milliy bazasi, 16.12.2025-y., 09/25/791/1167-son)
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari N.M. Xanov zimmasiga yuklansin.
Oʻzbekiston Respublikasi Bosh vaziri Sh. MIRZIYOYEV
Toshkent sh.,
2007-yil 17-iyul,
144-son
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan vaqtincha foydalanilmayotgan yotoqxonalar, uylar va koʻp xonadonli uylardagi boʻsh turgan xonalarni yosh oilalarga berish tartibi toʻgʻrisida
NIZOM
I. Umumiy qoidalar
1. Ushbu Nizom Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan vaqtincha foydalanilmayotgan yotoqxonalarni, uy-joylarni hamda koʻp xonadonli uylardagi boʻsh turgan xonalarni yosh oilalarga berish tartibini belgilaydi.
Oldingi tahrirga qarang.
2. Ushbu Nizom maqsadlarida er-xotinning ikkisi ham oʻttiz yoshdan oshmagan oila yoxud farzand (bola) tarbiyalab voyaga yetkazayotgan oʻttiz yoshdan oshmagan yolgʻiz otadan yoki yolgʻiz onadan iborat boʻlgan oila, shu jumladan nikohdan ajralgan, beva erkak (beva ayol) yosh oila deb eʼtirof etiladi.
(2-band Oʻzbekiston Respublikasi Vazirlar Mahkamasining 2017-yil 14-fevraldagi 75-sonli qarori tahririda — OʻR QHT, 2017-y., 7-son, 94-modda)
3. Yosh oilalarga uy-joylar Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan vaqtincha foydalanilmayotgan va davlat mulki boʻlgan yotoqxonalardagi, uy-joylardagi hamda koʻp xonadonli uylardagi boʻsh turgan xonalardan beriladi.
Davlat mulki boʻlgan yotoqxonalar, agar ular belgilangan tartibda soʻnggi olti oy mobaynida egallanmagan boʻlsa yoxud tegishli asoslarsiz belgilangan maqsadda foydalanilmayotgan boʻlsa vaqtincha foydalanilmayotgan deb eʼtirof etiladi.
Davlat mulki boʻlgan, soʻnggi olti oy mobaynida egallanmagan uy-joylar (kvartiralar) vaqtincha foydalanilmayotgan uylar va koʻp xonadonli uylardagi boʻsh turgan xonalar deb eʼtirof etiladi, bunday uy-joylar belgilangan tartibda vaqtincha yoʻq boʻlgan fuqarolar tasarrufida qoldirilgan hollar bundan mustasno.
Oldingi tahrirga qarang.
4. Mahalliy ijro etuvchi hokimiyat tegishli organlari balansida boʻlgan va yosh oilalarga berish uchun moʻljallangan uy-joylar belgilangan maqsadli kommunal uy-joy fondiga kiritiladi va ular boʻyicha alohida hisob yuritiladi.
(4-band Oʻzbekiston Respublikasi Vazirlar Mahkamasining 2025-yil 15-dekabrdagi 791-sonli qarori tahririda — Qonunchilik maʼlumotlari milliy bazasi, 16.12.2025-y., 09/25/791/1167-son)
Oldingi tahrirga qarang.
5. Idoraviy uy-joy fondidagi foydalanilmayotgan uy-joylardan foydalanish tegishli davlat korxonalari, muassasalari, tashkilotlari va mahalliy ijro etuvchi hokimiyat organlari oʻrtasidagi shartnoma asosida amalga oshiriladi. Bunda uy-joylar, keyinchalik ularni yosh oilalarga berish uchun belgilangan maqsadli kommunal uy-joy fondiga kiritgan holda mahalliy ijro etuvchi hokimiyat organlari balansiga belgilangan tartibda berilishi mumkin.
(5-band Oʻzbekiston Respublikasi Vazirlar Mahkamasining 2025-yil 15-dekabrdagi 791-sonli qarori tahririda — Qonunchilik maʼlumotlari milliy bazasi, 16.12.2025-y., 09/25/791/1167-son)
6. Ushbu Nizomga muvofiq beriladigan uy-joylar xususiylashtirilmaydi. Yosh oilaga belgilangan maqsadli kommunal uy-joy fondidan uy-joy olish huquqi bir marta beriladi.
II. Uy-joyga muhtoj boʻlgan yosh oilalarni hisobga olish
7. Ushbu Nizomga muvofiq uy-joy olish huquqiga uy-joy sharoitlarini yaxshilashga muhtoj boʻlgan va uy-joy olish uchun hisobda turgan yosh oilalar egadir.
