Oʻzbekiston Respublikasi Vazirlar Mahkamasining 2011-yil 28-apreldagi 122-sonli “Sertifikatlashtirish tartibotlarini va sifat menejmenti tizimlarini joriy etishni takomillashtirishga doir qoʻshimcha chora-tadbirlar toʻgʻrisida”gi qarori (Oʻzbekiston Respublikasi qonun hujjatlari toʻplami, 2011-yil, 18-son, 178-modda) asosida Oʻzbekiston standartlashtirish, metrologiya va sertifikatlashtirish agentligi va Oʻzbekiston Respublikasi Davlat bojxona qoʻmitasi qaror qiladilar:

1. “Oʻzdavstandart” tomonidan 1999-yil 10-dekabrda 06/972-son va Oʻzbekiston Respublikasi Davlat bojxona qoʻmitasi tomonidan 2000-yil 21-yanvarda 02/16-09-son bilan tasdiqlangan (roʻyxat raqami 901, 2000-yil 26-fevral) (Oʻzbekiston Respublikasi vazirliklari, davlat qoʻmitalari va idoralarining meʼyoriy hujjatlari axborotnomasi, 2000-y., 4-son) Majburiy sertifikatlashtirilishi lozim boʻlgan tovarlar (mahsulotlar)ni Oʻzbekiston Respublikasi hududiga olib kirish va uning hududidan olib chiqish tartibi toʻgʻrisidagi yoʻriqnomaga ilovaga* muvofiq oʻzgartirish kiritilsin.

2. Mazkur oʻzgartishlar Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiritilsin.