YPX statsionar posti nomi | Hudud nomi | YPX statsionar posti joylashgan manzil | Tizimning hujjatlarini tayyorlash muddati | Tizimni joriy qilish muddati | |
I bosqich | |||||
1. | “Chinor” YPX statsionar posti | Toshkent viloyati | A373 “M39 avtoyo‘li-Guliston-Bo‘ka-Angren-Qo‘qon va Andijon orqali-O‘sh” avtomobil yo‘lining 199-kilometri, Ohangaron tumani | tayyor | 2024-yil yanvar |
2. | “Namangan” YPX statsionar posti | Namangan viloyati | A373 “M39 avtoyo‘li-Guliston-Bo‘ka-Angren-Qo‘qon va Andijon orqali-O‘sh” avtomobil yo‘lining 273-kilometri, Pop tumani | 2024-yil fevral | 2024-yil dekabr |
II bosqich | |||||
3. | “45-YPX” YPX statsionar posti | Andijon viloyati | A373 “M-39 avtoyo‘li-Guliston-Bo‘ka-Angren-Qo‘qon va Andijon orqali-O‘sh” avtomobil yo‘lining 469-kilometri, Xo‘jaobod tumani | 2024-yil mart | 2025-yil mart |
4. | “A. Turbonov” YPX statsionar posti | Toshkent shahri | M34 “Toshkent-Dushanbe” avtomobil yo‘lining 15-kilometri, Sergeli tumani | 2024-yil aprel | 2025-yil aprel |
5. | “Erkin” YPX statsionar posti | M39 “Almati-Bishkek-Toshkent-Shahrisabz-Termiz” avtomobil yo‘lining 817-kilometri, Chilonzor tumani | 2024-yil may | 2025-yil may | |
6. | “Sharq” YPX statsionar posti | A373 avtomobil yo‘lining “a” “Toshkent shahriga” shoxobchasining 45-kilometri, Bektemir tumani | 2024-yil iyun | 2025-yil iyun | |
7. | “Uch qahramon” YPX statsionar posti | M39 “Almati-Bishkek-Toshkent-Shahrisabz-Termiz” avtomobil yo‘lining 817-kilometri, Yunusobod tumani | 2024-yil iyul | 2025-yil iyul | |
8. | “Oybek” YPX statsionar posti | Toshkent viloyati | 4R20 “Qorasuv-Bo‘ka-Bekobod” avtomobil yo‘lining 63-kilometri, Bekobod tumani | 2024-yil avgust | 2025-yil avgust |
III bosqich | |||||
9. | “Sirdaryo” YPX statsionar posti | Sirdaryo viloyati | M39 “Almati-Bishkek-Toshkent-Shahrisabz-Termiz” avtomobil yo‘lining 871-kilometri, Sirdaryo tumani | 2024-yil sentyabr | 2025-yil sentyabr |
10. | “Norin” YPX statsionar posti | Namangan viloyati | 4R112 “Farg‘ona halqa yo‘li” avtomobil yo‘lining 101-kilometri, Norin tumani | 2024-yil oktyabr | 2025-yil oktyabr |
11. | “Manas-14” YPX statsionar posti | Jizzax viloyati | M39 “Almati-Bishkek-Toshkent-Shahrisabz-Termiz” avtomobil yo‘lining 939-kilometri, Do‘stlik tumani | 2024-yil noyabr | 2025-yil noyabr |
12. | “Yakkabog‘-15” YPX statsionar posti | A376 “Qo‘qon-Jizzax” avtomobil yo‘lining 242-kilometri, Zomin tumani | 2024-yil dekabr | 2025-yil dekabr | |
13. | “Yuqori nuqta” YPX statsionar posti | Samarqand viloyati | M39 “Almati-Bishkek-Toshkent-Shahrisabz-Termiz” avtomobil yo‘lining 1039-kilometri, Bulung‘ur tumani | 2025-yil yanvar | 2026-yil yanvar |
14. | “Omonqo‘ton” YPX statsionar posti | M39 “Almati-Bishkek-Toshkent-Shahrisabz-Termiz” avtomobil yo‘lining 1120-kilometri, Urgut tumani | 2025-yil fevral | 2026-yil fevral | |
IV bosqich | |||||
15. | “Mingchinor” YPX statsionar posti | Qashqadaryo viloyati | M39 “Almati-Bishkek-Toshkent-Shahrisabz-Termiz” avtomobil yo‘lining 1139-kilometri, Kitob tumani | 2025-yil mart | 2026-yil mart |