8. Er-xotinning ikkalasi ham uy-joy mulkdorlari boʻlmagan:
oilaning bir nafar aʼzosi hisobiga yetti kvadrat metrdan kam umumiy uy-joy maydoni bilan taʼminlangan;
uy-joylar uchun belgilangan talablarga javob bermaydigan xonada yashayotgan;
qarindoshlik munosabatlari boʻlmagan ikki va undan koʻp oilalar bilan bitta kvartirada yashayotgan;
oilasi tarkibida surunkali kasallikning ogʻir shakliga chalingan va alohida kvartirada yashashga muhtoj boʻlgan bemor mavjud boʻlgan yosh oilalar uy-joy olish uchun hisobga qoʻyiladi. Tegishli kasalliklar roʻyxati Oʻzbekiston Respublikasi Sogʻliqni saqlash vazirligi tomonidan tasdiqlanadi.
9. Agar yosh oila ushbu Nizomning 8-bandida koʻrsatilgan bir nechta asoslar boʻyicha hisobda turish huquqiga ega boʻlsa, bunday oilalar oʻz xohishiga koʻra ushbu asoslardan biri boʻyicha yoki asoslarning hammasi boʻyicha hisobga qoʻyilishi mumkin.
10. Er-xotin uy-joy sharoitlarining yomonlashishiga olib kelgan, buning natijasida yosh oila uy-joyga muhtoj deb eʼtirof etilishi mumkin boʻlgan xatti-harakatlarni sodir etgan taqdirda bunday yosh oila uy-joy sharoitlarining yomonlashishiga olib kelgan koʻrsatib oʻtilgan xatti-harakatlar sodir etilgan kundan boshlab besh yildan erta boʻlmagan vaqtdan keyin uy-joyga muhtoj sifatida hisobga qoʻyiladi.
11. Yosh oilalarni uy-joyga muhtoj sifatida hisobga qoʻyish tuman, shahar hokimligi (keyingi oʻrinlarda hokimlik deb ataladi) tomonidan, yashash joyidagi koʻrsatilgan organga er-xotindan birining bergan arizasi asosida amalga oshiriladi.
Hisobga qoʻyish toʻgʻrisida ariza bergan fuqaroga ariza olingan sana koʻrsatilgan holdagi tilxat beriladi.
12. Arizalar Uy-joyga muhtoj boʻlgan yosh oilalarning arizalarini roʻyxatga olish daftarida roʻyxatdan oʻtkaziladi.
13. Tegishli hokimliklar tomonidan qabul qilingan arizalar Uy-joy maydonini hisobga olish va taqsimlash komissiyasi (keyingi oʻrinlarda Komissiya deb ataladi) tomonidan oldindan koʻrib chiqiladi, Komissiya yosh oilaning uy-joy sharoitlarini va tegishli hujjatlarni oʻrganib chiqqandan keyin fuqarolarning oʻzini oʻzi boshqarish organlari bilan birgalikda tekshirish dalolatnomasi tuzadi. Tekshirish dalolatnomasiga va boshqa hujjatlarga muvofiq Komissiya hisobga qoʻyish yoki hisobga qoʻyishni rad etish toʻgʻrisida xulosa tuzadi, u hokimning qarori bilan tasdiqlanadi.
14. Hisobga qoʻyish yoki hisobga qoʻyishni rad etish toʻgʻrisidagi qaror ariza berilgan kundan boshlab oʻttiz ish kunidan kechikmay hokimlik tomonidan qabul qilinadi.
15. Hokimlik tegishli qaror qabul qilingan kundan boshlab uch ish kunidan kechikmay hisobga qoʻyish yoki hisobga qoʻyishni rad etish toʻgʻrisidagi bildirishnomani ariza bergan fuqaroga beradi yoki joʻnatadi.
16. Yosh oilani uy-joyga muhtoj sifatida hisobga qoʻyishni rad etishga, agar:
hisobga qoʻyish uchun ushbu Nizomning 8-bandida nazarda tutilgan asoslar mavjud boʻlmasa;
ushbu Nizomning 10-bandida koʻrsatilgan hollarda yoʻl qoʻyiladi.
17. Yosh oilalar quyidagi hollarda:
ular tomonidan hisobga qoʻyish joyi boʻyicha hisobdan chiqarish toʻgʻrisida ariza berilganda;
ular tomonidan ushbu Nizomga muvofiq ularga uy-joy olish huquqini beruvchi asoslar yoʻqotilganda;
ular boshqa aholi punktidagi yashash joyiga joʻnab ketganda;
ular uy-joy sotib olish yoki qurish uchun belgilangan tartibda kreditlar yoxud boshqa mablagʻlar olishganda;
ularga uy-joy qurish uchun belgilangan tartibda yer uchastkasi berilganda;
hujjatlarda haqiqiy boʻlmagan va hisobga qoʻyish uchun asos boʻlgan maʼlumotlar, shuningdek hokimlikning mansabdor shaxslari tomonidan hisobga qoʻyish toʻgʻrisidagi masalani hal qilishda noqonuniy xatti-harakatlar sodir etilgani aniqlanganda uy-joyga muhtoj sifatidagi hisobdan chiqariladi.
