LexUZ sharhi
Mazkur qaror O‘zbekiston Respublikasi Prezidentining 2017-yil 28-apreldagi PQ-2934-sonli “O‘zbekiston Respublikasi Iqtisodiyot vazirligi faoliyatini tubdan takomillashtirish chora-tadbirlari to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “O‘zbekiston Respublikasi Makroiqtisodiyot va statistika vazirligini qayta tashkil etish to‘g‘risida” 2002-yil 24-dekabrdagi PF-3183-son Farmonini bajarish yuzasidan Vazirlar Mahkamasi qaror qiladi:
Oldingi tahrirga qarang.
(1-band O‘zbekiston Respublikasi Vazirlar Mahkamasining 2015-yil 28-avgustdagi 248-sonli qaroriga asosan zo‘ kuchini yo‘qotgan — O‘R QHT, 2015-y., 34-son, 456-modda)
2. O‘zbekiston Respublikasi Iqtisodiyot vazirligi markaziy apparati shtatdagi xodimlarining cheklangan soni 176 nafar (xizmat ko‘rsatuvchi xodimlardan tashqari) etib belgilansin.
(2-bandning birinchi xatboshisi O‘zbekiston Respublikasi Vazirlar Mahkamasining 2015-yil 28-avgustdagi 248-sonli qarori tahririda — O‘R QHT, 2015-y., 34-son, 456-modda)
O‘zbekiston Respublikasi Iqtisodiyot vazirligida vazirning bir nafar birinchi o‘rinbosari, vazirning to‘rt nafar o‘rinbosari, shaxsiy tarkibi va soni O‘zbekiston Respublikasi Vazirlar Mahkamasi tomonidan tasdiqlanadigan Hay’at bo‘lishiga ruxsat etilsin.
(2-bandning ikkinchi xatboshisi O‘zbekiston Respublikasi Vazirlar Mahkamasining 2015-yil 28-avgustdagi 248-sonli qarori tahririda — O‘R QHT, 2015-y., 34-son, 456-modda)
Iqtisodiyot vazirining birinchi o‘rinbosari maqomiga ko‘ra vazirga, vazir o‘rinbosarlari esa vazirning birinchi o‘rinbosariga tenglashtirilsin.
O‘zbekiston Respublikasi Iqtisodiyot vaziriga shtatdagi xodimlarning belgilangan soni va mehnatga haq to‘lash fondi doirasida vazirlik markaziy apparatining tasdiqlangan tuzilmasiga o‘zgartirishlar kiritish huquqi berilsin.
Oldingi tahrirga qarang.
(3-bandning ikkinchi xatboshisi O‘zbekiston Respublikasi Prezidentining 2016-yil 22-fevraldagi PQ-2495-sonli qaroriga asosan chiqarilgan — O‘R QHT, 2016-y., 8-son, 75-modda)
Oldingi tahrirga qarang.
(3-bandning uchinchi xatboshisi O‘zbekiston Respublikasi Prezidentining 2016-yil 22-fevraldagi PQ-2495-sonli qaroriga asosan chiqarilgan — O‘R QHT, 2016-y., 8-son, 75-modda)
Oldingi tahrirga qarang.
(4-band O‘zbekiston Respublikasi Prezidentining 2016-yil 22-fevraldagi PQ-2495-sonli qaroriga asosan o‘z kuchini yo‘qotgan — O‘R QHT, 2016-y., 8-son, 75-modda)
5. O‘zbekiston Respublikasi Iqtisodiyot vazirligi bir oy muddatda bosh boshqarmalar, shahar va tuman iqtisodiyot bo‘limlari to‘g‘risidagi Namunaviy nizomlarni belgilangan tartibda tasdiqlasin.
6. Belgilansinki, O‘zbekiston Respublikasi Iqtisodiyot vazirligining o‘z vakolatlari doirasida qabul qilingan qarorlarining markaziy iqtisodiy organlar, vazirliklar, idoralar, ijro etuvchi hokimiyat mahalliy organlari va xo‘jalik yurituvchi subyektlar tomonidan bajarilishi majburiy hisoblanadi.
7. O‘zbekiston Respublikasi Iqtisodiyot vazirligi xodimlarini rag‘batlantirish va moddiy-texnika bazasini mustahkamlash maqsadida Vazirlikka budjetdan tashqari Rivojlantirish va moddiy rag‘batlantirish jamg‘armasi tashkil etish huquqi berilsin.
O‘zbekiston Respublikasi Iqtisodiyot vaziriga, Qoraqalpog‘iston Respublikasi Iqtisodiyot vaziriga, xodimlarning yuqori malakasi va muayyan xizmat muddati uchun ularga ustama belgilashiga ruxsat berilsin.
(7-bandning ikkinchi xatboshisi O‘zbekiston Respublikasi Prezidentining 2016-yil 22-fevraldagi PQ-2495-sonli qarori tahririda — O‘R QHT, 2016-y., 8-son, 75-modda)
O‘zbekiston Respublikasi Iqtisodiyot vazirligining budjetdan tashqari Rivojlantirish va moddiy rag‘batlantirish jamg‘armasi mablag‘lari yuqori malakasi va muayyan xizmat muddati uchun ko‘rsatib o‘tilgan ustamalar manbai etib belgilansin.
O‘zbekiston Respublikasi Iqtisodiyot vazirligi, Monopoliyadan chiqarish va raqobatni rivojlantirish davlat qo‘mitasi, Moliya vazirligi bir oy muddatda Iqtisodiyot vazirligining budjetdan tashqari Rivojlantirish va moddiy rag‘batlantirish jamg‘armasi hamda yuqori malaka va muayyan xizmat muddati uchun ustamalar belgilash to‘g‘risidagi nizomlarni ishlab chiqsinlar va belgilangan tartibda tasdiqlasinlar.
Makroiqtisodiyot va statistika vazirligi hamda unga qarashli tashkilotlar egallab turgan xizmat binolari, shuningdek belgilangan texnik xizmat ko‘rsatish shart-sharoitlari O‘zbekiston Respublikasi Iqtisodiyot vazirligi va unga qarashli tashkilotlar ixtiyorida qoldirilsin;
Makroiqtisodiyot va statistika vazirligi xodimlari uchun belgilangan moddiy va tibbiy xizmat ko‘rsatish shart-sharoitlari O‘zbekiston Respublikasi Iqtisodiyot vazirligi xodimlari uchun saqlab qolinsin.
9. Belgilansinki, O‘zbekiston Respublikasi Iqtisodiyot vazirligi shartnomalar va majburiyatlar bo‘yicha O‘zbekiston Respublikasi Makroiqtisodiyot va statistika vazirligining huquqiy vorisi hisoblanadi.
O‘zbekiston Respublikasi Vazirlar Mahkamasining “O‘zbekiston Respublikasi Makroiqtisodiyot va statistika vazirligi faoliyatini tashkil etish to‘g‘risida” 1997-yil 22-maydagi 253-son qarori (O‘zbekiston Respublikasi QT, 1997-y., 5-son, 18-modda);
O‘zbekiston Respublikasi Vazirlar Mahkamasining “O‘zbekiston Respublikasi Makroiqtisodiyot va statistika vazirligi to‘g‘risidagi Nizomni tasdiqlash haqida” 1997-yil 11-oktabrdagi 474-son qarori (O‘zbekiston Respublikasi QT, 1997-y., 11-12-son, 37-modda) o‘z kuchini yo‘qotgan deb hisoblansin.
11. O‘zbekiston Respublikasi Adliya vazirligi O‘zbekiston Respublikasi Iqtisodiyot vazirligi bilan birgalikda bir oy muddatda amaldagi qonun hujjatlariga mazkur qarordan kelib chiquvchi o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.
12. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.
Oldingi tahrirga qarang.
(1-ilova O‘zbekiston Respublikasi Vazirlar Mahkamasining 2015-yil 28-avgustdagi 248-sonli qaroriga asosan o‘z kuchini yo‘qotgan — O‘R QHT, 2015-y., 34-son, 456-modda)
Oldingi tahrirga qarang.
(1a-ilova O‘zbekiston Respublikasi Vazirlar Mahkamasining 2004-yil 9-fevraldagi 58-son qaroriga muvofiq o‘z kuchini yo‘qotgan — O‘zbekiston Respublikasi Qonun hujjatlari to‘plami, 2004-y., 6-son, 70-modda)
Oldingi tahrirga qarang.
(2-ilova O‘zbekiston Respublikasi Prezidentining 2016-yil 22-fevraldagi PQ-2495-sonli qaroriga asosan o‘z kuchini yo‘qotgan — O‘R QHT, 2016-y., 8-son, 75-modda)
Oldingi tahrirga qarang.
(2a-ilova O‘zbekiston Respublikasi Prezidentining 2016-yil 22-fevraldagi PQ-2495-sonli qaroriga asosan o‘z kuchini yo‘qotgan — O‘R QHT, 2016-y., 8-son, 75-modda)
Oldingi tahrirga qarang.
(3-ilova O‘zbekiston Respublikasi Prezidentining 2016-yil 22-fevraldagi PQ-2495-sonli qaroriga asosan o‘z kuchini yo‘qotgan — O‘R QHT, 2016-y., 8-son, 75-modda)
Oldingi tahrirga qarang.
(4-ilova O‘zbekiston Respublikasi Prezidentining 2016-yil 22-fevraldagi PQ-2495-sonli qaroriga asosan o‘z kuchini yo‘qotgan — O‘R QHT, 2016-y., 8-son, 75-modda)
1. Ushbu Nizom O‘zbekiston Respublikasi Iqtisodiyot vazirligi (keyingi o‘rinlarda Iqtisodiyot vazirligi deb ataladi)ning maqomi, vazifalari, funksiyalari, vakolatini va faoliyatining tashkiliy asoslarini belgilaydi.
2. O‘zbekiston Respublikasi Iqtisodiyot vazirligi O‘zbekiston Respublikasi Prezidentining “O‘zbekiston Respublikasi Makroiqtisodiyot va statistika vazirligini qayta tashkil etish to‘g‘risida” 2002-yil 24-dekabrdagi PF-3183-son Farmoniga muvofiq tashkil etilgan.
3. Iqtisodiyot vazirligi quyidagi muhim vazifalarni hal etishga qaratilgan, mamlakatni rivojlantirishning uzoq muddatli strategiyasini va kompleks dasturlarini ishlab chiquvchi va amalga oshiruvchi, chuqur ishlangan va muvozanatli ijtimoiy-iqtisodiy siyosat o‘tkazilishini amalga oshiruvchi davlat boshqaruvi organi hisoblanadi:
ko‘p ukladli va samarali faoliyat ko‘rsatuvchi iqtisodiyotni shakllantirish, xususiy mulkchilikning yetakchi rolini ta’minlash, bozor infratuzilmasini rivojlantirish;
boy tabiiy va mineral — xomashyo resurslaridan, yaratilgan ishlab chiqarish va ilmiy-texnik potensialdan samarali va oqilona foydalanishga yo‘naltirilgan aniq maqsadli tarkibiy siyosatni amalga oshirish, eksport imkoniyatini rivojlantirish va mamlakat iqtisodiyotini jahon iqtisodiy tizimiga keng integratsiyalashni ta’minlash;
yangi ish o‘rinlari yaratish, mehnat resurslarini ish bilan oqilona ta’minlash muammolarini hal etish, aholini aniq tarzda ijtimoiy muhofaza qilishni kuchaytirish, aholi turmush darajasining barqaror, izchil o‘sishini, ijtimoiy infratuzilmaning rivojlanishini ta’minlash;
mamlakat mintaqalari iqtisodiyotining mutanosib va kompleks rivojlanishini, ishlab chiqarish kuchlarining maqbul va samarali rivojlanishini hamda respublika hududlari bo‘yicha joylashtirilishini ta’minlash.
Iqtisodiyot vazirligi o‘ziga yuklangan vazifalarni mamlakatni ijtimoiy-iqtisodiy rivojlantirishning qisqa va o‘rta muddatli prognozlarini ishlab chiqish va amalga oshirishni ta’minlash hamda O‘zbekiston Respublikasi Vazirlar Mahkamasining Umumiqtisodiyot kompleksiga kiruvchi vazirliklar va idoralar faoliyatini muvofiqlashtirish yo‘li bilan ro‘yobga chiqaradi.
Iqtisodiyot vazirligining Umumiqtisodiyot kompleksi faoliyatidagi muvofiqlashtiruvchi roli Iqtisodiyot vazirligi huzuridagi Qo‘shma hay’at orqali amalga oshiriladi. Iqtisodiyot vazirligi huzuridagi Qo‘shma hay’at to‘g‘risidagi nizom O‘zbekiston Respublikasi Vazirlar Mahkamasi tomonidan tasdiqlanadi.