16. | “Umakay” YPX statsionar posti | A378 “Samarqand-G‘uzor” avtomobil yo‘lining 57-kilometri, Chiroqchi tumani | 2025-yil aprel | 2026-yil aprel | |
17. | “Shirinbuloq” YPX statsionar posti | A380 “G‘uzor-Buxoro-Nukus-Beynov” avtomobil yo‘lining 147-kilometri, Muborak tumani | 2025-yil may | 2026-yil may | |
18. | “Darband” YPX statsionar posti | Surxondaryo viloyati | M39 “Almati-Bishkek-Toshkent-Shahrisabz-Termiz” avtomobil yo‘lining 1335-kilometri, Boysun tumani | 2025-yil iyun | 2026-yil iyun |
19. | “Manguzar” YPX statsionar posti | M41 “Bishkek-Dushanbe-Termiz” avtomobil yo‘lining 1618-kilometri, Termiz tumani | 2025-yil iyul | 2026-yil iyul | |
V bosqich | |||||
20. | “Sarmijon” YPX statsionar posti | Buxoro viloyati | M37 “Samarqand-Buxoro-Turkmanboshi” avtomobil yo‘lining 212-kilometri, G‘ijduvon tumani | 2025-yil avgust | 2026-yil avgust |
21. | “Karakata” YPX statsionar posti | Navoiy viloyati | A379 “Navoiy-Uchquduq” avtomobil yo‘lining 125-kilometri, Konimex tumani | 2025-yil sentyabr | 2026-yil sentyabr |
22. | “Zarafshon” YPX statsionar posti | A379 “Navoiy-Uchquduq” avtomobil yo‘lining 202-kilometri, Zarafshon shahri | 2025-yil oktyabr | 2026-yil oktyabr | |
23. | “Samarqand” YPX statsionar posti | M37 “Samarqand-Buxoro-Turkmanboshi” avtomobil yo‘lining 147-kilometri, Karmana tumani | 2025-yil oktyabr | 2026-yil oktyabr | |
VI bosqich | |||||
24. | “Momoko‘pir” YPX statsionar posti | Xorazm viloyati | 4R160 “Urganch-Gurlan-Mang‘it-Turkmaniston Respublikasi chegarasi” avtomobil yo‘lining 65-kilometri, Gurlan tumani | 2025-yil noyabr | 2026-yil noyabr |
25. | “Broyler” YPX statsionar posti | Qoraqalpog‘iston Respublikasi | A380 “G‘uzor-Buxoro-Nukus-Beynov” avtomobil yo‘lining 754-kilometri, Nukus shahri | 2025-yil noyabr | 2026-yil noyabr |
26. | “Miskin” YPX statsionar posti | A380 “G‘uzor-Buxoro-Nukus-Beynov” avtomobil yo‘lining 561-kilometri, To‘rtko‘l tumani | 2025-yil noyabr | 2026-yil noyabr | |
27. | “Dovut ota” YPX statsionar posti | A380 “G‘uzor-Buxoro-Nukus-Beynov” avtomobil yo‘lining 1184-kilometri, Qo‘ng‘irot tumani | 2026-yil yanvar | 2026-yil dekabr | |
28. | “Bektemir” YPX statsionar posti | Toshkent shahri | 4R2 “Toshkent-To‘ytepa-A373 avtoyo‘li (55 km)” avtomobil yo‘linin� 11-kilometri, Bektemir tumani | 2026-yil yanvar | 2026-yil dekabr |
29. | “Keles” YPX statsionar posti* | Toshkent viloyati | 4R4 “Toshkent-Keles-Qozoqkentsoy-M39 avtoyo‘li (820 km)” avtomobil yo‘lining 16-kilometri, Toshkent tumani | 2026-yil* | 2026-yil* |
O‘zbekiston Respublikasi Vazirlar Mahkamasining qarori, 08.07.2022 yildagi 377-son
Kuchga kirish sanasi
08.07.2022
Рус
Ўзб
O’zb
O‘zb|Рус
O‘zbekiston Respublikasida yo‘l harakati xavfsizligini ta’minlash, yo‘l-transport hodisalarining oldini olish, huquqbuzarliklarni o‘z vaqtida aniqlash va ularga barham berishni ta’minlaydigan yo‘l harakatini avtomatlashtirilgan tartibga solish tizimini kengaytirish bo‘yicha ichki ishlar organlari faoliyatining sifat jihatidan yangi tartibi belgilandi.