Yosh oilalarni uy-joyga muhtoj sifatidagi hisobdan chiqarish toʻgʻrisidagi qaror bunday qarorlarni qabul qilish uchun asos boʻlgan holatlar aniqlangan kundan boshlab oʻttiz ish kunidan kechikmay tegishli hokim tomonidan qabul qilinadi. Yosh oilalarni uy-joyga muhtoj sifatidagi hisobdan chiqarish toʻgʻrisidagi qarorlarda ushbu bandda nazarda tutilgan holatlar albatta koʻrsatilgan holda bunday hisobdan chiqarish asoslari mavjud boʻlishi kerak. Yosh oilalarni uy-joyga muhtoj sifatidagi hisobdan chiqarish toʻgʻrisidagi qarorlar oʻziga nisbatan bunday qaror qabul qilingan yosh oilaga mazkur qaror qabul qilingan kundan boshlab uch ish kunidan kechikmay beriladi yoki joʻnatiladi va uning yuzasidan sud tartibida shikoyat qilinishi mumkin.
III. Uy-joylarni berish
18. Uy-joyga muhtoj sifatida hisobda turgan yosh oilalarga uy-joylar navbat boʻyicha, bunday oilalar hisobga olingan sanadan kelib chiqqan holda va tegishli uy-joy maydoni mavjudligiga qarab beriladi.
Uy-joylarni berish navbatini aniqlashda hisobga qoʻyilgan sana, shart-sharoitlar bir xil boʻlgan taqdirda esa — uy-joylar bilan taʼminlanganlik darajasi asosiy shart hisoblanadi.
19. Quyidagilarga:
uy-joylari yashash uchun belgilangan tartibda yaroqsiz deb eʼtirof etilgan, shuningdek ularni taʼmirlash yoki rekonstruksiya qilish mumkin boʻlmagan;
er-xotinning ikkalasi ham yetim boʻlgan;
er-xotindan bittasi Oʻzbekiston Respublikasi Qurolli Kuchlarida xizmatni tugatgan yoki ozodlikdan mahrum etish tarzidagi jazoni oʻtash muassasalaridan qaytib kelgan;
ushbu Nizomning 8-bandiga muvofiq surunkali kasalliklarning ogʻir shakllariga chalingan bemorlar bilan birga yashaydigan yosh oilalarga uy-joylar navbatdan tashqari beriladi.
20. Uy-joyga muhtoj sifatida hisobda turgan yosh oilalarga uy-joylar hokimning qarorlari asosida beriladi.
Komissiya tomonidan qaror qabul qilingungacha yosh oilaning uy-joy sharoitlari qaytadan oʻrganiladi va fuqarolarning oʻzini oʻzi boshqarish organlari bilan birgalikda tekshirish dalolatnomasi tuziladi. Tekshirish dalolatnomasiga va boshqa maʼlumotlarga muvofiq Komissiya uy-joy berish toʻgʻrisida xulosa tuzadi va uni hokimga koʻrib chiqish uchun kiritadi.
Uy-joy berish toʻgʻrisidagi qaror oʻziga nisbatan ushbu qaror qabul qilingan yosh oilaga qaror qabul qilingan kundan boshlab uch ish kunidan kechikmay beriladi yoki joʻnatiladi.
21. Koʻp xonadonli uydagi uy-joylar Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan belgilanadigan uy-joy maydonining ijtimoiy normasi doirasida, Oʻzbekiston Respublikasining Uy-joy kodeksiga muvofiq beriladi.
Oilaviy yotoqxonalardagi uy-joylar bir kishi hisobiga kamida yetti kvadrat metrdan kam boʻlmagan hajmda beriladi. Bunda bitta oilaga bitta alohida izolyatsiya qilingan xona yoxud, yotoqxonaning tuzilishiga muvofiq, umumiy kirish yoʻlagi bilan birlashtirilgan bir nechta xona beriladi.
Beriladigan uy-joy hajmini belgilashda yosh oila bilan birga doimiy yashaydigan er-xotinning mehnatga layoqatsiz va (yoki) muomalaga layoqatsiz ota-onalari hamda qaramogʻidagi boshqa shaxslar, agar mazkur fuqarolar uy-joyning ijarachilari, uy-joy ijarachisining oila aʼzolari, uy-joyning mulkdorlari yoki uy-joy mulkdorining oila aʼzolari boʻlmasa va ularning yosh oila bilan alohida yashashi uchun asos mavjud boʻlmasa, hisobga olinadi.
