Hujjat kuchini yo‘qotgan " " 22.02.2021
Oʻzbekiston Respublikasi Vazirlar Mahkamasining
qarori
SOLIQ TOʻLOVChILARGA AXBOROT XIZMATI KOʻRSATISh VA DAVLAT SOLIQ XIZMATI ORGANLARINING AXBOROT TIZIMINI YaNADA TAKOMILLAShTIRISh TOʻGʻRISIDA
 LexUZ sharhi
Mazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Davlat soliq xizmati organlarining zamonaviy axborot-kommunikatsiya texnologiyalarini qoʻllagan holda soliq toʻlovchilarga axborot xizmatlari koʻrsatishni yanada takomillashtirish, xoʻjalik yurituvchi subyektlar tomonidan moliyaviy hisobotlar va hisob-kitoblar taqdim etishda elektron hujjat aylanishini joriy etish maqsadida Vazirlar Mahkamasi qaror qiladi:
1. “Elektron raqamli imzo toʻgʻrisida”gi Oʻzbekiston Respublikasi Qonuniga hamda boshqa qonun hujjatlariga muvofiq soliq toʻlovchilar tomonidan zamonaviy axborot-kommunikatsiya texnologiyalari qoʻllanilgan holda davlat soliq xizmati organlariga moliyaviy hisobotlar va hisob-kitoblarni taqdim etish amaliyoti joriy etilishiga koʻmaklashadigan zarur normativ-huquqiy baza yaratilganligi maʼlumot uchun qabul qilinsin.
2. 2006—2010-yillarda soliq toʻlovchilarga axborot xizmati koʻrsatish va davlat soliq xizmati organlarining axborot tizimini takomillashtirish dasturi ilovaga muvofiq maʼqullansin.
Oʻzbekiston Respublikasi Davlat soliq qoʻmitasi tegishli vazirliklar va idoralar bilan birgalikda 2006—2010-yillarda soliq toʻlovchilarga axborot xizmati koʻrsatish va davlat soliq xizmati organlarining axborot tizimini takomillashtirish dasturida nazarda tutilgan tadbirlar bajarilishiga doir ishlar tashkil etilishini taʼminlasin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2006-yil 4-avgust,
157-son
Vazirlar Mahkamasining
2006-yil 4-avgustdagi 157-son qaroriga
ILOVA
2006—2010-yillarda soliq toʻlovchilarga axborot xizmati koʻrsatish va davlat soliq xizmati organlarining axborot tizimini takomillashtirish
DASTURI
T/r‎ Tadbirlar nomi‎‎ Bajarish muddatlari‎‎ Amalga oshirish shakli‎‎ Masʼul bajaruvchilar‎‎

‎‎I. Elektron hujjat aylanishini joriy etish boʻyicha, shu jumladan soliq toʻlovchilarga xizmat koʻrsatishda, idoraviy normativ-huquqiy bazani takomillashtirish

1.1.‎ Moliyaviy hisobotlar va hisob-kitoblarni qogʻozda taqdim etishning amaldagi tartibi saqlanib qolgan holda almashtiriladigan magnit (elektron, optik) manbalarda yoki elektron raqamli imzodan foydalangan holda aloqaning telekommunikatsiya kanallari vositasida taqdim etishning vaqtinchalik tartibini ishlab chiqish va tasdiqlash‎ 2006-yil avgust ‎ Vaqtinchalik tartib‎ Davlat soliq qoʻmitasi, Moliya vazirligi ‎
1.2.‎ Moliyaviy hisobotlar va hisob-kitoblarni elektron shaklda taqdim etish formatini belgilash‎ 2006-yil avgust ‎ Elektron moliyaviy hisobot va hisob-kitoblar shakli‎ Davlat soliq qoʻmitasi, Moliya vazirligi, Oʻzbekiston aloqa va axborotlashtirish agentligi ‎
1.3.‎ Quyidagilarni ishlab chiqish va tasdiqlash: a) Elektron hujjat aylanishi tizimida maʼmur tomonidan xavfsizlik taʼminlanishi tartibi;
‎b) Moliyaviy hisobotlar va soliq hisob-kitoblarini elektron shaklda taqdim etishda axborot xavfsizligini taʼminlash boʻyicha elektron hujjat aylanishining ishtirokchilari uchun yoʻriqnoma ‎		 2006-yil avgust ‎
‎Tartib
‎

