LexUZ sharhi
Ushbu qaror O‘zbekiston Respublikasi Vazirlar Mahkamasining 2001-yil 16-maydagi 217-sonli “O‘zbekiston Respublikasi Hukumatining ayrim qarorlariga o‘zgartirishlar, qo‘shimchalar kiritish va ayrim qarorlarini o‘z kuchini yo‘qotgan deb hisoblash to‘g‘risida”gi qaroriga asosan o‘z kuchini yo‘qotgan.
Tovarlarning ayrim turlarini O‘zbekiston Respublikasi hududiga olib kelishni tartibga solish maqsadida Vazirlar Mahkamasi qaror qiladi:
1. 2000-yil 1-oktabrdan boshlab O‘zbekiston Respublikasi hududiga olib kelinadigan tovarlarning ayrim turlariga ilovaga muvofiq aksiz solig‘i belgilansin.
2. O‘zbekiston Respublikasi Davlat bojxona qo‘mitasi amaldagi qonun hujjatlariga muvofiq aksiz solig‘i to‘lashning belgilangan tartibiga qat’iy rioya qilinishini ta’minlasin.
3. O‘zbekiston Respublikasi Adliya vazirligi manfaatdor vazirliklar va idoralar bilan birgalikda qonun hujjatlariga mazkur qarordan kelib chiquvchi o‘zgartirishlar va qo‘shimchalar to‘g‘risidagi takliflarni ikki hafta muddatda Vazirlar Mahkamasiga kiritsin.