22. Uy-joy berish toʻgʻrisidagi qaror asosida hokimlik yosh oilaga belgilangan namunadagi order beradi, u berilgan uy-joyga koʻchib kirish uchun asos hisoblanadi.
23. Order hokimning qaroriga muvofiq, uy-joy maydonini hisobga olish va taqsimlash boʻlimi yoki tegishli hokim tomonidan tayinlanadigan maxsus vakolatli mansabdor shaxs tomonidan beriladi.
Yosh oilaga order faqat amalda boʻsh turgan uy-joy uchun beriladi.
24. Orderni yosh oilaning qarindoshlariga yoki boshqa uchinchi shaxslarga berishga yoʻl qoʻyilmaydi.
25. Uy-joyga koʻchib kirilgandan va roʻyxatdan oʻtkazilgandan keyin order yosh oilada saqlanadi.
26. Orderni olish vaqtida nikohdan oʻtganlik toʻgʻrisidagi guvohnoma, pasport (tugʻilganlik toʻgʻrisidagi guvohnoma), shuningdek orderga kiritiladigan oila aʼzolarining hammasi uchun ushbu hujjatlar oʻrnini bosadigan boshqa hujjatlar koʻrsatilishi kerak.
27. Yosh oila uchun uy-joyga order berish, agar yosh oilaning tarkibi toʻgʻrisidagi maʼlumotlar (yosh oilaning haqiqiy tarkibi) uy-joy berish toʻgʻrisidagi qarorda koʻrsatilgan maʼlumotlarga muvofiq boʻlmasa, hokimning qarori bilan toʻxtatilishi mumkin.
28. Yosh oilalar uchun uy-joyni va uy-joy uchun berilayotgan orderlarni roʻyxatdan oʻtkazish tegishli hokimliklarda amalga oshiriladi.
29. Yosh oila uchun uy-joyga berilgan order sud tartibida haqiqiy emas deb hisoblanishi mumkin.
IV. Uy-joyni ijaraga berish shartnomasi
30. Hokimlik yoxud uning tomonidan vakil qilingan boshqaruvchi tashkilot va uy-joy berilgan yosh oila oʻrtasidagi yosh oila uchun uy-joyni saqlash va undan foydalanish bilan bogʻliq boʻlgan oʻzaro munosabatlar uy-joy qonunchiligi hamda ushbu Nizomga ilovaga muvofiq shakl boʻyicha namunaviy ijara shartnomasi asosida tuziladigan shartnoma bilan tartibga solinadi.
31. Uy-joyni ijaraga berish shartnomasi hokimlik yoxud uning tomonidan vakil qilingan boshqaruvchi tashkilot va yosh oilaning nomiga order berilgan aʼzolaridan biri oʻrtasida yozma shaklda 5 yil muddatga tuziladi.
32. Yosh oila uchun uy-joyni ijaraga berish shartnomasi muddati shartnoma imzolangan kundan boshlab hisoblanadi va ushbu Nizomning 31-bandida koʻrsatilgan muddatda tugaydi.
Uy-joyni (oilaviy yotoqxonalardagi xonalar bundan mustasno) ijaraga berish shartnomasi yangi muddatga tuzilishi mumkin.
Ijara shartnomasini yangi muddatga tuzish zarur boʻlgan taqdirda yosh oila Komissiyaga ariza beradi, Komissiya arizani koʻrib chiqqandan keyin fuqarolarning oʻzini oʻzi boshqarish organi bilan birgalikda tegishli hokimga yosh oila uchun uy-joyni ijaraga berish shartnomasi qayta tuzilishi mumkin boʻlgan muddat toʻgʻrisida taklif kiritadi.
Hokimning qarori asosida yosh oila uchun uy-joyni ijaraga berish shartnomasi belgilangan tartibda qayta tuziladi.
Oldingi tahrirga qarang.
33. Ijara shartnomasini bekor qilish qonunchilikda belgilangan tartibda amalga oshiriladi.
(33-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
LexUZ sharhiQarang: Oʻzbekiston Respublikasining “Ijara toʻgʻrisida”gi Qonuni, Oʻzbekiston Respublikasi Fuqarolik kodeksining 28 bobi (“Shartnomani oʻzgartirish va bekor qilish”).
Oldingi tahrirga qarang.
34. Tomonlarning uy-joyni ijaraga berish shartnomasi boʻyicha majburiyatlarni bajarmaganligi yoki zarur darajada bajarmaganligi uchun javobgarligi qonunchilik talablariga rioya qilingan holda tomonlarning bitimi bilan belgilanadi.
(34-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
V. Yakuniy qoidalar
35. Qonunda nazarda tutilgan hollarda ijaraga oluvchilarda va uning oila aʼzolarida uy-joy, shuningdek ijara shartnomasi amal qiladigan muddatda belgilangan tartibda qoʻriqlash guvohnomasi (bron) olish huquqi saqlanib qoladi.
36. Yosh oilaga ushbu Nizomga muvofiq ijaraga berilgan uy-joy uchun toʻlov undirilmaydi. Bunda yosh oila belgilangan tartibda quyidagilar uchun:
umumiy mulkni saqlash, unga xizmat koʻrsatish va uni taʼmirlash boʻyicha umumiy xarajatlar uchun — xususiy uy-joy mulkdorlari shirkatiga yoki boshqa boshqaruvchi tashkilotga;
kommunal xizmatlar uchun — kommunal xizmatlar koʻrsatuvchilarga toʻlovni amalga oshiradi.
37. Yosh oila egallab turgan uy-joyini faqat aynan oʻsha uy-joy fondiga qarashli uy-joyda yashaydigan yosh oila bilan almashtirishi mumkin.
38. Belgilangan normadan ortiq uy-joy maydoniga ega boʻlgan yosh oila uy-joyni bergan hokimlikka oʻzi egallab turgan uy-joyni kichik hajmdagi uy-joyga almashtirish toʻgʻrisidagi iltimos bilan murojaat qilishga haqlidir.
39. Yosh oilalar uchun uy-joy berish va undan foydalanish bilan bogʻliq nizolar qonunda belgilangan tartibda hal etiladi.
Qoraqalpogʻiston Respublikasi Vazirlar Kengashi, viloyatlar
va Toshkent shahar hokimliklari tomonidan vaqtincha
foydalanilmayotgan yotoqxonalar, uylar va koʻp xonadonli
uylardagi boʻsh turgan xonalarni yosh oilalarga berish tartibi
toʻgʻrisidagi Nizomga
ILOVA
va Toshkent shahar hokimliklari tomonidan vaqtincha
foydalanilmayotgan yotoqxonalar, uylar va koʻp xonadonli
uylardagi boʻsh turgan xonalarni yosh oilalarga berish tartibi
toʻgʻrisidagi Nizomga
ILOVA
Vaqtincha foydalanilmayotgan yotoqxonalar, uylar va koʻp xonadonli uylardagi boʻsh turgan xonalar negizida barpo etilgan
uy-joyning yosh oila tomonidan ijaraga olinishi
uy-joyning yosh oila tomonidan ijaraga olinishi
NAMUNAVIY SHARTNOMASI
| 200___y. “___”_________ | №___ | _____________________ |
| | |
(aholi punktining nomi) |
| __________________________________________________________________ | ||
|
(mahalliy davlat hokimiyati organining yoki uning tomonidan vakolat berilgan | ||
| __________________________________________________________ nomidan, | ||
|
boshqaruvchi tashkilotning nomi) | ||
|
___________________________________asosida ish koʻruvchi, keyingi oʻrinlarda “Ijaraga beruvchi” deb yuritiladigan va keyingi oʻrinlarda “Ijaraga oluvchi” deb yuritiladigan fuqaro __________________________________________ | ||
| ______________________________________________________________ning | ||
|
(mahalliy davlat hokimiyati organining nomi) | ||
|
200__y. “__”_________ dagi ______-son qaroriga muvofiq berilgan ____________seriyali ___________ raqamli order asosida mazkur shartnomani quyidagilar toʻgʻrisida tuzdik: | ||
I. Shartnoma predmeti
|
1. Ijaraga beruvchi Ijaraga oluvchiga va uning oila aʼzolariga _______________________________________________ manzildagi umumiy maydoni __________kv. m, _______ xonadan iborat uy-joyni mazkur shartnomaning ajralmas qismi hisoblangan Kvartirani ijaraga berish dalolatnomasi (mazkur shartnomaga ilova) boʻyicha ijaraga beradi. |
II. Oila aʼzolari
2. Mazkur Shartnomaga muvofiq berilgan uy-joyda ijaraga oluvchi bilan birga quyidagilar doimiy yashaydilar:
| ___________________________________________________________________ |
| (F.I.O., qarindoshlik darajasi) |
| ___________________________________________________________________ |
| (F.I.O., qarindoshlik darajasi) |
| ___________________________________________________________________ |
| (F.I.O., qarindoshlik darajasi) |
| ___________________________________________________________________ |
| (F.I.O., qarindoshlik darajasi) |
III. Tomonlarning majburiyatlari
3. Ijaraga beruvchi quyidagilarga majbur:
uy-joyni Ijaraga oluvchiga texnik soz, yashash uchun yaroqli holatda taqdim etish;
uy-joyni va yotoqxonani, shuningdek uy-joyning texnik qurilmalarini uy-joylardan foydalanish qoidalari talablariga muvofiq but saqlash;
kommunal xizmatlar va boshqa xizmatlar uzluksiz koʻrsatilishini taʼminlash;
uy-joy va uyning texnik qurilmalari, muhandislik asbob-uskunalarida paydo boʻladigan nosozliklarni oʻz vaqtida bartaraf etish;
Oldingi tahrirga qarang.
uy-joylar va umumiy foydalaniladigan joylarni qonunchilikda belgilangan tartibda mukammal taʼmirlash.