‎‎Yoʻriqnoma ‎		 Davlat soliq qoʻmitasi, Moliya vazirligi, Oʻzbekiston aloqa va axborotlashtirish agentligi ‎
1.4.‎ Davlat soliq xizmati organlari va davlat boshqaruvi boshqa organlari, shuningdek banklar oʻrtasida avtomatlashtirilgan axborot tizimlaridan foydal�ngan holda oʻzaro hamkorlik va axborot ayirboshlash toʻgʻrisidagi normativ hujjatlarni ishlab chiqish va tasdiqlash‎ 2006-yil avgust ‎ Normativ hujjatlar‎ Davlat soliq qoʻmitasi, Markaziy bank, Ichki ishlar vazirligi, Mehnat va aholini ijtimoiy muhofaza qilish vazirligi, Adliya vazirligi, Davlat statistika qoʻmitasi, Davlat bojxona qoʻmitasi, “Yergeodezkadastr” davlat qoʻmitasi, Bosh prokuratura huzuridagi departament va boshqa manfaatdor organlar ‎
1.5.‎ Soliq toʻlovchilar tomonidan moliyaviy hisobotlar va hisob-kitoblarni elektron raqamli imzodan foydalanilgan holda almashtiriladigan magnit (elektron, optik) manbalar va aloqaning telekommunikatsiya kanallari orqali elektron shaklda taqdim etish tizimini tashkil etish va uning ishlashi boʻyicha normativ-huquqiy bazani takomillashtirish borasidagi ishlar natijalari toʻgʻrisida hisobot tayyorlash va Vazirlar Mahkamasiga kiritish‎ 2006-yil 1-oktabrgacha ‎ Vazirlar Mahkamasiga hisobot‎ Davlat soliq qoʻmitasi, Moliya vazirligi, ‎
1.6.‎ Axborot-hisoblash resurslaridan foydalanishni cheklashni boshqarishni tashkil etish va elektron hujjatlar aylanishining muhofazalangan idoraviy tizimini yaratish, MDH qatnashchilari boʻlgan davlatlarning soliq xizmatlari bilan integratsiyalash boʻyicha tegishli normativ-metodik bazani takomillashtirish‎ 2007-yil II yarim yillik ‎ Yoʻriqnoma‎ Davlat soliq qoʻmitasi ‎
1.7.‎ Soliq toʻlovchilarning davlat soliq xizmati organlari bilan elektron shaklda hisob-kitob qilish holatini avtomatlashtirilgan tarzda solishtirib chiqish va bu toʻgʻridagi maʼlumotnomalarni va hujjatlarning nusxalarini aloqa kanallari orqali berish tartibini ishlab chiqish va tasdiqlash‎ 2007-yil IV chorak ‎ Tartib‎ Davlat soliq qoʻmitasi ‎

‎‎II. Soliq toʻlovchilar tomonidan moliyaviy hisobotlar va hisob-kitoblarni taqdim etishda, shuningdek tadbirkorlik subyektlarini soliq organlarida hisobga qoʻyishda ele�tron hujjat aylanishini joriy etish boʻyicha tadbirlar

