Т/р | Чора-тадбирлар | Амалга ошириш механизмлари | Ижро муддатлари | Молиялаштириш манбалари | Масъул ижрочилар |
1. | Ёшлар ўртасида қўл жангини кенг тарғиб қилиш. | 1. Умумий ўрта таълим мактабларида қўл жанги бўйича таниқли ва фахрий спортчилар ҳамда тренерлар иштирокида семинар, тренинг, маҳорат сабоқларини ташкил этиш жадвалини ишлаб чиқиш ва тасдиқлаш. | Ишлаб чиқиш ва тасдиқлаш — 2022 йил август Амалга ошириш — 2022/2023 ўқув йилидан бошлаб | Ижрочилар ва ҳомийлар маблағлари | Ёшлар сиёсати ва спорт вазирлиги Ўзбекистон ҳуқуқни муҳофаза қилиш органлари Қўл жанги федерацияси (Р. Джураев), Мактабгача ва мактаб таълими вазирлиги |
2. Қўл жанги бўйича ўқув-услубий қўлланмаларни тайёрлаш ва нашр этиш. | 2023 йил апрель | Ҳомийлик маблағлари | Ўзбекистон ҳуқуқни муҳофаза қилиш органлари қўл жанги федерацияси (Р. Джураев), Ёшлар сиёсати ва спорт вазирлиги | ||
3. Ҳудудларда, туман (шаҳар) марказларида, умумий ўрта таълим мактабларида, истироҳат боғларида ва бошқа масканларда «Қўл жанги спорт тури куни»ни кенг нишонлаш. | Ҳар йили 23 март | Ижрочилар ва ҳомийлар маблағлари | Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари,Мактабгача ва мактаб таълими вазирлиги Ўзбекистон ҳуқуқни муҳофаза қилиш органлари Қўл жанги федерацияси (Р. Джураев) | ||
2. | Қўл жанги бўйича халқаро ва республика мусобақаларини ўтказиш. | 1. Ҳар йили 14 январь — Ватан ҳимоячилари кунига бағишланган Қуролли Кучлар чемпионатини ҳамда хизмат вазифасини бажариш чоғида қаҳрамонлик ва жасорат кўрсатиб, ҳалок бўлган ҳарбий хизматчилар ва ходимлар хотирасига бағишланган Хотира турнирини ташкил этиш. | 2023 йил январь, апрель | Ижрочилар ва ҳомийлар маблағлари | Ўзбекистон ҳуқуқни муҳофаза қилиш органларининг Қўл жанги федерацияси (Р. Джураев), Ёшлар сиёсати ва спорт вазирлиги Миллий гвардия (Р. Джураев), Давлат хавфсизлик хизмати (А. Азизов), Мудофаа вазирлиги (Б. Курбанов), Ички ишлар вазирлиги (П. Бобожонов), Фавқулодда вазиятлар вазирлиги (А. Кулдашев), Иқтисодиёт ва молия вазирлиги Маданият ва туризм вазирлиги Бухоро (Б. Зарипов), Қашқадарё (М. Азимов), Наманган (Ш. Абдуразаков), Самарқанд (Э. Турдимов) ва Тошкент шаҳар |
2. Ҳар йили профессионал спортчилар ўртасида «Ўзбекистон Республикаси Президенти кубоги» халқаро турнирини ўтказиш. | 2023 йил июль | ||||
3. Ҳар икки йилда бир маротаба ёшлар ўртасида «Амир Темур кубоги» халқаро турнирини ўтказиш. | 2024 йил апрель | ||||
3. | Қўл жанги бўйича миллий терма жамоа аъзоларининг нуфузли халқаро мусобақаларда иштирокини таъминлаш. | 1. Спорт ва оммавий жисмоний тарбия тадбирларининг календарь режаларига асосан қўл жанги бўйича мусобақаларни тизимли равишда ўтказиш. 2. Иқтидорли спортчиларни аниқлаш, танлаш ва саралаш (селекция), шунингдек, миллий терма жамоалар таркибига киритиш. 3. Нуфузли халқаро мусобақаларда терма жамоа аъзоларининг иштирокини таъминлаш. | 2022-2023 йиллар давомида | Спорт ва оммавий жисмоний тарбия тадбирларининг календарь режаларида назарда тутилган маблағлар | Ёшлар сиёсати ва спорт вазирлиги Ўзбекистон ҳуқуқни муҳофаза қилиш органлари Қўл жанги федерацияси (Р. Джураев) |
