LexUZ sharhi
Mazkur qaror O‘zbekistan Respublikasi Vazirlar Mahkamasining 2023-yil 20-oktabrdagi 550-sonli “Nikoh, oila va fuqarolik holati dalolatnomalarini qayd etish sohasidagi normativ-huquqiy hujjatlarni tizimlashtirish to‘g‘risida”gi qaroriga asosan o‘z kuchini yo‘qotadi.
Fuqarolik holati dalolatnomalarini yozish organlari (keyingi o‘rinlarda FHDY deb ataladi) faoliyatini yanada takomillashtirish va fuqarolarning malakali yuridik yordam olishlari uchun qulay shart-sharoitlar yaratish maqsadida Vazirlar Mahkamasi qaror qiladi:
(muqaddima O‘zbekiston Respublikasi Vazirlar Mahkamasining 2018-yil 9-avgustdagi 638-sonli qarori tahririda — Qonun hujjatlari ma’lumotlari milliy bazasi, 11.08.2018-y., 09/18/638/1690-son)
1. Fuqarolik holati dalolatnomalarini yozish organlari xodimlarining sonini belgilash tartibi to‘g‘risidagi nizom 1-ilovaga muvofiq tasdiqlansin va u 2012-yil 1-yanvardan boshlab amalga kiritilsin.
bir oy muddatda Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda olis aholi punktlarida FHDY organlariga bo‘lgan ehtiyojni o‘rgansin;
ikki oy muddatda O‘zbekiston Respublikasi Moliya vazirligi bilan birgalikda, tasdiqlangan mezonlardan kelib chiqib, FHDY organlari xodimlari sonini belgilasin;
ikki oy muddatda FHDY organlarining moddiy-texnika bazasini mustahkamlash, shu jumladan fuqarolarning malakali yuridik yordam olishlari uchun zarur shart-sharoitlar yaratishni nazarda tutadigan FHDYning yagona elektron arxivini tashkil etish, shuningdek hujjatlar va arxiv materiallari saqlanishini ta’minlash chora-tadbirlari dasturi loyihasini ishlab chiqsin va Vazirlar Mahkamasiga kiritsin;
uch oy muddatda O‘zbekiston Respublikasi Markaziy banki va tegishli xizmat ko‘rsatuvchi banklar bilan birgalikda FHDY organlarini to‘lovlarni bank plastik kartochkalaridan qabul qilish bo‘yicha hisob-kitob terminallari va nazorat-kassa mashinalari bilan to‘liq jihozlashni ta’minlasin.
3. Belgilansinki, FHDY organlari ta’minoti O‘zbekiston Respublikasi Davlat budjeti mablag‘lari hamda O‘zbekiston Respublikasi Adliya vazirligining Davlat xizmatlarini rivojlantirish jamg‘armasi mablag‘lari hisobiga amalga oshiriladi.
(3-band O‘zbekiston Respublikasi Vazirlar Mahkamasining 2022-yil 13-iyuldagi 385-sonli qarori tahririda — Qonunchilik ma’lumotlari milliy bazasi, 14.07.2022-y., 09/22/385/0643-son)
4. Vazirlar Mahkamasining “Davlat hokimiyati va boshqaruvi organlari, sud organlari va notarial idoralar xodimlari mehnatiga haq to‘lashning tarif setkasini joriy etish to‘g‘risida” 1996-yil 12-apreldagi 147-son qaroriga 2-ilovaga muvofiq o‘zgartirish va qo‘shimcha kiritilsin.
5. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov va O‘zbekiston Respublikasi Adliya vaziri N.T. Yo‘ldoshev zimmasiga yuklansin.
1. Ushbu Nizom fuqarolik holati dalolatnomalarini yozish organlari (keyingi o‘rinlarda FHDY organlari deb ataladi) xodimlari sonini aniqlash tartibini belgilaydi.
(2-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 27-oktabrdagi 623-sonli qarori tahririda — Qonunchilik ma’lumotlari milliy bazasi, 28.10.2022-y., 09/22/623/0970-son)
Qoraqalpog‘iston Respublikasi Adliya vazirligi, viloyatlar va Toshkent shahar adliya boshqarmalarining FHDY arxivlari (keyingi o‘rinlarda — FHDY arxivlari).