2.1.‎ Hisobotni qogʻozda taqdim etishning amaldagi tartibi saqlanib qolgan holda Toshkent shahri va Toshkent viloyatining ayrim tumanlarida moliyaviy hisobotlar va hisob-kitoblarni elektron hujjat aylanish vositalaridan foydalangan holda taqdim etish tizimini tajriba tartibida joriy etish‎ 2006-yil 1-sentabrdan boshlab ‎ Tadbirlar ‎ Davlat soliq qoʻmitasi ‎
2.2.‎ Davlat soliq xizmati organlari bilan tadbirkorlik subyektlarini davlat roʻyxatidan oʻtkazish organlari oʻrtasida roʻyxatdan oʻtkazuvchi organlardan soliq toʻlovchilarning identifikatsiya raqamlarini (STIR) berish uchun soʻrovlar olish hamda ularga berilgan STIR toʻgʻrisida axborot berishni nazarda tutuvchi axborotlarning elektron ayirboshlash tartibini joriy etish‎ 2006-yil 1-sentabrdan boshlab ‎ Tadbirlar‎ Davlat soliq qoʻmitasi, Qoraqalpogʻiston Respublikasi Vazirlar Kengashi, viloyatlar, Toshkent shahar hamda tumanlar va shaharlar hokimliklari ‎
2.3.‎ Toshkent shahri va Toshkent viloyatining ayrim tumanlarida xoʻjalik yurituvchi subyektlar tomonidan elektron hujjat aylanishi vositalaridan foydalangan holda moliyaviy hisobotlar va hisob-kitoblarni taqdim etish tizimini joriy etishga doir oʻtkazilgan tajriba natijalari toʻgʻrisida hisobot tayyorlash va ushbu tizimni kelgusida qoʻllash boʻyicha aniq takliflar bilan Vazirlar Mahkamasiga kiritish‎ 2006-yil IV chorak ‎ Vazirlar Mahkamasiga hisobot‎ Davlat soliq qoʻmitasi, Moliya vazirligi, Oʻzbekiston aloqa va axborotlashtirish agentligi ‎
2.4. Soliq toʻlovchilar oʻrtasida moliyaviy hisobotlar va hisob-kitoblarni elektron hujjat aylanish vositalaridan foydalangan holda taqdim etishga taalluqli masalalar boʻyicha doimiy ravishda tushuntirish va axborot ishlarini olib borish ‎ Doimiy ravishda ‎ Tadbirlar‎ Davlat soliq qoʻmitasi, Moliya vazirligi, Oʻzbekiston aloqa va axborotlashtirish �gentligi ‎

‎‎III. Axborot oqimlarini tashkil etishni takomillashtirish

3.1.‎ Axborot oqimlarini maqbullashtirish (minimallashtirish va bir-birini takrorlash va qarama-qarshiliklarni istisno etish) maqsadida tahlil oʻtkazish‎ Doimiy ravishda ‎ Tahlil natijalari boʻyicha dasturiy taʼminlashga oʻzgartirishlar kiritish‎ Davlat soliq qoʻmitasi, Oʻzbekiston aloqa va axborotlashtirish agentligi, jalb etilgan mutaxassislar ‎
3.2.‎ Elektron axborotni saqlash, ishlov berish va ayirboshlashning mavjud va jahon amaliyotida qoʻllaniladigan ilgʻor normalari va standartlarini oʻrganish‎ Doimiy ravishda‎ Avtomatlash-tirish vositalarini takomillash-tirishga doir takliflar kiritish ‎ Davlat soliq qoʻmitasi, Oʻzbekiston aloqa va axborotlashtirish agentligi ‎

IV. Davlat soliq xizmati organlarining moddiy-texnika bazasini modernizatsiya qilish va mustahkamlash

4.1.‎ Davlat soliq xizmati organlarining mavjud axborot tizimini baholash hamda uni quyidagi yoʻllar bilan takomillashtirish boʻyicha takliflar ishlab chiqish:
‎—davlat soliq xizmati organlarining hududiy boʻlinmalarida lokal axborot-hisoblash tarmoqlarini jihozlash va modernizatsiya qilish;
— modem aloqasi apparatlari bilan taʼminlangan, axborot saqlash qurilmalarining ishonchliligi, sigʻimi boʻyicha koʻrsatkichlari yuqori boʻlgan serverlar bilan qoʻshimcha ravishda jihozlash (serverlar va modemlar sotib olish, shuningdek Davlat soliq qoʻmitasining markaziy apparati binosida klaster tizimini yaratish);
—axborotni qayta ishlash va saqlashning ishonchliligini taʼminlash tizimlari bilan qoʻshimcha jihozlash (arxiv maʼlumotlarini saqlash tizimlari va uzluksiz energiya bilan taʼminlash bloklari sotib olish, A.Qodiriy koʻchasidagi 13a-uyda joylashgan Davlat soliq qoʻmitasining markaziy apparati binosida energiya bilan taʼminlashning zaxira tizimini yaratish);
‎—maʼlumotlarni uzatishning transport muhiti va elektron hujjatlar aylanishini joriy etish asosi si�atida Oʻzbekiston Respublikasi operatorlarining telekommunikatsiyalari va maʼlumotlarni uzatish tarmoqlari bazasida maʼlumotlarni uzatish tezligini va oʻtkazish qobiliyati darajasini oshirgan holda Davlat soliq qoʻmitasini?g maʼlumotlar uzatish mavjud korporativ tarmogʻini modernizatsiya qilish ‎		 2007–2008-yillar‎ Tadbirlar‎ Davlat soliq qoʻmitasi ‎
4.2.‎ Tuman, shahar inspeksiyalari, soliq boshqarmalari darajasida mutaxassislarning ish oʻrinlarini modernizatsiya qilish va zamonaviy shaxsiy kompyuterlar bilan qayta jihozlash‎ 2006-2010-yillar‎ Tadbirlar‎ Davlat soliq qoʻmitasi ‎
4.3.‎ Davlat soliq xizmati organlarini boshqa idora asbob-uskunalari (printerlar, skanerlar, nusxa koʻchirish texnikasi va hokazolar) bilan taʼminlash‎ 2006—2010-yillar‎ Tadbirlar‎ Davlat soliq qoʻmitasi ‎

