Bosqichlar | Subyektlar | Tadbirlar | Muddatlar | |||
1-bosqich | Ariza beruvchi | 1. Avtotransport vositalari oynalarining tusini o‘zgartirishga (qoraytirishga) ruxsatnoma olish uchun vakolatli organga murojaat etish. 2. Avtotransport vositalari oynalarining tusini o‘zgartirishga (qoraytirishga) ruxsatnoma berish bo‘yicha so‘rovnoma vakolatli organ tomonidan ariza beruvchi nomidan to‘ldirish. | Murojaat qilingan vaqtda | |||
2-bosqich | Vakolatli organ | 1. Davlat yo‘l harakati xavfsizlik xizmati “Avtomototransport” avtomatlashtirilgan axborot tizimi orqali so‘rovnomaga kiritilgan ma’lumotlarning to‘liqligini tekshirish. 2. So‘rovnomada ma’lumotlar to‘liq ko‘rsatilmagan yoki to‘lov to‘liq amalga oshirilmagan taqdirda, so‘rovnomani rad etish. | Avtomatik ravishda | |||
3-bosqich | Vakolatli organ | Davlat yo‘l harakati xavfsizlik xizmati “Avtomototransport” avtomatlashtirilgan axborot tizimi orqali ariza beruvchiga to‘lovni amalga oshirish uchun hisob raqamni taqdim etish | Avtomatik ravishda | |||
4-bosqich | Ariza beruvchi | Ruxsatnoma uchun to‘lovni amalga oshirish. | 10 kun mobaynida | |||
5-bosqich | Vakolatli organ | 1. QR kod (matrik shtrixli kod) qo‘yilgan ruxsatnomani avtomatik ravishda rasmiylashtirish hamda uni ariza beruvchiga elektron shaklda yuborish. 2. Avtotransport vositasini hisobga olish elektron ma’lumotlariga tegishli o‘zgartirishlar kiritish. | To‘lov to‘liq amalga oshirilgan vaqtdan so‘ng 2 soat davomida | |||
”. |
O‘zbekiston Respublikasi Prezidentining qarori, 28.06.2022 yildagi PQ-298-son
Kuchga kirish sanasi
29.06.2022
Рус
Ўзб
O’zb
O‘zb|Рус
Mamlakatimizda avtotransport vositalari haydovchilari uchun qo‘shimcha qulayliklarni yaratish, aholining avtotransport vositalaridan foydalanish bilan bog‘liq muammolarini tezkorlik bilan hal etish, shuningdek, fuqarolarimizning bu boradagi istaklari amalga oshirilishini ta’minlash maqsadida:
1. Keng jamoatchilik bilan o‘tkazilgan ochiq muloqot doirasida aholidan avtotransport vositalari oynalarining tusini o‘zgartirishga ruxsatnoma berish uchun to‘lov stavkalari miqdorini kamaytirish hamda avtomototransport vositalarini texnik ko‘rikdan o‘tkazish muddatlarini qayta ko‘rib chiqish bo‘yicha takliflar kelib tushayotganligi ma’lumot uchun qabul qilinsin.
yengil avtotransport vositalarining orqa yon oynalari tusini o‘zgartirish (qoraytirish) uchun ruxsatnoma olish tartibi bekor qilinsin;
jismoniy va yuridik shaxslarning yengil avtotransport vositalari old yon oynalari tusini o‘zgartirishga (qoraytirishga) ruxsatnoma berganlik uchun to‘lov miqdori bazaviy hisoblash miqdorining sakkiz baravari etib belgilansin.
a) ishlab chiqarilganiga o‘n yilgacha bo‘lgan jismoniy shaxslarga tegishli yengil avtomototransport vositalarini texnik ko‘rikdan o‘tkazish ixtiyoriy ravishda amalga oshiriladi;
b) yengil avtomototransport vositalarini majburiy texnik ko‘rikdan o‘tkazishning quyidagi muddatlari belgilanadi:
ishlab chiqarilganiga o‘n bir yildan o‘n to‘rt yilgacha bo‘lgan yengil avtomototransport vositalari — ikki yilda bir marta;
ishlab chiqarilganiga o‘n besh yil va undan ortiq bo‘lgan yengil avtomototransport vositalari — bir yilda bir marta.