4. | Қўл жанги бўйича тренерлар, ҳакамлар ва мутахассисларни қайта тайёрлаш ҳамда уларнинг малакасини ошириш. | 1. Қўл жанги бўйича малака ошириш курсларига жалб қилинмаган тренерлар, ҳакамлар ва мутахассисларнинг рўйхатини шакллантириш ва тасдиқлаш. | 2022 йил июнь | Ижрочилар маблағлари | Спортни ривожлантириш вазирлиги (А. Икрамов), Ўзбекистон ҳуқуқни муҳофаза қилиш органларининг Қўл жанги федерацияси (Р. Джураев) |
2. Тасдиқланган рўйхат асосида тренерлар, ҳакамлар ва мутахассисларни қайта тайёрлаш ҳамда уларнинг малакасини ошириш курсларини ташкил этиш. | 2022 йил август | ||||
5. | Туман (шаҳар)ларда қўл жанги бўйича давлат-хусусий шериклик асосида клублар фаолиятини ташкил этиш. | 1. Тадбиркорлик субъектлари ва салоҳиятли инвесторлар билан қўл жанги бўйича клубларни ташкил қилиш юзасидан музокаралар олиб бориш. 2. Тадбиркорлик субъектлари ва салоҳиятли инвесторларга клубларни ташкил қилиш бўйича ҳар томонлама кўмак бериш ва клублар фаолиятини йўлга қўйиш. | 2022-2023 йиллар давомида | Ижрочилар ва тадбиркорлик субъектлари маблағлари | Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Ўзбекистон ҳуқуқни муҳофаза қилиш органлари Қўл жанги федерацияси (Р. Джураев), Давлат-хусусий шерикликни ривожлантириш агентлиги (З. Бозоров) |
6. | Ўзбекистон ҳуқуқни муҳофаза қилиш органлари Қўл жанги федерацияси ҳудудий бўлинмаларининг моддий-техника базасини мустаҳкамлашга кўмаклашиш. | 1. Ўзбекистон ҳуқуқни муҳофаза қилиш органлари Қўл жанги федерацияси ҳудудий бўлинмаларининг моддий-техника базаси ва ресурс имкониятларини хатловдан ўтказиш. | 2022 йил август | Ижрочилар ва ҳомийлар маблағлари | Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Ўзбекистон ҳуқуқни муҳофаза қилиш органлари Қўл жанги федерацияси (Р. Джураев) |
2. Хатлов натижаларига кўра ҳудудий бўлинмаларнинг молиявий ва моддий-техника базасини мустаҳкамлаш, уларга бўш турган биноларни белгиланган тартибда ажратиб бериш. | 2022 йил декабрь |
Ўзбекистон Республикаси Президентининг қарори, 20.06.2022 йилдаги ПҚ-287-сон
Кучга кириш санаси
20.06.2022
Рус
Ўзб
O’zb
Ўзб|Рус
Қўл жанги спорт турини аҳоли, айниқса, ёшлар, Қуролли Кучлар ҳарбий хизматчилари ва ҳуқуқни муҳофаза қилиш органларининг ходимлари ўртасида янада оммалаштириш, соҳа учун моддий-техник базани мустаҳкамлаш ҳамда малакали кадрлар, тренерлар ва ҳакамлар тайёрлашга бўлган эътиборни янада кучайтириш мақсадида:
қўл жанги бўйича 10 минг нафардан ортиқ ёшлар ва ҳарбий хизматчилар (ходимлар) спорт машғулотлари билан мунтазам шуғулланиб келаётганлиги;
қўл жанги бўйича 230 нафар Ўзбекистон спорт усталари ва 60 нафар Халқаро тоифадаги Ўзбекистон спорт усталари етишиб чиққанлиги;
қўл жанги ўзида бокс, таэквондо, кураш, каратэ, самбо, ушу каби спорт турларини жамлаганлиги ва сўнгги йилларда бошқа анъанавий спорт турларига нисбатан кенг оммалашиб бораётганлиги;
Ўзбекистон ҳуқуқни муҳофаза қилиш органларининг Қўл жанги федерацияси республиканинг ҳуқуқни муҳофаза қилиш органлари ва «Динамо» жисмоний тарбия спорт жамияти ташаббуси билан ташкил этилганлиги;
қўл жанги Мустақил Давлатлар Ҳамдўстлиги мамлакатлари орасида ҳар йили ўтказиладиган «Армия ўйинлари» дастурига киритилганлиги маълумот учун қабул қилинсин.