4. Iqtisodiyot vazirligi o‘z faoliyatida O‘zbekiston Respublikasi Vazirlar Mahkamasiga hisob beradi.
5. Iqtisodiyot vazirligi o‘z faoliyatida O‘zbekiston Respublikasi Konstitutsiyasiga va qonunlariga, Oliy Majlis qarorlariga, O‘zbekiston Respublikasi Prezidenti farmonlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, ushbu Nizomga hamda boshqa qonun hujjatlariga amal qiladi.
6. Iqtisodiyot vazirligining o‘z vakolatlari doirasida qabul qilgan qarorlari markaziy iqtisodiyot organlari, vazirliklar, idoralar, ijro etuvchi hokimiyat mahalliy organlari va xo‘jalik yurituvchi subyektlar tomonidan bajarilishi majburiydir.
7. Iqtisodiyot vazirligi o‘z vazifalari va funksiyalarini amalga oshirishda davlatning boshqa organlari hamda joylardagi ijro etuvchi hokimiyat organlari bilan o‘zaro hamkorlik qiladi.
8. Iqtisodiyot vazirligi yuridik shaxs hisoblanadi, O‘zbekiston Respublikasi Davlat gerbi tasviri tushirilgan va o‘z nomi yozilgan muhrga, mustaqil balansga, o‘z hisob-kitob raqamlariga, shu jumladan valyuta hisob-kitob raqamlariga ega bo‘ladi.
jamiyatni rivojlantirish va demokratik qayta o‘zgartirishlar maqsadi va ustuvorliklaridan kelib chiqqan holda iqtisodiyotni yanada erkinlashtirish va isloh qilishning, iqtisodiyotni boshqarishning bozor metodlari va mexanizmlarini joriy etishning puxta o‘ylangan strategiyasi ishlab chiqilishini tashkil etish;
asosiy makroiqtisodiy ko‘rsatkichlarni, respublikaning, mintaqalarning iqtisodiy va ijtimoiy rivojlanishi darajasini kompleks ravishda izchil tahlil qilish, iqtisodiy va ijtimoiy jarayonlarning rivojlanish tendensiyalarini o‘rganish, iqtisodiyotdagi mavjud nomutanosibliklarni aniqlash va ularni bartaraf etish yo‘llarini asoslash;
iqtisodiyotni rivojlantirishning ko‘p variantli ssenariylarini, mamlakatni ijtimoiy-iqtisodiy rivojlantirishning mintaqalar, tarmoqlar va iqtisodiyot sektorlari bo‘yicha qisqa va o‘rta muddatli prognozlari va dasturlarini ishlab chiqish;
asosiy makroiqtisodiy ko‘rsatkichlarning pul-kredit agregatlari, davlat budjeti parametrlari, tashqi savdo, to‘lov balanslari va tarmoqlararo balanslar bilan o‘zaro bog‘liqligini ta’minlovchi ta’sirchan mexanizmni shakllantirish;
budjet-soliq, pul-kredit, valyuta va monopoliyaga qarshi siyosatning umumiy yo‘nalishlari, tabiiy monopoliyalar mahsulotlari, tovarlari va xizmatlariga narxlar va tariflarni tartibga solish mexanizmini takomillashtirish, to‘lov, moliya va moddiy balanslarni shakllantirish va ularning amalga oshirilishini nazorat qilish bo‘yicha takliflar tayyorlashda qatnashish;
demografik prognozlarni, aholini aniq tarzda ijtimoiy muhofaza qilish, ichki iste’mol bozorini to‘ldirish, odamlar farovonligini oshirish, ijtimoiy infratuzilmani rivojlantirish dasturlarini ishlab chiqish;
iqtisodiyotni tarkibiy qayta o‘zgartirishlarning o‘rta muddatli prognozlarini, tarmoqlarni rivojlantirish, zamonaviylashtirish va texnologiya bilan qayta jihozlash, ishlab chiqarishlarni mahalliylashtirish, ilg‘or, resurslarni tejaydigan texnologiyalarni joriy etish dasturlarini ishlab chiqish;
tarkibiy siyosat maqsadlariga erishishni, mintaqalarni kompleks rivojlantirishni ta’minlovchi qisqa va o‘rta muddatli investitsiya dasturlarini ishlab chiqish bo‘yicha ishlarni muvofiqlashtirish;
ijtimoiy-iqtisodiy rivojlantirishning maqbul sur’atlari va nisbatlarini, mineral va xomashyo resurslaridan oqilona foydalanishni, O‘zbekiston iqtisodiyotini barqaror rivojlantirishni ta’minlovchi zamonaviy ishlab chiqarish infratuzilmasini, telekommunikatsiyalar vositalarini rivojlantirish;
eksport potensialini rivojlantirishni rag‘batlantirish, tashqi savdo va to‘lov balanslarini maqbullashtirish bo‘yicha takliflar ishlab chiqish, tovarlar (ishlar, xizmatlar) eksporti prognozlarini tayyorlash, respublikani jahon iqtisodiy tizimiga integratsiyalash strategiyasini ishlab chiqishda qatnashish;
Oldingi tahrirga qarang.
respublika uchun muhim ahamiyatga ega bo‘lgan investitsiya dasturlarini amalga oshirishga xalqaro moliya tuzilmalari, xorijiy moliya va sug‘urta tashkilotlari hamda donor mamlakatlarni ishtirok etishga faol jalb etish maqsadida ular bilan hamkorlik ishlarini muvofiqlashtirish;
(9-band O‘zbekiston Respublikasi Vazirlar Mahkamasining 2004-yil 9-fevraldagi 58-son qaroriga muvofiq xatboshi bilan to‘ldirilgan — O‘zbekiston Respublikasi Qonun hujjatlari to‘plami, 2004-y., 6-son, 70-modda)
Oldingi tahrirga qarang.
xorijiy investitsiyalar va kreditlarni jalb etish va o‘zlashtirish jarayonida idoraviy bo‘ysunishidan qat’i nazar, barcha xo‘jalik yurituvchi subyektlar faoliyatini muvofiqlashtirish;
(9-band O‘zbekiston Respublikasi Vazirlar Mahkamasining 2008-yil 9-sentabrdagi 205-sonli qarori asosida xatboshi bilan to‘ldirilgan — O‘R QHT, 2008-y., 37-38-son, 375-modda)
davlat va xo‘jalik boshqaruvi organlarining energiya samaradorligi, energiyaning tiklanadigan manbalarini joriy etish va rivojlantirish sohasidagi faoliyatini muvofiqlashtirish.
