O‘zbekiston Respublikasi Prezidentining 2005-yil 20-iyundagi PF-3620-sonli “Mikrofirmalar va kichik korxonalarni rivojlantirishni rag‘batlantirish borasidagi qo‘shimcha chora-tadbirlar to‘g‘risida”gi Farmoni (O‘zbekiston Respublikasi qonun hujjatlari to‘plami, 2005-yil, 25-26-son, 177-modda), O‘zbekiston Respublikasi Prezidentining 2005-yil 15-iyundagi PQ-100-sonli “Tadbirkorlik subyektlari tomonidan taqdim etiladigan hisobot tizimini takomillashtirish va uni noqonuniy talab etganlik uchun javobgarlikni kuchaytirish to‘g‘risida”gi qarori (O‘zbekiston Respublikasi qonun hujjatlari to‘plami, 2005-yil, 23-24-son, 168-modda), O‘zbekiston Respublikasi Prezidentining 2006-yil 25-oktabrdagi PQ-499-sonli “Umumiy foydalaniladigan avtomobil yo‘llarini loyihalashtirish, qurish va rekonstruksiya qilish tartibini takomillashtirish chora-tadbirlari to‘g‘risida”gi qarorlariga (O‘zbekiston Respublikasi qonun hujjatlari to‘plami, 2006-yil, 43-44-son, 427-modda) muvofiq O‘zbekiston Respublikasi Moliya vazirligi va Davlat soliq qo‘mitasi qaror qiladi:

1. Mikrofirma va kichik korxonalardan tashqari, xo‘jalik subyektlari uchun O‘zbekiston Respublikasi Moliya vazirligi huzuridagi Respublika yo‘l jamg‘armasiga majburiy ajratmalarning hisob-kitob shakli 1-ilovaga muvofiq;

Mikrofirma va kichik korxonalar uchun O‘zbekiston Respublikasi Moliya vazirligi huzuridagi Respublika yo‘l jamg‘armasiga majburiy ajratmalarning hisob-kitob shakli 2-ilovaga muvofiq;

O‘zbekiston Respublikasi Moliya vazirligi huzuridagi Respublika yo‘l jamg‘armasiga majburiy ajratmalarning hisob-kitob shaklini to‘ldirish va taqdim etish qoidalari 3-ilovaga muvofiq tasdiqlansin.

2. Mazkur qaror kuchga kirgan kundan boshlab, O‘zbekiston Respublikasi Moliya vazirligi va Davlat soliq qo‘mitasining 2004-yil 20-yanvardagi 19 va 2004-14-sonli “O‘zbekiston Respublikasi Moliya vazirligi huzuridagi Respublika yo‘l jamg‘armasiga majburiy ajratmalar bo‘yicha hisob-kitob shakli va uni to‘ldirish va taqdim etish bo‘yicha qoidalarini tasdiqlash to‘g‘risida”gi qarori (2004-yil 6-fevral, ro‘yxat raqami 1308 — O‘zbekiston Respublikasi qonun hujjatlari to‘plami, 2004-yil, 5-son, 63-modda) o‘z kuchini yo‘qotgan deb hisoblansin.

3. Mazkur qaror O‘zbekiston Respublikasi Adliya vazirligida davlat ro‘yxatidan o‘tkazilgan kundan o‘n kun o‘tgandan so‘ng kuchga kiradi.

1. Hisob-kitoblar shakllarining manzil qismida korxona nomi, manzili va STIRi, asosiy faoliyat turi va xizmat ko‘rsatuvchi bankning rekvizitlari ko‘rsatiladi. Hisob-kitob shaklining nomida hisob-kitob taqdim etiladigan faoliyat turi ko‘rsatiladi. Bunda faoliyatining har bir turi bo‘yicha alohida hisob yuritish tartibi belgilangan to‘lovchilar alohida hisob-kitob taqdim etadilar.

2. Hisob-kitoblarning shakllari rahbar va bosh buxgalter yoki rahbar tomonidan zimmasiga buxgalteriya hisobini yuritish hamda moliyaviy boshqaruv vazifalari yuklangan boshqa shaxs tomonidan imzolanadi va imzolar muhr bilan tasdiqlanadi.

3. To‘lovchilar o‘zlari ro‘yxatdan o‘tgan soliq organlariga majburiy ajratmalar bo‘yicha yil boshidan jami o‘sib boruvchi hisob-kitoblarni taqdim etadilar:

a) ushbu bandning “b” kichik bandida ko‘rsatilgan to‘lovchilardan tashqari to‘lovchilar hisobot oyidan keyingi har bir oyning 15-kunidan kechiktirmay o‘rnatilgan shakl asosida hisob-kitoblarni taqdim etadilar va shu oyning 20-kunigacha O‘zbekiston Respublikasi Moliya vazirligi huzuridagi Respublika yo‘l jamg‘armasiga (keyingi o‘rinlarda — Jamg‘arma ) tegishli to‘lovlarni amalga oshiradilar;

b) mikrofirma va kichik korxonalar har chorakda, hisobot choragidan keyingi oyning 25-kunidan kechiktirmay o‘rnatilgan shakl asosida hisob-kitoblarni taqdim etadilar va har oyning 20-kunigacha Jamg‘armaga tegishli to‘lovlarni amalga oshiradilar.