(3-bandning oltinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
4. Ijaraga oluvchi quyidagilarga majbur:
berilgan uy-joydan uning belgilangan maqsadida va shartnoma shartlariga muvofiq foydalanish;
uy-joy, yordamchi xonalar va asbob-uskunalardan, uy atrofidagi hududdan, shuningdek umumiy foydalaniladigan joylardan boshqa fuqarolar va yuridik shaxslarning uy-joy huquqlariga, boshqa huquqlariga zarar yetkazmasdan vazifasiga koʻra foydalanish, tashqi obodonlashtirish obyektlarini ehtiyot qilish;
uy-joylardan foydalanish qoidalariga rioya qilish;
uy-joylarni yaxshi saqlash va ularning zarur holatda boʻlishini taʼminlash;
uy-joyning aniqlangan nosoz elementlari toʻgʻrisida Ijaraga beruvchiga oʻz vaqtida maʼlum qilish;
avariya vaziyatlari paydo boʻlganda oʻzi egallab turgan uy-joyga avariyalarni bartaraf etish uchun tegishli taʼmirlash-foydalanish tashkilotlarining vakillari kirishini taʼminlash;
Oldingi tahrirga qarang.
qonunchilikda nazarda tutilgan sanitariya-gigiyena, ekologik, arxitektura-shaharsozlik, yongʻinga qarshi va foydalanish talablarini bajarish;
(4-bandning sakkizinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
kommunal xizmatlar hamda uy va umumiy foydalaniladigan mol-mulk taʼminoti uchun toʻlovni oʻtgan oydan keyingi oyning 10-kunidan kechikmay toʻlash;
ijara shartnomasi muddati tamom boʻlgandan keyin egallab turgan uy-joyni boʻshatib qoʻyish va uni zarur texnik holatda topshirish;
nikoh bekor qilingan taqdirda sud (FHDY) qarori qabul qilingandan soʻng 10 kun mobaynida bundan xabardor qilish.
IV. Tomonlarning huquqlari
5. Ijaraga beruvchi quyidagi huquqlarga ega:
Ijaraga oluvchidan uy-joydan foydalanish qoidalariga rioya etishni talab qilish;
Ijaraga oluvchidan kommunal xizmatlar hamda uy va umumiy foydalaniladigan mol-mulk taʼminoti uchun toʻlovlar mazkur shartnomaning 4-bandi toʻqqizinchi xatboshida nazarda tutilgan muddatlarda toʻlanishini talab qilish;
uy-joy va yordamchi xonalarning konstruksiyalari va texnik qurilmalari holatini koʻzdan kechirish;
Ijaraga oluvchi va u bilan birga yashaydigan shaxslar uy-joyni buzsa yoki undan boshqa maqsadlarda foydalansa, yoxud yashash qoidalarini muntazam ravishda buzgan holda boshqa shaxslarning oʻzlari bilan bitta kvartirada yoki bitta uyda birga yashashini mumkin boʻlmaydigan holatga keltirsa va bunda ogohlantirish va jamoatchilik taʼsiri koʻrsatish choralari natijasiz tugasa, ularni boshqa uy-joy bermasdan sud tartibida koʻchirib yuborish;
agar ota-onalik huquqlaridan mahrum boʻlgan shaxslarning ularga nisbatan ota-onalik huquqlaridan mahrum etilgan bolalar bilan birga yashashi mumkin emasligi eʼtirof etilgan boʻlsa, bunday shaxslarni boshqa uy-joy bermasdan sud tartibida koʻchirib yuborish.