(9-band O‘zbekiston Respublikasi Vazirlar Mahkamasining 2015-yil 13-avgustdagi 238-sonli qaroriga asosan xatboshi bilan to‘ldirildi — O‘R QHT, 2015-y., 32-son, 433-modda)
maxsus vakolatli davlat organi sifatida elektron tijorat sohasida davlat tomonidan boshqarishni amalga oshirish.
(9-band O‘zbekiston Respublikasi Vazirlar Mahkamasining 2015-yil 8-sentabrdagi 259-sonli qaroriga asosan xatboshi bilan to‘ldirilgan — O‘R QHT, 2015-y., 36-son, 477-modda)
jamiyatni rivojlantirish va demokratik qayta o‘zgartirishlar maqsadlari va ustuvor vazifalaridan kelib chiqqan holda iqtisodiyotni yanada isloh qilish va barqaror, mutanosib rivojlantirishning puxta o‘ylangan strategiyasini ishlab chiqishni tashkil qiladi va muvofiqlashtiradi, bozor metodlari va vositalari asosida iqtisodiy siyosatni amalga oshirishning ta’sirchan mexanizmini ishlab chiqadi;
mamlakat iqtisodiyotini rivojlantirishning muvozanatliligini, mamlakatda mavjud bo‘lgan tabiiy, mineral-xomashyo, ishlab chiqarish, ilmiy-texnik va mehnat salohiyatidan, shuningdek tegishli infratuzilmadan samarali foydalanishni ta’minlashni ularni amalga oshirishning zarur manbalarini belgilashni hisobga olgan holda mamlakatni ijtimoiy-iqtisodiy rivojlantirishning mintaqalar, iqtisodiyot tarmoqlari va sektorlari bo‘yicha qisqa muddatli va o‘rta muddatli prognozlari va dasturlarini ishlab chiqishni tashkil etadi va muvofiqlashtiradi;
(10-bandning uchinchi xatboshisi O‘zbekiston Respublikasi Vazirlar Mahkamasining 2015-yil 28-avgustdagi 248-sonli qarori tahririda — O‘R QHT, 2015-y., 34-son, 456-modda)
respublikaning iqtisodiy va ijtimoiy ahvoli darajasini, asosiy makroiqtisodiy ko‘rsatkichlarni chuqur tahlil qiladi, ijtimoiy-iqtisodiy rivojlantirish tendensiyalarini belgilaydi, iqtisodiyotdagi nomutanosibliklarni aniqlaydi va ularni bartaraf etish yo‘llarini asoslaydi, respublika iqtisodiyotining rivojlanishi ahvoli to‘g‘risida yillik va har choraklik ma’ruzalar tayyorlaydi, shuningdek O‘zbekiston Respublikasi Prezidenti va O‘zbekiston Respublikasi Hukumati tomonidan iqtisodiyotni rivojlantirish va isloh qilish bo‘yicha qabul qilinadigan qarorlarning bajarilishini nazorat qiladi;
iqtisodiyotni rivojlantirishning har yilgi ko‘p variantli ssenariylarini, muhim qiymat, moddiy va mehnat resurslari balanslarini ishlab chiqadi, iqtisodiyotni barqaror, dinamik va mutanosib rivojlantirishni ta’minlash yo‘llarini asoslab beradi va metodlarini ishlab chiqadi ularning bajarilishi yuzasidan nazoratni ta’minlaydi;
(10-bandning beshinchi xatboshisi O‘zbekiston Respublikasi Vazirlar Mahkamasining 2015-yil 28-avgustdagi 248-sonli qarori tahririda — O‘R QHT, 2015-y., 34-son, 456-modda)
budjet-soliq, pul-kredit, valyuta, narx va monopoliyaga qarshi siyosatning umumiy yo‘nalishlari bo‘yicha takliflar tayyorlashda, mahsulotlar, tovarlar va xizmatlarga narxlar va tariflarni tartibga solish mexanizmini takomillashtirishda, to‘lov, moliya va moddiy balanslarni shakllantirishda va ularning amalga oshirilishini nazorat qilishda qatnashadi;
asosiy makroiqtisodiy ko‘rsatkichlarning pul-kredit agregatlari, davlat budjeti parametrlari, tashqi savdo, to‘lov va tarmoqlararo balanslar bilan o‘zaro bog‘liqligini ta’minlovchi ta’sirchan mexanizmni shakllantiradi;
rivojlanishning ahvoli va tendensiyalarini chuqur tahlil qilish asosida iqtisodiyotda tarkibiy qayta o‘zgartirishlarning aniq maqsadli siyosatini shakllantirish va amalga oshirish, uning kompleks va samarali rivojlanishini ta’minlash bo‘yicha takliflar ishlab chiqadi;
uglevodorod xomashyo va mineral-xomashyo resurslari asosiy turlarini razvedka qilish, zaxiralarini, qazib olish, ishlab chiqarishni ko‘paytirish va ulardan foydalanishning uzoq muddatli balanslarini ishlab chiqadi;
er-suv resurslarini o‘rganish va baholashni tashkil qiladi, yer va suv resurslarining qisqa muddatli va uzoq muddatli balanslarini ishlab chiqadi hamda yuqori samarali agrotexnologiyalarni, yerdan foydalanish va qishloq xo‘jaligi ekinlarini istiqbolli joylashtirishning ilmiy asoslangan tizimlarini joriy etishni hisobga olgan holda yer fondidan oqilona foydalanish chora-tadbirlarini asoslaydi;