(2-bandning uchinchi xatboshisi O‘zbekiston Respublikasi Vazirlar Mahkamasining 2022-yil 13-iyuldagi 385-sonli qarori tahririda — Qonunchilik ma’lumotlari milliy bazasi, 14.07.2022-y., 09/22/385/0643-son)
(3-band O‘zbekiston Respublikasi Vazirlar Mahkamasining 2020-yil 26-avgustdagi 514-sonli qarori tahririda — Qonun hujjatlari ma’lumotlari milliy bazasi, 27.08.2020-y., 09/20/514/1243-son)
4. FHDY bo‘limlari va FHDY arxivlari xodimlari soni O‘zbekiston Respublikasi Adliya vazirligi (keyingi o‘rinlarda — Vazirlik) tomonidan O‘zbekiston Respublikasi Moliya vazirligi bilan kelishilgan holda belgilanadi.
(4-bandning birinchi xatboshisi O‘zbekiston Respublikasi Vazirlar Mahkamasining 2022-yil 27-oktabrdagi 623-sonli qarori tahririda — Qonunchilik ma’lumotlari milliy bazasi, 28.10.2022-y., 09/22/623/0970-son)
FHDY bo‘limlari O‘zbekiston Respublikasi adliya vaziri tomonidan mavjud shtatlar doirasida tashkil etiladi va tugatiladi.
(4-band O‘zbekiston Respublikasi Vazirlar Mahkamasining 2022-yil 27-oktabrdagi 623-sonli qaroriga asosan ikkinchi xatboshi bilan to‘ldirilgan — Qonunchilik ma’lumotlari milliy bazasi, 28.10.2022-y., 09/22/623/0970-son)
(4-bandning ikkinchi xatboshisi O‘zbekiston Respublikasi Vazirlar Mahkamasining 2018-yil 9-avgustdagi 638-sonli qarori tahririda — Qonun hujjatlari ma’lumotlari milliy bazasi, 11.08.2018-y., 09/18/638/1690-son)
Bunda mehnatga haq to‘lash uchun FHDY organlari xarajatlari, shu jumladan yagona ijtimoiy to‘lov (martaba darajasi va belgilangan xizmat muddati uchun ustamalar to‘lovi bundan mustasno) davlat budjeti mablag‘lari hisobiga qoplanadi.
(5-bandning “a” kichik bandi O‘zbekiston Respublikasi Vazirlar Mahkamasining 2022-yil 27-oktabrdagi 623-sonli qarori tahririda — Qonunchilik ma’lumotlari milliy bazasi, 28.10.2022-y., 09/22/623/0970-son)
b) FHDY arxivlarida — mudir, 1 nafar 1-toifali va 1 nafar 2-toifali inspektor lavozimlari joriy etiladi;
(5-bandning “b” kichik bandi O‘zbekiston Respublikasi Vazirlar Mahkamasining 2020-yil 26-avgustdagi 514-sonli qarori tahririda — Qonun hujjatlari ma’lumotlari milliy bazasi, 27.08.2020-y., 09/20/514/1243-son)
6. FHDY bo‘limlari inspektorlarining ikkinchi va undan keyingi lavozimlarini belgilashda jamlangan holda quyidagi mezonlar hisobga olinadi:
(6-bandning birinchi xatboshisi O‘zbekiston Respublikasi Vazirlar Mahkamasining 2022-yil 27-oktabrdagi 623-sonli qarori tahririda — Qonunchilik ma’lumotlari milliy bazasi, 28.10.2022-y., 09/22/623/0970-son)
a) tegishli tuman va shahar hududida ro‘yxatdan o‘tkazilgan quyidagi fuqarolik holati dalolatnomalari (tug‘ilish, o‘lim, nikoh va nikohni bekor qilish), dalolatnoma yozuvlariga kiritilgan o‘zgartirish, tuzatish va qo‘shimchalar, familiya, ism va ota ismini o‘zgartirishlar, berilgan takroriy guvohnomalar va ma’lumotnomalar, xalqaro shartnomalar bo‘yicha ko‘rsatilgan huquqiy yordamlar va eksterritorial tamoyil asosida ko‘rsatilgan xizmatlarning o‘rtacha oylik soni.