Mazkur yo‘nalishdagi ishlarni yanada jadallashtirish, yo‘l harakatini tashkil etish sohasiga zamonaviy axborot texnologiyalarini keng joriy etish, shuningdek, yo‘l harakati barcha ishtirokchilarining xavfsiz harakatlanishi uchun zarur shart-sharoitlar yaratish maqsadida Vazirlar Mahkamasi qaror qiladi:
1. O‘zbekiston Respublikasi Ichki ishlar vazirligining Vazirlar Mahkamasining “O‘zbekiston Respublikasi yo‘l xavfsizligini ta’minlash tizimini yanada takomillashtirish chora-tadbirlari to‘g‘risida” 2018-yil 19-maydagi 377-son qaroriga muvofiq faoliyat ko‘rsatayotgan yo‘l-patrul xizmati statsionar postlarida zamonaviy axborot-kommunikatsiya texnologiyalarini joriy qilish orqali ushbu maskanlarda inson omilini cheklagan holda transport vositalarining to‘siqsiz harakatlanishini ta’minlash bo‘yicha “Yashil” va “Qizil” yo‘lak tizimini (keyingi o‘rinlarda — “Yashil” va “Qizil” yo‘lak tamoyili) bosqichma-bosqich joriy etish to‘g‘risidagi taklifi ma’qullansin.
“Yashil” yo‘lakdan — belgilangan qoidalarga rioya etadigan va huquqbuzarlik sodir etmagan transport vositalari haydovchilari hech qanday to‘siqsiz va cheklovlarsiz harakatlanadi;
Oldingi tahrirga qarang.
“Qizil” yo‘lakdan — qidiruvda bo‘lgan, vazn va hajm parametrlarini buzib harakatlanayotgan yoki yo‘l harakati qoidalarini buzganlik uchun o‘z vaqtida to‘lanmagan jarimasi mavjud bo‘lgan transport vositalari harakatlanadi.
(1-bandning to‘rtinchi xatboshisi O‘zbekiston Respublikasi Vazirlar Mahkamasining 2023-yil 11-avgustdagi 354-sonli qarori tahririda — Qonunchilik ma’lumotlari milliy bazasi, 15.08.2023-y., 09/23/354/0615-son)
2. Quyidagilarni nazarda tutuvchi Yo‘l-patrul xizmati statsionar postlarida “Yashil” va “Qizil” yo‘lak tamoyili asosida harakatlanish tartibini joriy etish to‘g‘risidagi nizom 1-ilovaga muvofiq tasdiqlansin:
“Yashil” va “Qizil” yo‘lak tamoyili asosida yo‘l-patrul xizmati statsionar postlarining faoliyatini tashkil etish tartibi;
avtotransport vositalarining yo‘l-patrul xizmati statsionar postlarida “Yashil” va “Qizil” tamoyili asosida tashkil etiladigan yo‘laklar orqali harakatlanish tartibi;
postlarga xizmatni o‘tash uchun jalb etiladigan yo‘l-patrul xizmati xodimlarining asosiy huquq va majburiyatlari;
Oldingi tahrirga qarang.
3. Belgilansinki, 2023-yil 1-dekabrdan boshlab “Yashil” va “Qizil” yo‘lak tamoyili mazkur qarorga 2-ilovadagi jadvalga muvofiq bosqichma-bosqich respublikaning yo‘l-patrul xizmati statsionar postlarida joriy etiladi.
(3-band O‘zbekiston Respublikasi Vazirlar Mahkamasining 2023-yil 11-avgustdagi 354-sonli qarori tahririda — Qonunchilik ma’lumotlari milliy bazasi, 15.08.2023-y., 09/23/354/0615-son)
Oldingi tahrirga qarang.