Bunda mazkur muddatlar tijorat asosida yo‘lovchilar tashish faoliyatida foydalaniladigan yengil avtomototransport vositalari uchun tatbiq etilmaydi.
4. Avtotransport vositalari oynalarining tusini o‘zgartirishga (qoraytirishga) ruxsatnoma berish Yagona interaktiv davlat xizmatlari portali bilan bir qatorda ichki ishlar organlari yo‘l harakati xavfsizligi bo‘linmalari tomonidan ham amalga oshirish tartibi joriy etilsin.
Ichki ishlar vazirligi (P. Bobojonov) manfaatdor vazirlik va idoralar bilan birgalikda 2022-yil 1-sentabrga qadar oynalari tusini o‘zgartirishga (qoraytirishga) ruxsat berilgan avtotransport vositasiga bo‘lgan egalik huquqi o‘zgarganda, davlat raqami belgisi almashtirilganda yoki avtotransport vositasi egasining ma’lumotlarida o‘zgarish bo‘lganda avtotransport vositalari oynalarining tusini o‘zgartirishga (qoraytirishga) berilgan ruxsatnomaning amal qilish muddatini avtomatik tarzda saqlab qolish tartibini joriy etsin.
5. O‘zbekiston Respublikasi Hukumatining ayrim qarorlariga ilovaga muvofiq o‘zgartirish va qo‘shimchalar kiritilsin.
6. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov zimmasiga yuklansin.
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
1. Vazirlar Mahkamasining 2018-yil 18-iyuldagi “Tusi o‘zgartirilgan (qoraytirilgan) oynali avtotransport vositalaridan foydalanishni tartibga solish chora-tadbirlari to‘g‘risida”gi 547-son qarorining 2-bandida:
“a) M1, N1 va N2 toifaga oid avtotransport vositalari old yon oynalarining tusini yorug‘lik o‘tkazuvchanligi — 30 foizdan kam bo‘lmagan darajada, shuningdek, M2, M3 toifaga oid III klass avtotransport vositalari yon oynalarining tusini yorug‘lik o‘tkazuvchanligi — 30 foizdan kam bo‘lmagan darajada o‘zgartirish (qoraytirish) tasdiqlangan davlat standarti bo‘yicha, shuningdek, xorijiy davlatlarning ishlab chiqaruvchi korxonalari tomonidan tusi yuqorida belgilangan me’yorlardan ortiq bo‘lmagan darajada o‘zgartirilgan (qoraytirilgan) oynalar o‘rnatilgan, erkin muomalaga chiqarish (import) va vaqtincha olib kirish bojxona rejimlariga rasmiylashtirilgan avtotransport vositalaridan foydalanish O‘zbekiston Respublikasi Ichki ishlar vazirligi Davlat yo‘l harakati xavfsizligi xizmati tomonidan 1 yil muddatga beriladigan ruxsatnomaga asosan amalga oshiriladi”;
b) “b” kichik bandi “avtotransport vositalari orqa oynasining tusini,” so‘zlaridan keyin “M1, N1 va N2 toifaga oid avtotransport vositalari orqa yon oynalarining,” so‘zlari bilan to‘ldirilsin;
“b1) oynalar tusini o‘zgartirishga ruxsat berilgan avtotransport vositasiga bo‘lgan egalik huquqi o‘zgarganda, davlat raqami belgisi almashtirilganda yoki avtotransport vositasi egasining ma’lumotlarida o‘zgarish bo‘lganda (jismoniy shaxsning familiyasi, ismi, otasining ismi o‘zgarganda, yuridik shaxs qayta tashkil etilganda, uning joylashgan joyi (pochta manzili) yoki nomlanishi o‘zgartirilganda) avtotransport vositalari oynalarining tusini o‘zgartirishga berilgan ruxsatnomaning amal qilish muddati 2022-yil 1-sentabrdan boshlab avtomatik tarzda saqlab qolinadi;”
“orqa va old yon oynalar bo‘yicha jismoniy va yuridik shaxslar uchun — bazaviy hisoblash miqdorining sakkiz baravari miqdorini va O‘zbekiston Respublikasida faoliyat ko‘rsatayotgan xorijiy davlatlar yuridik shaxslari uchun — bazaviy hisoblash miqdorining o‘n to‘rt baravari miqdorini tashkil etadi”.