Bunda, bir xodimga (mudir va ish yurituvchi bundan mustasno) ro‘yxatdan o‘tkazilgan fuqarolik holati dalolatnomalari, dalolatnoma yozuvlariga kiritilgan o‘zgartirish, tuzatish va qo‘shimchalar, familiya, ism va ota ismini o‘zgartirishlar, berilgan takroriy guvohnoma va ma’lumotnomalar, xalqaro shartnomalar bo‘yicha ko‘rsatilgan huquqiy yordamlar va eksterritorial tamoyil asosida ko‘rsatilgan xizmatlarning soni oyiga kamida 250 — 300 ta bo‘lishi kerak.
(6-bandning “a” kichik bandi O‘zbekiston Respublikasi Vazirlar Mahkamasining 2022-yil 27-oktabrdagi 623-sonli qarori tahririda — Qonunchilik ma’lumotlari milliy bazasi, 28.10.2022-y., 09/22/623/0970-son)
b) xizmat ko‘rsatiladigan tuman va shahar hududi aholisi soni. Bunda, xizmat ko‘rsatiladigan hudud aholisi soni 50 ming kishidan 100 ming kishigacha bo‘lganda — 1 nafar inspektor, 100 ming kishidan 150 ming kishigacha bo‘lganda — 2 nafar inspektor, 150 ming kishidan 200 ming kishigacha bo‘lganda — 3 nafar inspektor va 200 ming va undan ortiq kishi bo‘lganda — 4 nafar inspektor lavozimi joriy etiladi.
7. FHDY organida inspektorlarning 4 va undan ortiq lavozimlari mavjud bo‘lganda 1-toifali inspektorlar ular umumiy sonining yarmidan ortig‘ini tashkil etmasligi kerak.
(7-band O‘zbekiston Respublikasi Vazirlar Mahkamasining 2020-yil 26-avgustdagi 514-sonli qarori tahririda — Qonun hujjatlari ma’lumotlari milliy bazasi, 27.08.2020-y., 09/20/514/1243-son)
8. Ushbu Nizomning 6-bandida nazarda tutilgan mezonlarga qo‘shimcha ravishda FHDY bo‘limidagi inspektorlar lavozimlari sonini belgilashda, aniq holatlardan kelib chiqib, xizmat ko‘rsatiladigan hudud chegaralarida aholi punktlarining bir-biridan uzoqligi va ular o‘rtasidagi mavjud transport harakati ham hisobga olinishi mumkin.
(8-band O‘zbekiston Respublikasi Vazirlar Mahkamasining 2022-yil 27-oktabrdagi 623-sonli qarori tahririda — Qonunchilik ma’lumotlari milliy bazasi, 28.10.2022-y., 09/22/623/0970-son)
9. FHDY arxivlari inspektorlarining uchinchi va undan keyingi lavozimlarini belgilashda jamlangan holda quyidagi mezonlar hisobga olinadi:
arxiv fondidagi mavjud hujjatlar yig‘majildi soni. Bunda, inspektorlar soni bir xodimga har birida bir yilda 250 tadan varaq bo‘lgan 4000 ta hujjatlar yig‘majildi hisobidan belgilanadi;
FHDY bo‘limlaridan tushgan xabarnomalar bo‘yicha fuqarolik holati dalolatnomalari yozuviga kiritilgan qaydlar soni. Bunda, inspektorlar soni bir oyda bir xodimga 450 — 500 ta kiritilgan qaydlar hisobidan kelib chiqib belgilanadi;
(9-bandning uchinchi xatboshisi O‘zbekiston Respublikasi Vazirlar Mahkamasining 2022-yil 27-oktabrdagi 623-sonli qarori tahririda — Qonunchilik ma’lumotlari milliy bazasi, 28.10.2022-y., 09/22/623/0970-son)
berilgan ma’lumotnomalar, takroriy guvohnomalar va fuqarolik holati dalolatnomalaridan ko‘chirmalar soni. Bunda, inspektorlar soni bir oyda bir xodimga 250 — 300 ta berilgan hujjatlar hisobidan kelib chiqib belgilanadi.
