O‘zbekiston Respublikasi Vazirlar Mahkamasining 2015-yil 6-noyabrdagi 320-son “Davlat hokimiyati va boshqaruvi organlari faoliyatining ochiqligi to‘g‘risida”gi O‘zbekiston Respublikasi Qonuni qoidalarini amalga oshirishga yo‘naltirilgan kompleks chora-tadbirlar ko‘rish to‘g‘risida”gi qaroriga muvofiq buyuraman:
1. Davlat hokimiyati va boshqaruvi organlari tomonidan axborot-kutubxona va arxiv muassasalariga taqdim etilgan hujjatlar bilan ishlash tartibi to‘g‘risidagi yo‘riqnoma ilovaga muvofiq tasdiqlansin.
O‘zbekiston Respublikasi Vazirlar Mahkamasi huzuridagi “O‘zarxiv” agentligi bosh direktorining 2016-yil 20-iyundagi 45-son buyrug‘iga
ILOVA
ILOVA
Mazkur Yo‘riqnoma O‘zbekiston Respublikasining “Davlat hokimiyati va boshqaruvi organlari faoliyatining ochiqligi to‘g‘risida”gi Qonuni hamda O‘zbekiston Respublikasi Vazirlar Mahkamasining 2015-yil 6-noyabrdagi 320-son “Davlat hokimiyati va boshqaruvi organlari faoliyatining ochiqligi to‘g‘risida”gi O‘zbekiston Respublikasi Qonuni qoidalarini amalga oshirishga yo‘naltirilgan kompleks chora-tadbirlar ko‘rish to‘g‘risida”gi qaroriga muvofiq, davlat hokimiyati va boshqaruvi organlari tomonidan axborot-kutubxona va arxiv muassasalariga taqdim etilgan hujjatlar bilan ishlash tartibini belgilaydi.
1. Axborot-kutubxona va arxiv muassasalari davlat hokimiyati va boshqaruvi organlari tomonidan taqdim etilgan hujjatlarni doimiy ravishda jamlab, to‘ldirib va saqlab boriladigan elektron nusxalari majmuini — elektron bazasini (bundan buyon matnda elektron baza deb yuritiladi) yuritishi shart.
2. Mazkur Yo‘riqnoma talablari davlat hokimiyati va boshqaruvi organlari tomonidan axborot-kutubxona va arxiv muassasalariga taqdim etilgan hujjatlarga nisbatan tatbiq etiladi.
3. Davlat hokimiyati va boshqaruvi organlari tomonidan taqdim etilgan hujjatlar axborot-kutubxona va arxiv muassasalarida mazkur Yo‘riqnomaning ilovasiga muvofiq elektron shaklda yuritiladigan jurnalda topshirish-qabul qilish dalolatnomasiga asosan hisobga olib borilishi shart.
4. Axborot-kutubxona va arxiv muassasalarida davlat hokimiyati va boshqaruvi organlari tomonidan taqdim etilgan hujjatlarni hisobga olish va jurnalni yuritish uchun muassasa rahbarining buyrug‘i bilan mas’ul xodim tayinlanadi.
5. Davlat hokimiyati va boshqaruvi organlari tomonidan taqdim etilgan hujjatlar hisobga olingandan so‘ng, ular axborot-kutubxona va arxiv muassasalari mas’ul xodimlari tomonidan 3 ish kuni ichida elektron bazaga kiritiladi. Bunda hujjatlar har kalendar yil hamda har bir davlat hokimiyati va boshqaruvi organi bo‘yicha alohida-alohida turkumlashtirilgan holda joylashtiriladi.
6. Qoraqalpog‘iston Respublikasi, viloyatlar va Toshkent shahar axborot-kutubxona markazlari tegishli hudud bo‘yicha jamlagan elektron bazalarni umumlashtirish uchun Alisher Navoiy nomidagi O‘zbekiston Milliy kutubxonasiga 1-martdan kechiktirmay taqdim etishi lozim.
7. Qoraqalpog‘iston Respublikasi hamda viloyatlar quyi davlat arxivi muassasalari tomonidan jamlangan elektron bazalar umumlashtirish uchun 20-fevralga qadar tegishlicha Qoraqalpog‘iston Respublikasi Markaziy davlat arxivi yoki viloyatlar davlat arxivlariga taqdim etiladi.
Oldingi tahrirga qarang.
Qoraqalpog‘iston Respublikasi markaziy davlat arxivi, Toshkent shahar markaziy davlat arxivi va viloyat davlat arxivlari tomonidan tegishli hudud bo‘yicha umumlashtirilgan (jamlangan) elektron bazalar 25-fevralga qadar O‘zbekiston Milliy arxiviga taqdim etiladi.
(7-bandning ikkinchi xatboshisi O‘zbekiston Respublikasi “O‘zarxiv” agentligi direktorining 2021-yil 21-maydagi 186-sonli buyrug‘i (ro‘yxat raqami 2807-1, 05.06.2021-y.) tahririda — Qonunchilik ma’lumotlari milliy bazasi, 05.06.2021-y., 10/21/2807-1/0530-son)
Oldingi tahrirga qarang.
8. Alisher Navoiy nomidagi O‘zbekiston Milliy kutubxonasi hamda O‘zbekiston Milliy arxivi hududiy axborot-kutubxona va arxiv muassasalari tomonidan taqdim etilgan elektron bazalarni 1-martga qadar respublika bo‘yicha umumlashtirib, o‘z elektron bazalarini shakllantirishi shart.
(8-band O‘zbekiston Respublikasi “O‘zarxiv” agentligi direktorining 2021-yil 21-maydagi 186-sonli buyrug‘i (ro‘yxat raqami 2807-1, 05.06.2021-y.) tahririda — Qonunchilik ma’lumotlari milliy bazasi, 05.06.2021-y., 10/21/2807-1/0530-son)
Oldingi tahrirga qarang.