2. Vazirlar Mahkamasining 2021-yil 9-martdagi “Transport vositalarini majburiy texnik ko‘rikdan o‘tkazish tartibini takomillashtirishga doir qo‘shimcha chora-tadbirlar to‘g‘risida”gi 125-son qarorida:
“2. O‘zbekiston Respublikasi Ichki ishlar vazirligi 2022-yil 31-dekabrga qadar davlat xaridlari to‘g‘risidagi qonunchilik hujjatlarida belgilangan tartibda Qoraqalpog‘iston Respublikasi Ichki ishlar vazirligi, Toshkent shahar va Toshkent viloyati ichki ishlar bosh boshqarmalari hamda viloyatlar ichki ishlar boshqarmalari jamoat xavfsizligi xizmatlari yo‘l harakati xavfsizligi boshqarmalari uchun bittadan harakatlanuvchi mobil texnik nazorat liniyalarini xarid qilsin va foydalanishga kiritsin”;
b) 3-bandning ikkinchi xatboshisidagi “Ichki ishlar vazirligining Yo‘l harakati xavfsizligi bosh boshqarmasi Davlat yo‘l harakati xavfsizligi xizmatining” so‘zlari “Ichki ishlar vazirligi Jamoat xavfsizligi departamenti Yo‘l harakati xavfsizligi xizmati Davlat yo‘l harakati xavfsizligi xizmatining” so‘zlari bilan almashtirilsin;
“tadbirkorlik subyektlari mobil diagnostika stansiyalaridan faqat tadbirkorlik subyektlarining statsionar (turg‘un) diagnostika stansiyalari mavjud bo‘lmagan uzoq hududlarda foydalanadi”;
4-bandning uchinchi xatboshisidagi “Yo‘l harakati xavfsizligi bosh boshqarmasining” so‘zlari “Jamoat xavfsizligi departamenti Yo‘l harakati xavfsizligi xizmatining” so‘zlari bilan almashtirilsin;
a) tijorat asosida yo‘lovchilar tashish faoliyati bilan shug‘ullanuvchi yengil avtomobillar, avtobuslar, trolleybuslar, tramvaylar va o‘rindiqlar soni 8 ta va undan ortiq bo‘lgan (haydovchining o‘rnidan tashqari), odamlarni muntazam tashish uchun jihozlangan yuk avtomobillari, yirik gabaritli, og‘ir vaznli va xavfli yuklarni tashish uchun maxsus transport vositalari va ularning tirkamalari — bir yilda ikki marta;
b) ishlab chiqarilganiga olti yildan ko‘p bo‘lmagan yuridik shaxslarga tegishli transport vositalari (mazkur bandning “a” kichik bandida ko‘rsatilgan transport vositalaridan tashqari), shuningdek, ishlab chiqarilganiga o‘n bir yildan o‘n to‘rt yilgacha (o‘n to‘rtinchi yili ham) bo‘lgan jismoniy shaxslarga tegishli M1 toifadagi transport vositalari (mazkur bandning “a” kichik bandida ko‘rsatilgan transport vositalaridan tashqari) — ikki yilda bir marta;