6. Ijara oluvchi quyidagi huquqlarga ega:
Ijaraga beruvchining roziligi bilan oila aʼzolarini koʻchirib keltirish. Yosh oilalarga moʻljallangan uylarda ijaraga oluvchi bilan doimiy ravishda birga yashaydigan er-xotin va ularning bolalari uy-joyni ijaraga olganning oila aʼzolari deb hisoblanadi. Er-xotinning ota-onalari, agar ular ilgari bu huquqni qoʻlga kiritmagan boʻlsa, faqat oʻzaro rozilik boʻyicha Ijaraga beruvchining oila aʼzolari deb eʼtirof etilishi mumkin. Agar bu, uy-joyda yashayotgan yosh oilalar uchun uy-joy sharoitlarini yaxshilashga ehtiyoj sezuvchi fuqarolar, shuningdek uy-joyning ijtimoiy normasidan kam boʻlmagan hajmda oʻz turar joyiga ega boʻlish huquqiga ega boʻlgan shaxslar sifatida eʼtirof etilishiga olib kelsa, shartnomaga boshqa fuqarolarning kiritilishiga yoʻl qoʻyilmaydi;
vaqtincha boʻlmagan vaqtida qonunda nazarda tutilgan tartibda uy-joyga boʻlgan huquqni oʻzida saqlab qolish yoki qonunda nazarda tutilgan hollarda mahalliy davlat hokimiyati organlarida muhofaza guvohnomasi (bron) olgan holda uy-joyni bron qilish;
zaruriyat boʻlganda kvartiraning, uyning konstruksiyalari va texnik qurilmalari rejadan tashqari tekshirilishini, aniqlangan qoidani buzilishlar bartaraf qilinishini talab qilish;
Ijaraga beruvchining majburiyatlariga kiradigan kvartira elementlarini taʼmirlash kechiktirilmasligi zarur boʻlganda, bu haqda Ijaraga beruvchini yozma ravishda xabardor qilgandan keyin uni amalga oshirish va ushbu ishlar qiymatini Ijaraga beruvchidan undirib olish;
ushbu shartnoma boʻyicha majburiyatlar Ijaraga beruvchi tomonidan bajarilmagan taqdirda umumiy mulkni saqlash, unga xizmat koʻrsatish va uni taʼmirlash boʻyicha toʻlovlar qayta hisob-kitob qilinishini talab qilish;
egallab turgan uy-joyni yosh oilalarga moʻljallangan uylardagi faqat ana shunday uy-joyga belgilangan tartibda almashtirish.
V. Tomonlarning javobgarligi
Oldingi tahrirga qarang.
7. Ijaraga beruvchi mazkur shartnoma boʻyicha oʻz majburiyatlari bajarilmaganligi yoki zarur tarzda bajarilmaganligi natijasida yetkazilgan zararni qonunchilikda belgilangan tartibda Ijaraga oluvchiga toʻlaydi.
(7-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
8. Ijaraga oluvchi mazkur shartnoma boʻyicha oʻz majburiyatlari bajarilmaganligi yoki zarur tarzda bajarilmaganligi natijasida yetkazilgan ziyonni qonunchilikda belgilangan tartibda Ijaraga beruvchiga toʻlaydi.
(8-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
LexUZ sharhiQarang: Oʻzbekiston Respublikasi Fuqarolik kodeksining 24 bobi (“Majburiyatlarni buzganlik uchun javobgarlik”).
VI. Alohida shartlar
9. Mazkur shartnoma boʻyicha ijaraga berilgan uy-joy xususiylashtirilmaydi.
10. Mazkur shartnoma muddati tamom boʻlgandan keyin Ijaraga beruvchi yangi muddatga uy-joy ijarasi shartnomasi tuzish toʻgʻrisida murojaat qilish huquqiga ega boʻladi (oilaviy yotoqxonalardagi uy-joylar bundan mustasno).
11. Ijaraga oluvchi oilaning voyaga yetgan aʼzolari va u bilan doimiy ravishda birga yashaydigan fuqarolar roziligi bilan uch oy oldin Ijaraga beruvchini yozma ravishda ogohlantirib mazkur shartnomani istalgan vaqtda bekor qilishga haqlidir.
VIII. Shartnoma muddati, uni oʻzgartirish va bekor qilish tartibi
12. Mazkur shartnoma besh yil muddatga tuzilgan va 200__ y. “___”_________gacha amal qiladi.
13. Ijaraga oluvchining voyaga yetgan oila aʼzolari va u bilan doimiy ravishda birga yashaydigan fuqarolar Ijaraga beruvchini xabardor qilib Ijaraga oluvchi bilan uy-joyda doimiy ravishda birga yashaydigan barcha fuqarolar Ijaraga beruvchi oldida Ijaraga oluvchi bilan birgalikda javob berishi va birgalikda ijaraga oluvchilar hisoblanishi toʻgʻrisida Ijaraga oluvchi bilan shartnoma tuzishlari mumkin.
14. Mazkur shartnoma tomonlarning oʻzaro roziligi bilan bekor qilinishi mumkin va Ijaraga oluvchi uy-joydan chiqib ketgan kun shartnoma bekor qilingan kun hisoblanadi.
Oldingi tahrirga qarang.
15. Mazkur shartnoma qonunchilikda nazarda tutilgan hollarda tomonlardan istalganining talabi bilan sud tartibida bekor qilinishi mumkin.
(15-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
IX. Yakunlovchi qoidalar
16. Mazkur shartnomani bajarish paytida tomonlar oʻrtasida paydo boʻlgan nizolar qonunda belgilangan tartibda hal etiladi.
