Oʻzbekiston Respublikasi Prezidentining “Oʻzbekiston Respublikasi telekommunikatsiyalar tarmoqlarini boshqarish tizimini takomillashtirishga oid qoʻshimcha chora-tadbirlar toʻgʻrisida” 2007-yil 20-fevraldagi PQ-589-son qaroriga muvofiq Vazirlar Mahkamasi qaror qiladi:

1. Vazirlar Mahkamasining 2004-yil 7-maydagi 215-son qarori (Oʻzbekiston Respublikasi QT, 2004-y., 5-son, 47-modda) bilan tasdiqlangan Oʻzbekiston aloqa va axborotlashtirish agentligi toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.

1. 2-bandning toʻqqizinchi xatboshi quyidagi tahrirda bayon qilinsin:

“telekommunikatsiyalar tarmoqlarini boshqarish, ularning samarali faoliyatini taʼminlash, telekommunikatsiyalar resurslaridan oqilona foydalanish va ularni rivojlantirish, telekommunikatsiyalar xizmatlariga boʻlgan ehtiyojni yanada toʻliq qondirish uchun telekommunikatsiyalar turli operatorlari, idoraviy tarmoqlar egalari tarmoqlarini muvofiqlashtirgan holda boshqarish tizimini yaratish, Oʻzbekiston Respublikasi davlat hokimiyati va boshqaruvi organlari, mudofaa va milliy xavfsizligi manfaatlari yoʻlida tarmoqlardan ustuvor foydalanishni taʼminlash boʻyicha ishlarni muvofiqlashtirish — Oʻzbekiston telekommunikatsiyalar tarmoqlarini boshqarish respublika markazi”;

2. 9-bandga quyidagi tahrirdagi oʻn oltinchi xatboshi qoʻshilsin:

“telekommunikatsiyalar tarmoqlarini boshqarish, ularning samarali faoliyatini taʼminlash, telekommunikatsiyalar resurslaridan oqilona foydalanish va ularni rivojlantirish, telekommunikatsiyalar xizmatlariga boʻlgan ehtiyojni yanada toʻliq qondirish uchun telekommunikatsiyalar turli operatorlari, idoraviy tarmoqlar egalari tarmoqlarini muvofiqlashtirgan holda boshqarish tizimini yaratish, Oʻzbekiston Respublikasi davlat hokimiyati va boshqaruvi organlari, mudofaa va milliy xavfsizligi manfaatlari yoʻlida tarmoqlardan ustuvor foydalanishni taʼminlash boʻyicha ishlar muvofiqlashtirilishini tashkil etadi”;

oʻn oltinchi — qirq uchinchi xatboshi tegishli ravishda oʻn yettinchi — qirq toʻrtinchi xatboshi deb hisoblansin.

3. 13-bandning beshinchi xatboshi quyidagi tahrirda bayon qilinsin:

“favqulodda vaziyatlarda (harbiy harakatlar, zilzila, suv toshqini, yongʻin, epidemiyalarda va boshqalarda) pochta aloqasi, telekommunikatsiyalar va axborot tizimlarining har qanday tarmoqlari va vositalaridan ustuvor foydalanish, ularning faoliyat koʻrsatishini cheklash yoki toʻxtatib qoʻyish, shuningdek telekommunikatsiyalar tarmoqlari va vositalaridan markazlashtirilgan boshqarish, telekommunikatsiya xizmatlari maxsus isteʼmolchilarining telekommunikatsiyalar tarmoqlaridan tashqari”.