v) ishlab chiqarilganiga olti yildan ortiq bo‘lgan yuridik shaxslarga tegishli transport vositalari, ishlab chiqarilgan vaqti aniq bo‘lmagan transport vositalari (mazkur bandning “a” kichik ko‘rsatilgan transport vositalaridan tashqari), shuningdek, ishlab chiqarilganiga o‘n besh yil va undan ortiq bo‘lgan jismoniy shaxslarga tegishli M1 toifadagi transport vositalari (mazkur bandning “a” kichik ko‘rsatilgan transport vositalaridan tashqari) — bir yilda bir marta;”
Ishlab chiqarilganiga o‘n yilgacha (o‘ninchi yili ham) bo‘lgan jismoniy shaxslarga tegishli M1 toifadagi transport vositalari (mazkur bandning “a” kichik bandida ko‘rsatilgan transport vositalaridan tashqari) texnik ko‘rikdan ixtiyoriy ravishda o‘tkaziladi”;
“7. Ishlab chiqarilganligidan qat’i nazar transport vositalarini DYHXX organlarida ro‘yxatdan o‘tkazishda (qayta ro‘yxatdan o‘tkazishda), ularning agregat raqamlari texnik hujjatlarga mosligi tekshiriladi”;
“avtomatik boshqaruvga ega bo‘lgan M1 toifali transport vositalarining tormoz tizimini tekshirish uchun tormoz yo‘lagi mavjud bo‘lishiga”;
to‘rtinchi — o‘n oltinchi xatboshilar tegishincha beshinchi — o‘n yettinchi xatboshilar deb hisoblansin;
“gaz yonilg‘isida ishlaydigan transport vositalarida gaz sizib chiqishini aniqlovchi (techeiskatel) uskunasiga”;
to‘rtinchi — o‘n to‘rtinchi xatboshilar tegishincha beshinchi — o‘n beshinchi xatboshilar deb hisoblansin;
20-band “viloyatlar ichki ishlar boshqarmalari” so‘zlaridan keyin “jamoat xavfsizligi xizmatlari” so‘zlari bilan to‘ldirilsin;
birinchi xatboshidagi “Ichki ishlar vazirligi Yo‘l harakati xavfsizligi bosh boshqarmasiga (keyingi o‘rinlarda — YHXBB)” so‘zlari “Ichki ishlar vazirligi Jamoat xavfsizligi departamenti Yo‘l harakati xavfsizligi xizmatiga (keyingi o‘rinlarda — YHXX)” so‘zlari bilan almashtirilsin;
“DYHXXning mobil diagnostika stansiyalarida transport vositalarini texnik ko‘rikdan o‘tkazganlik uchun bazaviy hisoblash miqdorining o‘n foizi miqdorida to‘lov undiriladi.
Ushbu mablag‘ Ichki ishlar vazirligi Jamoat xavfsizligi departamenti Yo‘l harakati xavfsizligi xizmati Davlat yo‘l harakati xavfsizligi xizmatining moddiy-texnika bazasini rivojlantirish, xodimlarini rag‘batlantirish va mukofotlash jamg‘armasiga yo‘naltiriladi”;
53-bandning ikkinchi xatboshisidagi “Yo‘l harakati xavfsizligi bosh boshqarmasi” so‘zlari “Jamoat xavfsizligi departamenti Yo‘l harakati xavfsizligi xizmati” so‘zlari bilan almashtirilsin;
“12. Ishlab chiqarish-texnika bazasining ishlab chiqarish xonasiga kirish oldidagi maydon 70 kvadrat metrdan kam bo‘lmasligi kerak”.