4. 001-satrda quyidagilar aks ettiriladi:

a) korxona va tashkilotlar (ushbu bandning “b”—“z” kichik bandlarida ko‘rsatilganlar bundan mustasno) mahsulot (ishlar, xizmatlar) sotishining hajmi, qo‘shilgan qiymat solig‘i (keyingi o‘rinlarda — QQS) va aksiz solig‘i chegirilgan holda;

b) vositachilik (topshiriq) shartnomalari bo‘yicha vositachilik xizmatlari ko‘rsatayotgan korxona va tashkilotlarning — QQS chegirilgan holda vositachilik haqi summasi;

v) ulgurji savdo korxonalari Uyushmasi tizimiga kiradigan respublika ixtisoslashtirilgan ulgurji baza — kontoralari va ularning hududiy (viloyat, viloyatlararo va tumanlararo) bazalarining yalpi daromadidan amaldagi stavkalar bo‘yicha;

g) tijorat banklari, kredit uyushmalari, mikrokredit tashkilotlari, sug‘urta tashkilotlari, videosalonlar (videoko‘rsatuv shoxobchalari), auksionlar, video va audiokassetalarni ko‘paytirish (nusxa olish), ijaraga berish, shuningdek ommaviy konsert-tomosha tadbirlarini o‘tkazishdan daromad oladigan korxonalarning daromadlari;

d) asosiy faoliyati mol-mulklarni lizingga berish bo‘lgan korxonalarning daromadlari (marja);

e) qurilish, qurilish-montaj, ta’mirlash-qurilish, ishga tushirish-sozlash, loyiha-qidiruv va ilmiy-tadqiqot tashkilotlari tomonidan o‘z kuchlari bilan, QQS chegirilgan holda bajarilgan ishlar hajmi;

j) kommunal xo‘jalik tizimidagi issiqlik, suv ta’minoti va “O‘ztransgaz” aksiyadorlik jamiyatining hududlararo unitar gaz ta’minoti korxonalari tomonidan tayyor mahsulotlar (ishlar, xizmatlar)ni sotish hajmi (tegishli issiqlik ta’minoti korxonalari — issiqlik energiyasini, suv ta’minoti korxonalari — suvni, gaz ta’minoti korxonalari — tabiiy gazni sotib olish qiymatini chegirgan holda);

z) asosiy faoliyati yuk va yo‘lovchilarni tegishli haq evaziga tashish bilan bog‘liq bo‘lgan avtotransport korxonalari tomonidan QQS chegirgan holda mahsulot (ishlar, xizmatlar)ni sotish hajmi. Ushbu korxonalar ish hajmlariga, shuningdek boshqa faoliyat turlari bo‘yicha bajarilgan ishlar, xizmatlar hajmi ham qo‘shiladi.

5. 002-satrda Respublika yo‘l jamg‘armasiga majburiy ajratmalarni to‘lashdan ozod qilingan obyekt summasi aks ettiriladi.

6. 010-satrda yil boshidan imtiyozlarni hisobga olgan holda majburiy ajratmani hisoblash obyekti aks ettiriladi (hisobot davri uchun) .

7. 011-satrda hisobot oyi(choragi)dagi imtiyozlarni hisobga olgan holda majburiy ajratmani hisoblash obyekti aks ettiriladi.

8. 012-satrda hisobot choragining birinchi oyidagi imtiyozlarni hisobga olgan holda majburiy ajratmani hisoblash obyekti aks ettiriladi.

9. 013-satrda hisobot choragining ikkinchi oyidagi imtiyozlarni hisobga olgan holda majburiy ajratmani hisoblash obyekti aks ettiriladi.

10. 014-satrda hisobot choragining uchinchi oyidagi imtiyozlarni hisobga olgan holda majburiy ajratmani hisoblash obyekti aks ettiriladi.

11. 020-satrda Respublika yo‘l jamg‘armasiga majburiy ajratmalar uchun o‘rnatilgan hisoblash stavkasi aks ettiriladi.

12. 030-satrda Respublika yo‘l jamg‘armasiga yil boshidan(hisobot davrida) hisoblangan majburiy ajratmalar aks ettiriladi.

13. 031-satrda Respublika yo‘l jamg‘armasiga hisobot oyi(choragi)da hisoblangan ajratmalar aks ettiriladi.

14. 032-satrda Respublika yo‘l jamg‘armasiga chorakning birinchi oyida hisoblangan majburiy ajratmalar aks ettiriladi.

15. 033-satrda Respublika yo‘l jamg‘armasiga chorakning ikkinchi oyida hisoblangan majburiy ajratmalar aks ettiriladi.

16. 034-satrda Respublika yo‘l jamg‘armasiga chorakning uchinchi oyida hisoblangan majburiy ajratmalar aks ettiriladi.

17. 040-satrda Respublika yo‘l jamg‘armasiga avvalgi hisobot davrida to‘lov uchun hisoblangan majburiy ajratmalar miqdori aks ettiriladi.