қўл жанги бўйича тизимли равишда мусобақалар ўтказиш ҳамда иқтидорли спортчиларни аниқлаш, танлаш ва саралаш (селекция);
Олдинги таҳрирга қаранг.
қўл жангини янада оммалаштириш, бу борада ёшларни спорт клублари, спорт мактабларининг секциялари ва тўгаракларига кенг жалб этиш ҳамда шу орқали спортчиларнинг жиноятларни содир этиш ва жиноий гуруҳларга қўшилиб кетишининг олдини олиш;
(2-банднинг учинчи хатбошиси Ўзбекистон Республикаси Президентининг 2023 йил 12 июндаги ПФ-92-сонли Фармони таҳририда — Қонунчилик маълумотлари миллий базаси, 13.06.2023 й., 06/23/92/0366-сон)
қўл жанги бўйича профессионал тренерлар, малакали ҳакамлар ва мутахассисларни тайёрлаш тизимини ривожлантириш, ўқув-услубий қўлланмалар ишлаб чиқиш;
қўл жангини ҳам устувор спорт тури сифатида Қуролли Кучлар ва ҳуқуқни муҳофаза қилиш органларининг жисмоний тайёргарлик машғулотларига босқичма-босқич киритиш;
қўл жангини Қуролли Кучлар хизматчилари ва ҳуқуқни муҳофаза қилиш органлари ходимлари ҳамда аҳоли ўртасида, шу жумладан, оммавий ахборот воситалари орқали кенг тарғиб қилиш.
3. Ўзбекистон ҳуқуқни муҳофаза қилиш органларининг Қўл жанги федерацияси, Миллий гвардия, Давлат хавфсизлик хизмати, Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат божхона қўмитаси ҳамда Спортни ривожлантириш вазирлигининг 2023 йилдан бошлаб анъанавий тарзда қўл жанги спорт тури бўйича:
ҳар йили Тошкент шаҳрида 14 январь — Ватан ҳимоячилари кунига бағишланган Қуролли Кучлар чемпионатини ҳамда ўз хизмат вазифасини бажариш чоғида қаҳрамонлик ва жасорат кўрсатиб, ҳалок бўлган ҳарбий хизматчилар ва ходимлар хотирасига бағишланган Хотира турнирини ташкил этиш;
ҳар йили Наманган шаҳрида профессионал спортчилар ўртасида «Ўзбекистон Республикаси Президенти кубоги» халқаро турнирини ўтказиш;
ҳар икки йилда бир маротаба Қарши, Самарқанд ва Бухоро шаҳарларида ёшлар ўртасида «Амир Темур кубоги» халқаро турнирини ўтказиш тўғрисидаги таклифлари маъқуллансин.
Олдинги таҳрирга қаранг.
Ўзбекистон ҳуқуқни муҳофаза қилиш органларининг Қўл жанги федерацияси (Р. Джураев), Ёшлар сиёсати ва спорт вазирлиги (А. Икрамов) манфаатдор вазирлик ва идоралар билан биргаликда:
(3-банднинг бешинчи хатбошиси Ўзбекистон Республикаси Президентининг 2023 йил 12 июндаги ПФ-92-сонли Фармони таҳририда — Қонунчилик маълумотлари миллий базаси, 13.06.2023 й., 06/23/92/0366-сон)
икки ой муддатда ушбу қарорнинг 3-бандида кўрсатилган мусобақаларга пухта тайёргарлик кўриш ва уларни юқори савияда ўтказиш бўйича чора-тадбирлар режасини тасдиқласин;
халқаро турнирларда маҳаллий спортчилар билан биргаликда юқори рейтингга эга бўлган кучли халқаро спортчилар, тренерлар ва ҳакамларнинг иштирокини таъминласин;
юқоридаги мусобақалар ва турнирларни ўтказиш жараёнини маҳаллий ва хорижий оммавий ахборот воситалари ҳамда бошқа коммуникация манбаларида кенг ёритсин.