konyunkturaning vujudga kelgan ahvoli bo‘yicha muntazam monitoringni amalga oshiradi, undan kelib chiqqan holda tarmoqlar va tarmoqlararo komplekslarni rivojlantirish, ularni resurslarni tejaydigan ilg‘or texnologiyalar asosida modernizatsiya qilish va texnik jihatdan qayta jihozlash, importning o‘rnini qoplashni yanada maqbullashtirishni hisobga olgan holda mahalliy xomashyoni yanada chuqur qayta ishlash asosida butlovchi buyumlar va tayyor mahsulotlar ishlab chiqarishni mahalliylashtirishni chuqurlashtirish dasturlarini ishlab chiqadi;
(10-bandning o‘n birinchi xatboshisi O‘zbekiston Respublikasi Vazirlar Mahkamasining 2015-yil 28-avgustdagi 248-sonli qarori tahririda — O‘R QHT, 2015-y., 34-son, 456-modda)
davlat investitsiya siyosatini ishlab chiqishni tashkil etadi va muvofiqlashtiradi hamda davlat tarkibiy siyosatining maqsadi va vazifalaridan kelib chiqqan holda davlat investitsiya dasturlarini ishlab chiqadi va ularning bajarilishini muvofiqlashtiradi, qurilishlarning tegishli aniq ro‘yxatlarini kelishib oladi, xorijiy investitsiyalarni jalb etish bo‘yicha davlat siyosatini ishlab chiqishda va amalga oshirishda qatnashadi, eng muhim va yirik investitsiya loyihalarining yig‘ma ekspertizasini o‘tkazadi, markazlashtirilgan kapital qo‘yilmalar va O‘zbekiston Respublikasi Hukumati kafolati ostidagi xorijiy kreditlar hisobiga moliyalashtiriladigan loyihalarni tanlov asosida tanlab olishni va ularning ro‘yobga chiqarilishi ustidan nazoratni amalga oshiradi;
qisqa muddatli, o‘rta muddatli va uzoq muddatli davrlarga mo‘ljallangan demografik prognozlarni ishlab chiqadi, ijtimoiy siyosatni, shu jumladan ish o‘rinlari yaratish, aholini ish bilan ta’minlash, aholi daromadlarini va ularning xarid qobiliyatini oshirish, ichki iste’mol bozorini to‘ldirish, ijtimoiy va bozor infratuzilmasini rivojlantirish, aholining ayrim qatlamlarini aniq tarzda ijtimoiy qo‘llab-quvvatlash va muhofaza qilish, xalqning moddiy farovonligini barqaror ravishda jadal oshirish masalalarini ishlab chiqishni tashkil qiladi va muvofiqlashtiradi;
mehnat resurslari bozori mutanosibligini ta’minlashdan kelib chiqqan holda iqtisodiyotning barcha sohalari va sektorlari uchun malakali kadrlar tayyorlash strategiyasini ishlab chiqish ishlarini muvofiqlashtiradi;
mahsulotlar eksporti va importi hajmlari va tuzilmasini chuqur tahlil qilish, eksportning hajmini oshirish va uning turlarini kengaytirish zaxiralarini aniqlash asosida eksport salohiyatini rivojlantirishni rag‘batlantirish va importni, savdo balansini maqbullashtirish bo‘yicha takliflar ishlab chiqadi hamda har yilgi eksport, tashqi savdo va to‘lov balanslarini tayyorlaydi va ularning bajarilishi yuzasidan nazoratni amalga oshiradi;
(10-bandning o‘n beshinchi xatboshisi O‘zbekiston Respublikasi Vazirlar Mahkamasining 2015-yil 28-avgustdagi 248-sonli qarori tahririda — O‘R QHT, 2015-y., 34-son, 456-modda)
xalqaro iqtisodiy hamkorlik sohasidagi iqtisodiy siyosat, tashqi iqtisodiy aloqalarni tartibga solish mexanizmlarini rivojlantirish va takomillashtirish, xorijiy mamlakatlar bilan o‘zaro manfaatli iqtisodiy hamkorlik qilish hamda qo‘shma loyihalar va dasturlarni amalga oshirish bo‘yicha takliflar ishlab chiqishda qatnashadi;
davlat ehtiyojlari uchun mahsulotlar yetkazib berish (ishlar va xizmatlarni bajarish) hajmlari va tarkibini belgilangan tartibda shakllantiradi;
mamlakatning iqtisodiy safarbarlik rejasini belgilangan tartibda shakllantiradi va uning bajarilishi ustidan nazoratni ta’minlaydi;
mintaqaviy iqtisodiy siyosatni ishlab chiqishda va amalga oshirishda qatnashadi, respublikani ijtimoiy-iqtisodiy rivojlantirish prognozining mintaqaviy aspektini shakllantiradi, iqtisodiyot tuzilmalarini joylashtirish va iqtisodiyotning hududiy tuzilmasini takomillashtirish strategiyasini asoslaydi, iqtisodiyot tuzilmalarini (ishlab chiqaruvchi kuchlarni) joylashtirishning o‘rta muddatli davrga mo‘ljallangan sxemalarini ishlab chiqadi;
davlat ekologiya siyosatini shakllantirishda va amalga oshirishda hamda O‘zbekistonning ekologik xavfsizligini ta’minlash chora-tadbirlarini ishlab chiqishda qatnashadi;
vazirliklar va idoralar bilan birgalikda O‘zbekiston Respublikasi Prezidenti Devoniga, Vazirlar Mahkamasiga yirik strategik ijtimoiy-iqtisodiy muammolarni hal etishga, normativ-huquqiy bazani shakllantirishga, iqtisodiyotni chuqurlashtirish va erkinlashtirishga yo‘naltirilgan takliflar, tavsiyalar va tahliliy axborotlar tayyorlaydi;
Oldingi tahrirga qarang.
