Oʻzbekiston Respublikasi Prezidentining “Moliya-iqtisodiy, soliq sohasidagi jinoyatlarga, jinoiy faoliyatdan olingan daromadlarni legallashtirishga qarshi kurashishni kuchaytirish chora-tadbirlari toʻgʻrisida” 2006-yil 21-apreldagi PQ-331-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ayrim qarorlariga ilovaga muvofiq oʻzgartirishlar kiritilsin.

2. Quyidagilar:

Vazirlar Mahkamasining “Oʻzbekiston Respublikasi Bosh prokuraturasi huzuridagi “Soliqqa oid jinoyatlarga qarshi kurashish departamenti faoliyatini takomillashtirish chora-tadbirlari toʻgʻrisida” 2002-yil 28-noyabrdagi 415-son qarorining 1, 2, 4, 6-bandlari, shuningdek ushbu qarorga 5-ilovaning 2—4-bandlari;

Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish va baʼzilarini oʻz kuchini yoʻqotgan deb hisoblash toʻgʻrisida” 2005-yil 8-sentabrdagi 206-son qaroriga (Oʻzbekiston Respublikasi QT, 2005-y., 9-10-son, 48-modda) 1-ilovaning 33-bandi oʻz kuchini yoʻqotgan deb hisoblansin.

1. Vazirlar Mahkamasining “Davlat xizmatchilarining lavozim maoshlariga yigirma foizli ustama haq belgilash toʻgʻrisida” 1997-yil 3-iyuldagi 339-son qarori bilan tasdiqlangan Davlat xizmatchilarining lavozimlari roʻyxatida:

a) “Oʻzbekiston Respublikasi Bosh prokuraturasi huzuridagi Soliq va valyutaga oid jinoyatlarga qarshi kurashish departamenti” boʻlimi quyidagi tahrirda bayon qilinsin:

Departament boshligʻi

Departament boshligʻining birinchi oʻrinbosari

Departament boshligʻining oʻrinbosari

Departament boshligʻi yordamchisi

Boshqarma boshligʻining oʻrinbosari

Bosh inspektor

Katta inspektor

Inspektor

Boʻlim mudiri

Boʻlim mudiri oʻrinbosari

Bosh taftishchi

Katta taftishchi

Bosh surishtiruvchi

Katta surishtiruvchi

Katta kriminalist

Kriminalist

Inspeksiya boshligʻi

Yetakchi mutaxassis

I toifali mutaxassis”;

b) “Qoraqalpogʻiston Respublikasi, viloyatlar va Toshkent shahri prokuraturalari huzuridagi soliq va valyutaga oid jinoyatlarga qarshi kurashish boshqarmalari” boʻlimi quyidagi tahrirda bayon qilinsin:

Boshqarma boshligʻi

Boshqarma boshligʻining birinchi oʻrinbosari

Boshqarma boshligʻining oʻrinbosari

Boʻlinma boshligʻi

Boʻlim boshligʻi

Boʻlim boshligʻi oʻrinbosari

Katta inspektor

Inspektor

Bosh taftishchi

Katta taftishchi

Taftishchi

Bosh surishtiruvchi

Katta surishtiruvchi

Katta kriminalist

Kriminalist

Bosh mutaxassis

I toifali mutaxassis”;

v) “tuman prokuraturalari huzuridagi soliq va valyutaga oid jinoyatlarga qarshi kurashish boʻlimlari” boʻlimi quyidagi tahrirda bayon qilinsin:

Boʻlim boshligʻi

Boʻlim boshligʻi oʻrinbosari

Bosh surishtiruvchi

Surishtiruvchi

Katta inspektor

Inspektor”.

3. Vazirlar Mahkamasining “Kichik va oʻrta tadbirkorlikni rivojlantirishni ragʻbatlantirish mexanizmini takomillashtirish toʻgʻrisida” 1998-yil 27-maydagi 232-son qaroriga (Oʻzbekiston Respublikasi QT, 1998-y., 5-son, 20-modda) 1-ilovaning “Kafolatlar mazmuni” ustunining 7-bandi ikkinchi xatboshida “soliq va valyutaga oid jinoyatlarga” soʻzlari “soliq, valyutaga oid jinoyatlarga va jinoiy faoliyatdan olingan daromadlarni legallashtirishga” soʻzlari bilan almashtirilsin.

6. Vazirlar Mahkamasining “Pul mablagʻlarining bankdan tashqari muomalasini yanada qisqartirish chora-tadbirlari toʻgʻrisida” 2002-yil 5-avgustdagi 280-son qarorining 2-bandi ikkinchi xatboshidagi va 8-bandidagi (Oʻzbekiston Respublikasi QT, 2002-y., 8-son, 46-modda) “soliq va valyutaga oid jinoyatlarga” soʻzlari “soliq, valyutaga oid jinoyatlarga va jinoiy faoliyatdan olingan daromadlarni legallashtirishga” soʻzlari bilan almashtirilsin.

8. Vazirlar Mahkamasining “Loteriyalar, totolizator va tavakkalchilikka asoslangan boshqa oʻyinlar tashkil etish faoliyatini litsenziyalash toʻgʻrisidagi nizomni tasdiqlash haqida” 2003-yil 16-iyuldagi 314-son qarorining 4-bandi toʻrtinchi xatboshidagi (Oʻzbekiston Respublikasi QT, 2003-y., 7-son, 62-modda) “Bosh prokuratura huzuridagi Soliq va valyutaga oid jinoyatlarga qarshi kurashish” soʻzlari “Bosh prokuratura huzuridagi Soliq, valyutaga oid jinoyatlarga va jinoiy faoliyatdan olingan daromadlarni legallashtirishga qarshi kurashish” soʻzlari bilan almashtirilsin.

10. Vazirlar Mahkamasining “Spirt va alkogolli mahsulotlar ishlab chiqarish va sotish ustidan davlat nazoratini kuchaytirishga doir qoʻshimcha chora-tadbirlar toʻgʻrisida” 2004-yil 15-yanvardagi 24-son qarorining 6-bandidagi (Oʻzbekiston Respublikasi QT, 2004-y., 1-son, 4-modda) “soliq va valyutaga oid jinoyatlarga” soʻzlari “soliq, valyutaga oid jinoyatlarga va jinoiy faoliyatdan olingan daromadlarni legallashtirishga” soʻzlari bilan almashtirilsin.