Олдинги таҳрирга қаранг.
Туризм қўмитаси (У. Шадиев) юқоридаги мусобақалар ва турнирларни туристик маршрутлар объектлари рўйхатига киритсин, уларга хорижий ва маҳаллий туристларни жалб қилиш чораларини кўрсин.
(3-банднинг тўққизинчи хатбошиси Ўзбекистон Республикаси Президентининг 2023 йил 25 декабрдаги ПФ-214-сонли Фармони таҳририда — Қонунчилик маълумотлари миллий базаси, 29.12.2023 й., 06/23/214/0984-сон)
Олдинги таҳрирга қаранг.
4. Ёшлар сиёсати ва спорт вазирлиги (А. Икрамов), Ўзбекистон ҳуқуқни муҳофаза қилиш органларининг Қўл жанги федерацияси (Р. Джураев):
(4-банднинг биринчи хатбошиси Ўзбекистон Республикаси Президентининг 2023 йил 12 июндаги ПФ-92-сонли Фармони таҳририда — Қонунчилик маълумотлари миллий базаси, 13.06.2023 й., 06/23/92/0366-сон)
уч ой муддатда қўл жанги бўйича тренерлар, ҳакамлар ва мутахассисларни қайта тайёрлаш ҳамда уларнинг малакасини ошириш режасини тасдиқласин ва унинг амалга оширилишини таъминласин;
Олдинги таҳрирга қаранг.
Мактабгача ва мактаб таълими вазирлиги билан биргаликда 2022/2023 ўқув йилидан бошлаб умумий ўрта таълим мактабларида қўл жанги бўйича таниқли ва фахрий спортчилар ҳамда тренерлар иштирокида семинар, тренинг, маҳорат сабоқларини ташкил этсин.
(4-банднинг учинчи хатбошиси Ўзбекистон Республикаси Президентининг 2023 йил 12 июндаги ПФ-92-сонли Фармони таҳририда — Қонунчилик маълумотлари миллий базаси, 13.06.2023 й., 06/23/92/0366-сон)
5. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Ўзбекистон ҳуқуқни муҳофаза қилиш органларининг Қўл жанги федерацияси билан биргаликда икки ой муддатда:
а) ҳар бир ҳудуднинг битта туман (шаҳар)ида қўл жангини устувор спорт тури сифатида белгиласин ҳамда уни ривожлантириш ва оммалаштириш бўйича «йўл хариталари»ни ишлаб чиқсин. Бунда, қуйидагилар назарда тутилсин:
тегишли туман (шаҳар)да қўл жанги бўйича спорт базаларини ташкил этиш ёки мавжудларини ушбу спорт турига қайта ихтисослаштириш;
тегишли туман (шаҳар)да қўл жангини оммалаштириш мақсадида маҳаллий бюджетларнинг қолдиқ маблағлари ва даромадлар режасининг ошириб бажарилган қисмидан маблағ йўналтириш;
б) Ўзбекистон ҳуқуқни муҳофаза қилиш органларининг Қўл жанги федерацияси ҳудудий бўлинмаларининг молиявий ва моддий-техник базасини мустаҳкамлашга кўмаклашсин;
в) жойлардаги раҳбар кадрлар орасидан номзодларни Ўзбекистон ҳуқуқни муҳофаза қилиш органларининг Қўл жанги федерацияси ҳудудий бўлинмаларининг раиси лавозимига тавсия этиб борсин.
6. Тошкент шаҳар ҳокимлиги (Ж. Артикходжаев), Давлат активларини бошқариш агентлиги (А. Ортиқов), Спортни ривожлантириш вазирлиги (А. Икрамов) 2022 йил якунига қадар Ўзбекистон ҳуқуқни муҳофаза қилиш органларининг Қўл жанги федерациясини маъмурий бино билан, шунингдек, қўл жанги бўйича миллий терма жамоа аъзоларининг ўқув-машғулот йиғинларини ўтказиш учун спорт базаси билан текин фойдаланиш ҳуқуқи асосида таъминлаш чораларини кўрсин. Бунда:
Ўзбекистон ҳуқуқни муҳофаза қилиш органларининг Қўл жанги федерацияси томонидан спорт базаларига методик ёрдам кўрсатиш;
Ўзбекистон ҳуқуқни муҳофаза қилиш органларининг Қўл жанги федерацияси томонидан умумий ва махсус жисмоний тайёргарлик, ўқув машғулотлари ва мусобақаларни ўтказиш учун очиқ турдаги спорт майдони ва спорт залларидан фойдаланиш белгилаб қўйилсин.