‎‎V. Dasturiy taʼminlashni ishlab chiqish va sotib olish

5.1.‎ Quyidagilar boʻyicha dasturiy taʼminlashni ishlab chiqish:
‎— almashtiriladigan magnit (elektron, optik) manbalarda yoki aloqaning telekommunikatsiya kanallari orqali moliyaviy hisobotlar va hisob‎-kitoblarni taqdim etish va qabul qilish;
‎— kiritiladigan qogʻoz axborotni elektron formatlarga aylantirish;
‎— hujjatli tekshirishning istiqbolli yoʻnalishlari va obyektlarini aniqlash, xoʻjalik yurituvchi subyektlarni tekshirishlarni rejalashtirish, muvofiqlashtirish uchun moliyaviy hisobotlar va soliq hisob-kitoblarini tekshirishgacha oʻrganib chiqish ‎
‎
‎2006-yil III chorak
‎
‎
‎
‎2006-yil dekabr ‎
‎
‎2007-yil		 Tadbirlar‎ Davlat soliq qoʻmitasi ‎
5.2.‎ Operatsiya tizimlarini yangilash va foydalanilayotgan kompyuter dasturlarini modernizatsiya qilish ‎ 2006—2010-yillar‎ Tadbirlar‎ Davlat soliq qoʻmitasi ‎
5.3.‎ Soliq toʻlovchilar tomonidan soliq majburiyatlari bajarilishi ustidan kundalik nazoratni amalga oshirishda foydalaniladigan dasturiy komplekslarni yanada modernizatsiya qilish‎ 2007-yil‎ Tadbirlar‎ Davlat soliq qoʻmitasi ‎
5.4.‎ Budjetga va maqsadli jamgʻarmalarga tushumlar prognozi hisob-kitobi uchun zarur baza yaratish maqsadida dasturlar kompleksini ishlab chiqish‎ 2006—2007-yillar‎ Tadbirlar‎ Davlat soliq qoʻmitasi ‎
5.5.‎ Davlat soliq qoʻmitasining veb sayti — “www.soliq.uz”ni modernizatsiya qilish va yangilash‎ Doimiy ravishda‎ Tadbirlar ‎ Davlat soliq qoʻmitasi ‎
5.6.‎ Turli idoralarning axborot resurslaridan foydalangan holda markazlashtirilgan avtomatlashtirilgan maʼlumotlar bankini tashkil etish‎ 2006—2010-yillar‎ Tadbirlar ‎ Davlat soliq qoʻmitasi manfaatdor idoralar bilan birgalikda‎
5.7.‎ Yashirilgan daromadlarni va uning davlatdan yashirilishi hollarini aniqlash uchun yuridik va jismoniy shaxslar boʻyicha Davlat soliq qoʻmitasi maʼlumotlar bazasidagi maʼlumotlarni va boshqa vazirliklarning turdosh axborotlarini muqobil oʻrganish uchun dasturiy kompleksni ishlab chiqish ‎ 2006-2007-yillar‎ Tadbirlar ‎ Davlat soliq qoʻmitasi manfaatdor idoralar bilan birgalikda‎
5.8.‎ Davlat budjetining gʻazna ijrosida davlat soliq xizmati organlari va davlat moliya organlari axborot tizimlarining markazlashtirilgan hamkorligini amalga oshirish uchun dasturiy kompleksni ishlab chiqish‎ 2007-2008-yillar‎ Tadbirlar ‎ Davlat soliq qoʻmitasi, Moliya vazirligi ‎

