LexUZ sharhi
Mazkur qaror O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
G‘o‘zaning paxta tolasi sifati bo‘yicha jahon standartlari va talablariga javob beradigan tezpishar va yuqori hosilli seleksiya navlarini yanada oqilona joylashtirish, 2007-yil hosili uchun g‘o‘za ekish bo‘yicha barcha ishlar kompleksining o‘z vaqtida tashkil etilishini ta’minlash maqsadida:
1. Qoraqalpog‘iston Respublikasi Vazirlar Kengashi, viloyatlar hokimliklarining O‘zbekiston Respublikasi Qishloq va suv xo‘jaligi vazirligi, Tashqi iqtisodiy aloqalar, investitsiyalar va savdo vazirligi, “O‘zpaxtasanoat” uyushmasining:
* 1-ilova rus tilidagi matnda beriladi.
* 2-ilova rus tilidagi matnda beriladi.
2007-yil uchun g‘o‘zaning asosiy seleksiya navlarini istiqbolliligi va iqtisodiy rag‘batlantirilishi bo‘yicha 3-ilovaga* muvofiq guruhlarga ajratish;
* 3-ilova rus tilidagi matnda beriladi.
chigitni 4-ilovaga* muvofiq plyonka ostiga ekish va xo‘jaliklarni polietilen plyonkalar bilan ta’minlash to‘g‘risidagi takliflariga rozilik berilsin.
* 4-ilova rus tilidagi matnda beriladi.
2. 2007-yilda davlat ehtiyojlari uchun xarid qilinadigan paxta tolasi hajmi uning amalda yetishtiriladigan hajmining 50% miqdorida saqlab qolinsin.
Paxta yetishtirishning 1-ilovada ko‘rsatilgan hajmlari 2007-yil hosili uchun paxta yetishtiruvchi xo‘jaliklar va tayyorlov tashkilotlari o‘rtasida kontraktatsiya shartnomalari tuzishda nazorat ko‘rsatkichlari sifatida qaralsin.
3. Belgilansinki, qishloq va suv xo‘jaligi vaziri, Qoraqalpog‘iston Respublikasi Vazirlar Kengashi raisi, viloyatlar va tumanlarning hokimlari:
tumanda ikkitadan ortiq bo‘lmagan, xo‘jaliklarda esa bitta tavsiya etilgan g‘o‘za navi ekilishini hisobga olgan holda g‘o‘za navlarini joylashtirishning tasdiqlangan tartibiga rioya qilinishi;
respublika ilmiy-tadqiqot institutlari tomonidan ishlab chiqilgan tavsiyanomalar bo‘yicha har bir seleksiya navlari uchun g‘o‘zani parvarish qilish agrotexnikasiga qat’iy amal qilinishi uchun shaxsan javobgar bo‘ladilar.
2007-yil 20-fevralgacha urug‘lik paxtani tozalashni, 27-fevralgacha esa — ehtiyot zaxirasini hisobga olgan holda, urug‘lik chigit tayyorlashni tugallasin, shuningdek urug‘chilik korporatsiyalari va kompaniyalarini tuksizlantirilgan chigitlar bilan 5-ilovaga* muvofiq hajmlarda ta’minlasin;
* 5-ilova rus tilidagi matnda beriladi.
xo‘jaliklarga yuqori sifatli urug‘lik chigitning faqat dorilangan va sertifikatlar mavjud bo‘lgan holda, seleksiya navlarini 50%dan kam bo‘lmagan miqdorda oldindan to‘lash sharti bilan joylashtirishning tasdiqlan-gan tartibiga qat’iy muvofiq ravishda berilishini ta’minlasin.
5. O‘zbekiston Respublikasi Qishloq va suv xo‘jaligi vazirligi, Qoraqalpog‘iston Respublikasi Vazirlar Kengashi va viloyatlar hokimliklari:
urug‘lik chigit ekish uchun paxta ekadigan xo‘jaliklar ro‘yxatini bir oy muddatda tanlov asosida qayta ko‘rib chiqsinlar;
g‘o‘zaning yangi navlarini sinashni faqat ilmiy-tadqiqot institutlarining eksperimental bazalarida, bazaviy xo‘jaliklarda, yangi navlarni oldindan ko‘paytirish xo‘jaliklari va davlat nav sinash uchastkalarida amalga oshirsinlar.
paxta yetishtiruvchi xo‘jaliklar bilan “Paxtasanoat” hududiy aksiyadorlik jamiyatlari-o‘rtasida kontraktatsiya shartnomalarining o‘z vaqtida tuzilishi ustidan nazoratni;
tuzilgan shartnomalarga muvofiq paxta yetishtiruvchi xo‘jaliklarga mineral o‘g‘itlarni oldindan 75% haqini to‘lash sharti bilan o‘z vaqtida yetkazib berish ishlarining muvofiqlashtirilishini;
yoqilg‘i-moylash materiallarining belgilangan tartibda haqini to‘lash sharti bilan uzluksiz yetkazib berilishini;
g‘o‘zani parvarish qilishda agrotexnika tadbirlarining sifatli o‘tkazilishini, moddiy resurslarni yetkazib berishda shartnoma majburiyatlariga amal qilinishini ta’minlamayotgan davlat va xo‘jalik boshqaruvi organlarining mansabdor shaxslariga nisbatan qattiq intizomiy javobgarlik choralari ko‘rilishini ta’minlasin.
Sho‘rtan gaz-kimyo kompleksi 2007-yilda chigit ekish uchun polietilen plyonka ishlab chiqaruvchi zavodlarga xomashyo (granulalar)ning barcha hajmini sotishda;
“Jizzax plastmassa” aksiyadorlik jamiyati va “Andijonpolietileni” qo‘shma korxonasi - tayyor polietilen plyonkalarni paxta yetishtiruvchi xo‘jaliklarga sotishda;
ekish uchun mo‘ljallangan urug‘lik chigiti - tizim ichida harakatlanganda va 2007-yil hosili uchun “O‘zpaxtasanoat” uyushmasining hududiy bo‘linmalari tomonidan sotishda qo‘shilgan qiymat solig‘i to‘lashdan ozod qilinsin.
8. Mazkur Qarorning ijrosini nazorat qilish O‘zbekiston Respublikasi Bosh vaziri Sh.M. Mirziyoyev zimmasiga yuklansin.