uzoq muddatli prognozlar, rivojlantirish ustuvorliklari, tarkibiy o‘zgartirishlar, shuningdek ishlab chiqarish va ijtimoiy infratuzilmani rivojlantirish yo‘nalishlari asosida xalqaro moliya tuzilmalari, xorijiy moliya va sug‘urta tashkilotlari hamda donor mamlakatlar bilan birgalikda amalga oshirish taklif qilinayotgan ustuvor investitsiya loyihalarini puxta ishlab chiqadi va ularning portfelini shakllantiradi;
(10-bandning yigirma ikkinchi xatboshi O‘zbekiston Respublikasi Vazirlar Mahkamasining 2008-yil 9-sentabrdagi 205-sonli qarori tahririda — O‘R QHT, 2008-y., 37-38-son, 375-modda)
xalqaro moliya tuzilmalari (Jahon banki, Osiyo taraqqiyot banki, Yevropa tiklanish va taraqqiyot banki, Islom taraqqiyot banki), xorijiy moliya va sug‘urta tashkilotlari hamda donor mamlakatlar bilan respublika uchun muhim ahamiyatga ega bo‘lgan investitsiya loyihalarini amalga oshirishga ularni jalb etish yuzasidan istiqbolli va joriy dasturlarni o‘rganadi, umumlashtiradi va takliflar tayyorlaydi;
investitsiya loyihalarining texnik-iqtisodiy asoslashlari ishlab chiqilishini, ular moliyalashtirish tashkilotlariga qo‘yiladigan standartlarga to‘liq muvofiq holda zarurat bo‘lganda xorijiy ekspertlarni jalb etgan holda belgilangan tartibda vakolatli organlarda ekspertizadan o‘tkazilishini muvofiqlashtiradi;
Iqtisodiyotni erkinlashtirish va modernizatsiya qilish ko‘lamlarini baholashning choraklik indikatorlari tizimini joriy etish, mamlakatda ishbilarmonlik muhitining vazirliklar, idoralar, xo‘jalik yurituvchi subyektlar va biznes faoliyati amaliyotida shakllantirish darajasi yuzasidan tizimli monitoringni amalga oshiradi;
energiya hajmini yanada qisqartirish, iqtisodiyot tarmoqlari va ijtimoiy sohalarga energiyani tejaydigan texnologiyalar va tizimlarni joriy etishga yo‘naltirilgan tadbirlarni amalga oshirish, shuningdek energiya samaradorligi va tiklanadigan energiya manbalarini joriy etish va rivojlantirish sohasida davlat va xo‘jalik boshqaruvi organlari faoliyatini muvofiqlashtirish yuzasidan monitoringni amalga oshiradi;
(10-band O‘zbekiston Respublikasi Vazirlar Mahkamasining 2015-yil 28-avgustdagi 248-sonli qaroriga asosan yigirma beshinchi va yigirma oltinchi xatboshilar bilan to‘ldirilgan — O‘R QHT, 2015-y., 34-son, 456-modda)
investitsiya loyihalarini tayyorlash, amalga oshirish va ularning samaradorligini baholash bo‘yicha tadbirlarni ishlab chiqadi va amalga oshiradi, respublikadagi iqtisodiy va ijtimoiy qayta o‘zgartirishlar strategiyasidan kelib chiqib investitsiya jarayoni samaradorligini oshirish va ustuvor investitsiya loyihalari portfelini yangilash yuzasidan Vazirlar Mahkamasiga aniq takliflar kiritadi;
(10-band O‘zbekiston Respublikasi Vazirlar Mahkamasining 2004-yil 9-fevraldagi 58-son qaroriga muvofiq xatboshilar bilan to‘ldirilgan — O‘zbekiston Respublikasi Qonun hujjatlari to‘plami, 2004-y., 6-son, 70-modda)
davlat va xo‘jalik boshqaruvi organlarining energiya samaradorligi, energiyaning tiklanadigan manbalarini joriy etish va rivojlantirish sohasidagi faoliyatini muvofiqlashtiradi;
(10-band O‘zbekiston Respublikasi Vazirlar Mahkamasining 2015-yil 13-avgustdagi 238-sonli qaroriga asosan xatboshi bilan to‘ldirildi — O‘R QHT, 2015-y., 32-son, 433-modda)
boshqa manfaatdor davlat organlari va boshqa tashkilotlar bilan birgalikda o‘z vakolatlari doirasida elektron tijorat sohasidagi standartlar, normalar va qoidalarni ishlab chiqadi va tasdiqlaydi;
elektron tijoratni rivojlantirish uchun shart-sharoitlar yaratish yuzasidan takliflar ishlab chiqadi;
elektron tijorat to‘g‘risidagi qonun hujjatlarini takomillashtirishda va uning ijrosini ta’minlashda ishtirok etadi;
elektron tijorat qatnashchilarining huquqlari va qonuniy manfaatlarini himoya qilish chora-tadbirlarini ko‘radi;
(10-band O‘zbekiston Respublikasi Vazirlar Mahkamasining 2015-yil 8-sentabrdagi 259-sonli qaroriga asosan yigirma to‘qqizinchi — o‘ttiz to‘rtinchi xatboshilar bilan to‘ldirilgan — O‘R QHT, 2015-y., 36-son, 477-modda)
Oldingi tahrirga qarang.
(10-band O‘zbekiston Respublikasi Vazirlar Mahkamasining 2008-yil 9-sentabrdagi 205-sonli qaroriga asosan xatboshi bilan to‘ldirilgan — O‘R QHT, 2008-y., 37-38-son, 375-modda)
11. Iqtisodiyot vazirligiga unga yuklangan funksiyalarni amalga oshirishi uchun quyidagi huquqlar beriladi:
vazirliklar, idoralar, korporatsiyalar, konsernlar, uyushmalar, kompaniyalar, boshqa xo‘jalik birlashmalari, Qoraqalpog‘iston Respublikasi Vazirlar Kengashi, mahalliy boshqaruv organlarining islohotlarning eng muhim ustuvorliklarini prognozlash va amalga oshirish hamda mamlakatni ijtimoiy-iqtisodiy jihatdan mutanosib rivojlantirish sohasidagi faoliyatini belgilangan tartibda muvofiqlashtirish;
o‘z vakolatiga kiruvchi masalalarni hal etish uchun zarur bo‘lgan materiallarni ijro etuvchi hokimiyat organlari, korxonalar, muassasalar va tashkilotlardan so‘rash va belgilangan tartibda olish;
O‘zbekiston Hukumati topshirig‘iga ko‘ra xalqaro darajada o‘z vakolatiga kiruvchi masalalar bo‘yicha O‘zbekiston Respublikasi manfaatlarini ifodalash, xorijiy davlatlar, savdo-iqtisodiy ittifoqlar bilan savdo-iqtisodiy bitimlarni tayyorlashda va tuzishda, xalqaro iqtisodiyot va moliya tashkilotlari, xorijiy davlatlar bilan iqtisodiy hamkorlik bo‘yicha hukumatlararo komissiyalar ishlarida qatnashish;
vazirlik doirasida iqtisodiyot sohasida ilmiy tadqiqotlar va ishlanmalarni amalga oshirish bo‘yicha loyihalarni tanlab olish uchun ushbu ishlarni bajarish yuzasidan davlat buyurtmasiga muvofiq tanlovlar e’lon qilish va tanlov komissiyalari tuzish;
markazlashtirilgan kapital qo‘yilmalar va O‘zbekiston Respublikasi Hukumati kafolati ostida olingan xorijiy kreditlar hisobiga amalga oshiriladigan investitsiya loyihalarini tanlov asosida tanlab olishni tashkil etish;
vazirliklar, idoralar, korporatsiyalar, konsernlar, uyushmalar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan respublika iqtisodiyotining safarbarlik tayyorgarligi bo‘yicha tadbirlarning bajarilishi ustidan nazoratni amalga oshirish, (zarurat bo‘lganda) sanoat, transport va boshqa moddiy ishlab chiqarish tarmoqlarining yirik obyektlarini joylashtirish loyihalarini, ularning muayyan davrda iqtisodiyotning barqaror ishlashi talablariga muvofiqligi yuzasidan, ekspertizadan o‘tkazish va ushbu masalalar bo‘yicha Vazirlar Mahkamasiga takliflar kiritish;
o‘z vakolatiga kiruvchi masalalar bo‘yicha, ijro etuvchi hokimiyat boshqa organlarining va yirik xo‘jalik yurituvchi subyektlarning rahbarlari va mutaxassislarini jalb etgan holda belgilangan tartibda kengashlar chaqirish;
qonunchilikda nazarda tutilgan tartibda va xalqaro huquqiy normalarga muvofiq boshqa davlatlarning iqtisodiyot idoralari bilan prognozlash metodologiyasi va amaliyotini takomillashtirish masalalari bo‘yicha hamkorlik qilish to‘g‘risida shartnomalar tuzish;
o‘ziga bevosita yoki o‘ziga qarashli bo‘linmalar orqali yuklangan vazifalar doirasida xorijiy iqtisodiy idoralar va ilmiy institutlar bilan hamkorlikni amalga oshirish;
kadrlar tayyorlash va xodimlarning malakasini oshirish uchun belgilangan tartibda idoraviy va ilmiy-o‘quv markazlari, xo‘jalik hisobidagi konsultatsiya va axborot markazlari tashkil etish;
belgilangan tartibda noshirlik faoliyatini amalga oshirish hamda iqtisodiyot sohasidagi joriy va strategik vazifalarni yoritish uchun matbuot organlari ta’sis etish;
Iqtisodiyot vazirligi tizimiga kiruvchi vazirliklar va tashkilotlarning moddiy-texnika bazasini yaxshilash chora-tadbirlarini ko‘rish;
amaldagi qonunchilikka muvofiq vazirlikning ijtimoiy infratuzilmasini yaratish va takomillashtirish, Iqtisodiyot vazirligi tizimi xodimlari mehnatini rag‘batlantirishning yagona tizimini shakllantirish.