9. Elektron bazalar tegishlicha hudud bo‘yicha jamlangan holda 20-fevraldan kechiktirmay Qoraqalpog‘iston Respublikasi, viloyatlar va Toshkent shahar axborot-kutubxona markazlarining hamda Qoraqalpog‘iston Respublikasi va Toshkent shahar markaziy davlat arxivlari, viloyatlar davlat arxivlarining, respublika bo‘yicha umumlashtirilgan holda esa, 5-martdan kechiktirmay Alisher Navoiy nomidagi O‘zbekiston Milliy kutubxonasining hamda O‘zbekiston Milliy arxivining rasmiy veb-saytlarida alohida sahifada joylashtirilishi lozim.
(9-band O‘zbekiston Respublikasi “O‘zarxiv” agentligi direktorining 2021-yil 21-maydagi 186-sonli buyrug‘i (ro‘yxat raqami 2807-1, 05.06.2021-y.) tahririda — Qonunchilik ma’lumotlari milliy bazasi, 05.06.2021-y., 10/21/2807-1/0530-son)
Oldingi tahrirga qarang.
10. Alisher Navoiy nomidagi O‘zbekiston Milliy kutubxonasi hamda O‘zbekiston Milliy arxivi boshqa axborot-kutubxona va arxiv muassasalariga respublika bo‘yicha umumlashtirilgan elektron bazalardan foydalanish uchun o‘z rasmiy veb-saytlari orqali sharoit yaratib berishi shart.
(10-band O‘zbekiston Respublikasi “O‘zarxiv” agentligi direktorining 2021-yil 21-maydagi 186-sonli buyrug‘i (ro‘yxat raqami 2807-1, 05.06.2021-y.) tahririda — Qonunchilik ma’lumotlari milliy bazasi, 05.06.2021-y., 10/21/2807-1/0530-son)
11. Elektron baza kalit so‘zlar (ko‘p uchraydigan yoki hujjat nomining qisqacha mazmunini bildiruvchi so‘zlar), havolalar hamda boshqa parametrlar asosida kerakli axborotni tez va oson qidirish hamda qidirilayotgan axborotlarni foydalanuvchiga taqdim etish, shuningdek kompyuter orqali o‘qilish imkoniyatiga ega bo‘lishi kerak.
Oldingi tahrirga qarang.
12. Axborot-kutubxona va arxiv muassasalarida elektron bazalarning axborot xavfsizligi tegishlicha O‘zbekiston Respublikasi Raqamli texnologiyalar vazirligi, O‘zbekiston Respublikasi Adliya vazirligi huzuridagi “O‘zarxiv” agentligi hamda Alisher Navoiy nomidagi O‘zbekiston Milliy kutubxonasining Axborot xavfsizligi siyosati talablariga muvofiq ta’minlanadi.
(12-band O‘zbekiston Respublikasi adliya vazirining 2023-yil 30-oktabrdagi 16-mh-sonli buyrug‘i (ro‘yxat raqami 3469, 31.10.2023-y.) tahririda — Qonunchilik ma’lumotlari milliy bazasi, 03.11.2023-y., 10/23/3469/0824-son)
13. Axborotdan foydalanuvchilar elektron bazalardan o‘ziga kerakli bo‘lgan ma’lumotlar bilan axborot-kutubxona va arxiv muassasalarida alohida ajratiladigan kompyuterlar vositasida internet tarmog‘iga ulangan holda (onlayn) yoki elektron bazaning lokal nusxalari olingan holda (offlayn) tanishib chiqish huquqiga ega.
14. Elektron bazadagi axborotlardan nusxalar olish foydalanuvchilarning buyurtmalariga asosan tegishli axborot-kutubxona va arxiv muassasalari tomonidan ko‘rsatiladigan xizmatlar doirasida amalga oshiriladi.
Oldingi tahrirga qarang.
15. Mazkur Yo‘riqnoma talablari buzilishida aybdor bo‘lgan shaxslar qonunchilik hujjatlariga muvofiq javobgar bo‘ladi.
(15-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
16. Mazkur Yo‘riqnoma O‘zbekiston Respublikasi Axborot texnologiyalari va kommunikatsiyalarini rivojlantirish vazirligi va Alisher Navoiy nomidagi O‘zbekiston Milliy kutubxonasi bilan kelishilgan.
Davlat hokimiyati va boshqaruvi organlari tomonidan axborot-kutubxona va arxiv muassasalariga taqdim etilgan hujjatlar bilan ishlash tartibi to‘g‘risidagi yo‘riqnomaga
ILOVA
ILOVA
___________________________________________________________________ da (muassasaning nomi) davlat hokimiyati va boshqaruvi organlari tomonidan taqdim etilgan hujjatlarni hisobga olish ELEKTRON JURNALI | ||||||||
Yuritilishi boshlandi: 20 ___ yil “___”________. | ||||||||
Yuritilishi tugatildi: 20 ___ yil “___”________. | ||||||||
T/r | Hujjatlarni taqdim etgan tashkilot | Hujjatlar qabul qilib olingan sana | Jami qabul qilingan hujjatlar (har bir shakli bo‘yicha alohida) (dona) | Shundan: | Hujjatlarni qabul qilib olgan shaxsning F.I.O. va imzosi | |||
“PDF” shakldagi hujjat (varaq) | “WAV” (“MP3”) shakldagi hujjat (soat, daqiqa, soniya) | “AVI” (“MP4”) shakldagi hujjat (soat, daqiqa, soniya) | “JPEG” shakldagi hujjat (dona) | |||||
1 | 2 | 3 | 4 | 5 | 6 | 7 | 8 |