Raqamli texnologiyalar vazirligi bilan birgalikda ikki oy muddatda “Yashil” va “Qizil” yo‘laklar tizimini joriy etish bo‘yicha texnik hujjatlarni ishlab chiqib, belgilangan tartibda tasdiqlasin hamda 2023-yil 1-noyabrga qadar tizimning ishga tushirilishini ta’minlasin;
(4-bandning ikkinchi xatboshisi O‘zbekiston Respublikasi Vazirlar Mahkamasining 2023-yil 11-avgustdagi 354-sonli qarori tahririda — Qonunchilik ma’lumotlari milliy bazasi, 15.08.2023-y., 09/23/354/0615-son)
Transport vazirligi, Moliya vazirligi, Axborot texnologiyalari va kommunikatsiyalarini rivojlantirish vazirligi hamda boshqa manfaatdor tashkilotlar bilan birgalikda 2022-yil yakuniga qadar transport oqimini hisoblash, tirbandliklarning oldini olish, qidiruvda bo‘lgan va olib qochilgan transport vositalarining harakatlanish yo‘nalishini aniqlash hamda transport vositalari to‘g‘risidagi ma’lumotlarni masofadan uzatish imkoniyatini o‘z ichiga olgan radiochastotalardan foydalangan holda kontaktsiz ma’lumotlar almashinuvi texnologiyasining jahon tajribasini o‘rganib chiqsin va belgilangan tartibda Vazirlar Mahkamasiga takliflar kiritsin.
5. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari mazkur qarorga 2-ilovada ko‘rsatilgan yo‘l-patrul xizmati statsionar postlariga tutash hamda ular atrofidagi bo‘sh turgan va zaxiraga olingan qishloq xo‘jaligida foydalanilmaydigan yer uchastkalarini ushbu postlarda zarur inshootlarni barpo etish va jihozlash maqsadida tegishli ichki ishlar organlari murojaatiga asosan ularga doimiy foydalanish huquqi bilan ajratilishini ta’minlasin.
6. Belgilab qo‘yilsinki, yo‘l-patrul xizmati statsionar postlarida “Yashil” va “Qizil” yo‘lak tizimini joriy etish bilan bog‘liq xarajatlar O‘zbekiston Respublikasi Ichki ishlar vazirligining budjetdan tashqari mablag‘lari, xalqaro moliya institutlari, xorijiy tashkilotlar hamda donor mamlakatlar kreditlari va grantlari, shuningdek, qonunchilik hujjatlarida taqiqlanmagan boshqa manbalar hisobidan amalga oshiriladi.
7. Vazirlar Mahkamasining “Yo‘l harakati xavfsizligi sohasidagi huquqbuzarliklarga qarshi kurashish samaradorligini oshirishga doir qo‘shimcha chora-tadbirlar to‘g‘risida” 2018-yil 20-sentabrdagi 747-son qaroriga 3-ilovaga muvofiq qo‘shimchalar kiritilsin.
8. Ushbu qarorning bajarilishini nazorat qilish O‘zbekiston Respublikasi ichki ishlar vaziri P.R. Bobojonov zimmasiga yuklansin.
1.Ushbu Nizom avtotransport vositalarining yo‘l-patrul xizmati statsionar postlari (keyingi o‘rinlarda — postlar)da tashkil etilgan “Yashil” va “Qizil” yo‘lak tamoyili asosida harakatlanishi tartibini belgilaydi.
yorug‘lik diodli ekran — LED displey, vizual ma’lumotlarni ko‘rsatish va uzatish uchun qurilma (displey, monitor, televizor, elektron tablo);
Oldingi tahrirga qarang.
“Qizil” yo‘lak — qidiruvda bo‘lgan, vazn va hajm parametrlarini buzib harakatlangan yoki yo‘l harakati qoidalarini buzganlik uchun o‘z vaqtida to‘lanmagan jarimasi mavjud transport vositalari harakatlanishi shart bo‘lgan harakatlanish bo‘lagi;
(2-bandning uchinchi xatboshisi O‘zbekiston Respublikasi Vazirlar Mahkamasining 2023-yil 11-avgustdagi 354-sonli qarori tahririda — Qonunchilik ma’lumotlari milliy bazasi, 15.08.2023-y., 09/23/354/0615-son)
qarzdorlik — yo‘l harakati qoidalarini buzganlik uchun jarima solish haqida qaror chiqarilgan kundan e’tiboran oltmish kun ichida to‘lanmagan jarima;
post — yo‘l-patrul xizmati xodimlarining xizmat ko‘rsatish, tezkor-texnik va maxsus vositalar, muhandislik va boshqa tuzilmalar bilan jihozlangan joy;
harakatlanish bo‘lagi — avtomobillarning bir qator bo‘lib harakatlanishi uchun yetarlicha keng bo‘lgan, yo‘l chiziqlari bilan belgilangan yoki belgilanmagan yo‘l qatnov qismining har qanday bo‘ylama bo‘lagi;
foto va video qayd etish qurilmasi — yo‘l harakati qoidalari buzilishini maxsus avtomatlashtirilgan foto va video texnika vositalari yordamida qayd etuvchi qurilma;
“Yashil” yo‘lak — “Qizil” yo‘lak orqali harakatlanish shartligini ko‘rsatuvchi alomatlari bo‘lmagan transport vositalarining harakatlanishiga ruxsat beriladigan harakatlanish bo‘lagi.