(9-band O‘zbekiston Respublikasi Vazirlar Mahkamasining 2020-yil 26-avgustdagi 514-sonli qarori tahririda — Qonun hujjatlari ma’lumotlari milliy bazasi, 27.08.2020-y., 09/20/514/1243-son)
10. FHDY organida 3 nafar va undan ortiq inspektor mavjud bo‘lganda ish yurituvchi lavozimi joriy etiladi.
(10-band O‘zbekiston Respublikasi Vazirlar Mahkamasining 2020-yil 26-avgustdagi 514-sonli qarori tahririda — Qonun hujjatlari ma’lumotlari milliy bazasi, 27.08.2020-y., 09/20/514/1243-son)
11. FHDY bo‘limlari va FHDY arxivlari xodimlari soni to‘g‘risidagi takliflar Qoraqalpog‘iston Respublikasi Adliya vazirligi, viloyatlar va Toshkent shahar adliya boshqarmalari tomonidan Vazirlikka kiritiladi.
(11-band O‘zbekiston Respublikasi Vazirlar Mahkamasining 2022-yil 27-oktabrdagi 623-sonli qarori tahririda — Qonunchilik ma’lumotlari milliy bazasi, 28.10.2022-y., 09/22/623/0970-son)
12. FHDY bo‘limlari xodimlari soni to‘g‘risidagi takliflarga tuman va shahar bo‘yicha quyidagi ma’lumotlar mavjud bo‘lgan materiallar ilova qilinadi:
(12-bandning birinchi xatboshisi O‘zbekiston Respublikasi Vazirlar Mahkamasining 2022-yil 27-oktabrdagi 623-sonli qarori tahririda — Qonunchilik ma’lumotlari milliy bazasi, 28.10.2022-y., 09/22/623/0970-son)
oxirgi uch yilda FHDY bo‘limlari tomonidan ro‘yxatdan o‘tkazilgan fuqarolik holati dalolatnomalari, dalolatnoma yozuvlariga kiritilgan o‘zgartirish, tuzatish va qo‘shimchalar, familiya, ism va ota ismini o‘zgartirishlar, berilgan takroriy guvohnomalar va ma’lumotnomalar, xalqaro shartnomalar bo‘yicha ko‘rsatilgan huquqiy yordamlar va eksterritorial tamoyil asosida ko‘rsatilgan xizmatlarning soni.
(12-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 27-oktabrdagi 623-sonli qarori tahririda — Qonunchilik ma’lumotlari milliy bazasi, 28.10.2022-y., 09/22/623/0970-son)
13. FHDY arxivlari inspektorlari soni to‘g‘risidagi takliflarga quyidagi ma’lumotlar ilova qilinadi:
(13-bandning birinchi xatboshisi O‘zbekiston Respublikasi Vazirlar Mahkamasining 2020-yil 26-avgustdagi 514-sonli qarori tahririda — Qonun hujjatlari ma’lumotlari milliy bazasi, 27.08.2020-y., 09/20/514/1243-son)
oxirgi uch yilda berilgan ma’lumotnomalar, takroriy guvohnomalar va fuqarolik holati dalolatnomalaridan ko‘chirmalar soni;
14. FHDY organlari xodimlarining soni to‘g‘risidagi takliflar Vazirlik tomonidan umumlashtiriladi va kelishish uchun O‘zbekiston Respublikasi Moliya vazirligiga kiritiladi.
(14-band O‘zbekiston Respublikasi Vazirlar Mahkamasining 2022-yil 13-iyuldagi 385-sonli qarori tahririda — Qonunchilik ma’lumotlari milliy bazasi, 14.07.2022-y., 09/22/385/0643-son)
15. FHDY organlari xodimlarining soni to‘g‘risidagi takliflar O‘zbekiston Respublikasi Moliya vazirligi bilan belgilangan tartibda kelishilgandan keyin Vazirlik mazkur Nizomning 4-bandiga muvofiq tegishli qarorlar qabul qiladi.
(15-band O‘zbekiston Respublikasi Vazirlar Mahkamasining 2022-yil 13-iyuldagi 385-sonli qarori tahririda — Qonunchilik ma’lumotlari milliy bazasi, 14.07.2022-y., 09/22/385/0643-son)
(1-band O‘zbekiston Respublikasi Vazirlar Mahkamasining 2020-yil 26-avgustdagi 514-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 27.08.2020-y., 09/20/514/1243-son)
2. 28-ilovaning 1-bandi sakkizinchi xatboshidagi “Fuqarolik holatlarini qayd etish bo‘limlari boshliqlari (mudirlari) va” so‘zlari chiqarib tashlansin.