12. Iqtisodiyot vazirligi iqtisodiyotni samarali, barqaror rivojlantirish yo‘llarini belgilashning asoslanganligi va metodlarining ishlab chiqilishi, Hukumatga taqdim etiladigan mamlakatni ijtimoiy-iqtisodiy rivojlantirishning tahliliy hujjatlari, takliflari, prognozlari va dasturlarining obyektivligi va kompleksliligi uchun javob beradi.
13. Iqtisodiyot vazirligiga O‘zbekiston Respublikasi Prezidenti tomonidan lavozimga tasdiqlanadigan va lavozimdan ozod etiladigan vazir boshchilik qiladi.
Iqtisodiyot vazirining O‘zbekiston Respublikasi Prezidenti tomonidan lavozimga tayinlanadigan va lavozimdan ozod qilinadigan bir nafar birinchi o‘rinbosari va to‘rt nafar o‘rinbosarlari bo‘ladi. Vazirning birinchi o‘rinbosari maqomiga ko‘ra vazirga, vazir o‘rinbosarlari — vazirning birinchi o‘rinbosarlariga tenglashtiriladi.
(13-bandning ikkinchi xatboshisi O‘zbekiston Respublikasi Vazirlar Mahkamasining 2015-yil 28-avgustdagi 248-sonli qarori tahririda — O‘R QHT, 2015-y., 34-son, 456-modda)
(13-band O‘zbekiston Respublikasi Vazirlar Mahkamasining 2010-yil 5-iyundagi 108-son qarori tahririda— O‘R QHT, 2010-y., 23-son, 183-modda)
O‘zbekiston Respublikasi Iqtisodiyot vazirligi faoliyatiga rahbarlik qiladi hamda Vazirlikka yuklangan vazifalarning bajarilishi va funksiyalarning amalga oshirilishi uchun shaxsan javob beradi;
markaziy apparat tarkibiy bo‘linmalari rahbarlarining Vazirlik faoliyatining ayrim yo‘nalishlariga rahbarligi yuzasidan shaxsiy javobgarligi darajasini belgilaydi;
Iqtisodiyot vazirligi markaziy apparati tuzilmasiga xodimlarning belgilangan soni va mehnatga haq to‘lash fondi doirasida o‘zgartirishlar kiritadi;
(14-bandning to‘rtinchi xatboshisi O‘zbekiston Respublikasi Prezidentining 2016-yil 22-fevraldagi PQ-2495-sonli qarori tahririda — O‘R QHT, 2016-y., 8-son, 75-modda)
Vazirlik markaziy apparati bo‘linmalari va unga qarashli tashkilotlar tomonidan bajarilishi majburiy bo‘lgan buyruqlar chiqaradi va ko‘rsatmalar beradi;
15. Iqtisodiyot vazirligida Iqtisodiyot vaziri (hay’at raisi), uning o‘rinbosarlari (lavozimiga ko‘ra), shuningdek Vazirlik faoliyatining asosiy yo‘nalishlarini muvofiqlashtiruvchi tarkibiy bo‘linmalari rahbarlaridan iborat tarkibda hay’at tashkil etiladi.
Hay’atning a’zolari soni va shaxsiy tarkibi Iqtisodiyot vazirining taqdimnomasiga binoan O‘zbekiston Respublikasi Vazirlar Mahkamasi tomonidan tasdiqlanadi.
Vazirlik faoliyatining mamlakatni rivojlantirishning uzoq muddatli strategiyasini va kompleks dasturlarini ishlab chiqish va amalga oshirishni davom ettirish, makroiqtisodiy barqarorlikni, iqtisodiyotni barqaror, muvozanatli va dinamik rivojlantirishni ta’minlashga yo‘naltirilgan chuqur ishlangan va muvozanatli ijtimoiy-iqtisodiy siyosatni o‘tkazish, ko‘p ukladli va samarali faoliyat ko‘rsatuvchi iqtisodiyotni shakllantirish, boy tabiiy va mineral-xomashyo resurslaridan, yaratilgan ishlab chiqarish va ilmiy-texnik salohiyatdan samarali va oqilona foydalanishga yo‘naltirilgan aniq maqsadli tarkibiy siyosatni amalga oshirish, eksport imkoniyatini rivojlantirish va mamlakat iqtisodiyotini jahon iqtisodiy tizimiga keng integratsiyalashni ta’minlash, shuningdek yangi ish o‘rinlari yaratish, mehnat resurslarini ish bilan oqilona ta’minlash muammolarini hal etish, aholini aniq tarzda ijtimoiy muhofaza qilishni kuchaytirish, aholi turmush darajasining barqaror, izchil o‘sishini, ijtimoiy infratuzilmaning rivojlanishini ta’minlash, mamlakat mintaqalari iqtisodiyotining mutanosib va kompleks rivojlanishini, ishlab chiqarish kuchlarining maqbul va samarali rivojlanishini hamda respublika hududlari bo‘yicha joylashtirilishini ta’minlash bo‘yicha ushbu Nizomda belgilangan asosiy yo‘nalishlarini tayyorlash va amalga oshirish;
O‘zbekiston Respublikasi Iqtisodiyot vazirligi nomenklaturasiga kiradigan lavozimlarga kadrlarni tanlash, joy-joyiga qo‘yish, tayyorlash va qayta tayyorlash;
O‘zbekiston Respublikasi Prezidentining farmonlari, qarorlari va farmoyishlarida, O‘zbekiston Respublikasi Vazirlar Mahkamasi qarorlari va farmoyishlarida belgilangan vazifalarni amalga oshirish bo‘yicha ijro intizomini mustahkamlash, ularning o‘z vaqtida va sifatli amalga oshirilishini ta’minlash uchun Iqtisodiyot vazirligi rahbarlari va xodimlarining shaxsiy javobgarligini oshirish.