4. Transport vositalarining harakati foto va video qayd etish qurilmalari orqali qayd qilinib, haydovchilarga yorug‘lik diodli ekran orqali ishora berish yo‘li bilan tartibga solinadi.
5. Yorug‘lik diodli ekranda aks ettirilmagan yoki “Yashil” yo‘lak bo‘ylab harakatlanish haqida ishora berilgan transport vositalari “Yashil” yo‘lak bo‘ylab to‘siqsiz harakatlanadi.
6. “Qizil” yo‘lakdan harakatlanishi buyurilgan transport vositalari bo‘yicha harakat qatnashchilarining hujjatlari elektron ma’lumotlar bazasidan foydalangan holda tekshiriladi, aniqlangan qarzdorliklar bo‘yicha postlarda tashkil etilgan bank terminallari orqali qarzdorlik bo‘yicha to‘lov amalga oshirilganidan so‘ng, ularning harakatini davom ettirishga ruxsat berish choralari ko‘riladi.
Qarzdorlik to‘lanmagan hollarda transport vositalari O‘zbekiston Respublikasining Ma’muriy javobgarlik to‘g‘risidagi kodeksi 291-moddasi hamda Vazirlar Mahkamasining 2011-yil 25-maydagi 149-son qarori bilan tasdiqlangan Qonunchilik hujjatlari buzilganligi uchun ushlangan transport vositalarini maxsus to‘xtash joylariga olib kelish, joylashtirish va saqlash tartibi to‘g‘risidagi nizomga muvofiq maxsus to‘xtash joylariga joylashtiriladi.
Oldingi tahrirga qarang.
Vazn va hajm parametrlarini buzib harakatlanadigan transport vositalari bo‘yicha vazn va hajm parametrlari tegishli normaga moslashtirilgan taqdirda, ularning harakatini davom ettirishga ruxsat beriladi.
(6-bandning uchinchi xatboshisi O‘zbekiston Respublikasi Vazirlar Mahkamasining 2023-yil 11-avgustdagi 354-sonli qarori tahririda — Qonunchilik ma’lumotlari milliy bazasi, 15.08.2023-y., 09/23/354/0615-son)
Vazn va hajm parametrlarini buzib harakatlangan transport vositalari bo‘yicha vazn va hajm parametrlarini tegishli normaga moslashtirilmagan yoki obyektiv sabablarga ko‘ra buning imkoni bo‘lmagan taqdirda qonun hujjatlarida belgilangan tartibda ushlab turish choralari ko‘riladi.
Qidiruvda bo‘lgan transport vositalari aniqlanganda, ushbu transport vositalari darhol maxsus to‘xtash joylariga joylashtiriladi.
7. Qarzdorlik aniqlangan transport vositalariga quyidagi hollarda harakatni davom ettirishga ruxsat etiladi:
transport vositasi to‘xtatilgan vaqtdan e’tiboran ko‘pi bilan 30 daqiqa ichida qarzdorlikka oid batafsil ma’lumot olish imkoniyati bo‘lmasa yoxud postlarda tashkil etilgan bank terminallari ishlamayotgan yoki aniqlangan qarzdorliklar bo‘yicha to‘lovni qonun hujjatlarida belgilangan boshqacha tartibda amalga oshirish imkoniyati bo‘lmagan hollarda;
aniqlangan qarzdorliklarga asos bo‘lgan qoidabuzarliklar yuzasidan sudga murojaat qilingan yoki ish sudda ko‘rilayotgan hollarda (bundan ish yuzasidan sudning qarori qonuniy kuchga kirgan hollar mustasno);
favqulodda vaziyatlar (tabiiy ofat, texnogen halokat, yong‘in)da yuk yoki odamlarni tashish hollarida;
transport vositasi marhumni tashish uchun foydalanilayotgan yoki dafn marosimida ishtirok etayotgan hollarda.