Oldingi tahrirga qarang.
17. Mazkur shartnomada nazarda tutilmagan hollarda tomonlar Oʻzbekiston Respublikasi qonunchiligiga amal qiladi.
(17-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
18. Mazkur shartnoma ikki nusxada tuzildi hamda Ijaraga beruvchida va Ijaraga oluvchida saqlanadi.
X. Tomonlarning imzolari va rekvizitlari
| Ijaraga beruvchi | Ijaraga oluvchi |
|
________________________________ |
________________________________ |
| ________________________________ | ________________________________ |
| (nomi va yuridik manzili) | (F.I.O. va manzil) |
| ________________________________ ________________________________ ________________________________ |
________________________________ ________________________________ ________________________________ |
| (bank hisob raqami, bank muassasasi nomi) | |
| ________________________________ ________________________________ ________________________________ |
________________________________ ________________________________ ________________________________ |
| (mansabdor (vakolatli) shaxsning F.I.O. va imzo) | (imzo) |
| ________________________________ | ________________________________ |
|
|
Vaqtincha foydalanilmayotgan yotoqxonalar, uylar va koʻp xonadonli uylardagi boʻsh turgan xonalar negizida barpo etilgan uy-joyning yosh oila tomonidan ijaraga olinishi namunaviy shartnomasiga
ILOVA
ILOVA
Kvartirani Ijaraga oluvchiga topshirish
DALOLATNOMASI
|
200___y. “___”__________ |
|
_________________________ |
| | |
(aholi punktining nomi) |
| Bizkim, __________________________________________________________ | ||
|
(mahalliy davlat hokimiyati organining yoki uning tomonidan vakolat berilgan | ||
| __________________________________________________________________ | ||
|
boshqaruvchi tashkilotning nomi) | ||
| nomidan, Ijaraga beruvchining topshirigʻi boʻyicha ish koʻruvchi Ijaraga beruvchining vakili ________________________________________________ | ||
| | (lavozimi, familiyasi, ismi, otasining ismi) | |
| va ___________________________________________________________ ning | ||
|
(mahalliy davlat hokimiyati organining nomi) | ||
|
200__y. “__”_________ dagi _______-son qaroriga muvofiq berilgan ________________ seriyali ___________ raqamli order asosida ish koʻradigan fuqaro ___________________________________________________ | ||
|
(familiyasi, ismi, otasining ismi) | ||
|
tomonidan ____________ manzilidagi ______ qavatdagi _____ ______ -kvartirani ________________________________________________________ | ||
|
(yotoqxonadagi uy-joy, kvartira ekanligi koʻrsatilishi zarur) | ||
|
Ijaraga beruvchining vakili topshirganligi, Ijaraga oluvchi esa qabul qilganligi toʻgʻrisida mazkur dalolatnoma tuzildi. | ||
|
Kvartira (uy-joy) _____ xonadan iborat, umumiy maydoni ____ kv. m, shu jumladan: | ||
| oshxona | ___________________ kv. m; | |
| yuvinish xonasi | ___________________ kv. m; | |
| hojatxona | ___________________ kv. m; | |
| (birgalikdagi) yoʻlak (xoll) | ___________________ kv. m; | |
| devorga oʻrnatilgan javonlar (buyum saqlanadigan joylar) | ___________________ kv. m; | |
| boloxona ayvoni | ___________________ kv. m; | |
| ayvon | ___________________ kv. m; | |
| peshayvon | ___________________ kv. m; | |
| turar joy maydoni | ___________________ kv. m; | |
|
Kvartira suv taʼminoti (sovuq, issiq suv), kanalizatsiya, isitish (markaziy, mahalliy), elektr nuri bilan yoritish, radiotranslyatsiya tarmogʻi bilan jihozlangan, telefon oʻrnatilgan (mavjud emaslarining ustidan chizilsin). | ||
| Kvartiraning yordamchi xonalarida ____________________________________ ______________________________________________ jihozlari oʻrnatilgan. | ||
| Xonalarning texnik holati __________________________________________ | ||
| |
(xonalarning texnik holati aks ettiriladi) | |
| | | |
| Ijaraga beruvchining vakili | | Ijaraga oluvchi |
| (F.I.O., muhr bilan tasdiqlangan imzo) | | (F.I.O., imzo) |
(Oʻzbekiston Respublikasi qonun hujjatlari toʻplami, 2007-y., 29-30-son, 304-modda; 2017-y., 7-son, 94-modda; Qonun hujjatlari maʼlumotlari milliy bazasi, 15.04.2020-y., 09/20/217/0426-son; Qonunchilik maʼlumotlari milliy bazasi, 05.04.2022-y., 09/22/153/0266-son; 16.12.2025-y., 09/25/791/1167-son)