7. Қўл жанги спорт турини янада ривожлантириш ва оммалаштириш бўйича қўшимча манзилли чора-тадбирлар дастури иловага мувофиқ тасдиқлансин.
8. Миллий гвардия (Р. Джураев), Давлат хавфсизлик хизмати (А. Азизов), Мудофаа вазирлиги (Б. Курбанов), Ички ишлар вазирлиги (П. Бобожонов), Фавқулодда вазиятлар вазирлиги (А. Кулдашев), Давлат божхона қўмитаси (А. Мавлонов) ва бошқа ҳуқуқни муҳофаза қилиш органлари бир ой муддатда Қуролли Кучлар ва ҳуқуқни муҳофаза қилиш органларининг жисмоний тайёргарлик машғулотларига қўл жангини киритиш, шунингдек, тизим хизматчилари ва ходимлари орасида мазкур спорт турини кенг тарғиб қилиш бўйича «йўл хариталари»ни ишлаб чиқсин ва амалга оширсин.
9. Ўзбекистон ҳуқуқни муҳофаза қилиш органларининг Қўл жанги федерацияси (Р. Джураев), Ўзбекистон Миллий ахборот агентлиги (А. Кўчимов), Ўзбекистон Миллий телерадиокомпанияси (А. Хаджаев), Ахборот ва оммавий коммуникациялар агентлиги (А. Ходжаев) ҳамда Спортни ривожлантириш вазирлиги (А. Икрамов) бир ой муддатда қуйидагиларни назарда тутувчи қўл жанги спорт турини ривожлантириш борасида амалга оширилаётган ишларни оммалаштиришга қаратилган тарғибот дастурини ишлаб чиқсин ва амалга оширсин:
қўл жанги бўйича мақолалар ёзиш ва эълон қилиш, шунингдек, махсус роликлар тайёрлаш ва эфирга узатиш;
қўл жанги бўйича мусобақаларни ўтказиш жараёнларини ҳамда уларда эришилган ютуқларни кенг ёритиш ва тарғиб қилиш.
10. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари ҳудудий телеканаллар, оммавий ахборот воситалари ва бошқа коммуникация манбаларида мазкур қарорнинг мақсад ва вазифалари, қўл жанги спорт тури бўйича маълумотларни кенг ёритиб бориш ишларини амалга ошириб борсин.
Олдинги таҳрирга қаранг.
11. Ушбу қарорнинг ижросини самарали ташкил қилишга масъул ва шахсий жавобгар этиб ёшлар сиёсати ва спорт вазири А.И. Икрамов ҳамда Ўзбекистон ҳуқуқни муҳофаза қилиш органларининг Қўл жанги федерацияси раиси, Миллий гвардия қўмондони Р.М. Джураев белгилансин.
(11-банднинг биринчи хатбошиси Ўзбекистон Республикаси Президентининг 2023 йил 12 июндаги ПФ-92-сонли Фармони таҳририда — Қонунчилик маълумотлари миллий базаси, 13.06.2023 й., 06/23/92/0366-сон)
Олдинги таҳрирга қаранг.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов ҳамда Ўзбекистон Республикаси Президентининг маслаҳатчиси К.К. Куранбаев зиммасига юклансин.
(11-банднинг иккинчи хатбошиси Ўзбекистон Республикаси Президентининг 2023 йил 12 июндаги ПФ-92-сонли Фармони таҳририда — Қонунчилик маълумотлари миллий базаси, 13.06.2023 й., 06/23/92/0366-сон)
Олдинги таҳрирга қаранг.
(илова Ўзбекистон Республикаси Президентининг 2023 йил 12 июндаги ПФ-92-сонли Фармони таҳририда — Қонунчилик маълумотлари миллий базаси, 13.06.2023 й., 06/23/92/0366-сон)