“Qizil” yo‘lak bo‘ylab harakatlanishi lozim bo‘lgan transport vositalari yuzasidan qonun hujjatlarida belgilangan choralarni ko‘rish;
“Qizil” yo‘lak bo‘ylab harakatlanishi lozim bo‘lgan, biroq axborot ishora belgilariga rioya qilmagan transport vositalarini to‘xtatish choralarini ko‘rish.
hududiy ichki ishlar organlari navbatchilik qismi va markaziy axborot dispetcherlik xizmati — axborot dispetcherlik xizmati (keyingi o‘rinlarda — MADX-ADX) bilan doimiy aloqada bo‘lish;
postlarda mavjud yorug‘lik diodli ekran yordamida, transport vositalarini qizil va yashil yo‘laklar bo‘ylab to‘g‘ri harakat qilib kelayotganligini nazorat qilish;
axborot ishora belgilari yoki yorug‘lik diodli ekranda namoyon bo‘lgan ma’lumotlarga amal qilmasdan harakatlanishi kerak bo‘lgan yo‘lakda harakatlanmagan transport vositasini o‘rnatilgan tartibda tegishli ishora berish yo‘li bilan to‘xtatish;
texnik jihozlarda nosozliklar aniqlangan taqdirda, ularni zudlik bilan bartaraf etish choralarini ko‘rish;
postlardan “Qizil” yo‘lak bo‘ylab o‘tgan transport vositalari bo‘yicha kunlik hisobotni yuritish va qo‘llanilgan choralar bo‘yicha ma’lumotni hududiy yo‘l harakati xavfsizligi xizmatlariga yuborish.
yorug‘lik diodli ekran orqali qizil yo‘lakdan harakatlanish buyurilganligi asoslari to‘g‘risida tushuntirish berilishini talab qilish;
mavjud qarzdorlik yoki transport vositasi qidiruvda ekanligi munosabati bilan maxsus to‘xtash joyiga joylashtirilganligi yuzasidan yuqori turuvchi organ (mansabdor shaxs)ga yoki sudga shikoyat qilish.
11. Postlarga transport vositasida harakatlanib kelgan haydovchi axborot ishora belgilari yoki yorug‘lik diodli ekranda namoyon etilgan ma’lumotlardagi ishoralarga so‘zsiz rioya qilishga majbur.
12. Postlarning faoliyati ustidan nazorat bevosita O‘zbekiston Respublikasi Ichki ishlar vazirligi Jamoat xavfsizligi departamenti Yo‘l harakati xavfsizligi xizmati tomonidan olib boriladi.
13. Postlarda xizmat olib borayotgan yo‘l-patrul xizmati xodimlari tomonidan taqdim etilgan kunlik ma’lumot hududiy yo‘l harakati xavfsizligi xizmatlari tomonidan umumlashtirilib, avtomatlashtirilgan ma’lumotlar bazasi bilan solishtiriladi va oylik hisobot yuritiladi.
Oylik hisobot bevosita O‘zbekiston Respublikasi Ichki ishlar vazirligi Jamoat xavfsizligi departamenti Yo‘l harakati xavfsizligi xizmatiga taqdim etiladi.
14. Haydovchilar postlarga xizmatni o‘tash uchun jalb etiladigan yo‘l-patrul xizmati xodimlarining xatti-harakatlari yuzasidan qonunchilik hujjatlarida belgilangan tartibda shikoyat qilishlari mumkin.
15. Mazkur Nizom talablarini buzgan shaxslar qonunchilik hujjatlarida belgilangan tartibda javob beradilar.
Oldingi tahrirga qarang.
(2-ilovaning matni O‘zbekiston Respublikasi Vazirlar Mahkamasining 2023-yil 11-avgustdagi 354-sonli qarori tahririda — Qonunchilik ma’lumotlari milliy bazasi, 15.08.2023-y., 09/23/354/0615-son)
1. 4-bandning “a” kichik bandi to‘rtinchi xatboshisi “rag‘batlantiriladi” so‘zidan keyin “O‘zbekiston Respublikasi Ichki ishlar vazirligi, Favqulodda vaziyatlar vazirligi hamda Milliy gvardiyasining xizmat avtotransport vositalariga o‘rnatilgan videoregistratorlar orqali qayd etilgan huquqbuzarliklar bundan mustasno” so‘zlari bilan to‘ldirilsin.
2. Ilovaning 11-bandi birinchi xatboshisi “rag‘batlantiriladi” so‘zidan keyin “O‘zbekiston Respublikasi Ichki ishlar vazirligi, Favqulodda vaziyatlar vazirligi hamda Milliy gvardiyasining xizmat avtotransport vositalariga o‘rnatilgan videoregistratorlar orqali qayd etilgan huquqbuzarliklar bundan mustasno” so‘zlari bilan to‘ldirilsin.