Hay’at Iqtisodiyot vazirligi vakolatiga taalluqli boshqa masalalarni ham ko‘rib chiqish huquqiga ega.
Hay’at majlisiga Iqtisodiyot vazirligi vakolatiga kiradigan masalalar bo‘yicha boshqa vazirliklar, davlat qo‘mitalari, idoralar, mahalliy davlat hokimiyati organlari, korxonalar, muassasalar, tashkilotlar rahbarlari taklif etilishi mumkin.
Hay’at uning majlisida tarkibining yarmidan ko‘pi qatnashgan taqdirda vakolatli bo‘ladi. Ko‘rib chiqilayotgan masalalar bo‘yicha qarorlar oddiy ko‘pchilik ovoz bilan qabul qilinadi.
Hay’at qarorlari Iqtisodiyot vazirining buyruqlari bilan amalga oshiriladi. Iqtisodiyot vaziri va hay’at a’zolari o‘rtasida kelishmovchiliklar paydo bo‘lgan taqdirda Iqtisodiyot vaziri paydo bo‘lgan kelishmovchiliklar to‘g‘risida O‘zbekiston Respublikasi Vazirlar Mahkamasiga axborot bergan holda mustaqil ravishda qaror qabul qiladi. Hay’at a’zolari ham o‘z fikr-mulohazalarini O‘zbekiston Respublikasi Vazirlar Mahkamasiga xabar qilishlari mumkin.
(15-band O‘zbekiston Respublikasi Vazirlar Mahkamasining 2010-yil 5-iyundagi 108-son qarori tahririda— O‘R QHT, 2010-y., 23-son, 183-modda)
16. Vazir o‘rinbosarlari — Bosh boshqarma boshliqlari rahbarlik qiladigan Bosh boshqarmalar, boshqarmalar, bo‘limlar, guruhlar Iqtisodiyot vazirligining asosiy tarkibiy bo‘linmalari hisoblanadi.
Boshqarma boshliqlari maqomiga ko‘ra bosh boshqarma boshlig‘iga, bo‘lim boshliqlari – boshqarma boshlig‘iga, guruhlar rahbarlari esa – boshqarma boshlig‘ining o‘rinbosariga tenglashtiriladi.
Iqtisodiyot vazirligining boshqarma, bo‘lim, guruh boshliqlari Vazir qarori bilan lavozimga tayinlanadi va lavozimdan ozod qilinadi.
(16-band O‘zbekiston Respublikasi Vazirlar Mahkamasining 2004-yil 9-fevraldagi 58-son qarori tahririda — O‘zbekiston Respublikasi Qonun hujjatlari to‘plami, 2004-y., 6-son, 70-modda)
(17-bandning ikkinchi xatboshisi O‘zbekiston Respublikasi Vazirlar Mahkamasining 2015-yil 28-avgustdagi 248-sonli qarori tahririda — O‘R QHT, 2015-y., 34-son, 456-modda)
Oldingi tahrirga qarang.
(17-bandning 3-xatboshisi O‘zbekiston Respublikasi Vazirlar Mahkamasining 2005-yil 8-apreldagi 196-son qaroriga muvofiq o‘z kuchini yo‘qotgan)
Tovar bozorlari konyunkturasini o‘rganish hamda investitsiya loyihalari va dasturlarini ekspertizadan o‘tkazish respublika markazi;
Oldingi tahrirga qarang.
(18-band O‘zbekiston Respublikasi Prezidentining 2016-yil 22-fevraldagi PQ-2495-sonli qaroriga asosan o‘z kuchini yo‘qotgan — O‘R QHT, 2016-y., 8-son, 75-modda)
19. O‘zbekiston Respublikasi Iqtisodiyot vazirligi tizimi tashkilotlari va muassasalari boshqaruv apparati xodimlari soni, shuningdek uning markaziy apparati tuzilmasi O‘zbekiston Respublikasi Vazirlar Mahkamasi tomonidan tasdiqlanadi.
20. Iqtisodiyot vazirligi xodimlarini moddiy rag‘batlantirish amaldagi qonun hujjatlariga muvofiq amalga oshiriladi.
21. Iqtisodiyot vazirligi xodimlarining ish haqi lavozim maoshidan, amaldagi qonun hujjatlarida nazarda tutilgan mukofotlardan, qo‘shimcha haq, ustama va rag‘batlantiruvchi to‘lovlardan iborat bo‘ladi.
22. Iqtisodiyot vazirligi xodimlari lavozim maoshlariga muayyan muddatli xizmati uchun har oylik ustamalar Vazir tomonidan tasdiqlanadigan Iqtisodiyot vazirligi xodimlariga muayyan muddatli xizmati uchun har oylik ustama to‘lash tartibi to‘g‘risidagi Nizomga muvofiq to‘lanadi.
(22-band O‘zbekiston Respublikasi Prezidentining 2016-yil 22-fevraldagi PQ-2495-sonli qarori tahririda — O‘R QHT, 2016-y., 8-son, 75-modda)
23. Mehnatga haq to‘lash fondi, Iqtisodiyot vazirligining Rivojlantirish va moddiy rag‘batlantirish jamg‘armasi, qonun hujjatlarida belgilangan tartibda budjet mablag‘lari hamda budjet muassasalari va tashkilotlarini rivojlantirish jamg‘armasi mablag‘lari hisobiga shakllantiriladigan budjet muassasalari va tashkilotlari xodimlarini moddiy rag‘batlantirish maxsus jamg‘armasi mablag‘lari Iqtisodiyot vazirligi xodimlariga ish haqi to‘lash va ularni moddiy rag‘batlantirish manbalari hisoblanadi.