‎‎VI. Axborot tizimining xavfsizligini taʼminlash

6.1.‎ Davlat soliq xizmati organlari xodimlarining himoyalangan avtomatlashtirilgan namunaviy ish oʻrinlariga texnik talablarni ishlab chiqish ‎ 2006-yil IV chorak ‎ Yoʻriqnoma‎ Davlat soliq qoʻmitasi, Oʻzbekiston aloqa va axborotlashtirish agentligi, Milliy xavfsizlik xizmati‎
6.2.‎ Axborot xavfsizligini taʼminlash sohasida davlat soliq xizmati organlari xodimlarining malakasini oshirish va ularni oʻqitish tizimini tashkil etish‎ 2006—2010-yillar‎ Tadbirlar ‎ Davlat soliq qoʻmitasi ‎
6.3.‎ Axborotni muhofaza qilish hamda xizmat va soliq siri mavjud boʻlgan maʼlumotlarga ishlov berishga moʻljallangan axborotlashtirish obyektlarini attestatsiyadan oʻtkazish boʻyicha maxsus ishlarni tashkil etish‎ 2006—2010-yillar‎ Tadbirlar ‎ Davlat soliq qoʻmitasi, Milliy xavfsizlik xizmati, Oʻzbekiston aloqa va axborotlashtirish agentligi‎
6.4.‎ Davlat soliq xizmati organlarini axborotdan ruxsat berilmagan foydalanishdan muhofaza qiluvchi sertifikatlangan vositalar oʻrnatilgan hisoblash texnikasi vositalari bilan jihozlashga oʻtish‎ 2006—2007-yillar‎ Tadbirlar ‎ Davlat soliq qoʻmitasi, Oʻzbekiston aloqa va axborotlashtirish agentligi, Milliy xavfsizlik xizmati‎
6.5.‎ Davlat soliq xizmati organlarini tarmoqlararo oʻzaro hamkorlikni himoya qilishning sertifikatsiyalangan vositalari, axborotni kriptografik muhofaza qilishning sertifikatsiyalangan vositalari bilan jihozlash‎ 2006—2008-yillar ‎ Tadbirlar ‎ Davlat soliq qoʻmitasi, Milliy xavfsizlik xizmati ‎
6.6.‎ Davlat soliq xizmati organlarini virusga qarshi muhofazaning ishonchli vositalari, ruxsat berilmagan kirishlarni aniqlash va uning oldini olish vositalari bilan taʼminlash‎ Doimiy ravishda ‎ Tadbirlar ‎ Davlat soliq qoʻmitasi ‎
6.7.‎ Oʻzbekiston Respublikasi vazirliklari va idoralari, shuningdek MDH qatnashchisi boʻlgan davlatlar soliq xizmatlari bilan avtomatlashtirilgan hamkorlikni tashkil etishda soliq axborotining xavfsizligini taʼminlash‎ Doimiy ravishda‎‎ Tadbirlar ‎ Davlat soliq qoʻmitasi ‎
6.8.‎ Internet tipidagi umumiy foydalaniladigan global tarmoqlardan foydalanishda davlat soliq xizmati organlarining axborot tizimlari xavfsizligini taʼminlash‎ Doimiy ravishda‎‎ Tadbirlar ‎ Davlat soliq qoʻmitasi ‎
Izoh. Dasturni amalga oshirishga doir chora-tadbirlarni moliyalashtirish davlat soliq xizmati organlarini ijtimoiy rivojlantirish va moddiy-texnik taʼminlash maxsus jamgʻarmasi mablagʻlari hisobiga amalga oshiriladi.