3. Vazirlar Mahkamasining 2021-yil 28-iyuldagi “Tusi o‘zgartirilgan (qoraytirilgan) oynali avtotransport vositalaridan foydalanish tartibini takomillashtirish bo‘yicha qo‘shimcha chora-tadbirlar to‘g‘risida”gi 465-son qarorida:
“avtotransport vositalari oynalarining tusini o‘zgartirishga (qoraytirish)ga ruxsatnoma berish bo‘yicha davlat xizmati O‘zbekiston Respublikasi Ichki ishlar vazirligi Davlat yo‘l harakati xavfsizligi xizmati tomonidan hamda O‘zbekiston Respublikasi Yagona interaktiv davlat xizmatlari portali (keyingi o‘rinlarda — YIDXP) orqali ko‘rsatiladi”;
avtotransport vositalari oynalarining tusini o‘zgartirishga (qoraytirishga) oid davlat xizmati O‘zbekiston Respublikasi Ichki ishlar vazirligi Davlat yo‘l harakati xavfsizligi xizmati tomonidan ko‘rsatilganda, ushbu xizmat uchun yig‘imlar Vazirlar Mahkamasining “Tusi o‘zgartirilgan (qoraytirilgan) oynali avtotransport vositalaridan foydalanishni tartibga solish chora-tadbirlari to‘g‘risida” 2018-yil 18-iyuldagi 547-son qarorida ko‘rsatilgan miqdorlarda to‘lanadi;
“Davlat boji to‘g‘risida”gi O‘zbekiston Respublikasi Qonuniga muvofiq, avtotransport vositalari oynalarining tusini o‘zgartirishga (qoraytirishga) oid davlat xizmati uchun yig‘imlar davlat xizmati YIDXP orqali ko‘rsatilganda, Vazirlar Mahkamasining “Tusi o‘zgartirilgan (qoraytirilgan) oynali avtotransport vositalaridan foydalanishni tartibga solish chora-tadbirlari to‘g‘risida” 2018-yil 18-iyuldagi 547-son qarorida ko‘rsatilgan miqdorlarning 90 foizi to‘lanadi.
11,25 foizi — Axborot-kommunikatsiya texnologiyalarini rivojlantirish jamg‘armasining elektron hukumat va raqamli iqtisodiyotning idoralararo loyihalarini moliyalashtirish bo‘yicha maxsus hisobvarag‘iga;
88,75 foizi — O‘zbekiston Respublikasi Ichki ishlar vazirligi Jamoat xavfsizligi departamenti Yo‘l harakati xavfsizligi xizmati Davlat yo‘l harakati xavfsizligi xizmatining moddiy-texnik bazasini rivojlantirish, xodimlarini rag‘batlantirish va mukofotlash jamg‘armasiga o‘tkaziladi”;
“7. Avtotransport vositalari oynalarining tusini o‘zgartirishga (qoraytirishga) oid davlat xizmati O‘zbekiston Respublikasi Ichki ishlar vazirligi Davlat yo‘l harakati xavfsizligi xizmati tomonidan ko‘rsatilganda, ushbu xizmat uchun yig‘imlar Vazirlar Mahkamasining “Tusi o‘zgartirilgan (qoraytirilgan) oynali avtotransport vositalaridan foydalanishni tartibga solish chora-tadbirlari to‘g‘risida” 2018-yil 18-iyuldagi 547-son qarorida ko‘rsatilgan miqdorlarda to‘lanadi”;
“8. Davlat xizmati YIDXP orqali mazkur Reglamentga 1-ilovada keltirilgan sxema asosida, vakolatli organ tomonidan to‘g‘ridan to‘g‘ri ko‘rsatilganda 1.1-ilovada keltirilgan sxema asosida ko‘rsatiladi”;
“9. Davlat xizmati vakolatli organ tomonidan “Avtomototransport” avtomatlashtirilgan axborot tizimidan (keyingi o‘rinlarda — Tizim) foydalangan holda ko‘rsatiladi.
Ariza beruvchi to‘g‘ridan to‘g‘ri vakolatli organga murojaat qilganda, vakolatli organ mas’ul xodimi tomonidan ushbu Reglamentga 2-ilovada keltirilgan so‘rovnomani ariza beruvchi nomidan to‘ldiradi.
Agar ariza beruvchi davlat xizmatidan YIDXP orqali foydalanmoqchi bo‘lsa, u YIDXPda ro‘yxatdan o‘tadi hamda ushbu Reglamentga 2-ilovada keltirilgan so‘rovnomani elektron shaklda to‘ldiradi”;
14-banddagi “uni ariza beruvchining” so‘zlari “ariza beruvchiga yoki uning” so‘zlari bilan almashtirilsin;